Bun Park

សៀវភៅដែលត្រូវអានសម្រាប់ឆ្នាំ 2025 📚

• អភិវឌ្ឍខ្លួន
1- The 5am Club - ម៉ោង 5 ព្រឹក (Link: https://www.weread.asia/#/detail?id=85)
2- Triggers - វិន័យ (Link: https://www.weread.asia/#/detail?id=107)
3- GRIT - ថាមពលជម្រុញចិត្ត (Link: https://www.weread.asia/#/detail?id=38)

• អាជីវកម្ម
1- The Minimalist Entrepreneur - ស្ថាបនិកតូចតាច (Link: https://www.weread.asia/#/detail?id=183)
2- Side Hustle - មុខរបរទីពីរ (Link: https://www.weread.asia/#/detail?id=168)
3- Titan - ទីតាន់ (Link: https://www.weread.asia/#/detail?id=16)

• ហិរញ្ញវត្ថុ
1- A Dog Called Money (Link: https://www.weread.asia/#/detail?id=84)
2- The Richest Man in Babylon (Link: https://www.weread.asia/#/detail?id=117)
3- 学会花钱 - រៀនចាយលុយ (Link: https://www.weread.asia/#/detail?id=47)

• ចិត្តវិទ្យា
1- Looking Out Looking In – សិល្បៈក្នុងការទំនាក់ទំនង (Link: https://www.weread.asia/#/detail?id=222)
2- Overcome Social Anxiety - យកឈ្នះភាពភ័យខ្លាច (Link: https://www.weread.asia/#/detail?id=214)
3- The Marshmallow Test - ទប់ចំណង់ (Link: https://www.weread.asia/#/detail?id=187)

• ទីផ្សារ
1- Marketing Warfare - សង្គ្រាមទីផ្សារ (Link: https://www.weread.asia/#/detail?id=147)
2- Purple Cow - គោពណ៌ស្វាយ (Link: https://www.weread.asia/#/detail?id=21)
3- Judo Strategy - យុទ្ធសាស្ត្រយូដូ (Link: https://www.weread.asia/#/detail?id=111)

WERead 🎧📚

2025 ហើយ ទម្លាប់ 10 យ៉ាងដែលយើងត្រូវធ្វើរាល់ថ្ងៃ 💯

❤️រីករាយឆ្នាំថ្មីអ្នកទាំងអស់គ្នា🎆 2025

​​“លុយ និងភាសាចិត្តវិទ្យា” គឺជាសៀវភៅមួយក្បាលដែលបង្រៀនយើងឱ្យចេះធ្វើការសម្រេចចិត្តត្រូវរឿងលុយកាក់ និងស្វែងយល់ពីស្ថានភាពសេដ្ឋកិច្ចនាពេលបច្ចុប្បន្ន វាមិនមែនជាសៀវភៅទ្រឹស្តីពិបាកយល់ទេ តែជាសៀវភៅអនុវត្តជាក់ស្តែងមួយក្បាល ដែលប្រាប់យើងពីអាថ៌កំបាំងពិតប្រាកដនៅពីក្រោយទ្រព្យសម្បត្តិ ភាពលោភលន់ និងសុភមង្គលរបស់មនុស្សក្នុងពេលបច្ចុប្បន្ន។

សៀវភៅហិរញ្ញវត្ថុ និងវិនិយោគភាគច្រើនបង្រៀនយើងពីរូបមន្ត គោលការណ៍ និងសន្ទស្សន៍មួយចំនួនដែលជំនួយដល់ការសម្រេចចិត្តរបស់យើងនៅក្នុងការវិនិយោគ។ តែអ្នកនិពន្ធយល់ថា រូបមន្តទាំងនោះសុទ្ធតែជារូបមន្តងាប់ប៉ុណ្ណោះ អ្នកដឹង គេដឹង គ្រប់គ្នាសុទ្ធតែដឹង អ្វីដែលសំខាន់ គឺភាពក្លាហាន និងការសម្រេចចិត្តរបស់អ្នកទៅវិញទេ។

