حكيم hakim 💊

السـلام عليكـم
اني طـالبة ادرس ب كُـلية الصيدلـة
وعنوان بحثي عن السكر النـوع الثاني والمرضى الي ياخذون انسوليـن گ علاج 🥹


ف يـاريت الي مريض سكر وياخذ إنسولين او احد من عائلته هيج يجاوب عن هاي الاسئلة الي بالرابط هي متاخذ اكثر من دقيقة واكون ممنونة ❤️✨


https://docs.google.com/forms/d/1Y2bQV9EmIyuWf0_8t8zdyoQEc53XnKDH9Zp0WJFgZFI/viewform

اكو موضوع ممكن محد منتبه اله بس للتنبيه الكم

ادوية مدرات
🔸Thiazide diuretics

مثل HCTZ وغيرها بداية استخدامها ممكن زيد طرح الادرار وهالشي معروف….

زين بالاستخدام المزمن شلون؟!

بكل سهولة راح يتعادل تاثيرها المدرر وراح ترجع كمية الادرار لنفس الكمية الي جان يدررها المريض قبل مياخذ هاي الادوية المدرة يعني بالاستخدام المزمن مزود الادرار يرجع الادرار للحجم الطبيعي الي جان يطرحه المريض قبل استخدامها…

طيب شلون لعد تنزل الضغط بهالحالة؟!
بكل سهولة راح تزيد من كمية تصنيع PGs المفيدة الي توسع الاوعية الدموية…

لذلك لذلك يفضل استخدام هاي الادوية نهارا بداية استخدامها وممكن نحولها ليلا بعد فترة من الاستخدام منطقيا والف سلامة للجميع 🌷🌷

حكيم hakim💊

🔴للصيادله وطلبة الصيدلةو َمساعدين
والشركات الدوائية _مندبة
تهتم القناة بنشر اعلانات :
اعلانات التواجد
اعلانات المندبة
اعلانات طلاب صيدلة
ومساعدي الصيادلة
لتوفير افضل الفرص العمل
رابط القناة القناة ⬇️

https://t.me/pharmcist_ads

اكو مقولة جانو يكولها اهلنه قبل بس مجنه نعرف شنو معناها…

يكولون الله يكفيك شر حاكم وحكيم…

الحاكم….
الدولة او القاضي بكل بلاء تتعرضله ممكن تنضر او تنسجن بسببه او تصيرلك مصيبة..

الحكيم….
الطبيب او الصيدلاني او مقدم اي خدمة صحية بعيدا انو راح تخسر فلوسك بس الاهم منها معرض لفقدان صحتك وهي اغلى ماتملك.

هذا المثل صراحة بليغ

حكيم hakim💊

مرات تروح للصيدلية تنغث وترجع خصوصا اذا كنت دقق بالحالات…

تجيك حالة تحتاج علاج مزمن ولمدة طويلة وتكتشف انو المريض ميكدر يوفر تكاليف علاج تضوج وتنغث وتتمنى عندك فلوس تنطي احسن علاج طول عمره…

اسمنه احنه علساس الدولة ماخذه فلوسك من النفط حته توفرلك صحة وتعليم وخدمات بس بالحقيقة لاصحة ولاتعلم ولاخدمات ولامحصل فلوس تعيش بيها حياة كريمة….

تعبت حته نفسيتنا من الحالات الي نشوفها بله مثاليات والله مرات تنقهر وضميرك يأنبك بسبب الحالات الي تشوفها تعاقب نفسك عليها مع العلم مو ذنبك….

امر الدنيا عجيب صراحة ولاعتراض على امر الله بالتوسيع والتضييق بالرزق على الناس….


حكيم hakim💊

هاي الصورة مهمة جدا احفظوها يمكم او احفظوا البوست لان راح تحتاجوا الادوية الوريدية والمحاليل المتوافقة وياها وفترة استقراها بعد حلها وتخفيفها مع المحاليل المتوافقة مع كل علاج…

‏ايضا الدكتورة ذاكرة الكم فقط المحاليل المتوافقة ويه كل علاج ونسبة ثباتيتها مع الوقت ان شاءالله تفيدكم كلش خصوصا التعيين الجديد موفقين ان شاءالله

الشكر موصول لدكتورة انسام على اختصاره


‏ : References
injectable drug guide
BNF
Medscape

حكيم hakim💊

( والله يعلم وأنتم لا تعلمون )

التأخيرات في حياتك هي لحكمة بالغة يعلمها الله وحده فقط سلّم أمرك لله وثقّ به…

حين يشاء الله؛ يستبدل أسبابًا بأسباب وحين يشاء الله؛ يغلق ويفتح أبواب وحين يشاء الله يمنع عنك، ليعطيك ويحرمك، ليرضيك…..

