د.عمرو صلاح الشيخ

الماجستير للتمريص أفضل بمراحل من الزمالة ، وذلك للأسباب التالية.
١- الماجستير تقدر بعده تكمل دكتوراه، الزمالة لا .
٢- الماجستير شهادة أكاديمية ينفع تشتغل بها عضو هيئة تدريس في أي مؤسسة تعليمية بينما الزمالة شهادة مهنية تؤهلك للعمل بايدك داخل المستشفيات.
٣- الزمالة اصلا اتعملت للاطباء عشان الطبيب بيتخرج من كليته مُمارس عام ف بيضطر ياخد الزمالة عشان يترقي ويبقي أخصائي..
بينما خريج كلية التمريض اصلا بيتخرج أخصائي، فلو خدها مسماه الوظيفي هيفضل زي ما هو لأنه بالفعل أخصائي.

يا جماعة شدوا حيلكم معانا شوية
المسابقة قربت تخلص ومحتاج دعمكم ..
عايز تصويت لصالح ابن اخويا حبيبي..
لايك ع الفيديو الأصلي

استأذنكم تصوتوا لابني في مسابقة قرءان كريم

https://www.facebook.com/share/v/15RLMU8uZs/

عندي حالة لرجل فقير فلاح رب أُسرة كان مُعتمد في دخل الأسرة على بقرة بيستفيد من اللبن والجِبن والسَمن ..الخ.
المُهم البقرة للأسف ماتت.
ودي كانت كل ما يملُك الراجل دة وحاليا ما حيلتوش حاجة.
فقير فقر شديد.
عايزين نساعده بأي شكل من أشكال المُساعدة.
سواء فلوس
أو نخلي أي جمعية تتكفل بشراء بقرة تاني ليه أو أي مشروع يعف بيه نفسه وعياله.
لو تعرفوا أي جمعية تقدر تشتري له بقرة عرفوني.
ولو هاتتبرعوا بفلوس هاشتري له معزة أو غنمة لعل وعسي تحمل وتخلف عيال وهو يستفيد من وراهم.
01145619037
عليه انستا باي واتصالات كاش.
اللي عايز يروح للحالة لحد باب البيت هوديه.

لو هوجه كلمة شكر في ٢٠٢٤
هاتكون لجنود الخير.
العام دة ربنا سخرني بكرمه وفضله اني اكون سبب في قضاء حوائج عباده.
أنا مش لاقي كلمة شُكر توفي زمايلي واصحابي واساتذتي وأخواتي اللي وثقوا فيا وساهموا معايا طول السنة في جبر خاطر الغلابة.
مئات الشنط من المواد الغذائية
تم توزيعها.
مئات الوجبات تم توزيعها.
عدد من العمليات الجراحية تم التكفل بتمنها.
بعض الديون تم سدادها.
بعض الحالات تم تسليفها فلوس لحد ما ظروفها اتحسنت.
حالات كتير عملنا لها تحاليل واشعات.
دفعنا مصاريف مستلزمات مدارس لأيتام.
وفرت عدد ٢ اسطوانة اكسجين صدقات جارية.
فتحنا مشاريع صغيرة لحالات تشتغل بيها.
عملنا مبنى أول محطة تحلية مياه في تاريخ قرية مسارة بفضل تبرعاتكم بنينا المبني في اسرع وقت.
تصدقنا على حضانة خيرية..
وغيره.
انا النهاردة فخور بكل واحد دفع جنيه من جيبه.
واقسم بالله العظيم ان كل مليم راح للمُستحقين.
واقسم بالله العظيم ما فيه مليم دخل جيبي.
اسألُ اللهَ العظيم أن يُبارك في كُل مَن تصدّق بماله.
وأسال الله أن يغفر لي ذنوبي وأن يتقبل مني هذا العمل وأن يبارك لي في اولادي.
وأن يجعل عام ٢٠٢٥ عاماً فيه يُغاث الناس وأن يستعملنا ولا يستبدلنا.
شُكراً لكل واحد فيكم ومش هذكر حد بالإسم.
يكفي ان اسمائكم معروفة عند ملك الملوك.
شكرا ٢٠٢٤ انها عرفتني على كل أهل الخير دول.
واتمنى ربنا يمد في عمري وزي النهاردة بعد سنة نكون عملنا انجازات تانية.

المُحاضرة بتاعتي في #موسم_التمريض تم تسجيلها صوتياً ..
لو حد محتاجها يتواصل معايا هابعتها له.
أو ينضم لقناة التليجرام بتاعتي هيلاقيها.
محاور المحاضرة كانت عن:-
فُرَص التمريض النفسي خارج مصر.
الشروط المطلوبة للعمل في مجال التمريض النفسي بالخارج.
مهام ومسئوليات الممرض النفسي.
الحالات التي تستدعي الحجز بالطواريء.
الممارسات المحظور عملها عند التعامل مع المرضى النفسيين.
بالتوفيق للجميع.

https://t.me/+1fJExRlJkcYxMTA0

معادنا النهاردة الساعة ٧ م
الحضور مجاني

أهل الخير
عندي حالة مُتعثرة جداً وعليها ديون ٢٥ الف جنيه.
مش طالِب مِنكُم غير حَد يدعم الزوجة بمبلغ بسيط تبدأ بيه شُغل تساعد مع مُرتّب جوزها .
هي ب تشتغل في Hand Made وعايزة شوية خامات تبدء تشتغل بيهم...
الزوج شغال فرد أمن بمبلغ زهيد جداً وعنده طفلين وأمهم.
الأسرة دي باعوا دهبهُم كُله وباعوا حاجات من البيت زي بطاطين وسجاد وحاجات زي كدة.
مين مُستعد يساعد الأُسرة دي ؟
اللي عايز أي تفاصيل عن الحالة هاديه رقم تليفونها وعنوانها وهو يروح بنفسه.
واللي عايز أكون أنا وسيط برضو معنديش مشكلة.
المُهم حد يساعدها.