អ្នកនិពន្ធជនជាតិបារាំង Voltaire ដែលបានលើកឡើងថា៖ ប្រវត្តិសាស្ត្រមិនដែលកើតឡើងច្រំដែលទេ មនុស្សទេដែលធ្វើរឿងខុសដដែលៗ។ ពាក្យមួយម៉ាត់នេះបើប្រើក្នុងវិស័យហិរញ្ញវត្ថុ ជាពិសេសការវិនិយោគពិតជាត្រូវខ្លាំងណាស់។ ដូច្នេះអ្នកនិពន្ធចូលចិត្តរកកំហុសឆ្គង និងការសម្រេចចិត្តខុសរបស់មនុស្សពីមុនៗ ហើយរៀនសូត្រពីគេ យកធ្វើជាមេរៀន និងចែករំលែកដល់អ្នកទាំងអស់គ្នា។ នៅក្នុងសៀវភៅនេះ អ្នកនឹងបានរៀនសូត្រ៖
1- ហេតុអ្វីបានជាអ្នកវិនិយោគភាគច្រើនបរាជ័យដោយសារតែការភាពលោភលន់របស់ខ្លួន?
2- តើមានរូបមន្តអ្វីមកបែងចែកការវិនិយោគបែបណាឱ្យមានហានិភ័យទាបបំផុត និងភាគលាភខ្ពស់បំផុត?
3- អ្វីទៅជាភាគហ៊ុន អ្វីទៅជាមូលបត្របំណុល?
4- ធ្វើបែបណាទើបអាចតស៊ូនឹងការវិនិយោគក្នុងរយៈពេលវែងបាន?
5- ទម្លាប់វិនិយោគរបស់មនុស្សម្នាក់កំណត់ដោយកត្តាអ្វីខ្លះ?

ចំណងជើងដើម៖ The Psychology of Money Timeless Lessons on Wealth, Greed & Happiness
អ្នកនិពន្ធ៖ Morgan Housel (ម៉ហ្គេន ហោសេល)
ចំណងជើងជាភាសាខ្មែរ៖ លុយ និងភាសាចិត្តវិទ្យា
អ្នកអត្ថាធិប្បាយ៖ Bun Park

​​“ភ្លើងកំហឹងក្នុងសេតវិមាន” គឺជាសៀវភៅមួយក្បាលដែលបរិយាយពីប្រធានាធិបតីទី 45 របស់សហរដ្ឋអាមេរិច ជាមហាសេដ្ឋីអចលនទ្រព្យ និងជាបុរសដ៏មានឥទ្ធិពលមួយរូបដែលបានជាប់ជាប្រធានាធិបតីសហរដ្ឋអាមេរិចដល់ទៅពីរដង គឺកាលពីឆ្នាំ 2016 និងឆ្នាំ 2024 ថ្មីៗនេះ។ បុរសម្នាក់នេះគ្មានអ្នកណាក្រៅពី Donald Trump ឡើយ។ និយាយពី Trump មនុស្សក្នុងលោកមានការយល់ឃើញផ្សេងៗពីគ្នាចំពោះគាត់។ អ្នកខ្លះថាគាត់ជាមនុស្សក្រឡេចក្រឡុច និយាយបាតដៃខ្នងដៃ គ្មានធម៌មេត្តា អ្នកខ្លះចាត់ទុកគាត់ជានិមិត្តរូប ជា Idol ក្នុងចិត្តមនុស្សគ្រប់គ្នា។ ទោះបីជាមជ្ឈដ្ឋានជុំវិញធ្វើការវាយតម្លៃបែបណាចំពោះគាត់ក៏ដោយ ក៏យើងគួរតែយកចិត្តទុកដាក់ចំពោះបុរសម្នាក់នេះ ព្រោះមនុស្សម្នាក់ដែលប្រជាជនអាមេរិចផ្ញើសេចក្តីទុកចិត្តដល់ទៅពីរដង ប្រាកដជាមិនមែនជាមនុស្សធម្មតាឡើយ។

