أحزان الغريبة الهاشمية

ثكيله للكاظم ع نفس طور آنه زينب يلعفتني للحاج باسم الكربلائي
**
صاحت الزهره الزجيه       عالجسر نعشك رميه
                  ياغريب الكاظميه
***
من البقيع الليله أسعه    لكاظم الغيظ بونيني
جيت لأرض الكاظميه      إمحمله بشوكي وحنيني
أمه وأرد أنعه لمصابه       ريت عميه الليله عيني
ولاشفت نعشه رميه       عالجسر سادس بنيني
إلكيته بجفوف المنايه      إجنازه ملفوفه بعبايه
                وجنه يوم الغاضريه
***
عصفت بروحي المصايب      والحزن خيم عذابه
مثل أبو السجاد جده          عالتراب إبلا كرابه
ظل  ثلثتيام   مرمي            اليختلف عنه بمصابه
حسين جوه الخيل جسمه   عاري وإمسلب ثيابه
هالمصيبه الشيبتني         من بعد موتي عمتني
                 زينب الراحت سبيه
***
شعدهم ويايه النواصب    بالكبر وجروحي تسعر
آنه ولدي ضلوعي كلهن    وياضلع مهشوم أكثر
واحد بطاموره ظلمه         دمعي لمصابه تفجر
ياضلع هذا التهشم          وياكسر كلبي التفطر
بالسجن ودع حياته          ولده مو يمه وبناته
                   أهله وين بهالرزيه
**
بذل الأستخفاف ناده      عالجسر ناعي المصيبه
أربع حماميل شالو          إجنازة الكاظم عجيبه
موسه معناهه محمد      راهب العتره النجيبه
جبده بالسم وذروهه       إجنازته شالت غريبه
عالجسر من وسدوهه     بالسلاسل كيدوهه
                  هذا إمام الرافضيه
**
عالنعش دمعاتي سالت   واذكرت عاشر محرم
بالحديد إمكيدينك         وساكك المجروح بالدم
من وصلت حسين جدك   ماكو شي من جسمه يسلم
بالخيول  الأعوجيه       طشروه وصعبه يلتم
إبنه لمه بالحصيره       راسه ماكو شلون حيره
                بالذبح شاف المنيه
*****
أم علي الكاظمي

نخوه للامام الكاظم ع
**
يالكاظم دعيت بكلبي حاجات
وترفع دعوتي أربع منارات
***
يبو طلبه نخيتك نخوتك حلوه
محتار بزماني وبلوتي بلوه
يالطبعك كريم وماترد نخوه
تشفع والنعم متكول صعبات
****
يبو أربع مناير بالذهب تلمع
يامن لليزورك بالشدد تشفع
ولامهموم إجاك بدمعته يطلع
إله بشاره بيده تحط كرامات
****
بصحنك ياإمامي الدعوه مقبوله
ولا تبقه المشاكل كلهه محلوله
نخيتك بالدمع والروح معلوله
يدكتور العلل يابو الكلافات
*
أريد أفرش شليل همومي بأعتابك
وأريد أبجي بدمع سجاب لمصابك
أمسح دمعتي يابو الرضه إبابك
مد إيدك عليه ونشف الدمعات
****
يوم مصابك بكل عام اليمرنه
يم جسر الرصافه الشيعه تتعنه
نعشك مانعوفه هالعهد عدنه
مو فوك الجتف التشيعه هامات
****
يالحبك سره بكل الشرايين
شما يبقه العمر وتطول السنين
مشايه لضريحك هالملايين
ويه إبن الحسن نطلب الثارات
****
أم علي الكاظمي

من سجن السجن خلصهن اسنينه
بقيود الحديد العده مــــــــگيدينه
عاش ابحسره واهات / شاف اشگد معانات
من سجن السجن خلصهن اسنينه
ـــــــــــــــــــــــــــــــــــــــــــــــــــــــــــ
الكاظم بالسجن خلصهن ايـــامه
عايش بالمأسي وليله مــــــينامه
مجِتفين ابسلاسل ايده واجدامه
جار اعليه زمانه ويرمي بسهامه

ويّآه الزمن جار /  شأت بيه الاقدار
يگضيها ابسجن والعده امجتفينه
من سجن السجن خلصهن سنينه
ـــــــــــــــــــــــــــــــــــــــــــــــــــــــــــ
خلّص كل حياته امهاجر اديــاره
لاشايف هله ولا وشايف انصاره
بطاموره وميدري بليله ونهــاره
من گيد السلاسل دمّه يتــجاره

بيده الگيد مطبوع / منّه هوايه موجوع
من كثر ألالم ما غمضت عيـــــنه
من سجن السجن خلصهن سنينه
ًـــــــــــــــــــــــــــــــــــــــــــــــــــــــــــ
من كثر العذاب امغيره الــلوانه
وحده ابلايه ناصر عايش احزانه
ابلا ذمه وضمير وقاسي ســجّانه
واعليه ابحقد مفتره عــــــدوانه

بيه اتحيط الاشرار / زمره وكلها كفار
وحده ابّينهم ما واحد ايـعـــــينه
من سجن السجن خلصهن سنينه
ًـــــــــــــــــــــــــــــــــــــــــــــــــــــــــــ
مغيّب بالسجون ومحد ايشوفه
ممنوع اليزوره ويعرف اضروفه
گلبه اشتاگ لّهله وروحه ملهوفه
ايون اعله الاهل والدمعه مذروفه

منعو حتى اليزور / اهل الضلم والجور
أنــواع العذاب العـــده مشوفينه
من سجن السجن خلصهن سنينه
ـــــــــــــــــــــــــــــــــــــــــــــــــــــــــــ
عايش بالسجن ومفارگ اوطـــانه
وجسمه اصبح نحيل وروحه ذبلانه
گلبه اعله الاهل مستـــعره نــيرانه
روحه الشوفت الاحباب عــطشانه

روحه محمّله اهموم /خلّص عمره مضلوم
خلونه ابألم نبجي اعله والـــــينه
من سجن السجن خلصهن سنينه
ـــــــــــــــــــــــــــــــــــــــــــــــــــــــــــ
خلونه ابألم يا شيعه نـــبجيله
دمــعات الحزن خلونه نجريله
من سم الطغات انهدم كل حيله
ميت بالسجن ياويلي هاللــيله

موسى الليله مسموم/ مات وگلبه مهموم
فراگك والبعد يا موسى يـــاذينه
من سجن السجن خلصهن سنينه

اهدي ثواب القصيده الى
روح وآلدتي رحمها الله
✍️علي كاظم المنصوري

‏فيديو من الخادمة ام زهراء

م مرقد السيدة زينب عليها السلام
بأمانتك يا موسى بن جعفر مولاي

انه البيه جرح
مايبرى #لحسين.

