Ethiopian ministry of education news

"የኢኖቬሽንና ቴክኖሎጂ ምርምሮችና ድጋፎች ለኢኮኖሚ እድገትና ልማት ዘላቂ አስተዋጽኦ እንዲያበረክቱ በሚያስችል የድጋፍና ቅንጅት ስርዐት ሊመሩና ሊተገበሩ ይገባል።"
(ምሁራን)
====

የኢኖቬሽንና ቴክኖሎጂ ሚኒስቴር ለአገራዊ ልማትና ኢኮኖሚያዊ እድገት የበኩሉን አስተዋጽኦ ለመወጣት የሚያስችል ምቹ ሁኔታ ለመፍጠር አልሞ እየሰራ ነው።

ሚኒስቴር መስሪያቤቱ በኢትዮጵያ ቅድሚያ ለሚሰጣቸው የኢኮኖሚ ዘርፎችን ለመደገፍና ለተጣሉ ግቦች ስኬት አስተዋጽኦ የሚያበረክቱ አዳዲስ ምርምሮችን ማድረግ የሚያስችለውን የፖሊሲ፣ ስትራቴጂ፣ አደረጃጀት፣ ተልዕኮ ቀረጻና ትግበራና ነባራዊ ሁኔታ ዳሰሳ ላይ ያተኮረ ጥናት ከአዲስ አበባ ዩኒቨርስቲ ጋር በመተባበር አድርጓል።

ሚኒስቴር መስሪያቤቱ ከዩኒቨርስቲው ጋር በመተባበር በኢኖቬሽንና ምርምር ዘርፍ የቴክኖሎጂ ሽግግር፣ ምርምርና የኢኖቬሽን አሰራርና ድጋፍ አተገባበር የሚመራበትን አውድ በመፈተሽ ሰነድ አዘጋጅቶ የማረጋገጫ አውደ ጥናት አድርጓል።

በኢኖቬሽንና ቴክኖሎጂ ሚንስቴር የኢኖቬሽን ልማትና ምርምር ሚኒስትር ዴኤታ ባይሳ በዳዳ (ፒኤችዲ) አውደ ጥናቱን ሲከፍቱ ፤ የሳይንስ ቴክኖሎጂና ኢኖቬሽን ዘርፉን ለመምራት የተሰጡትን ተልዕኮዎች በመወጣት አገር ወደ ብልጽግና የምታደርገውን ጉዞ በቴክኖሎጂ ለመደገፍ ዘርፈ ብዙ ተግባራትን እያከናወነ ነው ሲሉ ተናግረዋል።

ዶክተር ባይሳ አክለውም፥ የዘርፉን አገራዊ ፖሊሲዎች፣ ስትራቴጂዎች፣ መርሃ ግብሮች እና የማስፈጸሚያ መመሪያዎችን በማዘጋጀትና የዘርፉን ተልዕኮዎች ከዐለም አቀፍ ተሞክሮ ጋር ተጣጥመው እንዲመሩ የሚያስችሉ ፕሮጀክቶችን በመቅረጽ የማስተባበርና የመደገፍ ስራ እየሰራ ነው።

https://t.me/ethiopian_ministry_of_education

በ2014 ዓ.ም 12ኛ ክፍል የላቀ ዉጤት ላመጡ ስለተሰጠዉ የዉጪ ሀገር የትምህርት እድል /Scholarship / አንዳንድ ነጥቦች፤-

በ2014 ዓ.ም የ12ኛ ክፍል ፈተና ከተፈተኑ ተማሪዎች መካከል 3.3 በመቶ ተማሪዎች ብቻ ወደዩኒቨርስቲ የሚያስገባቸዉን 50/በመቶና በላይ ዉጤት ያስመዘገቡ ሲሆን ከነዚህ መካከል 263 የተፈጥሮ ሳይንስ ተማሪዎች 600/700 እንዲሁም 10 የማህበራዊ ሳይንስ ተማሪዎች 500/600 በማምጣት የሀገሪቱን የላቀ ዉጤት አስመዝግበዋል፡፡

