የኛ ግጥም 😍😄❤🥰🥺

የዝናብ ላይ እንባ

የማይድን በሽታ የማይታይ ህመም
ሊሽር የማይገደው ያመረቀዘ ደም
ሀኪም የማይገታው ቃል የማይመልሰው
የችግር ክራሬ አይሰማም ለሰው
የማንነቴ ካብ የጭንቄም መሰረት
ልቤና አይምሮዬ ሙግት የገቡለት
እንባ ይገበራል እንደ ችግር ስለት
እንደ ቀን መወጫ መሻገሪያም🪜 ሆኖ
ቁስሌን ያባብሳል ከሰው ተሸፍኖ
ተከልሎ በጉም
አልታየህም ተብሎ አይያዝበት ቂም
ተረቱስ አይደል ካለቀሱ እንባ አይገድም
የኔ እንባ ግን ዳባ ለብሶ
ከችግር ስቃዬ ከበደሌ ብሶ
ህመሜን የማይሽር ሆድ የማያባባ
ከሆነ ሰንብቷል የዝናብ ላይ እንባ💧

@ethiopianye

አንዳንዴ
በዕውቀቱ ስዩም

    ባልተገራ ፈረስ
በፈጣን ድንጉላ
ኑሮ በአቦ ሰጠኝ
ህይወትን በመላ
በዚህ በኩል ሲሉህ
ንጎድ ወደ ሌላ ፤

እስከመቼ ድረስ
ዳርዳሩን መራመድ፤በጭምት ሰው ስሌት
በክብር ካልመጣ፤ሞክረው በቅሌት

ሰው ቅፅር አይደለም፤በእሾህ የታጠረ
እንድንጥሰው ነው ፤ ህግ የተፈጠረ።

አይሰለችህም ወይ
መኖር በመጠንቀቅ
     አንዳንዴ
አየር ላይ ደንሰህ፤በግንባርህ ውደቅ
     አንዳንዴ
ኮርቻህን እርሳት
     ርካብህንም ሳት
ፋይዳ አይጠፋምና፤ወድቆ ከመነሳት !

በትቢያ ላይ ወድቀው
የተነሱ አሉና፤በሉል ባልማዝ ደምቀው !
አንዳንዴ
ልጓሙን ልቀቀው !

@ethiopianye

ሸጋ ቅዳሜ ተመኘን !!

#Mahmoud_Ahmed

ሰላም አልማዝዬ

@ethiopianye

የሳቅሽን አቦል ድምቀት
ለዘመናት ሞቄ ሞቄ
እንድታለቅሽ አልፈልግም
ስለ እምባሽ መች አውቄ
የምትስቂው ሙሉ ብርሃን
የተስፋ ቃል ፍንጣቂ
እምባሽ ግና ጽልመት ወሳጅ
ሞት እና ህይወት አስታራቂ
ብደምቅበት በዓለም ሁሉ
ሳቅሽን በገፍ እየቀዳው
ስታለቅሺ ባይ ለአንዴ
እምባሽ ሊሆን
አይኔን ዳዳው

ለዘመናት ያልተሻረ
ህመም ስቃይ ነበረብኝ
ጠብ አድርጎ ቁስሌን ሻረው
ከሳቅ እምባሽ በለጠብኝ

ለዘላለም ብጸልይም
ከሀዘን ችግር እንዳትገቢ
ግና ለቅሶሽ ይናፍቃል
ያምርብሻል ስታነቢ 💧

#mikiyas_feyisa

@ethiopianye

ሳቄን አትመኑት ፥ በእንባ ነው የነጣው
ከሰው መሀል ሆኜ ፥ ሰውነት ከመጣው ።

#አብርሃም_ተክሉ

@ethiopianye

ለካ ሁሉ ነገር አይወጣም ከሚዛን
ከፍ ዝቅ አይልም ፥ ምንም ዳኛው ቢካን
ሁለት ስህተት ፥ ሁለት እውነት ፥ ለአንድ ቦታ
ያለ አጥፊ የሚከሰት ግድፈት አለ
  ከላይ ሲታጭ ለይሁንታ ።

ሲጠቋቆሙ ቢውሉ ፥ የማይፈታ ከስሩ
ችሎቱ ማይደመደም ፥ ማንንም እማኝ ቢጠሩ ።
 
          #ምሕረት_ዘነበ
@ethiopianye

(ዝም የዋጠው ፍቅር)