សៀវភៅនេះមិនមែននិពន្ធដោយ Trump ក៏មិនមែនសរសេរឡើងដើម្បីគាំទ្រកាន់ជើង Trump នោះដែរ តែជាសៀវភៅមួយក្បាលដែលបកអាក្រាត Trump និងរឿងរ៉ាវនឹកស្មានមិនដល់នៅពីក្រោយសេតវិមានរបស់គាត់ទៅវិញ។ អ្នកនិពន្ធហៅខ្លួនឯងថា គាត់គឺជារុយមួយក្បាលដែលហោះចុះហោះឡើងក្នុងសេតវិមាន អ្វីក៏គាត់បានដឹងបានឃើញដែរ ហើយសៀវភៅនេះនឹងលើកយករឿងរ៉ាវទាំងនេះមករៀបរាប់ប្រាប់មិត្តអ្នកស្តាប់។

នៅក្នុងសៀវភៅនេះអ្នកនឹងបានដឹងពីខ្លឹមសារសំខាន់ៗមួយចំនួនដូចខាងក្រោម៖
1- តើ Donald Trump ជាមនុស្សបែបណាឱ្យពិតប្រាកដ?
2- ចំណុចខ្សោយ 3 យ៉ាងរបស់ Trump ជាអ្វី?
3- ច្បាប់ទម្លាប់ក្នុងសេតវិមានរបស់ Trump និងរដ្ឋាភិបាលទីក្រុងវ៉ាស៊ីនតោនមានអ្វីខ្លះ?
4- តើអំណាចរបស់ប្រធានាធិបតី Trump ធំប៉ុនណា ហើយអ្វីខ្លះដែលជះឥទ្ធិពលដល់អំណាចរបស់គាត់?

ចំណងជើងដើម៖ Fire and Fury: Inside the Trump Whitehouse
អ្នកនិពន្ធ៖ Michael Wolf (ម៉ៃខល វូលហ្វ)
ចំណងជើងជាភាសាខ្មែរ៖ ភ្លើងកំហឹងក្នុងសេតវិមាន
អ្នកអត្ថាធិប្បាយ៖ Bun Park

👉🏽 ចូលស្តាប់ https://www.weread.asia/#/detail?id=227

Microsoft គឺជាក្រុមហ៊ុនបច្ចេកវិទ្យាខ្នាតយក្សមួយក្នុងចំណោមក្រុមហ៊ុនខ្នាតយក្សធំៗទាំងប្រាំរបស់សហរដ្ឋអាមេរិចដែលគេហៅថា Big 5 ដែលក្នុងនោះមានក្រុមហ៊ុន Microsoft, Alphabet, Apple, Amazon និង Meta ក្រុមហ៊ុនមេរបស់ Facebook។ Microsoft គឺជាក្រុមហ៊ុនជោគជ័យដំបូងគេនៅយុគសម័យកុំព្យូទ័រក្នុងអំឡុងឆ្នាំ 1990 ដែលដើមឡើយគេផ្តោតទៅលើការបង្កើតប្រព័ន្ធប្រតិបត្តិការនៅម៉ាស៊ីនកុំព្យូទ័រដែលគ្រប់គ្នាសុទ្ធតែស្គាល់នោះគឺ Window Operation System។

នៅឆ្នាំ 1986 មួយឆ្នាំក្រោយពេលគេដាក់ដំណើរការប្រព័ន្ធប្រតិបត្តិការ Window 1.0, Microsoft បានឡើង IPO ហើយតាមរយៈការបោះផ្សាយភាគហ៊ុនលក់ជាសាធារណៈនេះ Microsoft បង្កើតឱ្យមានសេដ្ឋីប្រាក់លានជាង 12000 នាក់ និងមហាសេដ្ឋីប្រាក់ពាន់លានចំនួន 3 នាក់ ក្នុងនោះក៏បានធ្វើឱ្យ Bill Gates ក្លាយជាមហាសេដ្ឋីដែលមានទ្រព្យសម្បត្តិច្រើនជាងគេបំផុតនៅក្នុងលោកក្នុងរយៈពេល 11 ឆ្នាំជាប់គ្នា។

បច្ចុប្បន្ន Microsoft ពង្រីកប្រតិបត្តិការរបស់ខ្លួនស្ទើរគ្រប់សេវាកម្មក្នុងវិស័យបច្ចេកវិទ្យាដូចជាបង្កើតកម្មវិធីទូរស័ព្ទ និងកម្មវិធីកុំព្យូទ័រ សេវាកម្ម Cloud Computing និងផលិតកម្មវិធីហ្គេមផ្សេងទៀតដែលសេវាកម្មទាំងអស់នេះបង្កើតចំណូលឱ្យគេបានជាង 200 ពាន់លានដុល្លារក្នុងមួយឆ្នាំ។

