Ethiopian Artificial Intelligence Institute Telegram-Beiträge  

አርቲፊሻል ኢንተለጀንስ በኢንዱስትሪዎች ውስጥ ምርታማነትን ከመጨመር ባሻገር በምርት ሂደት ሊገጥሙ የሚችሉ አደጋዎችን ለመግታት እና ሌሎች በርካታ አገልግሎቶችን እየሰጠ ይገኛል፡፡ https://youtu.be/QHmqldF1hlE

https://youtu.be/zRpZLDe0Z80

በጀነራል ዊንጌት ፖሊ ቴክኒክ ኮሌጅ የኤ.አይ ክበብ አባላት ኢንስቲትዩቱን ጎበኙ፡፡

በጀነራል ዊንጌት ፖሊ ቴክኒክ ኮሌጅ የኤ.አይ ክበብ አባላት የኢትዮጵያ አርቲፊሻል ኢንተለጀንስ ኢንስቲትዩትን ጎብኝተዋል፡፡ በጉብኝቱ ስለኢንስቲትዩቱ አጠቃላይ የስራ እንቅስቃሴ እና ስለ አርቲፊሻል ኢንተለጀንስ ቴክኖሎጂ ገለጻ ተደርጎላቸዋል፡፡ የክበቡ አባላት በጉብኝታቸው በሀገራችን ወደ ትግበራ የገቡ የቴክኖሎጂው ውጤቶችን በመገንዘባቸው ለዘርፉ ያላቸው ፍላጎት እንደጨመረው ገልጸዋል፡፡

በጉብኝቱ ወቅት ለክበቡ አባላት የአጭር ጊዜ የስልጠና መርሓ ግብር በኢንስቲትዩቱ መዘጋጀቱ ተገልጿል፡፡ በዚህም ስልጠናዉ ላይ ሊካተቱ ስለሚገባቸዉ የተለያዩ ጉዳዮች ዉይይት ተደርጓል፡፡

ስልጠናዉ ከጀነራል ዊንጌት ፖሊ ቴክኒክ ኮሌጅ በተጨማሪ ኢንስቲትዩቱ በተለያዩ ትምህርት ቤቶች ላቋቋማቸው የኤ.አይ ክበብ አባላት የሚሰጥ ይሆናል፡፡

ድረ ገጽ | ፌስቡክ | ኤክስ | ዩቲዩብ | ቲክቶክ | ሊንክድኢን | ኢንስታግራም

https://youtu.be/treRFB4PixQ

https://youtu.be/_GvGCkqucvw

የአፋር ታለንት አካዳሚ ተማሪዎች የኢትዮጵያ አርቲፊሻል ኢንተለጀንስ ኢንስቲትዩትን ጎበኙ።

አፋር ክልል ከሚገኘው አፋር ታለንት አካዳሚ አዳሪ 2ኛ ደረጃ ትምህርት ቤት የተውጣጡ ተማሪዎች በኢትዮጵያ አርቲፊሻል ኢንተለጀንስ ኢንስቲትዩት ጉብኝት አድርገዋል።

በጉብኝቱ ወቅት ስለኢንስቲትዮቱ አጠቃላይ የስራ እንቅስቃሴ ገለጻ ተደርጎላቸዋል፡፡ ተማሪዎቹ አርቲፊሻል ኢንተለጀንስ ቴክኖሎጂ በዓለማቀፍ ደረጃ ያለበትን የእድገት ደረጃ እና የቴክኖሎጂውን አቅም በጉብኝቱ ወቅት መረዳታቸውን ተናግረዋል፡፡ በተጨማሪም ሃገራችን በቴክኖሎጂው የደረሰችበትን አቅም በማየታቸዉ ወደፊት በዘርፉ ላይ ለመሰማራት ፍላጎት እንዳሳደረባቸዉ ገልጸዋል፡፡

ኢንስቲትዩቱም ለነገ ሀገር ተረካቢ ታዳጊዎች የጉብኝት መርሓ ግብር በማዘጋጀቱ በአፋር ክልል ትምህርት ቢሮ እና በአፋር ታለንት አካዳሚ ስም ምስጋና ቀርቦለታል፡፡

በጉብኝቱ የተሳተፉት ተማሪዎች የአፋር ክልል ትምህርት ቢሮ ከሰመራ ዩኒቨርሲቲ ጋር በመተባበር ያዘጋጀውን ፈተና በማለፍ በአፋር ታለንት አካዳሚ አዳሪ ትምህርት ቤት ከ9ኛ እስከ 12ኛ ክፍል በመማር ላይ የሚገኙ ናቸዉ፡፡


