Core Batch Channel @corebatchchannel Channel on Telegram

Core Batch Channel

@corebatchchannel

السلام عليكم
القناة مخصصة للأخبار التي تخص الدفعة كاملة

رابط القناة
https://t.me/CoreBatchChannel

Core Batch Channel (Arabic)

مرحبًا بكم في قناة Core Batch Channel! هذه القناة مخصصة لنشر أحدث الأخبار والتحديثات التي تخص الدفعة كاملة. سواء كنت طالبًا أو مهتمًا بالمواضيع التي تهم هذه الدفعة، فإن هذه القناة هي المكان المناسب لك. تستطيع الاطلاع على كل ما هو جديد ومفيد لهذه الدفعة من خلال الاشتراك في القناة ومتابعة آخر التطورات. سواء كنت تبحث عن معلومات حول الأحداث القادمة أو ترغب في البقاء على اطلاع دائم بكل جديد، فإن هذه القناة ستلبي احتياجاتك. تفضلوا بالانضمام إلينا من خلال الرابط التالي: https://t.me/CoreBatchChannel

Core Batch Channel

21 Feb, 15:05

تذكير :

فورم اللي لسا ما سجلوا للفصل القادم وعندهم امتحان الاسبوع الجاي بنتهي التسجيل فيه مع نهاية اليوم

اللي ما سجل فيه يسجل لو سمحتم
550
Core Batch Channel

20 Feb, 13:12

يعطيكم العافية يا رب

#حضور_الكتروني

أي حدا راح يداوم الروتيشن الجاي بغير قروبه الرسمي الموجود بالقوائم التالية فضروري جدا يعبي هذا الفورم عشان نرجع نرتب القوائم

🔸القائمة الرسمية: بالملف تحت

🔸الفورم:
https://forms.office.com/r/JKm4v4uDYB

العمادة خبرونا انه راح يبلش تطبيق الحضور الالكتروني (QR) من الروتيشن الجاي فبالتالي لازم يكون في قوائم بأسماء كل الطلاب وتوزيعتهم الصحيحة على القروبات

ما عندي تفاصيل حاليا اقدر اجاوبكم عليها عن الحضور الإلكتروني، فكل اشي بعرفه حاليا راح اكتبه بهاي الرسالة

الطريقة اللي راح تتطبق النا غالبا تكون شبيهة بتبعت طلاب خامسة وهي كالتالي:

🔸حاليا بتم تطبيقه بالمؤسس وراح يصير بالمستشفيات الطرفية بس يصير في ايميلات جامعية للدكاترة

🔸 الحضور بتم أخذه مرتين باليوم مرة بداية الراوند ومرة نهايته ولازم عالاقل يكون بينهم ساعتين

🔸كل قروب بوخذ حضور عند الدكتور اللي مداوم عنده حصراً

🔸 المدة بين اول واحد وآخر واحد بسجل حضور لازم تكون 20 دقيقة كحد أقصى ، أي حدا تأخر عن ال20 دقيقة بتسجل غياب

هاي التفاصيل اللي حاليا لخامسة واذا في اي تحديثات خاصة فينا بخبركم عنها قبل بداية الروتيشن

🔻وأهم اشي اللي راح يتغير دوامه عن قروبه الرئيسي اللي بالقوائم يعبي الفورم ، معكم لنهاية يوم السبت

بالتوفيق
984
Core Batch Channel

20 Feb, 12:16

شكله في عدد كويس ما انتبه لهاي الرسالة

يا جماعة اللي نزلت له المواد لحالها عادي ما يعمل اشي أموره تمام خلص 👀
887
Core Batch Channel

19 Feb, 22:58

يعطيكم العافية

أي حدا بده يمتحن الاسبوع الجاي وما راح يكون مسجل المواد للفصل الثاني ضروري يعبي الفورم عشان ندخل اسماءكم على الامتحانات

https://forms.office.com/r/Z1G6cfPkK2

🔻معكم لحد نهاية يوم الجمعة

بالتوفيق يا رب
927
Core Batch Channel

17 Feb, 19:08

يعطيكم العافية جميعا

والد زميلنا بالدفعة محتاج وحدات دم ضروري زمرة A- بمستشفى المؤسس

ياريت اذا حد بقدر يتبرع اليوم او بكرا يروح ويساعد اذا سمحتم

🔸التبرع باسم: احمد ابوعويضة
🔸للتواصل: 0779765712

واذا ما بتقدروا خبروا اللي بتعرفوهم

ربنا يشافيه ويعافيه ويجزيكم الخير
1,456
Core Batch Channel

17 Feb, 16:50

بمناسبة اليوم العالمي لسرطان الاطفال ، يقيم اتحاد الطلبة الجامعي في كلية الطب البشري بالتعاون مع عمادة شؤون الطلبة و مشفى الملك المؤسس / قسم الاطفال ، فعالية " معًــا " لدعم مرضى السرطان من الأطفال و ادخال الفرح و البهجة في نفوسهم

- يوم الاربعاء ١٩/٢/٢٠٢٥
- تمام الساعة ٩ صباحا و حتى ١١ صباحا

رابط التقديم : Click Here

ممثلة كلية الطب - حياة القضاة
1,123
Core Batch Channel

12 Feb, 20:30

يعطيكم العافية

* بكرة الدوام طبيعي كما هو ما في اي تغيير

* شيّكت مع إدارة الحركة الباصات المستشفيات وكله راح يكون تمام بكرة

بالتوفيييق
1,874
Core Batch Channel

05 Feb, 19:51

اللي بقدر يساعد ما يقصر

https://www.facebook.com/share/p/19pwWKSvqR/
2,672
Core Batch Channel

05 Feb, 11:20

يعطيكم العافية

بآخر المواد المسجلة عالخدمات....