እነዚህ 273 ተማሪዎች የካቲት 21/2015 ዓም በሀገር አቀፍ ደረጃ የኢፌዲሪ ጠቅላይ ሚኒስትር ዶ/ር ዓብይ አህመድ፣ የትምህርት ሚኒስትሩ ፕሮፌሰር ብርሃኑ ነጋና የአጠቃላይ ትምህርት ዘርፍ ሚኒስትር ዴኤታ ዶ/ር ፋንታ ማንደፍሮ እጅ የእዉቅናና ሽልማት ተቀብለዋል፡፡

በዚሁ እለት በክቡር ጠቅላይ ሚኒስትር ዓብይ አህመድ ለእነዚህ ተማሪዎች በተባበሩት አረብ ኤምሬትስ የትምህርት እድል/ Scholarship / እንደተገኘ ተገልጸል፡፡

በ2014 ዓም. የተጀመረዉ የፈተና ስርዓት ለዉጥ እንዲጠናከርና መንግስት ለትምህርት ዘርፉ የሰጠዉን ልዩ ትኩረት ለማሳየት ጠቅላይ ሚኒስትሩ ባደረጉት ጥረት ከወዳጅ አገራት የተገኘዉ ይህ የትምህርት እድል ተማሪዎች ከመስከረም/2016 ዓም ጀምሮ እንዲማሩ ተመቻችቷል፡፡

https://t.me/ethiopian_ministry_of_education

“ጠንክረን በተማሪዎቹ ላይ በመስራታችን ለተከታታይ አስር ዓመታት በውጤታማነት መዝለቅ ችለናል” የወላይታ ሊቃ 2ኛ ደረጃ ትምህር ቤት ርዕሰ መምህር አቶ ማቱሳላህ፡፡
------------------------//---------------------
የወላይታ ሊቃ 2ኛ ደረጃ ትምህርት ቤት ርእሰ መምህር አቶ ማቱሳላህ ጎና ጠንክረን ተማሪዎች ላይ በመስራታችን ባለፉት አስር ዓመታት በ12ኛ ክፍል ያስፈተናቸውን ተማሪዎች በሙሉ ወደ ዩኒቨርሲቲ በማስገባት በውጤታማነት መዝለቅ መቻላቸውን ገለፁ፡፡

የወላይታ ልማት ማህበር በ2000 ዓ.ም ትምህርት ቤቱን በመመስረት ከ5ኛ እስከ 7ኛ ክፍል ያሉ ተማሪዎችን በመቀበል የመማር ማስተማር ስራውን በመጀመር የመጀመሪያዎቹን የ12ኛ ክፍል ተማሪዎች በ2005 ዓ.ም ማስፈተኑን ርእሰ መምህሩ ገልፀዋል።

ትምህርት ቤቱም ለአስር ዓመታት ያስፈተናቸውን ሁሉንም ተማሪዎች ወደ ዩኒቨርሲቲ ያስገባ መሆኑም ተገልጿል፡፡

በዚህ ትምህርት ቤት የተማሩ ተማሪዎቹም ከፍተኛ ውጤት በማምጣት ከ85 በመቶ በላይ የሚሆኑት በመረጡት ዘርፍ ትምህርታቸውን መከታተላቸውም ተገልጿል።

ትምህርት ቤቱ ላመጣው የላቀ ውጤት የመምህራን እና ተማሪዎች ለትምህርት የሰጡት ትኩረት ከፍተኛ በመሆኑ መሆኑንም ርዕሰ መምህሩ ተናግረዋል።

ለተማሪዎችም ሙሉ የትምህርት ቁሳቁስ፣ የማደሪያ፣ የምግብ ፣ የህክምና ወጪ በወላይታ ልማት ማህበር በመሟላቱ ምቹ የትምህርት ሁኔታ መፍጠር መቻሉም ተገልጿል።

