ابد ما يحتاج اموت
انا جثة من الأساس
ليش كل ماجيت انام
ينهزم مني النعاس.
ومو عقل براسي ماضل
انه مااضل عندي راس..
انا جثة من الأساس
ليش كل ماجيت انام
ينهزم مني النعاس.
ومو عقل براسي ماضل
انه مااضل عندي راس..
آسِر
@clotrz
إنسان بمليون شخصية ..
https://t.me/KNOUY
آسِر (Arabic)
آسِر هو قناة تيليجرام مميزة تهدف إلى جلب الأفضل من مواد الترفيه والتسلية إلى جمهورها. تعتبر هذه القناة وجهة مثالية للحصول على محتوى متنوع وممتع في عدة مجالات مثل الأفلام والموسيقى والكوميديا والألعاب وغيرها الكثير. مع تقديم محتوى مختار بعناية وجودة عالية، يمكن للمشتركين في قناة آسِر الاستمتاع بتجربة فريدة وممتعة على مدار الساعة. يمكنكم الانضمام إلى آسِر من خلال زيارة الرابط التالي: https://t.me/KNOUY. إذا كنت من محبي الترفيه والتسلية بأفضل جودة، فإن آسِر هي القناة المناسبة لكم. انضموا الآن واستمتعوا بمحتوى حصري وممتع!
آسِر
27 Jan, 21:48
بعدني أشتاگلك يا لچمة سنيني
أثر جدمك عُبر مني محطات
وأثر صوتك لـ هاي اللحظة يچويني .
أثر جدمك عُبر مني محطات
وأثر صوتك لـ هاي اللحظة يچويني .
آسِر
27 Jan, 00:12
نرتاح شوكت ؟
والعمر ماله حدود
خاب التعب ضل ينشاف
حته بسوالفنه
بله بيا بخت
نكضي العمر حسرات
الفرح مامر علينه
الحزن صاحبنه
لايغرك شكلنه !
وتكول ذوله كبار
صغيره اعمارنه
والوكت شيبنه
والعمر ماله حدود
خاب التعب ضل ينشاف
حته بسوالفنه
بله بيا بخت
نكضي العمر حسرات
الفرح مامر علينه
الحزن صاحبنه
لايغرك شكلنه !
وتكول ذوله كبار
صغيره اعمارنه
والوكت شيبنه
آسِر
24 Jan, 22:24
كُلشي بيّدك ..
حَتى هِاي الضحّكة
تگِدر إنتَ ترسِمها أعلىٰ شفتِي
حَتى حُزني بچَلمة مِنك
ينچَفي و تصغَر دمعتِي
حَتى هِاي الضحّكة
تگِدر إنتَ ترسِمها أعلىٰ شفتِي
حَتى حُزني بچَلمة مِنك
ينچَفي و تصغَر دمعتِي
آسِر
23 Jan, 22:29
كارهنِي جاني الحَچي
وتگول ماريدة
وجرة اثبات السَفن
خلِي يجُر ايدة
چا مو بكلشي سوة ؟
چنة على كلشي سوة
حتى على سِمع الشَعر
نوَگف البيت الحلو
وثنينّة نعيدة
حَاسب لكُلشي چنت
بس نخرب بعيدَة .
وتگول ماريدة
وجرة اثبات السَفن
خلِي يجُر ايدة
چا مو بكلشي سوة ؟
چنة على كلشي سوة
حتى على سِمع الشَعر
نوَگف البيت الحلو
وثنينّة نعيدة
حَاسب لكُلشي چنت
بس نخرب بعيدَة .
آسِر
23 Jan, 22:29
مشيت وياك
وأدري بروحي مغلوب
وچانن كل خساراتي
برضاتي
كسرة خاطري
ودموعي
والليل
وحتى الوجع
چان بمشتهاتي
ردت أوصل لاخر نقطة وياك
لاخر حل أحس بي ترضى ذاتي
حتى من ارجع
من العشرة مخذول
الوم بروحي
مو بمعثراتي
وأدري بروحي مغلوب
وچانن كل خساراتي
برضاتي
كسرة خاطري
ودموعي
والليل
وحتى الوجع
چان بمشتهاتي
ردت أوصل لاخر نقطة وياك
لاخر حل أحس بي ترضى ذاتي
حتى من ارجع
من العشرة مخذول
الوم بروحي
مو بمعثراتي
آسِر
23 Jan, 22:28
إسمعني مَرّة و إصفن لهذا المثال
أنــتَ يم عيونهم ما وچّدوك
فلها كورة مغزلك شوفه شطوى
بس يراووك الجرف ما عبّروك
همَّ صح شراع بس آنه الهوى..
أنــتَ يم عيونهم ما وچّدوك
فلها كورة مغزلك شوفه شطوى
بس يراووك الجرف ما عبّروك
همَّ صح شراع بس آنه الهوى..
آسِر
22 Jan, 12:25
بَس انتَ حَبيبي
وما گِلت بذات توصيني؟
على يا ذمه توصيني ..
وحَياتي انتَ
ونَبض يسري بشرايّيني
أولونك مو دمَع ما ضمتك عيني ..
أولونك مو كِحل
ما شالتك عيني ..
يُلوموني وأحَسك تكبر
بروحَي
يلوموني وانا بلا شوفتك
شينَفعن عيوني ؟
وما گِلت بذات توصيني؟
على يا ذمه توصيني ..
وحَياتي انتَ
ونَبض يسري بشرايّيني
أولونك مو دمَع ما ضمتك عيني ..
أولونك مو كِحل
ما شالتك عيني ..
يُلوموني وأحَسك تكبر
بروحَي
يلوموني وانا بلا شوفتك
شينَفعن عيوني ؟
آسِر
18 Jan, 18:15
ضَلي يّمي آني أريّدچ
ضَلي يّمي وَجهچ يّنسيني
هَمي شكلچ يّذكرني
بأهلي صُوتچ بالليل مِن اسّمعه
چن بچي عِند راس أمي
خل اشوفچ مَاشبعت
مِن أمي شوف
روحَي يَمها بيتنا ضلت
تطوف هيَ غُربه
وليلة صعبه
وجيّت المشتاگ خوف .
ضَلي يّمي وَجهچ يّنسيني
هَمي شكلچ يّذكرني
بأهلي صُوتچ بالليل مِن اسّمعه
چن بچي عِند راس أمي
خل اشوفچ مَاشبعت
مِن أمي شوف
روحَي يَمها بيتنا ضلت
تطوف هيَ غُربه
وليلة صعبه
وجيّت المشتاگ خوف .
آسِر
18 Jan, 18:12
صاير ما تحَن ؟
كلش هالأيّام وحيّل تغَيرت
بيك المُوده
تچر گَلبي وتحَبسة بطَرف الرمُوش
لا عَين التشُبگه ولا تهِده !
ترِد گلمن يحبك
چنحَه مَكسور بَس
مَكسور خاطِر لا ترده .
كلش هالأيّام وحيّل تغَيرت
بيك المُوده
تچر گَلبي وتحَبسة بطَرف الرمُوش
لا عَين التشُبگه ولا تهِده !
ترِد گلمن يحبك
چنحَه مَكسور بَس
مَكسور خاطِر لا ترده .
آسِر
18 Jan, 18:12
أنتَ خليك بمكاني وگلي بالحل اليريح
بيه صوت يهزله دنيا وماگدر بأسمك يصيح طحت ماخذت النصيحة وهيَ مو كل طيحه طيحه فرق بين تطيح صخرة والجبل كله يطيح انتَ خليك بمكاني الصار بيه يصير بيك بنص نهر لازم تعبره وتلتفت ما تلگه ايديك انه هذا الصار بيه بنص نهر عافتني اديه وعالجرف بس الشماته وانتَ گلي شلون اصيح
لـ سمير صبيح .