1) اللي نزلتله مساقات الايلكتف الثنتين مع النسائية = خلص أموره تمام

2) اللي بس نزلله نسائية لحالها = يسجل الايلكتف يدوي زي ما شرحت بالرسالة المثبتة

3) اللي ما نزلله اشي = يتأكد انه مخلص أمور الدفع كاملة وخدمة العلم، ولو مخلصهم يصبر على المواد لحد ما ينزلوا
2,203
Core Batch Channel

05 Feb, 01:04

تعديل على نقطة 5️⃣ هون

اي حدا عنده مواد حرة او إجبارية بده يسجلها بدل ما يقدم استدعاء خطي = يعبي هذا الفورم بحد أقصى يوم السبت الساعة 10 المساء

https://forms.office.com/r/k64WAFthCe
2,158
Core Batch Channel

03 Feb, 16:36

Core Batch Channel pinned «يعطيكم العافية يا رب #إجراءات_التسجيل بدي اذكركم انه من تاريخ 5/2 (بعد بكرة) راح يبدأ التسجيل للفصل القادم فأولا شوفوا هاي الرسائل السابقة: 🔸الرسالة الأولى (مواعيد مهمة والغرامات) 🔸الرسالة الثانية (تفاصيل التسجيل) ----- والإجراءات للتسجيل كالتالي :…»
0
Core Batch Channel

03 Feb, 16:36

يعطيكم العافية يا رب

#إجراءات_التسجيل

بدي اذكركم انه من تاريخ 5/2 (بعد بكرة) راح يبدأ التسجيل للفصل القادم

فأولا شوفوا هاي الرسائل السابقة:
🔸الرسالة الأولى (مواعيد مهمة والغرامات)
🔸الرسالة الثانية (تفاصيل التسجيل)

-----

والإجراءات للتسجيل كالتالي :

1️⃣ تحطوا الرسوم المطلوبة بحسابكم لانه بدون الفلوس ما راح يزبط التسجيل، بتقدروا تعرفوا المبلغ من (خدمات الطالب - مالية الطالب - مالية الطالب)

2️⃣ الشباب الأردنيين يأجلوا دفتر خدمة العلم

3️⃣ تتأكدوا بالأول انه تنزل عندكم النسائية على (الخدمات - آخر المواد المسجلة)، وما تعملوا اي خطوة بعدها لحد ما تكون النسائية نزلت، راح تبلش تنزل ابتداء من يوم الأربعاء

4️⃣ تدخلوا على موقع التسجيل وتسجلوا مساقين الايلكتف 1 و 2، ضروري تسجلوا المساقين ما تتركوا اشي منهم🔻

موقع التسجيل:
https://services.just.edu.jo/sturegistration/

أرقام السطر المساقات الايلكتف:

** لأغلب طلاب الدفعة (خطة جديدة)
مساق اختياري 1 - 105910
مساق اختياري 2 - 105920

** للخطة القديمة
مساق اختياري 1- 106910
مساق اختياري 2 - 106920

ورقم الشعبة بكون (1) بغض النظر شو سجلت

5️⃣ اللي لسا عنده مواد حرة او إجبارية ما خلصها = يقدم استثناء تجاوز حد أعلى من الخدمات، ويعبي هذا الفورم ضروري جداا

الفورم بسكر السبت الساعة 10 المسا

https://forms.office.com/r/k64WAFthCe

هيك بتكون كل أمور التسجيل تمت

بالتوفيق ان شاء الله
2,130
Core Batch Channel

30 Jan, 11:13

مبارك يا جماعة 🎉

ربنا يتمم على خير للجميع ❤️
2,420
Core Batch Channel

29 Jan, 17:02

اي حدا معنا بسنة سادسة حاليا وعنده طب أسرة بدل الايلكتف بخطته يا ريت يعبي الفورم

معكم لحد نهاية بكرة الخميس

https://forms.office.com/r/BJy2q2aYFj
2,407
Core Batch Channel

29 Jan, 12:48

يعطيكم العافية يا رب

مواعيد التسجيل والغرامة كلها في الرسالة المثبتة فوق

تسجيلنا لآخر فصل بالجامعة راح يكون 18 ساعة مقسم كالآتي (للجميع بغض النظر شو دوامك وشو قروبك) :

- 9 ساعات نسائية (هاي بتتسجل بشكل تلقائي خلال يوم او يومين من لما تدفع الرسوم)

- 9 ساعات اليكتف عبارة عن مساقين (اختياري 1 واختياري 2 حسب الخطة كل واحد 4.5 ساعة) وهذول لازم احنا نسجلهم زي ما كنا نسجل المواد الحرة والاجبارية باستخدام موقع التسجيل وإدخال رقم السطر

🔴تنبيه مهم : ما حدا يروح يسجل الاختياري قبل ما يتأكد انه مساق النسائية نزل عنده عالخدمات (التسجيل - اخر المواد المسجلة)

اذا سجلتوا مساقات الايلكتف بالأول، فمجرد ما تنزل النسائية بتنحذف مساقات الايلكتف من عندكم

🔸بتاريخ 5/2 راح يفتح التسجيل وتقدروا تسجلوا مساقات الايلكتف، لكن بدكم تتأكدوا انه النسائية نزلت بالأول

🔸بعد تاريخ 22/2 اذا ما كنت دافع بتقدر تدفع بس بغرامة لحد تاريخ 1/3

🔸بعد 1/3 ما في تسجيل إلكتروني نهائيا واللي بتأخر بالدفع لبعد هذا التاريخ راح يضطر يروح عالعمادة ويجيب ورقة لا مانع ويعطيها للقبول والتسجيل

🔻للتأكيد : بغض النظر شو دوامك او قروبك فالتسجيل هو عبارة عن نسائية بتنزل لحالها وثم مساقات الايلكتف اللي بتسجلوها عن طريق موقع تسجيل المواد

بالتوفيق للجميع وبهذا الفصل بتكون انتهت رحلة تسجيلنا ❤️
2,673
Core Batch Channel

25 Jan, 16:30

عنا فورمين سريعات لابحاث لدكاترتنا يا ريت تعبوهم

الفورم الأول (د احلام من قسم الفاميلي) : اضغط هنا

الفورم الثاني (د انوار من قسم الباثو) :
اضغط هنا
2,589
Core Batch Channel

24 Jan, 19:22

تفاصيل الايلكتف لشهر 3 و4 على قناة قروب D

الفورمات للتسجيل في مستشفيات الصحة او العسكري بنتهي التسجيل فيها الجمعة الجاية 31/1 وبعدها ما راح يرجع ينفتح المجال

