تجارب المُنصف | كفـاح

الحمد لله الذي نظُن به خيرا فيُكرمنا بأفضل مما نظُن به ❤️.
باختصار شديد يا جماعه الميه مبتجيش الا بتوفيق ربنا ولو مش كتبهالك اعرف انه رايدلك الخير في مكان تاني احسن ليك وهو الخير ليك
لاكن والله عمر ما كانت المذاكره سبب كافي ل انك تقفل لازم توفيق ربنا ف اصلح بينك وبين ربنا تكسب الدنيا والآخره ...
بالنسبه للمذاكرة مفيش حاجه طلعت برا بنوك مستر محمود بجدد ربنا يباركله و كان السبب بعد الله سبحانه وتعالى ف ان انا اقفل ...متذاكروش اي حاجه غير البنوك وبالنسبه للفظي كفايه الست بنوك بنفس اجاباتهم و انا جبتها من المحاوله التالته وعديت ب أزمات وضغوطات كتير ولاكن استمررررر مهما اتعثرت استمر وصدقني هتوصل انا بقالي سنه ونص بذاكر والحمد لله ربنا كرمني ف مهما تعبت حاول و ان شاء الله هتوصل 🤍~

〰〰〰〰〰〰〰

السلام عليكم ورحمه الله وبركاته
الحمدلله بفضل الله
جبت الدرجة اللي احلم فيها بفضل الله ثم اجتهادي ثم المنصف
والله العظيم ان مستواي تطور بشكل خيالي
لاني اناظر مقاطعة
اقسم بالله انه افضل أستاذ مر علي بحياتي كامله
—-
تخيلوا ان كان فيه صيغة لقيمة العروض
حقت المقارنة
وكان مكتوب عليها صيغة مشابهه بعدين طلعت الصيغة اللي تجي انا جاني
صيغة العروض اللي ماحدد وقت فيها والحمدلله يارب لك الحمد كنت غلطانه فيها قبل الاختبار بيوم ورجعت شفت الشرح وقال الأستاذ ان لو ماحدد وقت تكون د
ويارب لك الحمد جاتني وعرفت احلها
والغلط اللي عندي بالكمي اعرفه انا غيرت الاجابة باخر الثواني ولكن الحمدلله
والكمي كان مررره نسخ لصق المنصف الا كم سؤال
واللفظي ايهااااب ماطلع منه حتى الخيارات نفسها

〰〰〰〰〰〰〰

السلام عليكم، الحمدلله بفضل ربي ثم بفضل دعاء أمي ثم بفضل أستاذ محمود المنصف، أخير جبت ١٠٠ طبعا أنا جبتها من المحاولة الثالثة، أنا جايب هاتريك كمي المشكلة كانت في اللفظي، عايز أطمنكم إن الكمي لا يوجد به مشكلة كله شبه نسخ لصق، يدوبك الأرقام بتختلف، وشكرا للأستاذ محمود المنصف، وفقنا الله جميعا 💯💙

〰〰〰〰〰〰〰

انا جيت في اخر شهر 8 قعدت اعيط و انهارت في يوم جااامد اوي اول مره في حياتي كنت اعيط كده و قعدت اقولهم نزلوني مصر انا زهقت انا تعبت مش مكمله تعبت من الضغط و اعصابي تعبت و قولت ل بابا خرج لي نهائي🤡🥹

و ماما قالت له بكيفها خرجلها خلاص و بابا قال بس كدا حاضر و مسك الموبايل و كان هيضغط تخريج نهائي😭😭 بس ربنا هداه و رمى الموبايل و قعد يكلمني و يهديني اني حاجه في ايدي اقدر عليها لكن في مصر حاجه مبهمه مش عشان اهرب من حاجه واقع دلوقتي مزعلاني اروح  لوجع لا نهائي و مرمطه في مناهج مصر

المهم رجعت اذاكر المحاوله التالته مش عارفه اقولكم كان عندي امل ولا كنت ماشيه سيباها كده اللي ييجي يجي
بس من جوايا نفسي نفسي اني اقفل اوي اوي

جيت طبعا كنت بذاكر و بطحن نفسي و انا اه مدرسه خاصه بس كنت بروح و بحضر و بختبر و كانوا شادين الترم ده سيكا يعني اعععع


جيت يوم 19 /9 حجزت المحاوله التالته و اني هدخل الاختبار تاريخ 27/10/2024

و توكلت على ربنا وانا اصلا كنت مرعوبه وربنا عشان ايهاب دخل شهر 10 و مكنش خلص الشرح وانا مشكلتي كانت في اللفظي