بيه صوت يهزله دنيا وماگدر بأسمك يصيح طحت ماخذت النصيحة وهيَ مو كل طيحه طيحه فرق بين تطيح صخرة والجبل كله يطيح انتَ خليك بمكاني الصار بيه يصير بيك بنص نهر لازم تعبره وتلتفت ما تلگه ايديك انه هذا الصار بيه بنص نهر عافتني اديه وعالجرف بس الشماته وانتَ گلي شلون اصيح
لـ سمير صبيح .
آسِر
18 Jan, 18:11
أذا أحَچيّ ويَ غَيرَك قَصديّ وَيّاك
وأذا حَبيّت غَيرَك أنتَ أعنيّك
مَا أتذَكرَك بَس چذَب أنسَاك
عبَد الحُسين الحلفي
وأذا أنيّ تذَكرَت يَعنيّ أنيّ نَاسيّك
عَقليّ المَا أعرفَه هَذا ولَا ذَاك
ولَا أنيّ عرفَت شعَرفَك .
وأذا حَبيّت غَيرَك أنتَ أعنيّك
مَا أتذَكرَك بَس چذَب أنسَاك
عبَد الحُسين الحلفي
وأذا أنيّ تذَكرَت يَعنيّ أنيّ نَاسيّك
عَقليّ المَا أعرفَه هَذا ولَا ذَاك
ولَا أنيّ عرفَت شعَرفَك .
آسِر
18 Jan, 18:09
ولو أنَك دمع ما ضمتك عيني
ولو أنَك گحل ما شالتك عيني
يَلوموني وآحسك تكبَر بَروحي
وأنا بلا شوفتَك شينفعن عَيوني
يَشوفي ورجَوتي ودنياي
دنياتي ولوَني وعذآبي
بَسمتي وشكوآي وضنوني
يخيعونك عليه
وبيكَ خيعونيَ .
ولو أنَك گحل ما شالتك عيني
يَلوموني وآحسك تكبَر بَروحي
وأنا بلا شوفتَك شينفعن عَيوني
يَشوفي ورجَوتي ودنياي
دنياتي ولوَني وعذآبي
بَسمتي وشكوآي وضنوني
يخيعونك عليه
وبيكَ خيعونيَ .
آسِر
18 Jan, 16:14
تذَب نفطك عَلـيه
وانه بيـن النَـار؟
وتتحمى على نَاري ومـا
تِطـفيني !
وصرِت محبَس بأِيدك
وگمت بَيـه تسوم
سـاعه تَبـيع بَيـه وساعه تشريـني
وانه بيـن النَـار؟
وتتحمى على نَاري ومـا
تِطـفيني !
وصرِت محبَس بأِيدك
وگمت بَيـه تسوم
سـاعه تَبـيع بَيـه وساعه تشريـني
آسِر
18 Jan, 06:36
ديربَالك على عيونَك
راح اروح ، وانِي هم راح ابقى
ارَاقب من بَعيد
مِقتنع بالصَار كُلي شلون هيج
ليش ماوضحِت كُلشي وحِجيت
الگه احسَن منك بيَا دنيا هاي
انِي صَدكني ردِت ، بَس مالكيت
جِنت ارد فَرحان اذا نتلاكه يُوم
هَاي اول مرة اگول
شعندي جّيت ؟
راح اروح ، وانِي هم راح ابقى
ارَاقب من بَعيد
مِقتنع بالصَار كُلي شلون هيج
ليش ماوضحِت كُلشي وحِجيت
الگه احسَن منك بيَا دنيا هاي
انِي صَدكني ردِت ، بَس مالكيت
جِنت ارد فَرحان اذا نتلاكه يُوم
هَاي اول مرة اگول
شعندي جّيت ؟
آسِر
18 Jan, 06:31
هلي آسف..
كبرت بلاية ماگلكم
هلي ومو قصدي اتعبكُم
مشت بية السَنين ابسَاع
مشيّ الچذب بالوَادم
وخذت منِي الليالي هوَاي
گد ما من صدگ نَادم
هَلي وبس اسمِي ضللكم
كبرت بلاية ماگلكم
هلي ومو قصدي اتعبكُم
مشت بية السَنين ابسَاع
مشيّ الچذب بالوَادم
وخذت منِي الليالي هوَاي
گد ما من صدگ نَادم
هَلي وبس اسمِي ضللكم
آسِر
15 Jan, 00:41
واذا تسألني عن حالي
" أكلك زين "
عن البية ما أحجي
وأرَدد وية روحي هواي
انا جذاب
بَس تحضني اكوم ابجي .
" أكلك زين "
عن البية ما أحجي
وأرَدد وية روحي هواي
انا جذاب
بَس تحضني اكوم ابجي .
آسِر
15 Jan, 00:09
بَس أنتَ العِزلتك بين هاي الناس
ورمَمتك وأنه بيوت أهلي مهجومة
بَس أنتَ الردت يومي گبُل يومه
لا تِلچم جروحي التَوها مَلچومة
عَصافير السوالف چالات بزور
وبَس تِشمر حَصه يگومن فَرد گومه
ورمَمتك وأنه بيوت أهلي مهجومة
بَس أنتَ الردت يومي گبُل يومه
لا تِلچم جروحي التَوها مَلچومة
عَصافير السوالف چالات بزور
وبَس تِشمر حَصه يگومن فَرد گومه
آسِر
14 Jan, 22:14
وصحت لــ إبعيد
يا نهر التعب لـ عيوني عبر إنعاس
نومني أريد أرتاح
بـ عيوني بچي
بگد الحچي المضموم عند الناس
الكاطع
يا نهر التعب لـ عيوني عبر إنعاس
نومني أريد أرتاح
بـ عيوني بچي
بگد الحچي المضموم عند الناس
الكاطع
آسِر
04 Jan, 13:25
عَوْفٌ النَّاسِ
مَالِك شَغَلَه بِالنَّاس
عَوْف النَّاس لِيَشْلْعُون گلَبِك
تُعْرَف لِيَشْ
مِنْ عِنْدِكَ يُغَارون
لِأَنَّ بُسَّ أَنْتِ أَحَبُّنك وَأَحَبَّك .
مَالِك شَغَلَه بِالنَّاس
عَوْف النَّاس لِيَشْلْعُون گلَبِك
تُعْرَف لِيَشْ
مِنْ عِنْدِكَ يُغَارون
لِأَنَّ بُسَّ أَنْتِ أَحَبُّنك وَأَحَبَّك .
آسِر
03 Jan, 22:14
يمته ترجع
حتى أشمن روحي بيك
حتى اكحل الماغفن لحظة إبجفاك
النوم والضحكة الگبل تعرفها زين
من مشيت إثنينهن راحن وراك
حتى أشمن روحي بيك
حتى اكحل الماغفن لحظة إبجفاك
النوم والضحكة الگبل تعرفها زين
من مشيت إثنينهن راحن وراك
آسِر
03 Jan, 22:12
وانه بروحي
حِزن ديره
وملامح خوف
وحرب چذبة ، وحلم تايه
ونهر ثالث حفر خدي
غريب بگاع متلمني
چم ليله
اذب دموعي ع المامش
ولا ادري
حِزن ديره
وملامح خوف
وحرب چذبة ، وحلم تايه
ونهر ثالث حفر خدي
غريب بگاع متلمني
چم ليله
اذب دموعي ع المامش
ولا ادري
آسِر
03 Jan, 11:22
مدري شمالهم
كلمن يحب نفسه
وكلما احجي..