صباح الخير
بوست امبارح اللي كان فيه نصايح للسيدات فيه بعض الناس اعترضوا عليه وانا هوضح كام بند كدة.
لما بنقول للزوجة إنها تتغاضى وتتغافل عن أخطاء زوجها فدة مش دفاع عن الغلط ولكن لازم الست تعرف الآتي:-
١- شرعاً الست ملهاش لا قوامة ولا سُلطان على الراجل ، الراجل هو القوام والوصي على مراته وعياله ، يعني بالبلدي مش دورها أصلاً إنها تحاسبه أو تفتش وراه أو تعدل سلوكه..الخ.
٢- البحث وراء أخطاء الزوج نوع من التجسس وربنا قال ( ولا تجسسوا) + إنه طالما ربنا أخفى عنك شيء معين يبقى الأصلح لنفسك وقلبك وعقلك إنك ما تدوريش أصلاً لأنه لما تدوري هتلاقي أخطاء لأن جميع البشر غير معصومين وهنا الشيطان ها يخليكي تنسفي كل حاجة حلوة بينكم وتمسكي في الغلط فقط ويكبرها في دماغك ويحرضك على خراب بيتك ودة أسمى هدف للشيطان.
ودة مش كلامي ، دة كلام سيدنا النبي لما قال إن أكثر أهل النار من النساء بسبب (كُفران العشير). يعني بتنسى الحلو وتمسك في الوحش.
يبقي الأصلح ليكي ما تدوريش أصلا وتبصي ع الحلو مش الوحش.
طيب هو عايش حياته ومقضيها برا
هقولك حسابه على ربنا مش عليكي.
تقدري تنصحيه بالحكمة والموعظة الحسنة
أو بطريقة غير مباشرة زي انك تبعتي له فيديوهات دينية عن خطورة الذنب اللي انتي عرفتي انه بيعمله.
لكن انتي مش ولي أمره عشان تحاكميه أو تنصبي له المشانق عشان عرفتي انه بيعمل الغلط.
ودة برضو مش كلامي
دة كلام ربنا
ربنا قال ( فذكر إنما انت مذكر) مذكر فقط.
وقال ( وما على الرسول الا البلاغ )
البلاغ فقط
وقال ( ادعُ الى سبيل ربك بالحكمة والموعظة الحسنة)
مش بالخناق والندية والعند وخراب البيت.
طب هو لو اكتشف اني باعمل غلط ها يخرب الدنيا
اشمعنى هو وانا لا
عشان هو ليه القوامة شرعاً وانتي مسئولة منه.
لكن العكس غير صحيح.
لو نشفتي دماغك وعملتي نفسك ٧ رجالة في بعض ما تلوميش غير نفسك.
انتي مطلوب منك تتقي الله في زوجك حتى لو هو عاصي ومقصر وبيعمل ذنوب.
مش لو انت انحرفت انا كمان هانحرف.
احنا مش داخلين مسابقة مين ها يروح النار بسرعة..
وهو طالما مُسلم وموحد بالله يبقي طاعته واجبة.
لو ساب صلاته وبطل يصلي
أو مشي في سكة المخدرات والزنا أو بطل يصرف على عياله وعليكي.
ساعتها تسيبي له الجمل بما حمل ..
لأن دة غالبا كدة مش ها ينفع معاه نُصح.
غير كدة جاهدي نفسك واستحملي وادعي له بالهداية..
ربنا يصلح أحوالنا جميعاً.
مسموح بالنقاش لكل المتابعين والزملاء.

نصيحة لوجه الله لكُل سِت بيت
خدي منى الكلمتين دول بعد تجارب وحكايات كتير سمعتها

اتمسكى بيبتك🏠👪👫

اتمسكى ببيتك على قد ما تقدرى🙄

لافيكى حيل ولا صحة ولا عمر تفتحى بيت جديد 😔

ولا تكونيش فاكرة بيت أبوكى لسة ليكى مكان فيه ؟!

مهما كنتى خفيفة بردو تقيلة 😓
كفاية الهم اللى هتسحبيه فى ديلك وانتى راجعه بيت ابوكى👶👫
اللى ما صدقو فضو مكان لغيرك🚶، وحتى لو فيه مكان برضو هتحسى إنك غريبة وخصوصاً لو اخواتك لسة موجودين هيحسوا إنك زاحمتيهم فى بيتهم😥
وهيضايقوا منك ومِن عيالك.😟😤

عيالك أبوهم أولى بيهم
وبيتهم هو اللى هيستحملهم.

علشان كدا بقولك امسكى في بيتك بايدك وسنانك.
صلحيه
ابنيه بناية صالحة.
البناية مش حيطان وبلاط
البناية حب وعشرة واحترام.
معلش استحملى سخافات جوزك.
ماهو لو رجعتى بيت أبوكى ياما هتستحملى بردو 😥
عاملى جوزك برفق ولين😔
أوعى تكونى فاكرة لما تراقبى جوزك وتدورى وراه تبقى كدة بتحمى بيتك😒