و بعدها كنت بنهاار حرفيا انهياار من الخوف بس حاولت اتماسك بجد وانا جوايا بعيط

المحاوله التالته دي بابا و ماما سابوني فيها خالص مع نفسي هما ساعدوني وقت التأسيس و طرق الحل بس التالته سابوني
اذاكر اذاكر  انام انام

مكنش حد بيقولي حليتي اي ولا عملتي اقول انا هنام يقولو لي نامي و سابوني على راحتي
عشان شافوا ان الضغط و كدا مش بييجي معايا او ان حد يقول ذاكري ذاكري
السؤاال اللي اهم من كل ده

طريقه مذااكرتي
بصو مبدأيا مفيش حاجه اسمها طريقة مذاكره 🙆🏻‍♀️

كل واحد حسب طريقته و استيعابه للكم اللي هيذاكره
و طب من الاول كده محدش يجي يقولي انا اذاكر كم ساعه او بذاكر عدد ساعات كذا لالا ابدا ابدا ابدااا مش بالساعاات انا عمري ما عديت الساعات انا كان بيعدي عليا طول اليوم وانا بذاكر بس كنت اخلص التارجت وخلاص

بس المحاوله التالته غييير

نرجع فلاش باااك للمحاوله الاولى معلش

جبت 75 توتال
78 لفظي و 72 كمي
اههه قهرررر الرقم والله يشبااااب😖

مذاكرتي كانت زي ما حد اعرفه اكبر سنناً مني قالي انتي بتلوشي يا رنا بتهبلي في المذاكره من الشرق و الغرب و بهبد يعني و كنت مشياها بصمج بصمج و عدي يا ليله💀

و اللي بغلط فيه كنت بحفظه ما انا اصلا اصلا مكنتش. بسمع فيديوز

المهم المحاوله التانيه سمعت فيديوهات و اتأسست كويس زي ما قولتلكم و حليت مليون مره النماذج كنت بحل 10 كمي و 10 لفظي كنت بقعد ال20 ساعه بذاكر و كان ارهااق عقلي و بدني و نفسي اقسم بالله اي حد في البدايه ميعملش كده


المحاوله التالته مذاكرتي اختلفت لأني جبت كمي 97 الحمدلله
و لفظي للأسف 87
و توتال اصبح 92

ده مش عارفه اداني دافع ولا اي بس كنت زعلانه و فرحانه اني نطيت نطه كبيره كده
بس كان الحزن محزني اوي اوي

بدأت بعد 12 يوم اذاكر تالت
غيرت كل مذاكرتي كنت بحل 5 كمي و 5 لفظي بس و مكنوش بياخدوا وقت زي المحاوله التانيه الحمدلله

ايهاب مكنش بدأ الدوره الجديده بس اشتركت بردو و بابا قالي ابدأي ذاكري في دورة يناير و بنوك المنصف و مكنتش عايزه كنت عايزه ابدأ مع ايهاب بس قولت يلا احل يناير
حليتها مرتين كدا و بعدين ايهاب بدأ ينزل الجديد

قعدت و اسمع فيديو تناظر و اذاكر من الورق و احل الكتروني و هكذا بعدين بعد اول اسبوعين في المدرسه بدأت ارجع احل 10 و 10 تاني

مبقاش عندي وقت اسمع اكمال و خطأ سياقي كنت بختبر على طول
حطيت انا و بابا جدول و مشيت عليه و لزقناه في اوضتي و كل يوم كنت لما اخلص اعلم صح جنب اللي حليته واكتب درجته و كم غلطه

و هكذا كنت بعمل كده المحاوله التانيه بردو بس انا لحد قبل المحاوله التانيه ب اربع ايام كنت بختبر و اجيب في الاستيعاب 87 و 93 و حاجات يعني متدخلش باب العماره😂

المهم خلاص بقيت احل الدوره الجديده مع ايهاب بس لحد ما بدأ الاستيعاب و كنت لازم احله
و اسمعهه لانه هو مشكلتي الحياتيه البائسه بجد

ايهاب قال هيخلص يوم 14 و لحد يوم 14 كان لسه بيختم البنك الرابع وانا اصلا كنت مراكمه الاستيعاب لأني مش ملاحقه امتحانات مدرسه على تارجت لازم احله

قبل اختباري ب اسبوعين مكنتش بنام
كنت بذاكر و بروح المدرسه مواصله و ارجع انام ساعتين بس و اقوم اكمل كانوا اصعب اسبوعين من يوم ما بدأت قدرات والله كنت حتى بقول ادعولي كتير كتير الفتره دي

و بعدين لحد يوم الاحد اللي قبل اختباري كنت بسمع في الاستيعاب و خلصته و جبت دوره ايهاب من الاول تاني كنت ماشيه على جدول حد الله يكرمه كان عامله و الجدول فادني و اداني دافع و خلصت ايهاب و منصف يوم الجمعه اللي قبل ليلة اختباري بس لالا كان باقي لي حوالي 10 كمي و 12 لفظي باقيين لي 🤡

حليتهم يوم السبت و راجعت اخطائي و قوانين و الدنيا دي و بصيت على شوية تسريبات فادتني بجد بس كدا كدا في المنصف اصلا✨

هييييح 🥹

اه اه بجد بعد تعب طوووويل بجد.