كل التفاصيل : اضغط هنا
2,537
Core Batch Channel

23 Jan, 02:55

يعطيكم العافية

وصلت قبل يومين دفعة ثالثة من التصاريح العسكرية موجودة عند استاذ فيصل ذيابات - قاعة ابو طويلة

** أسماء الدفعة الجديدة موجودة بالصورة

للآن ظل حوالي 25 تصريح لسا قيد التجهيز ان شاء الله يوصلوا مع بعض بآخر دفعة ويكون الكل أخذ تصريحه، التأخير من مكتب التصاريح نفسه واحنا من زمان باعثين الاسماء الهم

اللي ما استلم تصريحه فممكن يكون تصريحه وصل بالدفعات السابقة وما انتبه، بترك لكم لينكاتهم هون

* اللي قدموا على التصريح من شهر 3 السنة الماضية Click Here
* أول دفعة تصاريح وصلت بتاريخ 7/10/2024 Click Here
* ثاني دفعة للتصاريح بتاريخ 21/10/2024 Click Here
2,704
Core Batch Channel

19 Jan, 00:23

يعطيكم العافية
لأنه كثير منكم سألوني عن موعد حفل التخريج تبع الجامعة اللي بالملعب...

ف لحد الآن ما في خبر عن موعد محدد من عمادة شؤون الطلبة لحفل التخرج بالملعب...

وهذا اللي خبروني اياه من تواصلي معهم قبل كم يوم، والموعد ببين مع بداية الفصل الثاني بشهر 2 او 3

الصيفي هاي السنة راح يبدأ بتاريخ 6/7/2025، فبالعادة الحفل بكون بفترة حولين بداية الصيفي

🔴 لما يتحدد الموعد بالضبط بخبركم عنه عشان تقدروا ترتبوا اموركم للسفر وترتبوها مع أهاليكم على خير
2,907
Core Batch Channel

15 Jan, 19:35

لا اله إلا الله وحده، صدق وعده، ونصر عبده، وأعز جنده، وهزم الأحزاب وحده

الحمد لله رب العالمين على هذا النصر، وربنا يبشرنا بتحريرها كاملة عن قريب...
2,676
Core Batch Channel

14 Jan, 15:25

يعطيكم العافية جميعًا

زميلنا يحيى البشايرة عمل الفورمات التالية عشان نجمع تجارب كل الطلاب اللي عملت او بدها تعمل اليكتف برا الاردن

هذا راح يساعدنا نجمع أرشيف كبير لتجارب الطلاب بالمستشفيات المختلفة وتساعد الطلاب اللي ناويين يعملوا ايلكتف لقدام

يا ريت تعبوهم عشان نجمع اكبر عدد ممكن من التجارب السابقة

🇺🇲 USA Electives:
https://forms.gle/byGA6NcFCnDbdh2V8

🇬🇧 UK Electives:
https://forms.gle/ZtnudJ2roTqTDi6w6

Other Countries Elective:
https://forms.gle/BWCauWkqFjq2Qhvq5
2,715
Core Batch Channel

08 Jan, 13:56

اليوم نزلت الجامعة التواريخ للفصل الجاي ، فعدلت تواريخ الدفع مع وبدون غرامة بتقدروا تشوفوهم بالرسالة المثبتة
3,020
Core Batch Channel

01 Jan, 18:27

#UWorld_Discount

https://www.facebook.com/share/p/15pgc6t4by/
3,543
Core Batch Channel

29 Dec, 11:04

الطلاب اللي أسماءهم بالقائمة لازم يسددوا رسوم الفصل ويسجلوا المواد

بس تدفعوا وتتاكدوا من خدمة العلم (للشباب الأردنيين) راجعوا العمادة جيبوا ورقة "لا مانع" وروحوا على القبول والتسجيل عشان ينزلولكم المواد

واللي دافع ومخلص بس ما نزلت له المواد يتأكد انه المبلغ اللي دافعه كافي لرسوم الساعات مرات بكون ناقص مبلغ بسيط
3,821
Core Batch Channel

15 Dec, 19:24

مطلوب وحدات دم في مستشفى الملك المؤسس باسم:
علاء الدين جابر العجوز

والتبرع بأي زمرة دم ما بتفرق

اللي بقدر يتبرع ما يقصر ❤️
4,099
Core Batch Channel

15 Dec, 07:20

لل11 اخر موعد ضروري تنبهوا الأسماء اللي بالقائمة
3,906
Core Batch Channel

15 Dec, 06:43

الأسماء اللي هون ضروري يشيكوا على وضعهم
2,941
Core Batch Channel

15 Dec, 06:42

صباح الخير

اي حدا عنده امتحان إلكتروني اليوم ومش مكمل إجراءات تسجيل هذا الفصل يعبي هذا الفورم ضروري بأسرع وقت

🔸كيف اعرف اني مكمل إجراءات التسجيل؟ على الخدمات - آخر المواد المسجلة ، اذا نازل باطني واطفال فهيك امورك تمام (بغض النظر شو امتحانك)

معكم للساعة 10:15 عشان العمادة تقدر تدخل اسماءكم لمركز الحاسب وتمشي اموركم

https://forms.office.com/r/YdMxYHyjTc
3,518
Core Batch Channel

13 Dec, 15:03

جميع سنوات الميجرات للميني اوسكي موجودة هون بهاي القناة

بالتوفيق للجميع
2,510
Core Batch Channel

11 Dec, 20:20

هذا قروب للكلية على موقع LinkedIn عملته العمادة لحتى يضم جميع الطلاب والخريجين والدكاترة من كليتنا ويفتح المجال لفرص قادمة بالمستقبل ان شاء الله