ثكيله لأم البنين ع نفس طور يوميه منزل للحاج باسم الكربلائي
**********
شالو نعشهه ومن نعشهه صوت العتاب
وين الأطايب والكرايب وين الأحباب
شيعوني يامتن ومتن
وحشه الجنازه ابلا إبن وين الأحباب
***********
أنه أم الوفه بموتي غريبه إبلا إبن هاي المسيه
بساعات الأجل أبجي وادير العين لأرض الغاضريه
يغسلوني ويجفنوني ولاعندي حنين يحن عليه
عله العباس واخوانه اعاتب يازمن وآنه شبديه
راحو بنيني وبونيني آخر إوداع
وين الأحبهم وشيردهم النامو بكاع
دمعه إعله دمعه من الحزن
وحشه الجنازه إبلا إبن وين الأحباب
**********
أنه المافاركت دمعي انفطر كلبي عله حسين ومصابه
صور من كربله بعيني لنحر دامي يلوعني بغيابه
وصور للخيل من تسحك جسم حسين المسلبه ثيابه
الحافر طشر ضلوعه وبقيت أتوسل الشوفه اعله بابه
بأعتابه أكعد كلبي ينشد وين الحسين
خلصت حياتي وبمماتي عميه هالعين
ومن دمعتي اجروح الجفن
وحشه الجنازه إبلا إبن وين الاحباب
**********
أنه الربت أنه الشالت تحدب ظهري واتهدلت متوني
مهد صار الحضن إلهم بسهر ليلي ولا طبكت جفوني
بنيني الاربعه الشبان بفرد ساعه تفاركهم عيوني
فديت الاربعه وسالم يرد حسين بس خابت ظنوني
الناعي الأجاني عذباني بفيض الدموع
راح الأريده وبوريده الرمح مرفوع
مارد أبو اليمه إويه الضعن
وحشه الجنازه إبلا إبن وين الأحباب
**********
عله العباس أون ونه توصل للكبر صوب الشريعه
وتكله وينك الليله غريبه وضاكت بعيني الوسيعه
تعال وغمض عيوني فوك المغتسل امك صريعه
الجنازه بعازة جفوفك توسدهه يبو جفوف الكطيعه
تحفرلي كبري تالي عمري وتلطم الهام
هاي الاماني يازماني صارت أوهام
بسهم الغدر يرميني الزمن
وحشه الجنازه إبلا إبن وين الأحباب
**********
تمنيت الأجل جاني واموت بحضن ابو السجاد جني
العديله اسمع بصوته يسبل ايدي وبراسي يحبني
اشم عطره ولو مره كبل آخر نفس بالروح مني
واكله شيبت كلبي من هجرك متت يحسين يبني
يحسين يمه اسم الله دمه بكربله سال
وينك حبيبي ياطبيبي نعشي ينشال
من يوم الرحت ميته وأون
وحشه الجنازه إبلا إبن وين الأحباب
**********
أم علي الكاظمي

شور نخوه لأم البنين ع نفس ضاربج سوط الشمر
***********
عندي حاجه إبابج إمخليهه ٣
بعيني دمعه يمج أرد أبجيهه ٣
**********
أنخه يا أم البنين الطاهره
روحي لمصابج بنار موجره
نظره منج يالوفيه الصابره
بداعة العباس سبع الكنطره
جروح بيه نظرتج تشفيهه ٣
عندي حاجه إبابج امخليهه ٣
**********
بنظره منج تنفتح باب الجنان
انتي باب الله الوسيع بكل زمان
وانتي يم عباس بحر من الحنان
لو نخيتج بالشدد ألكه الأمان
نار كلبي جفج يطفيهه ٣
عندي حاجه إبابج امخليهه ٣
*******
عن قرب اتمنه كون زيارتي
عالكبر رايد أهلن دمعتي
بالتراب الذاري اعلك شمعتي
وين شباجج وامسح رايتي
لو احلفج بالحسين اكضيهه ٣
عندي حاجه إبابج امخليهه ٣
*******
بالألم والنوح عشتي بهالحياة
ياغريبه بموتج وبعد الممات
بالبقيع الكبر مابين الطغاة
ليش مهدوم بأيادي الغادرات
ابلا مناره وكبته امطيحيهه ٣
عندي حاجه ابابج امخليهه ٣
*******
ننتظر مهدينه يبنيلج ضريح
زايرج بالصحن يكعد يستريح
بصوت ويه المنتقم كلنه نصيح
والله ماننساهه ثارات الذبيح
وابو فاضل رايته انعليهه ٣
عندي حاجه ابابج امخليهه ٣
********
أم علي الكاظمي

قصيدة لفقد ام البنين عليها السلام

امكم بلدمع  خلص.     عمرها
بوكت الموت شو محد حضرها
➖➖➖➖➖➖
غريبه من بعد ولدي اربعتهم
وي حسين راحو ضيعتهم
تمنت عيني لو لحظة شفتهم
گبل الموت يمي و ودعتهم

ولا تحتار ياروحي.    بامرها
➖➖➖➖➖➖➖➖

لون لحظات ليه أولادي يلفون
وكبل لاغمض عيوني يحضرون
وعد راسي العديلة كون يقرون
وعليه بحسره ينعون ويلطمون

وروحي بجيته الكافل يسرها
➖➖➖➖➖➖➖
الكافل كون يمي تهون الالام
وريت حسين يمشي بنعشي جدام
وعليه تحزمو ولدي بهل حزام
ولا ظل هيج گلبي مترس سهام

لو يمي غفت عيني بگبرها
➖➖➖➖➖➖➖➖
لو يمي الولد.   يرتاح.   كلبي
واكل لعيوني هيدي ولا تصبي
شريدن والحنان اليوم  كربي
واكول أولادي ماضيعوا تعبي

وجازوا امهم وذاكه. سهرها
➖➖➖➖➖➖➖➖➖
شلون بحالها الماتت غريبه
وهايه فاجعتها اكبر مصيبه
تكول منين الي الكافل اجيبه
يحفرلي اللحد وسمع  نحيبه

البين خلافكم وسفه وغدرها
➖➖➖➖➖➖➖➖

ابو سلام الجابري

ثكيله لأم البنين ع
******
يالشريعه وين الأربعه الطيبين
من لفاني البين مايشيعوني
*******
يالشريعه ابني وينه اليوم اريده
ميته بالتابوت امه بحاجة ايده
جفوفه كطعوهه بغدر ينزف وريده
كربله هوايه يبو فاضل بعيده
عازتك عازه اتشيل الجنازه
بعازة الجفين مايشيعوني
*******
عيوني مفتوحه عله الاحباب شبحت
من بعد موتي غريبه العين ظلت
جف دمعهه عالغريب حسين يبست
من كثر ضيم الحملته رموشي شيبت
ليش ماجاني ياهو دفاني
وينه ابني حسين مايشيعوني
*******
حكي اعتب والعتب يجرح دليلي
امتوني ربت اربعه ومانمت ليلي
ياما ساهرت الليالي وراح حيلي
ليش ماواحد اجه بساعة رحيلي
ناري بضلوعي جاريه ادموعي
من عمن الاثنين مايشيعوني
*******
اجنازه ظلت عالكبر وتريد اهلهه
وين احباب الكلب عافوهه كلهه
يمه ماعندي بنات اتنوح إلهه
ولاسمعت صياح لادمعه التهلهه
ناعيه التحجي وعالكبر تبجي
عندي بس ابنين مايشيعوني
********
من بعد موتي غريبه وحسره بيه
ليش مادفنوني بارض الغاضريه
بين كبر حسين والعباس اخيه
كبري مهدوم بأيادي الناصبيه
يمته يالموعود للبقيع تعود
دمعتي بونين مايشيعوني
*********
أم علي