በመጨረሻም ትምህርት ቤቱ ባለበት የውጤታማነት ደረጃ እንዲቀጥል ልዩ ትኩረት ተሰጥቶት እየተሰራ እንደሚገኝ አቶ ማቱሳለህ ተናግረዋል፡፡

https://t.me/ethiopian_ministry_of_education

የመጀመሪያው የሮቦቲክስ ቻምፒዮንስሺፕ ውድድር በአዲስ አበባ የሳይንስ ሙዚየም ተካሂዷል ፦
=====
"ውድድሩ ለሳይንስ፣ ቴክኖሎጂና ኢንጅነሪንግ ዘርፎች እድገት ከፍተኛ አስተዋጽኦ ያበረክታል"
(ዶክተር በለጠ ሞላ)

የመጀመሪያው የአፍሪካ ሮቦቲክስ ሻምፒዮንሺፕ የኢትዮ-ሮቦ ሮቦቲክስና የኢኖቬሽን እና ቴክኖሎጂ ሚኒስቴር ጋር በመተባበር በአዲስ አበባ የሳይንስ ሙዚየም እየተካሄደ ነው።

የኢኖቬሽንና ቴክኖሎጂ ሚኒስቴር ሚኒስትር ክቡር በለጠ ሞላ (ፒኤችዲ) ውድድሩን በንግግር ከፍተውታል። እንደ ዶክተር በለጠ ይህ የአፍሪካ ሮቦቲክስ ውድድር በአዲስአበባ መካሄዱ የሳይንስ፣ ቴክኖሎጂንና ኢንጅነሪንግ ዘርፍን በማሳደግ ለአፍሪካ እድገት ትልቅ አስተዋጽኦ ያበረክታል፡፡

ክቡር ሚኒስትሩ አክለውም የቴክኖሎጂ እድገቶች ከአቅማችን ውጪ ለሆኑ ውስብስብ ችግሮች መፍትሄ እያስገኙ ስለሆነ መሰል ውድድሮች መዘጋጀታቸው የተማሪዎችን አቅም በማሳደግ ረገድ ፋይዳቸው የጎላ ነው ብለዋል።

በሂደቱ ጥሩ የትምህርት፣ የቡድንና ምቹ የስራ አካባቢ በመፍጥር፤ የጋራ እውቀት ለማግኘትና እና የፈጠራ ችሎታን ማዳበር እንደሚያስችል እምነታቸውን ገልጸው፤ ወደፊት ዘርፉ በዳበረባቸው እንደ አሜሪካ፣ ካናዳ እና ቻይና ባሉ ዓለም አቀፍ አገራት መድረኮች መሳተፍ የሚያስችል አቅም ያስገኛል ሲሉ ጠቁመዋል።

ውድድሩ የተማሪዎችን የፕሮግራሚንግ፣ ዲዛይን፣ ምህንድስና እና ተዛማጅ ክህሎቶቻቸውን እንዲያሻሽሉ የተዘጋጀ ነው። ተማሪዎች፣ አስተማሪዎች እና አሰተባባሪዎች ለመሰል ዝግጅቶች ትኩረት ሊሰጡ እና ዘርፉን በመቀላቀል መሳተፍ እንደሚገባ ተጠቁሟል።

https://t.me/ethiopian_ministry_of_education

ማስታወቂያ

ሀገር አቀፍ አወደ-ጥናትና አውደ-ርዕይ ላይ የምርምርና ፈጠራ ስራዎች ማቅረብ ለምትፈልጉ የከፍተኛ ትምህርትና ምርምር ተቋማት በሙሉ

