(الحچي ماکله الثور )
يسولفون عن وحدة من بنات السلف تسرح بحلال اهلها
هاي البت الريفية صابتها حرورة الجو ودگتها الشمس التفتت منا ومنا گالت خل اگيل بالماي وابرد رويحتي ماطول مامش احد نزعت هديماتها وگيلت بالماي
وشافت شاب مجبل على النهر لبدت بالگصب والشهف وهو سگه الفرس وراح
ولمن طلعت ولن مامش اهدومها وبقت عريانة بالماي وتخرط بخدودها وتنوح وتگول يمه ياشهيرتج يمدلولة يبت شيهان اخذو هدومي وخلوني سفرتح
لزمن هذا السگه الفرس هو اخذ هديماتي
وبقت بالماي لحد ما غربت الشمس ساترة روحها بالماي وهنا استبطوها اهلها فزعو اخوتها يدورون عليها من بعد ما روح الحلال لهلها ودليلة مامش
اخوتهاكلمن اخذ مشعل الگصب وطلع يدور ويصحيون
_دليلة هلااا وين صرتي ؟
هنا سمعتهم دليلة گالت
_هنا يخايبين هنا انباگن هديماتي وظليت
واحد من اخوتها نزل للماي ونزع دشداشته ولبسها وسترها وردو بيها للبيت التمو اهلها كلولها
_خايبة شلون انباگت اهدومچ؟ گالت
_ صابتني الشمس واحتريت وگلت اگیل شويه بالميه حتى ابرد رويحتي طلعت ولن مامش هدومي
گلولها
_زين ماشفتي ياهو الاخذهن گالت لا بس شفت واحد من گفاه راكب بفرس اكحيلة سگه الفرس وراح واني چنت لابده بالشهفة حتى لايشوفني وراح بس ماشفت وجهه
ثاني يوم طلعو يدورون بالسلف ياهو عده فرس كحيلة وبذاك الوكت مو ياهو الچان عده فرس بس الشيوخ وولاد الشيوخ ولنهم يحضون بالفرس الكحيلة طلعت مال خيون ابن شيخ مطشر
هنا ولن اهل مدلولة ودو گوامة لبيت شيخ مطشر
وبيت مطشر ماعرفو شني القصة وعلى شني الگوامة ودولهم طرف ثالث من غير عشيرة كلهم عمي گوامتكم للوادم على شني گلوله كيت وكيت السالفه راح الزلمة وحجه لشيخ مطشر
مطشر نكت عباته وصاح
_ انا غلام ابوي جيبولي خيون هسه
اجه خيون وهم مايدري شني السالفة گله عد عيناك بويه كله _ولك هاي سوايه تسويها تريد تركس راسي بالوحل شلون تبوك هدوم بت شيهان وتخليها عريانه بالهور ؟
خيون هم تفاجئ كله
_يبويه اني ترباتك وتعرفني ماسوي هيج فعل
كله
_انت چنت بهذا المچان وسكيت الفرس كله
اي يبويه بس ماشف احد هناك كله
_بويه السالفه ركبت براسنه بعد وحولنه عدهم وباجر الكعده تصير بمضيفهم ونفصل
اذا رادو یمین احنه نحلف واذا رادو فصل هم نفصل بس يبني اذا انت مامسوي هاي السواية الله راح يظهر الحق واحنه ناس چبيرين بخت
المهم صارت الگعدة بمضيف بيت شيهان وشيهان حضر عمامة وذبحو اكبر ثور وامر النسوان يطبخن الغدة حتى يكفي الوادم الجاية
بدت الناس تسير للمضيف وگعدت الناس وبده الحچي والمفاصل بيناتهم ولهنا ولن ام مدلولة تودي واحد من ولدها للمضيف گلتله تصيح شيهان لزوم يجينه هسه اجه الولد وصاح لبوه كله بويه امي تريدك هسه ولزوم تجي السالفه مخطرة كله يخايب شلون اعوف الوادم بالمضيف واجيك كله مامش هسه تريدك
شيهان نكت عباته وگام وراح كلها يم مدلوله خيرج
كلتله
_ يشيهان تلاحگلنه ذبحنه الثور الچيبر وشگينه كرشته نريد انظفها وطلعت اهدوم مدلولة بكرشة الثور
هنا شيهان دگ على راسه وگال اشتهرنه شحجي وشگول للوادم الگاعده ؟
هنا راح تبين الحكمة وحسن التصرف
رجع شيهان للمضيف بس لونه مخطوف وشكله متغير انتبه عليه شيخ مطشر وكله خيرك يبو مدلولة احچي شوراك وشعدك؟
كله
_ والله يابو خيون شحجيلك والحجي ماكله الثور!!
هنا نباهة الشيخ مطشر بينت وعرف الكلام شمقصود منه وگل للوادم الجاية وياه اتغدو واشبعو واقرو الفاتحة الموتانه والسالفة انحلت ومامش شي
اتغدت الوادم وشبعت وشربت الچاي المهيل وطلعت ومحد عرف شني السبب
هنا تبين طيبة الناس الاولية لاشهر ولا حجه بالسالفة ..