تأكدوا انكم تدخلوه وتتابعوه

Linked In Group
3,096
Core Batch Channel

10 Dec, 13:02

الموعد المبدئي لصورة الدفعة الأولى راح يكون يوم الخميس 19/12

وراح يكون في صورة ثانية للدفعة أيضا بشهر 1 او شهر 2 بحيث تشمل أي حدا مسافر او ما كان موجود بأول صورة

** الهدف من عمل صور الدفعة خلال هالفترة انه يتم الاستفادة منها بمكان الدفاتر بالممر بين القبة والكلية، وأيضا لحتى يتم وضعها جوا دفاتر التخرج، ويمكن انتبهتوا لصورة دفعة مجد اللي موجودة للآن بالممر

فقروب E اللي حيسافروا يحاولوا جهدهم انهم يكونوا موجودين بالصورة الأولى، وقروب A اللي مسافرين وأي حدا مش موجود حاليا حقكم محفوظ بالصورة الثانية اكيد 😁
2,739
Core Batch Channel

10 Dec, 12:58

📸 #صورة_الدفعة

يعطيكم العافية جميعًا! 🌟

بنحب نخبركم إنه صورة دفعتنا الرسمية رح تكون يوم الخميس الأسبوع الجاي، الموافق 19-12 إن شاء الله، في مجمع القاعات التدريسية (المول) الساعة 11:30 صباحًا.

🔹 ملاحظة مهمة:

•التوقيت مبدئي، وحاليًا بننسق مع العمادة على هذا الأساس.
•الصورة نعملت بهيك وقت عشان كلنا نكون خلصنا الامتحانات الي علينا وعشان الكل يكون موجود ويقدر يحضر.

🔸 للي ما بقدر يحضر:
إذا ما قدرتوا تكونوا موجودين يوم الخميس، رح نرتب صورة ثانية لقدام بوقت يناسبكم بشهر 1 أو 2 إن شاء الله للأشخاص الموجودين خارج الأردن حاليًا أو اللي ما بقدروا يحضروا.

لا تنسوا تجيبوا معكم اللاب كوت عشان الصورة تطلع بأحسن شكل.

شكراً لتعاونكم جميعًا! ❤️
2,278
Core Batch Channel

09 Dec, 06:22

9/12/2021
الذكرى الثالثة لوفاة زميلنا وصديقنا طه العمري

اللهم ارحمه واغفر له وأسكنه فسيح جناتك

اللَّهُمَّ أبدله داراً خيراً من داره، وأهلاً خيراً من أهله، وأدخله الجنّة، وأعذه من عذاب القبر ومن عذاب النّار.

اللهمّ إنّه صبر على البلاء فلم يجزع، فامنحه درجة الصّابرين، الذين يوفّون أجورهم بغير حساب، فإنّك القائل "إنّما يوفّى الصّابرون أجرهم بغير حساب".

لا تنسوه من صالح دعائكم
2,467
Core Batch Channel

08 Dec, 06:26

اللهم بارك لنا في شامنا ♥️

الحمد لله رب العالمين
2,650
Core Batch Channel

03 Dec, 19:00

هذا فورم من العمادة لموضوع بخص طلاب البيسك وبالذات للسستمات

ملخص الموضوع انه هل بتشوفوا نظام العلامات ميد فاينل 60-40 كان ممتاز للسستمات؟

ولا لو تقسمت العلامة على فيرست سكند فاينل 30-30-40 راح يكون الوضع افضل؟

شاركوا بآراءكم لحتى تفيدوا الدفعات الأصغر بعد اذنكم

رابط الفورم : اضغط هنا
3,342
Core Batch Channel

01 Dec, 08:59

مع تعديل موعد بداية الدوام من رئاسة الجامعة للمحاضرات

- ما في اي دوام ببدأ قبل الساعة 9، اي اشي كان أبكر من هيك بصير على الساعة 9 او حسب شو بتخبركم الاقسام

- الباصات للمستشفيات الطرفية راح تصير تتحرك الساعة 9 برضو من الجامعة بدلا من الساعة 8:30

هذا الحكي ابتداءً من اليوم

بالتوفيق للجميع
3,601
Core Batch Channel

28 Nov, 09:37

يعطيكم العافية

#MiniOSCE_PYQs

مع قرب امتحانات الروتيشن، جهزوا زملاءنا قناة تيليغرام فيها ملفات أسئلة السنوات لكل الميجرات مع توضيح شو كل ملف بشمل، وتم اضافة الروابط للسنوات اللي مش مشمولة فيها بطريقة مرتبة وراح تفيدكم كثير ان شاء الله

🔸لينك القناة:

https://t.me/miniOSCE_C

بالتوفيق جميعا
4,031
Core Batch Channel

26 Nov, 07:23

الطلاب اللي أسماءهم بالقائمة لازم يسددوا رسوم الفصل ويسجلوا المواد

بس تدفعوا وتتاكدوا من خدمة العلم (للشباب الأردنيين) راجعوا القبول والتسجيل

واللي دافع بس ما نزلت له المواد يتأكد انه المبلغ اللي دافعه كافي لرسوم الساعات
3,462
Core Batch Channel

23 Nov, 20:51

#Radiology_Interest_Group

ثالثاً : تم تشكيل Radiology Interest Group في الكلية بالتعاون مع قسم الأشعة...