የትምህርት ሚኒስቴር ከሚመለከታቸው የፌደራል ምርምር ተቋማት ጋር በመተባበር ‘’የኢትዮጵያ ምርምር ስነ-ምህዳር፤ ተግዳሮቶች እና ተስፋዎች’’ በሚል ጭብጥ ላይ ያተኮረ አገር አቀፍ የምርምር አውደ-ጥናት እና አውደ-ርዕይ ከመጋቢት 28-30 ቀን 2015 ዓ.ም በአዲስ አበባ ሳይንስ ሙዝየም ያካሂዳል፡፡
በአወደ-ጥናቱ ላይ የተለያዩ የምርምርና ፈጠራ ስራዎች በተመረጡ የከፍተኛ ትምህርት እና ምርምር ተቋማማ ለእይታ ይቀርባሉ፡፡ በተጨማሪም በዚህ መድረክ ላይ የተለያዩ ባለድርሻ አካላት ማለትም ኢንዱስትሪዎች፤ ኢንቬስተሮች፤ መንግስታዊ እና መንግስታዊ ያልሆኑ ድርጅቶች የሚታደሙ ይሆናል፡፡
ስለሆነም በተቋማችሁ የተሰሩ የምርምር እና የፈጠራ ውጤቶችን በመለየት ከፍተኛ ተፈላጊነት ያላቸውንና ለሀገር እድገት አስተዋፆ ሊያበረክቱ የሚችሉትን በመምረጥ ይህ ማስታወቂያ ከወጣበት ቀን ጀምሮ ባሉት 10 ቀናት ውስጥ የምርምር ፈጠራውን ስም፤ የተሰራበትን ተቋም እና ጊዜ እንዲሁም የሚያበረክተውን አስተዋፆ በጽሑፍ እና በምስል በማስደገፍ በ[email protected] አድራሻ ሶፍት ኮፒ መላክ የምትችሉ መሆኑን እየገለጽን ተጨማሪ መረጃ በ 0912887336 በስራ ስአት በመደወል ማግኘት የሚቻል መሆኑን እናሳዉቃለን፡፡ የትምህርት ሚኒስቴር

https://t.me/ethiopian_ministry_of_education

#ማስታወቂያ

በ2015 ትምህርት ዘመን ከትምህርት መስክ እና ተቋም ምደባ ጋር ተያይዞ የቀረቡ ጥያቄዎችና ቅሬታዎች ምላሽ በ

https://placement.ethernet.edu.et

ማየት የምትችሉ መሆኑንና ከዚህ በኋላ ከምደባ ጋር የተያያዘ ምንም አይነት ቅሬታ የማናስተናግድ መሆኑን እንገለጻለን።

ተማሪዎች የትምህርት ጥራትን ለማረጋጋጥ የጀመርናቸው የሪፎርም ሥራዎች እንዲሳኩ የበኩላችሁን እንድትወጡ እያልን በተመደባችሁበት የትምህርት መስክ እና ተቋም ህልማችሁ እንዲሳካና በቀጣይ ጠንካራ አገር ለመገንባት እንደ ህዝብ ለጀመርነው ተግባር ተገቢውን እውቀትና አስተውሎት የምትይዙበት ዘመን እንዲሆንላችሁ ከወዲሁ እንመኝላችኋለን።

ትምህርት ሚኒስቴር!

https://t.me/ethiopian_ministry_of_education

# ማስታወቂያ

በ 2014 ትምህርት ዘመን የ12ኛ ክፍል ማጠቃለያ አገር አቀፍ ፈተና ወስዳችሁ 50 ከመቶ እና ከዚያ በላይ ያመጣችሁ እና በመንግስት ተቋማት ገብታችሁ መማር የምትፈልጉ ተማሪዎች የተቋም ምርጫችሁን በየትምህርት ቤታችሁ በተወከሉ መምህራን በኩል እስከ የካቲት 02/2015 ዓ.ም ድረስ ማስተካከል የምትችሉ መሆኑን እንገልጻለን።