-فكُن راضيًا وكأنك تملك كل شيء لأن كل ما يكتبه الله لنا ألطف وأجمل وأعظم الاشياء....

فرب الخير لا يأتي إلا بالخير


حكيم hakim💊

اهم شغلة لازم يركز عليها الطبيب والصيدلاني باعطاء العلاج هو

🔸Maximum daily dose

او شكد ممكن اعلى جرعة علاجية ممكنة لاعطاء هذا العلاج بيها خلال اليوم ضروري نعرف هالشي حتة منعبر التاثير العلاجي لل toxic dose وايضا بعض الاحيان نريد نستخدم جرعة اضافية فحتة نعرف امكانية الاستخدام من عدمها لازم نعرف MDD و dose frequency من الضروريات تعتبر….

بالاضافة لل maximum daily dose ايضا الصيدلاني لازم يركز على موضوع
🔸Dose
🔸Cost

وسلامتكم ان شاءالله 🌷🌷

حكيم hakim💊

اكثر شغلة احنه ممحترميها بالعراق هو انو المريض اذا راد يقطع العلاج لازم نبلغه شلون يتركه مو بس يتركه وتتلكاه مشاكله على سبيل المثال من الادوية الي ميصير تنقطع فجأة هي ادوية

🔸ppi like omeprazole

ولتستغربون لان اني شايف اكثر من مريض تعالج من h-pylori وبعد مخلص العلاج قطعة فجأة فيجي يشكي من الم بالمعدة وتهيج بسبب زيادة افراز hcl بسبب قطع ppi المفاجئ

هنا يجي دورنه تكله ميقطع بشكل مفاجئ وانما لازم يكمل على نصف الجرعة لمدة شهر اضافي حته نمنع rebound hyperacidity الي راح يصير وممكن يسبب قرحة معدة بعض الاحيان…

بالاضافة لهواية ادوية بعد يختلف تكنيكها باختلاف العلاج وسلامتكم ان شاءالله 🌷🌷

حكيم hakim💊

شغلتين اساسية بحدوث Anaphylaxis الي يصير ويه التحسس تجاه مادة علاجية او مواد اخرى….

حتة تفهمون anaphylaxis شلون يصير لازم تفتهمون هالشغلتين…

🔹site of histamine releases
يعني حتة يبدي بحدوث immune mediated reactions وبحدوث هذا التفاعل العنيف يحتاج افراز كمية جبيرة من الهستامين ولازم تعبر للدم مو تبقى بالانسجة وخلوها بالكم انو histamine هو اول من راح يبدي بشرارة حدوث هذا التفاعل بعد تحرره من mast cell و wbc هنا سرعة افراز الهستامين الها دور لان اذا كان الافراز بطيء راح يتحلل الهستامين قبل ميدخل الدورة الدموية ومراح يصير التفاعل…


الشغلة الثانية المهمة بحدوث التفاعل هو
🔹rate for histamine release
يعني كل ماجان افراز الهستامين سريع too fast وكمية جبيرة هنا راح نوكع ب anaphylaxis reaction اسرع كفاكم الله شره هذا النوع من التفاعل قاتل اذا ماتم ادارته بشكل سريع لذلك تشوفون اول تدبير علاجي بحالات التحسس من اي علاج او مادة ننطي
➡️Diphenhydramine…
➡️Hydrocortisone and /or dexamethasone …

حتة نمنع عمل وانتاج الهستامين بالاضافة لرول الستيرويد بهاي الحالة راح تقلل الحساسية والالتهاب الناتج عن بداية التفاعل وتكبح خلايا wbc وتعدل ردة فعل الجسم المناعية الناتجة بهاي الحالة…

بعض الاحيان لاتكفي هاي الادوية ولازم نستخدم
➡️Adrenaline

خصوصا بحالات anaphylaxis reaction القوية والي ينتج وياها اختناق bronchoconstriction ميفيدنه غير الادرينالين وصحة والف سلامة يارب 🌷🌷


حكيم hakim💊

اكثر موضوع مزعج من انته مفكر بعد التخرج تبني نفسك واحلامك وطموحاتك الوردية تحققها بعد التخرج وتصطدم بالواقع المؤلم الي تعيشه بعد التخرج انو هاي الاحلام غير قابلة للتحقيق اغلب احلامنه الي جنه نفكر بيها للاسف متتحقق او غير قابلة للتحقيق كليا ضمن المدى القريب…