សៀវភៅនេះនិពន្ធដោយនាយកប្រតិបត្តិរបស់ក្រុមហ៊ុន Microsoft ផ្ទាល់ ដែលនឹងបង្ហាញប្រាប់យើងពីរបៀបដែលគេសង្គ្រោះក្រុមហ៊ុន Microsoft ពីក្រុមហ៊ុនដែលដាំក្បាលចុះក្រោមអស់ពេលជាច្រើនឆ្នាំ មកក្លាយជាក្រុមហ៊ុនដែលមានតម្លៃថ្លៃជាងគេមួយនៅក្នុងលោក។

ចំណងជើងដើម៖ Hit Refresh!
អ្នកនិពន្ធ៖ Satya Nadella (សត្យា ណាដេលឡា)
ចំណងជើងជាភាសាខ្មែរ៖ ម៉ៃក្រូសូហ្វ 
អ្នកអត្ថាធិប្បាយ៖ Bun Park

👉🏽 ចូលស្តាប់ https://www.weread.asia/#/detail?id=226

​​យើងគ្រប់គ្នាសុទ្ធតែមានបទពិសោធបែបនេះ ជារឿយៗការសម្រេចចិត្តដំបូងគេរបស់យើង តែងតែជាការសម្រេចចិត្តដែលត្រឹមត្រូវជាងគេជានិច្ច។ យើងហៅថាវាជាប្រផ្នូលក៏បាន ជាញាណទីប្រាំមួយក៏បាន តែបើតាមភាសាចិត្តវិទ្យា ការសម្រេចចិត្តលឿន បែបនេះវាបញ្ជាដោយប្រព័ន្ធនៃការគិតមួយផ្នែករបស់ខួរក្បាលដែលគេហៅថា “Subconscious Mind” ឬជាភាសាខ្មែរហៅថា «អនុសម្បជញ្ញៈ»។ វាជាប្រព័ន្ធនៃការគិតបែបលឿនៗ គ្មានអំណះអំណាង និងដំណើរការដោយខ្លួនឯងដោយគ្មានការបញ្ជា ឬឆ្លងកាត់ការពិចារណាអ្វីឡើយ។

សៀវភៅ “Blink” ដែលយើងលើកយកមកធ្វើការសង្ខេបជូនអ្នកទាំងអស់គ្នានៅថ្ងៃនេះ គឺបកស្រាយពីទិដ្ឋភាពដ៏គួរឱ្យងឿងឆ្ងល់នេះឯង។ នៅក្នុងសៀវភៅនេះអ្នកនឹងបានយល់អំពី៖
1- ហេតុអ្វីបានជាមនុស្សមានប្រព័ន្ធនៃការសម្រេចចិត្តលឿនបែបនេះ តើវាអាចត្រូវបានជំនួសដោយការសម្រេចចិត្តយឺតដោយប្រើសតិសម្បជញ្ញៈបានដែរឬទេ?
2- អ្វីទៅជាអាថ៌កំបាំងនៅពីក្រោយប្រព័ន្ធអនុសម្បជញ្ញៈនេះ?
3- ដើម្បីឱ្យយើងធ្វើការសម្រេចចិត្តលឿន ហើយត្រឹមត្រូវ តើយើងត្រូវយកចិត្តទុកដាក់ទៅលើកត្តាអ្វីខ្លះ?