وراح يكون عندهم فعالية يوم الخميس بعد اسبوعين بتاريخ 5/12 بالقاعة الحمراء

فهاي قناة التيلغرام الخاصة فيهم وموجود فيها كل تفاصيل النشاط وفورم التسجيل اله🔻

🔹لينك القناة:
https://t.me/rig_just
3,361
Core Batch Channel

23 Nov, 20:48

#قناة_التخرج

ثانياً: بذكركم بقناة التخرج عالتيلغرام اللي بتنزل عليها كل التفاصيل للفترة الجاية من تجهيز الدفاتر وغيرها

فادخلوا القناة وشوفوا اخر بوست نزل اليوم عن الموضوع وتابعوا باقي التفاصيل هناك

🔹رابط القناة:
https://t.me/+BvzMT6Wv27VkMWVk
2,921
Core Batch Channel

23 Nov, 20:46

مساء الخير

اولا بالنسبة لطلاب قروب E بذكركم انه اخر موعد لتسجيل مستشفيات الايلكتف لشهر 1 و2 هو يوم الاثنين بعد بكرة الساعة 4 العصر

لا تنسوا تسجلوا المستشفيات اللي بدكم اياها ضروري ، وإلا راح تضطر العمادة هي توزعكم بين مستشفى المؤسس والمركز الصحي

الطلاب اللي لسا أمورهم مش مبينة او لسا مقابلتهم للفيزا ما اجت يعبوا الفورم بالمستشفيات اللي بدهم اياها بالأردن احتياطاً عشان يضمنوا مكانهم
2,898
Core Batch Channel

19 Nov, 14:57

يعطيكم العافية يا رب

للطلاب اللي راح يعملوا ايلكتف بشهر 1 و 2 داخل الأردن، ضروري تسجلوا بالفورم اسم المستشفى والقسم اللي بدكم تعملوا فيه الايلكتف

🔻اخر موعد للفورم هو الاثنين القادم 25/11 الساعة 4 العصر

https://forms.office.com/r/zN7ktRnJxN

🔸اللي بده يسجل للعسكري يعبي الفورم أولاً..

وبعدها يبعث ايميل ل مس افتخار بصورة التصريح العسكري ويكون كاتب بالايميل اسمه والرقم الجامعي وانه عبى الفورم عندي

[email protected]

يا ريت ما حدا يتأخر بتعبئة الفورم والكل يكون مخلص أموره ومعبي

🔸مستشفى حمزة والمؤسس والاردنية والمستشفيات الخاصة المسموحة = بدهم كتاب مخاطبة من العمادة وما تعبوا الفورم إلهم، والكتاب بتقدروا توخذوه من العمادة قبل بأسبوعين من بداية الايلكتف تبعكم

هون قائمة المستشفيات = هنا
1,714
Core Batch Channel

18 Nov, 16:12

#لوحة_الشرف

باقي الأسماء لحد معدل 3.75
مبارك للجميع ❤️

https://www.facebook.com/share/p/17pPD3kVzW/
1,696
Core Batch Channel

18 Nov, 11:01

يا جماعة للتأكيد الجزء الإجباري بامتحان الكفاءة هو انكم تقدموه بس كمتطلب للتخرج

ناجح، راسب، مفلل، عالحفة، عادي ما بتفرق وما بأثر عالشهادة ولا بنكتب عليها وما بأثر على اي اشي ثاني

هو امتحان من التعليم العالي بس كتقييم للجامعات مش اكثر
1,766
Core Batch Channel

17 Nov, 16:50

تذكير بامتحان الكفاءة غدا الاثنين

يا ريت كل واحد يشيك على موعده قاعته ومقعده الموجودين بالقوائم ويلتزم فيهم
1,735
Core Batch Channel

17 Nov, 06:11

تذكير للي ما راح يقدروا يحضروا الامتحان انهم يعبوا الفورم ، يا ريت لنهاية اليوم تكونوا عبيتوه
1,666
Core Batch Channel

16 Nov, 21:59

يعطيكم العافية

لسا في عدد من اللي عملوا ايلكتف ما سلموا أوراقهم ولا بعثوها ل مس افتخار

ضروري بكرة تكونوا كلكم باعثينهم عالايميل الها

اي حدا ما بسلم أوراقه العمادة بتعتبره ما عمل الايلكتف فانتبهوا عالموضوع

==

هذا تطبيق اشتغلوا عليه زملاءنا بساعد بأخذ الهستوري وبلخصه وبرتبه، موجودة تفاصيله بالبوست -> هنا
2,179
Core Batch Channel

15 Nov, 14:45

🔹بوست تفاصيل التخرج من زميلنا محمد عناب

بوست قروب الدفعة
https://www.facebook.com/share/xT1t3b1PBcEkuvWP/?

🔹وكل التفاصيل القادمة راح تكون على قناة التيلغرام الخاصة بالتخرج

قناة التيلغرام:
https://t.me/+BvzMT6Wv27VkMWVk
1,837
Core Batch Channel

15 Nov, 14:13

مسؤول التخرج

https://www.facebook.com/share/1De9Q1kRwD/
1,954
Core Batch Channel

14 Nov, 17:13

المترشحين، وفترة عرض البرامج

https://www.facebook.com/share/15piD8YAyP/
1,909
Core Batch Channel

14 Nov, 09:33

تذكير :
بتنتهي فترة الترشح الساعة 7 مساءً
1,937
Core Batch Channel

12 Nov, 19:35

بوستات التخرج - الجزء الثاني 👀

https://www.facebook.com/share/15KMrZ7u37/
2,163
Core Batch Channel

11 Nov, 16:32

اللي سلم وراقه من قبل عند مس افتخار او مس ليلى ما في داعي يرجع يبعث
2,354
Core Batch Channel

11 Nov, 13:29

لوحة الشرف للعام الماضي

https://www.facebook.com/share/1Awo4PAxL3/
2,548
Core Batch Channel

11 Nov, 10:14

يعطيكم العافية

مع تغيير عميد كليتنا كثير من الاسئلة بتنطرح حاليًا من العمادة خصوصًا عن الكلينيكال وعن الأمور اللي بتقدمها كلية الطب

هذا الفورم راح يساعد العمادة تاخذ فكرة عن رأي الطلاب في عدة مواضيع بتخص التدريس والتعامل مع الطلاب وتفهّم آراءهم وغيرها..

