Postagens do Canal (اه يادمعة رقيه) نشر قصائد+ تلحين

ابوذيه نعي لسان حال
ماء الجربه يخاطب شط الفرات

بـعـد نـومـنــي بــجــروفـك ٠ ولالي
عـلـيمـن جـنـت بـالـجــربــه ٠ ولالي
لا شــاربــنــي ابــوفــاضــل ٠ ولالي

شرف يشـربـني ابـوسكينـه ورقـيـه

الشكرلله خادم الزهراء ع ملا علي
#

هونك يدفان * ماعدهه خوان
مبينه غريبه هالمره // صفنت عليهه المكبره
//////////////////////////////////
الفاره الدنيه بسبيهه شباقي بيهه
شويه يادفانهه هون عليهه
بلكت آمن اخوانهه واحد يجيهه
خاف ماتدري الحبل رضرض اديهه
شوف النعش زين * هاي اخت الحسين
ياهو بسبيهه مادره // صفنت عليهه المكبره
//////////////////////////////////
جي غريبه بالنعش ينسمع ونهه
بالك اتراب اللحد يلجم متنهه
دموع غربتهه تره بخدهه جونهه
جنازه لا بيهه اخوهه ولا ابنهه
مبحوحت الصوت * ما جاهه زاتوت
جنازت غريبه محيره // صفنت عليهه المكبره
//////////////////////////////////
وسع اشويه الكبر خليهه ترتاح
ظلوع كسرو منهه تدري بكعب الرماح
طبع بالمحني ظهرهه تكض الصفاح
بالسبي يكومهه جانو شتم واصياح
التلجمهه الخيام * مسبيه للشام
ليش بحزنهه موزره // صفنت عليهه المكبره
//////////////////////////////////
شويه من الشوج فدوه نضف التراب
السحكته الشوج بجدمهه لهسه ماطاب
وللحجار اشويه اريدك تحسب احساب
بحجر اهل الشام صعبه انوب تنصاب
من كل سطح دار * راموهه بحجار
ويدرون بيهه مخدره // صفنت عليهه المكبره
//////////////////////////////////
جوه خدهه وصله خلي امنكعه احساس
وصله من راية اخوهه الكمر عباس
حزن زينب عالكفلهه عجب الناس
طول درب السبي غيره يدخن الراس
ما شافت افياي* كرهت شكو ماي
الشافت هذيج المجزره // صفنت عليهه المكبره
//////////////////////////////////
لا تعلي اتراب كبر الحره تزعل
اتراب الهوايه تره يذكرهه بالتل
انعادت الوحشه عليهه من الاول
شكد مصايب ياكلب زينب تحمل
طف كربله بعيد *** وشوفت اخو تريد
الشمات وكفو دائره // صفنت عليهه المكبره
//////////////////////////////////
تمت ____ علاء الزيد

ابوذيه

(( وصلي ))

▪أمــر من خالق الدنيا وصلي
▪اسـلـم عـالنبي وآلــه وصلي
▪اريـد الزهره تنطيني وصلي
▪ويختمه المرتضى حامي الحميه


((الشاعر مصطفى

اللهم اجعلنا م̷ـــِْن الذين لا خوف عليهم ولا هم يحزنون

✨¸.•°”˜˜”°•.🦋⚘​✿✿✿🦋⚘​🇦🇩
💞　　🍃🍂🍃　　⚘ْْْْูํِْْْْู ͜🌺🍃
اللهم صـڵ ؏ـًٍْــــلـٓـئ םבםב وآڵ םבםב ༅🌸“

أحب أكتب (ع ل ي) مرات متقطعه
•• واشوف الإسِم تقطع عقلي أبعـــاده
وأرِد أكتب (علي) مشبوكه وبسرعـه
•• وأحِس نبضات قلبــي تسرع ازيــاده
غريبه (العين) تغمر عيني بالدمعــــه
•• مثل لهـلال تشكيلتهـــــــا وقّـــــــاده
رهيبـه (اللام) مثـــل العمد مرتفــعـه
•• وعلى ذاك العمــد ديـن الله وأمجاده
عجيبه (اليـاء) طاؤوسيّـــــه متربعـــه
•• حواليهـا العــوام اتهنِّـــــي والســاده
وحق الله و رسوله ورجب والجُمعــه
•• (علي) كل عيـد أعتبــره من أعيــاده
متى يكون الأبــو متميـــــز و روعــه؟
•• إذا سمّــى (علي) واحــــد من أولادة