ចំណងជើងដើម៖ Blink: The Power of Thinking Without Thinking
អ្នកនិពន្ធ៖ Malcolm Gladwell (មេលឃឹម ក្លេដវែល)
ចំណងជើងជាភាសាខ្មែរ៖ មួយប៉ប្រិចភ្នែក
អ្នកអត្ថាធិប្បាយ៖ Bun Park

យើងគ្រប់គ្នាសុទ្ធតែចង់ក្លាយជាមនុស្សឆ្លាត តែពាក្យថាឆ្លាតតែងតែភ្ជាប់មកជាមួយនឹងកលល្បិច និងការគេងចំណេញជានិច្ច ប៉ុន្តែអ្វីដែលធ្វើឱ្យយើងក្លាយជាកំពូលមនុស្សលេចធ្លោ និងទទួលបានលាភសក្ការៈច្រើនជាងគេនោះ គឺភាពឈ្លាសវៃទៅវិញទេ? តើឆ្លាត និងឈ្លាសវៃខុសគ្នាយ៉ាងម៉េច? ធ្វើយ៉ាងណាអាចឱ្យយើងក្លាយជាមនុស្សឈ្លាសវៃជាងគេនៅក្នុងចំណោមមនុស្សជុំវិញខ្លួន? សៀវភៅនេះនឹងបង្រៀនយើងឱ្យក្លាយជាមនុស្សដ៏ឈ្លាសវៃជាងគេនៅក្នុងបន្ទប់។

នៅក្នុងសៀវភៅនេះយើងនឹងបានស្តាប់៖
1- តើយើងត្រូវប្តូរការគិតបែបណា ដើម្បីជៀសវាងការខ្វែងគំនិតជាមួយមនុស្សដែលមានទស្សនៈផ្ទុយគ្នា?
2- យើងគួរចេះប្រើភាសារបែបណា ដើម្បីជះឥទ្ធិពលដល់សកម្មភាពរបស់អ្នកដទៃ?
3- របៀបបង្កើតបរិយាកាសយ៉ាងណា ដើម្បីផ្លាស់ប្តូរសកម្មភាព
4- ចាប់ផ្តើមធ្វើសកម្មភាព ដើម្បីផ្លាស់ប្តូរផ្នត់គំនិត

ចំណងជើងដើម៖ The Wisest One in the Room
អ្នកនិពន្ធ៖ Thomas Gilovich & Lee Ross(ថូម៉ាស ហ្គីឡូវិច & លី រ៉ស់)
ចំណងជើងជាភាសាខ្មែរ៖ មនុស្សឈ្លាសវៃជាងគេនៅក្នុងបន្ទប់
អ្នកអត្ថាធិប្បាយ៖ Bun Park

👉🏽 ចូលស្តាប់ https://www.weread.asia/#/detail?id=224

“ក្រុមហ៊ុនតូច គេប្រជុំបែបនេះ” ☕️

👉🏽 បាលីបីម៉ាត់៖
• ខ្ញុំមើលឃើញថា... (ខ្ញុំមើលឃើញថាថ្មីនេះគ្រប់គ្នាមកធ្វើការមិនដែលទាន់ម៉ោងទេ)
• ខ្ញុំយល់ថា... (ខ្ញុំយល់ថាយើងមិនគួរមានទម្លាប់មិនល្អបែបនេះទេ)
• ខ្ញុំសំណូមពរ...(ខ្ញុំសំណូមពរឱ្យអ្នកទាំងអស់គ្នាមកធ្វើការឱ្យទាន់ម៉ោងគ្រប់ៗគ្នា)

👉🏽 3 គួរ
• មុនពេលប្រជុំ គួរត្រៀមប្រធានបទឱ្យហើយ
• ក្នុងពេលប្រជុំ គួរផ្តោតលើគោលបំណងដែលចង់ពិភាក្សា
• ក្រោយពេលប្រជុំ គួរមានធ្វើកំណត់ហេតុ

👉🏽 3 កុំ
• កុំកោះហៅគេប្រជុំ បើគ្មានគោលបំណងច្បាស់លាស់
• កុំប្រជុំច្រើនម៉ោងពេក បើមិនចាំបាច់
• កុំប្រជុំ បើមិនបានតាមដានសកម្មភាពក្រោយការប្រជុំ

WERead 📚

ជួនកាលយើងខំដែរ តែគ្មានលទ្ធផល ប្រហែលមកយើងខំក្លែងក្លាយ

សៀវភៅនេះខ្ញុំចូលចិត្តជាងគេ
👉🏽 ចូលស្តាប់ https://www.weread.asia/#/detail?id=215

“គ្រោះថ្នាក់ 5 យ៉ាងក្រោយពេលបើកក្រុមហ៊ុន”