ማሳሰቢያ:-

በ 2015 የትምህርት ዘመን በልዩ ሁኔታ በአዳማ እና አዲስ አበባ ሳይንስና ቴክኖሎጂ ዪኒቨርሲቲዎች መማር የምትፈልጉ የተፈጥሮ ሳይንስ ተማሪዎች የመግቢያ ፈተና የማይሰጥ መሆኑን አውቃችሁ መርጣችሁ መመደብ የምትችሉ መሆኑን እንገልጻለን።

በምደባ ወቅት አዎንታዊ ድጋፍ የምትሹ (ተመሳሳይ ጾታ ያላችሁ መንትያዎች፣ እመጫቶች(በቅርቡ የወለዳችሁ እናቶች) ፣ ነፍሰጡር ተማሪዎች፣ በመንግስት ሆስፒታሎች ህክምና ቦርድ የተረጋገጠ ልዩ ክትትል የሚሻ ህመም ታማሚዎች … ወዘተ) ተማሪዎች ማመልከቻችሁን እና ደጋፊ ሰነዶቻችሁን በቀጣዩ ሊንክ

https://student.ethernet.edu.et

በኩል ብቻ እንድትልኩ እየገለጽን ምንም አይነት ማመልከቻ በአካል የማንቀበል መሆኑን እናሳውቃለን።

ትምህርት ሚኒስቴር!

https://t.me/ethiopian_ministry_of_education

"በኢትዮጵያ አዲስ ከተቀረጸው ስርዓተ ትምህርት ታንዛኒያ ጠቃሚ ግብዓት አግኝታለች " የታንዛኒያ የትምህርት ፣ የሳይንስና የቴክኖሎጂ ቋሚ ምክትል ሚኒስትር
----------------------------------------------------

ጥር 24/2015 ዓም (ትምህርት ሚኒስቴር) የታንዛኒያ የትምህርት ፣ የሳይንስና የቴክኖሎጂ ሚኒስቴር ልዑካን ቡድን በትምህርት ሚኒስቴር የልምድ ልውውጥ ጉብኝት አድርጓል ።

12 አባላት ያሉት የታንዛኒያ የልዑካን ቡድን በቅድመ መደበኛ ፣ በሁለተኛ ደረጃ ፣ በቴክኒክና ሙያና በዩኒቨርስቲዎች በመዘዋወር ምልከታ አድርጓል።

ልዑካን ቡድኑን የመሩት የታንዛኒያ ሪፐብሊክ ቋሚ ምክትል የትምህርት፣ የሳይንስና የቴክኖሎጂ ሚኒስትር ፕሮፌሰር ጀምስ ኤፒፈን ጋብርኤል ሞድ በጉብኝቱ ወቅት በኢትዮጵያ አዲስ ከተቀረጸው ስርዓተ- ትምህርት አገራቸው በርካታ ጠቃሚ ልምዶችን እንዳገኘች ገልፀዋል።

በአሁኑ ወቅት አገራቸው ታንዛኒያ የስርዓተ ትምህርት ማሻሻያና ክለሳ ተግባራትን እያከናወነች መሆኑን የገለፁት ሚኒስትሩ የኢትዮጵያ አዲሱ ስርዓተ ትምህርት ለአገር በቀል ዕውቀቶች ፣ ለተግባርና ሙያ ( ክህሎት ) ትኩረት የሰጠ መሆኑንን ተናግረዋል።

በትምህርት ሚኒስቴር የስርዓተ ትምህርት ማበልጸጊያ መሪ ስራ አስፈጻሚ ቴዎድሮስ ሸዋርገጥ (ዶ/ር) በበኩላቸው ነባሩ ስርዓተ ትምህርት መለወጥ ያስፈለገው በንድፈ ሀሳብ የታጨቀና የአገሪቱን ነባራዊ ሁኔታ ያላገናዘበ በመሆኑ ነው ብለዋል።