الموضوع الثاني الي لازم تعرفوا الواقع اصعب من ممتصوري ولازم تتعب على نفسك علميا وعمليا طور نفسك بحيث تكون انته مسؤول عن نفسك وشغلك بعد محد يفهمك مثل ايام الكلية يله تكدر تشتغل صحيح وتبني نفسك بالاضافة لموضوع الصعوبات المادية الي يواجها الشخص بداية تخرجه ايضا يحتاج وقت من التعب والجهد يله يكدر يتخطاها الموضوع مو سهل بس الانسان اذا كدر يوافق بين عمله ونفسه ممكن يرتب وضعه صراحه هذا الكلام واقعي مو حته اهبط معنويات اي احد والله بس هذا الي مرينه وشفناه

معلومتين ممكن تصدمكم وحده اغرب من الثانية عن renal colic او المغص الكلوي الي ممكن ينتج عن renal stone وغيرها

الاولى يكلك ادوية
🔸NSAIDs
لحالات renal colic او المغص الكلوي ممكن نفضّلها حتة على ادوية opioid او narcotic وبالتحديد لحالات renal colic ممكن نفضل diclofenac على tramadol والسبب لان شافوها افضل من ناحية التسكين و الاكشن

➡️NSAIDs provide optimal analgesia in renal colic due to the reduction in glomerular filtration and renal pelvic pressure, ureteric peristalsis and ureteric oedema….
هذا الكلام منشور ب ncbi لكيته عن الموضوع يفسر السبب…

الملاحظة الثانية plasil او
🔸Metoclopramide
يعتبر افضل anti-emetic يستخدم لحالات nausea and vomiting الي تجي ويه حالات renal colic لان شافوا بالاضافه لتاثيره الممتاز بتقليل الغيثان والقيء ممكن يقلل ايضا من الالم وفعاليته هنا تتقارن ب opioid الجرعة مالتة 10mg وممكن يستخدم ثلاث مرات باليومim/iv…

▫️It treats the nausea and vomiting resulting from renal colic caused by kidney stones.It relieves the pain resulting from renal colic and is considered equivalent to narcotics in relieving kidney colic pain….

EUA2020
Medscape

حكيم hakim💊

اني مرات من اكول الصيدلاني الشاطر محد يعوض شغلة ترا مو مبالغة ولا غلو بالموضوع….

هاي اليوم بالمستشفى سحبوا
Piperacillin/tazobactam
بالسرنجة ونفس السرنجة رجعوا سحبوا Vancomycin وراه
وصار هشكل….

الموضوع ومابي انو vancomycin فيزيائيا غير متوافق مع tazocin والي راح يصير بهاي الحالة large white ppt. يترسب وهاي كدامكم شوفوها شكبر حجم الترسب…

هيج كيسات مهمة جدا ويصير عيلها توعية وتعميم حته تقلل من الخسائر الي ممكن تصير واستنزاف الموارد من تمكن الصيدلاني من شغلة بنسبة ١٠٠٪؜ مراح تصير اي اخطاء بالشغل ولاتستنزف مواردك وبنفس الوقت ترشد استخدامك بالادوية مالتك من جميع الجوانب وسلامتكم مشكور جدا دكتور علي على ارسالها ♥️ 🌷🌷

الصيدلاني السريري علي امير الفتلاوي مستشفى الديوانية التعليمي

حكيم hakim💊

كايلها عدة مرات وارجع أكولها الصيدلة اسهل اختصاص للكل ممكن تطفل عليها وتصير دخلاء لان كلها شاطرة بالحجي والكلام بس مو كل شخص يحجي الحجي الصحيح والعلمي الي يفيد المريض اله الي دارس صيدلة ومضبط وضعه واختصاص بالموضوع…..

