السلام عليكم
طلاب #الرابعة و حتى #الثالثة تفيدكم ب #التشخيص
من تتفق ويه مريض عنده تسوس
وتريد تعرف هل حشوة عادية لو حشوة جذر
فممكن من خلال كم سؤال تعرف منه، ف تسأله:
س/ السن ياذيك كلش بحيث ما يخليك تنام؟
ج/اذا گلك لا، فهنا التسوس ما واصل لل pulp
ف يعني مو حشوة جذر " لكن مع استثناء رح احجيه بالاخير"
اذا گلك اي، ما يخليني انام الليل =حشوة جذر
س/انوب تسأله، الألم يجيك فقط وقت الاكل، و الشرب و بعدها يروح مباشرةً؟
ج/اذا گالك اي، فمعناها التسوس واصل للdentine، و الحشوة حتكون عادية مو جذر
تبقى شغلتين:
الاولى: تشوف عنده تسوس و تسوس بسيط، لكن ما يشعر بأيّ الم، فهذا معناه التسوس فقط صاير ع enamel، وهنا حتكون حشوة عادية
الثانية: و هي شغلة الاستثناء
تشوف السن كلش متسوس و ماكل السن فد مرة، لكن يگلك ابد ما احس بألم او الم جدا بسيط🤔 هذا السن لو تجي و تاخذله اشعه، راح تشوف التسوس واصل لل pulp
زين شلون واصل للعصب و الم ماكو او يكاد ضئيل؟؟؟! 🤔
هاي الحالة اسمها chronic pulpitis
اي انه ال pulp وصل اله التسوس و مضى عليه الدهر و المريض همل سِنه و تحامل عليه، الى ان pulp اكله التسوس
ف بهاي الحالة، لازم نسوي حشوة جذر
و في الحالات الي تشك بيها "هل هاي حشوة عادية لو جذر"
↩️ فالحل انه تلجأ للأشعة، هي الحل الفاصل لهذا التساؤل
ملحوظة احتفظوا بيها*
لنفرض اخذت اشعة لسن دا تشوفه بعينك متسوس، بس بالاشعة كلشي ماكو"ماكو منطقة بالفلم صايرة سودة radiolucency تدل على التسوس"🤔🤔
↩️هذا معناه: التسوس صاير فقط ب enamel 🤝🏻
و شكرًا