ROTATION CHANNEL Telegram Posts

السلام عليكم
اليوم بوست جديد و لكجر جديدة على التوكس
اليوم موضوعنه خاص و مهم .. اعتقد كل شهريا نشوف كيس بالطوارئ منه
اللي هو شرب المواد الكاوية - CAUSTIC INGESTION
تتقسم المواد الكاوية الى مواد حامضية Acid و مواد قلوية alkaline
شلون المريض يجيك ؟
-اما يجيك متعمد انو يشرب المادة الكاوية من اجل الانتحار
-او يجيك انو بالغلط شرب مادة كاوية
-او يجيك من الشغل انو تعرض لاصابة من المواد الكاوية اثناء العمل

الاعراض اللي حتبين على المريض اما تكون Respiratory او تكون جهاز هضمي GIT
الدايكنوزز يصير عن طريق ال CT scan و ال endoscopy
بالنسبة للوقت المناسب للناظور هو بين ( 12 ساعة الى 24 ساعة ) من شرب المادة الكاوية

اذا سويت الناظور قبل وكت ( قبل ال 12 ساعة ) احتمال ما تشوف تاثير المواد الكاوية على المرئ
و اذا سويت الناظور وره ال 24 ساعة و خاصة وره اليوم ال الخامس .. حتشكل خطورة انو تسوي perforations لانو المرئ يكون هش جدا

بالنسبة للمفراس يفيد حتى يساعد الناظور على معرفة اذا جان اكو perforation و اذا اكو mediastinitis لو peritoneal fluid او ِpertoneal air

بالنسبة للعلاج :
اولا: السيطرة على مجرى التنفس - AIRWAY عن طريق انو اتشوف الاعراض اللي مبينه على المريض
اذا جان بادي عنده signs of upper air way obstruction هنا تحضر روحك للا intubation

ثانيا: اعطاء مغذيات 20 - 40 سي سي لكل كيلو

ثالثا : neutralization and dilution
ما يصير اتسوي تخفيف للسوائل الموجودة بالبطن عن طريق اعطاء ماء مثلا او حليب لانو التاثير راسن يبين على المرئ .. فما تلحك عليه
ممكن انو اول 5 دقايق تنطي كوب مي او كوب حليب ( اول خمس دقائق فقط )
رابعا : ال steroids , Antibiotic
المريض حسب تنتنالي يكول ما يستفاد من الانتي بايوتك و روزن
بس اكو بروزن خال انو ال سوه دراسة على الاطفال ممكن يفيدهم اكثر
جرع مثيل بردنزلون لمدة 3 ايام يقلل فرصة حصول ال strictures

الفديو كاملا للشرح على التك توك
https://www.tiktok.com/@firandwaleed/video/7473828769984302343

لنك المحاظرة على شكل بي دي اف
https://t.me/ferand_waleed/226

د. فرند وليد - مقيم اقدم طب الطورائ

******************
NEW POST
******************

اليوم موضوعنه على خلط مواد التنظيف المنزليه
اللي يقوم بيها الفرد العراقي من اجل انو يخلي التنظيف يصير احسن !!!
من هاي الامثلة هو خلط قاصر الفاس (المركب العلمي هو صوديوم هايبوكلورايت sodium hypochlorite ) مع المنظف الفلاش ( المركب العملي هو هايدروكلورك اسد - HCL hydrochloric acid )
و النتيجة من خلط الفلاش و القاصر هو غاز الكلورين
طبعا الفلاش حامضي و القاصر قاعدي .. فمن ينخلط حامص و قاعدة يصير عدنه ملح و مي و غاز الكلورين
NaOCl + 2HCl ====> Cl2 + NaCl + H2O
Cl2 = chlorine gas , NaCl = salt table , H2O = water

المثال التالي هو خلط القاصر مع منظف الشبابيك Easy اللي يحتوي على امونيا يكون النتيجة هو غاز الكلورامين الخانق
bleach + ammonia = chloramine gas
NaOCl + NH3 ======> NaOH + NH2Cl
NH2Cl = chloramine gas

المثال التالي هو خلط القاصر مع ال خل اللي حينتج عنه ال لكلور
NaClO + CH3COOH = HOCL + CH3COONA
2HOCL ======> Cl2 + H2O
و ايضا خلط ال هايدروجين بيروكسايد مع القاصر
يكون ال peractic acid