ድረ ገጽ | ፌስቡክ | ኤክስ | ዩቲዩብ | ቲክቶክ | ሊንክድኢን | ኢንስታግራም

ኦፕን ኤ.አይ GPT-4.5 እና GPT-5 የተባሉ አዳዲስ የኤ.አይ ሞዴሎችን ይፋ ሊያደርግ ነው፡፡

የኦፕን ኤ.አይ ዋና ስራ አስፈፃሚ ሳም አልትማን GPT-4.5 እና GPT-5 ስለተባሉ ሞዴሎች በኤክስ የማሕበራዊ ትስስር ገጹ መረጃ አጋርቷል፡፡ መረጃው ኩባንያው ሁሉንም የኤ.አይ ሞዴሎች ወደ አንድ የተዋሀደ ሥርዓት ለማምጣት እየሰራ እንደሚገኝ የሚገልጽ ነው፡፡

እንደ ዋና ስራ አስፈጻሚው መረጃ ከሆነ GPT-4.5 ወይም ኦሪዮን ተብሎ የሚጠራው ሞዴል ለሚያቀርባቸው ምላሾች ምክንያታዊነትን የማያካትት የኩባንያው የመጨረሻ ሞዴል እንደሚሆን ተመላክቷል፡፡ ይህም ከዚህ በኋላ በኦፕን ኤ.አይ ይፋ የሚሆኑ ሞዴሎች የሚያቀርቡት ምላሽ ምክንያትን ያካተት እና ውስብስብ ችግሮችን ለመፍታት ከፍተኛ የማሰላሰል ሂደት የሚከተሉ እንደሚሆን ተጠቁሟል፡፡

ከእነዚህ ሞዴሎች ይፋ መሆን በኋላ የኩባንያው ዋና ግብ ኦ-3 ተብለው የሚታወቁትን ሞዴሎች እና የጂ.ፒ.ቲ ተከታታይ ሞዴሎችን አንድ ማድረግ ነው። በውጤቱም ኦ-3ን ጨምሮ ሌሎቹንም የሚያጠቃልል GPT-5 እንደሚለቀቅና የኦ-3 ሞዴል ከዚህ በኋላ ራሱን የቻለ ነጠላ ሞዴል ሆኖ እንደማይቀጥል ታውቋል።

GPT-5 የተለያዩ ሞዴሎች አሁን ላይ የሚከውኑትን ተግባራት በአንድ የሚያጠቃልል ማዕከላዊ ሞዴል ከመሆን በሻገር በከፍተኛ የአስተውሎት ደረጃ ስራዎችን የሚከውን እንደሚሆን የዋና ስራ አስፈጻሚው መረጃ ያመላክታል፡፡

አልትማን ሞዴሎቹ የሚለቀቁበትን ቀን በግልፅ ባያስቀመጥም በሳምንታት አልያም በጥቂት ወራት ውስጥ ለተጠቃሚዎች ይፋ እንደሚሆን ታውቋል፡፡

ድረ ገጽ | ፌስቡክ | ኤክስ | ዩቲዩብ | ቲክቶክ | ሊንክድኢን | ኢንስታግራም

Delegations from Meta Visit the Ethiopian Artificial Intelligence Institute.

A delegation from Meta, led by Mr. Kojo Boakye, Vice President of Public Policy for Africa, Middle East, and Türkiye, visited the Ethiopian Artificial Intelligence Institute. They were welcomed by the institute's Director General, Worku Gachena (Ph.D.), and Deputy Director General, Taye Girma (Ph.D.). The delegation received an overview of the institute's AI-driven work from the Director General.

Mr. Kojo Boakye expressed his admiration for the institute’s progress in incorporating AI across various sectors. The delegation also relayed their positive impression of the institute's AI initiatives and expressed their desire to expand upon the existing partnership between Meta and the institute.

The visit concluded with in-depth discussions between the institute's officials and the delegation to explore further collaborative avenues.

Meta has been a long-time partner of EAII in AI and related fields.