وبآخر اجتماع النا بين سي ارات الميجر مع العمادة كثير كانوا مهتمين يوخذوا فيد باك من الطلاب، واحنا وصلنالهم عدة نقاط من اللي تكررت عليها ملاحظاتكم لحتى يوخذوها بعين الاعتبار

بإمكانكم أيضا في نهاية الفورم تكتبوا اي ملاحظات ببالكم، والفورم بوصل للعمادة مباشرة

https://docs.google.com/forms/d/e/1FAIpQLSdySqYlC-MRMwxf_bBGvV7wh9YKnp5z6K_IY9aR7Papk9E9EQ/viewform?usp=sf_link
2,680
Core Batch Channel

10 Nov, 19:20

اللي عملوا ايلكتف بشهر 9 و10 معهم لحد نهاية هذا الأسبوع يبعثوا أوراق الحضور والتقييم للعمادة على ايميل مس افتخار

[email protected]

- اكتبوا بالايميل:
* الاسم
* الرقم الجامعي
* كل شهر بأي قسم وبأي مستشفى عملتوا الايلكتف تبعكم
* ارفعوا صور ورق الحضور والتقييم

🔻 ضروري تكتبوا المعلومات المذكورة فوق بالايميل كتابةً

🔻 اللي عملوا الايلكتف برا الأردن يبعثوا ورق التقييم فقط وما في داعي لورق الحضور والغياب
2,564
Core Batch Channel

10 Nov, 16:01

مساء الخير صميم ❤️

#امتحان_الكفاءة_الجامعية

يوم الاثنين القادم 18/11 راح يتم عقد امتحان الكفاءة الجامعية، وهو امتحان من وزارة التعليم العالي لجميع الطلاب المتخرجين، تقديمه إجباري للحصول على شهادة التخرج لكن ما بتهمّ العلامة سواء نجحت او لا

لازم الكل يقدم الامتحان وما راح يكون في راوندات بهذاك اليوم

🔸وهذا ملف بتوزيع الأسماء على القاعات، دوروا على اسمكم فيه ومكان القاعة ورقم المقعد وضروري تلتزموا فيهم

Click Here

🔸اللي طالعين ايلكتف خارج الأردن او بمناطق بعيدة داخل الأردن وما راح يقدروا يحضروا = يعبوا هذا الفورم ضروري عشان نبعث الأسماء للعمادة

https://forms.office.com/r/9ppWEH0c53


🔹هذا كتيب بالتعريف عن الامتحان

Click Here

بالتوفيق للجميع
2,433
Core Batch Channel

08 Nov, 16:35

مسابقة عاملينها AMOppurtinities وفيها 3 فرص اليكتف مجانية لأمريكا

Hi Jordan University of Science and Technology (JUST) team,

As one of our valued partners, we’re thrilled to share a special opportunity for your students! AMOpportunities is offering a clinical rotation giveaway, where three entrants will win a free U.S. clinical experience. To participate, students need to create an AMO account, submit a 300-word story about their medical education journey, and include a relevant photo.

The contest runs to November 15th, with winners announced on November 30th. Here’s the entry link: https://landing.amopportunities.org/rotation-giveaway-2024-famo
2,180
Core Batch Channel

07 Nov, 11:51

يعطيكم العافية

هذا إعلان من العمادة بخصوص تسجيل الايلكتف بمستشفيات الأردن لفترة قروب E بشهر 1 و2 ، والتسجيل راح يكون عالفورم الموجود في آخر الرسالة

والمجال فتحته العمادة من الآن لانه المستشفيات صارت تطلب اسماء الطلاب المتدربين قبل بوقت اكبر، لحتى تكون الكتب والمعاملات الرسمية جاهزة بحلول وقت الايلكتف وما حدا يتغلب او يروحوه

** ملاحظة عن مستشفى بسمة انه قروب A ما زبط يسجلوا فيه بسبب انه المستشفى رفض يستقبل اعداد كبيرة من الطلاب، والعمادة راح تحاول تزبط الأمور بلكي مشيت للقروبات الجاية

فاللي بحب يسجل ايلكتف بمستشفى بسمة بده يكون عارف انه في احتمال ما تزبط وممكن يضطر يغيره لما الموضوع يتثبت، ولما ييجي يغير بهذاك الوقت راح تكون الخيارات محدودة على مستشفيات معينة

🔻الديدلاين للفورم = 25/11

https://forms.office.com/r/zN7ktRnJxN
2,542
Core Batch Channel

04 Nov, 10:29

مطلوب التبرع بأي نوع زمرة دم، بمستشفى المؤسس

باسم المريضة: نجاح أحمد ردايدة

المريضة وضعها حرج جدا وكل الي بقربولها مصابين بأمراض ما بقدروا يتبرعوا، فاللي بقدر ما يقصر
2,354
Core Batch Channel

03 Nov, 07:25

وبالنسبة للي انطلب منهم كتاب فهاي هي الكتب الموجودة بالصور
2,478
Core Batch Channel

03 Nov, 07:22

يعطيكم العافية
الطلاب اللي عندهم ايلكتف ببسمة هذا الشهر يداوموا اليوم بالمؤسس، وبعد ما يخلصوا الراوند يمروا على مس ليلى بالعمادة

مستشفى بسمة اعتذر عن استقبال كل الأعداد هاي فاللي مقدمين على ايلكتف راح يضطروا يغيروا مكان دوامهم لهذا الشهر، فمروا عند مس ليلى ورتبوا الأمور عندها
1,861
Core Batch Channel

02 Nov, 15:11

تخرج؟

بوست مهم...
https://www.facebook.com/share/p/jJyy1kYXk1g1ZSVA/
1,827
Core Batch Channel

31 Oct, 12:45

للمهتمين

جلسة حوارية عن Multiple Sclerosis يوم الثلاثاء القادم في القاعة الحمراء الساعة 12:30 من تنظيم عمادة البحث العلمي

فورم التسجيل لحضور المحاضرة:
https://forms.gle/hHjM8bfEB74XShJ86
1,826
Core Batch Channel

31 Oct, 10:28

الأسماء الإضافية للصحة
1,772
Core Batch Channel

31 Oct, 10:28

الأسماء الإضافية للعسكري
1,779
Core Batch Channel

31 Oct, 09:28

اي حدا قدم على ايلكتف صحة او عسكري واسمه مش موجود بالقوائم فوق ولسا ما بعث لي = يبعثلي خلال الساعتين الجايات للضرورة

