Крипто Доогтэр

Web3 чиглэлээр мэргэшсэн судалгаа, зөвлөх үйлчилгээ үзүүлдэг Tiger Research компани, '2024 оны Азийн дотоодын валютын тогтвортой байдлын чиг хандлага' гэсэн тайланг нийтэлжээ. Уг тайланд "Азийн томоохон орнууд дэлхийн худалдаанд ам.доллараас хамааралтай байдлаа бууруулж, валютын тусгаар тогтнолыг бэхжүүлэхийн тулд үндэсний мөнгөн тэмдэгтэд суурилсан тогтвортой зоос бүтээж байна." гэжээ.

Lookonchain-ийн мэдээлснээр, халимууд BTC хуримтлуулсан хэвээр байна. Зургаан цагийн өмнө "bc1q...z7l0" халим Binance-аас 1731 BTC (168.90 сая доллар) татсан. Нэмж дурдахад, найман шинэ халим сүүлийн 10 цагийн дотор Binance-аас нийт 1164 BTC буюу 113.60 сая ам.доллар татжээ.

Интернэт холболтгүй бол дижитал рублийг дэлгүүрт бараа, үйлчилгээний төлбөрийг төлөхөд ашиглах боломжгүй гэж Оросын банкны төлөөлөгч хэлэв. Түүний хэлснээр, сүлжээнд холбогдоогүй тохиолдолд дижитал рублийг ашиглах боломжийг олгодог технологи хараахан боловсруулагдаагүй байгаа бөгөөд санхүүгийн системд хэрэгжүүлэх цаг хугацааны талаар юу ч мэдэгдээгүй байна.

Майк Новогратц, өнөөдөр эсвэл маргааш биткойн 100,000 долларт хүрнэ. Ихэвчлэн үнэ өндөрт хүрсний дараа бага зэрэг буцдаг. Энэ удаад буцахгүйгээр илүү өндөрт гарвал би огт гайхахгүй гэсэн байна.

Блокийн мэдээлснээр, АНУ-ын Үнэт цаас, биржийн хороо (SEC)-с, "Дарга Гэри Генслер ирэх оны нэгдүгээр сарын 20-нд огцорно" гэж мэдэгджээ.

Alternative-ийн тооцоолсон "Айдас ба шуналын индекс" өнөөдөр 94 болж, өмнөх өдрөөс 12 нэгжээр өссөн байна. Энэ нь 2021 оны 2-р сарын 23-ны өдрөөс хойших хамгийн өндөр үзүүлэлт юм. Индекс 0-д ойртох тусам зах зээлд хэт их айдас, 100-д ​​ойртох тусам хэт өөдрөг үзлийг илэрхийлдэг.

Виртуал хөрөнгийн иж бүрэн мэдээллийн платформ болох CoinMarketCap-ийн 'Altcoin Season Index' нь Улаанбаатарын цаг 08:30-ийн байдлаар 27 болсон байна. Энэ нь өмнөх өдөртэй харьцуулахад 4 пунктээр буурсан үзүүлэлт юм.

ЗАЛХУУ МЭДЭЭ: 2024 оны 11-р сарын 22-ны өдөр

Өчигдөр, 11-р сарын 21-ний Пүрэв гаригт крипто зах зээл ногоон байлаа. Биткойн сүүлийн 24 цагийн байдлаар (УБ цаг: 11-р сарын 22, 07:51) 4.59% дээшилж $98,498 болжээ.

Айргийн тавын алткойнууд (USDT,USDC оруулаагүй)-аас XRP илүү ихээр буюу 10.3%-иар буурч $1.23 болсон байна.

Сайн мэдээ

Cointelegraph-ийн мэдээлснээр, Onchain Foundation-ийн судалгааны дарга Леон Вайдманн (Leon Waidmann) нь “21-ний өдрийн байдлаар сүүлийн 30 хоногийн дотор биржүүд рүү орж ирсэн тогтвортой зоосны хэмжээ 9.7 тэрбум ам.долларт хүрсэн.

Энэ нь сар бүрийн хэмжээгээр түүхэн дээд үзүүлэлт бөгөөд одоогийн байдлаар эрэлт огцом нэмэгдэж байгааг харуулж байна” гэж дүгнэжээ.

Үүнтэй холбоотойгоор Bitget Research-ийн ахлах шинжээч Райан Ли (Ryan Lee) мөн “Өмнөх мөчлөгүүд болон тогтвортой зоосны урсгалыг харгалзан үзвэл, одоогийн байдлаар Биткойн 14.7%-ийн өсөх боломжтой байна. Үүнийг одоогийн үнэтэй харьцуулбал 100 мянган ам.долларын босго давж гарах магадлалтай” гэжээ.