አዲሱ ስርዓተ ትምህርት አገራዊ ፍላጎትን ያገናዘበ በቴክኖሎጂ ፣ በዕውቀት ላይ የተመሠረተ ኢኮኖሚያዊ ውድድር በመፍጠር ውጤታማ የሚያደርግ መሆኑንም ለልዑካን ቡድኑ አስረድተዋል።

https://t.me/ethiopian_ministry_of_education

#ማስታወቂያ

የትምህርት ሚኒስቴር የምርምር ስነ ምግባር ግምገማን የተቀላጠፈ እና በተክኖሎጂ የተደገፈ ለማድረግ የሚያስችል ድረ-ገፅ አዘጋጅቶ ወደ ስራ አስገብቷል፡፡ የተዘጋጀው ድረ-ገፅ ተመራማሪው ስራዎቹን ለማመልከት እንዲሁም ገምጋሚው ዶክመንቶቹን አይቶ ምላሽ ለመስጠት የሚያስችል ነው፡፡

በመሆኑም የሚሰሩ የምርምር ስነ ምግባር ስራዎችን በተመለከተ ተገልጋዮች ባሉበት ቦታ ሆነው “NRERB Research Ethics Review Portal በመጠቀም በኦላይን

http://nrerb.ethernet.edu.et

ላይ አገልግሎቱን በቀላሉ ማግኘት የሚችሉ መሆኑን እንገልፃለን፡፡

https://t.me/ethiopian_ministry_of_education

የኢኖቬሸንና ቴክኖሎጂ ሚኒስቴር ከኢትዮጲያ ልማት ባንክ እና ከተባባሩት መንግስታት ልማት ፕሮግራም ጋር በጋራ በመሆን ኢኖቬቲቭ የቢዝነስ ሀሳብ ያላቸውን ጀማሪ እና አነስተኛ የንግድ ድርጅቶችን በማወዳደር ምርትና አገልግሎታቸውን ወደ ገበያ በማስገባት ውጤታማ ኢንተርፕራይዞችን ለመፍጠር ይቻል ዘንድ የብድር ዋስትና የፋይናንስ አቅርቦት አመቻችቷል፡፡
በመሆኑም የመወዳደሪያ መስፈርቱን የምታሟሉ ኢንተርፕራይዞች ከጥር 22 ቀን 2015 ዓ.ም ጀምሮ ከታች በተቀመጠው መስፈንጠሪያ በመጠቀም በቀረበው የፕሮፖዛል ቅጽ መሰረት የቢዝስ ሀሳባችሁን በመላክ እንድታመለክቱ ጥሪ እናቀርባለን፡፡

http://registration.mint.gov.et/
ለበለጠ መረጃ በ + 251 967 944 500 ወይም +251 993 530 103 በመደወል መጠየቅ የምትችሉ መሆኑን እናሳውቃለን

https://t.me/ethiopian_ministry_of_education

"የተገኘው የፈተና ውጤት ከስርቆትና ከኩረጃ በፀዳ መልኩ በትክክል የተመዘገበ መሆኑን ያመላከተ ነው" ፕሮፌሰር ብርሃኑ ነጋ
-------------------------------------------

ጥር 22/2025ዓም (ትምህርት ሚኒስቴር) የትምህርት ሚኒስትሩ ፕሮፌሰር ብርሃኑ ነጋ በ2014ዓም የ12ኛ ክፍል ፈተና የተገኘው የፈተና ውጤት ከስርቆትና ከኩረጃ በፀዳ መልኩ በትክክል የተመዘገበ መሆኑን የሚያመላክት እንደሆነ ገልጸዋል።

የዚህ አመት የፈተና ውጤት አንድምታም ለዓመታት ሲንከባለል የቆየ በርካታ ችግሮች መገለጫ እና ተሸፋፍኖ የቆየውን እውነተኛ የትምህርት ስርዓታችን ያለበትን ደረጃ የሚያሳይ መሆኑንም ተናግረዋል፡፡

