المنهج قد الفيل
صِياااح
@si_u77
المحتوى عبثي
عشوائي ع متفرج"
صِياااح (Arabic)
صِياااح هو قناة تيليجرام رائعة تقدم محتوى عبثي وعشوائي لجمهورها. تشجع القناة المتفرجين على الاستمتاع بمحتوى متنوع ومسلي يمكنهم مشاهدته في أي وقت. بصفتهم متابعين لـ صِياااح ، سيحصل الأعضاء على فرصة للاستمتاع بالمزيد من الفكاهة والإبداع. إذا كنت تبحث عن قناة تيليجرام تقدم لك التسلية بأسلوب ممتع ومسلي ، فإن صِياااح هي القناة المثالية لك. انضم إلينا اليوم واستمتع بمغامرة فريدة من نوعها في عالم الضحك والمرح!
صِياااح
11 Jan, 20:56
وأنا مبسوطة خلاص إن بكره هخلص من المادة البومة افتكرت إن المادة اللي بعدها اللي الدكتور بتاعها قالنا ( ماشي يا سنة أولى ) وبصلنا بعينيه كدهون
صِياااح
11 Jan, 19:51
بجيب لب كتير وأنا راجعة من الامتحان عشان اسليني وأنا بذاكر
بسيب المذاكرة واقعد أأزأزه عشان م بعرف أذاكر وأنا باكل حاجة
بسيب المذاكرة واقعد أأزأزه عشان م بعرف أذاكر وأنا باكل حاجة
صِياااح
10 Jan, 13:02
الحياة الجامعية دي فظيعة تحس ف حد بيجري وراك فيها، طب بيجري وراك ليه ولا من ايه متعرفش
صِياااح
10 Jan, 10:54
انتوا لو فاكرين إني تخطيت العشر درجات تبقوا غلطانين، دول عملوا عشة ف دماغي
صِياااح
09 Jan, 00:04
حليت شوية ودرجاتي زي وشي بس أنا متفائلة، بحب تفاؤلي اللي يخض ده لما ينزل عليا مرة واحدة والدنيا تبقى خربانة ع الآخر كده
صِياااح
08 Jan, 20:15
ادعولنا ربنا يسترها علينا بقا عشان خاطر الوضع ما يطمن وصياح العيال كتير وباين كده الوضع ف غاية الخطورة
صِياااح
08 Jan, 16:46
أنا عايز كوباية شاي فريسكا وإن ملقوش فريسكا يحسن يعملوا كوباية شاي كشري ويكتروا العدس
صِياااح
07 Jan, 18:25
يتم عمل كيكة البرتقان الطيبة وكيكة شقلط والمادة اللي كنت هشطبها بتبكي ف الزاوية بالله
صِياااح
07 Jan, 10:38
ف ناس فاكرة إنك لو كتمت مشاعرك هتتخطى
آسف
وف ناس فاكرة إنك لو حكيت هترتاح
متأسف
آسف
وف ناس فاكرة إنك لو حكيت هترتاح
متأسف
صِياااح
06 Jan, 17:43
م فاهمة ليه ع أيامه السيدات معملتش عليه ثورة وازاي وافقوا بالنظرية دي، أنا عاوزة أكلم المسئول
صِياااح
06 Jan, 17:41
بذاكر مادة فيها راجل معنصر أو مشخصن النظرية بتاعته جدًا ع السيدات وجاي عليهم والنظرية متخلفة عمومن بس معترف بيها، ده يرضي مين ؟؟
صِياااح
06 Jan, 00:01
بحس البسلة دي سيدة جميلة من الطبقة المخملية و قاعدة ع إحدى كراسي الصالون اللي خشبه زان ده وقدامها التلفزيون وشغال مثلًا مسلسل حديث الصباح والمساء وحاطة شال مهير مطرز عليها وماسكة كوباية شاي والإضاءة ف المكان زي ساعة العصاري كده
صِياااح
05 Jan, 17:02
حلوة من كل الزوايا، من هنا حلوة ومن هنا حلوة ومن هنا حلوة ومن هنا حلوة ( كوباية الشاي )
صِياااح
04 Jan, 23:35
لما الإمتحانات بتقرب ببقى عايزة أنزل موضوع عائلي ولا حاجة وأسيب الإمتحانات تذاكر لنفسها بقا وبعدين تلاقي نفسها جايبة درجة زي وشها وتقولي بقا هتعمل ايه وقتها
صِياااح
24 Dec, 21:22
الدماغ طلعت واسعة من جوه أوي يولاد، يعني جواها بتاع ستوميت منطقة وشوارع وحاجة كده ايه تحسوا كومباوند ماشاءالله
