Elite Dentistry || 2025

حالة ضاحك سفلي للأسف
بسبب عدم تطبيق قواعد فتح الحجر وتغيير محور السنبلة عن محور السن
وقلة خبرة الطبيب بتدبير الأثقابات او عدم ادراكو انو صار عندو أنثقاب كبير
أضطر يقلع السن مع انو ما فيو شي
لهيك النصيحة تبع اليوم : الضاحك غدار أن كان ترميمية أو لبية إن كان المارجن تبعو أو عدد القنوات أو قرب وبعد اللب عن التاج وموفقين❤️

وهيك إن شاء الله لمينا الغالبية العظمى من معلومات فتح الحجر عسى تستفيدوا ❤️

🔥🔥🔥
وأخر شي عنا ٤ قواعد مهمين للحجر :

🚨1- أصدق علامة لموقع الحجرة هو cej
الملتقى المينائي الملاطي

🚨2-القاعدة التانية
تغير اللون
ازا نلاحظ مافي حجرة لبية بيضا دائما في تغير ألوان لهيك كتيرمهم نزيل كل النخر مشان يضل عندي العاج والمينا البيضا ويطلع عندي الخريطة اللبية الرمادية وفتحات الاقنية بلون أسود
🚨3- القاعدة الثالثة
ويلي هي موقع القنوات
القنوات اللبية ما تكون موجودة بأرضية الحجرة وكتير طلاب تضيع الجلسات وهي تدور بلارضية ولا بجدران الحجرة
القنوات موجودة بزوايا الجدار بين الارضية والجدار لهيك دائما ندور بلزوايا عن الحجر وما ندور بنص الحجرة

🚨4- وهي القاعدة هي قاعدة التناظر فلو كان عندي قناة بلدهليزي بنفس البعد 100٪ في قناة بلساني
لو كان عندي قناة كبيرة بلنص فمافي غيرها

ولو كانت اللثة تعبانة متضخمة او او
فينا نعتمد على الملتقى المينائي الملاطي لان كمان موازي للحجرة اللبية وهاد مقياس ثابت

لو كان عندي سن متهدم فأنا ممكن أعتمد عللثة لان اللثة الطبيعية موازية للحجرة اللبية

من المهم جدا أنو نعرف تشريح الأسنان لحتا ما تعمل أنثقاب أول شي سماكة العاج والمينا يلي بلأحمر هي ٦ل٧ ملم
بعدين بتجي عنا سماكة الحجرة يلي هي ٢ ل٣ ملم
وبعدا
سماكة الأرضية يلي هي كمان ٢ ل٣ ملم بلأسود

فأئدة هل الحكي لو كنت عم أفتح حجرة وما عرفت أنا وين لو قست بلمسبر اللثوي وطلع عندي ٥ ملم مثلا فأنا لسا ما وصلت
لو قست وطلع ٩ ملم فأنا عوشك أعمل أنثقاب
لو قست وطلع ٧ ملم فأما بلحجرة اللبية ومافي داعي للأكمال
( هاد الحكي بلأسنان الطبيعية)

🔥الملاحظة التانية
وهي الانثقاب :
أنا كيف أتجنب أنو يصير معي أنثقاب بأرضية الحجرة
كتير مهم نعرف انو السنبلة ممنوع تلمس أرضية الحجرة

والجدار الانسي والوحشي للضواحك

الجدار الدهليزي والجدار الانسي لكل من الرحتين العلوية والسفلية لان الحجرة مايلة لعندن فإءا وسعنل من هل الناحية حنخترق الجدار ونعم مشكلة

في عنا شي اسمو محظورات فتح الحجر 😐
هدول عبارة عن جدران ما لازم نقرب عليهن ولا نوسع منن بعد ما أكلنا كل الرف العاجي

طبعا نلاحظ أنو الرحى الأولى العلوية الحجرة مايلة لأنسي والدهليزي
والرحى السفلية كمان نفس الشي مايلة للأنسي والدهليزي
لهيك لما بدنا نفتح حجرن بعد تجريف النخر نبلش عند قاعدة الحدبة الانسية الدهليزية

ملاحظات 🔥
الملاحظة الأولى
دائما شكل الحجرة من شكل السن
لو تطلعنا عشكل السن من فوق حنشوف شكل الحجرة يلي فيه متل هل الصور

عدا الأرحاء العلوية ( لو حذفنا الحدبة الحنكية الوحشية حيرجع شكلا مثلث متل شكل الحجرة )

طبعا لاحظو الخط يلي واصل بين فتحات القنوات هاد بنسميه الخريطة اللبية بتدل على انو هون في قناة

🔻الأرحاء السفلية :
ممكن ٣ وممكن ٤ وممكن حتى ٥ قنوات
أما ٢انسي وحدة وحشي
أو ٢ أنسي ٢ وحشي
أو ٣ أنسي ٢ وحشي
طيب أنا شو بدو يعرفني
ببساطة حسب شكل الحجرة يلي فتح معك لو كان الشكل شبه منحرف وفي قناة كبيرة بلنص بلوحشي فهدول حتما ٣ قنوات
لو كان مستطيل وبكل زاوية قناة هدول طبعا ٤
طيب لو كانو ٥ كيف بدي طلعا
لو لقينا في مسافة كبيرة بين القناتين الانسيات بنحاول نعمل تنظيف منيح للحجرة وضو منيح ونشوف في نقطة سودة أو شكل الخريطة اللبية موصل لنقطة بين النقطتين الانسيات هي حتما هي القناة الخامسة بدور عليها بفايل ابيض او مسبر او فايل موف حتى

🔻الضواحك السفلية
هو أكتر سن غدار
ممكن قناة وممكن ٢ وممكن ٣ وحتى في ٤
وعحسب عدد القنوات تكون شكل الحجرة تخيلوها

🔻 الناب السفلي ما فيو كتير تفاصيل بس فكرتو انو ممكن يكون فيو قناة او ٢

🔻 القواطع السفلية :
بشكل عام كل الأسنان السفلية غدارة
القواطع السفلية نسبة أنو يكون فيها قناتين ٤٥٪
وحدة من القنوات المشهورة ويلي فيها صعوبة هي القناة اللسانية للقواطع السفلية
بدنا ندير بالنا منيح منا
وبندور عليها وقت نفتح قواطع سفلية لان نسبتا معتبرة ٤٥٪
كمان نفتحا من محورين واحد زاوية ٩٠ درجة مع السن ندخل ٢ مل وبعدين نعدل ونفوت بلحجرة مع اندو زد طبعا بس بدنا ندير بالنا كتير منيح علجدران