ابـوذيات ( اهل الشعر )

@fas96al

قناة متخصصه لنشر الابوذيات + الدارميات + الزهيري لـ كبار الشعراء🍃

شعراء من كل محافظاتنه الغاليه

للتواصل @fai_190

رابط القناة 👇

http://t.me/fas96al

رابط قناتي الثانيه 👇

http://t.me/fai_96

ابـوذيات ( اهل الشعر ) (Arabic)

يسرنا أن نقدم لكم قناة ابـوذيات ( اهل الشعر )، القناة المتخصصة في نشر الأبوذيات والدارميات والزُهيريات لكبار الشعراء. هنا تجد شعراء من جميع محافظاتنا الغالية، يتبادلون أروع قصائدهم ويشاركون بمواهبهم الشعرية. إذا كنت من عشاق الشعر وتبحث عن مكان لتستمتع بأجمل القصائد والأبيات الشعرية، فقناة ابـوذيات ( اهل الشعر ) هي المكان المناسب لك. تفضل بزيارتنا عبر الرابط التالي: http://t.me/fas96al كما يمكنكم الاطلاع على قناة المشرف المخصصة للشعر أيضًا عبر الرابط التالي: http://t.me/fai_96 لا تفوت فرصة التواصل مع أبرز شعراء البلاد واستمتع بمجموعة متنوعة من القصائد والأبيات الشعرية الرائعة. انضم إلينا الآن وكن جزءًا من هذا العالم الجميل والمليء بالفن والإبداع. نحن بانتظاركم!

ابـوذيات ( اهل الشعر )

13 Jan, 21:06

احجي وياك جــــــدي مالعابك
الوكت سكت لسانــك مالعابك
اسالك عن لعابـــــــك مالعابك
عسل جكليت برحي سمسميه

منقــــــول

366

ابـوذيات ( اهل الشعر )

13 Jan, 21:05

كلبي مالعب غيرة لعابــــــــــــــــــــــه
وأحسن شفه لامراضي لعابــــــــــــــه
سبحان الذي صاغة لعابــــــــــــــــــــه
ونفخ بيه روح حتة ايعم عليـــــــــــــــة

منقــــــول

380

ابـوذيات ( اهل الشعر )

13 Jan, 21:05

هاي الابوذيتين قديمات تقريبا بسنة 2012 جميلات جداً 👇

382

ابـوذيات ( اهل الشعر )

12 Jan, 22:10

طركاعه هاي 👇

دليلي اسيوف زعلك طول بطنه
دخت وشجخت راسي عليك بطنه
لون العاشكك تمثال بطنه
انفجر وانه الصبر موجود بيه

لـ كامل النوفلي

1,021

ابـوذيات ( اهل الشعر )

12 Jan, 21:52

هذا البيت جتال 💔

الشعر لا هز ضمايرهم لا يرهم
اعزاز ولا عتب ينفع لا يرهم
هلي يجسمون خبزتهم ليارهم
شعجب غرزت محنتهم عليه

لـ كامل النوفلي

1,028

ابـوذيات ( اهل الشعر )

12 Jan, 21:47

سأل عن مهر صبره غار كتله
الك ومن الي ضحجك غار كتله
مغنتب جني تاجر غاركتله
سفن ومطومر الدخان بيه

لـ كامل النوفلي

1,129

ابـوذيات ( اهل الشعر )

12 Jan, 21:44

يتعبي الكم منو يتعبه بس امكم
مثلي وجبدتي نسمت بسمكم
لون مجبل وصاحو بأسمكم
كمت ونشده ملج الموت بيه

لـ كامل النوفلي

1,013

ابـوذيات ( اهل الشعر )

12 Jan, 21:40

اتعلم وين رحنه ونولينه
تهم جدمك المترف ونولينه
تلاحكنه نوخذنه ونولينه
غفل هز يمنتك خايب عليه

لـ كامل النوفلي

948

ابـوذيات ( اهل الشعر )

12 Jan, 21:38

لفه الطارش وانه اركض سبكتله
الهوه وكال اسب ميتك سبكتله
حافي وطار ثوبي سبكتله
قلق حد ماطره اخبارك عليه

لـ كامل النوفلي

950

ابـوذيات ( اهل الشعر )

12 Jan, 21:36

انه الماباجي خايب ورميته
فضت كلبي الكتلته ورميته
كثر ماغم بوجهي ورميته
بدي وهدوم ماضلت عليه

لـ كامل النوفلي

1,063

ابـوذيات ( اهل الشعر )

12 Jan, 21:35

معامل طفل من ينفطم عمله
دليلي وباليتم يلكاك عمله
ايا عملة افراكك موش عمله
وصله من السمه وطاحت عليه