ረጭ እንዳለ ባሕር
በሚጮህ እርጋታ እንደተንጣለለ
አደብ እንደያዘ
ከዝምታ እልፍኝ እንደተንጋለለ
በውስጡ ግን
አዕላፍት ነፍሳቶች እንዲርመሰመሱ
ቃል አልባ ትርምስ ይዘው እንዲያምሱ
እንደዛ ይመስላል የኔና' አንቺ ነገር
ከባህር ገፄ ውስጥ ጠልቆ ያንቺ ሃገር
የሙት ባህር ያህል ዝም ከወረሰው
ነፍስ የዘራው ፍቅርሽ የሚርመሰመሰው።


#እንግዳዬ_ዘሪቱ

@ethiopianye

#Ms_ጊዜ✍️

አይ አንቺ
ያኔ ባንች አሻራ ሰው ሳይተካበት፤
ያንቺን ውበት ወስዶ ዘመን ሳይደምቅበት
ውብ ነበርሽ ሎጋ የጎመራች ፍሬ፤
እድሜ ሳይከልልሽ ሳይሸፍንሽ ዛሬ፤
አይ አንቺ
ቁመና ና ውበት ቋሚ መስሎሽ ነበር ፤
ጊዜ የማይሽረው ወድቆ ማይሰበር፤
አወየው መሸወድ ውበት ሲያታልልሽ፤
በፈራሹ ገላሽ ሲሸነጋግርሽ፤
የነገን ሳያሳይ ዛሬ ላይ ሲክብሽ፤
እውነትም(2x) አንቺዬ ሞኝ ነሽ፤
''ማነሽ የኔ ቆንጆ የኔ ማር ወለላ፤
ከሞት ያስነሳኛል ማየት ያንቺን ገላ፤
ካይኔም ስር አይጠፋ የፊትሽ ፀዳሉ፤
ውብ አርጎ ፈጥሮሻል ፈጣሪ ባምሳሉ''፤
ያሉሽ ሰዎች ሁሉ እንደ ጉም በነኑ፤
ተነኑ እንደዘበት፤
ከዛ ቁንጅናሽ ላይ ጠባይን ቢያጡበት፤
ያንን ግርማ ሞገስ በዜሮ አበዙት፤
እና የቃላቴ ውሉ ልልሽ የፈለኩት፤
የፊትሽ ገፅታ የገላሽ ማማሩ፤
ሁሉ ተሰብስበው ባንድ ቢደመሩ፤
የጠባይሽን ጫፍ ቅንጣት እያክሉም፤

#ከነዓን_ዮሴፍ

@ethiopianye

........መፍራቴን ደፍሬ
ነውርኩ መፍራቴ ላይ ደፈርኩት በጭካኔ
በሰቀቀን እየናወዝኩ እየኖርኩ ቀርቶኝ መቅኔ
ጢሻ ጫካ መኃል ከሚኖርበት አውሬ
በሰው ተከሰስኩኝ መፍራቴን ደፍሬ

#አቤል(ያኖስ)