صِياااح
24 Dec, 20:50
والله يعني ماشي مبتديش حاجة إهتمام شوكرن شوكرن تمام سلام بس دي مادة التخصص مينفعش كده
صِياااح
24 Dec, 15:10
يارب دثّر عبادك في الخيام بالدفء،
واجعل الصقيع والمطر والريح دفئًا وسلامًا عليهم")
واجعل الصقيع والمطر والريح دفئًا وسلامًا عليهم")
صِياااح
22 Dec, 17:39
يتم مذاكرة الجهاز العصبي
يتم ليه البيولوجية
يتم شعور بالفاصوليا
يتم الحديث مع الذات بصوت
يتم بكاء وندم
يتم طب هعمل ايه
يتم ليه البيولوجية
يتم شعور بالفاصوليا
يتم الحديث مع الذات بصوت
يتم بكاء وندم
يتم طب هعمل ايه
صِياااح
22 Dec, 15:41
اتقالي انتي دماغك معادتش فيكي وبقيتي بتنسي بسرعة ومعدتيش بتركزي ( زعلت طبعًا بس م فاكرة ليه )
صِياااح
22 Dec, 12:59
أنا انهارده أخدت بالي إن معظم المواقف الوحشة اللي بتحصلي وببقى خلاص تعبت ومش عايزة أكمل بسببها بعد التدقيق فيها بكتشف إن هي دي الأخف واللي هقدر اتحملها عن غيرها والوقت اللي بتحصلي فيه بقرب لربنا فيه أكتر، أنا بدأت اصدق إن حقيقي ربنا بيبتلينا عشان نرجعله
صِياااح
21 Dec, 17:40
عايزة اصوت والله بس ولا ميت اعععععععععععع ت اععععععععععع اللي أنا فيه أقسم بالله
صِياااح
21 Dec, 12:21
يومًا ما، الإنسان هيشوف نفسه حلو وناجح ويقدر كل مجهوده المبذول ويتقبل نفسه ويبطل خوف وقلق")
صِياااح
20 Dec, 18:23
وأنا كنت بذاكر ولا بيا ولا عليا افتكرت إني بقالي كتير اوي نفسي ف كيكة شوكولاتة ووردة أو ورد
صِياااح
09 Dec, 16:31
From album اسماء الله الحسنى
" المذل "
هو الذي يُلحق الذل بمن يشاء من عباده، إن من مد عينه إلى الخلق حتى احتاج اليهم وسلط عليه الحرص حتى لا يقنع بالكفاية واستدرجه بمكره حتى اغتر بنفسه فقد أذله وسلبه وذلك صنع الله، يعز من يشاء ويذل من يشاء
" المذل "
هو الذي يُلحق الذل بمن يشاء من عباده، إن من مد عينه إلى الخلق حتى احتاج اليهم وسلط عليه الحرص حتى لا يقنع بالكفاية واستدرجه بمكره حتى اغتر بنفسه فقد أذله وسلبه وذلك صنع الله، يعز من يشاء ويذل من يشاء
صِياااح
09 Dec, 04:10
بواجه محاضرة الساعة 8 وتناحة المواصلات بساعة نوم
فاليوم هيعدي كده ( اللي هيتنفس جنبي هلطّشه )
فاليوم هيعدي كده ( اللي هيتنفس جنبي هلطّشه )
صِياااح
08 Dec, 23:05
عرفت حاجة انهارده صادمة، بشار الأسد ده طلع عامل سجن تحت الأرض اسمه سجن صيدنايا والسجن تلت أدوار، وم بس كده ده عامل بتاع زي مكبس للإعدمات وبعد ما يعدموا حد بيحطوه تحت المكبس ده عشان خاطر يطحن ويحطوه ف أكياس عشان يكون سهل الدفن ده غلبوا الصهاينة والله ربنا يلعنكم، م مستوعبة والله الإنسان ده أبشع كائن ع وجه الأرض
صِياااح
08 Dec, 21:55
بكره بيخلص هالكابوس
وبدل الشمس بتضوي شموس
وع أرض الوطن المحروس
رج نتلاقي يومًا ما🕊")
وبدل الشمس بتضوي شموس
وع أرض الوطن المحروس
رج نتلاقي يومًا ما🕊")
صِياااح
08 Dec, 04:57
سبحان مبدل الأحوال سبحان مَن بيده المُلك
في مثل هذه الظروف يتجلى معنى اسم الله "المَلك"
أرضه، ملكه، عباده، قدَره، وانصاع كل شيءٍ لمشيئته.