الشرح على شكل فديو


https://www.instagram.com/reel/DFw-14gi6FC/?igsh=N3phbjlqZTU3cng=

د. فرند وليد
مقيم اقدم طب الطوارئ

*************************
new post
**************************

مرحبا
نرجع وياكم على لكجر جديد من لكجرات التوكس
اليوم نشرح على ال hydrocarbon toxicity
بشكل عام الهايدروكاربون موجود بكل مكان حولنه و من اشهرها هو النفط و مشتقاته
خلي نجي التسمم بالنفط ...
اغلب الاعراض تجي هيه اعراض تنفسية
بسبب انو النفط او البازين يكون volatile اي انو يتبخر بساع حتى لو شربت مو استنشقته
نجي على التحاليل
ما تحتاج توكس سكرين .. اي انو ماكو تحليل بمختبر السموم حتى يكدر يشوف كمية النفط الابيض بدم المريض بالاضافة الى انو غير متوفرة و لو توفرت ما حتاثر على علاج المريض
الاعراض حتكون ملتي سستم
مو بس سستم واحد
تبدي من الرسبرتري اللي هيه الموست كومن و راها الكارديك و راها النيورو و الجي اي تي و ال رينل و ال ديرمل
بالنسبة للرسبرتري .. هاي الاعراض اصير لانو النفط بيه صفه انو يدمر ال رئة و ال surfactant الموجودة بالرئة مما يؤدي الى انو ال حويصلات تنكمش على روحها و ما تكدر تشتغل
بالنسبة للكارديك ... المشكل انو الهايدروكاربون يسوي سنستايزيشن للهارت .... catecholamine sensitization فالنتيجة منه انو اي شغله تصير او ايفنت مفاجأ او بيه excitatory مثل المريض جان دا يتعاطى و الشرطة تلكفه و يفز .. هنا احتمال كلبه كبل يوكف لانو يصير في اف كبل من وره الكاتوكلامين سيرج من وره ال الايفنت اللي صار
و الشغله الثاني انو احتمال المريض يصير هايبو تنشن
اما بالنسبة للنيورو .. فاحتمال المواد السامة تاثر على السنترل نيرفس سستم و تطلع عنده اعراض متفرقة
و اما بالنسبة لاعراض الرينل : يكول احتمال مادة التولين تسبب هايبوكليميا و renal tubular acidosis

بالنسبة للعلاج
اولا: الديكونتامنيشن
نبدي اول شي بالديكونتامنيشن اللي يشمل ال ديرمل ( تغسل جسمه بالمي و الصابون و تشيل الملابس المنكعة بالنفط ) و ال اوكيولر ( هنا لازم تسوي غسل بالنورمل سلاين )
اما ال غسل المعدة فهو ممنوع تماما و حاول قدر الامكان انو تمنع المريض من التقئ لانو يزيد الرسك مال اسبريشن نيمونيا
و الاكتفيتد جاركول ما يفيد لانو ما يكدر يمتص ال هايدروكاربون

ثانيا : الاير وي و الاعراض التنفسية
هنا اذا المريض يحتاج تيوب سويله تيوب عدها خلي المريض على اوكسجين و اذا ما فاد خلي على Cpap اكو دراسات بشان استخدام ال surfactant
اما الستيرويد فاختلاف بالاراء و اغلب الدراسات تكول لاتنطي ...
اما بالنسبة للاشعة فيكول تحتاج مرات الرديو فايندنك بس نص ساعة الى ساعة حتى تبين الاعراض على الاشعة ولكن هاي بالمرضى اللي حالاتهم تعبانه و اعارضهم قويه
اما اذا ما عدهم اعراض تنفسية فيكول انتظر 6 ساعات على الاغلب حتبين ال رديو فايندنغ
و يكول اذا المريض صارت حالته اتعس عيد الاشعة
و الانتي بايوتك لاتنطي الا اذا عندك اثبات انو عنده بكتريل انفكشن

ثالثا : الكارديك
الهايبوتنشن - او هبوط الضغط : هنا الكاتب يشجع على اعطاء فلود شكد ما تكدر انطي فلود ... و حاول ابد لاتنطي ال adrenaline , noradrenaline , dopamine
اما بالنسبة للارثميا .. فاحتمال المريض يصير VT و من يصير في تي حاول لاتنطي اميدارون ... و العلاج يكون بيتا بلوكر

ملخص الشرح الفوك
لاتنطي : لاتنطي ستيرويد / لاتنطي انتي بايوتك / لاتنطي ادرنالين ،نورادرنالين ، دوبامين ، اميدارون
انطي : اوكسجين ، فلود
فكر ب: ال سي باب - الهاي فلو اوكسجين - ايكمو - سيرفكتنت