🌺🌺🌺🌺🌺🌺متبا🌹ر🌹ك🌹ي🌹ن🌹 بميلاد ابونة علي
عيدكم مبارررررك

✨متباركــــين بمولد الأمام  علي عليه السلام ✨

الامام علي (ع). أوضح "حقيقة" وأرقى "مذهب" تمثّل في موجود إنساني. "حقيقة أشبه بالأساطير" و "إنسان، كائن، كما لابد للإنسان أن يكون".♥️

✨✍
✨متباركين

ابوذيه

ورب الكون فضلكم وبنكم
عبدكم انه يالوالي وبنكم
عليل وطبتي يمكم وبنكم
عليكم فاطمة حلوها إليه
..........
الشاعر
اياد الفرح المهدوي

هويناك وعشكناك  نموت ونحيى وياك
              علي ياقبلة الحب بخيت الكلبه يهواك
                                00000000
               ياعشكنه وشوكنه   علي يامعشوكنه
               دم سره بعروكنه  علي علي علي

             يالملكت اكلوبنه  وصبحت محبوبنه
            ضوه مضوي ادروبنه  علي علي علي

                 علي يا اجمل عشك مر بينه
                انموت لو غيرك شخص  حبينه
               
           ابطفولتنه وهويناك   نموت ونحيى وياك
           علي ياقبلة الحب     بخيت الكلبه يهواك
                                 00000000
          المافهمنه انفهمه  حب علي اعظم نعمه
          هوه باب الرحمه    علي علي علي

          غيره ابد مانهوه   علي بس اليسوه
           حبنه لا مو نزوه   علي علي علي

                 علي اسمك مانسيناه مره
               ادخيل بختك ياحبيب الزهرة

           علي بكلشي فديناك   نموت ونحيى وياك
            علي ياقبلة الحب     بخيت الكلبه يهواك
                                 00000000
              يلي ماخذ بالنه    بيك الف هنيالنه
            يمك انت اعمالنه    علي علي علي

            علي واجب حبك  يل شلتنه ابكلبك
             مانزل عن دربك  علي علي علي

                  ناقشين اسمك نقش بكلوبنه
                 علي وبس انت تضل محبوبنه

          علي ابدمنه الكيناك  نموت ونحيى وياك
             علي ياقبلة الحب بخيت الكلبه يهواك
                                 00000000
              لا وحك الكافل   ابحبنه ابد منجامل
            الغيرك الحب باطل   علي علي علي  

            من الله عشكك بينه  وبالعشك جنينه
               انت بس حبينه  علي علي علي

                   الله سوه الحب تره العيونك
                 والف هنياله الصبح مجنونك

            يسبحانه اللي سواك  نموت ونحيى وياك
           علي ياقبلة الحب      بخيت الكلبه يهواك
                                000000000
              الحجر بسمك هايم  ياجبير الوادم
             احسبني عدك خادم  علي علي علي

             ياقسيم المحشر  اكتبني خادم قنبر
            ابعينك انه ارد اكبر    علي علي علي

                   انه من اذنوبي داخل يمك         
              حاشه تنسه الكضه عمره يخدمك      

             اخذني العالمك ذاك نموت ونحيى وياك
            علي ياقبلة الحب    بخيت الكلبه يهواك

ــــــــــــــــــــــــــــــــــــــــــــــــــــــــــــ

حسين عبد الزهرة الدراجي

يا  موت   تاخذني   شلون
چا غير  اخوتي يحضرون
مر   بيهم    وگلهم     ترى
علوعد   مو       يتأخرون 

***

يحسين زينب  رادتك  ، مر بيه يا ريحة هلي ،  وحشه اليموت بغربه
حنيت الك ولكربله ، لخيمنه  بس گبل الحرگ ،  لچفوف ذيچ الجربه


حنيت للخوه الصدگ للماي ذاك الصافي
للفزع ليه من الخيم للجاني يركض حافي
للطيب الزين الشهم لحسين اخوي الدافي
الله من چنه سوى چان الگلب  متعافي


هسه اني  وحدي  وبالشام
والعمر     ما     بيه     ايام
خلوني    علقبله      ودرت
وجهي اعله صوت  الايتام