اللهم وكل المسلمين"
"إنسان شاهد مأساة، وشاهد تحر يرًا🕊")
في مثل هذه الظروف يتجلى معنى اسم الله "المَلك"
أرضه، ملكه، عباده، قدَره، وانصاع كل شيءٍ لمشيئته.
اللهم وكل المسلمين"
"إنسان شاهد مأساة، وشاهد تحر يرًا🕊")
صِياااح
08 Dec, 04:53
عقبال فلسطين يارب وكل الدول العربية المستضعفة ف الأرض وتدوم فرحة المسلم للمسلم🕊
صِياااح
08 Dec, 04:53
وَمَا نَتَنَزَّلُ إِلَّا بِأَمْرِ رَبِّكَ ۖ لَهُۥ مَا بَيْنَ أَيْدِينَا وَمَا خَلْفَنَا وَمَا بَيْنَ ذَٰلِكَ ۚ وَمَا كَانَ رَبُّكَ نَسِيًّا")
صِياااح
08 Dec, 04:41
مبرووووك للسوريين
مبروك للأحرار
مبروك لأهل البلد
ده يا أحلى صباح الخيرات ف حياتي والله
مبروك للأحرار
مبروك لأهل البلد
ده يا أحلى صباح الخيرات ف حياتي والله
صِياااح
07 Dec, 20:04
عشان الشقيان كسبان البريزنتيشن اللي كنت م عايزاها دايركت بس هي دايركت بقت أونلاين من حيث لا أدري
صِياااح
07 Dec, 19:36
فاكرين البنت الفلسطينية اللي معانا ف الدفعة اللي اتكلمت عنها بقينا صحاب اععع وأخدت علينا واكتشفت إن الفلسطينيين بيحبوا المصريين مووت والحمدلله هي معادتش لوحدها زي أول يوم جات فيه، فرحانة والله
صِياااح
07 Dec, 17:43
والله ياخواتي أنا م بتاع فُرجة ع كرتونات أيام الإمتحانات بس لقيت كرتونين بقالي سنة بدور عليهم اسيبهم ؟؟
صِياااح
07 Dec, 16:40
From album اسماء الله الحسنى
" المعز "
معناه الغالب القوي الذي لا يغلب، وهو الذي يعز الأنبياء بالعصمة والنصر، ويعز الأولياء بالحفظ والوجاهة، ويعز المطيع ولو كان فقيرًا، ويرفع التقي ولو كان كان عبدًا حبشيًا فهو المعز المؤمنين بطاعته، الغافر لهم برحمته، المانح لهم دار كرامته🕊
" المعز "
معناه الغالب القوي الذي لا يغلب، وهو الذي يعز الأنبياء بالعصمة والنصر، ويعز الأولياء بالحفظ والوجاهة، ويعز المطيع ولو كان فقيرًا، ويرفع التقي ولو كان كان عبدًا حبشيًا فهو المعز المؤمنين بطاعته، الغافر لهم برحمته، المانح لهم دار كرامته🕊
صِياااح
07 Dec, 14:21
أنا بحبني لما م ببطل أحاول ولما بعلن استسلامي الساعة 2 والساعة 2 ودقيقة أعلن عدم استسلامي، والله ربنا يعيني ويوفقني يعني والاقي نتيجة تووحفة زي محاولاتي التووحفة كده وكده يعني
صِياااح
07 Dec, 10:20
" مَلَّاكَ الله حَبيبَك "
أي متّعك به، وأعَاشَك معهُ طويلًا.