فديو على اليوتيوب
https://youtu.be/tzdADRg-ZdQ

لنك ملف البي دي اف
https://t.me/ferand_waleed/221

لنك شرح الفديو على التك توك
https://vt.tiktok.com/ZS67WTLKo/

دكتور فرند وليد امين - مقيم اقدم طب الطورائ

⛔️⛔️⛔️⛔️⛔️⛔️⛔️⛔️⛔️⛔️⛔️
new post
⛔️⛔️⛔️⛔️⛔️⛔️⛔️⛔️⛔️⛔️⛔️

السلام عليكم
اليوم البوست على الوتكس مع فديو شرح سريع
من البرنسبلز الاساسية مال توكس هو
ال decontamination
و هي عملية منع امتصاص السموم من قبل جسم الانسان
تشمل غسل العين و غسل الجسم و غسل الجهاز الهضمي

بالنسبة للجهاز الهضمي .. تتم عملية الغسل عن طريق
1- احداث تقيئ (ممنوعة)
2- غسل المعدة (gastric lavage)
3- الفحم النشط (activated charcoal)
4 - غسل الامعاء whole bowel irrigation

بالنسبة لاحداث التقئ فهي ممنوعة تمام

اما بالنسبة لغسل المعدة لا توجد توصيات علمية و لا بحوث عنها ... و حسب منظمة
The American association of poison centres
توصي بعدم القيام بغسل المعدة بسبب المشاكل الكبيرة اللي تسببها من ضمنه ال aspiration and esophageal trauma
ملاحظة بغسل المعدة .. ينصح باستخدام ال تيوب بحجم 36 فرنج ( يعني بكد الجست تيوب مو الان جي العادي )

ملاحظة : يجب ان تنطبق هذي الشروط على غسل المعدة
-اول ساعة من تناول المادة
- يجب ان تكون مادة لا يمتصها ال فحم النشط و لا يوجد لها مضاد antidote فعال و تم اخذها بكميات كبيرة
- ان تكون نوع المادة اللي تن اخذها معروفة بانه قاتلة و قوية جدا

د. فرند وليد
مقيم اقدم طب الطورائ
https://www.instagram.com/reel/DFAtMhgiuJZ/?igsh=bHdlaG5janVwbjJj

السلام عليكم
اليوم نشرح عن بعض استخدامات السونار بالطوارئ
مرات يجينه مريض shocked
قد يكون المريض هو حالة جراحية (trauma patient ) و قد يكون هو حالة باطنية ( septic shock )
هنا ال bed side ultrasound ممكن تختصرلنه شغل ... و تقلل المورتالتي
مثلا مريض هو تروما و سوتيله بيد سايد الترا ساوند و جان بوزتف فاست و المريض shocked
بدال ما تنقل المريض من ردهة ل ردهة ... كبل تودي المريض لصالة العمليات ....

نفس الشي اذا جان المريض بردهة الباطنية و جان جاي shocked و ال wbc عالية
هنا حتفكر انته بال septic shock
بس اكو احتمال انو المريض dehydrated و يكون السبب hypovolemic shock و علاجه فلود
او اكو احتمال انو المريض عنده PE و هنا هذا اوبستركتف shock و علاجه اكتليز

فهنا جها الultrasound حيكون منقذ الك
تكدر تستخدم ال RUSH Protocol
هذا البروتكول يفحص
cardiac ultrasound ( check for cardiac functions and pericardial effusion )
IVC - inferior vena cave size ( check for fluid status of the patient )
check for DVT ( looking for signs of DVT )
Check for FAST and Lung ultrasound

د. فرند وليد — مقيم اقدم طب الطوارئ
https://www.instagram.com/reel/DEukN59C-_d/?utm_source=ig_web_copy_link

السلام عليكم
اليوم شرح على انواع اجهزة السونار البورتبل اللي تستخدم بالطوارئ و ردهات العناية المركزة
اكو نوعين اساسية يستخدموها
اللي هيه
اول نوع : ال hand held device
هذني ميزتهم انو حجمهم صغير و ممكن تخليهم بجنطتك او جيبك و وزنها ما يعبر ال نص الكيلو
معظم ذني الاجهزة وايرلس يكونن و ينربطن بالموبايل

و النوع الثاني : هو ال laptop
هذا النوع اللي يكون بحجم اللابتوب و دائما يخلوا على tray و نقله من مريض لاخر يكون سهل ..
هذا النوع يتميز ب flexibility و انو تكدر تغير البروبات و التصليح يكون اسهل
بس الحجم و الوزن يكون كبير ... صعب تخلي بجنطة مثلا ..
بس مو حجم جدا كبير مثل الكارت سستم