ሚኒስትሩ በዩኒቨርስቲዎች ውስጥ የተሰጠው ፈተና ስርቆትን እና ኩረጃን ማስቀረት የተቻለበት እንደሆነ ገልፀው ውጤቱም የዚህ ማሳያ ነው ብለዋል።

በተገኘው ውጤት መሰረትም ከ 50 በመቶ በታች ያመጣ ተማሪ ወደ ዩኒቨርስቲ እንደማይገባም ተናግረዋል።

በ2014 ዓ.ም በተሰጠው ፈተና በሁለቱም የትምህርት መስክ ፈተናውን ከወሰዱት 896 ሺህ 520 ተማሪዎች ውስጥ 29 ሺህ 909 የሚሆኑት ተማሪዎች 50% እና ከዚያ በላይ ማስመዝገባቸው ተገልጿል።

በመሆኑም በቀጣይ እንደሀገር በትምህርቱ ዘርፍ የተሻለ ውጤት ለማስመዝገብ የሁሉም አካላት ቅንጅት እንደሚፈልግ ገልጸዋል።

የትምህርት ሚኒስቴር የ2014 ዓ.ም የ12ኛ ክፍል ፈተና ውጤትን አስመልክቶ መግለጫ መስጠቱ ይታወሳል።

https://t.me/ethiopian_ministry_of_education

የአይሲቲ ፓርክን በሙሉ አቅሙና በአዲስ መልክ በተሰጠው ተልዕኮ ወደ ስራ ለማስገባት የሚያስችል ውይይት የኢኖቬሽንና ቴክኖሎጂ ሚኒሰቴር ከሚመለከታቸው የመንግስት ተቋማት ጋር ውይይት አካሄደ።
----------------------------------------------------------
ከአይሲቲና ዲጂታል ኢኮኖሚ ዘርፍ አንፃር በ10 ዓመቱ መሪ ልማት ዕቅድ፣ በዲጂታል ትራንስፎርሜሽን 2025 ስትራቴጂና በተሻሻለው የሳይንስ፣ ቴክኖሎጂና ኢኖቬሽን ፖሊሲ የተለዩና የኢኖቬሽንና ቴክኖሎጂ ሚኒሰትር ለሚፈፅማቸው ተግባራት እንዲያግዝ በቅርቡ የአይሲቲ ፖርክን ተረክቧል።

የአይሲቲ ፓርክን በሙሉ አቅሙና ከአይሲቲና ዲጂታል ኢኮኖሚ ዘርፍ አንፃር የኢኖቬሽንና ቴክኖሎጂ ሚኒሰትር በተሰጠው ተልዕኮ መሰረት ወደ ስራ ለማስገባት ቁልፍ የሚባሉ መሠረተ ልማቶች ወደ አገልግሎት ለማስገባት ስራ ተጀምሯል። በዚህም መሰረት አገልግሎቶቹን ከሚያቀርቡ የመንግስት መስሪያ ቤቶች ጋር ውይይት ተደርጓል። ከኢትዮጵያ ኤሌክትሪክ አገልገሎትና ከፌደራል ፓሊስ ኮሚሽን ከፍተኛ አመራሮች ጋር በተናጥል በተደረገው ውይይት በአጭር ጊዜ ውስጥ ተጨማሪ የኤሌክትሪክ ሀይል አቅርቦትና የተቋም ደህንነት ጥበቃ ለማስጀመርና ለማጠናከር ስምምነት ላይ ተደርሷል።

በቀጣይም ከሌሎች ከሚመለከታቸው ተቋማት ጋር ተከታታይ የውይይቱ መርሀግብር የተያዘ ሲሆን ባጭር ጊዜ ውስጥ የአይሲቲ ፓርኩ በሙሉ አቅሙና በአዲስ መልክ ወደ ስራ የሚገባ ይሆናል።

https://t.me/ethiopian_ministry_of_education

https://youtu.be/4SlyE3we9Nk

https://t.me/ethiopian_ministry_of_education

🔴 ማሳሰቢያ
የ12ኛ ክፍል ተፈታኞች ውጤታችሁን በትምህርት ምዘናና ፈተናዎች አገልግሎት አድራሻ ብቻ በማየት እራሳችሁን ከተለያዩ ችግሮች ይከላከሉ፡፡