በአርቲፊሻል ኢንተለጀንስ ቴክኖሎጂ መስክ ዓለማቀፍ ትብብር እና ደህነነቱ የተጠበቀ ትግበራ እንዲኖር ቻይና ጥሪ አቀረበች፡፡

ቻይና ጥሪውን ያቀረበችው በሳምንቱ መጀመሪያ በአርቲፊሻል ኢንተለጀንስ ቴክኖሎጂ ወቅታዊ ጉዳይ ላይ በፓሪስ ለሁለት ቀናት ሲመክር በቆየው ‘AI Action Summit’ ላይ ነው፡፡

የቻይናው ፕሬዝዳንት ዢ ጂንፒንግ ተወካይ ዣንግ ጉዋኪንግ ሰኞ ዕለት በጉባኤው ላይ ተገኝተው መልዕክት አስተላልፈዋል፡፡ መላው የሰው ልጆች የሚጋሩትን መጻኢ ጊዜ ለመፍጠር በአርቲፊሻል ኢንተለጀንስ መስክ የጋራ ልማት እና ደህንነት አስፈላጊ ስለመሆኑ ተወካዩ አጽንኦት ሰጥተዋል።

አርቲፊሻል ኢንተለጀንስ በቴክኖሎጂና ኢንዱስትሪ ሽግግር ውስጥ ቁልፍ ኃይል መሆኑን የዢ ጂንፒንግ ተወካይ አንስተዋል። ስለሆነም በዘርፉ ፈጠራ፣ አካታችነት እና አስተዳደር ረገድ ዓለማቀፍ ትበብር ሊኖር እንደሚገባ አሳስበዋል፡፡

ቴክኖሎጂው ይዟቸው የመጡ ዕድል እና ተግዳሮቶችን በመጋፈጥ ሁለንተናዊ ተጠቃሚነትን ለማረጋገጥ እንዲሁም የአርቲፊሻል ኢንተለጀንስ አስተዳደርን ለማሻሻል ዓለማቀፉ ማህበረሰብ በጋራ ሊሰራ እንደሚገባ ዣንግ ጉዋኪንግ ገልጸዋል፡፡

በጉባዔው ከ30 በላይ የሀገራት መሪዎች እና ዓለማቀፍ ተቋማት የተሳተፉ ሲሆን በማጠቃለያውም በቴክኖሎጂው አስተዳደር ዙሪያ የጋራ መግለጫ አውጥተዋል።

ድረ ገጽ | ፌስቡክ | ኤክስ | ዩቲዩብ | ቲክቶክ | ሊንክድኢን | ኢንስታግራም

ጉግል ኩባንያ ጀሚኒ 2.0 የተባለ አዲስ የአርቲፊሻል ኢንተለጀንስ ሞዴል አስተዋወቀ፡፡

ሞዴሉ ከዲፕሲክ ጋር ሊወዳደር የሚችል እንደሆነ እየተነገረ ነዉ፡፡

ይህ የኤ.አይ ሞዴል ጉግል ኩባንያ በአርቲፊሻል ኢንተለጀንስ ዘርፍ ያለዉን ተሳትፎ ለማጠናከር የሚያስችል እንደሆነ እየተነገረለት ይገኛል፡፡

ጀሚኒ 2.0 በኩባንያው ስር ለሚተዳደረዉ ጀሚኒ ኤ.አይ ሞዴል ተጨማሪ የመፈጸም አቅም ያላብሰዋል፡፡ ሞዴሉ ጽሁፍን ብቻ መረዳት ከሚችሉ መሰል የኤ.አይ ሞዴሎች ጋር ሲነጻጸር ዘርፈ ብዙ አገልግሎቶችን ይሰጣል፡፡

ሞዴሉ ከተጠቃሚዎች ለሚቀርብለት ጥያቄ ምላሽ እና ማብራሪያ መስጠት፣ የኮምፒዩተር ኮድ መጻፍ እና የተለያዩ ተግባራትን መከወን ይችላል፡፡

ጀሚኒ 2.0 እስከ 1.5 ሚልዮን ቃላቶችን በአንድ ጊዜ ለመተንተን የሚያስችል አቅም አለው፡፡ በተጨማሪም መረጃዎችን ከጎግል ሰርች ኢንጅን ማግኘት የሚያስችል አማራጭ አካቷል፡፡

ቴክ ክረንች በዘገባዉ እንዳስነበበዉ ሞዴሉ በቀዳሚው የጀሚኒ እና ሌሎች የጉግል መተግበሪያዎች ላይ ይገኛል፡፡

ድረ ገጽ | ፌስቡክ | ኤክስ | ዩቲዩብ | ቲክቶክ | ሊንክድኢን | ኢንስታግራም