صدقينى اللى عاوز يخون هيخون
مهما تعملى مش هتقدرى تغيرى طبعه.
فاعملى نفسك مش واخدة بالك علشان الحياه تمشى
وفترة وبإذن الله هتعدى ويفوق منها
ما هي الرجالة اتهبلت بسبب الستات اللى مش بيخافوا ربنا وبيعرضوا نفسهم ع النت
ادعيلوا انتى بس
انتى أصيلة يا أم العيال.
المُهم تحافظى انتى على نفسك ودينك ولادك وصحتك.
واوعى تقولى اشمعنى هو ؟!
وانا هعمل زيه
خافى ربنا يا بنتي.
المُهم نفسك
أولاً وأخيراً تقوى الله علشان يباركلك فى أولادك وحياتك.
لا زوج ولا أهل ولا مُجتمع ولا أى حد هينفعك
اللعبه كلها بتكمن إنك تسدى ودانك وخلاص لحد ما يفوق من غيبوبة المعاصى👂👂 وامشى بمبدأ اعمل الصح وامشى عدل يحتار عدوك فيك.
خدى بالك من أولادك وحافظى على البيت علشان خاطرهم..
وجزاءك هتلاقيه في الدنيا وعند ربنا إن شاء الله🤲❤
علشان تفكرى تهدى بيتك لازم تكونى جاهزة لبناء غيره طب جاوبى عليا الأول
قادرة تحمى نفسك وتقفى فى وش التيار ؟
قادرة تنزلي تشتغلي وتكفي احتياجات عيالك المادية؟
هتقدرى تربى لوحدك العيال؟
خدى بالك لأنك مجرد ما تخلعي واحدة تانية هتتحط مكانك👩
وساعتها لا هيكون عنده وقت ولا فلوس لأولادك وها تشيلي انتي الليلة كلها لوحدك.
الحياة مش راجل بس لوحده الحياة فيها أشياء كتير حلوة غيره
بصى لولادك بالدنيا ومافيها ، غيرك مش طايل ضفر عيّل ❤
اتعلمى دينك وثقفى نفسك
العلم أقوى سلاح🌹
العلم مش حتة شهادة فيها تقدير.
العلم قوة وحياة وباب بيفتح ليكى كل الأبواب ولو مكنش هيتفتح دلوقتى صدقينى هيجيله وقت ويتفتح بس خليكى دايما مستعدة
محدش عارف اللي جاى فيه إيه.
وإياكى . سامعه 😳؟
إياكى تركزى على إصلاح اللى حواليكى قبل ما تصلحى نفسك🙄

شوفى الناقص عندك فين وكمليه.

عقلك نميه.
بيتك عمريه.
ولادك صاحبيهم.
جوزك خفى من على ودانه وافردى بوزك وعفيه وريحيه.
وعامليه زى أيام الخطوبة فاكرااها🤔🤔
حماتك اعتبريها زي أمك.
خفى تعومى وحاضر بتريح.
متحوشيش وتحرمى نفسك وأولادك وتحرمى جوزك من العيشة اللى نفسه يعيشها لأنه هيدور عليها مع غيرك. 😒
دلعى جوزك.
افرشى بيتك بأحسن المفروشات طلعى المفارش اللى انتى شايلاها
طلعى طقم الصيني اللى شايلاه في المتحف اللى اسمه النيش 😏

اسقيه الشاي في طقم الشاي مش خسارة فيه حسسيه أن الدنيا حلوة معاكى وهو سيد الرجالة 💪

اهتمي بنفسك
أنا عارف إنك مبتجبيش هدوم جديدة ولا بتروحى للكوافير ولا بتجيبى مكياج😓
ولا بتجيبى كريمات لزوم الترطيب وماشية مقشفة 😳😱
علشان توفري له بس دا يتحسب ضدك مش ليكى😔
لأنه بيبص برة للستات بتبرق وانتى بالنسبة له واحد صاحبه قاعد معاه فى البيت
عايشة في دور الشغالة وجلابيةالشغالة
فأرجوكى 🤨🤨
اهتمى بنفسك.. اهتمي بنفسك
انتى نقطة البداية.
أتمنى لكم حياة سعيدة وبيت هادئ وربنا يهدى سركم أنتم وأزواجكم.
ونقول كمان متخربيش بيتك
تمسكى ببيتك وبأولادك هما سندك فى الحياة.
وكفاية كدة اللهم بلغت اللهم فاشهد 🤚.
منقول مع بعض التعديلات.

⛔أهم التطبيقات الخاصة بالتمريض
واللي هتساعدك تطور من نفسك من غير ما تحس بإذن الله

🛑سهل جدا أي حد يجمع اي معلومات ويحطهالك في كتاب أو مذكرة أو تطبيق
لكن صعب جدا تلاقي المعلومات دي في الجون وهي الزيتونة وخلاصة الموضوع من غير لتّ ولا عجن

📗السمة المميزة لكل التطبيقات دي إنها بتديلك معلومة مختصرة ومفيدة وفي سطور قليلة جدا ومش هاتنساها بسهولة

🔰التطبيقات كلها بتشتغل بدون نت وحجمها صغير جدا

⛔لينكات التطبيقات✅⏬️ :

⏬ Nursing Interview Tips
Link:
https://play.google.com/store/apps/details?id=com.salehowimer.nursinginterviewtips

.
⏬ Nursing Pharmacology Tips
Link:
https://play.google.com/store/apps/details?id=com.saleh.pharmanursing

.
⏬ Nursing care plan tables
Link:
https://play.google.com/store/apps/details?id=com.owimer.nursingcareplan

.
⏬ Nursing Mnemonics cards
Link:
https://play.google.com/store/apps/details?id=com.owimer.nursingmnemonics

.
⏬ Nursing Exam With Rationale
Link:
https://play.google.com/store/apps/details?id=com.owimer.prometricghaith

.
⏬ Infection Control Bundles
Link:
https://play.google.com/store/apps/details?id=com.Owimer.infectioncontrolbundles

⏬ Arab Nurses
Link:
https://play.google.com/store/apps/details?id=com.hagras.arabnurses

.
⏬ Nursing Interview in Germany
Link:
https://play.google.com/store/apps/details?id=com.saleh.rngermany

.
⏬ مقابلات التمريض بالعربي س و ج
اللينك:
https://play.google.com/store/apps/details?id=com.saleh.arabicinterview

.
⏬ القاموس الطبي الشامل
Link:
https://play.google.com/store/apps/details?id=com.owimer.arabicmedicaldictionary

.