روحي تصيح, مو هسه
وصل حده التعب, تندسني, دمعي يطيح
بعد ما جان گلبي ولاية الونسه
سلبوا راحتي ,
ونشدوني ,,ها مرتاح !
شگد ميت ضميره اليجرح وينسى
كلمن يحب نفسه
وكلما احجي..
روحي تصيح, مو هسه
وصل حده التعب, تندسني, دمعي يطيح
بعد ما جان گلبي ولاية الونسه
سلبوا راحتي ,
ونشدوني ,,ها مرتاح !
شگد ميت ضميره اليجرح وينسى
آسِر
31 Dec, 22:47
يَاريت هَسه تِجي
ونكعُد سَوه ونبتِسم
ويَاريت ذاكّ الحلِم
يطَلع صّدُك مَو حِلم
شَايف جَدار وعَتگ
هَيچ أني جَاي انّثلم
وبدونَك تغّيرت
مَو نَفسي ذيَج القَبل
والعيون هَاي أنعَمت
والوجَه هذا ذبل
لا والتَحز بالگلُب
كالوّا فَراگكّ سَهِل .
ونكعُد سَوه ونبتِسم
ويَاريت ذاكّ الحلِم
يطَلع صّدُك مَو حِلم
شَايف جَدار وعَتگ
هَيچ أني جَاي انّثلم
وبدونَك تغّيرت
مَو نَفسي ذيَج القَبل
والعيون هَاي أنعَمت
والوجَه هذا ذبل
لا والتَحز بالگلُب
كالوّا فَراگكّ سَهِل .
آسِر
29 Dec, 22:22
يا حبيّبي
وخاف يبعدنا الزمَان
تُبقى روحيِ لغيرّ روحك
ما تحب ،انتظرني اليوم
باچر بلكي لو صدفة
التقينا آنه اعرفك وانت
تذكرها ضحكتي
ومسَتحاي وانه لو ميت
أعُرفك ما اتهيك
ويا حبيبي ارجوك لا تنسى
السوالف والعشگ
لابد يمر القطار البي عرفتك
باقي احبك .
وخاف يبعدنا الزمَان
تُبقى روحيِ لغيرّ روحك
ما تحب ،انتظرني اليوم
باچر بلكي لو صدفة
التقينا آنه اعرفك وانت
تذكرها ضحكتي
ومسَتحاي وانه لو ميت
أعُرفك ما اتهيك
ويا حبيبي ارجوك لا تنسى
السوالف والعشگ
لابد يمر القطار البي عرفتك
باقي احبك .
آسِر
28 Dec, 23:42
على خَدي أحط إيدي
و أعاوّد ذكرى أيامي
و أدوّر أحلى ما بيها
و أشوفچ انتِ گدامي !
و أعاوّد ذكرى أيامي
و أدوّر أحلى ما بيها
و أشوفچ انتِ گدامي !
آسِر
28 Dec, 05:43
تعَال أمسح دموعَك
وأرسِم أفراح
على عَيونك وخَدك
والشفايّف ..
ومعَليك ؟
بحَزن ذيچ المواضيع
راح أخَتارلك أحلى السوالِف .
جبار رشيد
وأرسِم أفراح
على عَيونك وخَدك
والشفايّف ..
ومعَليك ؟
بحَزن ذيچ المواضيع
راح أخَتارلك أحلى السوالِف .
جبار رشيد
آسِر
22 Dec, 22:06
تسألني الشوَارع وَين الأحبَاب؟
وَين اليُكَفون بِعتبة ألبَاب؟
أَبشرَك، سَلموني بِحَلگ الذِياب
نِسوآ آني چنت في يَوم خِلهُم.
ماضَليّ أهِل حَتىٰ أرّجعلهُم!
آنه احَباب گلبي رّحلو كِلهُم
بالغُربة وعَليّا جُروحي صَاحَت
وحِرت مَدري اشدهُم مدري أفِلهُم
مَاضلِ اهِل ماضلو أحبَاب!
وأعز النَاسِ نَاموا جَوا التراب.
بَقة بَس الجَرح،وَالجرِح ماطَاب
وين اليُوكفولي وأوكَفلهُم؟
ماضلِ أهِل حتى ارجعلهم .
وَين اليُكَفون بِعتبة ألبَاب؟
أَبشرَك، سَلموني بِحَلگ الذِياب
نِسوآ آني چنت في يَوم خِلهُم.
ماضَليّ أهِل حَتىٰ أرّجعلهُم!
آنه احَباب گلبي رّحلو كِلهُم
بالغُربة وعَليّا جُروحي صَاحَت
وحِرت مَدري اشدهُم مدري أفِلهُم
مَاضلِ اهِل ماضلو أحبَاب!
وأعز النَاسِ نَاموا جَوا التراب.
بَقة بَس الجَرح،وَالجرِح ماطَاب
وين اليُوكفولي وأوكَفلهُم؟
ماضلِ أهِل حتى ارجعلهم .
آسِر
22 Dec, 22:03
عندي جروح بس حسيت
جرحك يختلف كله
من شفته فراغك ضال
بس ردت افهم العلة
بس تالي عرفتك ليش
سوت روحتك خلة
فرزتك من اصابع ايد
الهم بالشبه قلة
يسألوني واگلهم راح
لكن ما اخذ ظله
يا اول واحد من يضيع
من ضي هيبته اندله
وراك جفوني بيها اشكال
كدرت دمعتي تحله
على شوفك حفرت العين
هلبت بيها اثر خله
صورك يدرن شكد صار
عايش بيهن اتمله ؟
من اسألهن اشوفك وين
يتنادسن شنگله ؟
جرحك يختلف كله
من شفته فراغك ضال
بس ردت افهم العلة
بس تالي عرفتك ليش
سوت روحتك خلة
فرزتك من اصابع ايد
الهم بالشبه قلة
يسألوني واگلهم راح
لكن ما اخذ ظله
يا اول واحد من يضيع
من ضي هيبته اندله
وراك جفوني بيها اشكال
كدرت دمعتي تحله
على شوفك حفرت العين
هلبت بيها اثر خله
صورك يدرن شكد صار
عايش بيهن اتمله ؟
من اسألهن اشوفك وين
يتنادسن شنگله ؟
آسِر
22 Dec, 22:00
واذا گدامنة واحد بچة نموت
بكل موضوع دمعة ندخل أدينة
بيضة گلوبنة وكلش حنينة
يتعب غيرنة ، يبين علينة .
بكل موضوع دمعة ندخل أدينة
بيضة گلوبنة وكلش حنينة
يتعب غيرنة ، يبين علينة .
آسِر
21 Dec, 12:30
چنه مُرتاحيين
ما ندري الخبز ياهو اليجيبه
وبطرگ لعب الشَوارع
لا سياسه ولا جگاره ولا حَبيبه
ما ندري الخبز ياهو اليجيبه
وبطرگ لعب الشَوارع
لا سياسه ولا جگاره ولا حَبيبه
آسِر
19 Dec, 23:39
أنَا الخوَّاف يادنيّا
أنَا الخوَّاف مِن كُلشي
ولو أحلم حِلم موزين
أنَا أرجِف قبل رمشِي
يهزنِي الليل ألف مرَة
وأفِز بالليل ألف مرَة
وتعز رُوحي .. وأكل للخُوف
ظل بالبيّت وأنَا أمشِي
أنَا الخوَّاف يادنيّا
وحَال المبتلي حَالي ..