قصيده حول ام البنين ثكيله




تبچی شتريد يا كلبي تبچی شترید

وراحو ابعيد التودهم  راحو ابعيد

مارحت وياهم   وشلك ابفركاكم

راحو ابعيد التودهم راحو بعيد



شالو  وماظن  يجون احبابك
اه يكلبي اعزازماتوكف بعد يم بابك
ما ترد ايس وكف اعتابك
راحت بعيد ومشت غيابك

نوحك يزيد بعدهم نوحك يزيد


بالحلم هم مايجون ولا شفتهم
طالت الفرگه يكلبي ورايد الهم
حيل مشتاك وتريد العاشرتهم
تحن كليله وتون بس ضيعتهم

بالله شفيد ونينك بالله شيفيد

راحو ابعيد التودهم راحو بعيد


سافرو وانته الدمع ما فاركيته
والحزن بالروح كلبي وعاشريته
اعزاز بس هذه الجره ماحسبيته
طالت الفركه وعمر بالون كضيته

كلشي ماريد عكبهم كلشي ماريد

وراحو بعيد التودهم راحو بعيد



شالو وخلو يكلبي دمعي اجره
وروحي راحت وي ظعنهم من انضره
من بعد ذيج الغوالي ابعمري حسره
ظلمه صارت كل حياتي وكلها مره




وروحي متهيد بعدهم روحي متهيد

ادري اليودع غوالي شنهي روحه
تكضي بحزان الفكدهم هاذه نوحه
والفرح شال وبعدهم ما يلوحه
وتنزف عله افراكهم ظلت جروحه


يفارك العيد بحياته يفارك العيد



*لخادمة الزهراء. العلويه ام جعفر*
غير مبري الذمه من يحذف الاسم وياخذ الكلام وينسبه له من ديوان طف الزهراء الجزء ١٣ الخاص لام البنين

مرقد السيدة الحوراء زينب امانة في اعانقكم
ادعوا لها بسلامه مرقدها الشريف
بسبب سوء الأوضاع الأمنية...

#على الدنيا بعدكِ العفى يازهراء

ياكميل
#اليوم_اميرك_يتيم
#لقد_دفن _فاطم💔

عود نگـول الميت يخـلص
زيـنب ميتـة وما خلصــانة

#اللهم_أستودعك_مولاتي_الغريبـة 💔

*موشح لام البنين*
*عليها السلام*

اه من حسرتها يا ام البنين
ماتت ودمعتها تجري للحسين
❥❥❥❥ـــــــــــــ❁ـــــــــــــ❥❥❥❥
ماتت ام عباس من يا لوعه
من مصايب كربله مفجوعه
من درت جف الولد مكطوعه
حالها ماينوصف والله المعين
❥❥❥❥ـــــــــــــ❁ـــــــــــــ❥❥❥❥
تنعى ليل نهار ماهاد الكلب
والدمع يجري على الخد ويصب
حسين يبني ماشرب ماي العذب
تكول مو بيدي ولا بطل ونين
❥❥❥❥ـــــــــــــ❁❁ـــــــــــــ❥❥❥❥
انه لاجل حسين ربيت الولد
اربعه يشيلون ساعات الشدد
خل يروحون ويمردوني مرد
بس يرد سالم أبو كلب الحنين
❥❥❥❥ـــــــــــــ❁❁ـــــــــــــ❥❥❥❥
فدوة لحسين أبو فاضل واخوته
انه وصيته يضحي بهامته
دون أبو السجاد يمنه ويسرته
هيج ذكرك يبقى كل هاي السنين
❥❥❥❥ـــــــــــــ❁❁ـــــــــــــ❥❥❥❥
ريت كون انه بعد وياهم
الموت اخذني ورافكت عيناهم
عمري ماردته وردت ملكاهم
شنهي عمري بدونهم يخلص أنين
❥❥❥❥ـــــــــــــ❁❁ـــــــــــــ❥❥❥❥
بقلم الخادمة ام زهراء
نسألكم الدعاء
وتقبل الله منا ومنكم صالح الأعمال

وصوا حيدر من ينزلها الگبر
لا يوسدها اعله خدها المنسطر

#يازهراء 💔

#استشهاد_ فاطمة الزهراء عليها السلام
قصيدة بعنوان ((( ظلعي ))) النص المجرشة

ظلعي منكسر ظلعي
ظلعي منه دم دمعي
دهري مارحم وضعي ظلعي

■■■■■■■■■■■■■■■{{1}}

انه الزجيه الطاهره عشت الالم وجروحي
ما تبره من كسر الظلع ومايهده وني ونوحي
دمعاتي اجريها دمه ولوعاتي ذبلت روحي
من وره الباب الي اندفع بيده العدوا طر لوحي

ليه ابلا اذن يدخل
وانه خايفه المجبل
سوطه ضربته ودفعي ظلعي

■■■■■■■■■■■■■■■{{2}}

من دخلوا الداري خصب بيده كسرلي بابي
والعصره كسرتلي ظلع وطاح الحمل بعتابي
محسن حبيبي من رحل عشت انه بعده امصابي
وبسماره بأبي مارحم منه نزفت اصوابي

محسن شفته بعيوني
طايح يمي مفتوني
وكلبي منفجع ونعي ظلعي

■■■■■■■■■■■■■■■{{3}}

عمر الورد عمري كظه من حالتي مقهوره
وردي ذبل لمصيبتي وايامي هم مشجوره
من اثر عصرت ظلع الي ومن خاطري مكسوره
دهري غدرني ابفعلته واتغلب اعلي دوره

كسري للظلع عشته
بعده خلف العلته
همي والحزن لوعي ظلعي

■■■■■■■■■■■■■■■{{4}}

عدواني ما عدهم رحم لا رأفه ما رحموني
من دفعوا الباب ابغضب من دفعته عصروني
وامالي طاحت والحلم خاب اكثر اعله امتوني
ضربوني شتموني العده ولا جنهم ايعرفوني

جمره بالكلب لهبت
عيني دمعتي صبت
وخدي بي اثر صفعي ظلعي

■■■■■■■■■■■■■■■{{5}}

حانت منيتي وموتتي فجعتني لاكن ادري
يم والدي راح التقي مشتاكه اله وكل عمري
راح اشكي الامي وجرح ما يبره فاكد صبر ي
وحجيله بعده الي جره بحيدر علي وبخدري