@ethiopianye

እጁ አለበት ✋

አወይ ፀሀይ ንዳድ፤🌞
የስው ልጅ ጉልበት እንደዘበት ማራድ፤😥
ተንገብግቦ መኖር እንደ ሰማ ምጣድ፤
በጠራራ ጠዋት ፍጥረት ባልነቃበት፤
ሰው እንኳን ተነስቶ ባልተራወጠበት🛌፤
ምን ይሉታል እስኪ፤
የፀሀይ መቸኮል ተሯሩጦ 🏃መውጣት፤
ድሮኮ ስናውቃት፤
የጠዋቷን ፀሀይ vitamin ነበረ
ብለው የሚጠሯት፤
ያሁኗ ፀሀይ ግን ፈጣሪም ሲሰራት
አቃጣይ ነገር ናት🔥፤
ኸረ ሞትን ሰዎች ሙቀቱ ገደለን፤
ገና በጠዋቱ በላብ ተዘፈቅን፤
እንደ ረጋ ዘይት እንደፈረደበት፤
አንዴ በሞቀ ውሀ እምቢ ካለ በእሳት፤
በፀሀይ መቀቀል ስራ እንደሆነበት፤
እኛም ተሰቃየን ፍዳችንን አየን🙉፤
ሽቶ ተቀብተን ፍየል ፍየል ገማን🐐፤
ገና ነጋ ብለን ከቤት ስንወጣ፤
ፀሀይ ካናት ወጥታ መደናገር መጣ፤
ኸረ እስኪ ቆይ ዛፎች ወዴት ደረሳችሁ፤
ምግብ ማዘጋጀት በቃ አቆማችሁ፤
እናንተም እንደ ሰው ተንገበገባችሁ፤
እስኪ እንደው ንገሩን ውዴት ፈለሳችሁ፤
እንዲህ ስንቃጠል እንዴት አስቻላችሁ፤
ነው ወይስ ስንተክል ነቃይ መጣባችሁ፤
ሙስና በሏችሁ🫣፤
ታዲያ እስኪ ምን ልበል፤
ቆሜ እየሄድኩኝ አከላቴ ሲቀልጥ😓፤
እግሬና ብብቴ ለ ሽታ ሲጋለጥ፤
እንዴት አልማረር እኔ ግን ሲመስለኝ ፤
አምላክ በሰዎች ላይ
እንዲህ አይጨክንም፤
ፍጥረቱን ለማጥፋት አሁን አልወሰነም፤
ታዲያ ለዚህ በደል ለክፋቷ ብዛት፤
እኔ ስጠረጥር መንግስት እጁ እለበት✋፤

#ከነዓን_ዮሴፍ

#ethiopianye

የመዳፍ ትንቢት

ደላይ ዛጎልጣት መዳፍን አንብቦ
ነገን አሳይቶን ዛሬአችንን ገልቦ
አባ ንፋው በተስፋ  አባ ዘባሪቆ
ትንቢታችንን ቢነግረንም ወይ አደንግዞ
                           አልያም አድምቆ

ይቅርብን የልምዣት አቅል የሚያስት
ለሁሉም አንድ ነው የመዳፍ ትንቢት
ካሻከሩት ከጋሩበት መስነፍ ካልቀለለው
ልስልስ ውበት
ልስልስል ኑሮ
                      መዳፍ ላይ ነው።

#አቤል_(ያኖስ)

#ethiopianye

ህዝቤ ጠይም ሳለ ሩህሩህ ነበረ
ቀለም ገባው መስል ይቀ'ላ ጀመረ

#አማኑኤል_ሀብታሙ

@ethiopianye

📎

በዓለም
አንድ አንቺ
አጥብቀሽ ወድደሽኝ ፤

በዓለም
አንድ አንቺ
በሙሉ ዐይን አይተሽኝ ፤

በዓለም
አንድ አንቺ
እሾህ የሌለበት ~
አበባ አድርገሽኝ ፤

ከሰው መደበቂያ
ከሰው መኗኗሪያ
ጭንብሌን አስጣልሽኝ ።

@ethiopianye

ማርፈድ
ታውቃለህ አውቃለሁ፤
ተግባብተናል ተዋውቀናል፤
ሀዘን ደስታን ተጋርተናል፤
ከሰው በላይ ተላምደናል፤
ካልተያየን ቅር ይለናል ፤
በልባችን ዘር ዘርተናል፤
ማጨዱ ግን ያው ከብዶናል፤
ልባችን❤️ ፍቅር እያለው፤
አፋችን ምን ለጎመው፤
ምን ከበደው ለመናገር፤
ቃል አውጥቶ ለመመስከር፤
የተሸለምነውን ፍቅር፤
ካምላክ የተሰጠን የመዋደድን ቃል፤
እስኪ እናውጣው እንናገር🗣፤
ከልባችን አንታገል፤
አንሽሸው ይህን ደስታ፤
እናጅበው በትዝታ፤
እንሞሽረው በእልልታ
                 ቃል አውጥተን ለአንድ አፍታ፤
አንተም ሁነኝ አባወራ፤
እኔም ልሁን እማወራህ፤
ቃል አውጥተን እንግባባ፤
ጎተራችን ማሳው ይሙላ፤
ቤታችን ይሁን ተድላ፤
አንዳችን ላንዳችን እንሁን ከለላ፤
ትንሽ ከዘገየን ማርፈድም አለና።
                      #ከነዓን_ዮሴፍ