أعبُر عالنهَر عطشان
والمَي مو على بَالي
مِن أولها وجفيتي وياي
شَترجاچ مِن تالي؟
عيُوني وچذبن وياي وين الگه الصدك عدمَن
بَس طيُور تعبَانات يمي بليّل يلتمَن
سوالف همِّي و دنيّاي بيمَن هالگلب أمّن
وتعز رُوحي .. وأكل للخُوف
ظل بالبيّت وأنَا أمشِي .
أنَا الخوَّاف مِن كُلشي
ولو أحلم حِلم موزين
أنَا أرجِف قبل رمشِي
يهزنِي الليل ألف مرَة
وأفِز بالليل ألف مرَة
وتعز رُوحي .. وأكل للخُوف
ظل بالبيّت وأنَا أمشِي
أنَا الخوَّاف يادنيّا
وحَال المبتلي حَالي ..
أعبُر عالنهَر عطشان
والمَي مو على بَالي
مِن أولها وجفيتي وياي
شَترجاچ مِن تالي؟
عيُوني وچذبن وياي وين الگه الصدك عدمَن
بَس طيُور تعبَانات يمي بليّل يلتمَن
سوالف همِّي و دنيّاي بيمَن هالگلب أمّن
وتعز رُوحي .. وأكل للخُوف
ظل بالبيّت وأنَا أمشِي .
آسِر
19 Dec, 21:51
شسويت شوف شسويت
ما گدرتها وغصيت
بالحطب غطيت النار
ردت اليصير وما صار
نوبة جبتلها جروح
حطيت فوگ جروحي
ما گدرتها وغصيت
بالحطب غطيت النار
ردت اليصير وما صار
نوبة جبتلها جروح
حطيت فوگ جروحي
آسِر
19 Dec, 21:07
انا بلا وعِي من أنطيتكّ الروح
وعقل ماچَان عندي وهسَه فزيت
ما اچذب واگُلك باچر أنسَاك
عفتني وذكريات هَواي خليت
وعقل ماچَان عندي وهسَه فزيت
ما اچذب واگُلك باچر أنسَاك
عفتني وذكريات هَواي خليت
آسِر
19 Dec, 18:47
هذا الموت !
جسر للانهايه اعليه كلنه نفوت
هذا الموت
هاجس يبتدينه بلحضه التكوين
ويرافكنه العمر من غير ضجه وصوت
على جف المنايه مچرغدين انام
ونلهث على الدنيا ونبني بيها ابيوت
ونتعافة ونذم بالخلك هاذ وذاك
وعلى غفله وزرك كدامنه التابوت
جسر للانهايه اعليه كلنه نفوت
هذا الموت
هاجس يبتدينه بلحضه التكوين
ويرافكنه العمر من غير ضجه وصوت
على جف المنايه مچرغدين انام
ونلهث على الدنيا ونبني بيها ابيوت
ونتعافة ونذم بالخلك هاذ وذاك
وعلى غفله وزرك كدامنه التابوت
آسِر
19 Dec, 18:44
هَلي وعيونكُم ضايع
وانسدت بِوجهيّ الدنيا والبيبان
ويذبني العُمر مِن شارع لشارع
وانسدت بِوجهيّ الدنيا والبيبان
ويذبني العُمر مِن شارع لشارع
آسِر
15 Dec, 20:25
يعگدة شوگ ما تنفل
بچيتك مو بچي البطران
مثل بچي الگصب
لو حن على المنجل
بچيتك والدهر طشنا
مثل طش الغريب
الما بعد يندل
بچيتك والمن نعاتب
حلاة العتب لو صار
العتب مگبل
بچيتك مو بچي البطران
مثل بچي الگصب
لو حن على المنجل
بچيتك والدهر طشنا
مثل طش الغريب
الما بعد يندل
بچيتك والمن نعاتب
حلاة العتب لو صار
العتب مگبل
آسِر
03 Dec, 07:19
لا اگدر اعِوفك
ولأ أگدر أظل وياك
لا أنتَ العفتنِي ولارضيَت
أنساك
ماريدكَ
واريدكَ
حَرت واحتاريت
العِفتني والبقًيت
أثنَينهن بلوة .
اثنينهن بلوة .
ولأ أگدر أظل وياك
لا أنتَ العفتنِي ولارضيَت
أنساك
ماريدكَ
واريدكَ
حَرت واحتاريت
العِفتني والبقًيت
أثنَينهن بلوة .
اثنينهن بلوة .
آسِر
02 Dec, 21:37
يا طعم ،
يا ليلة مِن ليل البنفسج
يا حلم ،
يا مامش بمامش و أحبك
طبع گلبي من طباعك ذهب
ترخص و أغليك و أحبك
أنا متعود عليك هواي
يا سولة سكتي..
يا ليلة مِن ليل البنفسج
يا حلم ،
يا مامش بمامش و أحبك
طبع گلبي من طباعك ذهب
ترخص و أغليك و أحبك
أنا متعود عليك هواي
يا سولة سكتي..
آسِر
02 Dec, 21:37
دَزيتلك رُوحي بظَرف
مِن توَصلّ إنتَ اقراها
لِو تبقى يمَك للأبد
لِو تَرجع إنتَ وياها
مِن توَصلّ إنتَ اقراها
لِو تبقى يمَك للأبد
لِو تَرجع إنتَ وياها
آسِر
29 Nov, 20:05
انا احُب حَزني و عتمتي
ولوني
و كل تفاصَيل البچي
الـ بعيوني
أنا احُب روحَـي الكئيبة الطافيه
أنا غيمة بسَ ابد مو صَافيه .
ولوني
و كل تفاصَيل البچي
الـ بعيوني
أنا احُب روحَـي الكئيبة الطافيه
أنا غيمة بسَ ابد مو صَافيه .
آسِر
28 Nov, 23:41
جرح بيه ولا يشفه
وحضني بصيف ما يدفه
كل هذه بسبب هجرك
ما ارجع كلتلي... وباقي منتظرك
مر بيه ولو ساعه ارد اضوك النوم
وذا مو انت دز عطرك
لو دايرلي سم بزادي حتى ارتاح
وما داير علي ضهرك
تعال بلا عذر لو فشلتك عذرك
تعال وسكت البيه
كلشي البيه الك عطشان
أنا اعرف اعيشن عمري كله وياك
بس ما اعرف النسيان
جفي اشتهى يلم شعرك
وكلشي أنطيك لو ذبك علي دهرك
وحضني بصيف ما يدفه
كل هذه بسبب هجرك
ما ارجع كلتلي... وباقي منتظرك
مر بيه ولو ساعه ارد اضوك النوم
وذا مو انت دز عطرك
لو دايرلي سم بزادي حتى ارتاح
وما داير علي ضهرك
تعال بلا عذر لو فشلتك عذرك
تعال وسكت البيه
كلشي البيه الك عطشان
أنا اعرف اعيشن عمري كله وياك
بس ما اعرف النسيان
جفي اشتهى يلم شعرك
وكلشي أنطيك لو ذبك علي دهرك
آسِر
28 Nov, 23:08
گلب عِندي ولا يملك
طفل زَعلان من امه
وتزَعله ويبچي ويردلك
ضَهر صُبار احضنك وانملي بسلك
وتره أول عَلامه التُفضح الخَوان ...
لَمن يبتدي يهِملك
وآخر مَرحله من الحُب ..
من تِتعَلق ويتعَمد يذلك .