بويه صحبتك غدرت
ليه ولعلي نكرت
ربي عالجره ادعي ظلعي

●●●●●●●●●●●●●●●

الشاعر الحسيني حسن جاسم الطائي

فصيده. شور

يافاطمه. يايمه

يافاطمه يايمه


يايمه. يايمه يايمه
اماه. واأماه واأماه
ااااااااااااااااااااااا

زينب يتيمه الليله

وحسين باكو حيله


من امي ظلت باقيه


سبحه. وصلاة وشيله


يافاطمه. يايمه
يافاطمه. يايمه

ااااااااااااااااااااااا

يايمه شحجي والضلع هد حيلي



يايمه أشكيلج هظم تشكيلي


من. دفعو الباب أندفع باب السبي


ظلت مصايب كربله توميلي


من طاحو أهل الشيمه


تهنه. يايمه بهيمه


ماعندي. باب وتحترك


حركوا عليه الخيمه



يافاطمه. يايمه
يافاطمه. يايمه

وااماه وأأماه
ااااااااااااااااااااااا
من صغري والشيب انجفه أعله عيوني


رحت ورجعت أهلي ماعرفوني




لبس الزراك بعيني جان بمتني صار


شمس الظهر يايمه غيرت لوني



يافاطمه. . يايمه
يافاطمه. يايمه

واأماه. واأماه
ااااااااااااااااااااااا

مكتوب ماينخط فرح. بسنيني



مكتوب ينزل بس دمع من عيني


من صغري وأجفوف السبي أتباريني



والفاكدات أيسولفن بونيني



يافاطمه. يايمه
يافاطمه. يايمه

واأماه. واأماه
ااااااااااااااااااااااا
مهظومه أدري بس بقت بت النبي



أيام خدري شيبن صار أنسبي


مسبيه. سموني الخلك موبت علي




من السياط أنحامي حركوها العبي



يايمه. ميته ولاشفت


أبترجية أبنيتج يعت


يافاطمه. يايمه
يافاطمه. يايمه

واأماه. واأماه



أسألكم الدعاء

أين الطالب بدم مقتول بكربلاء
أين المضطر الذي يجاب اذا دعى
أين ابن النبي المصطفى
وعلي المرتضى أين ابن خديجة الغراء أين ابن فاطمة الزهراء
ياصاحب الزمان.

رأيكم بهذا التقرير👆🏼

*قطع الارزاق بطريقة شيطانية حديثة*

قال الله عز وجل في كتابه الكريم
ومن يتق الله يجعل له مخرجا ويرزقه من حيث لا يحتسب..
صدق الله العلي العظيم ..

ظاهرة جديدة منتشرة بهذه الايام من خادمات النفس الإمارة وليس خادمات الحسين عليه السلام

تجي بالاول تتوسل اريد بس اطلع وياج للأجر والثواب

طلعتيها وانعرفت ...هنا بدت تلعب هي وأبليس
ويخططون حتى يوصلون...

بدت توزع رقمها بدون ماتدرين
وعرفت وين تروحين ووين تجين

راحت عرضت نفسها (مجانا بثواب الحسين ع)
عبالها الحسين مايعرف نيتها الطشة وقطع الارزاق والحسد من الخادمة الطلعتها وياها
تدبير شيطاني تعاونت بي (خادمة ابليس) 😄

ابن ادم شبي؟ ؟
لا والله شبي ؟ يقشمر نفسه عباله الله مايتفرج على نيته؟ 🙄

الله مطلع على النوايا فكل إنسان يرزقه على نيته
اذا نيته طيبة يوصل لكل الطيبات
واذا نيته خبيثة وحسد وضغينه وقطع رزق لو ينبش بأيده ورجله ماينول غير الخبيت وهذا الزرع اليزرعه يحصده🤭

وحتى إذا صار وحصل مال بهالطرق المحتاله
فهذا يروح هباءا منثورا...يلزم الذهب يصير تراب
لانه مكر واحتيال وخبث وضغينة😊

بعدين لازم نعرف الوجاهة والقبول من الله بكرامة الحسين عليه السلام مو كل واحد يحصله 👇🏼👇🏼

فقط من اخلص النية باطنا وظاهرا
الخادم قولا وفعلا وليس شكلا 😘
والله اني اقرأ يعني اني حسينية 😐
والله اني عندي صوت اني حسينية 😑
لا حبيبتي نواياج تثبت انج ابليسيه وليس حسينية😉

الله يرفع من يشاء☺
ويخفظ من يشاء🙃
بكيفة ...


اللهم اجعلني عندك وجيها بالحسين عليه السلام في الدنيا والآخرة

هاي ماتجي بلاش👆🏼👆🏼👆🏼
تجي بصفاء النوايا.

الخطيبة والملا ام جعفر الطوسي
خادمة لسيد الشهداء عليه السلام وليس لنفسها الإمارة بالسوء.
واتقوا يوما ترجعون به إلى الله
والسلام عليكم ورحمة الله وبركاته

الرادود مدين العياشي

يازهراء ييمه ييمة
يازهراء ييمة ييمة
_^^____
انه بحلم لو صدك يمي
مطروحة هاي جنازة امي
يعني اليتيمة صار اسمي
واسود يضل للموت هدمي
يازهراء ييمة ييمة
_^^___
فلو الجفن خل احاجيها
زينب أكلها ياهو ليها
نار البضلعي دوت بيها
يم المحنة جاوبيها
يازهراء ييمة ييمة
_^^__
طلعت ثوبج كمت اشمة
مظموم يم زينب بدمة
الصدري امن ادني يظل يلجمة
ما شفته كون العين تعمة
يازهراء ييمه ييمة
__^^___
حاجيني يمه جلمة وحدة
الما عندة ام جفنة اشيسدة
خليني انه ونيني اهودة
لكن ونين حسين شدة
يازهراء ييمة ييمة
_^^__
شتصير زينب بله شتصير
بوالدها لو بخوانها تحير
للباب من عيونها تدير
تسمع بظلعي صوت تكسير
يازهراء ييمة ييمة
_^^_
اتطشر شملنة وشيلمنه
شوفي شعملتي بينا يمة
ياهو الفراكج ما مهدمة
ظل زلمه يتوجه على زلمه
يازهراء ييمة ييمة
__^^__
طحتي ياخيمتنا الجبيرة
ويتمتي زينب وهي زغيرة
إخوتهه يمهه وجنهه أسيرة
حيرة وداعج والله حيرة
يازهراء ييمة ييمة
__^^^__
الشاعر علي محسن الزيادي

بويه الوجع ماذيني
وتوجعني سطرت عيني
بويه بويه… بويه بويه
……
ارفع اچفوفي ونخيت بمغربيه
اشتكيلك ياحبيب الله ونبيه
انه بتك فاطمه الزهره الزچيه
ترضه يابويه الحصل والصار بيه

يالمادريت اخباري.. طبو عليه الداري
تدريني ماتدريني.. وتوجعني سطرت عيني
بويه بويه.. بويه بويه
……
بويه من يوم العفتني بيه خوفه
النوم هذا النوم مالحضه اشوفه
مقدره يابويه علي واعذر ضروفه
ماترد بس ليله وحده لاتعوفه

بتك تره مفجوعه.. صدري طحين ضلوعه
مر بيه وحاچيني.. وتوجعني سطرت عيني
بويه بويه… بويه بويه
……
بويه ماتلحگ تجي اتشوف المصيبه
عيشت الحرمه ابهظم عيشت غريبه
گلبي مايبطل ولاخلص نحيبه
چتفو گدامه دلالي وحبيبه

