Посты канала (اه يادمعة رقيه) نشر قصائد+ تلحين

ماتت أمي ،، وصار كل عمري جحيم
ماتت امي ،،   وهسه  گلولي  اليتيم
الله وياچ ييمه الله وياچ
  يمه بالله امودعه


،،،،،،،،،،،،،،،،،،،،،،،،،،،،،،،،،،،،،،،،،،

العشت فوگ متونهه ،، ما تفتح عيونهه ؟
واني يمهه وانتظر اسمع حچيهه

التعبت   بتربيتي ،،، أمي  يا  عافيتي
ساكته  ودمعي  النزل  بلل  أديهه

يمه   شو   ماكو  الهلا 
والچفوف       مسبله
هسه المعاتب    حلا
يمه   يمه

عايفتني   الدنيا     موت
آه  يا    جرح    السكوت
الجنه نظره وياهه صوت
يمه يمه


راح كلشي    من گلت يمه   وبجيت
راح كلشي    هسه والله انه انتهيت

العمر   صعبه  نشيعه
يمه     بالله   مودعه

،،،،،،،،،،،،،،،،،،،،،،،،،،،،،،،،،

ساكته ويمج انوح ،، انتي روحي وين اروح
لو   بعد ما   ننجمع   يمه  سويه

العايشه بألله كريم  ،، الجوه رجليهه النعيم
الذبلاهه الموت راحت هاي هيه

يا حظن بعدچ دفى
ويا گلب ميت صفى
يمه اخذتي العاطفه
يمه يمه

احچي خل اشتم هوى
الظلمه تحلم   بالضوى
گلبي   بعدچ   ما روى
يمه يمه

بس ثواني    اغفه بعيونچ وانام
بس ثواني     گبل ليموت الحمام

گلبي يم گلبچ نعى
يمه  بالله   مودعه

،،،،،،،،،،،،،،،،،،،،،،،،،،،،،،

فاهيه الدنيا وراچ ،، كون ياخذني الخذاچ
ريت ياخذني الگبر ويعوفج انتي

الدافيه ام گلب الحنين ،، الدمعه تحلى وي الونين
من اشبگچ حيل واصرخ وين رحتي


ميته وايدج كلهه امان
شابگتني   بكل   حنان
وين    وداچ     الزمان

يمه  يمه

يا  طبيب  بلا طبيب
يمه من بعدچ غريب
راح اعيش بلا حبيب

يمه يمه

رجعي لحظه    يا وطن تحت التراب
رجعي لحظه    فرگة   عيونچ  عذاب

صوتچ   ولا  نسمعه
يمه   بالله   امودعه

،،،،،،،،،،،،،،،،،،،،،،،،،،،،،،،،،،،،،،،،،

يمچ وانحب عليچ ،،،، ميته واتغطيني اديچ
رايحه  ودارچ تظل وحشه اوخليه

بارد   البيت  وغطاه ،، والله فگدچ يتماه
آه يا جرحچ بعد شيسوي بيه

رجعي صاحولي الوحيد
يمه   بس  صوتچ  اريد
العيد اجانه وماكو عيد

يمه يمه

العافيه    التعبت  حرام
جوه    التراب      وتنام
يمه    احبچ     والسلام
يمه يمه

اعذريني ،،    هواي   تعبتچ   يشمعه
اعذريني ،،     والله صاير كلي دمعه

هسه عشت الفاجعه
يمه    بالله  امودعه

،،،،،،،،،،،،،،،،،،،،،،،،،،

راح اعيش بلايه روح  ،، وضحكة گليبي تروح
راح كلشي بعمري يتحول جنازه

تارك اعيوني وراي  ،،  صدري مخنوگ وهواي
والحظن   محتاج    للملگه   وتوازه

نندفن   شوگ  وعتاب
وبيتنا الحدر   التراب
والمگابر   كلهه    باب

يمه يمه

المي  ورد  چلمة  تعال
سوي   لوليدچ   مجال
يمه    يلكلچ      حلال
يمه يمه

ونتلاگه ،،،    مثل  غيمه  تلاگي   غيمه
ونتلاگه ،،،     وتنتهي جروحي القديمه

والچفوف أمشرعه
يمه  بالله  امودعه

كلمات خادم الحسين ع
الشاعر رعد الفريجي

ابوذیه

تولني المصايب هاي وي هاي
وگفت وماطحت وانشاف وي هاي
اطفي بهاي لن الشمر وي هاي
حرت واشمتو يحسين بيه