ونسأل الله أن يوفقنا وإياكم وأن ينفعنا وإياكم ❤️

#Nursing_Interview_Tips

#Nurses_to_the_stars

لو تعرفوا حد محتاج الشغل دة ابعتوا له الاعلان

من يومين لقيت البوست دة قدامي عبارة عن مجموعة من طلبة تمريض طالعين من الكلية رايحين العملي باللبس الأبيض المعروف من زمان ، قام واحد من الطلبة مصور زمايله فيديو وحط عليها دعاء ( لبيك اللهم لبيك ) وبيستظرف ويقول الكلية مطلعانا عُمرة..
كل دة لأجل شوية تعليقات ومُشاهدات ولايكات..
لا يجوز شرعاً الاستهزاء بشعيرة عظيمة من شعائر الإسلام بهذا الشكل المُهين.

{ ذَ ٰ⁠لِكَۖ وَمَن یُعَظِّمۡ شَعَـٰۤىِٕرَ ٱللَّهِ فَإِنَّهَا مِن تَقۡوَى ٱلۡقُلُوبِ }

{ وَتَحۡسَبُونَهُۥ هَیِّنࣰا وَهُوَ عِندَ ٱللَّهِ عَظِیمࣱ }

{ وَلَئن سَأَلۡتَهُمۡ لَیَقُولُنَّ إِنَّمَا كُنَّا نَخُوضُ وَنَلۡعَبُۚ قُلۡ أَبِٱللَّهِ وَءَایَـٰتِهِۦ وَرَسُولِهِۦ كُنتُمۡ تَسۡتَهۡزِءُونَ (٦٥) لَا تَعۡتَذِرُوا۟ قَدۡ كَفَرۡتُم بَعۡدَ إِیمَـٰنِكُمۡۚ }

وانا جاي من الشغل على طريق الاوتوستراد عديت من قدام نيا-بة عسكرية كان واقف قدامها عربية شُرطة وبابها من ورا مفتوح فشوفت شاب متكلبش وحد شايل بنته عشان بس تسلم عليه من باب العربية..
المشهد شوفته ف ثواني..
حقيقي قلبي وجعني من المشهد.
ان بنت محرومة من ابوها و عشان تشوفه تروح تشوفه في وضع زي دة.
عشان كدة الابوة دي مسئولية كبيرة اوي.
انك تكون مسئول عن اطفال ضِعاف ملهمش حد غيرك دة أكبر عبء مُمكن حد يشيله..
الابوة مش ببلاش.
عيالنا يستاهلوا نعمل عشانهم كتير و نتحمل كتير طالما اتجوزنا وخلفنا يبقي العيال في رقبتنا..
الحمد لله على نعمة الحُرية
الحمد لله على نعمة الأطفال
الحمد لله على جميع نعم الله التي لا تُعَد ولا تُحصى.
ربنا يفرج كرب المكروبين
ويهدي الشباب لأحسن الاخلاق.
ويرزقنا شُكر نعمته.

دي علبة الدوا المطلوبة للحالة لو حد يقدر يوفرها أو يساهم بجزء من تمنها

السلام عليكم ورحمة الله وبركاته
عندي حالتين محتاجين مساعدة
الأولى مريضة أرملة ليس لها عائل وعندها بتر في احدى قدميها .. عليها ديون للصيدلية ٣٥٠٠ جنيه..
الحالة التانية .. مريضة مرض مناعي ومحتاجة علبة دوا تمنها ٢٥٠٠ جنيه
اللي عايز يتأكد بنفسه من الحالات هخليه يتأكد..
والله الذي لا آله غيره الذي رفع السماء بلا عمد ما فيه مليم واحد بيدخل جيبي..
شغلي دة مع الحالات الانسانية عاملة زكاة وصدقة عني وعن أهل بيتي بنية إن ربنا يشفيني و يرضى عني ويبارك لي في عيالي..
اللي حابب يساهم بأي مبلغ يقدر يحول ع الرقم دة
01145619037
عليه حساب بنك انستا باي
ومحفظة اتصالات كاش
وكل مليم ها يتدفع هايروح لحالات فقراء ومساكين ومرضى وارامل واصحاب حاجة.
وربنا يتقبل منا ومنكم صالح الأعمال

نصيحة لكل خريجين تمريض
لو رايح تقدم طلب أو التماس أو تظلم أو شكوي أو اجازة أو أي مُستند رسمي لأي جهة حكومية لازم تثبت دة رسمي من خلال ٣ حاجات
١- تخلي معاك صورة من الطلب وتخلي الموظف اللي استلم منك الطلب يمضي عليه (استلمت الأصل) ويكتب التاريخ.
٢- لو رفض يمضي بالاستلام اطلب منه يديك حاجة اسمها رقم وارد للطلب .. المفروض أي طلب رسمي بيدخل جهة حكومية بيكون ليه رقم وارد في دفتر عندهم بالتاريخ ، ولما الطلب يخلص بيطلع من عندهم بحاجة اسمها رقم صادر.
٣- لو رفض يمضي ويديك رقم وارد هتروح أقرب مكتب بريد وتبعت الطلب بتاعك من خلال البريد ( جواب مسجل بعلم الوصول) وهايمضي غصب عنه للبريد إنه إستلم الطلب.
طيب انت بتقول كدة ليه ؟!
عشان لسه واحد باعت لي بيقولي انه كان معاه مستندات رسمية تخص مستقبله وسلمها لموظف في احدى الوزارات وجه بعد فترة الموظف قاله مشوفتكش ولا اعرفك ولا خدت منك ورق ، والورق ضاع ..
وطالما مش معاك اثبات انه استلم منك الورق يبقي ملكش حق عنده ولا تقدر تشتكيه ..
و ورقك هايضيع عليك.