ትክክለኛ ውጤት ማያ አድራሻዎች፡-
• በዌብ ሳይት https://eaes.edu.et/ ወይም
• በ6284 አጭር የጽሑፍ መልዕክት መላኪያ ላይ የምዝግባ ቁጥራቸውን (Registration Number) ብቻ በመላክ ወይም
• በቴሌግራም ላይ https://t.me/eaesbot

➩ ለሌሎች ያጋሩ ( Share)
የትምህርት ምዘናና ፈተናዎች አገልግሎ

https://t.me/ethiopian_ministry_of_education

የ 2014 ዓ. ም የ 12ኛ ክፍል ፈተና የከፍተኛ ውጤት መረጃ

https://t.me/ethiopian_ministry_of_education

https://t.me/ethiopian_ministry_of_education

የ12ኛ ክፍል ፈተና ውጤት አስደንጋጭ ቢሆንም፤ ነገ የተሻለ ትውልድ ለመፍጠር በዚህ ውስጥ ማለፍ ግድ ይላል - ፕሮፌሰር ብርሃኑ ነጋ
**********

በ2014 የትምህርት ዘመን የ12ኛ ክፍል ብሔራዊ ፈተና ውጤት ሪፖርት እና ዋና ዋና ግኝቶች ዙሪያ የትምህርት ሚኒስትሩ ፕሮፌሰር ብርሃኑ ነጋ መግለጫ ሰጥተዋል።

ከዚህ በፊት የነበረው የትምህርት እና ምዘና ስርዓት በርካታ ብልሹ አሰራሮች እንደነበሩበት ያነሱት ሚንስትሩ፤ የአሁኑ የፈተና ስርዓት ይህን ብልሹ አሰራር ለማረም የተወሰደ የመጀመሪያ እርምጃ ነው ብለዋል።

የፈተናው አሰጣጥ በብዙ ፈተናዎች ውስጥ ያለፈ እንደሆነ አንስተው፤ በስኬት ለመጠናቀቁ አስተዋፅኦ ላበረከቱ አካላት ምስጋና አቅርበዋል።

ፈተናው ሙሉ ለሙሉ ከስሮቆት የፀዳ እንደነበረም ተነስቷል።

በጠቅላላ የተመዘገቡት ተፈታኞች ቁጥር 985,354 ሲሆኑ፤ ከነዚህ ውስጥ 92 ከመቶ የሚሆኑት ፈተናውን ወስደዋል።

20,170 ተማሪዎች በፈተናው ከተገኙ በኋላ በተለያዩ የደንብ ጥሰቶች ምክንያት ተባረዋል።

የዚህ ዓመት ውጤት አንድምታ ሲታይ፥ ለዓመታት ከትውልድ ትውልድ ሲንከባለል የተሻገረውን እና ተሸፋፍኖ የቆየውን የትምህርት ስርዓት ብልሽት የሚያሳይ ነው ብለዋል ፕሮፌሰር ብርሃኑ ነጋ በመግለጫቸው።

ለዚህም መንግሥት የትምህርት ስርዓቱን ባለማሻሻል፣ ወላጆች ልጆቻቸውን ባለመከታተልና በሥነምግባር ባለመቅረፅ፣ ትምህርት ቤቶች እና ባለሀብቶች በጋራ የወድቀቱ ተጠያቂ ናቸው ብለዋል።

ከላይ የተጠቀሱ አካላት ቀጣይ መፍትሄዎች ላይ የአንበሳውን ድርሻ በመውሰድ ሊሰሩ እንደሚገባ አሳስበዋል።

https://t.me/ethiopian_ministry_of_education