بذبحك شفت دم يحسين بسماي
اخوي وعلي يومي يريد بسماي
يربي اقسم عليك اليوم بسماي
تجيب الماي يروي حسين اليه


فاضل الجهلاوي

ما مل وتملني وانت تعرف زين
شيبت وبعدني ماتركت احسين
--------------------
شيبت وبعدني برغم هالشيبه
خادم ماتمه وهمي بتراتيبه
الماله احسين باجرصابته الخيبه
للمديون باچر من يوفي الدين
-------------------
باچرمن يوفي الي طلع مطلوب
لوصار الچفن ملبوس ليه الثوب
باچر ينفضح لوثوب بيه معيوب
شيعبره الصراط ويمسك الايدين
--------------------
باچر من يعبره البيه الف خله
ولوجه الكريم ايسامح الزله
اله من الله كرامه حسين واهبله
باب الله الوسيعه امفتحه البابين
-------------------
اباب الله الوسيعه ماتظل حيران
يعدل لويخل بيه چفت الميزان
موگالوا كرامه الخدم ما تنهان
لحسين الخدم بيه واهله متكفلين
-------------------
لحسين الخدمله احسين متكفل
ربان السفينه اتشيل بيهه الكل
علي بابه نظل وغيرنه الينزل
عنه وما نحول وياه بالدارين
-------------------
عنه وما نحول وما نزل خطوه
يمن سواك ربك للارض عطوه
بيك انت النلوذ بساعة البلوه
والييك اليلوذ ايحصل مرادين
--------------------
إل بيكم يلوذ يحصل امراده
ياخيرة خلقه وعالبشر ساده
اذا زوار اجينه موش عالعاده
فرض وبيه نأدي الحجه بيه حجتين
-------------------
فرض البيه يتم الباري بفروضه
واكملت لكم عالناس معروضه
اربعين احسين عدنه الكوثر وحوضه
وعطش حبه الخذانه ليه هل ماشين
--------------------
ال محب..✒

خوية وغلاتج .. لا ما نسيناج
من يوم موتج .. ولهسه ننعاج
عذريني أني واخوتج
ما حاضرين ابدفنتج
هاليوم اجيناج .. هاليوم اجيناج
............................----------...........
؛١
خويه من جانه الخبر ما صدكَـينه
بيج مو بالشام ندري بالمدينه
اشرجعاج الديرت الي ذابحينه
جان اجيتي الكربله ومتي اعله ادينه

خويه زينب .... حسبيته  ابموتج
خويه زينب ... على ريحتة خوتج
خويه زينب .... وحشه ظل تابوتج

وصلتني الاخبار  .. وحشه الجنازه
ولجفوف الاخوان ... جانت بعازه
بالشام صارت موتتج
ما حاضرين ابدفنتج

..........................__.............
؛؛٢
عن سبب تأخير جيتي لو سألتي
حيل ما ظل عندي اجيلج بيه يختي
حاضره ابعاشر محرم انتي جنتي
وشفت شوفت عينج الخيل اعله جثتي

بالحوافر ... طشروهه اعضامي
بالحوافر ... لحمي ظل كَـدامي
بالحوافر ... سحكَـو اعله احلامي

من يوم موتي ...  والهل مسيه
يوجعني كلشي ... يل كلشي بيه
دمي يصب من روحتج
ما حاضرين ابدفنتج
...........................__.............
؛؛؛٣
خوية حقج لو عتبتي انتي عليه
وعلى عباس الرخص عمره الأخيه
الأخوه عازتهم صدكَـ وكت المنيه
وانتي تانيتي نجي وما بينه جيه

مو بدينه .... خويه الج ما جينه
مو بدينه ....  امن الجروح البينه
مو بدينه .... يل الأخت عذرينه

المكسور ظهره ... شتعينه يا كَـاع
مو هينه يختي ...  نوصلج ابساع
وهل السبب كل اخوتج
ما حاضرين ابدفنتج
...........................____........