ماركات الاجهزة المشهورة بهذا المجال
butterflyiq
Clarius
GE ( VSCAN)
chison
Vinno
Mindray

نجي على جهاز butterfly
هذا الجهاز اجه بتكنلوجيا تختلف عن بقية الاجهزة
السنسر الخاص بالبروب مو من ال crystal و انما عبارة عن microchips نفس السنسرات مال سيارات مجمعة ب شريحة و توفرلك linear , curved , phased array بنفس البروب
الجهاز مشكلته انو بالعراق شركه ماكو يعني بدون ضمان و الجهاز ايضا نظام اشتراكات سنوي

جهاز Clarius
شركة كلاريس موجودة بالعراق و توفر اجهزة هاند هيلد .. اللي يحب يشوف فديوتهم على اليوتيوب
الكوالتي اللي ينطي الجهاز رغم انو handheld بنفس كوالتي جهاز الكارت سستم
الجهاز مستخدمه و تكدرون تشوفون فديوات ماله
الشركة موجودة بشكل رسمي بالعراق عن طريق شركة ( بوابة ايسن aisin the gate ) و توفر دعم فني و ضمان للجهاز 3 سنين

جهاز GE
شركة معروفة و اجهزتها موجودة بهواي مستشفيات
عدها لاينات هواي كل لاين خاص بشي معين
لاين VSCAN هذا اللاين الهاند هيلد و جان عدنه جهاز موديل 2010 بقه يقاوم لحد 2022
الشركة ايضا عدها لاين ال venue هذا شاشة لمس يكون و تلكي بصالات العمليات
مشهور كلش و الجهاز يمكن اطباء التخدير كلها مستخدمته
الشركة موجودة بالعراق عن طريق ( مجموعة اشور الطبية )

شركة vinno
شركة ايطالية مشهورة بالكوالتي و الاسعار المناسبة
هوي من اطباء السونار يعرفوهن و يستخدموهن بالمستشفيات الحكومية
اللابتوب سستم متوفر و عدهم ال هاند هيلد
اللابتوب كلش مناسب و مراتب جان
الشركة موجودة بالعراق عن طريق ( شركة المبدع العلمي ) و عدهم عروض جدا قوية

شركة mindray
شركة صينية مشهورة بالكوالتي العالية و ثابته وجودها باوربا و امريكا
الشركة ايضا عدها حلول هاند هيلد و لابتوب سستم
بس شفت اللابتوب سستم مالهم افوردبل و ريلايبل
الشركة موجودة وكالتها بالعراق ايضا عن طريق ( الشركة الطبية المتحدة unimedica ultrasound )

شركة chison
شركة صينية موجودة بالعراق مشهورة بالاسعار المناسبة جدا
عدهم اجهزة ال هاند هيلد و اجهزة ال laptop
اجهزة اللابتوب اسعارها جدا منافسة
الشركة موجودة وكالتها بالعراق عن طريق ( شركة ارض التميز )

انشالله بالبوست الجاي اشرحلكم على استخدامات أجهزة الالتراساوند بالطوارئ بالعراق و شنو فرقتلنه بالعلاج

د. فرند وليد .. مقيم اقدم طب الطوارئ

https://www.instagram.com/reel/DEmzCSgCW0R/?igsh=eGtpeDFzemQ1cDRj

السلام عليكم
اليوم short notes على موضوع ال bleeding in uremic patient
المشكلة اللي اتصير بمرضى السي كي دي هو انو ال platelet function تقل بالرغم من وجود العدد الكافي منها
و هنا يجي مصطلح uremic platelet dysfunction
و اكثر مشاكل البليدنغ هيه upper and lower git bleeding
مثلا قبل كم يوم مريضين جانوا موجودين بالطوارئ سي كي دي و على دايالزز كل واحد منهم اخذ افرج ( 5 بطالة دم ) بس البليدنغ مستمر جان
فبهيج كيسات شنو الحل ؟؟؟؟
الحل هو :

1- desmopressin
2- conjugated estrogen
3 -platelet transfusion
4- cryoprecipitate

بالنسبة للدسموبرسين موجود بخاخ ينباع بالصيدليات
الجرعة ماله 0.3 مايكروغرام لكل كيلو و يفضلون الوريدي .. بس ما موجود بالسوك

و اما بالنسبة لل استروجين ، الدوز ماله يريد حسب اذا وريدي 0.6 ملغ لكل كيلو ... او 25 الى 50 ملغ اذا تاب - حب

الفديو على الانستغرام
https://www.instagram.com/reel/DEXe1qpimc1/?utm_source=ig_web_copy_link

الملف على شكل بي دي اف
https://t.me/ferand_waleed/215