1-មិនបានធ្វើកុងត្រា ឬ កិច្ចព្រមព្រៀងជាមួយម្ចាស់ភាគហ៊ុន ពេលមានបញ្ហាគ្មានឯកសារផ្លូវច្បាប់

2-មិនបានចុះបញ្ជីជាក្រុមហ៊ុនទទួលខុសត្រូវមានកម្រិត ពេលក្ស័យធន ប៉ះពាល់ដល់ទ្រព្យសម្បត្តិឯកជន

3-មិនបានរៀបចំរបាយការណ៍ហិរញ្ញវត្ថុតាំងពីដំបូង ពេលសើរើឡើងវិញ គ្មានឯកសារ

4-ក្រោយពេលចុះបញ្ជី ត្រូវមានកាតព្វកិច្ចបង់ពន្ធជូនរដ្ឋ

5-បើកស្រួល តែបិទពិបាក

👉🏽ស្តាប់សៀវភៅអាជីវកម្មជាង 30ក្បាលនៅលើ WERead 📚 https://www.weread.asia/#/subjectbook?id=1

អបអរសាទរ អ្នកបានស្តាប់ចប់សៀវភៅមួយក្បាលទៀតហើយ!
📚 សៀវភៅទី #223 “មួកប្រាំមួយពណ៌” Six Thinking Hats
👉🏽https://www.weread.asia/#/detail?id=223

📣 ជ្រើសរើសអ្នកសម្របសម្រួលកម្មវិធី Live ចែករំលែកចំណេះដឹង ផ្តល់ឱកាសឱ្យនិស្សិតឆ្នើម!

Submit CV 👉🏽@bunpark

សៀវភៅ #222
សិល្បៈក្នុងការទំនាក់ទំនង «Looking Out, Looking In»
ក្លាយជាកំពូលអ្នកទំនាក់ទំនង រៀនមើលចរិតមនុស្សពីខាងក្នុង និងឥរិយាបថពីខាងក្រៅ

👉🏽 ចូលស្តាប់ https://www.weread.asia/#/detail?id=222

ចូលស្តាប់កម្មវិធីរបស់ខ្ញុំដោយឥតគិតថ្លៃនៅលើ WERead 📚

👉🏽https://www.weread.asia/#/headline?id=10

Work Life Balance ⚖️

“5 សំណួរត្រូវសួរខ្លួនឯងមុនពេញចេញរកស៊ី” 📌

1- ហេតុអ្វីបានជាអ្នកចង់ចេញរកស៊ី?
ឃើញគេរកស៊ីជោគជ័យ ចង់រកស៊ីដែរ ឬក៏ចង់រកលុយតិចតួចក្រៅម៉ោងធ្វើការ?
បើសិនជារកស៊ី ដើម្បីចង់ក្លាយជាអ្នកមាន នោះអ្នកនឹងបោះបង់វាចោលនៅពេលដែលរកលុយមិនបាន។ ត្រូវចាប់ផ្តើមពីការស្រលាញ់ រីករាយនឹងការងារនៅក្នុងដៃ លុយនឹងរត់មកតាមក្រោយ។
2- តើអ្នកចង់ធ្វើរឿងអ្វី?
ចូលក្នុងវិស័យណា? លក់អនឡាញ ឬ បើកហាង? អតិថិជនគោលដៅនៅឯណា? នៅលើទីផ្សារមានដៃគូប្រកួតប្រជែងណាខ្លះ? គេកំពុងតែជួបបញ្ហាអ្វី? មានតែស្គាល់ពីទីផ្សារ និងដៃគូប្រកួតប្រជែងឱ្យច្បាស់ទេ ទើបអ្នកអាចរកចំណុចចាប់ផ្តើមឃើញ។
3- តើអ្នកមានអ្វីនៅក្នុងដៃ?
តើអ្នកមានធនធានអ្វីខ្លះ ដើម្បីចេញរកស៊ី? ទុនវិនិយោគបានមកពីណា? មានក្រុមការងារឬនៅ? ចំណេះដឹង បទពិសោធ ទំនាក់ទំនង ឬ ទុនចាប់ផ្តើម អ្វីដែលអ្នកមានត្រូវសរសេរវាចេញមកទាំងអស់។
4- គួររកស៊ីអ្វី?
អង្កេតមើលទីផ្សារឱ្យបានយូរ ចាំធ្វើការសម្រេចចិត្ត។ កុំធ្វើតាមគេ ធ្វើតាមអ្វីដែលអ្នកពូកែ អ្វីដែលទីផ្សារត្រូវការ។
5- វិភាគពីហានិភ័យ
ពាក់កណ្តាលនៃអ្នករកស៊ីបរាជ័យមិនមែនមិនចេះចាប់ឱកាសទេ គឺមិនចេះគ្រប់គ្រងហានិភ័យ។ ដរាបណាអ្នកមិនទាន់រកវិធីយកលុយពីអតិថិជនបានទេ ត្រូវចេះចាយវាយសន្សំសំចៃ និងទន្ទេញឱ្យចាំពីហេតុផលដែលអាចធ្វើឱ្យអ្នកបរាជ័យ។