طفل زَعلان من امه
وتزَعله ويبچي ويردلك
ضَهر صُبار احضنك وانملي بسلك
وتره أول عَلامه التُفضح الخَوان ...
لَمن يبتدي يهِملك
وآخر مَرحله من الحُب ..
من تِتعَلق ويتعَمد يذلك .
آسِر
28 Nov, 01:24
الدَنيا چانت حِرب
وصَوت المدافع يرن
والموت يكدر ترا!
يطشرها لـ حلامي ،
بنص المواقف انا
أطبك عيوني غصب ،
بلگت تمر بـ لحلم ، وتصَير
كدامي.
وصَوت المدافع يرن
والموت يكدر ترا!
يطشرها لـ حلامي ،
بنص المواقف انا
أطبك عيوني غصب ،
بلگت تمر بـ لحلم ، وتصَير
كدامي.
آسِر
26 Nov, 21:59
بَعد ما عاتبكْ تِندل عناويني
من أمس واصلني كُونك موش نَاسيني
اضروفك والمَسافه اعذار محترگات
شَمس شِتكلفلك الجَيه الروازيني
لَچن بَينت من مَرسالك بلا شـوگ
صَلاة مِتأخـرة بَس اتريد تگضيني
وكِلت مالك ثَمر وانه ادري بَرحي وياك
وكِلتلك عادي في صَفصافه خَليني
شسويلك بعد بَهدومي اوچ النار
مِن تبرد جِنت وتكلي دَفيني
الصادمني البصدرك مَا مغزر بي
مرخصلك الدِنيا وما مغليني
ومِتوازي عله بيعي وما حِسبت حساب
خِرزه وباسمك وياهوه يشريني
ما ارهم لغَيرك انه الك مَرسوم
خَط بچف ايديك شلون تِمحيني .
لِـ حيدّر هوادَ .
من أمس واصلني كُونك موش نَاسيني
اضروفك والمَسافه اعذار محترگات
شَمس شِتكلفلك الجَيه الروازيني
لَچن بَينت من مَرسالك بلا شـوگ
صَلاة مِتأخـرة بَس اتريد تگضيني
وكِلت مالك ثَمر وانه ادري بَرحي وياك
وكِلتلك عادي في صَفصافه خَليني
شسويلك بعد بَهدومي اوچ النار
مِن تبرد جِنت وتكلي دَفيني
الصادمني البصدرك مَا مغزر بي
مرخصلك الدِنيا وما مغليني
ومِتوازي عله بيعي وما حِسبت حساب
خِرزه وباسمك وياهوه يشريني
ما ارهم لغَيرك انه الك مَرسوم
خَط بچف ايديك شلون تِمحيني .
لِـ حيدّر هوادَ .
آسِر
26 Nov, 21:59
بِعتابّ سمَيرّ صبيحَ :
انتَ خليك بمُكاني نهرّ
وتعَوفة الجروف
أنتَ الحَنين قسيت شلونّ
ترحمّني الضرَوف؟
انتَ خليك بمُكاني نهرّ
وتعَوفة الجروف
أنتَ الحَنين قسيت شلونّ
ترحمّني الضرَوف؟
آسِر
26 Nov, 21:57
وانت سواد عيونك
يعت روحي عت
واني بطرك گلبي
وبقى من گلبي بت
ارجوك خليلك مسافة بـ بينا
مو شبر ، اكثر
لا نطيح ثنينّا
وصدگني ماخايف على نفسي
عليك
انت بس تلمسني
اموت بـ بين اديك
يعت روحي عت
واني بطرك گلبي
وبقى من گلبي بت
ارجوك خليلك مسافة بـ بينا
مو شبر ، اكثر
لا نطيح ثنينّا
وصدگني ماخايف على نفسي
عليك
انت بس تلمسني
اموت بـ بين اديك
آسِر
23 Nov, 22:49
انا المنطيك گلب أبيض.
عليش تخلي أصبعي
من الندم ينعض؟
عليش تخل حجيي
الماحجية وياك...
يم الغربة يتفضفض!
عليش تخلي أصبعي
من الندم ينعض؟
عليش تخل حجيي
الماحجية وياك...
يم الغربة يتفضفض!
آسِر
23 Nov, 22:49
لمن چانت ايامي بصعوبه تمر
و احتاجيتك و شلت الحزن وحدي
من عدها ومحبتك أزمة حاسبها
شما تكبر بروحي لازم تعدي .
و احتاجيتك و شلت الحزن وحدي
من عدها ومحبتك أزمة حاسبها
شما تكبر بروحي لازم تعدي .
آسِر
22 Nov, 19:36
فاگدينك ، وانتظرناك بسوالف :
بيها وينك !
شنو محد گلك شگد بينه شوگ ؟
انت وينك ؟
من غبت نشز وكتنا و طگنه عوز
فدوه أشمر بينه واهس احنه كلش فاگدينك ..
من غبت ما گمنه نلتم ،،
واعتزلنه الگعده ذيچ
ومره اذكر !
مره اذكر .. بيك نحچي ومن وصلنه لحرف اسمك :
هَب حنينك !
انتَ وينك ؟
لا قريب ونعتنيلك ..
لا تجي ونلمحها عينك "
راح نمشي ،،
ولان ماكو انت بعد المن ندوم ؟
هيَ ظلت ذكرياتك وانت ..
وشوية سوالف
وانتَ وينك ؟
فاگدينَك . .
ـ عبد الحسين الحلفي
بيها وينك !
شنو محد گلك شگد بينه شوگ ؟
انت وينك ؟
من غبت نشز وكتنا و طگنه عوز
فدوه أشمر بينه واهس احنه كلش فاگدينك ..
من غبت ما گمنه نلتم ،،
واعتزلنه الگعده ذيچ
ومره اذكر !
مره اذكر .. بيك نحچي ومن وصلنه لحرف اسمك :
هَب حنينك !
انتَ وينك ؟
لا قريب ونعتنيلك ..
لا تجي ونلمحها عينك "
راح نمشي ،،
ولان ماكو انت بعد المن ندوم ؟
هيَ ظلت ذكرياتك وانت ..
وشوية سوالف
وانتَ وينك ؟
فاگدينَك . .
ـ عبد الحسين الحلفي
آسِر
20 Nov, 23:23
تارس حضُنهم دفو
ومفرغ اسلالي
رب العطش يستحي
يلگه العُمر خالي
منجلهم بسنبلك
وانه وخضارك شمع
لاحك على التالي
رديت وشگد حچي
يسحل ورا ذيالي
لو بيه خاطف حلم
چا ما صرتلك حطب
وتصير چتالي
مالي فراغك چنت
بس انت مو مالي
ومفرغ اسلالي
رب العطش يستحي
يلگه العُمر خالي
منجلهم بسنبلك
وانه وخضارك شمع
لاحك على التالي
رديت وشگد حچي
يسحل ورا ذيالي
لو بيه خاطف حلم
چا ما صرتلك حطب
وتصير چتالي
مالي فراغك چنت
بس انت مو مالي
آسِر
20 Nov, 23:18
هاي اليه سنين بارد
محد بملگا چواني
شلون ما طگت
عشب بيه الثواني
ويخلص الليل
ويخضر ليل ثاني
بيه واهس كافر
وربك هداني
الليل شبعني سفر
واني بمكاني
محد بملگا چواني
شلون ما طگت
عشب بيه الثواني
ويخلص الليل
ويخضر ليل ثاني
بيه واهس كافر
وربك هداني
الليل شبعني سفر
واني بمكاني
آسِر
20 Nov, 22:49
من جمعني وياك ؟
من شدني ويه طولك
طعّمك بيّه و صرت حلوك
و مرٌك لنها ما بالغبشه غبشه
أبغير عينك و خاف اترز بيك
حد گطع النفس و ازهك واضرك !