لـ كامل النوفلي

960

ابـوذيات ( اهل الشعر )

12 Jan, 21:33

مثل لوج الخبز جتفي لجتفه
للمسوي الشعر كصه لجتفه
الطارش من يجي حالف لجتفه
جتف لو ما حجه اخبارك عليه

لـ كامل النوفلي

953

ابـوذيات ( اهل الشعر )

12 Jan, 21:31

ابوذيات اليوم للكبير المبدع
الشاعر كامل النوفلي 👇

933

ابـوذيات ( اهل الشعر )

10 Jan, 20:24

مقترح من احد الاخوه
القناة بيها شعراء اختصاص في الابوذيه

يعني نسوي برنامج ونستضيف شعراء كل يوم شاعر نسئلهم ونسمع شعر منهم على التلي او نفتح حساب على التيك توك

214

ابـوذيات ( اهل الشعر )

09 Jan, 21:20

كلش قوي 👇

ريــــــح النفاق البيك طشت بعيده
من وصلت التمثال سد خشمه بيده

لـ حسن الخيكاني

2,172

ابـوذيات ( اهل الشعر )

09 Jan, 21:17

ودوني اخوتي لبير جلمود أساسه
ويكله خاف ايعيش هده على راسه

لـ حسن الخيكاني

2,016

ابـوذيات ( اهل الشعر )

09 Jan, 21:16

للحج رحت بالطيف بس فكري وياي
توني ارد اطوف وطاح بيت الله فوكاي

لـ حسن الخيكاني

2,010

ابـوذيات ( اهل الشعر )

09 Jan, 21:15

صح انعمه الديان بس حقر وياي
تعاكبينه وصاح ريحة حسن هاي

لـ حسن الخيكاني

2,026

ابـوذيات ( اهل الشعر )

09 Jan, 21:14

للسلف من رديت وابجي على فركاه
شيبت حتى الحــــــاط بارَوكه فوكاه

لـ حسن الخيكاني

1,941

ابـوذيات ( اهل الشعر )

09 Jan, 21:11

فزعته ست مرات ماهد واجه وياي
واحنه على ديج ايضيع نفزعله حفاي

لـ حسن الخيكاني

1,812

ابـوذيات ( اهل الشعر )

09 Jan, 21:10

ماخله اثر ينشاف حادي الخذاهم
شد السعف بالنوك يمسح وراهم

لـ حسن الخيكاني

1,773

ابـوذيات ( اهل الشعر )

09 Jan, 21:09

الما اخذ ولفه وصار ملكه وحلاله
لو عنده ست نسوان مايصفه باله

لـ حسن الخيكاني

838

ابـوذيات ( اهل الشعر )

09 Jan, 21:08

لاتندم على الراح ودموعك اتسيل
ماردله ميت يوم دبـــــــج المهاويل

لـ حسن الخيكاني

844

ابـوذيات ( اهل الشعر )

09 Jan, 21:08

ماوده ابد ملكاك تقهرني كوه
جنك فطــــــر وبيت بانينه توه

لـ حسن الخيكاني

833

ابـوذيات ( اهل الشعر )

09 Jan, 21:06

بالشقه وكتله افلان باجر تره انشيل
طـــر الفجر والنوك كلهن مجاتيل

لـ حسن الخيكاني

818

ابـوذيات ( اهل الشعر )

09 Jan, 21:06

هل مره جبتلكم دارميات مختلفه
تستاهل تفاعلكم احبتي
الشاعر المبدع حسن الخيكاني 👇

811

ابـوذيات ( اهل الشعر )

08 Jan, 18:22

قال الشاعر الحاج جواد جعفر السكر 👇

ارد انشد اهل الشوك من مثلي مشتاك
بحضني غافي هواي وبجي امن الفراك

الرد ابو محمد الدريعي 👇

حك تبجي من فركاه بحضنك بعيد
حطيته وسط الروح ماتقبل تهيد

1,233

ابـوذيات ( اهل الشعر )

08 Jan, 18:19

مخالب للدهر حطهن ونابه
السنين ايموج مركبهن ونابه
الاسد جربوع يبراله ونابه
تساوه البوم والزاجل سويه

ابو كوثر الغريباوي

1,223

ابـوذيات ( اهل الشعر )

08 Jan, 18:16

الكلت ميميل و يزل .... جنة ماله
عكس و بضدي يبني ... جنه ماله
نصحته على اليفيده ... جنه ماله
خلگي و بطرف خشمة يرد عليه

لشاعر محمد المياحي

1,241

ابـوذيات ( اهل الشعر )

08 Jan, 18:16

وحك الي بخوته .... دار جوله
الدهر جار و عليه ... دار جوله
هضمني و صار وني .... درجه اوله
بحيث النوگ لزمت سرة عليه