حبوب وشرابات
🔸Albendazole
متنعاد وره اسبوع ولا بعد ١٠ ايام الموضوع مو مزاجي بكيفك تحجي وره ١٠ ايام عيدها كل المصادر تكول بعد ١٤ يوم تنعاد الجرعة والحرعة تؤخذ على معدة فارغة مو بعد الاكل بحالات الديدان الدبوسية…

اخوانه الصيادلة من تمشون شغلة علموا المريض بالكورس الصحيح والاستخدام الصحيح والفترة الصحيحة للعلاج اذا مالك مزاج لتشتغل واذا مسلم صيدليتك لدخيل بس يكذب عالعالم لافهم ولاعلم فهاي انته والله والله يجازيك على فعلك

حكيم hakim💊

اختبار التحسس الدوائي ✅

Allergic skin test ✅

الطريقة الصحيحة والعلمية لاختبار تحسس الادوية الوريدية بمختف التكنيك مشكور دكتور علي على ارسالها…

الصيدلاني السريري علي امير الفتلاوي

حكيم hakim💊

🔷️اكو حالة مرضيه سببها مضاد حيوي antibiotic وتعالج بواسطه مضاد حيوي !غريبه مو 👏
هاي الحاله اسمها

(Pseudomembranous colitis)
التهاب القالون الغشائي الكاذب
او مرات يسموها (antibiotics induced diarrhea )
احنه نعرف اكو توازن ب الامعاء بين ال بكتريا النافعه normal flora والبكتريا الضاره

🔶️نتيجة اخذ الانتيبايتك بصورة غير صحيحه ممكن انو الانتيبايتك يقتل ال بكتريا النافعه الي بال الامعاء وتسبب استنفار بكتريا ضاره اسمها (clostridium difficile )

🔷️ بكتريا clostridium difficile الي سيطرت على االامعاء تفرز سموم (toxin) تأذي جدار الامعاء وتسوي diarrhea
زين بهلحاله شنو الحل 😎

🔹️يقطع استخدام الانتيبايتك🤝

🔸️الفلاجيل(metronidazole )هو الفيرست لاين بعلاج هاي الحاله
اذا مافاد فلاجيل
🔹️هنا ينطون ( vancomycin oral ) فموي مو وريدي حته هنا يشتغل موضعي 💜👌👏
طبعا اكو مصادر داتكول انو صار vancomycin هو الفيرست لاين…

وسلامتكم ان شاءالله 🌷🌷

حكيم hakim💊

الصيدلاني العراقي بعد التخرج يموت علميا وأكاديميا حتة اذا كان متابع ويقرا او تدريسي تعرفون ليش!!

لان احنه منهتم بالبحوث ولا عدنه جمعيات عراقية محترمة مخصصة للصيادلة تحفزهم على هذا الشي لذلك تشوفون الشخص حتة اذا ساهم بجهود فردية ميكدر يستمر لان محد يدعمة وهاي كارثة لان ما راح يصير تطوير بالواقع الصيدلاني هيج….

هو سؤال احنه ليش ماعدنه جمعية صيدلانية للصيادلة العراقيين تهتهم بالبحوث والتاليف وتطوير الواقع الصيدلاني مع العلم الاموال موجودة بيد الجهات التنفيذية والرقابية والنقابات لو القصد هو تجيهل المجتمع العلمي!!!

حكيم hakim💊

أحد نِعَم الله المنسية

نعمة محدودية الإدراك في الأمور،

والتي تتناسب مع العقل البشري واستيعابه وتحمله،

هل كان ليهنأ عيشه لو عَلِمَ بموعد أجله؟

أو المصائب التي ستحدث له ولمن حوله؟

أو السُّوء الذي يحكى من ورائه؟

الجهل بِـبـعض الأمور رحمة……

🌷🌷

حكيم hakim💊

الدليل العراقي لاستعمال المضادات الحياتية

كتاب يخص الـ antibiotics
مصمم على شكل جداول للحالات المرضية والانتيبايتك المستعمل مع الجرع


حكيم hakim💊

هذا الكيس اجاني للصيدلية يريد مرطب شفه اول مشفته نصدمت بصراحة‼️

قبل مانطي اي شي كتله انته شنو جاي تستخدم علاج شي⁉️

كال لا مجاي استخدم اي شي بس والله اني معبرت عليه انطيت مرطب نوعية ممتازة وكتله يحتاجلك وياه multi-vitamin ايضا هو خطية الولد مؤدب جدا ومن مراجعين الصيدلية كال انطيني بس المرطب وبعدين اجي اخذ البقية….