بويه دريت شبيه.. بعدك اون ليليه
ماي ابترب چافيني.. وتوجعني سطرت عيني بويه بويه… بويه بويه
……
اخ يابويه الوجع جيش عذابه
وانه حال الينلچم حته ابشرابه
الوليه مو ولية غرب ولية صحابه
جابو الحيدر حطب حرگوها بابه

بس لو تشوف المنضر..ابداري وغديت اتستر
طايح تره جنيني.. وتوجعني سطرت عيني
بويه بويه… بويه بويه
……
بويه من بعدك عشت حال اليتيمه
للبواچي امسويه كل ليله عزيمه
تالي بغيابك اشوفن ياهظيمه
ربعك ارتكبوا علي اكبر جريمه

حرمه ودفع دفعوني.. طحت ورفس رفسوني
ياهو اليجي ايواسيني. وتوجعني سطرت عيني
بويه بويه.. بويه بويه
……
انه يابويه صرت بعدك عليله
وانعصرت اباب خشباته ثگيله
حرمه وحدي امحجبه مابيدي حيله
بيش اكظ الباب ماعندي وسيله

ولاچني بتك يا نبي. طبو علي طبت اجنبي
وانه الدمع يغزيني.. وتوجعني سطرت عيني
بويه بويه.. بويه بويه
……
علي الحاج الصبيحاوي .

ايتحسر المرء على شيء من الدنيا
وهو خادم لسيد الشهداء!

ام زهراء

ايتكسر خاطري ويجبره الحسين 💔🤲🏻
عليه السلام
ام زهراء

هو العمر هيج وهيج رايح
فخله يروح كُله فدوة لحسين

ام زهراء

رغم مكسورة ضلع
حاولت اخفي الدمع
جيت لايتام العراق العذبوني
بگبري ما مرتاحه لمن يندبوني
------------------------

جيتكم وايدي اعلى ضلعي وضايگ بصدري الهوى
بس اوصيكم وصيه لا تشعلون الضوى
محني طولي وما اريدن يوضح شلون التوى
ما اريد اكسر گلبكم وادري بيه من انچوى

انا اجيت بيا وضع
حاولت اخفي الدمع

-----------------------
الونه مالتكم عجيبه فززتني من الگبر
لاهي لوعه ولاهي دمعه ولاهي واحد يحتضر
وطن كله ايتام شفته منين اجيبله صبر
يا عراق اليوم اشوفك مثل ضلعي المنكسر

ردت اصيرلك درع
حاولت اخفي الدمع

------------------------



نامو يمه الليل اجاكم وادري ابوكم مايرد
رجفة الفرگه بجسمكم هاي مو رجفة برد
اني هم ايتام عندي چانو بعمر الورد
ذكريتوني بوضعهم كون يمهم هسه ارد

ساعه وحده وننجمع
حاولت اخفي الدمع

----------------------

هيه حيره اليبچي گلبه وعمره خلص بالحزن
شلون لو جرب يواسي خاف هم ينسى أويون
كل يتيم يلمه حظني ارد اغطيه بالجفن
لان  ذكرني  بحبيبي البل حوافر  مندفن

يمه يحسين استمع
حاولت اخفي الدمع
  
---------------------------

گمت اشوفن زينب اني بكل يتيمه تعذبت
والله مدري شلون عاشت من زغرهه اتيتمت
من تچي لگبري وتسولف گلبي يسمعهه شحچت
واني اصيح بنيتي ماتت يا علي خافن عمت

فرگتچ ما تنجرع
حاولت اخفي الدمع


كلمات الخادم : رعد الفريجي

اللحن موجود

يمة بداعتج كومي الحمل مال
وانــة خلاف عينج ميت الحال
نوبة انظر لخـوتي ونوبة لعيال
⚜️⚜️⚜️⚜️⚜️⚜️⚜️⚜️⚜️
كل ساعة ارد اموتن💔يمـة وما اكـولـن
انكسر ظهري
فـكدج مرمــرانـي💔عمة عيوني ورماني
بسهم ادري
علة هونــج يالمنيــة ارد اودعنــهة
شلون ترضين علة امنة نبتعد عنهة
البيت خالي بلاية والي وامي جفنهة
ها يا موت راحت كل الامـال
ماتت ذكرياتي ودمعي همال
نوبة انظر لخوتي ونوبة لعيال
⚜️⚜️⚜️⚜️⚜️⚜️⚜️⚜️⚜️
بحسرة مغربية 💔 مر طيفج علية
بعــد روحي
وليلية اتانــي. 💔. بلكي بحلم اني
وشفة جروحي
تالي اصحة وما اشوفج انتي كدامي
طيف بس يمر علية بداخـل احلامي
شلتي مني يالحنينـة والكلــب دامي
وسفة وسادتج صارت هالرمال
وتـدريــن البعــد يايمــة چتال
نـوبـة انظر لخوتي ونوبة لعيال
⚜️⚜️⚜️⚜️⚜️⚜️⚜️⚜️⚜️
تيتمنة بغيابج 💔 مايرهم بدالج
يبارينة
مرة هاي الايام 💔ساعتهة بالف عام
تمر بينة
شما كبـرنة زغار نبقة يمة بحضانج
شلون دارج من نطبة وفارغ مجانج
شالــت وياج المحنة وطيبة لسانج
من يمسح دمعنة يمة لوسال
گلنــة تعـود خابت كل الامال
نوبة انظر لخوتي ونوبة لعيال
⚜️⚜️⚜️⚜️⚜️⚜️⚜️⚜️
يانسمة هوا الهاب💔كلبي بفكدج انصاب
هدم حيلي
يمة شلون ترحين 💔 مـــو وكتج تبعدين
درديلــي
صيحو عالدفان يحفر كبري وياهة
معلمة عليهة تراني ومكدر انساهة
هية منة هيـــة جنــة ربنا ســواهة
بعدج من يشيل هموم لثگال
طوگنــة الزمــن يايمة بحبال
نوبة انظر لخوتي ونوبة لعيال
⚜️⚜️⚜️⚜️⚜️⚜️⚜️⚜️
يالدومج تلمين 💔 يمة وماتزعلين
تراضينة
كلبج يوسع الكون 💔يبقة وحدة محزون
وتضحكينة
دوم فرحــانة وعيـونج يمة ذبلانة
يامة بحضانج غفينة وانتي سهرانة
ابد ما لحظـة بقيتي ويانــة حيرانة
ياهــذة الدهـر صوبنة بنبال
ياثكـل الهمــوم بثكل الجبال
نوبة انظر لخوتي ونوبة لعيال
⚜️⚜️⚜️⚜️⚜️⚜️⚜️⚜️
ابد ما لحظة ننساج💔حتة البيت ينعاج
يالحبيبة
يضل الكلب مالوم💔ومحمل بالهموم
منو يطيبة
الــدارج انة لو كــصدتة اكعد ابابة
اذكــر جدامج يبمــة واشبك عتابة
يــوم اظــلم يـانزلهـم شالو احبابة
مو وكت السفر شديتو لرحال
تــدرون الــوكت ويانـة عيال
نوبة انظر لخوتي ونوبة لعيال
⚜️⚜️⚜️⚜️⚜️⚜️⚜️⚜️⚜️
الخادم اياد المالكي