@ethiopianye
@ethiopianye

ጨለማው

ጨለማ ነው ህይወቴ
ክፋት ነው ሀብቴ
ክህደት ነው እምነቴ
የለም ቀርቷል ሰውነቴ
በጣም እርቆኛል ድህነቴ
የሰው ደም ነው ሀብቴ
ክፋት ነኝ እኔ ጨለማው ነው ቤቴ
አታሳዩኝ ብረሃን ወጋገን ያመኛል
ተው አትነካኩኝ ፅልመት ይሻለኛል
የነካካቹኝ እንደሆን ብላቹ ይቀየራል
እረፉ ብያለው ጨለማዬ ያሰምጣቹሀል

                                #ማያዬ_አብዮት
@ethiopianye
@ethiopianye

ተዘጋጃችሁ............ ተመስጦ ያስፈልጋል ➢
ገጣሚና አቅራቢ ኤፍሬም ስዩም

@ethiopianye

#ማያዬ

@ethiopianye

ወይ አለመታደል
እኔ እና አንቺ እኮ.....
መፋቀር ታድለን መለየት ወደድ፤
ይሀው ሳንጋባ  ሰማንያ ቀደድ።
@አሀድ

@ethiopianye

ለምን ፈጠርህ?

እልፍ አዕላፍ ዘመናት  ወደ ኋላ ዞሬ
መኖሬን ሳልጨርስ ባለመኖር ኖሬ
እንደ ኤፍሬም ስዩም
ለምን አልፈጠርም አልልህም ዛሬ

ያለው ያነሰበት ፍስሀ የራቀው
አለም ጠባብ ሆና
                   ልቡን የጨነቀው
ፍጡር ያነሰው ነው
ለምን አልፈጠርህም
                ብሎ የሚጠይቀው

ያውም ወደ ትናንት የኋሊት ተጉዤ
   ፍጡር የሌለበት ቀናትን መዝዤ
ወደ አንተ አልመጣም
ለምን አልፈጠርህም?
                   የሚል ሙግት ይዤ

ሁሉን የምታደርግ
                      የአለማት ንጉስ
ለምን አልፈጠርህም
                  የተባልህ ክርስቶስ
አንዴ ልጠይቅህ
                   ጥያቄየን መል'ስ

ለምን ፈጠርህ?

ለሰው ነፃ ፈቃድ
                    ከሰጠህ በኋላ
ለምን እባብ ፈጠርህ
                    ካንተ የሚያጣላ

ለምን ፈጠርህ?

የተገኘን ሁሉ
ከየመንገዱ ላይ እየበላን ስንኖር
ብርድ ሳይደቁሰን ልብስ ሳንቸገር
በለስን የፈጠርህ
                    ለምን ጥቅም ነበር

የሚበላ ሞልቶ
በለስን የበላን እኛ ሆዳም ፍጡር
አትስሩ ያልከንን በመስራት ስንሽር
ሞት ሲፈረድብን የባርነት ቀንበር
ለምን አንተ ሞተህ
               ፈጠርህ አዲስ መኖር

ደግሞስ
ሞታችንን በሞት
             በገደልከው ማግስት
ልቡን እያወቅኧው
            ይህን የአዳም ፍጥረት
አመንዝራ ፈጥረህ
ለምን ትደግማለህ ስተትን በስተት

አንተ የአለም ገዢ
             ሁሉን ማድረግ ስትችል
ለምን ትፈጥራለህ
            ቃል ማክበር የማይችል
ለምን?
        ለምን?
አስርቱ ትዕዛዝህን ጠንቅቆ ፈፃሚ
ለክብርህ አጎብዳጅ ሰጋጅና ጿሚ
አለምን ዘንግቶ ከማህሌት ቋሚ
በሁሉ ስራዎች አንተን የሚከተል
እንዲህ አይነት ፍጡር
        መርጠህ መፍጠር ስትችል
ለምን ትፈጥራለህ
                    ቃልህን ሚያቃልል

ለምን ፈጠርህ?

የአንተን ግሩም ስራ
                   ፍጥረትህን የሚንቅ
አውቃለሁ ባይ ፍጥረት
                  በፍፁም የማያውቅ
አንተን ሊገዳደር
ከትልቁ ባህር
                 በማንኪያ የሚጠልቅ
የእጆችህን ስራ
ለምን ፈጠርህ ብሎ
                        ደፍሮ የሚጠይቅ
ለምን ትፈጥራለህ
                     የእኔ አይነቱን ደረቅ

እኮ ለምን?

✍ዝምተኛው ፀሀፊ
@belay_HI


@ethiopianye