لشاعر محمد المياحي

1,247

ابـوذيات ( اهل الشعر )

08 Jan, 18:15

والد جنت اشوفنك .... وراكاخ
اهجرتني و حيل صحت انه ... وراك اخ
كموكد ليش عايفني ... وراكاخ
اهفتت و الجان كام ايبات بيه

لشاعر محمد المياحي

1,204

ابـوذيات ( اهل الشعر )

08 Jan, 18:15

ذبت و بنارهم يا كلب ..... ذبوك
و مثل ذبت هدوم الميت .... ذبوك
اسمعت مرت ابني لبني تصيح ... ذب ابوك
ابشري كالها و عتني من ادية

لشاعر محمد المياحي

1,291

ابـوذيات ( اهل الشعر )

06 Dec, 05:21

يعرف عطري اليحبني والبس اني
وفصل شكو نازك والبس اني
يدهري اشبيك محرب وال بس اني
وترمي باسهامك عليه

لشاعر بهاء العامري

516

ابـوذيات ( اهل الشعر )

06 Dec, 05:18

غلط درب العشك وياك فتاه
هجرتني ودليلي الهجر فتاه
مختل كمت افكر بيك فتاه
عكلي وصار خيط اجنون بيه

لشاعر بهاء العامري

524

ابـوذيات ( اهل الشعر )

06 Dec, 05:16

سهم غدر الرفاكه فاتو وانا
ابوعله بدليلي فات وانا
الي معاتب وياهم فاتوانا
مايسون تعبي اغدرو بيه

لشاعر بهاء العامري

531

ابـوذيات ( اهل الشعر )

06 Dec, 05:14

انه همومي مجور بس اكله
وروحي ارتوت بسم بس اكله
عرف ويه المصايب بس اكله
تعاي ابساع تركض ركض ليه

لشاعر بهاء العامري

530

ابـوذيات ( اهل الشعر )

06 Dec, 05:13

الوكت مانصف وي روحي سنله
مرار وحزن مايضحك سنله
حرب ويالفرح دارة سنله
مأسي وظيم كابع بالاذيه

لشاعر بهاء العامري

508

ابـوذيات ( اهل الشعر )

06 Dec, 05:11

شكثر غمان هالدنيا علته
علي عالت ومتحمل علته
بحقد زرعت بنص كلبي علته
اتاهل كمت وترجه المنيه

لشاعر بهاء العامري

509

ابـوذيات ( اهل الشعر )

03 Dec, 22:41

ما طحت وتحنيت لو طايح شلون؟
جا طك الاصبع صار وي هز المتون

لـ سيد مهدي العوادي

1,316

ابـوذيات ( اهل الشعر )

03 Dec, 22:41

مو لكوتي وغضيت طرفي وجزيتك
ترفعت خاف تكول طكني بثنيتك

لـ سيد مهدي العوادي

1,315

ابـوذيات ( اهل الشعر )

03 Dec, 22:40

طلوك المعسرة وياك كمت اطلك ارداف
بمفصلها ثلث كسور فصلية وتخاف

لـ سيد مهدي العوادي

1,374

ابـوذيات ( اهل الشعر )

03 Dec, 22:40

والله الا انشف ماي وجهك بالعتاب
يل ما حفظت وجوه ربعك بالغياب

لـ سيد مهدي العوادي

1,368

ابـوذيات ( اهل الشعر )

03 Dec, 22:40

جانن ضروسك طين ويخوفك الماي
هسة وشم تنشاف عضاتك وياي

لـ سيد مهدي العوادي

1,397

ابـوذيات ( اهل الشعر )

03 Dec, 22:40

خنجر طحت بكراب راعية مخواف
شتضن بعد يا صاح بالموزمه انشاف ؟

لـ سيد مهدي العوادي

1,310

ابـوذيات ( اهل الشعر )

03 Dec, 22:39

بالصخر والكى الماي جا وجهك شبيه ؟
مغيم ولا صح يوم نكطت ندى اعليه

لـ سيد مهدي العوادي

1,246

ابـوذيات ( اهل الشعر )

03 Dec, 22:39

اجمل دارميات للكبير سيد مهدي العوادي 👇

1,297

ابـوذيات ( اهل الشعر )

29 Nov, 18:59

وحك ضيم التسعتشهر ويمكم
البيه الموت اجه يمي ويمكم
محد عمل عملتكم ويمكم
ابمجان ازيارتي تحلفون بيه

لـ حسين صالح

2,540

ابـوذيات ( اهل الشعر )

