Ethio Daily Telegram Posts

ምስጋና‼️
🙏🙏🙏

የፍቅር ሽኝት የተደረገለት ፖሊስ

Inbox ሰላም ሰላም ጉርሻዎች በዱባ ሞት ይህን ቅን የፖሊስ አባል አመስግነን ሸኝተናል ጉርሻዎች የኛም ድምፅ በሆነው ገፃችንና ገፃችሁ እናንተም አመስግኑልን።

በትላንትና ዕለት የዌራ ዲጆ ወረዳ ወጣቶች ባለፉት አምስት አመታት በሀላባ ዞን ዌራ ዲጆ ወረዳ በፖሊስነትና በፖሊስ አዛዥነት የመራውንና ሰሞኑን በስራ አስፈላጊነት ወደ ዞን ለሄደው ረዳት ኢንስፔክተር ሁሴን ጉንታ ስጦታና ሽኝት ተደርጎለታል።

ይህ ፖሊስ ወረዳውን በፖሊስ አባልነትና በዋና አዛዥነት ባገለገለባቸው ጊዜያት

* ለአባቶች
* ለእናቶች
* ለሴት እህቶች
* ለወንድሞች

በቃ ለሁሉም የህብረተሰብ ክፍሎች ፍፁም አስተዋይና ለሁሉም የሚተናነስ ስናገር በአዳብ ሆኖ ህግን በግድ ሳይሆን በፍቅር በማስተማር ህዝብ ልብ ውስጥ መግባት የቻለ ሰው ነው።

ባለፉት አምስት አመታት ፍፁም በሆነ ቅንነትና ታማኝነት፣ በመተናነስ፣ ውብ ስነ ምግባርን በመላበስ በወረዳው በፖሊስ አዛዥነትና በፖሊስ አባልነት ለመራው ለረዳት ኢንስፔክተር ሁሴን ጉንታ የምስጋና፣ የመልካም የስራ ጊዜና ሽኝት ፕሮግራም ተካሂዷል።

በዛሬው ዕለት ለሱ ይገባል ይመጥነዋል ባንልም ካለን ላይ ቀንሰን ትንሽዬ ስጦታ በማዘጋጀት ከወረዳው ቅን ወጣቶች ጋር በመሆን የክብር እንግዶች በተገኙበት ሸኝተነዋል።

ረዳት ኢንስፔክተር ሁሲ አንተ ቅን ሰው
መልካም የስራ ጊዜ ይሁንልህ!!!

የአካባቢው ወጣቶች

🙏🙏🙏

https://youtube.com/shorts/Jftu1YXV3lU?si=Nw5dKY4D2eYxPttb

ስደት‼️
ከአማራ ክልል ጦርነት ወደ አረብ ሃገራት የሚሰደደዉ ወጣት ቁጥር እየጨመረ መሆኑ ተገልጿል። በየዕለቱ የኢትዮጵያን ድንበር አቋርጠው ወደ አረብ ሀገራት ህገ-ወጥ በሆነ መልኩ የሚጓዙ ወጣቶች በሠሜን ወሎ በርካቶች ናቸዉ ተብሏል። ምንም እንኳን በአካባቢዉ ወደ አረብ ሀገር በባህር መጓዝ ከዚህ በፊት የተለመደ ቢሆንም አሁን በአካባቢዉ ያለዉ ያልተረጋጋ ሁኔታ ጋር ተያይዞ ወጣቶች ይህን መንገድ ምርጫ አድርገዋል። በህገወጥ መንገድ ተሰደው በመንግስት ድጋፍ ወደሀገራቸው ከሚመለሱት መካከል 95 በመቶው ከአማራ፣ ከትግራይ እና ከኦሮሚያ ክልል መሆኑን መረጃዎች ያሳያሉ። ከዚህም ውስጥ ደግሞ 57 ሺህ የሚሆኑት ተመላሾች ከአማራ ክልል እንደሚሄዱ ሲሆኑ 42 ሺህ የሚጠጉት ደግሞ ከኦሮሚያ የተቀሩት 28 ሺህ ገደማው ደግሞ ከትግራይ ክልል የሄዱ መሆናቸው ተብሏል።
ስደተኞቹ በሊቢያ በኩል ለመውጣት ጥረት ቢያደርጉም በህገወጥ ደላሎች ከፍተኛ ስቃይ እየደረሰባቸው ሲሆን ታግተው ገንዘብ የሚጠየቅባቸው በርካታ ስደተኞች መኖራቸው ታውቋል።

https://youtube.com/shorts/9ekeCp9Up3A?si=6LxaMeUXca9wHVDf

https://youtube.com/shorts/pYDSqljAd0I?si=rvVWlhNto4lzgl9C

በአፍሪካ ህብረት ስብሰባ ወቅት በጅምላ የታሰሩ ወጣቶች እስከ 20 ሺህ ብር ከፍለው እየተለቀቁ መሆኑ ታወቀ

(መሠረት ሚድያ)- እሁድ እለት የተጠናቀቀው የአፍሪካ ህብረት የመሪዎች ስብሰባ ከመጀመሩ በፊት ባሉት ቀናት አዲስ አበባ ውስጥ የታሰሩ ወጣቶች ገንዘብ ከፍለው እየተለቀቁ መሆኑ ታውቋል።