تم بفضل الله توفير الكرسي المتحرك

دة الرقم يا جماعة
01145619037
ساهموا باي مبلغ تقدروا عليه
الحالة صعبة والله.
شاب وعنده شلل رباعي..
الرقم عليه انستا ومحفظة اتصالات كاش

أهل الخير معايا حالة شاب عمل حادثة سببت شلل رباعي
محتاج له كرسي متحرك
ومرتبة هوائية.
ولفة بامبرز كبار
لو حد يوفر الحاجة نفسها ماشي
او يبعت تمنها..
دة تقرير الحالة
واللي عايز يتواصل معاها هوصله بيها..
الحالة من ديروط اسيوط.

لولا اليقين في عدالة محكمة الآخرة لانفطر القلب من القهر
شوف المشهد هناك عامل ازاي 👇

{ وَنَادَىٰۤ أَصۡحَـٰبُ ٱلۡجَنَّةِ أَصۡحَـٰبَ ٱلنَّارِ أَن قَدۡ وَجَدۡنَا مَا وَعَدَنَا رَبُّنَا حَقࣰّا فَهَلۡ وَجَدتُّم مَّا وَعَدَ رَبُّكُمۡ حَقࣰّاۖ قَالُوا۟ نَعَمۡۚ فَأَذَّنَ مُؤَذِّنُۢ بَیۡنَهُمۡ أَن #لَّعۡنَةُ_ٱللَّهِ_عَلَى_ٱلظَّـٰلِمِینَ (٤٤) ٱلَّذِینَ یَصُدُّونَ عَن سَبِیلِ ٱللَّهِ وَیَبۡغُونَهَا عِوَجࣰا وَهُم بِٱلۡـَٔاخِرَةِ كَـٰفِرُونَ (٤٥) وَبَیۡنَهُمَا #حِجَابࣱۚ وَعَلَى ٱلۡأَعۡرَافِ رِجَالࣱ یَعۡرِفُونَ كُلَّۢا بِسِیمَاهُمۡۚ وَنَادَوۡا۟ أَصۡحَـٰبَ ٱلۡجَنَّةِ أَن سَلَـٰمٌ عَلَیۡكُمۡۚ لَمۡ یَدۡخُلُوهَا وَهُمۡ یَطۡمَعُونَ (٤٦) ۞ وَإِذَا صُرِفَتۡ أَبۡصَـٰرُهُمۡ تِلۡقَاۤءَ أَصۡحَـٰبِ ٱلنَّارِ قَالُوا۟ رَبَّنَا لَا تَجۡعَلۡنَا مَعَ ٱلۡقَوۡمِ ٱلظَّـٰلِمِینَ (٤٧) وَنَادَىٰۤ أَصۡحَـٰبُ ٱلۡأَعۡرَافِ رِجَالࣰا یَعۡرِفُونَهُم بِسِیمَاهُمۡ قَالُوا۟ مَاۤ أَغۡنَىٰ عَنكُمۡ جَمۡعُكُمۡ وَمَا كُنتُمۡ تَسۡتَكۡبِرُونَ (٤٨) أَهَـٰۤؤُلَاۤءِ ٱلَّذِینَ أَقۡسَمۡتُمۡ لَا یَنَالُهُمُ ٱللَّهُ بِرَحۡمَةٍۚ ٱدۡخُلُوا۟ ٱلۡجَنَّةَ لَا خَوۡفٌ عَلَیۡكُمۡ وَلَاۤ أَنتُمۡ تَحۡزَنُونَ (٤٩) وَنَادَىٰۤ أَصۡحَـٰبُ ٱلنَّارِ أَصۡحَـٰبَ ٱلۡجَنَّةِ أَنۡ أَفِیضُوا۟ عَلَیۡنَا مِنَ ٱلۡمَاۤءِ أَوۡ مِمَّا رَزَقَكُمُ ٱللَّهُۚ قَالُوۤا۟ إِنَّ ٱللَّهَ حَرَّمَهُمَا عَلَى #ٱلۡكَـٰفِرِینَ (٥٠) ٱلَّذِینَ ٱتَّخَذُوا۟ دِینَهُمۡ لَهۡوࣰا وَلَعِبࣰا وَغَرَّتۡهُمُ ٱلۡحَیَوٰةُ ٱلدُّنۡیَاۚ فَٱلۡیَوۡمَ نَنسَاهُمۡ كَمَا نَسُوا۟ لِقَاۤءَ یَوۡمِهِمۡ هَـٰذَا وَمَا كَانُوا۟ بِـَٔایَـٰتِنَا یَجۡحَدُونَ (٥١) }

[سُورَةُ الأَعۡرَافِ: ٤٤-٥١]..
عند الله نلتقي ..

* الأحاديث الصحيحة التي تبيّن فضل يوم الجمعة
* . إليك بعضاً منها*:

🔴1. قراءة سورة الكهف:
قال النبي صلى الله عليه وسلم:
“من قرأ سورة الكهف في يوم الجمعة أضاء له من النور ما بين الجمعتين”
(رواه الحاكم والبيهقي وصححه الألباني).
🔴2. الصلاة على النبي:
قال رسول الله صلى الله عليه وسلم:
“إن من أفضل أيامكم يوم الجمعة، فأكثروا علي من الصلاة فيه، فإن صلاتكم معروضة علي”
(رواه أبو داود والنسائي وصححه الألباني).
🔴3. الاغتسال والتطيب:
قال النبي صلى الله عليه وسلم:
“غُسل يوم الجمعة واجب على كل محتلم، وأن يستنَّ وأن يمس طيبًا إن وجد”
(رواه البخاري ومسلم).
🔴4. ساعة الاستجابة:
قال النبي صلى الله عليه وسلم:
“فيه ساعة لا يوافقها عبد مسلم وهو قائم يصلي يسأل الله تعالى شيئًا إلا أعطاه إياه”
(رواه البخاري ومسلم).
🔴5. فضل صلاة الجمعة:
قال رسول الله صلى الله عليه وسلم:
“من توضأ فأحسن الوضوء، ثم أتى الجمعة فاستمع وأنصت، غُفر له ما بينه وبين الجمعة الأخرى، وزيادة ثلاثة أيام”
(رواه مسلم).