29 Nov, 18:59

الدهر صبلي اعله مد الشوف صوان
صبر .. چي للربه ماشفت صوان
لوني طالگتلي بحجر صوان
ولاشوغتهم بذيج البنيه

لـ فلاح الزيدي

2,569

ابـوذيات ( اهل الشعر )

29 Nov, 18:58

العله خصمي احسبتهم عون وحلاف
منهم لف دليلي الاه وحلاف
هضيمه بتالي شيبي انتهم وحلاف
ويزه الدرتي يجبعوني برديه

لـ ميثم الخطاط

2,315

ابـوذيات ( اهل الشعر )

29 Nov, 18:58

برد حيله الدهر بلوجه يولاد
ويوميه جرح بلكلب يولاد
ردتكم عون موفرعون يولاد
بتهيمه شلون وتحلفون بيه

لـ حسن الهلالي

2,355

ابـوذيات ( اهل الشعر )

29 Nov, 18:57

انتضرت من الضنه فرحه ردتهم
ولاكطرت حيه عدهم ردتهم
نفس السيد المنه ردتهم
خذوني الحضرته يحلفون بيه

لـ صادق الجهلاوي

2,179

ابـوذيات ( اهل الشعر )

29 Nov, 18:57

يهل مسرع جدامك " يتّهمها "
توها من المصايب "يتّهمها"
الـ گاد أمّه وتجرأ "يتّهمها"
ببوگة شلون حبلت بيه هيّه ؟!!!

لـ سيد عماد

1,977

ابـوذيات ( اهل الشعر )

23 Nov, 20:19

مساجلة شعرية بين
الشاعرالكبير الراحل ابو معيشي
والشاعرالكبيرالراحل سلمان المنكوب

ابو معيشي يسال المنكوب

يدهري شرك ناصبلي وداريت
علي ونوكي الغيري وداريت
هذا الي عرفته انه وداريت
زماني ويل مشيب ايخون بيه

جواب المنكوب 👇

يبو امعيشي الدهر عيني ودرهه
وحياتي. انهدم منزلها. ودرهه
اذا انته. افكدت نوكك ودرهه
انه اطفالي وهلي شحو عليه

ابو معيشي يسال المنكوب 👇

صبرت اعلى الدهر وحدي ولايار
وكطفني. ابحر لامردي ولايار
يسالم. لاسلف يمي. ولايار
ولا خلان الي. فوك الوطيه

جواب المنكوب 👇

جرعت اشكال من دهري سموماي
ومن جوره غده يلهب سموماي
انجان انته ابحر ذبك سموماي
انه. ذبني بسجن. وظلم. عليه

ابو معيش يسأل المنكوب 👇

شنهو الاسس الاسوار ونسار
وشنهو السير المخلوك ونسار
وشنهو الندب حرف العين ونسار
وشنهو الحيه. الدنيا واخريه

جواب المنكوب 👇

ابراهيم الاسس الاسوار ونسار
ونوح السير المخلوك ونسار
يونس ندب حرف العين ونسار
الحسين الحيه الدنيا واخريه

ابو معيشي يسال المنكوب 👇

شنهو اليابته نثيه وهو حال
وشنهوالشجرته مره وهو حال
وشنهو الحرمو بزره وهو حال
وياهو الي فده ولده ضحيه

جواب المنكوب 👇

البغل يل يابته نثيه وهو حال
الكبر يالشجرته مره وهو حال
عيسى الطعنو بأمه وهو حال
ابراهيم. الفده ولده ضحيه

ابو معيشي يسأل المنكوب 👇

الهوى. مثلي يغيركم وسلكم
وعني. لا تكطعونه وسلكم
ثلث سبعات اباانشدكم وسلكم
وبعدسبعه هروب اعلى الوطيه

جواب المنكوب 👇

الهوى مثلك سحنلي الضلع ورضاي
احللك واريد. ارضاك. ورضاي
ثلث سبعات نار وسمه ورضاي
وهروب السبعه للنعمان هيه

ابومعيشي يسال المنكوب 👇

جلت ناكتي وكصرت بالسير
اموت ولا اورج اعداي بالسير
ادهن والدهن مافاد بالسير
يابس مايصير احزام اليه

جواب المنكوب 👇

دهن للسير مامش ودهننه
وجثيرات النوايب ودهننه
ان جان اهموم عندك ودههه
انتحملهن سفينتنه. رهيه

ابو معيشي يسأل المنكوب 👇

الك ياما دليلي انجذب ونجر
بسبب مديت حبلي وياك ونجر
ربطت انه من اخير وسط ونجر
كطع ذني الثلاث. وشاه بيه

ايضا ابو معيشي يسال المنكوب 👇

كطع ذني الثلاث الشاه ونطر
منه مايفيد الحذر. ونطر
اترك عشرة الفتال. ونطر
وعاشرلك عشير اثخين فيه