خاف تطشر خرز و شلون ألمك..
من شدني ويه طولك
طعّمك بيّه و صرت حلوك
و مرٌك لنها ما بالغبشه غبشه
أبغير عينك و خاف اترز بيك
حد گطع النفس و ازهك واضرك !
خاف تطشر خرز و شلون ألمك..
آسِر
19 Nov, 22:34
مَرة اذكُر بيك نحچي . .
ومِن وصلنا لحرف اسمَك
هَب حَنينك، انتَ وينك؟
لا قريب ونعّتنيلك
ولا تِجي ونلمحها عيَنك
فاگدينك ، احَنة كُلش فاگدينك .
ومِن وصلنا لحرف اسمَك
هَب حَنينك، انتَ وينك؟
لا قريب ونعّتنيلك
ولا تِجي ونلمحها عيَنك
فاگدينك ، احَنة كُلش فاگدينك .
آسِر
18 Nov, 22:17
لك شنو هذا الـ امان
انتَ ذاك اليوم طبّيت لحياتي
ليش احس بروحي اعرفك من زمان ؟
تدري اصير اسعد بشر بالدنيا آني
لمّن بصفّك تسوّيلي مكان
- علي قاسم
انتَ ذاك اليوم طبّيت لحياتي
ليش احس بروحي اعرفك من زمان ؟
تدري اصير اسعد بشر بالدنيا آني
لمّن بصفّك تسوّيلي مكان
- علي قاسم
آسِر
18 Nov, 21:21
شـلـون اغطي جروحي بيها
وجرحي صورة وهي جامه
اشلون اخلص كلبي منها
او كلبي خيط وهي خامة
اشلون اضل مادور بيها
وأنه ليله وهي ّدفتر روزنامة
وجرحي صورة وهي جامه
اشلون اخلص كلبي منها
او كلبي خيط وهي خامة
اشلون اضل مادور بيها
وأنه ليله وهي ّدفتر روزنامة
آسِر
18 Nov, 21:21
وليشَ أرجف عليك
وينخطف لونيَ؟
وحتى الناس گامت
تعرف بهالحال ،
ما اعرف شگلهمَ
من يسألوني
يطبون بصفنتيَ وعنكَ
يدورون يلگوني افكر
بيك يلكوني
وينخطف لونيَ؟
وحتى الناس گامت
تعرف بهالحال ،
ما اعرف شگلهمَ
من يسألوني
يطبون بصفنتيَ وعنكَ
يدورون يلگوني افكر
بيك يلكوني
آسِر
18 Nov, 21:20
أنا المَالي داعَي
شلون صارت هاي
خليها على روحَك شوف تقنعها
انا المااهمك هَيج صَرت اليوم
وأنا بكُل امورك جِنَت مرجَعهِا
لسَانك كطَعاني ، وتَدري بية شِلون
الدنيا مو لسَن لو أريد اكطعها
ما أجرع انفاسَي لِون تخطة وياي
وأنتَ بكُل هدوء أخطائك اجرعها
تعيشني بندم چي ماردتَ فد يوم
الصعبة العَندك أنا بسهلة افرعها .
- جَبٰـري
شلون صارت هاي
خليها على روحَك شوف تقنعها
انا المااهمك هَيج صَرت اليوم
وأنا بكُل امورك جِنَت مرجَعهِا
لسَانك كطَعاني ، وتَدري بية شِلون
الدنيا مو لسَن لو أريد اكطعها
ما أجرع انفاسَي لِون تخطة وياي
وأنتَ بكُل هدوء أخطائك اجرعها
تعيشني بندم چي ماردتَ فد يوم
الصعبة العَندك أنا بسهلة افرعها .
- جَبٰـري
آسِر
15 Nov, 23:43
شحيحه افراحنا
ودكانها معزل
الضحكه نبوگها
مِن الآه والـ ياويل
وصياد الهموم بدفتره
يسجل …
ودكانها معزل
الضحكه نبوگها
مِن الآه والـ ياويل
وصياد الهموم بدفتره
يسجل …
آسِر
15 Nov, 00:08
بعدك وافتهمناه
طيفك شبيه ؟
كبل ما سامع انا الطيف يبعد
خفت عن لا يمر وجفني مطبوك
كمت حتى من انام عيون ما اسد
طيفك شبيه ؟
كبل ما سامع انا الطيف يبعد
خفت عن لا يمر وجفني مطبوك
كمت حتى من انام عيون ما اسد
آسِر
13 Nov, 21:15
تَعبان بس ما گلت
ظنيته گلبَك يحس
بَس فشّل ظنوني
ضميت حچيّ شكثر
شيفيد صافن عَلَيّ
ما فاهم عيوني !
ظنيته گلبَك يحس
بَس فشّل ظنوني
ضميت حچيّ شكثر
شيفيد صافن عَلَيّ
ما فاهم عيوني !
آسِر
13 Nov, 21:14
و رغم كل الأجن منك
وصفت مرورتك حلوة
و كَسرتك كَسرة الخطار
لازم تنحسب فدوة
رد و شوف ..
كل ونة بحنايا الروح
تتبدلَّك بغنوة
( يَ سمعة خلافك شنسوه )
نذر لو بس گلت رديت
أحضرلك هلاهل كون
ما صارت بعرس اخوة !
وصفت مرورتك حلوة
و كَسرتك كَسرة الخطار
لازم تنحسب فدوة
رد و شوف ..
كل ونة بحنايا الروح
تتبدلَّك بغنوة
( يَ سمعة خلافك شنسوه )
نذر لو بس گلت رديت
أحضرلك هلاهل كون
ما صارت بعرس اخوة !
آسِر
13 Nov, 19:54
ارسمك ع الهوى
وعلى الماي اكتبك
عين الباردة
شگد جاي احبك
وعين الباردة على عيونك السود
يالتهددني بيهن خاف ربك
وهاي حواجبك كتلتني خايب
لا تخزرني بيهن من تعاتب
انت انسان نقطة قوتك العين
واني انسان نقطة ضعفي حاجب
وشعرك مو شعر عادي، مصيبة !
چنة البحر الاسود والعجيبة
مرتين طلعت من حبل الاعدام
تاليها تموتني الگصيبة
وشنو هذا جمالك مالة رداد ؟
لا والمشكلة يحليك العناد
اشلع گلبي انت بصدري اخليك
شنو ببغداد گاعد ؟ انتَ بغداد
وعلى الماي اكتبك
عين الباردة
شگد جاي احبك
وعين الباردة على عيونك السود
يالتهددني بيهن خاف ربك
وهاي حواجبك كتلتني خايب
لا تخزرني بيهن من تعاتب
انت انسان نقطة قوتك العين
واني انسان نقطة ضعفي حاجب
وشعرك مو شعر عادي، مصيبة !
