Postagens do Canal (اه يادمعة رقيه) نشر قصائد+ تلحين

#نعي للسيده زينب ع

يامالت الله موش أجاويد
سوو الشام بكيفهم عـيـد
من دخلونه المجلس أيزيد
لا نغر بيهم لا فزع حـيـد
چا هاي ناس الشام والشام

شحچيلكم يا عملة السوگ
يظحكون وانا گلبي محروگ
لا والتكتلك هــزّل الـنـوگ
أنفكت علينه عيون وحلوگ
الصارن ويانه ماهن أولام

وياهم قليله الشام شمات
أربات الخدر وأحنه العفيفات
يصيحون جبناهن سبيات
تالي بخرابه مهدمه أنبات
ودارت صدگ ويانه الأيام

ليل الخرابه يشيب الشاب
حيطان خشنه فراشهه أتراب
وكل ساع واحد طالع وطاب
لا سگف بيها ولا أسم باب
ويردون بيها نغفه ونـام

ياكون ميته والله ياريت
ولا للغرب مسبيه طبيت
موش أحنه أهل البيت يابيت
صرنه غرب ياحيف وأبچيت
تبات بغرب تالي أم الخيام

وياي أجو أخواني بس روس
منحوس والله الشام منحوس
العطشان عينه تروح للطوس
بالشام حتى الماي منفوس
منريد مي لو نعطش أعوام

بالشام يكتل وكت الغروب
تحسه سلف مايوم مچهوب
چنه مضيف وشيخه منهوب
اليدخله صاحي يرد متعوب
عنهم حرام أنگول أسلام

✍️حسين حمدان الدلفي

#اللهم_عجل_لوليك_الفرج

عنوان القصيدة { ضل يهضم الحال }


اجنازة ام وبلايه اولاد    
يولادي اقسم ما تنراد
شگد صعبه تنشال     ضل يهضم الحال
يوللادي اقسم ما تنراد
+++++++++++++++++++++++++++++++++
أنه أول أم يجيني الموت
وولدي موش جنّازه
يموت البالنعش موتين
اذا ما شيعته اعزازة
وحيده وأنظر ابكل صوب
يبلكي اتردكم العازة
من الطف أخذوا بس لحظات
وتعالوا شيعوا الجنازة
+++++++++++++++++++++++++++++++++
شيسوي الما عنده احباب
ودگ الموت اعليه الباب
الما يملك أعيال.     ضل يهضم الحال
يولادي اقسم ما تنراد
+++++++++++++++++++++++++++++++++
يمن موتوني بالأخبار
وبعثتوا ليه ابن حذلَم
ابعثه هم عليكم راح
نيابه عني يتكلَم
يبلكت ما دريتوا الموت
اجاني ونعشي يتألَم
ويجومي احسين والعباس
وعن گلبي يروح الهَم
+++++++++++++++++++++++++++++++++
بلكت بالطف ما تدرون
وتحضروني أمن تعرفون
دمع النعش سال.    ضل يهضم الحال
يولادي اقسم ما تنراد
+++++++++++++++++++++++++++++++++
رضيت ابكلشي الي اتحضرون
ولا فرگتكم اتذلني
رضيت ابني يجي بس راس
على رمحه ويغسلني
وابو فاضل بلا جفين
اهو لگبري ينزلني
ويجوني جعفر وعثمان
وعبدالله الي يحملني
+++++++++++++++++++++++++++++++++
بس حضروني ابهالألام
خل مرتاحه اعيوني اتنام
ما عندي حمال.      ضل يهضم الحال
يوالدي اقسم ما تنراد
+++++++++++++++++++++++++++++++++
طوى الگاع لدفن سلمان
ابوكم حتى اله يحضَر
بدفنكم هَم طوى السجاد
الأرض كلها مثل حيدر
شعجب شو ما طويتوا الگاع
إلي اوضل نعشي يتنطَر
يويلي الطف لحد الأن
يريد أعله الجفه اتصبَر
+++++++++++++++++++++++++++++++++
ميته وانطر منكم أيد
والطف اصبر گوه ايريد
عني الصبر شال.     ضل يهضم الحال
يولادي اقسم ما تنراد
+++++++++++++++++++++++++++++++++
كثر ما عذباني النوح
عليكم واسأل واصرَخ
خفت لا من بعد ما اموت
ما نتلاگه بالبرزَخ
مصاب الطف ولا أنساه
بعقلي وگلبي اتسرَخ
الگلب من شافه راح احسين
قرر للحزن يرضَخ
+++++++++++++++++++++++++++++++++
ميته أنه أويه اوليدي احسين
من أخر نظره امن العين
هجر ابني جتال.      ضل يهضم الحال
يولادي أقسم ما تنراد
+++++++++++++++++++++++++++++++++
لمن طوح ضعنّه اوراح
فرغ بيتي وبقت كسره
الجسم صاير محطة نَوح
وكل ليلة تصير أمره
فرش طير الحزن جنحان
عليه اوزيد العبرة
الغريبه هَم غريبة اتموت
ونعشها محد ايحضره
+++++++++++++++++++++++++++++++++
موت الغربه بشچم موت  
كل شماتي ابموتي اتفوت
جرحّني الأنگال.     ضل يهضم الحال
يولادي أقسم ما تنراد