والله مرات نعم الله تخليك محتار ومتعجب، يعني أشوف الله سبحانه شگد رحيم شگد يلطف بيه على سبيل المثال يعرفني على نياتي ماعندي وجهين ماعندي لف ودوران يسخرلي الناس والأدوات والظروف بالوقت المناسب تماماً، مايوم خيب ظني سبحانه مايوم أوكلته أمري من صدك وتندمت، ودائما اگول خليتها ورا الله ماادري أنا وسبحانه والله بالوقت المناسب تماما يغير كل شي لصالحي، أتسائل مرات ليش يارب! ، منو آني!شنو قيمتي!
فعلا رحمة الله عجيبة غريبة عظيمة 💔
كلي إمتنان 🤍

دموعي بالخد سولفن..
الماله ام ماله وطن ..💔

ليالي الانين الحسينيه:
(جيتك اشكي الرزيه)
لطميه شور للزهراء ع


بويه انا الزجيه الزجيه الزجيه
جيتك اشكي الرزيه الرزيه الرزيه

بيا وجه يابوي جيتك انظر لخدي تكلم
شوفه مسطور وفؤادي بعدك ابهمه ايتألم
يدفع الباب وعليه مني ماستاذن وسلم
يامر العبد وضربني بسوطه واعلى امتوني علم
دمعتي هل جريه جريه جريه
جيتك اشكي الرزيه الرزيه الرزيه
___

اشكي يابويه ظلمهم اقصدالكالواصحابه
ابجي من بيتي اطردوني مالي قدر ولا ومهابه
وجروا بويه حطبهم واشعلوا بالنار بابه
تدري بويه من حقدهم وجروا قلبي وعذابه
ناره يشعل عليه عليه عليه
جيتك اشكي الرزيه الرزيه الرزيه
_

بويه يالهادي اخبرك  زهرتك ضايع قدرها
دفعوا الباب وعليها كسروا لبنتك صدرها
سقطوا يابويه محسن اشلون باب الله وجسرها
زهرتك تشكي المصايب الله بس يعلم صبرها
عبره بالخد شجيه شجيه شجيه
جيتك اشكي الرزيه الرزيه الرزيه
_
بالهضم جيتك يبويه وقلبي بالنار يتوجر
ماكفاهم عذبوني  حتى ضلع ابني يتكسر
تسحق الخيل اعله صدره وقلبه شو ضامي تفطر
تشوفه زينب بالمصايب وبالغصب عنها اتصبر
وعنه تمشي سبيه سبيه سبيه
جيتك اشكي الرزيه الرزيه الرزيه
____
     تمت بحمد الله
   بقلم :بنت الشمري
الكويت _

كروب نشر قصائد حسينيه العلويه ام حيدر 💫💫

قصيدة لاستشهاد سيدتي ومولاتي الزهراء عليها السلام

اويلاه يم الحسن
اويلاه يم الحسن
*******************
هالليله وافاج الاجل
وبحيره ظل خير العمل
كالصاعقه مصابج نزل
بدلاله والمدمع همل
والتمت اعلي الفتن
اويلاه يم الحسن
*******************
ياحجة الله الصمد
جنتي اله خير السند
خيمه علي وانتي العمد
من طحتي دلاله انمرد
بي غدر ياويلي الزمن
اويلاه يم الحسن
*******************
هاليوم مو مثل الامس
دار الزمن وياه عكس
من بعد عينح ياشمس
ظلموا يزهره اهل الرجس
وكل المصايب لي لفن
اويلاه يم الحسن
*******************

هجموا عليج اهل الكفر
والامر مو هين الامر
منه الكلب صاير جمر
وبالحزن خلصتي العمر
اعليج البلايا اتجمعن
اويلاه يم الحسن
*******************
يدريج بنت طه النبي
ودارج وطاها الناصبي
عنده علم دار الوحي
بس طبها عنوه المعتدي
الناكر وصيت المؤتمن
اويلاه يم الحسن
*******************
ياسيدي يبن الرضا
سيف العده بينه مضى
يمته تجي تملي الفضا
بالعدل يابو الموعظه
ابجيتك تنهيها الفتن
اويلاه يم الحسن
*******************
خادم اهل البيت / ابومحمد العاشور (07810010732)

نعي للزهراء ع

فراشج ييمه مگابلينه
والليل كله مساهرينه

ننظر على البسمار ولباب
كل نظره خلت اثر بينه

رحتي وخذيتي الروح وياج
ولبيت ظل موحش علينه

خليتي حسره ودمع بالدار
ومن البجي اعليج انعمينه

ملهوفه روحي اعليج وتريد
تغفى بأحّضانج يالحنينه

اصبر ييمه شلون ونساج
ولگلب شيّـ سكّت ونينه

علي كاظم المنصوري

مو وكت الوداع اوياج/يمه وتخلص العشره
اصغيره اعله اليتم تدرين/بنتج زينب الحره
ــــــــــــــــــــــــــــــــــــــــــــــــــ
مو وكت الوداع وياج/من صغري وتيتمني
وانه ابعازتج تـــــدرين/وغيـــــابج يأذيني
شلون اگضي العمر من دون/عينج يا بعد عيني
لو بعديتي يم حسين/ غيرج من يسليني

تصبح سلوتي بالبنوح/بين الونه والحسره
مو وكت الوداع وياج /يمه وتخلص العشره
ـــــــــــــــــــــــــــــــــــــــــــــــــ
ما تغفه وتنام العين/وانه امفارگه اعيونج
بعدج بيش اصبر الروح/يكبر حزني من دونج
كون ابگلبي مو بالگاع/وبروحي يدفنوج
حتى شما احن واشتاگ/اندهّ واسأل اشلونج

وبيه شما يّفيض الشوگ/اشتم ريحج وعطره
مو وكت الوداع وياج /يمه وتخلص العشره
ــــــــــــــــــــــــــــــــــــــــــــــــــ
امنـذكر لوعت البسمار/يبدي ويستجد نوحي
وعيني شما تصد للباب/الام اشكثر توحي
فراشج من اصدّ اعليه  /فارغ يلّجم اجروحي
مثل عصرتج يم احسين/لجلج تنعصر روحي

تظل طول العمر بحشاي/نارج بيه متوجره
مو وكت الوداع وياج /يمه وتخلص العشره
ــــــــــــــــــــــــــــــــــــــــــــــــــ
من صغرني ولفاني البين/ ذبني وما رحم حالي
اخذ مني الحنينه بساع /ضيّع حلمي وامالي
راح اگضي العمر ونات/والونات تحلالي
وإصورج تروح  شلون/ يم احسين من بالي

رسمج من اصدن ليه/تهدم حيلي كل نظره
مو وكت الوداع وياج /يمه وتخلص العشره
ــــــــــــــــــــــــــــــــــــــــــــــــــ
ياريت المنيه ويــاج/يمه وتخلص اسنيني
وما ضلن عگب عيناك/اون وحزني غاطيني
ما يسوه العمر بجفاج/ردّي ولا تجافيني
مو هين عليّ فرگــــاج/ يالفرگاج يعميني

