Postagens do Canal (اه يادمعة رقيه) نشر قصائد+ تلحين

ياهو الشيعاها
وثغب  وراها
مولاتي الغريبه  مولاتي الغريبه
٠٠٠٠ ٠٠ ٠٠٠٠
هاي الأمس عالنوك اجت
مسبيه والوادم حجت
ولاعين شافتها وبجت
صاحو غريبه٢

ميته ولا يمها اخو
يتفرج عليها العدو
يضحكون ناس لشيعو
هاي المصيبه ٢

المايمها اهل ياناس. وحشه الجنازه تصير
زينب غريبه اليوم. وين بنظرها تدير
المحتاره  بالطف ذاك. بالموت هسه تحير ٢

محد ودعاها   ياهو الشيعاها
واثغب وراها...مولاتي الغريبه
٠٠٠٠ ٠٠ ٠٠٠٠
يل متي مابين الغرب
عمرج گضه بضيم ورعب
شتنسين من ذاك الدرب
الماخذ دلالج٢

يم الخدر وينه الخدر
لارايه ظلت لاستر
رحتي ابخاطر من كسر
ويبجي حالج٢

الما صارت ويالناس. اتصير بخت حسين
التنسبي مره ام عون. أنسبت مرتين
للموت رحتي شلون. يل ميته من اسنين

من طفو ضواها
ياهو الشيعاها
واثغب وراها...مولاتي الغريبه

٠٠٠٠ ٠٠ ٠٠٠٠
بعيونها الشافت الم
نور الكمر طافي سهم
بطلعتهه من ذيج الخيم
كصر عمرها٢

الجيش ناده عله الشمر
طلعنه هاي ام الخدر
لأم الصبر ماظل صبر
ذبحو سترها٢

ينزف دمه الدلال. شماطالت الايام
عالشجره شفت اجروح. مرسومه من العام
ربي أخذها الروح. وماشوف ناس الشام

يخنگني هواها
ياهو الشيعاها
واثغب وراها...مولاتي الغريبه
٠٠٠٠ ٠٠ ٠٠٠٠
ألشام ابد ما ينسي
شبعني ياوادم بجي
آ يالقصر آ يالسبي
آ يالخرايب٢

مكسوره روحي ومهجتي
مشتاگه شوفنها اخوتي
انه الغريبه بموتتي
مالي گرايب ٢

شفنه اليريد يموت. تلتم عليه لحباب
گلبي بحزن مخنوگ. شايل حجي وعتاب
يا وسفه ياعباس. نعشي تشيله اجناب

شيعها السباها
ياهو الشيعاها

واثغب وراها...مولاتي الغريبه
ــــــــــــــــــــــــــــــــــــ
خادم اهل البيت ع
فلاح طالب

مرقدي خالي l حسن الصالحي

شوكت سامره تثير اغبارها
ومنهم مربع تطالب ثارها
...
يبن ابوك الثار ذمه برگبتك
گوم وارگه فوگ ظهر اكحيلتك
چم علي راح ويناطر جيتك
من علي الهادي لحد كرارها
...
گوم يالماتنطي بالحومه ظهر
جدك اول علي ساجد وانطبر
إنشد الكوفه وتگلك بالخبر
اشلون شطرو هام حامي جارها
...
حيهم وثاني علي ذاك العليل
الصعد وي عماتك ظهور الهزيل
يميل كله لو لمح زينب تميل
وتالي چبده بسم تعالت نارها
...
اهنا يصگار الصگور البالفضه
النوب ثالث علي من عدكم گضه
وبخراسان انمرد چبد الرضا
وندري عندك غربته واخبارها
...
وبعد رابع علي ودعنا غريب
علي الهادي وايحله اعليه النحيب
العتب شيودي يغايب وشيجيب
لشوكت هاشم خليه اديارها
..
استغفر الله ما گلت حگكم يضيع
گيض خلصنه العمر ما مش ربيع
انذبح من خلفة علي حته الرضيع
وجهراً اتباهت اميه بعارها
..
گوم شگ زيج الفجر طر يا صُباح
وما هي سهله اعليك دمكم يستباح
گوم فوگ ارگابهم اطوي الرماح
وبيك خل يرجع مجد فقارها
...