؛؛؛؛٤
.لربعينج جينه جابتنه المحنه
عفنه ظلمه اكَـبورنه وجيناج كلنه
الله لا ينطي الزمان الي بعدنه
الشام لاديرتنه لا ديرت اهلنه

طبت السوكَـ ... لسه خويه ابالي
طبت السوكَـ ... بيهه رمح العالي
طبت السوكَـ ... تحجي حال اعيالي

اتأخرت يحسين ... جنج تكَـولين
كَـبرج وصلناه ... دم سالت العين
تانيتي انتي وغربتج
ما حاضرين ابدفنتج
.........._

✍️🏻 كلمات موسى الخادم

#تراث

نادت زينب الحره .... لاچن تجذب الونه
شلون اهنى بشراب الماي.. وحسين إنحرم منه
ــــــــــــــــــــــــــــــــــــــ
شلون أشرب وضوگ الماي.... وحسين إنچتل عطشان
حسين المرد دلالي.. من شفته على التربان
يلوج ينازع بروحه... سلبوه وبگى عريان

شلون انسى الگظى ضامي ... بن أمي حسين المچنى
شلون انساه.... الماي شلون اشربنه
ــــــــــــــــــــــــــــــــــــــ
مصاب حسين مثله مصاب ... لا صاير ولا يجره
ياهو الگبل ابو اليمه... ظامي وانگطع نحره
وادي كربلا والماي ..... مهر الزاچيه الزهره

وحسين إنذبح عطشان..... والماي إنمنع عنه
شلون انساه .... الماي شلون اشربه
ــــــــــــــــــــــــــــــــــــــ
آنه أم الحزن زينب .... ونيران الحزن بحشاي
تسري وعگب عين حسين... ماريدن بعد دنياي
آنه الفارگت جثته ... ورحت ميسره ويا عداي

خليته وردت جسمه... بيدي الگبره أنزلنه
شلون انساه ... الماي شلون اشربنه
ــــــــــــــــــــــــــــــــــــــ
آنه اللي شفت نارين ..... لاچن نار أشد من نار
نار الحرگت خيمنه .... ونار حرگت باب الدار
آنه اللي شفت صدرين ... واحد صوبه البسمار

واحد كربلا تخبرك.... شلون الخيل رضنه
شلون انساه... الماي شلون اشربنه
ــــــــــــــــــــــــــــــــــــــ
چم مصاب دهري الصاب ... گلبي وانجسم نصين
آنه الحزن ذوبني .... وآنه الشاهدت طشتين
چبد الحسن واحد بيه ... واحد بيه راس حسين
وسهام الدهر گلبي... بفگد حسين صابنه
شلون انساه ... الماي شلون اشربنه
ــــــــــــــــــــــــــــــــــــــ
آنه اللي وگفت مرتين..... والمرتين أذني
وگفه بمجلس إبن زياد... متشمت نشد عني
وگفه الثانيه بمجلس.... يزيد الكسرت وني

وماظل من هلي واحد ... بذيچ الساعه احشمنه
شلون انساه ....الماي شلون اشربنه
ــــــــــــــــــــــــــــــــــــــ
آنه اللي فجعني البين ... بهلي وصرت مفجوعه
آنه الشاهدت چفين ........للعباس مگطوعه
آنه الشفت اخويه حسين ..... كلها مكسره ضلوعه
ــــــــــــــــــــــــــــــــــــــ
آنه المانسيت حسين..... آنه زينب الكبرى
آنه البالصبر مثله..... وصبري نبع من صبره
آنه الدهر دولبني.... وبحسين شعمل دهره
ما خلاني ويا حسين.... لمن طاح اودعنه
شلون انساه .... الماي شلون اشربنه
ــــــــــــــــــــــــــــــــــــــ
إنجان السهم فت گلبه... أنا مصيبتي بالسهمين
آنه الشاركت همه .... حسين الشارك بهمين
آنه الرضعت وياه ..... وغذاني حليب أمي