እነዚህ ልደታ አካባቢ በአፈሳ መልክ የታሰሩ ወጣቶች ጦር ሀይሎች አካባቢ ታስረው የቆዩ ሲሆን አሁን ላይ እስከ 20 ሺህ ብር እየከፈሉ፣ ሌሎቹ ደግሞ ለህዳሴ ግድብ የ2 ሺህ ብር ቦንድ እንዲገዙ እየተደረጉ መለቀቃቸውን መሠረት ሚድያ ከታሳሪዎቹ እና ቤተሰቦቻቸው ሰምቷል።

"በስብሰባው ምክንያት ተሰብስባቹ ተቀመጣችሁ ተብለው ቁጭ ብለው ከሚበሉበት በረንዳ የታፈሱት ባለፈው እሮብ ነበር" የሚለው አንድ የመረጃ ምንጫችን ከትናንት ጀምሮ የተወሰኑት እየተፈቱ መሆኑን ተናግሯል።

"ቦንድ ያልገዙት ተቀምጠው እኛ ወጣን" ያለን ደግሞ ለቦንድ 2 ሺህ ከፍሎ ነፃ የወጣ ግለሰብ ነው።

ከሰሞኑ እንደ ጉለሌ ክፍለ ከተማ ፖሊስ መምሪያ ያሉ ተቋማት ከእስር ተፈቺዎችን እና ተገልጋዮችን ለማገልገል ወይም ከእስር ለመልቀቅ የ 500 ብር የህዳሴ ግድብ ቦንድ በግዴታ እያስገዙ እንደሆነም ለማወቅ ችለናል።

መረጃን ከመሠረት!

መንግስት ንብረታቸውን ሊወስድ እየተዘጋጀ መሆኑን አቶ ልደቱ አያሌው አስታወቁ

(መሠረት ሚድያ)- ባሳለፍነው ሰኞ ጠዋት ከአሜሪካ ወደ ሀገራቸው ኢትዮጵያ ለመጓዝ በአትላንታ ዓለም አቀፍ አየር ማረፊያ ቢገኙም እንዳይሳፈሩ የተደረጉት ፖለቲከኛው አቶ ልደቱ አያሌው መንግስት ንብረታቸውን ሊወስድ እየተዘጋጀ መሆኑን አስታወቁ። 

ፖለቲከኛው ለበርካታ አለም አቀፍ እና ሀገር አቀፍ ተቋሟት ዛሬ በፃፉት እና ለመሠረት ሚድያ በቀጥታ ባጋሩት ደብዳቤያቸው ላይ "ጠ/ሚር አብይ አህመድ ወደ ሀገር መመለስ እንደማልችል በአንድ ስብሰባ ላይ በይፋ ተናግረዋል" ብለዋል።

አቶ ልደቱ አክለውም ወደ ሀገር ቤት እንዳይመለሱ የታገዱት በኢትዮጵያ አየር መንገድ ብቻ ሳይሆን በሌሎች ወደ ኢትዮጵያ በሚበሩ አየር መንገዶች ጭምር መሆኑን ጠቁመዋል።

"ይህ ድርጊት የሚያሳየው የኢትዮጵያ መንግስት ሁሉንም ተፃራሪ ድምፆች ለማፈን ቁርጠኛ መሆኑን ነው። እነዚህ ድርጊቶች እየተፈፀሙ ያሉት ካለ ምንም የህግ አግባብ ስለሆነ በግዜው ካልተስተካከለ በርካታ ኢትዮጵያውያን ላይ ጭምር ሊፈፀም ይችላል" በማለት በደብዳቤያቸው ላይ አስፍረዋል።

አቶ ልደቱ ከኢትዮጵያ ውጪ ሌላ ዜግነት እንደሌላቸው አፅንኦት ሰጥተው በደብዳቤያቸው ላይ ያስረዱ ሲሆን የኢትዮጵያ ህገ-መንግስትም ሆነ ሌሎች የሀገሪቱ ህጎች ዜጎች ወደ ሀገራቸው መመለስ እንደማይችሉ የሚገልፅ ድንጋጌ እንደሌላቸው አንስተዋል።

የአቶ ልደቱ ደብዳቤ የተባበሩት መንግስታት ድርጅትን፣ የአፍሪካ ህብረትን፣ አምነስቲ ኢንተርናሽናልን፣ ሂውማን ራይትስ ዋችን እና የአሜሪካ ኤምባሲን ጨምሮ ለ32 ድርጅቶች የተፃፈ ነው።

"ወደ ሀገሬ መሄድ ማንም ሊከለክለኝ አይችልም፣ ሀገሬ ከሄድኩ በኋላ ግን ማሰር ይችላሉ" የሚሉት ፖለቲከኛው ከአመታት በፊት ለህክምና ከሀገር ሲወጡ መንግስት ከልክሏቸው እንደነበር፣ አሁን ደግሞ ሊመለሱ ሲፈልጉ መከልከሉ እንቆቅልሽ እንደሆነባቸው ባሳለፍነው ሰኞ ለመሠረት ሚድያ ተናግረው ነበር።

መረጃን ከመሠረት!

https://youtube.com/shorts/aSBseEVMI8k?si=Bb1hlK4Y5uZvSR6p

https://youtube.com/shorts/J8HOATV3X_E?si=LcNbJRP_p_Z-2uYh

https://youtube.com/shorts/myNbzGJkvlM?si=d9wxb1hp_kEf55vS