ومصابج يماي العين/ يسعر ما برد جمره
مو وكت الوداع وياج/يمه وتخلص العشره
ــــــــــــــــــــــــــــــــــــــــــــــــــ
ليل الفاگد امه اطويل/بالحسرات اسهرنه
ودمّع العين اهله اعليج/يمه وكله اوشلنه
بفراگج يبعد الحيل/حيلي وصبري اهدمنه
ما اريدن بعد عيناج/اضل بالدنيا وتهنه

ابدالج يم حسن وحسين /كون الضلوع  منكسّره
مو وكت الوداع وياج /يمه وتخلص العشره
ــــــــــــــــــــــــــــــــــــــــــــــــــ
✍️ علي كاظم المنصوري

‌‌‎عندما يموت الذي يدافع عن الشرف ، بالطبع سيشمت فاقد الشرف

صدور ضوابط قبول الطلبة اللبنانيين في المدارس العراقية اي واحد عندة صديق لبناني دزوهة الة

مِنَ المُؤْمِنِينَ رِجَالٌ صَدَقُوا مَا عَاهَدُوا اللهَ عَلَيْهِ فَمِنْهُمْ مَنْ قَضَى نَحْبَهُ وَمِنْهُمْ مَنْ يَنْتَظِرُ وَمَا بَدَّلُوا تَبْدِيلًا

امثالك لاتليق بهم سوى الشهادة
ولايليق بهم موت الوساــــــــدة
انا لله وانا اليه راجعون عشت مجاهدا وقتلت مظلوما شهيدا

فليفرح الشامتون سيلقى الشامتون مالقينا

نعي للعليلة عليها السلام

سدر بالاضعون وجفاني
حمل بناته وماخذاني
حنين الابو واتعذراني

تعذر حنين الكلب مني
من دون اخياتي عزلني
سدر ضعونه وللتفتلي

صحتله يبويه التفت ليه
خليتني بدار الخليه
واليل لوجلجل عليه


يحنان موهاي الامروه
مريضه واجر النفس كوه
نخيتكم يحنان نخوه

نخيتكم والدمع بالعين
خذوني وياكم وين ماشين
يروحي اشوالج تموتين

شنهي ضلتج بدار شلج
وعن منازل شالت اهلج
وفراكم والمرض سلج


سليت مايدرون بيه
ولا واحد البين عليه
ولاكالو بكت عدنه بنيه

مريضه واحبابي جفوني
بدار جاليش اشمروني
اعمي عله اهلج ياعيوني

...............

✍أم زينب كربلاء
💖💖💖💖💖💖💖💖💖💖💖💖💖💖

الناشر // عالي مقامي
غير مبري الذمه يحذف اسم الناشر

#نعي_وأبوذيات

[ لمولاي ابا الفضل العباس روحي فداه ]
ــــــــــــــــــــ
الما مخسوف صدره و لاهو ملچوم
خل عن الحسين إيشـيل الهمـوم
كعــد يمّ النهر ما گــادر إيگــوم
الما مكسور ظهره يكسره هاليوم
ــــــــــــــــــــ
گعد يمّه إبضماده إحتار إلحسين
يا ضيعتنه وانته إبلايه چفــين
يّضمّد راسه الأول مدري الايدين ؟
خاف يشيل سهمه وتوجعه العين
ــــــــــــــــــــ
إختصرها حسين ردّ إمشيّب الراس
مـــا گللّها زينــــب راح عبــــاس
راح إلخيمتــه وبيهـا الخَبَر جاس
عمود النــاس طــاح وما بقت ناس
ــــــــــــــــــــ
مهدي التقي

#ابوذيات

أميره چنت كل عمري ... لگوماي
او بدور الچانت اتچّي .. لگوماي
بچيت امن القهر حدما .. لگو ماي
ابگبر عباس من دمعاته ليه

العمر بوجود اخيي ... مايه شر به
وگع والماي حالف ..... ما يشربه
ردت من عيني الحّگ ... ماي اشربه
لاني املحگه او لاماي بيه

اتاني الگمر ينهض .... مدري متني
السهم موّت اخيي .... مدري امتني
مدري اجمع چفوفه .. مدري متني
حرت . واثنينهن ضاعن عليه ......

ابو فاطمة الطائي

#اللهم_عجل_لوليك_الفرج

فزاعيه
لطمه تريدللخوان
زينب محد وياهه
@@@@@@@
لطمه تريد للعطشان
والگطعوله الذرعان
تنوح وحيلهه خلصان
تگتل فرگة الخوان
عونه اللطم وي زينب وعازاهه
@@@@@@@@@@@
تريد الي يعاونهه
موت الولي عذبهه
نحلهه وكثر ونهه
راح الچان خيمه الهه
بخرايب الوكت ياوسفه خلاهه
@@@@@@@@@@@
زلمهه مطرحه بالكون
عاميهه البچي ام عون
تدري بالمشو يبطون
راحوا بعد مايلفون
على الزينين ماغمضت عيناهه
@@@@@@@@@@@@
صعبه تگول عفتوني
وانتم دليليتوني
منهو يباري ضعوني
يالخوان سمعوني
چا شنهي المره بلايه ولياهه
@@@@@@@@@
بحرگه ظلت تنادي
وين تريد يالحادي
ريض بخال اولادي
اخوتي ومهجة الهادي
هم يدرون بزينب وبلواهه
@@@@@@@@@@
لطمه تريدللخوان
زينب محد وياهه
@@@@@@@@@@
ليوم المحشر كلنه لزينب عوانه
@@@@@@@@@@@
خادمة الحسين زينب البديري

# قصيده ثقيله للسيده رقيه بنت الحسين عليه السلام

بـويه العده ضربوني: بـويه العده ضربوني
روحي الهظم گاضيهه
وعيني الدمـع عاميهه
أگعد وشوف أمتوني: بــويه الـعده ضربوني

✿────↻✿...✿↺────✿
يابويه ظل مني الگلب :: بهمومه غرگـان
ميسوره امشي وي العده ::ولگلب خلصان
ناديت.  ماتفزع الي. :::  عـالت العــدوان
ميسوره. أظل تاليهه
وعيني الدمع عاميهه
ويسيل دمع اعيوني : بــويه العده ضربوني

✿────↻✿...✿↺────✿
يابويه هضموني العده ::  شدو أديه
.ومـن أذني جروها  التراجي أل اميه
مشيت ميسوره  واهـل..دموع الرزيه
روحي الالم ظل بيهه
وعيني الدمع عاميهه
أخلافك العـده أذونـي. بويه العـده ضربوني

✿────↻✿...✿↺────✿
للشام سرنه بالغصب :: ولحاله صعبه
:نحدي وي اجناب وكفر....ولدمع أصبه
ياهو  ليشاهد. حالتي :: ينـلجم گلــبه
بتك حــزن غاطيهه
وعيني الدمع عاميهه
يتيمه بغرب عفتوني. بويه العده ضربوني

✿────↻✿...✿↺────✿
ونيت بحــزان ألگلب ;;أبتالي الليل
يوم الرحت وتغربت. مابــگه اي حيل
تمنيت بويه بشيلتك. أرويحتي أنشيل
روحي بحزن تدريهه
وعيني الدمع عاميهه
من شوفتك حرموني. بويه العده ضربوني