جواب المنكوب 👇

عاشرلك عشير اثخين. فيفاي
لجن حبه. ابسويد الكلب فيفاي
انه من ارشف اخديدالترف فيفاي
طعم. سلسل وكاسه من المنيه

وايضا جواب المنكوب 👇

يبو امعيشي ابهواك الكلب ولعان
ولجلك افدي انه الروح ولعان
التمسك كوم سبني حيل ولعان
لذيذ الشتم بالسانك عليه

1,017

ابـوذيات ( اهل الشعر )

20 Nov, 15:28

الجروح عليك تدي ماتدنه
ودنيتك اكفت حجلها ماتدنه
تدنه الموت وانته ماتدنه
عسى الله اغفه ويهطرك طيف بيه

الشاعر ابو علي الصالحي

2,192

ابـوذيات ( اهل الشعر )

20 Nov, 15:26

اما تدري شنحل بجفاك وشرك
ياللي بسعر العمر تنسام وشرك ـــ وشريك
كفر كالو علي بجفاك وشرك
ونه ولا فرض لله فات ليه

الشاعر ابو علي الصالحي

2,032

ابـوذيات ( اهل الشعر )

18 Nov, 08:11

شمالك شو كطع مايك يرشني
وجرش بالمجرشه وكتي يرشني
اشتعل بالماي لو واحد يرشني
وحركت الفزعو يطفون بيــــــه

لـ علي العطار

2,803

ابـوذيات ( اهل الشعر )

18 Nov, 08:11

عليه من العذاب اشكثر مر كون
وعسى ريج الشماته يصير مر كون
مثل جدر الفواتح صرت مركون
بس بالنايبه ايفورون بيـــــــــه

لـ علي العطار

2,785

ابـوذيات ( اهل الشعر )

18 Nov, 08:11

اقوه بيتين ابوذيه للمبدع علي العطار 👇

2,636

ابـوذيات ( اهل الشعر )

15 Nov, 20:46

يــــ طـــه بـنـتك الزهره تراهي
ابـمصيبه و خصمك اعليها تراهي
قـوم الأسـقـطـت محسن تراهي
رمـت عـبـدالله بـسـهام المنيه

منقــــــول

3,590

ابـوذيات ( اهل الشعر )

15 Nov, 20:46

يـصـوتـي زلـزل السبعه فدكها
جـرايـم هـذي بـيـنها فدكها
قـوم الـغـصـبوا الزهره فدكها
إغـصـبـوا زينب و مشوها سبيه

منقــــــول

3,559

ابـوذيات ( اهل الشعر )

15 Nov, 20:46

غـصب أسكت و أصبر الروح يبرن
و حـنـيني و نوحي للدلال يبرن
إضـلوعي امهشمه و هيهات يبرن
و شـفـت من دفعت الباب المنيه

منقــــــول

3,384

ابـوذيات ( اهل الشعر )

15 Nov, 20:46

مـصـيـبه و يا نبي و مرسل حملها
ابـوجـود الـجـان للزهره حملها
عـصـرهـا الظالم و طرحت حملها
صـبـرت إشلون يا حامي الحميه

منقــــــول

3,395

ابـوذيات ( اهل الشعر )

15 Nov, 20:45

يـمـن فـضلك مله الدنيه وسدها
و يـمـهـدم حصن خيبر وسدها
إبـلـحـدها فاطمه إبهيده وسدها
عـلـي لا تـلجم إصواب الزجيه

منقــــــول

3,183

ابـوذيات ( اهل الشعر )

15 Nov, 20:45

ابوذيات في استشهاد مولاتي فاطمة الزهراء عليها السلام

2,943

ابـوذيات ( اهل الشعر )

10 Nov, 22:22

كون الملوحه البيك تتخلئ ع زائد
مو للشبع چا صار للطالب امراد

لـ حسام الشباني

4,215

ابـوذيات ( اهل الشعر )

10 Nov, 22:21

امك تخرط خدود عـــــــــود وتهم بيك
كل خرطه اذب وجهين من حركتي عليك

لـ ساجد المحنه

4,148

ابـوذيات ( اهل الشعر )

10 Nov, 22:20

حدر الغليچه مرار ندفن حچينه
ونعزبه مثل الضيف جرح اليجينه

لـ خالد العوادي

4,170

ابـوذيات ( اهل الشعر )

10 Nov, 22:20

الماتنوشه الناس چنت انه انوشه
اگفت من الملگوط مابيدي طوشه

لـ ستار الزلزلي

3,840

ابـوذيات ( اهل الشعر )