- لسان العرب، مادة ملا.
أي متّعك به، وأعَاشَك معهُ طويلًا.
- لسان العرب، مادة ملا.
صِياااح
06 Dec, 18:16
From album اسماء الله الحسنى
" الخافض الرافع "
القول في هذين الاسمين يستحسن أن يوصل أحدهما في الذكر بالآخر، فالخافض هو الذي يخفض الجبارين ويذل الفراعنة المتكبرين، والرافع هو الذي رفع أولياءه بالطاعة فيعلي مراتبهم وينصرهم على أعدائه ويجعل العاقبة لهم، لا يعلو إلا من رفعه الله، ولا يتضع إلا من وضعه وخفضه
" الخافض الرافع "
القول في هذين الاسمين يستحسن أن يوصل أحدهما في الذكر بالآخر، فالخافض هو الذي يخفض الجبارين ويذل الفراعنة المتكبرين، والرافع هو الذي رفع أولياءه بالطاعة فيعلي مراتبهم وينصرهم على أعدائه ويجعل العاقبة لهم، لا يعلو إلا من رفعه الله، ولا يتضع إلا من وضعه وخفضه
صِياااح
06 Dec, 10:33
قال ابن القيم "لو صلى العبد على النبي ﷺ بعدد أنفاسه، لم يكن موفيا لحقه"
اللهم صل وبارك على نبينا محمد عدد ما ذكره الذاكرون وغفل عن ذكره الغافلون")
اللهم صل وبارك على نبينا محمد عدد ما ذكره الذاكرون وغفل عن ذكره الغافلون")
صِياااح
05 Dec, 11:51
بعد ما بنزل من عربية المواصلات ببص للعربية كلها بامتنان وأقول شكرًا، ليه ؟ معرفش والله هي بتيجي كده
صِياااح
04 Dec, 22:39
ف نجمة معينة ف السما يوم ما لمحتها كان حداشر اتناشر ألفين اتنين وعشرين هي معروفة عن بقيت النجوم عشان كده أنا معلماها لحد انهارده المهم أنا ربطت ظهورها بحاجة معينة تمام ومرة الحاجة اختفت لفترة والنجمة برضه معدتش ظهرت الفترة دي، ولاحظت الاختفاء ده كذا مرة والصطمة بقا أنه كان بيظبط، هو شكلي اتجننت بصراحة
صِياااح
04 Dec, 20:35
واقفل ع نفسك 100 باب واللي يقولك م هتلحق تلم المنهج ليلة الامتحان قوله أنت كداب
( الامتحان بكره )
( الامتحان بكره )
صِياااح
03 Dec, 19:14
م هصيح بالله بس يعني افتكرت لما كنت عايزة كلية معينة وم جات بعدين قلت تمام تربية علوم مجتش قلت تمام تربية إنجلش مجتش برضه وبسكده
صِياااح
30 Nov, 19:22
From album اسماء الله الحسنى
" العليم "
الله عليمٌ بما كان وما هو كائن وما سيكون وما لم يكن لو كان كيف يكون، وأحاط علمه سبحانه وتعالى بجميع الأشياء ظاهرها وباطنها دقيقها وجليلها
" العليم "
الله عليمٌ بما كان وما هو كائن وما سيكون وما لم يكن لو كان كيف يكون، وأحاط علمه سبحانه وتعالى بجميع الأشياء ظاهرها وباطنها دقيقها وجليلها
صِياااح
30 Nov, 08:56
سلام عليكم يأغلى المراكمين
م مهم ال Quizzes المهم ال Midterm
م مهم ال Midterm المهم ال Final
م مهم ال Final المهم أنت عامل إيه ؟
م مهم ال Quizzes المهم ال Midterm
م مهم ال Midterm المهم ال Final
م مهم ال Final المهم أنت عامل إيه ؟
صِياااح
29 Nov, 21:42
بليل ف الأوقات اللي زي دي يعني بيبقى عندي ميول تيكتوكرية ببقى عايزة أبقى بروجر، أنا ف خطر
صِياااح
29 Nov, 20:52
بعيدًا عن أم خالد بس أنا بحب عيالها وريأكشناتهم أوي م عارفة ليه والله، عايزة قعدة معاهم ونقعد ف الصمت ونعمل الريأكشنز دي
صِياااح
29 Nov, 10:22
«وَاذْكُرْ رَبَّك إذَا نَسِيتَ وَقُلْ عَسى أَنْ يَهْدِيَنِي رَبّي لِأَقْرَبَ منْ هَذَا رَشَدًا»
- سورة الكهف (الآية ٢٤).