*يوم الجمعة هو يوم مبارك فيه الكثير من الأجر والفضل، وينبغي للمسلمين أن يحرصوا على اغتنام هذا اليوم بالطاعات.*

كلام مهم جدا 👆

~~بشرى سارة~~
تم موافقة لجنة قطاع الدراسات التجارية بالمجلس الأعلى للجامعاتَ بجلستها المنعقدة بتاريخ ٢٠٢٤/١٠/٣ على ما يلى:
1- بالنسبة للدرجات الأكاديمية تم إضافة ثلاث دبلومات جديدة لأول مرة (إدارة المنظمات العامة – إدارة المنظمات غير الهادفة للربح – الإدارة المحلية ومكافحة الفساد) باللائحة الدراسية بالدراسات العليا بكلية العلوم الإدارية، واعتماد بعض التعديلات باللائحة، أهمها السماح لخريجى الكليات غير المناظرة بالتقدم للحصول على الدرجات الأكاديمية بعد الحصول على دبلوم من نفس ذات التخصص بتقدير عام "جيد" على الأقل.
2- إجراء تعديل بلائحة برنامج الماجستير المهنى في إدارة الأعمال يتضمن إضافة برنامج الماجستير المهنى في إدارة الجودة والعمليات بالدراسات العليا بكلية العلوم الإدارية لاول مرة بالأكاديمية
وإجراء بعض التعديلات ومن أهمها إلغاء شرط سنتى الخبرة للالتحاق بدرجة الماجستير المهنى في إدارة الأعمال، والسماح بقيام الطالب بالاختيار بين إعداد الرسالة العلمية أو اجتياز مقررين دراسيين من أي تخصص آخر بالكلية.
3- إجراء بعض التعديلات بلائحة الماجستير المهنى في المحاسبة بالكلية، وتم إلغاء شرط سنتى الخبرة للالتحاق بالدرجة، والسماح بقيام الطالب بالاختيار بين إعداد الرسالة العلمية أو اجتياز مقررين دراسيين من أي تخصص آخر بالكلية.
4- إجراء بعض التعديلات بلائحة الدكتوراه المهنية في إدارة الأعمال بالكلية، وتم خفض عدد سنوات الخبرة المطلوبة للطلاب المتقدمين للحصول على الدرجة من ثلاث سنوات إلى سنتين.
5- إجراء بعض التعديلات بلائحة البكالوريوس في العلوم الإدارية، والتي تتضمن تحديث بعض المقررات الدراسية لطلاب الشعبتين العربى والإنجليزى.
وجارى خلال الفترة القادمة – بمشيئة الله تعالى - الحصول على موافقة المجلس الأعلى للجامعات على اعتماد بعض الدرجات العلمية الجديدة لأول مرة بكلية العلوم الإدارية، وفتح برنامج الدراسات العليا بكلية الحاسبات والمعلومات واللغات والترجمة.
مع أطيب التمنيات بدوام التوفيق والسداد.
*******

https://www.facebook.com/share/KJhUtfpuFt5yB6yt/

أهل الخير محتاج دعمكم.
صديق ليا مريض ذئبة حمرا من حوالي ١٥ سنة ..
المهم هو حاليا للاسف الشديد محتاج عملية قلب مفتوح.
هو ها يعمل العملية على نفقة الدولة بس هو العائل الوحيد لامه الارملة ومعاه ٣ اطفال ..
وبسبب المرض معندوش شغلانه ..
هو حاليا بقاله ما يقرب من شهر محجوز في المستشفى..
محتاج من أهل الخير مساعدته بكل اللي تقدروا عليه...
الشخص دة اعرفه معرفة شخصية من زمان وعارف ظروفه..
اللي عايز يساعده يتواصل معايا وانا هوصله بيه مباشرة..
ربنا يشفي كل مريض يارب ..
اللي عايز يروح بنفسه يقابل الحالة في المستشفى ويشوف ظروفها ..
هاوصله

صباح الخير
محدش يدي الشحاتين اي حاجة.
دول عصابات ومعاهم ملايين.
الفقراء الحقيقيين ربنا قال عنهم ( يحسبهم الجاهل أغنياء من التعفف).
في عيلتك او جيرانك هتلاقي ناس كتير فقراء ومساكين..
اديهم الصدقة بتاعتك أو الزكاة..
او لو تعرف حد أمين من أهل الخير ونزيه ونظيف اليد اديها له وهو ها يوديها للمستحقين.
بس تكون واثق فيه ٣٠٠%

فيه عبادة اسمها اطعام الطعام ودي ثوابها كبير جدا.
طبعا في ظل غلاء اللحوم والفراخ فيه ناس بطلت تعمل أكل وتطلعه.
مش لازم لحوم
تقدر تروح أي مطعم فول وطعمية وتخليه يعمل لك ساندوتشات بطاطس وطعمية وتحط كل ساندوتشين أو تلاتة في طبق فِل وتوزعهم على الغلابة.
٣ ساندوتشات يشبعوا اي حد..
ولو قدرت توزع معاهم ثمرة فاكهة
صباع موز ، برتقالة ، تفاحة ..الخ
يبقي كتر خيرك..
لو انت قاعد ف القاهرة هتلاقي ع الكورنيش والاوتوستراد عمال نضافة شغالين ف عز الحر والبرد.
ميل عليهم وادي كل واحد فيهم طبق فيه ٣ ساندوتشات وقطعة فاكهة..
سعرهم رخيص وفي نفس الوقت بتجبر بخاطرهم..
بفضل الله طبقت الفكرة دي والناس اتبسطوا بيها جدا..
لو حد حابب يساهم في الفكرة دي يتواصل معايا..
طريقي من بيتي للشغل باقابل فيه ما يزيد عن ١٠٠ عامل نضافة وكلهم محتاجين للصدقة..
والميزة ان الناس دول معروفين باللبس بتاعهم ومش محتاجين اننا نسأل عن ظروفهم لأنها باينة للأعمي..