اللي بعث لي امبارح او حكا مع مس افتخار ما في داعي يرجعوا يبعثولي والأمور تمام الهم
1,871
Core Batch Channel

30 Oct, 11:58

اسماء المقدمين على العسكري
2,168
Core Batch Channel

30 Oct, 11:57

أسماء المقدمين على ايلكتف بالصحة الروتيشن القادم
2,034
Core Batch Channel

29 Oct, 16:34

اللي مكمل أموره ودافع كل اشي ومع ذلك ما نزلتله المواد عالخدمات = بس يراجع القبول والتسجيل مرات بكون في بلوك عن التسجيل بمنع نزول المواد ولازم تروحوا تشيلوه

كيف تتأكدوا انكم دافعين كامل ؟
خدمات الطالب - مالية الطالب - مالية الطالب

وبتختاروا 18 ساعة
1,524
Core Batch Channel

29 Oct, 16:14

هاي قائمة أسماء الطلاب اللي لازم يكملوا أمور تسجيلهم بأسرع وقت

- يتأكدوا انه الدفع كامل لـ 18 ساعة
- الشباب الأردنيين يتأكدوا انه خدمة العلم مؤجلة
- بنات سكن الجامعة يتأكدوا انهم دافعين رسوم السكن

وبعد ما تتأكدوا من هاي الأمور تراجعوا القبول والتسجيل
1,431
Core Batch Channel

29 Oct, 09:31

اما بخصوص عطلة نص السنة

🔸اسبوع عطلة نص السنة للكل بلا استثناء
(الجمعة 27/12-السبت 4/1)

🔸بعدها كمان اسبوع عطلة للجميع "ما عدا اللي عندهم ايلكتف بشهر 1 لازم يداوموه"
(الأحد 5/1 - السبت 11/1)

ودوام الروتيشن الرابع للأقسام ببدأ الأحد 12/1
====

فالخلاصة :
قروب A عطلتهم اسبوعين
(27/12/2024 -11/1/2025)

قروب E عطلتهم اسبوعين
(20/12/2024 - 4/1/2025)

باقي القروبات عطلتهم 3 اسابيع
(20/12/2024 - 11/1/2025)
1,418
Core Batch Channel

29 Oct, 09:21

يعطيكم العافية

للتأكيد:
الروتيشن القادم ببدأ من يوم الأحد، وما في أسبوع عطلة قبله

🔻دوام الايلكتف 8 اسابيع:
(الأحد 3/11 - الخميس 26/12)

🔻دوام باقي الروتيشنات 7 اسابيع، "الامتحانات بالأسبوع السابع"، والثامن عطلة:
( الأحد 3/11 - الخميس 19/12)
1,364
Core Batch Channel

24 Oct, 09:46

الكتاب وصلنا اليوم والديدلاين اليوم 😬

اللي عنده مشروع معين بحب يشارك فيه يتواصل مع د ناصر عبيدات قبل نهاية اليوم

ايميل الدكتور :
[email protected]
1,675
Core Batch Channel

23 Oct, 13:10

فورم تقييم المستشفيات
يا ريت الكل يعبيه

Click Here
1,509
Core Batch Channel

23 Oct, 09:42

⚠️ساعة ونص وبتسكر الفورم

اللي لسا ما عباه من الطلاب اللي مش مسجلين موادهم وعندهم امتحان الاسبوع القادم يا ريت يعبيه
1,582
Core Batch Channel

22 Oct, 20:59

- اللي مداومين ايلكتف وما عندهم امتحان الاسبوع الجاي

- اللي نازل لهم باطني واطفال عالخدمات مع انه مداوم اشي ثاني

هذول الطلاب ما يعبوا الفورم أمورهم تمام
1,561
Core Batch Channel

22 Oct, 20:48

يعطيكم العافية

#الطلاب_غير_المسجلين

أي طالب مش مسجل مواده على خدمات الطالب - اخر المواد المسجلة (سواءً دافع رسومه او لا) يعبي هذا الفورم عشان تنزل أسماءكم على امتحانات الاسبوع الجاي

المواد اللي بتظهر عالخدمات (باطني + أطفال) بغض النظر شو مداومين

https://forms.office.com/r/0b7LGyN4G3

🔹معكم لبكرة الساعة 2 الظهر تعبوه

رجاءً تبعثوه لاي حدا لسا مش مسجل مواده وعنده امتحان الاسبوع الجاي للضرورة

** اللي ما عنده امتحان ما يعبي
1,543
Core Batch Channel

21 Oct, 16:59

اللي ما عنده تصريح ومتغلب مع الامن العسكري بالمستشفيات = يمر على استاذ فيصل بقدر يعطيكم تصريح مؤقت ل21 يوم
901
Core Batch Channel

21 Oct, 16:56

يعطيكم العافية

وصل اليوم 77 تصريح جديد عند الأستاذ فيصل ذيابات بقاعة أبو طويلة ، باقي التصاريح بجهزوا الفترة الجاية وببعثلكم هون لما يكونوا موجودين

الاسماء الموجودة حاليا بالقائمة التالية:
898
Core Batch Channel

20 Oct, 07:25

يعطيكم العافية

رسالة مهمة للي رايحين اليكتف بالروتيشن القادم (قروب A واللي عاملين روتيشن شِفت)

🔸ابتداءً من اليوم بتقدروا تسجلوا أسماء المستشفيات والأقسام اللي بدكم تداوموا فيها اليكتف داخل الأردن التابعة لوزارة الصحة او الخدمات الطبية الملكية في مكتب مس ليلى ابو سويد في العمادة، وبنتهي التسجيل يوم الخميس من هذا الاسبوع 24/10/2024

بتقدروا برضو تبعثوا ايميل ل مس افتخار بدل ما تروحوا عالعمادة، ويحتوي التالي :
- الاسم
- الرقم الجامعي
- قروب الايلكتف
- المستشفيات اللي بدكم اياها مع تحديد اي مستشفى لأي شهر

