#MONTESSORI_AMI 0-3 darslaridan
📍Tasavvur qilishga harakat qilib ko'ring:
👶 20 oylik endi yurishni boshlagan chaqaloq quyidagilarni ertalab uyg'onganidan so'ng, katta odamlardek ishlashga kirishib ketadi.
Mustaqil bir o'zi joylarini tartiblaydi, hojatxonaga ham bir o'zi boradi, pamperslarini ham axlat qutisiga tashlaydi, yuz-qo'llarini yuvib bo'lgach, oynaga qarab, yaxshi kayfiyatda oshxonaga kiradi. Onasi tomonidan tayyorlab qo'yilgan va har doim o'zi bemalol jajji qo'lchalari bilan likopdagi nonushtasini olib, stoli ustiga qo'yadi va stuliga chiqib o'tiradi. Nonushta qilib bo'lgach, idishlarini rakovinaga olib borib qo'yadi. So'ngra tishlarini yuvib, kunlik qiladigan asosiy vazifalaridan birini bu- mushugiga avvaldan tayyorlab qo'yilgan kichkinagina bir martalik solib beradigan ovqatini berish vazifasini bajaradi. So'ngra bog'chasiga tayyorlanishni boshlaydi. Bir o'zi kiyimlarini almashtiradi. Onasi oldida faqatgina kerakli joyida yordam beradi, boshdan oyoq kiyintirib qo'ymaydi, bolasini kuzatib, sabr bilan mustaqil bir o'zi bu ishlarni bajarishiga ishonadi va kutib turadi. So'ngra yo'lda ona bola suhbat qilib, piyoda bog'chaga borishadi. Bog'chasi Montessori bog'cha bo'lganligi sababli yoshiga mos mashg'ulotlarni bajaradi. Bog'cha vaqti tugaganidan so'ng, onasi bilan uyga kelgach, oshxonada onasi bilan birgalikda ovqat tayyorlaydi. Pitsa pishirish jarayonida ham onasi bilan birga aktiv holatda : 20 oylik chaqaloq pitsani noldan pishirish jarayonidan boshlab, hamir ustiga kerakli mahsulotlarni terib chiqib, duhovkaga solish jarayonigacha! Pitsa pishguniga qadar mevalarni yuvadi, oshxonadagi axlatlarni idishga solib, uyini yonidagi axlat qutisiga tashlab keladi.
Onasi bilan ovqatlanib bo'lgach, tishlarini yuvib, tungi kiyimlarini almashtirib, uxlashdan avval onasi bilan kitob o'qiydi. 20 oylik chaqaloqning kun tartibi shunday mustaqil holatda o'tadi.
Tasavvur qila oldingizmi?
Ha, 20 oylik chaqaloq bu ishlarni bajara oladi, bu holat birdan sodir bo'lmaydi, tug'ilganidan boshlab harakatda bo'lganligi sababli shunday natijaga erisha olgan. Bu yoshdagi bolalarda tartibga bo'lgan munosabat yuqori darajada, ayniqsa amaliy hayot ko'nikmalarini shakllantirish juda ham muhim. Undan ham muhimi biz onalarning ularning harakatlariga bo'lgan munosabatimiz va sabrimiz.
❓Sizning-cha, O'zbekiston sharoitida ham 20 oylik bo'lgunga qadar, chaqaloqlar shunday mustaqillika erisha oladimi?
❓'Yo'q' bo'lsa nima uchun?
Izohlarda javoblaringizni qoldiring, kanalimizda ko'pchilik farzandlari bor onalar, farzandi hali chaqaloq bo'lganlar va hali turmush qurmagan qizlar ham bor.
♦️Montessori talabasi sifatida fikrlaringiz men uchun muhim
Telegram | Instagram |Telegram🌿