أنت مش مثالي!

يوم بتصلي الصلاة ف مواعيدها وتقرأ الورد اللي عليك وتعمَل بالسُنة وتقوم بكل الفرائض اللي عليك، وبعدها ترجع تقع على وشك في الذنب اللي حلفت وأخدت مليون عهد على نفسك إنك مش هترجعله!

يوم تحس إنك أنجزت إنجاز مفيش بعد كده وتنام وأنت حاسس برضا رهيب وتُشكر فضل ربنا أنه أنعم عليك، ويوم تاني تبقى بتتمنى من ربنا أنه يديلك يوم تاني و فرصة بس عشان تتوب،

يوم بيكون إيمانك في السما، ويوم تاني بتحس إن مفيش انسان على وجه الأرض عصى ربنا زي ما أنت عصيته - سبحانه وتعالى -

أنت مش مثالي، هتقوم مرة وهتقع عشرة لحد ما ربنا يأذن ليك بالثبات،

﴿وآخرون اعترفوا بذنوبهم خلطوا عملًا صالحًا وآخر سيئًا عسى الله أن يتُوب عليهم إن الله غفور رحيم﴾

خلطوا الصالح بالسئ، زيك زي ما أنت عملت وبتعمل وهتعمل، لكن الفرق هنا إنهم تابوا وأنت بردو محتاج تتوب وترجع حتى ولو وقعت على وشك ١٠٠ مرة محتاج إنك تقوم لحد ما ربنا يأذن ويتوب عليك ومترجعش تاني زي ما كُنت!

كمل محاولة صدقني في يوم - بإذن الله - هتوصل!

-يوسف أحمد.

الكلام دة مهم لأي ولد وبنت مقبلين ع الجواز 👇

#طب_وليا_أنا_بكام؟
الكلمة اللي أثارث غضب البائع.
بعد صلاة الجُمعة روحت أشتري شوية حاجات وتعمدت أشتري من بائع عارض بضاعتة في الشارع على تروسكل مش صاحب محل.
الحقيقة دة وأمثاله ناس غلابة بيكسبوا دراهم معدودة عشان كدة باكون قاصد اشتري منهم بدل المحلات الكبيرة.
المُهم سألت على حاجة وقالي سعرها وكعادة المصريين قولت له ( طب وليا أنا بكام )
راح الراجل متعصب وقالي مفيش فصال ..
روحت ضاحك وقولت له أنا بهزر يا عم ما تقفش كدة..
قالي أصل أنا تعبت من المقاوحة مع الزباين..
قولت له الله يعينك.
وبعد ما كنت هاخد منه حاجة واحدة قعدت اشوف الحاجات اللي عنده واشتريت حوالي ٥ او ٦ أصناف..
واتبقى بعض الفلوس فهو قالي خلاص خليهم عليا..
قولت له والله ما هاخد باقي خلاص.
كفاية ذوقك وكفاية عليك الزباين اللي ب يفاصلوا معاك.
الخلاصة ..
حاولوا تشتروا من الناس دول عشان هما بيقفوا اليوم كله ف الشارع ومكسبهم بسيط جدا..
وكلهم شايلين مسئولية وفاتحين بيوت ومعاهم عيال في رقبتهم.
اشتروا منهم و ما تفاصلوش معاهم..
مش الجنيه ولا الخمسة جنيه اللي هاتغنيك.
انت بتروح للمحلات والماركات وبتاخد الحاجة باضعاف تمنها وبتدفع وانت ساكت ..
ما تجيش ع الغلبان دة و تنشف ريقه.
خليه سهل في الشرا معاه
واعتبرها صدقة عنك

بكلمكم بجد والله
مفيش مجهود بيضيع
مفيش سعي بدون نتيجة
كل الحكاية إن ربنا بيدينا نتيجة سعينا في الوقت اللي ربنا عايزه مش اللي احنا عايزينه..
فهمها تأخر الفرج والعوض ها ييجي
لأن ربنا كريم رحيم لطيف جبار للخواطر سبحانه وتعالى..
كمل سعي وربك مش ها يسيبك
اوعى توقف أو ترجع أو تكسل..

أركان الإسلام الخمسة بالترتيب:
1) الشهادتان
2) إقامة الصلاة
3) إيتاء الزكاة
4) صوم رمضان
5) حج البيت لمن استطاع إليه سبيلا..

أركان الإيمان وهي:
1-الإيمان بالله
2-الإيمان بملائكته
3-الإيمان بكتبه
4-الإيمان برسله
5-الإيمان باليوم الآخر
6-الإيمان بالقدر خيره وشره

شروط الصلاة وهي تسعة:
1_الإسلام
2_والعقل
3_والتمييز
4_ورفع الحدث
5_و إزالة النجاسة
6_وستر العورة
7_ودخول الوقت
8_واستقبال القبلة
9_والنية..