10 Nov, 22:19

موچدهه مااجلبيش نثيه ادري بيهه
انه ارد اجلب الكام ياخذ حجيهه

لـ عذاب العتابي

3,718

ابـوذيات ( اهل الشعر )

10 Nov, 22:19

من كثر ما شديت عيني بگفه الباب
صار الدمع مو ماي من يوگع تراب

لـ احمد مهلي الشباني

3,602

ابـوذيات ( اهل الشعر )

10 Nov, 22:19

ماادري شو ناوين ثاري اعلة موتي
لو ادري ما گليت غربيل اخوتي

لـ احمد فاضل الدفاعي

3,313

ابـوذيات ( اهل الشعر )

10 Nov, 22:18

ما وچد ولاشـــــــــوف حتى اليجيني
موش اعمه بس اهواي تارسلي عيني

لـ ابراهيم الكوفي

3,298

ابـوذيات ( اهل الشعر )

10 Nov, 22:18

جبته ولبسته الثوب وگصير ادريه
چي ربعي كالو فيت هل مستعز بيه

لـ مازن الزلزلي

1,842

ابـوذيات ( اهل الشعر )

10 Nov, 22:18

ذني العجاف الگال يوسف عليهن
يتفرزن الكواك والدوني بيهن

لـ المرحوم ثائر شريف

1,804

ابـوذيات ( اهل الشعر )

10 Nov, 22:17

#قصة_دارمي
قصه واقعيه

اكو مره ابنها راح للحشد واستشهد وراح يصير سنه ومجايبين جثته راح ابن جيرانهم ألتحق جابوه شهيد هيه خطيه متانيه ابنهاا يجي منه خبر ماكو لا حس ولا خبر
جابو الجنازه مال جيرانهم الشهيد طلعت وراه خطيه اتصيح بسم ابنهه
لسان حالها يقول

گبلك مشو ماجوش يالجثتك هاي
موش ابني بس عليك درن ثداياي

لـ سجاد حاتم العتبي

1,661

ابـوذيات ( اهل الشعر )

10 Nov, 22:17

جبتلكم دارميات قويه وجميله جداً
نبديها بقصة 👇👇👇

1,527

ابـوذيات ( اهل الشعر )

09 Nov, 21:15

اي والله عمت عيني 💔

عمت عيني على زينب يربالحسين
طرفها ورئت حافر ير بالحسين
بوكتها عاد صاحت يرب الحسين
صدك قربان بس هون عليــــــه

لـ عقيل حياوي

1,951

ابـوذيات ( اهل الشعر )

09 Nov, 21:14

بالشــــــده الفواطم يرعه بيهن
العكل يرفضها ظالم يرعه بيهن
خسه من كال بالطف ير عبيهن
شيكشف الشمس بالغاضريـــه

لـ عقيل حياوي

1,843

ابـوذيات ( اهل الشعر )

09 Nov, 21:14

تدانت واضن كلش جاي بيني
وبين الهوه معرض جاي بيني
لخوي وعود مشيه جايبيني
على سهله وكام سد بابه عليه

لـ عقيل حياوي

1,500

ابـوذيات ( اهل الشعر )

09 Nov, 21:14

جفيت ومن جفيت الحال بيراك
غده وحافر افراكك روك بيراك
اشد من بير يوسف صار بيراك
ولا مالك يصح ويبيع بيــــــــــــه

لـ عقيل حياوي

1,667

ابـوذيات ( اهل الشعر )

09 Nov, 21:14

ونيني ماتحمله مدن وارياف
بسبب جرحي الي ماله دوه وارياف
اعتقد بالله انزن حيل وارياف
اذا ديان دك الباب اليــــــــــــه

لـ عقيل حياوي

1,593

ابـوذيات ( اهل الشعر )

09 Nov, 21:14

جبتلكم ابوذيات جداً قويه
للكبير الشاعر ابو مسلم عقيل حياوي 👇

1,349

ابـوذيات ( اهل الشعر )

08 Nov, 20:19

زاحف كتبته البيت وتسمعه موزون
انكتب للعباس مايزحف شلون

لـ حسام الشباني

1,806

ابـوذيات ( اهل الشعر )

08 Nov, 20:19

الزينب نشد عباس يختي اشتكولين
بجود احطن ماي لو همه تردين

لـ ابراهيم الكوفي

1,800

ابـوذيات ( اهل الشعر )

28 Oct, 22:06

ردتك تكل للباب هيجي وتجيني
حتى ابدمع ملكاك اغسلها عيني

لـ ثائر شريف

200

ابـوذيات ( اهل الشعر )

28 Oct, 22:06

بالنار اذبها الروح من عدها مليت
واسمعها كون اتصيح يعطيه وجيت

لـ عطيه آل دخيل

208

ابـوذيات ( اهل الشعر )