📚 ណែនាំសៀវភៅមួយក្បាលឱ្យអ្នកស្តាប់៖
[បម្រាមទាំង 10 ក្នុងអាជីវកម្ម] https://www.weread.asia/#/detail?id=145

​​នេះជាសៀវភៅប្រឡោមលោកដំបូងគេ ដែលយើងលើកយកមកធ្វើការសង្ខេបជូនអ្នកទាំងអស់គ្នាស្តាប់នៅលើ WERead។ វាជាសៀវភៅបែបប្រឡោមលោកពិតមែន តែបើនិយាយពីឥទ្ធិពល និងភាពល្បីល្បាញរបស់វា មិនខុសពីសៀវភៅ Harry Potter របស់ J.K Rowling ឡើយ។ សៀវភៅនេះត្រូវបានគេបោះពុម្ពឡើងនៅក្នុងឆ្នាំ 1969 ជាងកន្លះសតវត្សរ៍មកនេះ សៀវភៅនេះត្រូវបានគេបកប្រែជាង 37 ភាសា។ រហូតដល់ឆ្នាំ 1972 គេបានយកវាទៅថតជាខ្សែភាពយន្តហូលីវូដ ដែលធ្វើឱ្យវាកាន់តែមានភាពល្បីល្បាញខ្លាំងជុំវិញពិភពលោក ទទួលបានពានរង្វាន់អូស្ការតាំងពីឆ្នាំទីមួយក្រោយពេលដាក់បញ្ចាំងមកម៉្លេះ។ អ្នកដែលចូលចិត្តមើលរឿងជាច្រើនបានធ្វើការវាយតម្លៃខ្ពស់ថារឿង “The Godfather” គឺជារឿងហូលីវូដដ៏ល្អបំផុតនៅក្នុងប្រវត្តិសាស្ត្រភាពយន្តរបស់សហរដ្ឋអាមេរិច។

សៀវភៅ “The Godfather” នេះ សរសេរពីជីវិតមេម៉ាហ្វៀរមួយក្រុមដែលបានធ្វើអន្តោប្រវេសន៍ពីប្រទេសអ៊ីតាលីចូលមករស់នៅក្នុងសហរដ្ឋអាមេរិចនៅដើមសតវត្សរ៍ទី 20។ គតិបណ្ឌិត និងដំបូន្មានដែលមាននៅក្នុងសៀវភៅនេះ ធ្វើឱ្យមនុស្សក្នុងលោកមានការស្ងើចសរសើរជាខ្លាំង ព្រោះវាបានរំលេចចេញពី ការដណ្តើមអំណាច ទំនាក់ទំនងសង្គម ទំនាស់ក្នុងគ្រួសារ និងដំណោះស្រាយក្នុងការធ្វើជំនួញជាដើម ដែលបានបង្ហាញឱ្យយើងឃើញច្បាស់ពីគុណធម៌ និងអំណាច កលល្បិច និងភាពស្មោះត្រង់រវាងពួកម៉ាហ្វៀរមួយក្រុមកាលពីជាង 100 ឆ្នាំមុន។