اركان الصلاة وهي أربعة عشر:
1-القيام مع القدرة
2_وتكبيرة الإحرام
3_وقراءة الفاتحة
4_والركوع
5_والاعتدال بعد الركوع
6_والسجود على الأعضاء السبعة
7 _والرفع منه
8_والجلسة بين السجدتين
9_والطمأنينة في جميع الأفعال
10_ والترتيب بين الأركان
11_والتشهد الأخير
12_ والجلوس له
13_والصلاة على النبي صل الله عليه وسلم
14_ والتسليمتان..

واجبات الصلاة وهي ثمانيه:
1_جميع التكبيرات غير تكبيرة الأحرام
2_وقول: سمع الله لمن حمده للإمام والمنفرد
3_وقول :ربنا ولك الحمد للكل
4- وقول: سبحان ربي العظيم في الركوع
5- وقول: سبحان ربي الأعلى في السجود
6_وقول : ربي اغفر لي، بين السجدتين
7_والتشهد الأول
8_والجلوس له..
بيان التشهد :
وهوأن يقول : التحيات لله والصلوات والطيبات ، السلام عليك أيها النبي ورحمه الله وبركاته ، السلام علينا وعلى عباد الله الصالحين ، اشهد ان لا اله الا الله وحده لا شريك له وأشهد أن محمدا عبده ورسوله. ثم يصلي على النبي صلى الله عليه وسلم ويبارك عليه فيقول : اللهم صل على محمد ، وعلى آل محمد ، كما صليت على إبراهيم وعلى آل إبراهيم ، إنك حميد مجيد ، وبارك على محمد وعلى آل محمد ، كما باركت على إبراهيم وعلى آل إبراهيم ، إنك حميد مجيد. ثم يستعيذ بالله في التشهد الأخير من عذاب جهنم ، ومن عذاب القبر ، ومن فتنة المحيا والممات؛، ومن فتنة المسيح الدجال ، ثم يتخير من الدعاء ماشاء ولاسيما المأثور من ذلك ومنه : اللهم أعني علي ذكرك وشكرك وحسن عبادتك ، اللهم إني ظلمت نفسي ظلما كثيرا ، ولايغفر الذنوب إلا أنت ، فاغفر لي مغفرة من عندك ، وارحمني إنك أنت الغفور الرحيم.

مبطلات الصلاة وهي ثمانية:
1- الكلام العمد مع الذكر والعلم أما الناسي والجاهل فلا تبطل صلاته بذلك
2- الضحك
3- الأكل
4- الشرب
5- انكشاف العورة
6- الإنحراف الكثير عن جهة القبلة
7- العبث الكثير المتوالي في الصلاة
8- انتقاض الطهارة..

لابد من حفظ هذه الواجبات والشروط والسنن والأركان...والله ولي التوفيق

اطلب من كل مسلم
يتعلمها ويعلمها اهل بيته وجيرانه
واصدقائه لربح خيرا كثيرا

حتى لاتزور طبيباً نفسياً :

👌لا تُركِّز علي القيل والقال.
فلان اتهمني بشيء ليس فيّ ..
فلان تجاهل رسالتي ..
صديقي لم يعد يُحبني ..
👌تجاهل تلك التفاهات ولاتركز عليها.

👌لايكن شغلك الشاغل اين ذهب فلان ؟! ..
لماذا هو صامت ؟! ..
هل مازال يحبني ؟!

↖️اسئلة وهواجس لاتجلب لكَ سوى المشاكل والامراض والاحتراق النفسي ..
✅لا تفكر في الماضي.
كيف ظلموك.
كيف اساؤوا اليك.
وكيف انك لم تأخذ حقك كاملا ؟!
توقّف .. توقف ..
فالماضي يثير بداخلك الغضب والاحساس بالعجز ..

✅لا تركز على ماينقصك فقط ..
احتاج مبلغا ضخما من المال ولا املكه .. احتاج سيارة .. ليتني لم أِصب بهذا المرض .. ليتني امتلك منزلاً اوسع من ذلك ..
تأكد انك مهما حصلتِ على ماتريد سيظل ينقصك شيء .. لان قناعتك ستظل ينقصها شيء مهما اكتفيتِ

👌لاتقارن حياتك بأحد ..
فعندك مزايا ليست عند احد .. وعندهم نواقص ليست عندك ..
فا الله عادل ..
👌لاتقول فلان أفضل مني .. ابنائي ليسوا كأبناء فلان ..
فلان سعيد وأنا تعيس
توقف عن المقارنة لان نظرتك محدودة قاصرة 👀

👌لاتفكر في الانتقام من احد مهما اساء اليكِ .
لان الانتقام سيعطل حياتك ويورثك الكره والحقد واذا فشلتِ في انتقامك سيصيبك الاكتئاب ..

✅الحياة اكبر بكثير من تلك الامور ياصديقي ..
لاتشغل نفسك بما يُرهقك ويتعب اعصابك ويستنزف طاقتك ويُمرض نفسيتك ..
فالحياة كبييرة وملأى بالعديد من الفُرص ..
👌انظر حولك ستجد من هم اشد شقاءاً وبؤساً واعظم مُصاباً ..
هناك أناس يموتون جوعاً وبلادهم في حروب مُستمرة
👌لو زرت احد مستشفيات الامراض النفسية والعقلية لحمدت الله كثيرا على سويعات حزنك ومرحلة اكتئابك التي لا تمثل شيئاً امام مصائب الاخرين …
ثم_بعد...
اشرب الماء العذب ، وتناول الخضروات والفاكهة ، ومارس الرياضة وابتعد عن الكسل..
طابت جمعتكم بكل خير
#استشارة_نفسية
#عمرو_صلاح_الشيخ

شكراً جزيلا تمريض الزقازيق.. تمنياتي ليكم بالنجاح والتميز

اتمنى تسمعوا الرسايل الصوتية دي للآخر مهمة جدا جدا👆

توضيح مهم جدا جدا
واتمنى من حضراتكم تسمعوه

دليل التشخيصات التمريضية العالمي

Channel photo updated