شبيدي لو مايطح بيد.... جرعة ماي أشربنه
شلون انساه... الماي شلون اشربنه


الشاعر الشيخ جبار البناء الكربلائي


#اللهم_عجل_لوليك_الفرج

لا تظن يشفه الجرح«»«»وانت راسك عالرمح
        يبني يل أكبر«»«»«»يبني يل أكبر
    ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ليلي مانمته ابغيابك وبالگلب حسره
والهجر  عذب  دليلي وجرعت مره
گلبي خليته  ابونينه  ماخمد  جمره
ودعت  كلشي ابوداعه  فاگده بدره
،،امك ابهم وفگد«»«»ابلوعه الراسك تصد،،
،،يبني يل أكبر«»«»«»يبني يل أكبر،،1
   ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
انهدم كل البنيته  واختلف  وضعي
واني من يوم الفگدتك انحب وانعي
والسهر ذبل جفوني ومانشف دمعي
حايره  بفگدك  ييمه وانحنه ضلعي
،،ضايعه ابگاع الصبر«»«»وصعبه ايام الهجر،،
     ،،يبني يل أكبر«»«»«»يبني يل أكبر،،2
   ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ياحلم  عمري التبده  عالترب غافي
بس حزن عگبك حياتي من الهجر كافي
ردتك  الأيام  شيبي  يبني  اتوافي
يانبض گلبي وفرحتي وبسمت أشفافي
،،عمرك الغالي انطوه«»«»وخدي ابدمعي انچوه،،
     ،،يبني يل أكبر«»«»«»يبني يل أكبر،،3
     ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
موتي اهون من وداعك وگلبي عذبته
صرت مسبيه ابغيابك وليلي مانمته
يبني حاچيني يغالي ليش هالسكته
نومتك جرحت دليلي وحيلي هدمته
،،بعيني اصدالمصرعك«»«» منهو ليه ايرجعك،،
       ،،يبني يل أكبر«»«»«»يبني يل أكبر،،4
     ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ماتطيب اجروح فگده الفاگد الغالي
وامك الفكدت ضنها بعازت الوالي
انگطع منك نصيبي ودمعتي اتلالي
رتك  الأيام  شيبي  وللگبر  تالي
،،ريت قبلك الممات«»«»بعدشلي بالحياة،،
   ،،يبني يل أكبر«»«»«»يبني يل أكبر،،5
    ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
  الشاعر قصي القاسمي

اشمالك يا ماي   عطشته اهواي
ما غسلته ولا شربته
بالطف اول مسؤل انته
**
مخنوك ويدور هوه   وخيل العده ساحكته
مره اعله وجه ينجفي   ومره يكض خاصرته
جان الحسين اشكد حلو   وريجه اشكثر يبسته
يا ماي ذنبك مو سهل   ليش الورد عطشته

شوف اشسويت  بكلبه اشخليت
بعينه ايسولف ضل اويخته
بالطف اول مسؤل انته
**
ياماي من الله استحي   وحسين كافي تأذيه
بالطف صرت مثل الشمر   لمن وكف يذبح بيه
ياماي انته من تكن   وحسين ضامي تخليه
تحرم اخوي امن العذب   وللشمر مايك تنطيه

باجر عالصار   تدخل للنار
اهواي ابن امي اتلوع شفته
بالطف اول مسؤل انته
****





يا ماي لو عندك وفه   ما حاربيت العطشان
لو ساكي كلبه بكربله   جا هسه صيتك كبران
اهدوم الحسين تسلبت   ويذري فوكه التربان
ياماي كلي انته شنو    وتستاهل انطيك اخوان

ماريدك روح   قاتل جم روح
شفتك جندي وعايف ذمته
بالطف اول مسؤل انته
****
ياماي دبرلك عذر   راح اشتكل للزهره
شربت جيش بأكمله   وتشح علينه بكطره
عطشان الحسين انذبح    والخيل داست صدره
حاجيني اطلع يا سهم    وصواب اخوي اشكبره

كلبته وصاح   خليني ارتاح
حته الحافر ما عاتبته
بالطف اول مسؤل انته
****









ياماي تجري المن بعد   يالذابح اهواي ازغار
كلها وضميرك ما فزع   من حركو خيمنه بنار
حسيتك بذاك الوكت   ويه الخيم عندك ثار
كيفت عبد الله نذبح   وما حسبت بيه اشصار

بنهرك شيصير   من تروي ازغير
امكيف بالدم يسبح عفته
بالطف اول مسؤل انته
****
ياماي جاي المن بعد   وتسوي روحك مسكين
كل ضنك نضوكك بعد   ياليبست ريج حسين
حته السهم عنده وجه   بس انته عندك وجهين
ياماي مهر امي وتشح   ضم روحك ابين الطين

وشجم عطشان   ضل عالتربان
حته اليرضع شو عذبته
بالطف اول مسؤل انته
***
تمت
تحسين الخفاجي