علم لاه
وحگ چفك الي طايح علم لاه
بچيت وحزني لمصابك علم لاه عالم له
صحت عباس هم عندك علم .. لا
خذو زينب بعد عينك سبيه
..
والحسان
يبو فاضل يبدر العز والاحسان
زماني ابد ما انصف ولا احسن
زينب حرگو خيمها والحسين
ترض صدره الاخيول الاعوجيه
..
بنات الزهره ضيم الوكت عمها
العمه عين الگمر بالسهم عمها
الأبوها حسين والعباس عمها
ما ينگال عنها خارجيه

ملا ضياء البحراني
💔

بصوت. مسلم المطيري

ابوذيه
مولاتي  العقيله

ســبــيــه ومـا الـي خـوّان  .. يـوعـون
وگلت بلكي الغفوا عالترب  .. يـوعـون
أتـانـي الـجـيّـت الـعـبـاس  .. يـوعـون

ردت واحـد يـشــوف الـصــار بــيــه

*------------------------*------------------*

✍خـادم زينب (ع)
الشاعر رعد الجريخي

ابوذيه
مولاتي  العقيله

ســبــيــه ومـا الـي خـوّان  .. يـوعـون
وگلت بلكي الغفوا عالترب  .. يـوعـون
أتـانـي الـجـيّـت الـعـبـاس  .. يـوعـون

ردت واحـد يـشــوف الـصــار بــيــه

*------------------------*------------------*

✍خـادم زينب (ع)
الشاعر رعد الجريخي

يالتشيعونه يالتشيعونه   الكاظم غريب اعله الجسر يالتشيعونه
**
بالسجن يا ناس   خلصت اسنينه
للفرج يدعي   ودمعته بعينه
كافي يا دنيه    لا تجرحينه
امن السلاسل ذيج    الله اليعينه

لا تتانونه  لا تتانونه   بالسم ابن جعفر كضه لا تتانونه
***
امن الشمس محروم   وحيرته حيره
والسجن غير   كل تعابيره
راسه عالقبله   ياهو اليديره
يصرخ الناعي   راح ابو الغيره

غمض عيونه   غمض عيونه  الكاظم يشيعه بهل المسه   غمض عيونه
**
كلهم الجمعه   يم جسر بغداد
وضلت الشيعه   تنطر الميعاد
كلها تتأمل   والامل ما فاد
مات ابن جعفر   واهله كلها ابعاد

يالتشيلونه  يالتشيلونه   بهادي بله ويالنعش  يالتشيلونه
*




قصة الكاظم   ما حملها انسان
جان يتمنه   يلكه يمه اخوان
من كثر صبره   حير السجان
وتصفن الحيطان   لو قره القران

ما يشغلونه   ما يشغلونه   عن طاعة الباري ابد  ما يشغلونه
**
ايده من الكيد   ليش دمها ايسيل
امن الحديد اهواي   جسمه ضل ايميل
والله ابن حعفر   عنده ما ضل حيل
والنهار اشلون   ايعرفه من الليل

ما يخلونه   ما يخلونه   لو راد يشتم الهوه ما يخلونه
****
اربع احماميل   عالجسر خلوه
والطبيب يصيح    بيا ذنب سموه
بالدمع والنوح   شيعته اتلكوه
لطمو اعله الروس   وبالحزن شالوه

وحشه من دونه   وحشه من دونه   بغداد والدنيه اصبحت   وحشه من دونه
****
تمت
تحسين الخفاجي

#نعي للسيده زينب ع

يامالت الله موش أجاويد
سوو الشام بكيفهم عـيـد
من دخلونه المجلس أيزيد
لا نغر بيهم لا فزع حـيـد
چا هاي ناس الشام والشام

شحچيلكم يا عملة السوگ
يظحكون وانا گلبي محروگ
لا والتكتلك هــزّل الـنـوگ
أنفكت علينه عيون وحلوگ
الصارن ويانه ماهن أولام

وياهم قليله الشام شمات
أربات الخدر وأحنه العفيفات
يصيحون جبناهن سبيات
تالي بخرابه مهدمه أنبات
ودارت صدگ ويانه الأيام

ليل الخرابه يشيب الشاب
حيطان خشنه فراشهه أتراب
وكل ساع واحد طالع وطاب
لا سگف بيها ولا أسم باب
ويردون بيها نغفه ونـام

ياكون ميته والله ياريت
ولا للغرب مسبيه طبيت
موش أحنه أهل البيت يابيت
صرنه غرب ياحيف وأبچيت
تبات بغرب تالي أم الخيام