چنة البحر الاسود والعجيبة
مرتين طلعت من حبل الاعدام
تاليها تموتني الگصيبة
وشنو هذا جمالك مالة رداد ؟
لا والمشكلة يحليك العناد
اشلع گلبي انت بصدري اخليك
شنو ببغداد گاعد ؟ انتَ بغداد
آسِر
11 Nov, 16:05
بوداعك من كلتلي الليلة وين تروح ؟
هذا اصعب سؤال بعمري واجهته
سؤالك لحظة ، خمس سنين افكر بيه
وبيني وبين روحي هواي جاوبته
التراب المنخلق منه تريده الگاع
انا ادري اموت عليك بس يمته؟
هذا اصعب سؤال بعمري واجهته
سؤالك لحظة ، خمس سنين افكر بيه
وبيني وبين روحي هواي جاوبته
التراب المنخلق منه تريده الگاع
انا ادري اموت عليك بس يمته؟
آسِر
10 Nov, 23:46
وأنت تدري
تدري كُل ليلة ببعادك
تنحسب ثلثين عمري
وأنت تدري
لحظة من فرحة ودادك
بيها يكبر باقي عُمري .
تدري كُل ليلة ببعادك
تنحسب ثلثين عمري
وأنت تدري
لحظة من فرحة ودادك
بيها يكبر باقي عُمري .
آسِر
05 Nov, 23:07
الما يندّل خيَالي بروحَي ما أخليَ
وما يرهمّ عليه لو نِفس جيته
التعداني بحِلم يلگاني عابُر ليل
الفجر گبل الشمسّ بعيوني وشلته
الما يشتاگلي ينترس حضنه فراگ
على الملگه من أسَولف ما تذكرته
وما يرهمّ عليه لو نِفس جيته
التعداني بحِلم يلگاني عابُر ليل
الفجر گبل الشمسّ بعيوني وشلته
الما يشتاگلي ينترس حضنه فراگ
على الملگه من أسَولف ما تذكرته
آسِر
05 Nov, 23:07
اليحبَك مِن صدگ لو سَهم يتلگاك
شيلمه الگاع تصغَر لمن تودعَه
اليصير مرايتَك يندَل حَسرتك وَين!
ويعرف وَين بيك مچودرَة الوجعه
اليضفُر حيرتَك بچفوفة تلگه أعذار
الحَنينَك بي يطَشر يعرُف يجَمعه
شيلمه الگاع تصغَر لمن تودعَه
اليصير مرايتَك يندَل حَسرتك وَين!
ويعرف وَين بيك مچودرَة الوجعه
اليضفُر حيرتَك بچفوفة تلگه أعذار
الحَنينَك بي يطَشر يعرُف يجَمعه
آسِر
05 Nov, 13:12
راح أخونَك
راح احب ثنين غيرَك
وراح اصونهم مثل
ماجنِت أصونَك
شبيك ؟
أشو چنَك ضجت
وانخطف لونَك
هنة هَم منَك وبيك
يمعوَد هنة عيونَك..
راح احب ثنين غيرَك
وراح اصونهم مثل
ماجنِت أصونَك
شبيك ؟
أشو چنَك ضجت
وانخطف لونَك
هنة هَم منَك وبيك
يمعوَد هنة عيونَك..
آسِر
30 Oct, 21:22
ظل خريَفچ يجَي
طاحت ملامَح وجهِي
مِثل الشجرّ
كُل خطوَة ريه
الگاع تاخِذ نفسَ
بشباچ وجهَي
وآنه اختنگ
لومَني جدمچ عبر
شگد رسَایل بُقت؟
محد قرَاني
اتخيط عليَ الليَل
وچنت الوم القدّر .
لِـ عليَ رِشمّ .
طاحت ملامَح وجهِي
مِثل الشجرّ
كُل خطوَة ريه
الگاع تاخِذ نفسَ
بشباچ وجهَي
وآنه اختنگ
لومَني جدمچ عبر
شگد رسَایل بُقت؟
محد قرَاني
اتخيط عليَ الليَل
وچنت الوم القدّر .
لِـ عليَ رِشمّ .
آسِر
29 Oct, 19:53
وين ألگاك؟
يَ الموصوف اليه وانه الك موصوف
يَ الفرگاك غربة وكلشي ما مألوف
آنه بلياك مدري شبيه ما بيه
زلف وبلايّه ترچيه درب ما بيه كل جيّه
نهر فاض وتبع ميّه رجع بس ما لگاله جروف
كون تشوف روحي شخلّه بيها الخوف
يَ الموصوف اليه وانه الك موصوف
يَ الفرگاك غربة وكلشي ما مألوف
آنه بلياك مدري شبيه ما بيه
زلف وبلايّه ترچيه درب ما بيه كل جيّه
نهر فاض وتبع ميّه رجع بس ما لگاله جروف
كون تشوف روحي شخلّه بيها الخوف
آسِر
29 Oct, 19:33
لا رابح ولا خَسران
سَد بسد
طفيت الشمع واستفردت بالليل
لا واحد اجاني
ولا رحت لأحد .
سَد بسد
طفيت الشمع واستفردت بالليل
لا واحد اجاني
ولا رحت لأحد .
آسِر
29 Oct, 09:20
حَبيت و بعد
خَلي الظلام يزود
شما تِكبر الظلمة
أذكر عِيونك سُود
هوَ العنده
مِثل عيونك شمحلاه
ضگت خَدك
و عِفت العَنب و العَنگود .
خَلي الظلام يزود
شما تِكبر الظلمة
أذكر عِيونك سُود
هوَ العنده
مِثل عيونك شمحلاه
ضگت خَدك
و عِفت العَنب و العَنگود .
آسِر
28 Oct, 20:14
على بير المنايا وجيت عطشان
مجبور وشربت الماي راكد
وينك يالبعيد الگلب مليان
غنا و بوسات ودمــوع وقصايد
وياك بعشرتي ياليل خسران
مثل عشرة النار وي الكواغد
لو طاهر حليبه الدهر ماخان
ضربني براسي غفله واني كاعد .
_ كاظم اسماعيل الكاطع
مجبور وشربت الماي راكد
وينك يالبعيد الگلب مليان
غنا و بوسات ودمــوع وقصايد
وياك بعشرتي ياليل خسران
مثل عشرة النار وي الكواغد
لو طاهر حليبه الدهر ماخان
ضربني براسي غفله واني كاعد .
_ كاظم اسماعيل الكاطع
آسِر
28 Oct, 17:49
وتمشي عني
وارجع بلياك اتاني
والسما تغيم وداع
وتمطر بحضني الثواني
وابرد واسأل صفنتي
يمته اشوفك؟
يمته اخلي الساعه
تفتر من جديد
شلون اخلص ليلي وحدي
وانا احس انت بعيد
جفني ساكت گوه يمي
خاف اموت يبچي سكته
حتى ما احس بالدموع
يمته اشوفك
تتعب عيوني من اركز بأنتظارك ..
وارجع بلياك اتاني
والسما تغيم وداع
وتمطر بحضني الثواني
وابرد واسأل صفنتي
يمته اشوفك؟
يمته اخلي الساعه
تفتر من جديد
شلون اخلص ليلي وحدي
وانا احس انت بعيد
جفني ساكت گوه يمي
خاف اموت يبچي سكته
حتى ما احس بالدموع
يمته اشوفك
تتعب عيوني من اركز بأنتظارك ..