انطيته المرطب وماطول الموضوع اقل الساعة اجاني جايبلي الحب الريتان كال ترا اني استحيت منك بالبداية مجاوبتك بس ترا اني اهذ هذا العلاج الي هو
🔹isotretinoin
هاي الحالة جدا شائعة ويه الريتان وحاجيلكم عنها اني يسبب جفاف عنيف بانسجة الوجه والشفة وممكن المريض يعوف العلاج بسبب اعراضه الجانبية هاي الحالة نسميها Cheilitis التهاب يصير بالشفة ويصير جفاف وتقشر قوي وياه الطبيب مكاتبلة اي مرطب شفة انطيته مرطب ممتاز ومرطب للوجه وmulti-vitamin ايضا يفيده انتبهوا جدا لهيج اعراض جانبية تخلي المريض يترك العلاج لان مزعجة جدا وعنيفة والمريض نفسه ميدري ليش هيج ديصير عنده فاسهل شي يترك العلاج اني شرحتله وفهمته بكل التفاصيل وهم فهمته ليش ديصير هيج خطية كلش متاذي وسلامتكم ان شاءالله🌷🌷

حكيم hakim💊

شنو اشهر انواع المغنسيوم Magnesium واهم استخداماتهم العلاجية…

حكيم hakim💊


رابط البوست بالإنستقرام

https://www.instagram.com/p/DBeIkH5NXV_/?igsh=bDJ3dWVweWFxc2Y3

شنو اشهر انواع المغنسيوم Magnesium واهم استخداماتهم العلاجية…

حكيم hakim💊

اليوم فرحت لشغلة ..
مريضة acute leukemia قبل سنتين سمعت بقصتها انو هي طالبة صف سادس وتريد تطلع معدل عالي وللاسف رجعلها المرض بوقت الامتحانات واخذت كيمو جرع قوية وراها راحت زرع نخاع وقبل فترة شفناها بمراجعة على زرع النخاع وكتلها سامعة بيج من زمان ،
اليوم جتي سلمت عليه كالت تتذكريني ؟اني فلانة كتلها هااا بشري شون دراستج وشكد طلعتي ؟؟كالت طلعت ٩٠وبلكي انقبل صيدلة ..
كلش فرحتلها والله ،وياريت لو يسوولها استثناء لو شي حتى تنقبل بدون اهلية لان وحدة مثلها عانت وشافت الموت بعينها كم مرة ورجعت وراها حاربت ودرست وتطلع معدل عالي ..هاي يسموها "بطلة"
الله يوفقها ياربي 😍
❤️❤️❤️

منقول من دكتورة غادة العاني صيدلانية في مركز زرع نخاع العظم مدينة الطب
❤️‍🔥

حكيم hakim💊

نصيحة لوجه الله المريض الي عنده حساسية موسمية او
🔸Hay fever(Sessional allergic rhinitis)
ليستخدم لكنكس للرشح…
كلنكس لتستخدمه اذا عنده حساسية موسمية…

افضل شي هي وصلة قماش اخوان هذا الكلنكس مرات يجي بي عطور نفسها ممكن تهيج او تفاقم وضع الحساسية الموسمية…

او نفسه الكلنكس بعد ميبقى الشخص لازمه راح يبدي يتكسر ويطلع دقائق بحجم الذرات مجرد استنشاقها يهيج الحساسية وعن تجربة صحة والف سلامة يارب…

احنه مو بس نبيع ادوية هم لازم ننصح المريض بالتصرف الصحيح وحفظكم الله من كل سوء
🌷🌷

حكيم hakim💊

اني كشخص عربي ومسلم صاحب مبدأ وقضية يهمني وياثر عليه كلشي جاي يصير حاليا بالساحة العربية من الاحداث الاخيرة والعدوان الصهي..وني على غزه ولبنان وتعامل الغرب الحقير ويانه…..

هالشي ماثر على يومنه وحياتنه كلها ونفسياتنه جدا منذ بداية الاحداث قبل سنة تحس عندك ناس منك وبيك جاي تتعرض لاذى وعدوان غاشم وظلم تحت وطأة الصهاينة والغرب الحقير بظل وجود حكام فاسدة لاتقدم ولاتاخر واعوان للصه..اينة….

اني ما استنكف احجي بقضيتي العربية ولايهمني او يعني شخص يحس الموضوع مو يمه او هو مو بطرف بالموضوع النبي محمد عليه افضل الصلاة والسلام يقول من لم يهمه امر المسلمين فهو ليس منهم….

اذا اكو شخص يحس نفسه اكبر من القضية او متسوى يحجي او يتشرف يحجي او يوعي الناس بيها المفروض يراجع حساباته….

حسبنا الله ونعم الوكيل ولاحول ولاقوة إلا بالله العظيم….

اخوان الله يرحم والديكم اصحوا من السبات الي نايمين بي العرب وصحوا الناس بكلشي جاي يصير حاليا الوضع قبل احداث غزه شي وبعد احداث غزه راح يصير شي ثاني العالم مراح يستمر على وضعه في ظل الهيمنة الغربية والصهيونية….