وياي أجو أخواني بس روس
منحوس والله الشام منحوس
العطشان عينه تروح للطوس
بالشام حتى الماي منفوس
منريد مي لو نعطش أعوام

بالشام يكتل وكت الغروب
تحسه سلف مايوم مچهوب
چنه مضيف وشيخه منهوب
اليدخله صاحي يرد متعوب
عنهم حرام أنگول أسلام

✍️حسين حمدان الدلفي

#اللهم_عجل_لوليك_الفرج


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

نعي عن السيدة زينب بعد مقتل الحسين
---------------------------------------------
ويــــــن اللاكَــــــيهم بعــــــد ولياني
شلون ترضون انسبي يخواني
حــــــشمت شكــــــثر محد اجاني
تسمعوني لچن ياوسفة ميتين
-----------------------------------------
ما بين الغرب امشي يســــــيرة
ولا خوتي تجيني ولا عشيرة
ولديرة اطــــــب من بعد ديــــرة
چا شنهي العذر مني يطيبين
------------------------------------------------
غريبة ولا ولي ما بين عدوان
واركض عالجمر حافي يوليان
واخوي مسلب ومذبوح عطشان
والخيمة وعباتي بنار داووين
------------------------------------------------
يخوية حبال شدوهن بدية
ينادوني بشــــــماتة يالسبــــــية
وجر بيدة التراچي من رقية
تصيح احاه عمة والدي وين
------------------------------------------------
ادور فياي صبغت لوني الشموس
وكلبي من الحزن والنوح متروس
ملتــــــــــــني بكثر ما انوح النفــــــوس
ياخوية من اختكم نشفت العين
------------------------------------------------
أسالكم الدعاء رائد الاسدي
https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات

(﷽)
قصيدة: تعبانه بويه هواي تعبانه
بصوت: وليد العارضي
الشاعر: ميثم العمري
▪️▪️▪️▪️▪️
ه بويه اهوايه تعبانه
تدري انجويت اهنانه وهنانه
سريعه
لتكلي بويه شلوني      سووها زرگه امتوني.
ثكيل****طور بحريني
علرمح ّ راسك ّودار العين اليه
جن تگلي شلونج ابنيتي رقيه
شرد اسولف   وآنه محتركات اديه
من اليسر والضيم بويه شظال بيه

مجروحه من فرگاك مجروحه
ويابويه راسك عالي ما الوحه
  سريع غيمه الدمع بعيوني       وسووها زرگه امتوني
****
اركض وبثيابي بويه مجلبه النار
حافيه وكل ساع اعثر والرمل حار
عليه كل الطك يبويه والشتم صار
زغيره وجروح البمتني كلهن اكبار

تدري شكثر بالصوط ضربوني
من صوطه بويه راحن امتوني
ابجي شكثر خلوني     وسووها زرگه امتوني
*** 
ليش سلابي يبويه ما رعاني
حيل جر ترجيتي مني وعذباني
گمت اصيح ودمي ظل يجري من اذاني
گتله بت حسين انه وشتماني

وآنه صحت لو عندك بنيه
جا ما خذت من عندي ترجيه
لمن رحت هضموني       وسووها زرگه امتوني
**
بويه اجانه الليل واحنه بلايه خيمه
بالحوافر بويه راحت جم يتيمه
والشمر يفتر عله زينب هضيمه
وتدري شوغات اليسر كلش اليمه

عماتي وينك گامن ايصيحن
وكلهن سوه لوجرهن ايطيحن
وانه شكثر جروني     وسووها زرگه امتوني
***
اه يدرب الشام يالوعت عذابه
واحنه ماعدنه عشيره ولا كرابه
صعبه من خلونه يابويه بخرابه
بلا سگف ونام گمنه عله الترابه

آنه عله زينب دمعي يتجاره
ازرك متنها وبينه محتاره
الزينب تغير لوني     وسووها زرگه متوني
*
بويه من النوم فزيت واريدك
وانه ما متعلمه انام اله عله ايدك
بشوك احضننك ردت وشتم وريدك
عالطشت خاف ابجي بويه وحرگه ازيدك

جابولي راسك بويه جابولي
هذا ابوج حسين كلولي
وعليه متت شافوني     وسووها زرگه امتوني
▪️▪️▪️▪️▪️
#اللهم_عجل_لوليك_الفرج_والنصر_والعافية
تعبانة بوية هواي تعبانة .. مكتوبة