- سورة الكهف (الآية ٢٤).
صِياااح
29 Nov, 08:30
بحب صبيحة يوم الجمعة
بحب ظهيرة يوم الجمعة
بحب ساعة العصاري يوم الجمعة
بحب يوم الجمعة عمومًا
بحب ظهيرة يوم الجمعة
بحب ساعة العصاري يوم الجمعة
بحب يوم الجمعة عمومًا
صِياااح
28 Nov, 19:54
الدنيا حلوة
الجو تووحفة
انهارده الخميس
عملت شاي بالنعناع
جبت طاجن المكرونة الطرش (مطلعش طرش)
الفاينل لسه بدري (كمان شهر إلا)
هنلحق نهندل المواد (يارب والله)
الجو تووحفة
انهارده الخميس
عملت شاي بالنعناع
جبت طاجن المكرونة الطرش (مطلعش طرش)
الفاينل لسه بدري (كمان شهر إلا)
هنلحق نهندل المواد (يارب والله)
صِياااح
13 Nov, 18:27
يجماعة بحس إن شخصيتي شخصية طالبة اه نعم ممكن طالبة فاشلة أحيانًا بس بجد دي أكتر شخصية بلاقيني فيها، لما بفتكر إني هتخرج بزعل أوي بجد ولما برضه بفتكر هيبقى اسمي متخرجة بتضايق بقا بحسني بقيت عجوزة كده
صِياااح
13 Nov, 17:54
From album اسماء الله الحسنى
" القدوس"
شديد التنزه عما يقول المبطلون، الطاهر المنزه عن النقص وموجبات الحدوث، والمنزه عما لا يليق به، هو سبحانه الجامع لكل أوصاف الكمال والجمال والجلال، المنزه عن كل ما تحيط به العقول أو يتصوره الخيال، منزه عن كل وصف يدركه حس
" القدوس"
شديد التنزه عما يقول المبطلون، الطاهر المنزه عن النقص وموجبات الحدوث، والمنزه عما لا يليق به، هو سبحانه الجامع لكل أوصاف الكمال والجمال والجلال، المنزه عن كل ما تحيط به العقول أو يتصوره الخيال، منزه عن كل وصف يدركه حس
صِياااح
12 Nov, 15:15
جبت بذور الشيا حطيتها ف الازازة عشان لما حد يقولي هاتي اقولهم فيها حاجة يعع فيها علاج
صِياااح
12 Nov, 10:57
قاعدة جمب ست قالتلي ادخلي انتي جمب الراجل اللي قاعد فقلتلها لا بصلتي بقرف وحساها هتقوم تضربني والله
صِياااح
08 Nov, 16:58
وف زحمة الميدتيرم م هنسى أقول إني فخورة ب أحرار المغرب وأحرار امستردام، عارفين هولندا ؟ شمال أفارقة الحركة بركة
صِياااح
08 Nov, 14:13
لو كتبت حاجة تاني هنا قبل مقول إني خلصت الجودة تدخلوا ع البوت تزعلوني فل ؟ فل إن شاء الله
صِياااح
08 Nov, 14:07
From album اسماء الله الحسنى
" الله "
اللفظ الجليل الجامع لكل صفات الكمال التي لا بد أن يتصف بها الخالق العظيم، ومعناه المألوه أي المعبود أو المستحق للعبادة لما اتصف به من صفات الألوهية التي هي صفات الكمال ويدل عليها الأسماء الحسنى .