28 Oct, 22:05

قبلك طغه النمرود جي صفكوله
وتاليها مات اشلون دك بالنعوله

لـ لؤي الكرعاوي

216

ابـوذيات ( اهل الشعر )

28 Oct, 22:04

خلوها كبره النـــــــــار بس يالتطفون
بلكت يجي وي الناس وتشوفه العيون

لـ حميد آل سرهيد

220

ابـوذيات ( اهل الشعر )

28 Oct, 22:04

ملاكف احديثات طكات الويـــاي
التزل عن الراس توكعلي بجلاي

لـ جابر آل حبي

226

ابـوذيات ( اهل الشعر )

28 Oct, 22:03

اجمل دارميات #موروث 👇

226

ابـوذيات ( اهل الشعر )

28 Oct, 17:05

تدري شعمل فركاك لمن عفتني
صح اهلي موجودين بس يتمتني

كاظم الحجامي

627

ابـوذيات ( اهل الشعر )

28 Oct, 17:04

ومحمد من زعل وياي وكفه
عالرجلين مامش بعد وكفه
بغيابك ثوبي كام يطول وكفه
سحل كامو هلي يسحلون بيه

كاظم الحجامي

615

ابـوذيات ( اهل الشعر )

28 Oct, 17:02

اشكد جنت شايل طيب تتلوا عافوك
ذبت اهدوم الميت ياكلبي ذبووك

كاظم الحجامي

603

ابـوذيات ( اهل الشعر )

28 Oct, 17:00

كون الوجع ينشاف ويدك تلزمه
محد نقذني وكال من تبجي زحمه

كاظم الحجامي

589

ابـوذيات ( اهل الشعر )

28 Oct, 16:59

مو بيدي روحي تلوج وتفرفح عليك
انكرص بس ماتوب منك ورد ليك

كاظم الحجامي

541

ابـوذيات ( اهل الشعر )

28 Oct, 16:58

استحي فروخي كبار لو نشدو شبيك
ادنه للدخان وشبع بجي عليك

كاظم الحجامي

545

ابـوذيات ( اهل الشعر )

28 Oct, 16:53

خبل من تمشي اتيه اسمي ونامين
وهلي يامنون اذا يمك انامين
بكهف من افرش بصفك ونامين
نذر حد شيلت التابوت بيه

لشاعر اياد عبدالله

542

ابـوذيات ( اهل الشعر )

28 Oct, 16:49

اتردون توكم هسه ناوين
نعمه العام اسولف هسه انه وين
تنشدوني عله حالي هسه ناوين
حافي ومن شريفه اعلوك بيه

لشاعر اياد عبدالله

552

ابـوذيات ( اهل الشعر )

28 Oct, 16:41

جبل من اوكف بصفه كتلته
افا وجسمي النمل ياكل كتلته
تعال الجلب اليعضك كتلته
رقم ماجان احن منك عليه

لشاعر اياد عبدالله

523

ابـوذيات ( اهل الشعر )

28 Oct, 15:20

صخر ما ينثلم طبعي گواني
واسايس دنيتي مسايس گواني
تريد اهموم احملك گواني
واذا مو للحلگ ردهن عليه

لـ ستار الحربي

582

ابـوذيات ( اهل الشعر )

28 Oct, 15:20

وحك الخمسه التغـــــــــــــطو بلعباه
لعبني وطشر سنـــــــــــــيني بلعباه
مثل التركض مفـــــــــــــــــرعه بلعباه
اركض من يمر طاري بيه

منقــــــول

614

ابـوذيات ( اهل الشعر )

28 Oct, 15:19

من كل كــتر بيه حايــط لهم
كظيت لعمر واكف حايط لهم
موش ابزادي والله حاط الهم
الملح بالجاي ولطعنات بيه

لـ ابراهيم محمد البهادلي

680

ابـوذيات ( اهل الشعر )

28 Oct, 15:19

بنص الهور أحس الريج شحماي.
عليك وشسد بالحسبات شحماي.
أحس گلبي أنطحن والذاب شحماي
.عظم وأسمع گريط الدود بيه

لـ مهند المطيري

646

ابـوذيات ( اهل الشعر )

28 Oct, 15:19

الأودهم سمـــــــــــهم بملكاي داروه
اكطعو شريان كلبـــــي وخوش داروه
وجهم من فتت ليغــــــــــــــــاد داروه
استحو مدري اشتهو يكصون بيه

منقــــــول

642

ابـوذيات ( اهل الشعر )

25 Oct, 22:07

عفه عيني التصد شخصك وتاره
وعفه كلبي شكثر تحمل وتاره
اجي لمحبتك تاره وتاره
اردن واذكر شسويت بيه

