40_resakay__ashq

سەد نامەم بۆ ناردی ، سەد ڕێگام نیشاندایت ،
نامە ناخوێنیتەوە یان ڕێگە پێ نازانی ..؟

لەیلێ بۆ من جامێکە شەرابی عەشقی تیا دەخۆمەوە ..

یەک دڵبەرت هە بێت باشترە لەوەی
سەد دڵت هە بێت بە بێ دڵبەر

ئەگەر بمزانیبا ئەمە کۆتاییە 
توندتر لە ئامێزم ئەگرتی …

هەمووان لە من حەرامن ، تەنها تۆم دەوێ…

وەرە غەیری هاتنی تۆ چاوەڕێی هیچ هاتنێکی تر نیم …

هەندێک شت هەیە لە دوای دەستبەرداربون لێیان، ناکرێت دووبارە بۆی بگەڕێیتەوە، دەبێت یەک جار بڕۆیت و بە هیچ شێوەیەک مەیلت بۆ ئاوڕدانەوە نەبێت، 
هەندێک شت لەدەسەڵاتی کەسدا نیە سەرەڕای ئەوەی باشترین هەوڵی لەگەڵدا دەدەیت بەڵام وەک گرتنی دارێکی دڕکاویە بەسەر ڕۆح و ژیانتەوە .

بەشەقامێکدا دەڕۆیت و چواردەورت پڕە لە درەختی بەرز و گەورە، دەستت لە گیرفانتدایە و کزە بایەکی سارد بە هەموو گیانتدا هاتوچۆ ئەکات، تۆ تەنها بە جەستە بونت هەیە و خەیاڵت لای هەزار شتە، یەکێک لەو خەیاڵانە هەڵدەبژێریت و لە ناخەوە ئەتگریەنێت، فریا ناکەویت فرمێسکەکانت بسڕیت، ئەو هەوا ساردە هەر زوو بە دەموچاوتەوە وشکی دەکاتەوە، دەتەوێت هەموو ئەو هەستانە بکوژیت، کە ئازارت دەدەن، دەتەوێت؛ وا پیشانی بدەیت کە هیچ شتێکت بەلاوە گرینگ نییە، دەتەوێت بڵێیت؛ تەنها من هەم..

هەموو ڕۆژە ڕەشەکانم کۆدەکەمەوە
لە ڕۆژە سپییەکانماندا
چاوی تۆی پێ دەڕێژم ..!

ئێمە هەڵبژاردنمان خستە پێشیان
کە ببن بە هەمووشتێک
بەڵام خۆیان ویستیان هیچ بن..

.

ئەم شارە ئیشی خۆیەتی ..

ئەوەی کە بەڕاستی ئاشقتە منم ..منممم…😊

من لەو مرۆڤە تەمەڵانەم، تەنیا دەزانم خۆشم بوێی. نە هۆی دڵخۆشیتم و نە هیچم پێ دەكرێ، تەنیا خۆشم دەوێی. خۆشویستنت تەنیا كارە لەدەستم بێ. بێكەڵكترین بوونەوەری گەردوونم، قسە زیاتر هیچم نییە. هێندە تەمەڵم تاقەتی مناقەشەشم نییە. كە تووڕە دەبی و هەرچی دەڵێی دەڵێم وایە. زوویر دەبی و دەزانم حەقتە، هیچم لەدەستنایە و هیچ بیانوویەكیش ناهێنمەوە. وەك هەمیشە لەسەر خۆ و هێواش دەچرپێنم بەگوێتا كە خۆشم دەوێی.

بە کورتی من هەمیشە ڕاستی بووم …

ئەگەر کەسێکت ئازاردا و بێدەنگییەکەی بۆ ماوەیەکی زۆر درێژەی کێشا
دڵنیابە لەوەی سزایەکت دادە لە قسەکردن توندتر بێت.

ئێستاش لە دوای ئەم هەموو ساڵە
ئەم هەموو پایزە ، ئەم هەموو شەو و
خەون بینین و چاوەڕوانیە ،
دەبینم هاتوەتەوە و بە تەنها نەهاتوەتەوە
لەگەڵ کەسێك هاتووەتەوە کە
کچە ، گەنجە ، تا ڕادەیەك جوانە و زۆر
شتی تر کە خراپترینیشیان ئەوەیە
کە ئەو کچە من نیم ..

من و تۆ هەر لە سەرەتاوە هی یەک نەبووین، هەڵە هاتین هەڵە چووین، من و تۆ هەموو ڕێگاکان ئەمانباتەوە سەر عەشق بەڵام هیچ ڕێگایەک نامانباتەوە تەنیشت یەکتر، من و تۆ هاوسەفەری دوو ڕێگای جیاین یەک چیرۆکین بەس لە دوو پەڕەی جیاواز، من و تۆ جوانترین بیانووی ژیانی یەکترین بەڵام هی یەکتر نین، لە کۆتاییدا من و تۆ هەر بە من و تۆیی دەمێنینەوە و هەرگیز نابین بە ئێمە.

ڪێ دەزانێت ..
لەوانەیە لە یەك ڪاتدا
بیر لە یەڪتر بڪەینەوە ..

بەڵێ
‏بە دڵنیاییەوە خۆشم دەوێی
‏گەرنا لە نیشتمانێکی غەمگین و
‏تاڵانکراودا دەمتوانی چیبکەم؟

بۆنی دابڕانی لێ یەت ، ئەم وردە فەرامۆش کردنە !