" الله "
اللفظ الجليل الجامع لكل صفات الكمال التي لا بد أن يتصف بها الخالق العظيم، ومعناه المألوه أي المعبود أو المستحق للعبادة لما اتصف به من صفات الألوهية التي هي صفات الكمال ويدل عليها الأسماء الحسنى .
صِياااح
03 Nov, 22:55
من ضمن الحاجات اللي بتطهقني ف عيشتي من دماغي إنها م بتعرف تذاكر من التلخيصات يعني علطول عندها هسهس إن ف حاجة سقطت من التلخيص ده موووهمة، لازم أنا اللي الخص واشوف المقرر كله، طب ف الآخر بفتكر المقرر ؟ ولا المقرر ولا التلخيص وبفتكر عبثيات باشا البلد وعم أحمد نور الدين
صِياااح
03 Nov, 22:39
سفوووو إيضااا بكره الڤلانتين
مفيش حاجة اسمها كده ف الاسلام ده بدعة يحبايبي🌷
مفيش حاجة اسمها كده ف الاسلام ده بدعة يحبايبي🌷
صِياااح
03 Nov, 20:30
بقالي تلت ساعات بعمل ف تكليف وأنا بوريه لصحابي عشان أسلمه طلع الموضوع اللي كتباه م هو اللي الدكتور عايزاه، بضحك من الصدمة غالبًا اتجننت
صِياااح
03 Nov, 11:25
📌اللي يقولك بحبك متقولوش قد إيه قوله لحد إمتى ؟ ومتستناش قليل الأدب يتربى طالما لسه معملوش من البصل مربى
صِياااح
03 Nov, 10:24
م هتخطى مشهد السفينة ده واللي بيقتلوا ف اهلنا واقفين عليها ولا اكنهم ف رحلة مكانوش خايفين ولا مترقبين، ده نعتبرهم م اهلنا يعم وم هتقفوا معاهم ليه تبقوا عليهم ؟ خمس كلاب عارفين إن السفينة فيها سلاح ليه تعدوها إلا لو كنتوا صهاينة خنازير زيهم
صِياااح
03 Nov, 01:14
ومين راح يرد لتاريخك صباه
ويمشي طريقك لآخر مداه؟
ومين من حياته يجيبلك حياة
ومن راح يكبر ف وقت الصلاة
ومين يبقى ضلّة ف شمس الغلابة
ومين يبقى شوكة ف حلق الديابة!")
ويمشي طريقك لآخر مداه؟
ومين من حياته يجيبلك حياة
ومن راح يكبر ف وقت الصلاة
ومين يبقى ضلّة ف شمس الغلابة
ومين يبقى شوكة ف حلق الديابة!")
صِياااح
02 Nov, 21:16
ليه بيقولوا مصيبة مسيحة متنفعش متلجة ؟ أنا أشوف اصلا المتلجة اصعب من المسيحة
صِياااح
02 Nov, 11:05
افتكرت الرغي اللي كنت لازقاه ع الحيطة زي العيال الدحيحة عشان ف الآخر أجيب مجموعي ده ععع اللعنة دي هتفضل ورايا ورايا ورايا ورايا
صِياااح
02 Nov, 10:45
يعتبروها ليه يغالي، دول وعرب تانيين معاهم عايزين غزة تباد اكتر من الصهاينة نفسهم
صِياااح
02 Nov, 10:44
طيب اعتبروا آلاف شاحنات البضائع المكدسة على معبر رفح اسمها "كاثرين" وحاملة متفجرات ورافعة علم ألمانيا.. ومرروها لأهل غزة!