لـ الراحل علي ستار الحديدي

1,127

ابـوذيات ( اهل الشعر )

25 Oct, 22:06

ترف كلي اشتبي من الزيج لشتاك
اتكفض مستعد بالصيف لشتاك..!!
وحك من عزل بترتيب لشتاك
انسبت لشتي بهواك شلون بيه

لـ الراحل سالم الدباغ

1,147

ابـوذيات ( اهل الشعر )

25 Oct, 22:05

لمن يا عين هليتي وسلتي
وراح الجان الج سلوه وسلتي
غزوني وفرهدو عنبي وسلتي
وذبو جتلت الناطور بيه

لـ الراحل صادق تويه الحسناوي

1,181

ابـوذيات ( اهل الشعر )

25 Oct, 22:04

عجب ما سمته يوسف لحسناه
اسيره ونرجي لعطفه لحسناه
لون سمه ابطرف شفته لحسناه
وندوف اشفافنه اباجي البجيه

لـ الراحل هاشم الحاشوش

1,196

ابـوذيات ( اهل الشعر )

25 Oct, 22:03

ابات الليل باجي العين مهداي
وتهت مندل طريجي منين مهداي
انشأت بالضيم يوم البنو مهدي
اكبرت والضيم بعده يلح عليه

لـ الراحل السيد رسول

984

ابـوذيات ( اهل الشعر )

25 Oct, 22:03

وحك الكاف هاء ياء عين صدين
اعيونك بس الك يا ترف صدين
صفت روحي كزازه ابين صدين
يا ساعة انكسر وتحير بيه

لـ الراحل محمد علي جلاب

972

ابـوذيات ( اهل الشعر )

25 Oct, 22:02

كانون المراجل غيض والجاه
ولا غنته على الجهب والجاه
ابد مادورت عل مال والجاه
الجاه أعتازني ودور عليه

لـ المرحوم سعد محمد البهادلي

971

ابـوذيات ( اهل الشعر )

25 Oct, 22:02

جبتلكم ابوذيات لشعراء عمالقة الابوذيه
الراحلين عنا 💔
الرحمه والمغفره لهم 👇

946

ابـوذيات ( اهل الشعر )

25 Oct, 16:04

تريد انساك والله انطاك...شفتين
اليصدلهن نسه الآيات...شفتين
ذكرتك وشتغلني بليس...شفتين
دنت نفسي وبده لوهواس بيه

منقول

1,163

ابـوذيات ( اهل الشعر )

25 Oct, 16:02

اكو دموعي عله خدي مولحني
وحنين الفاجده اصبح مولحني
استوا ثلثين جلدي ومو لحني
ولا مره يحن شخصك عليه

منقول

1,144

ابـوذيات ( اهل الشعر )

25 Oct, 16:02

عجيبه احنه يعرفنه من هوانه
وعليه الوكت هون من هوانه
صرت انه انشد انه من هوانه
ولهسه انا سكت مارد عليه

منقول

1,110

ابـوذيات ( اهل الشعر )

25 Oct, 16:02

نهجم بيته شوكح عينه وكلبه
واجه بالحظه البكلبه وكلبه
يجيني ويكلي كلبني وكلبه
ويصيح شورطاك تعيل بيه

منقول

1,030

ابـوذيات ( اهل الشعر )

25 Oct, 16:02

محير معدنك خابط يا معدان
يا داني وماعرف شنهي يمعدان
ورانه الوادم اتصيح يا معدان
المهم معدان بس عدنه الخويه

لـ محمد الاعاجيبي

1,105

ابـوذيات ( اهل الشعر )

24 Oct, 21:59

تعبت وياك من تعـــــــبي شتوفاي
ومن مثلي بحر شـــوكك شتوفاي
الناس العذلتك بــــــــــيه شتوفاي
العذلني بيك ماجـــــــــذب عليه

كبير الابوذية ابراهيم طلب

1,482

ابـوذيات ( اهل الشعر )

24 Oct, 21:58

حلال الرجل حجـــــــيه مايزل بي
وعنده الصدك باقــــــــي مايزل بي
صديجك لو تريـــــــــــــــده ميز البي
تشوفه بحر لو يــــــــــنكاش ميه

الشاعر الحاج دحـــــام الحامـــي

1,344

ابـوذيات ( اهل الشعر )

24 Oct, 21:56

ردن يـا سنــين إصـــــــباي دردان
ويساجي الكاس دير الكاس دردان
حرف (سين) وصرت بحلوك دردان
وتخـيل باللفـظ شيصير بيــة ...

الشاعر الكبير المرحوم عطا السعيدي

1,365