لخادم أم البنين : مؤمل الشمري

#لاحول ولاقوة الا بالله العلي العظيم
#انا لله وانا اليه راجعون
#تنعى مؤسسة منبريون الحسينية فقيدها
الرادود الشيخ عز الدين الشيخ علي شيخ عشائر الدبات في كربلاء المقدسة
#اخوية الغالي شفيعك الحسين ع
#الفاتحة يرحمكم الله

في سبيل الزهراء...عمري كله اقرايه

بالمواكب نشأتي...عاللطم نظراتي
أقره وي روحي عزه...واستمع وناتي
كبر عودي واكبرت...وحققت غاياتي
وانذرت عمري وقف...الفاطمه مولاتي
هالعشگ يامحلاه...عندي صار اكفايه
في سبيل الزهراء...عمري كله اقرايه

يختلف عن كل عشگ...هالعشگ ياناسي
من عشگت ام الحسن...صار حظ ابراسي
هالخدامه وهالذكر...طيبن أنفاسي
والله دنيه وآخره....بيهن ارفع راسي
هالشرف وين الگاه...أشكر الله اهوايه
في سبيل الزهراء....عمري كله اقرايه

عندي عشره اويه الگلب...من زغر خاويته
دير بالك عالعشگ...ياگلب وصيته
چنه جاوبني النبض...إي نعم حسيته
الما يحب ام الحسن...والله ماحبيته
مدرسة عاشوراء...خرجت وفايه
في سبيل الزهراء...عمري كله اقرايه

امن الولاده فاطمي...مو عبث ميلادي
وافتخاري ابدنيتي...أهوه بيت الهادي
ياعلي ويافاطمه...گلبي دوم اينادي
هذا من الله فضل....خادم الأسيادي
هالفضل ما أنساه...كون اوفي ابهايه
في سبيل الزهراء....عمري كله اقرايه

الليله مجلس فاطمه...ابلهفه متعنينه
باچر ابيوم الحشر....حيدر ايجازينه
حيدريه وعالعهد....كل وكت يلگينه
صرخه والآخر نفس...مانعوف احسينه
يااباعبدالله....هذه اغله احچايه
في سبيل الزهراء....عمري كله اقرايه

سيد علي الموسوي

مولاتی زینب الکبری(سلام الله علیها) تخاطب أمها الزهراء(صلوات الله وسلامه علیها)*


*علیچ أنکسر دلالی وظهری*
*وأون لیلیه لفراگچ وظهری*
*تعای بطیفی لو مره وظهری*
*وطفی النار البگلبی سریــــه*
😔💔😔💔😔💔😔
*✍🏻: علي أبوکوثـــــ المنصوري ــــر*

#موشح لشهادة السيدة الزهراء عليها السلام - جديد

——————————
أشكرك يحسين روحي احييتها
ابمجلسك لم الحسن من جيتها
@@@@
كرمتني يا حسين ابهالشرف
اسمي خادم بين هالناس انعرف
مخلص الكم مو ورا الشهره انجرف
روحي انته ابمجلسك ربيتها
@@
خادمك وصّلته لاعلى  مستوى
بيدك ارفعته على گد الهوى
فوگ عرش المكرمه *ثم استوى*
والسماء السابعه طرّيتها
@@
حبك الاحياني من بعد العدم
واكتمل خلقي ابوگفتي اويه الخدم
ماتزل ليه على دربك قدم
ثابته ولو تنحرف گصيتها 
@@
هذا بيتك وانه خادم من اجي
ابعتبتك منّ النوايب التجي
لجل ترضى اعليه فاطم ارتجي
ابين ادين الزاكيه حطيتها
@@@@
سيدي يحسين عندي هالطلب
كون اسمي اويه اليلطمون انكتب
والعن ابكل ساعه من صف الحطب
نيته الملعون يحرگ بيتها
@@
كون اجري من دمه ماي الدمع
والطم ابضلعي على كسر الضلع
واحضر ابيوم الحشر وسط الجمع
چفي من دم الصدر حنيتها 
@@@
سيدي ابابك اهل دمعي دمه
واذكر الباب اشصنع وي فاطمه
من اجتها واعصرتها الظالمه
ومن نشب مسمارها حسيتها