[email protected]

ولنفس الديدلاين اكيد

🔸اللي طالعين خارج الأردن او مداومين بمستشفى المؤسس / مستشفى الجامعة الأردنية / مستشفيات خاصة = بجيبوا Dean's Letter من عند مس ليلى وبسلموها للمستشفى قبل دوامهم عشان يتثبت اسمهم وبتقدروا تطلبوها تكون مكتوبة بالعربي براحتكم

لو المستشفى اللي برا الأردن ما بطلب Dean's Letter = عادي لو ما طلبتوها

🔸من ناحية الدوام: المسموح اما 8 اسابيع بقسم واحد (ميجر او ماينر) او كل 4 اسابيع بقسم مختلف، بس ما بنفع مثلا تداوموا 6 اسابيع باطني و2 جراحة، او 3 باطني 3 جراحة 2 اطفال

🔸بأكد على انه لازم تداوموا 8 اسابيع كاملات للايلكتف؛ يعني لو طلعتوا برا على اليكتف 6 اسابيع لازم تداوموا الاسبوعين اللي ظلوا بأي مكان ثاني، ويكون بنفس القسم اللي كنتوا مداومينه، يعني لو ال6 داومتوهم باطني فضروري تكملوا الاسبوعين اللي ظلوا بقسم الباطني بأي مستشفى ثاني (الطلاب اللي عاملين كامل اليكتفهم بقطر بشملهم هذا الكلام، فلو داوموا 6 اسابيع بقسم معين لازم يكملوا 2 بنفس القسم إلا لو ما لقوا فعادي يختلف القسم وقتها 🇶🇦)

🔸نهاية الايلكتف لازم تسلموا (فورم الحضور+فورم التقييم)

- لو غيرتوا المستشفى خلال الايلكتف بتقدروا تظلوا على نفس ورقة الحضور، اهم اشي اختام المستشفيات تكون موجودة عليها تحت
- كل قسم او مستشفى داومتوا فيه بتعطوهم ورقة تقييم يعبولكم اياها وبتسلموها

** اللي بعملوا ايلكتف برا الأردن = يسلموا ورقة التقييم فقط بنهاية الايلكتف

اللي بعملوه جوا الاردن = بسلموا التقييم + الحضور بنهاية الروتيشن

🔸لينكات الملفات لحتى تطبعوهم (موجودين عالدرايف) :
- لينك فورم الحضور والغياب : Click Here
- لينك فورم التقييم: Click Here

بالتوفيق جميعا ❤️
1,316
Core Batch Channel

16 Oct, 16:12

مسا الخير
اللي حوللي رسوم التصريح امبارح المسا الساعة 11:45 يبعث لي لو سمحتم
1,460
Core Batch Channel

15 Oct, 06:57

يعطيكم العافية يا رب

الأسماء الموجودة بالقائمة هي للي مقدمين عالتصاريح ولسا ما دفعوا رسومها

يا ريت لو تدفعوا الرسوم اليوم

- اما تسلموها لاستاذ فيصل بقاعة ابو طويلة
وتحكوله اسمكم
- او تبعثولي وتحولوهم الي كليك على محفظة زين كاش على الاسم التالي : SHANA3AH

رسوم التصريح 3 دنانير
1,609
Core Batch Channel

14 Oct, 10:08

يعطيكم العافية

🔻 للمرة الأخيرة 🔻

اي حدا بده يقدم على تجديد تصريح العسكري يبعثلي صورة تصريحه القديم عالمسنجر

ويحوللي رسومهم كليك على المحفظة (زين كاش)

🔸اسم الكليك: SHANA3AH
الرسوم 3 دنانير
1,621
Core Batch Channel

07 Oct, 10:10

الأسماء ما كانت تبين الا لتفتحوا الصورة، الصورة تعدلت
2,220
Core Batch Channel

07 Oct, 09:43

يعطيكم العافية

الأسماء اللي موجودة هون تصاريحهم جهزت وموجودة عند استاذ فيصل ذيابات

الطلاب اللي عندهم ايلكتف او مداومين راوندات بالعسكري وبمنعوهم يدخلوا او بسجلوهم غياب بقدروا يمرّوا على استاذ فيصل بقاعة ابو طويلة وبعطيكم تصريح مؤقت لنهاية هذا الروتيشن

باقي التصاريح لما تجهز ببعثلكم هون ان شاء الله
2,398
Core Batch Channel

06 Oct, 10:15

هون طريقة التاكد لو خلصتوهم كاملات او لا
2,047
Core Batch Channel

06 Oct, 10:14

يعطيكم العافية

اللي لسا ظل عليه مادة حرة او اجبارية وبده يسجلها بهذا الفصل يعبي الفورم ويحط معلوماته وتفاصيل المادة

https://forms.office.com/r/kahwt51uep

** بنتهي الفورم مع نهاية يوم غد الاثنين
2,146
Core Batch Channel

05 Oct, 15:26

تذكير انه اليوم اخر يوم للدفع بدون غرامة
2,101
Core Batch Channel

03 Oct, 06:14

عنا فورمين سريعات للدكاترة يا ريت تعبوهم

لقسم الENT:
CLICK HERE

لدكتور شاهر سمرة :
CLICK HERE
2,472
Core Batch Channel

02 Oct, 06:56

+ اي حدا بده ينقل عالعسكري يبعث صورة التصريح العسكري مع الايميل
2,405
Core Batch Channel

02 Oct, 06:12

يعطيكم العافية

اللي بده يغير مكان الشهر الثاني بالايلكتف بأي من مستشفيات الصحة او الخدمات من الطلاب اللي عندهم ايلكتف حاليا = يبعث ايميل ل مس افتخار بتتضمن:

- الاسم كامل والرقم الجامعي
- المستشفى اللي بده اياه
- القسم اللي بده اياه

🔻 معكم لنهاية اليوم فقط تبعثولها ايميل

ايميلها:
[email protected]
2,549

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.