صِياااح
02 Nov, 09:34
يمساء الخيرات
أنا بقول نحاول تاني، م عشان بقا ضمان حتمية الوصول هي مفيهاش وصول فهنحاول عشان ضمان حتمية عدم الندم
أنا بقول نحاول تاني، م عشان بقا ضمان حتمية الوصول هي مفيهاش وصول فهنحاول عشان ضمان حتمية عدم الندم
صِياااح
01 Nov, 23:05
عارفين بيت الشعر بتاع ولا ألوم صديقي حين يخذلني أنا الملام ع حسن رجائي فيه ده اكتر بيت حقيقي، لو احنا م حاطين High expectations م هنزعل م هنحس بالخسارة ولا بالخذلان وهنفضل ف شقاء أنا كنت مستني منه غير كده، محتاجين نبطل نتوسم ف الناس حاجات احنا م واثقين هي عندهم ولا لا، الكلام مفيش أسهل منه هيقولك أنا هنا أنا معاك أنا ف ضهرك لا أنا ضهرك ويوم الوقعة تلاقيه هناك، متحطوش High expectations ف حد مجربتوهوش ف وقعة أو ضيقة، ركزوا ع الأفعال شوية وخلوا الكلام ده مجرد عربون تمشوا بيه الدنيا لحد متشوفوهم ف المواقف، المواقف هي التمن اللي يثبت الكلام
صِياااح
01 Nov, 21:26
المواد اتراكمت
اكتوبر خلص
أعمال السنة بدأت تتحط
جدول الميد تيرم نازل
معاد التسليمات قرب
مخلصناش أي حاجة ف البريزنتيشن
الوضع ما يطمن، استر يارب
اكتوبر خلص
أعمال السنة بدأت تتحط
جدول الميد تيرم نازل
معاد التسليمات قرب
مخلصناش أي حاجة ف البريزنتيشن
الوضع ما يطمن، استر يارب
صِياااح
01 Nov, 17:31
ليه بيقولوا طلعت من المولد بلا حمص ليه م بلا سمسم ف سمسمية م بلا سوداني ف سودانية، ليه ؟
صِياااح
01 Nov, 17:03
يعني هو حناني عليك قساك حتى عليا ؟ ولا رضايا كمان خلّاك تلعب بيا ؟ ولا تسامح روحي غرك فيا ؟
صِياااح
01 Nov, 13:45
كنت م عارفة أكمل التكليف صفحة بعد مخلصت لقيته أصلا صفحة وحتة والدكتور عايزاه صفحة واحدة بس، مفيش راحة
صِياااح
01 Nov, 12:23
وبعت كلمتين م أكتر من سطرين
قولتلها ريحيني وقوليلي أنا فين ؟
وجاني الرد جاني لقيتها بتستناني
وقالتلي أنا من الأول بضحكلك ياسمراني
قولتلها ريحيني وقوليلي أنا فين ؟
وجاني الرد جاني لقيتها بتستناني
وقالتلي أنا من الأول بضحكلك ياسمراني
صِياااح
25 Oct, 18:18
اكتر ناس بكون عفوية معاهم الليديز اللي بقابلهم ف المواصلات، بكلم معاهم ولا اكنهم خالاتي
صِياااح
25 Oct, 14:55
وأنا بذاكر م بيدور ف دماغي غير حاجة واحدة، ليه محدش يدخل عليا بصينية مكرونة بالبشاميل أو حلة ورق عنب وكوباية شاي ويقولي عشان إنتي شقيانة🌷
صِياااح
25 Oct, 14:00
المهم عرفت معلومة جديدة انبهرت بيها جدًا از يوچول، واحدة كمان وهشوف نفسي بصراحة🤙🏼
صِياااح
24 Oct, 21:34
يعني الناس عبيطة ولا إيه يعني ؟ الناس بتحتفل بالماتش وهيصة وبتاع وف نفس الساعة أكتر من 150 شهيد ف جباليا بضربة واحد لـ 11 بيت، عارفين والله إننا م هنحررهم لما منحتفلش بس ع الأقل نحترم مصابهم شوية م أخويا لايص وأنا هايص
صِياااح
24 Oct, 12:54
أنا مالي بالجهاز الدوري ؟
أنا مالي بالجهاز الهضمي ؟
أنا مالي بالجهاز التنفسي ؟
أنا مالي بأجهزة الإنسان ؟