***



التحضر مماته شينتظر ،، غير الموادع والبچي ،، يبرونه  كون الذمه
من حسين ردت انه اعتذر ،، علطفله ذيچ العلنحر ،، ميته وبعدهه تشمه




يحسين بنتك من متت چانتلي مثل خيالي
يا سوط يگصدهه وصحت لا هايه بنت الغالي
مر بيه انه احمل ضرب لا شفت خويه احوالي
الجانت باهلهه امدلله تنشتم أول تالي ؟


بذيچ   الخرابه   اوتانيت
ماتت     رقيه      اونيت
من كربله  للشام   الجرح
يا موت  بينه     شخليت

***


عباس مر اعله  النهر ،،  عطشانه من يوم المتت ،، كل  ماي ما يرويني

من جفك  الماي العذب ،،  يلرايح وراجع نفس  ،، تارس گليبي وعيني



من يوم عاشر وانتظر  هيمه وتصد للهيمه
كلساع اوجن ونطفي يا نار  عوفي الغيمه
خليني متعلمه احترگ  غير انه مثل الخيمه
عباس خويه امروتك تلاحگني يابو الشيمه

نگطلي   بچفوفك  ماي
عباس مشتاگه    هواي
غمض عيوني وهل دمع
يا   خويه  محد   وياي

***

جيبولي تابوت الخشب ،، كتبو عليه استشهدت ،، من ألحزن والفرگه

شيلوني من داري العلي ،، مشتاگه للوالد تره ،،  يابو الحسن مختنگه



من زغري وانه اتيتمت  حد ما متت هم وحدي
غربة حياتي وكربله وضيم السبي شظل عندي
مو لچمه وحده وتنسي ولا هيه أزمه تعدي
منظر حبيبي المنسحگ وحدهه فتت چبدي  

من شفت جسمه  بلا راس
حشمت   اخوي    العباس
باوعته مرمي اعله   النهر
يرمونه     بحجار   الناس

*

اندفن  بليل وردت  ،، يم الضريح  المختفي ،، ودوني لامي الزهره

مشتاگتلهه من الزغر ،، تركتني ورده بلا مطر ،، عيشة رمال بصحره



هاي  الجنازه  أتعطلت   حد ما يجون اخوتهه
مشتمه دخان الخيم  ماتت گبل ريتهه
كلش بعيد العلگمي   عباس وينه يزتهه
انشدهه علصار وجرى وعلماي لا تنشدهه

ماتت    عطش    للخوان
والشام     تارك     نيشان
زينب   تراهه  استشهدت
عباس     صير      الدفان


كلمات خادم زينب /  رعد الفريجي

نعي حول السيده زينب


گلولهم زينب بعازه
واتريد شيال الجنازه
كلبها عله ابو فاضل توازه


گلولهم بل شام اختهم
وطلبت طلب وتريد منهم
يدفنونهه يا عمة ابنهم


غير التموت اتريد يمهه
لو والي لو يحضر ابنهه
بس زينب اشسوه وكتهه
من احبابهه كلهم حرمهه


طارش لاهلها كون يمشي
وشصار بيها اهناك يحجي
اتريد العليهه حيل يبجي


كثر ظيمهه يكلهم بعدكم
وتريد والي اتگول منكم
خذاها الغريب بعيد عنكم


عنكم مشت والحيل گاضي
والحزن وصط الروح ماضي
تدري بوليهه عيب راضي

مايرضه اخوهه اتروح عنه
وبديهه الحبل وتصيح اهلنه
جاوينكم يا أهل المحنه
غربه المشت وسفه بظعنه

ومحسره راحت الحره
وعنكم مشت يالاهل كوه
جرحهه غميج ومن يجبره


الفكدت احباب اتموت سكته
وكلبهه عليهم يا كسرته
اتگول الولي دفان ردته
ومنگب ويجري دمعته


اتمنيت طارش يوصل ابساع
ويحشم عليه ذيج الاسباع
يحضروني بساعات الاوداع

ونچان منهم ما اجه احد
حيدر افزعه ابساع يكعد
يدفني داحي الباب ويرد



لخادمة الزهراء. العلويه ام جعفر
غير مبري الذمه من يحذف الاسم وياخذ الكلام وينسبه له