بصو يا جماعه بدأت قدرات في الاجازه اللي بين اولى ثانوي و تانيه ثانوي في مصر

اخدت تأسيس منصف و ايهاب على خفيف كده طبعا  عشان كنت مشغوله بدرووس و و مكنتش بقعد في البيت حرفياً

المهم قولنا هاجي السعوديه في اول تالته ثانوي زي اي حد يعني
و بعدين فجأه في اجازه نص السنه في شهر2 طلع موضوع ان اللي مش هياخد احياء مش هيدخل كليه طبيه و كده

ف بابا طبعا ربنا يخليه هو السبب في كل حاجه حلوه انا وصلتلها هو و ماما
هو قرر اني اسافر على الترم الثالث في تانيه ثانوي سعودي

انا ولا كنت اعرف حاجه عن القدرات و مكنتش متعمقه اوي اوي فيها يعني ولا اعرف حاجه عن مناهج السعوديه

انا كنت تديلي كتاب الاحياء احلهولك كله و الفيزياء و مواد مصر بتاعتنا دي

المهم جيت السعوديه بتاريخ 3/3/2024
و بعدها ب اسبوع روحت المدرسه كانت الدنيا جديده عليا ولا عارفه حاجه و كنت لوحدي مع بابا مامتي و اخواتي كانوا في مصر و دي من الحاجات اللي كانت مزعلاني شويه بس انا عارفه اني جايه عشان مستقبلي

المهم جيت و بدأت اذاكر و ناسيه التأسيس ولا كنت اعرف اني المفروض ارجع له كنت في المنصف بحل في ال 95 نموذج اصلا🤡😂

و بعدين عرفت اني احل البنوك الجديده بقا و كنت بحل فيها و كنت مش عارفه. حاجه لحد ما واحده واحده ظبط معايا بس كنت مرعوبه اني اختبر
بس بصراحه كنت بقول الكل بيجيب 100 يعني انا اللي بدرس في مصر و شاطره مش هجيبها

و بعدين حجزت اول محاوله 20/5/2024
حجزتها انا و بابا سوا و كنا يوم 20/4 قبلها ب شهر مكدبش عليكوا كنت بذاكر بس مذاكرتي كانت غلط فعلا و عرفت ده متأخر و قبل المحاوله الاولى ب 3 ايام كنت بعمل عمره و عايشه حياتي و متظبطه و بخرج و كده😂🤡🤡
طبعا دخلت المحاوله و جبت درجه لا احسد عليها والله جبت 75% اللي هو وه وه اي الدرجه دي مين يجيبها ده لو واحد مش مذاكر مش هيجيب كده

بابا عرفني الدرجه كنت مصدومه جدا جدا و معيطتش دمعه فضلت مصدومه 5ايام لحد ما بدأت استوعب اني بضييع و اي اللي انا جيباه ده و بدأت انهار

اقولكم الكبيره سيبت سؤالين في الكمي القسم قفل عليا فيهم 🤡

كنت بعمل كل حاجه غلط في حياتي بجد مكنتش قريبه من ربنا اوي مكنتش بذاكر صح تفكيري و قراراتي غلط غلط

بابا قعد معايا و كلمني و قالي مش هتنجحي ولا تحققي حاجه الا لما تغيري تفكيرك بقا و تمشي بدماغنا و تذاكري صح و كنت بين قرارين يا انزل مصر يا اكمل هنا بصراحه مكنتش عارفه اعمل اي بس وعدت بابا اني هتغير و اكمل هنا

و طبعا انا كل ده ضاغط على نفسيتي و تاعبني جدا اللي هو يعني اي رنا مش هتبقا دكتوره اللي هو حلمها من kg1 ازاااي !!!