أنا مالي بالجهاز الهضمي ؟
أنا مالي بالجهاز التنفسي ؟
أنا مالي بأجهزة الإنسان ؟
صِياااح
24 Oct, 09:05
أنا حزينة حزينة حزينة، ف بطل من أبطال الرواية جاتله ورطة كبيرة وهو مظلوم أصلا، أتمنى محدش يكلمني انهارده
صِياااح
23 Oct, 20:11
عايزة أقول حاجة
لو عندكم أخوات صغيرة خلوهم يحسوا بحبكم ليهم ويشوفوه، خلوهم يشوفوا بطريقة ما إنهم لو وقعوا ف مشكلة انتوا هتفضلوا ف ضهرهم، ف ناس م قليلين طريقة تعامل أهلهم معاهم م أحسن حاجة لو فيكم حد مر بحاجة زي كده يحاول يحنو عليهم ويكون هو عندهم مصدر الحب والحنية ليهم، الحياة م ألطف حاجة وكلنا مرينا بفترات م الطف حاجة زي فترة نتيجة فترة امتحان وكده يعني اقفوا جمبهم ف الفترات دي وحسسوهم إنكم متقبلنهم بكل نتايجهم وف كل حالاتهم، ادوهم حب وحنان كفاية قبل ما يكبروا عشان لما يكبروا يكون عندهم مخزون من الحب يحبوا بيه نفسهم انتوا م ضامنين الدنيا والبشرية معاهم هيكونوا عاملين إزاي
لو عندكم أخوات صغيرة خلوهم يحسوا بحبكم ليهم ويشوفوه، خلوهم يشوفوا بطريقة ما إنهم لو وقعوا ف مشكلة انتوا هتفضلوا ف ضهرهم، ف ناس م قليلين طريقة تعامل أهلهم معاهم م أحسن حاجة لو فيكم حد مر بحاجة زي كده يحاول يحنو عليهم ويكون هو عندهم مصدر الحب والحنية ليهم، الحياة م ألطف حاجة وكلنا مرينا بفترات م الطف حاجة زي فترة نتيجة فترة امتحان وكده يعني اقفوا جمبهم ف الفترات دي وحسسوهم إنكم متقبلنهم بكل نتايجهم وف كل حالاتهم، ادوهم حب وحنان كفاية قبل ما يكبروا عشان لما يكبروا يكون عندهم مخزون من الحب يحبوا بيه نفسهم انتوا م ضامنين الدنيا والبشرية معاهم هيكونوا عاملين إزاي
صِياااح
23 Oct, 16:16
م معنى إني بكتب بالقلب البينك يبقى أنا آم چاست ء جيرل عشان أصلًا اكشلي آم چاست ء باسم سمرة
صِياااح
21 Oct, 22:40
الأجواء الشتوية الطفيفة دي محتاجة ألف ليلة وليلة وكوباية شاي بالنعناع (محتاجة أعرف مالي ف أسرع وقت)
صِياااح
21 Oct, 21:25
أو (أنا محتاجة اوردر كتب) أنا أصلا م من محبين الكتب أو الورد اللي هو جدًا جدًا يعني فاهمين بس أوقات بقا بتبقى كده
صِياااح
21 Oct, 21:21
انتوا بتبقوا قاعدين عادي أو بتذاكروا أو أي حاجة يعني ومندمجين وكده وتحسوا مرة واحدة (أنا محتاجة ورد) ولا دي أنا بس
صِياااح
21 Oct, 21:03
بفكركم إن لو حاجة حرام بس كل الناس بتعملها وبيتعاملوا معاها زي الصلاة ع النبي كده ده برضه م هيغير حاجة من كونها حرام، قولوا ع الحرام حرام حتى لو بتعملوه بس متنكروش إنه حرام متنكروش إن ربنا قال عليه لا، قدام الناس متحاولوش تحللوه، حتى جواكم خليكم عارفين إنه حرام وخلوا ضميركم يعترف بكده طول ما لسه ضميركم شغال وف صراع بين إن الحاجة دي حرام حتى لو بعملها ده هيسهل عليكم إنكم تبطلوا الحاجة دي
صِياااح
21 Oct, 16:49
أنت يدكتور متحضنتش وأنت صغير ولا إييييه ؟ تكليف إيه اللي 10 صفح أنا صحتي ع قدي
2,986
subscribers
22
photos
0
videos