ចំណងជើងដើម៖ “The Godfather”
អ្នកនិពន្ធ៖ Mario Puzo (ម៉ារីអូ ភូហ្សូ)
ចំណងជើងជាភាសាខ្មែរ៖ ឪពុកធម៌
អ្នកអត្ថាធិប្បាយ៖ Bun Park

មួយៗ ដោះតាមដំណើរ

Morning ☕️

វង្វេងគោលដៅ មិនដឹងធ្វើអ្វី 🤷🏻‍♂️

បេសកកម្មខ្ញុំ 🎯
“សង្ខេបសៀវភៅ 52ក្បាល/ឆ្នាំ ជូនអ្នកស្តាប់”

​​នៅក្នុងការរស់នៅប្រចាំថ្ងៃរបស់យើង គេចមិនផុតឡើយងពីការជ្រើសរើស មិនថារឿងតូចតាចដល់រឿងធំដុំក្នុងជីវិតទាមទារឱ្យអ្នកធ្វើការសម្រេចចិត្តរហូត។ តាមការស្រាវជ្រាវមួយបានបង្ហាញថា មនុស្សម្នាក់ធ្វើការសម្រេចចិត្តពី 33000 ដល់ 35000 ដងក្នុងមួយថ្ងៃ។

មួយថ្ងៃៗយើងធ្វើការជ្រើសរើសច្រើនយ៉ាងនេះ តើធ្វើដូចម្តេចទើបអាចដឹងបានថាវាជាការជ្រើសរើសដ៏ត្រឹមត្រូវ និងសក្ដិសមសម្រាប់យើងទៅ? ចុះបើសិនជាយើងជាមនុស្សពិបាកនឹងធ្វើការសម្រេចចិត្តស្រាប់ តើយើងគួរជ្រើសរើសនូវអ្វីដែលគេបានដាក់ឱ្យយើងរើសដែរឬទេ? តើអ្វីទៅដែលជះឥទ្ធិពលដល់ការសម្រេចចិត្តរបស់យើងដោយមិនដឹងខ្លួន? ចុះបើសិនជាយើងសម្រេចចិត្តមិនជ្រើសរើសតែម្តង តើជីវិតយើងនឹងមានអ្វីកើតឡើង?

សៀវភៅមួយក្បាលនេះនឹងធ្វើការវិភាគជុំវិញបញ្ហានេះ ដោយបកស្រាយនូវចម្ងល់មួយចំនួនដូចខាងក្រោម៖
1- អ្វីទៅជាជម្រើសបឋម?
2- រៀនពីរបៀបតាក់តែងជម្រើសបឋម ដើម្បីជះឥទ្ធិពលដល់ការសម្រេចចិត្តរបស់អ្នកដទៃ
3- ហេតុអ្វីបានជាងយើងសម្រេចចិត្តជ្រើសរើសជម្រើសមួយដែលគេបានដាក់ឱ្យ ដោយជឿជាក់លើគេយ៉ាងនេះ?
4- ដើមទុននៅក្នុងការសម្រេចចិត្តជ្រើសរើសអ្វីមួយមានអ្វីខ្លះ?
5- ក្នុងនាមជាម្ចាស់អាជីវកម្មតើគួរតាក់តែងជម្រើសបែបណា ដើម្បីឱ្យអតិថិជនងាយស្រួលក្នុងការសម្រេចចិត្ត និងមិនមានសម្ពាធ?

ចំណងជើងដើម៖ Choosing Not to Choose, Understanding the Value of Choice
អ្នកនិពន្ធ៖ Cass R. Sunstein (ខេស អ. សាន់ស្ទៀន)
ចំណងជើងជាភាសាខ្មែរ៖ គ្មានជម្រើស
អ្នកអត្ថាធិប្បាយ៖ Bun Park

របៀបទទួលបាន VIP 3 ថ្ងៃពី WERead

👏🏽 សូមធ្វើការណែនាំ t.me/wereadbot/app
នៅទីនេះអ្នកទាំងអស់គ្នាអាចស្តាប់ WERead បាននៅលើ Telegram!

📌 សូមធ្វើការវាយបញ្ចូលលេខទូរស័ព្ទ Log in ចូលគណនីរបស់អ្នកដើម្បីស្តាប់!

5 ជំហានព្យាបាលជម្ងឺពន្យាពេល ⏳