فصلت 10 ايام اختبارات الترم الثالث في تانيه و بعدين مامتي جت هي و اخواتي عشان يحسنوا نفسيتي و سابوا كل حاجه حرفيا حتى اخويا الكبير في كليه و جولي عشان يحاولوا يهيأولي جو المذاكره و البيت و كده

بدأت اذاكر تاني من يوم 10/6 للمحاوله التانيه
اتأسست كمي تاااني من الاول طبعا و فهمت كل مهاره ازاي و مبصمجتش و توكلت على ربنا و بدأت احل في البنوك اول مره كان الموضوع تقيييل بشكل رخم بجد

المحاوله الاولى كان عندي اخطاء عملتها في مذاكرتي
زي مثلا اني مسمعتش شرح ايهاب و منصف و كانت غلطه كبيره كبيره والله بجد

مامتي قعدت معايا الله يخليهالي و خلتني اسمع الفيديوهات و اوقف الفيديو احاول احل انا الاول و بعدين اكمل كنت بذاكر عدد انتحاري والله و تعبني اوي كنت بسمع5فيديوهات كمي مثلا بحل معاهم 15 لفظي مكنتش بنام تعبت جدا في المحاوله دي

كنت بذاكر ب ال18 ساعه بجد و يمكن اكتر كان بييجي عليا الفجر وانا بذاكر مرتين تعبت جدا بجد و كنت قافله على نفسي ولا بطلع الا يوم الجمعه واكون مخلصه لازم اللي عليا

و بعدين قررنا نحجز محاوله يوم 1/8/2024
قبل محاولتي ب 5 ايام قعدت اعيط و اقولهم عايزه ااجل عشان مش مذاكره كويس مش عارفه كان توتر ولا مكنتش مذاكره بجد

و بعدها بابا و ماما قالولي الخير في اللي ربنا اختاره توكلي على ربنا و ان شاء الله ربنا يوفقك
كنت زعلانه اوي و خايفه بعد درجتي الاولى دخلت الامتحان و اول ما طلعت عرفت اني غلطانه في اللفظي كذا غلطه و كنت مختبره يوم خميس النتيجه طلعت بعدها ب يومين الاحد كنت متوتره و خايف و قلقانه اويي


جبت المحاوله التانيه 92% و زعلت زعل اكتر من زعلي على المحاوله الاولى كنت حاسه اني تعبت و كنت عايزه اكتر من كده بس ربنا كان ليه حكمه اني اعيد تاني و تالت و ربنا كرمه كبير معايا

زعلت اوي اوي و عيطت عياط يكفينا كلنا من كتر الزعل
بعدها حسيت اني مخنوقه و مضايقه واني مش عارفه انجح انا كل احساسي اللي بقولكم عليه ده احساس داخلي مكنتش بعرف اعبر عنه او اقول انا حاسه بكذا و كذا


لحد ما رجعت اذاكر تاني يوم 12/8 بعدها على طول كنت بدأه بحب و صفو نيه

من اسباب اني اوصل ل 92 في التانيه جروب اور جوول بصراحه حبيته جدا جدا

〰〰〰〰〰〰〰

الحمدلله جبت ١٠٠ بالكمي من أول محاولة
بالتدريب ما تعديت المنصف أبدددًا وولا فتحت أَي تسريبات الا قبل اختباري بكم ساعه وما فادتني صراحه لانها كلها افكار مرّت علي بالمنصف، يعني بإختصار لا تشتتون نفسكم بكثرة المصادر أبدًا ركزوا على مصدر واحد مضمون وبس، وما اعتقد في مصدر افضل من المنصف

طلعت من الاختبار وانا ضامنه الكمي اكثر من اللفظي الحمدلله، مافي أَيييي فكرة جديده وبعض الاسئلة جاتني نسخ لصق نفس الأرقام

〰〰〰〰〰〰〰

الحمد لله ذلك من فضل الله علينا و على الناس و لكن أكثر الناس لا يشكرون

الحمد لله بفضل بعد مسيرة ٣ سنين تمت بحمد الله و بفضله و احب اقول حاجة واحد بس أنه أنا اصلا اخر مرة كنت داخل و مش مؤمن باللي ذاكرته اصلا و كنت بقول اهو انا ذاكرت و عملت اللي عليا و الباقى على ربنا لو ربنا أراد كان بها لو لم يرد فده اختباري في الدنيا و الحمد لله ربنا وفقني و احب اقول اهم ٣ حاجات عشان تجيب المئة بعد المذاكرة هما
1. تؤمن بالله أتم الايمان أن قادر على كل شيئ
2. أن العلم نور و نور الله لا يهدي لعاصي
3. الوتر و قيام الليل الوتر و قيام الليل الوتر وقيام الليل

و ان شاء الله تيجي ليك المية على طبق من ذهب

〰〰〰〰〰〰〰

〰〰〰〰〰〰〰

السلام عليكم ورحمة الله وبركاته
أنا اختبرت والحمد لله جبت 100 كمي
الحمد لله كله بفضل ربي ومفيش حاجة طلعت بره المنصف وشكرا للمستر بجد والحمد لله ❤️❤️❤️

〰〰〰〰〰〰〰