✿────↻✿...✿↺────✿

ظليت أبجي بغربتي.. وذكر حنانك
أشلون تتركني ونه.. العشت بلسانك
اتمنه هالساعه تجي. وغفه بحضانك
شنهي الراح والـيهه
وعيني الدمع عاميهه
ومنك خابت أضنوني. بـويه العده ضربوني
✿────↻✿...✿↺────✿
تــــمت بعون الله تعالى
بقــــ✍🏻لم خـادمة السيده رقيه عليها  السلام
الشـــاعره سهام المـــالكــي
لااجيز حذف الأسم
من ديوان مجالس الأتقياء في مأتم كربلاء الجزء الثاني
نسالكم الدعاء بتعجيل الفرج لصاحب الزمان ((عج

ثكيل اويهدم اجبال ياهم العليه
للكوفه الضعن شال من الغاضريه
اصيح هنا يخوتي
محد سمع صوتي
مايدرون الأحبال كصت جف اديه
✍🏻✍🏻✍🏻✍🏻✍🏻✍🏻✍🏻✍🏻✍🏻
ثكيل اويهدم اجبال همي اوعدمن اشكيه
اشلون امشي سبيه والعطشان اخليه
لاغمضت عينه ولامديت رجليه
ماخلوني اشوفه
يزعل من اعوفه
لويرضون ضليت وي ابن الزجيه
✍🏻✍🏻✍🏻✍🏻✍🏻✍🏻✍🏻✍🏻✍🏻
ذوله الكوم كفار عدوان اويكرهون
صحت خلوني اضل يوم لاكن مايقبلون
جسم حسين المه واغسله بدمع العيون
ابهيده ابهيده اشيله
واقراله العديله
وراس حسين ارده للجثه الرميه
✍🏻✍🏻✍🏻✍🏻✍🏻✍🏻✍🏻✍🏻✍🏻
مايرضون ادفنه واحط راسه اعله نحره
ادور خنصر ايده وألم اضلوع صدره
بسنين المضت ذيج اخوي حسين اذكره
انه وياه ربينه
بحضن امي الحنينه
شلون ايام حلوات عشناهن سويه
✍🏻✍🏻✍🏻✍🏻✍🏻✍🏻✍🏻✍🏻✍🏻
ربينه ابيت ابونه وعشنه ايام حلوات
بعد هيهات يرجع ياذاك الوكت فات
هسه حسين مذبوح وانه ابين شمات
لاونيت يمه
لاخلوني اشمه
من بعيد اسمعه يوصيني ابرقيه
✍🏻✍🏻✍🏻✍🏻✍🏻✍🏻✍🏻✍🏻✍🏻
سمعته ايصيح زينب ريضي اولاتروحين
عليج ابدرت امي وعشرت ذيج الأسنين
اذا شفتي رقيه شوفي اعيون الحسين
ازغيرونه اويتيمه
ماتحمل هضيمه
ضميهه بعباتج عن اسياط اميه
✍🏻✍🏻✍🏻✍🏻✍🏻✍🏻✍🏻✍🏻✍🏻
ضميهه ابعباتج عن السوط بتي
يزينب روحهه اتروح لوشافت ركبتي
اشلون اصبر يهالناس شلون احبس دمعتي
راح اشبع مذله
والديوان ادخله
وصوت ايزيد اسمعه ايكلي الخارجيه
✍🏻✍🏻✍🏻✍🏻✍🏻✍🏻✍🏻✍🏻✍🏻

بقلم🎤المله أم هجران العمارجيه
القصيده بديوان📚صبر العقيله
الجزء السابع عشر

غير مبري الذمه من يمحي الاسم
رابط القناة الجديده👆👆👆👆

نزله للحسن ع نفس طور ثكيله جروحي للرادود محمد الحلفي
***
الحسن بمصابه    بعيده احبابه       غريب الليله
حنيني يهاجر       لبقيعه يسافر       واصيح ادخيله
"*
لرابع اصحاب الكساء الحسره بيه
كبره مهدوم بأيادي الناصبيه
جيت اواسي بدمعتي امه الزجيه
من بعيد أنخاه وارفعهه لأديه
جبير اخوانه       الكرم عنوانه        اجيت اشكيله
الحسن بمصابه   بعيده احبابه       غريب الليله
**
يابحر الاحسان والجود بجفوفه
الحسن ياديرة محنه من نشوفه
ياكريم العتره والروح الرؤوفه
نظره كلنه نريد من عينه العطوفه
تفيض إدلاله      بجميع أحواله      هضمنه يشيله
الحسن بمصابه   بعيده احبابه      غريب الليله
***
ظنهم يطفون نورك ياولينه
بعالم الذر احنه لمصابك بجينه
نريد امك فاطمه ترضه علينه
والله مايدرون كبره اندفن بينه
تنوح الشيعه      ونجدد بيعه          دمعنه انسيله
الحسن بمصابه   بعيده احبابه        غريب الليله
***
ياظليمه للحسن نبجي عليهه
بالطشت مسموم جبده اموذريهه
لو جنازه بدم وريده امخضبيهه
لو منارات وقباب امهدميهه
الدمع ميوافي     غريب وغافي       بكبر يبجيله
الحسن بمصابه   بعيده احبابه       غريب الليله
**
كبرك المهدوم ماكو يمه دمعه
لامواكب لاخدم لاناعي ينعه
صوت من الزهره هالعالم يسمعه
يبني يامظلوم وين اشعل الشمعه
شوكت بالرايه     نجي مشايه        وعزه انسويلك
الحسن بمصابه    بعيده احبابه      غريب الليله
***
المهدي يمته بياوكت ياخذ بثاره
للفرج ندعي ودمعنه بانتظاره
للبقيع نروح نمشي للزياره
تعله صرخة ياعلي فوك المناره
نريد الخاتم        يبيد الظالم          نصيح ادخيله
الحسن بمصابه   بعيده احبابه        غريب الليله
***
أم علي الكاظمي

قصيده للمحسن ع

طايح ياولد.. .وبعتبه الباب
وامك تنتحب والدمع سجاب

المحسن طاح عالغبره رميه
بعده زغير من سوده عليه
يجر ونات وناته خفيه
وسفه ينحرم من الهوا الهاب

وسفه ينحرم من الهوه وسفه
يزغيرون يلي ارويحتك ترفه
كون بمهد دافي يالولد تغفه
صوبت الكلب يالولد نشّاب

صوبت الكلب نشاب يايمه
عين امك لفكدك يالولد تعمه
تنعاك بحزن والروح تتغمه
تنعاك بألم من تنظر الباب

من تنظر الباب يهل دمعهه
بهيده تنوحلك وتون وجعهه
يامظلومه يالكسروا ضلعهه
وفكدك زادهه والكلب لهاب

تسعر نار فكدك يالزغيرون
يالمحسن وسف ياماي العيون
لجله الكون مترب صار محزون
والاملاك عازت بيك ابوتراب

تمت بقلم خادمه اهل البيت ع
ام زهراء الفااطميه
اسالكم الدعاء