: مات مشرك گالو اعليــــــك النواصب
والرسول انت الكفلته يابو طالب
يابو الولي .. حيدر علي
ياحبيب الهادي ....... ياحبيب الهادي
.................................................
سيدي ألقي التحيــــــه قبـــــــل ماأبدي الكلام
وآني أدري من أسلم طبعــــن اترد الســــلام
الگبرك الطاهر يغالي الليله ماخذني الهيــــام
وسفه ماشوف اعله گبرك غير ونـات الحمام
من بعيد آنه وحنينـــــــي الليلــــــــــه ازورك
من ذكرتك گمت احس هبـــــــت عطــــورك
يامنهلي .. والد علي
ياحبيب الهادي ............. ياحبيب الهادي
.................................................
گبرك ابگلبي بنيتـــــــــــه لان مسجون الگبر
ماتحوم اعليك ضلت غيـــــــر نظرات الكفر
موقف ايهز المشاعر من شفـــــت اهل الغدر
تبني للشيخين گبه وأنت ابـــــد ماتنذكــــــــر
والصحابه التحچي ضلت بسم الاســـــــــلام
ابگبرك المفروض كلهـــــه اتصيــــــر خدام
وآنه وهلي .. والد علي
ياحبيب الهادي .............. ياحبيب الهادي
.................................................
عقلـي مايقبلهه هايه ومايصدگهــــه الضمير
متت مشرك يابو طالب وانت للباري نصيـر
والرسول اشلون يقبل كافله مشرك يصيـــــر
بس يكرهونك لانك والد الأصبـــــح أميـــــر
ذنب ماعندك يبــــــو الاصبــــــــح ولـــــــينه
انــــــت كل ذنبــــــك لان والــــد علـــــــــينه
واضح جلي .. والد علي .. ياحبيب الهــادي
...............................
لو أبو سفيان إبنك هسه چا غير الوضــــــع
جان سوّولك مناره وصوت منهه ينسمـــــع
عالفضائيات ذكرك چان هسه يرتفـــــــــــع
ومرقدك چا صار يزهي والخلگ بي تنجمـع
رغم أنــــــف اعداك منــــــزلتك عظيمــــه
والعزاء الليلـــــــــه لجروحــــــك نقيمــــــه
دمع ايهلي .. والد علي
ياحبيب الهادي ............ ياحبيب الهادي
................................................
نرفع الليله التعازي للنبــــــي وفحل الفحول
يابو طالب والله حيره اعليك نحتـار اشنگول
ياجرح روح الرساله اتزول كلهــه ومايزول
عام الاحزان ابرحيلك صار للهادي الرسول
من غبت صار النبــــــي يشتـــــد بكائـــــــه
وصارت الاملاك حزنانــــــــه ابعزائــــــــه
وكل مرسلي .. والد علي
ياحبيب الهادي ............ ياحبيب الهادي
................................................
متت يامولاي وانت المشــــــرك ايسمونـــه
والأمس عادوك هسه احفادهــــــم عادونـــه
ذنبك وإحنه ذنبنه حب علـــــي ويدرونــــــه
لو ألف فتوه فتوهـــــــــه والله ميغيرونــــــه
والولايــــــه الحيدريـــــــــــه للنهايـــــــــــه
والله يلعــــــن من نكــــــر هـــاي الولايــــه
امن الازلي .. والد علي
ياحبيب الهادي ............ ياحبيب الهادي
................................................


السيد علي الموسوي

ابوذيات لاستشهاد الامام موسى الكاظم عليه السلام

ياسجان وين الرحم ونته
الكاظم بالسجن من سمع ونته
انته العلم وانته الكرم ونته
الفخر يبن العلوم الاحمديه

روح من النبي منهج وسيره
بسجن هارون مگيوده وسيره
امشي بلوعتي دربك وسيره
يموسى الكاظم وناري سريه

لبن جعفر مسار الروح وجهه
من نور النبي المرسوم وجهه
گلوب الشيعه نار الخبر وجهه
اجنازه على الجسر لابن الزچيه

بس الله الدره ابگلبه وحاله
فوض    امره للباري  وحاله
كشف للكاظم الخالق وحاله
بسجن وبسم تمر بيه المنيه

الشاعر حسن لعيبي الحريشاوي

نقدم احر التعازي الئ صاحب العصر والزمان (عج)
والئ مراجعنا الكرام كافه بذكرة استشهاد الامام
موسئ ابن جعفر عليه السلام. ،،،،، السلام على صاحب السجدة الطويلة السلام علئ معذب في قعر السجرن