Муу мэдээ

Cointelegraph мэдээлснээр, АНУ-ын ашгийн бус судалгааны байгууллага болох Тэгш Боломж Судалгааны Сангийн тэргүүн Абхик Рой, 20-нд болсон Хойд Америкийн Блокчейн Дээд хэмжээний уулзалтад оролцох үеэр, "Биткойныг стратегийн нөөц хөрөнгө болгон ашиглах нь 35 их наяд ам.долларт хүрсэн АНУ-ын өрийн хямралыг шийдвэрлэж чадахгүй" гэж мэдэгджээ.

Тэрээр "Сенатор Синтия Луммисийн энэхүү санал нь биткойныг ашиглах боломжийг хэтрүүлэн үнэлсэн хэрэг. Энэ нь бондын зах зээлийн дарамтыг тодорхой хэмжээгээр бууруулж болох ч өрийн асуудлыг бүрэн шийдвэрлэж чадахгүй" гэж онцолсон байна.

Өмнө нь Сенатор Синтия Луммис Холбооны Нөөцийн албаны зарим алтны нөөцийг худалдаж, стратегийн хөрөнгөөр 1 сая биткойн худалдан авах тухай хууль санаачлах төлөвлөгөөгөө илэрхийлж байсан юм.

Биткойн 98,310 доллар болж бүх цаг үеийн шинэ дээд цэгт хүрлээ. Биткойн энэ долоо хоногт 100,000 доллар хүрэх болов уу?

11 сарын эхнээс хойш FLOKI-ийн үнэ хоёр дахин өсөж, 11-р сарын 21-нд болох Америкийн Coinbase бирж дээр шинээр гарахтай холбоотойгоор, сүүлийн 12 цагийн хугацаанд 28%-иар өссөн байна. 0,000288 ам.доллар буюу оргилдоо хүрсний дараа тус зоос нь залруулга хийж 0,000266 ам.доллар болж буурсан. Гэвч Шинжээч Жавон Маркс бухын жагсаал хараахан дуусаагүй гэж үзэж байна.

Лос-Анжелес хотод төвтэй, сошиал медиа маркетингийн Thumzup компани, төрийн сангийн нөөц болгон 1 сая долларын биткойн худалдаж авснаа зарлалаа.

Polymarket-ийн таамагласнаар, 11-р сард биткойн $110,000 хүрэх магадлал 15%, $105,000 хүрэх магадлал 31% байна.

Скотти Пиппен "1993 онд Сатошитэй уулзсан" гэж хэлэхэд Майкл Сэйлорын царай.

"ҮБлокчейн"-ний мэдээлснээр, сүүлийн 30 хоногийн хугацаанд, Бинанс биржийн спот болон дериватив нийт арилжааны хэмжээ 3.5 их наяд ам.долларт хүрсэн нь дэлхийн томоохон хөрөнгийн биржүүдийн арилжааны хэмжээг давсан үзүүлэлт юм. Энэ нь Насдакийн арилжааны хэмжээнээс 10%-иар илүү, Нью-Йоркийн хөрөнгийн бирж (NYSE)-ийн арилжааны хэмжээнээс хоёр дахин их байсан байна.

Энэ долоо хоногт Bitcoin (BTC) хэлбэлзэл ихсэж, өдөрт хэд хэдэн үнийн дээд амжилт тогтоож, дараа нь богино хугацаанд уналтад орж байна. 50 хоногийн хөдөлгөөнт дундаж 200 өдрийн дундажаас дээгүүр хэвээр байгаа тул урт хугацааны өсөлтийн хандлага ирээдүйд үргэлжлэх магадлал өндөр байна.

Техник шинжилгээ хийхгүйгээр койн авах DCA арга (Binance сургалтын хаяг дээр хийж үзүүлэв)

"Сэтгэл тайван арилжаа хийх нь" арилжааны анхан шатны сургалтанд бүртүүлэхийг хүсвэл фэйсбүк хуудасны чатаар холбогдоно уу.

https://youtu.be/XzDvSG4ztUs?si=CGtrk9F3CWH7KP_Z

The Block-н мэдээлснээр, криптовалютын хадгаламж үйлчилгээний BitGo компани Ази, Номхон далайн бүс нутагт үйлчилгээгээ тэлэх зорилгоор Сингапурт охин компани байгуулснаа мэдэгдсэн байна. BitGo нь өнгөрсөн 8-р сард Сингапурын Мөнгөний Хяналтын Газраас (MAS) төлбөрийн MPI лицензийг авсан билээ.