آسِر
28 Oct, 17:49
انتَ وَين
وانه نص مَوعد بِدونك
مَدري ياهو يسد مَكانك
وَحشة فراگك چِبيرة
بگد عِشرتك نَار تِكبر
تحرگ بروُحي أمنيات
ويعلىٰ دخان ال ظِنون
وطَير انا بروحي
احِس بي يختنگ
كل هذا وانه باقي ادور
بلكت الگالي وعد ما نفترگ
بلكت الگالي حلم ما محترگ
وانه نص مَوعد بِدونك
مَدري ياهو يسد مَكانك
وَحشة فراگك چِبيرة
بگد عِشرتك نَار تِكبر
تحرگ بروُحي أمنيات
ويعلىٰ دخان ال ظِنون
وطَير انا بروحي
احِس بي يختنگ
كل هذا وانه باقي ادور
بلكت الگالي وعد ما نفترگ
بلكت الگالي حلم ما محترگ
آسِر
28 Oct, 17:49
واعدتني
وگتلي أعود
وكلشي رد
خوفي ، حسرتي
الحيره الظنون العذاب
كلها ردت اله انتَ
شما اصد لدربك انت
الگه الصوره تتحول ضباب
شما ركضت لنهرك انت
اكتشف نهرك سراب
وگتلي أعود
وكلشي رد
خوفي ، حسرتي
الحيره الظنون العذاب
كلها ردت اله انتَ
شما اصد لدربك انت
الگه الصوره تتحول ضباب
شما ركضت لنهرك انت
اكتشف نهرك سراب
آسِر
18 Oct, 21:08
انتهت هسة وموفق شوف حالك ..
حوبة دمعي تحجيها لـ جهالك ..
ردتك تبقى بس جبرتنا الايام
لا انتَ حلالي ولا حلالك ..
نهايتنا ردتها وعفية ع الخير
صار ألچان ميمر أعلة بالك ..
راح أتخلى عنك بس لتنساه
بجيت أني بـ وكت محد بچالك ..
بالوكت ألچنت تتمنى ينشاف
دمع أهلك الـ محد بيهم يخاف
ومحد چان مهتم شنهو حالك ؟
بس أني الوحيد الـ حبك هواي
ورحت أني بعد محد بقالك ..
" لـ أخر يوم بالدنيا "
- أدهم علي
حوبة دمعي تحجيها لـ جهالك ..
ردتك تبقى بس جبرتنا الايام
لا انتَ حلالي ولا حلالك ..
نهايتنا ردتها وعفية ع الخير
صار ألچان ميمر أعلة بالك ..
راح أتخلى عنك بس لتنساه
بجيت أني بـ وكت محد بچالك ..
بالوكت ألچنت تتمنى ينشاف
دمع أهلك الـ محد بيهم يخاف
ومحد چان مهتم شنهو حالك ؟
بس أني الوحيد الـ حبك هواي
ورحت أني بعد محد بقالك ..
" لـ أخر يوم بالدنيا "
- أدهم علي
آسِر
18 Oct, 21:07
انتَ وعيونك عليه
من أحن شلون بيهَ
واني وجه وگفه بروحي النرجسيه
كابرت وأبچي أعلى هِدمك
انتَ مثل الطيف وانوي أرسّمك
اسم اللّٰه من كِل طاري
ما يتغنى بأسمَك
من أحن شلون بيهَ
واني وجه وگفه بروحي النرجسيه
كابرت وأبچي أعلى هِدمك
انتَ مثل الطيف وانوي أرسّمك
اسم اللّٰه من كِل طاري
ما يتغنى بأسمَك
آسِر
18 Oct, 21:05
اصعب موقف بلحظات الوداع
من تشوف الجنت تبني تهدم
من تقوي كلبك و أنتَ مجروح
مامهتم تبين و أنتَ مهتم
من تبتسم بس بداخلك نوح..
من تشوف الجنت تبني تهدم
من تقوي كلبك و أنتَ مجروح
مامهتم تبين و أنتَ مهتم
من تبتسم بس بداخلك نوح..
آسِر
17 Oct, 22:07
أيام البُعد جبناها صفنات
بين آمالنا وحيرة أمرنا
تجي لو ما تجي
گضينه الأيام
وصرنه وياهو يدري
شلون صرنه !..
بين آمالنا وحيرة أمرنا
تجي لو ما تجي
گضينه الأيام
وصرنه وياهو يدري
شلون صرنه !..
آسِر
16 Oct, 20:42
برد نعسان ......
وآنت آوياي والصفنات
مدري آشلون آوج نوبات
مدري آشلون آسولف والدفو يزعل
وآندم وآستحي مني
كبل ما أستحي منك
اتوسل آدموعي آيدفّن آجفوفك
وآبجي وتصعد لعيني أصابيعك
اكَلادة بوس ،
ولا شيك وترد دافي وسوه نبرد
برد نعسان ، كلّش حار
وآكلّك بُْردَت آعذرني
الحجي نوبات يزهك لا تواخذني ،
ماشيني على النيّات
هذا آنا على نيتي
عسل برحي وضوه آمرايات
بعدني آمشمّس ومعسول ، لا تزعل
الزعل يحبيّب آيعطش خضار الروح
بعدني آبيض مثلما جنت بيد الله
بعد بيّه حليب آمي ضوه آمرايات ،
وجروفي زلال الماي
ولجل آشفايفك يغسل بروحه الماي
عبد الكريم القصاب
وآنت آوياي والصفنات
مدري آشلون آوج نوبات
مدري آشلون آسولف والدفو يزعل
وآندم وآستحي مني
كبل ما أستحي منك
اتوسل آدموعي آيدفّن آجفوفك
وآبجي وتصعد لعيني أصابيعك
اكَلادة بوس ،
ولا شيك وترد دافي وسوه نبرد
برد نعسان ، كلّش حار
وآكلّك بُْردَت آعذرني
الحجي نوبات يزهك لا تواخذني ،
ماشيني على النيّات
هذا آنا على نيتي
عسل برحي وضوه آمرايات
بعدني آمشمّس ومعسول ، لا تزعل
الزعل يحبيّب آيعطش خضار الروح
بعدني آبيض مثلما جنت بيد الله
بعد بيّه حليب آمي ضوه آمرايات ،
وجروفي زلال الماي
ولجل آشفايفك يغسل بروحه الماي
عبد الكريم القصاب
آسِر
14 Oct, 19:02
انتَ خَليك بمكاني
الصَار بيّه يصير بيك
بـ نص نهر لازم تعبرَه
وتلتفت مَا تلگه إديك
انا هذا الصار بيّه
بـ نص نَهر عافتنِي اديّه
و ع الجرُف بس الشماتَه
وانتَ گلي شلون اصيح
أَنتَ خليك بمُكاني
نهر وتعوفه الجروف
أَنتَ الحنين قسيت
شلون ترحمني الظروف؟
الصَار بيّه يصير بيك
بـ نص نهر لازم تعبرَه
وتلتفت مَا تلگه إديك
انا هذا الصار بيّه
بـ نص نَهر عافتنِي اديّه
و ع الجرُف بس الشماتَه
وانتَ گلي شلون اصيح
أَنتَ خليك بمُكاني
نهر وتعوفه الجروف
أَنتَ الحنين قسيت
شلون ترحمني الظروف؟
آسِر
14 Oct, 19:01
شما تلتفت عيني الگاك موجود
يتراوالي وجهك وين ماصد
اغمّض والگه ظلّك يمشي بالعين
بحيث من ارد اجيك برمشي تلبد
يتراوالي وجهك وين ماصد
اغمّض والگه ظلّك يمشي بالعين
بحيث من ارد اجيك برمشي تلبد
آسِر
14 Oct, 19:01
ذِبلَت أيَامي وبعَد مابيَه ليَل
خِلّك ماكّو بِجفني يِتلگة السَهر
مُر عَلية بِمروتّك وإِنكَتني حَيل
تِطيح مِن راسَي مَحطات السَفر .
خِلّك ماكّو بِجفني يِتلگة السَهر
مُر عَلية بِمروتّك وإِنكَتني حَيل
تِطيح مِن راسَي مَحطات السَفر .
4,083
subscribers
257
photos
9
videos