——————————-
ثامر بوجبارة

#أبوذية

نِـشَرْ حِـزنك عـلـى راسـي عـلامه
يـبـويه و دمْ تـهِـلْ عـينـي عـلامه
بـوجـهي ظـلّـت الـسـطْره عـلامه
أجيـك و شـوف شنهو لصـارْ بِـيّـه

#جابر_الكاظمي

#اللهم_عجل_لوليك_الفرج

#استشهاد_فاطمة_الزهراء ع

#ابوذيات

لسان حال الزهراء ع

علئ زينب يضلعي انخاك… ضل عين
يضلعي ولا تطـيح ابسـاع… ضل عين
انـه ليـه انهــشـم يـانـاس… ضل عين
      ضلع هذا وضلع بالغاضريه

الجرح معروف من ينشف… يبسمار
وانه ضـلعـي نـشــف لكـن… يبسمار
مـالك مـاشــفـت ضـلـعـي… يبسمار
   صبتني ومادريت انا الزجيه

الك شكواي يـل باري… يمحسين
وردتـك كافـل لزيـنـب… يمحسين
انه كل همي ياضلعي… يمحسين
     عشر اضلوع اله تنرض سويه

لسان حال السيده زينب ع

انه الورثـت حـزنهه… من عدمهه
يحيدر دمهه يـنزف… من عدمهه
التعيش الدنيا غربه… من عدا امه
    تضل تنزف حزن حد المنيه

        علي حسين الفرطوسي

قصائد استشهاد الزهراء(عليها السلام)
**
قصيدة(دعيتچ فاطمه)
(20)
دعيتچ فاطمــــه وادريچ يالزهره
طبعچ مو بخيله وردت بس نظره
***
ضــــاگت والنوايب بِدَن ياذنّي
واهمومــي وحگچ حيل تعبني
ليل وما غُفيت اجروحي جَلْبني
وخنگتني يبنت المصطفى العبره
****
راح اسكت واخلي الحچي للدمعات
والســــان الدمع ابلغ امن الچلمات
على بَختچ امتونـي صُفن مهدولات
مكسور وردت مَن خاطري ايجبره
****
خلص صبـــري وبعد ما بيَّه اتصبَّر
مشـــدوه الفكر يــــا فاطمه امحيَّر
عليچ ابحيرتچ من هجموا العسكر
لتخليني حاير حالتي امعسره
***
وين انطي الوجــــهْ ملگيتلي شَـــرّاي
ابيع اعليـــهْ وجهي ويبقه بيهْ المـاي
عليل اباب ضلعچ رحت اجدي ادواي
شافيني يَمَن اضلوعچ امكسره
****
ابعون الله وابعونچ تنگضي الصعبه
ابمدد يـــــا فاطمه ما تظل أي نكبه
عليچ اقسم ابـــذاك الطاح عالعَتبه
عونچ طحت وامست ناسي تتبرّه
****
تمشّي اعليچ جمر الباب جَمراتـي
تطفّيهــــه وبعد تخلص مُعـــاناتي
صحت يا فاطمه ومگضيَّه حاجاتي
اشلون الينخه كوثر بي تظل جمره
***
واخيرا راح احلفچ فاطمه بالبـــاب
الـصارتلچ سِتر من العِده واحجاب
ردت منچ حِرِز بي احتمي واحجاب
من هذا الزمان وغدرته وشَرّه
***
گلت مكســـور عذرا يام ضلع مكسور
ودمعاتي استحن من خدچ المسطور
مـــــا ادري أنـــــه معــذور ما معذور
اطلبت نظره أنه امن اعيونچ الحمره
*
كلمات خادم اهل البيت(عليهم السلام)
الشاعر مُهند قاسم الكاظمي

(كروب خاص بالقرأن كذلك يوجد قناة خاصة بتعليم القرأن الكريم)
https://t.me/ayaaa2585