خاف على شيهان لاتصيبه الفشلة بين عمامة واهل السلف
وبقى هذا مثل تتناقله الاجيال
(يگله شحچي والحچي ماكله الثور)
يسولفون عن وحدة من بنات السلف تسرح بحلال اهلها
هاي البت الريفية صابتها حرورة الجو ودگتها الشمس التفتت منا ومنا گالت خل اگيل بالماي وابرد رويحتي ماطول مامش احد نزعت هديماتها وگيلت بالماي
وشافت شاب مجبل على النهر لبدت بالگصب والشهف وهو سگه الفرس وراح
ولمن طلعت ولن مامش اهدومها وبقت عريانة بالماي وتخرط بخدودها وتنوح وتگول يمه ياشهيرتج يمدلولة يبت شيهان اخذو هدومي وخلوني سفرتح
لزمن هذا السگه الفرس هو اخذ هديماتي
وبقت بالماي لحد ما غربت الشمس ساترة روحها بالماي وهنا استبطوها اهلها فزعو اخوتها يدورون عليها من بعد ما روح الحلال لهلها ودليلة مامش
اخوتهاكلمن اخذ مشعل الگصب وطلع يدور ويصحيون
_دليلة هلااا وين صرتي ؟
هنا سمعتهم دليلة گالت
_هنا يخايبين هنا انباگن هديماتي وظليت
واحد من اخوتها نزل للماي ونزع دشداشته ولبسها وسترها وردو بيها للبيت التمو اهلها كلولها
_خايبة شلون انباگت اهدومچ؟ گالت
_ صابتني الشمس واحتريت وگلت اگیل شويه بالميه حتى ابرد رويحتي طلعت ولن مامش هدومي
گلولها
_زين ماشفتي ياهو الاخذهن گالت لا بس شفت واحد من گفاه راكب بفرس اكحيلة سگه الفرس وراح واني چنت لابده بالشهفة حتى لايشوفني وراح بس ماشفت وجهه
ثاني يوم طلعو يدورون بالسلف ياهو عده فرس كحيلة وبذاك الوكت مو ياهو الچان عده فرس بس الشيوخ وولاد الشيوخ ولنهم يحضون بالفرس الكحيلة طلعت مال خيون ابن شيخ مطشر
هنا ولن اهل مدلولة ودو گوامة لبيت شيخ مطشر
وبيت مطشر ماعرفو شني القصة وعلى شني الگوامة ودولهم طرف ثالث من غير عشيرة كلهم عمي گوامتكم للوادم على شني گلوله كيت وكيت السالفه راح الزلمة وحجه لشيخ مطشر
مطشر نكت عباته وصاح
_ انا غلام ابوي جيبولي خيون هسه
اجه خيون وهم مايدري شني السالفة گله عد عيناك بويه كله _ولك هاي سوايه تسويها تريد تركس راسي بالوحل شلون تبوك هدوم بت شيهان وتخليها عريانه بالهور ؟
خيون هم تفاجئ كله
_يبويه اني ترباتك وتعرفني ماسوي هيج فعل
كله
_انت چنت بهذا المچان وسكيت الفرس كله
اي يبويه بس ماشف احد هناك كله
_بويه السالفه ركبت براسنه بعد وحولنه عدهم وباجر الكعده تصير بمضيفهم ونفصل
اذا رادو یمین احنه نحلف واذا رادو فصل هم نفصل بس يبني اذا انت مامسوي هاي السواية الله راح يظهر الحق واحنه ناس چبيرين بخت
المهم صارت الگعدة بمضيف بيت شيهان وشيهان حضر عمامة وذبحو اكبر ثور وامر النسوان يطبخن الغدة حتى يكفي الوادم الجاية
بدت الناس تسير للمضيف وگعدت الناس وبده الحچي والمفاصل بيناتهم ولهنا ولن ام مدلولة تودي واحد من ولدها للمضيف گلتله تصيح شيهان لزوم يجينه هسه اجه الولد وصاح لبوه كله بويه امي تريدك هسه ولزوم تجي السالفه مخطرة كله يخايب شلون اعوف الوادم بالمضيف واجيك كله مامش هسه تريدك
شيهان نكت عباته وگام وراح كلها يم مدلوله خيرج
كلتله
_ يشيهان تلاحگلنه ذبحنه الثور الچيبر وشگينه كرشته نريد انظفها وطلعت اهدوم مدلولة بكرشة الثور
هنا شيهان دگ على راسه وگال اشتهرنه شحجي وشگول للوادم الگاعده ؟
هنا راح تبين الحكمة وحسن التصرف
رجع شيهان للمضيف بس لونه مخطوف وشكله متغير انتبه عليه شيخ مطشر وكله خيرك يبو مدلولة احچي شوراك وشعدك؟
كله
_ والله يابو خيون شحجيلك والحجي ماكله الثور!!
هنا نباهة الشيخ مطشر بينت وعرف الكلام شمقصود منه وگل للوادم الجاية وياه اتغدو واشبعو واقرو الفاتحة الموتانه والسالفة انحلت ومامش شي
اتغدت الوادم وشبعت وشربت الچاي المهيل وطلعت ومحد عرف شني السبب
هنا تبين طيبة الناس الاولية لاشهر ولا حجه بالسالفة ..
خاف على شيهان لاتصيبه الفشلة بين عمامة واهل السلف
وبقى هذا مثل تتناقله الاجيال
(يگله شحچي والحچي ماكله الثور)
