Bun Park Telegram Posts  

នេះ Link ចូលរួម 👇🏽
"How to write Business Plan for Startup"
Thursday, February 27 · 1:00 – 3:00pm
Time zone: Asia/Bangkok
Google Meet joining info
Video call link: https://meet.google.com/zji-ibzx-krp

មានគំនិតអាជីវកម្មល្អហើយ តែមិនទាន់ដឹងពីរបៀបសរសេរផែនការអាជីវកម្មមែនទេ? តើសរសេរបែបណាទើបត្រឹមត្រូវ? តើរៀបចំបែបណាទើបមានប្រសិទ្ធភាព?

ចូលរួមជាមួយយើង ដើម្បីទទួលបានគន្លឺះក្នុងការសរសេរផែនការអាជីវកម្ម និងការណែនាំពីការរៀបចំផែនការអាជីវកម្មឲ្យបានត្រឹមត្រូវ ជាមួយវាគ្មិនពិសេសរបស់យើង ដែលមានបទពិសោធន៍ក្នុងការរៀបចំផែនការអាជីវកម្មជាច្រើនឆ្នាំ។

Topic: "How to write Business Plan for Startup"
Date: Thursday 27th February, 2025
Time: 1:15PM to 3:00PM
Tool: Google Meet

ចុះឈ្មោះឥឡូវនេះ តាមរយៈ Link ខាងក្រោម៖
https://forms.gle/UNZmFEBfWf4CrRfD8

Link សម្រាប់ការចូលរួម៖
https://calendar.app.google/eQZkeJktoaPcmzXz7

មួយថ្ងៃរីកចំរើន 1% ទាំងអស់គ្នាដឹងថា មួយឆ្នាំ 365 ថ្ងៃ យើងទទួលបានលទ្ធផលប៉ុនណាទេ?

គឺ 3778 ដង 💯

គ្មានពេលអានសៀវភៅ 🤔? ខ្ជិលអាន មិនដឹងអានសៀវភៅអ្វី អាចចុះឈ្មោះស្តាប់សៀវភៅនៅលើ WERead 📚

👉🏽ចូលស្តាប់ www.weread.asia

ចង់បង្កើតមុខរបរទីពីរ តែមិនដឹងថាត្រូវចាប់ផ្តើមយ៉ាងម៉េច ☕️

ចូលសម្ភាសន៍ដំបូង ណែនាំខ្លួនយ៉ាងម៉េច? ☕️

​​យើងមានដែលឆ្ងល់ទេថា ហេតុអ្វីបានជាពេលខ្លះយើងអានអត្ថបទមួយ គ្រាន់តែអានខ្សឹបៗក្នុងចិត្តក៏អាចយល់បានយ៉ាងងាយ តែពេលខ្លះទៀតទាល់តែអានឮៗម្តងមួយអក្សរៗយ៉ាងយកចិត្តទុកដាក់ ទើបអាចយល់ពីអត្ថន័យរបស់វាបាន? ហេតុអ្វីបានជាពាក្យខ្លះគ្រាន់តែឃើញ គឺអាចដឹងពីអត្ថន័យរបស់វាភ្លាម ឯពាក្យខ្លះទៀតជួបច្រើនដងមកហើយ តែនៅតែមិនចាំ?

នៅសប្តាហ៍នេះ យើងសូមលើកយកសៀវភៅមួយក្បាលមកធ្វើការសង្ខេបជូនដែលមានចំណងជើងថា “ខួរក្បាលដ៏អស្ចារ្យ” ដែលនឹងបកស្រាយប្រាប់យើងថា តើខួរក្បាលរបស់យើងដំណើរការយ៉ាងម៉េច ហើយវាមានទំនាក់ទំនងអ្វីខ្លះទៅនឹងការអាន? ហេតុអ្វីបានជាមនុស្សចេះនិយាយពីធម្មជាតិ តែចំពោះការអានវិញ ទាល់តែឆ្លងកាត់ការសិក្សារៀនសូត្រ?

អ្នកនិពន្ធសៀវភៅនេះជាអ្នកវិទ្យាសាស្ត្រផ្នែកប្រព័ន្ធប្រសាទដែលជាសាស្ត្រាចារ្យនៃសាកលវិទ្យាល័យបារាំង College De France និងបានបោះពុម្ពទស្សនាវដ្តីជាង 300 ច្បាប់ពាក់ព័ន្ធនឹងធម្មជាតិ និងវិទ្យាសាស្ត្រខួរក្បាល និងបានទទួលពានរង្វាន់ណូបែលពិភពលោកផ្នែកប្រព័ន្ធប្រសាទកាលពីឆ្នាំ 2014។

នៅក្នុងសៀវភៅនេះអ្នកនឹងបានស្តាប់ខ្លឹមសារសំខាន់ៗដូចខាងក្រោម៖
1- តើកត្តាអ្វីខ្លះដែលជះឥទ្ធិពលដល់ល្បឿននៃការអានរបស់យើង?
2- តើគួរហ្វឹកហាត់ខួរក្បាលបែបណាឱ្យចងចាំពាក្យដែលយើងបានរៀនហើយ?
3- តើភ្នែក ខួរក្បាល និងការអាន មានទំនាក់ទំនងនឹងគ្នាយ៉ាងណាខ្លះ?
4- ដើម្បីអានឱ្យមានប្រសិទ្ធភាព តើគួរអានខ្សឹបៗ ឬអានឮៗ?
5- សិក្សាពីបីដំណាក់កាលនៃការវិវឌ្ឍខួរក្បាលរបស់មនុស្ស។

ចំណងជើងដើម៖ Reading in the Brain “The New Science of How to Read”
អ្នកនិពន្ធ៖ Stanislas Deheane (ស្ទេនីសឡាស់ ឌីហេណេ)
ចំណងជើងជាភាសាខ្មែរ៖ ខួរក្បាលដ៏អស្ចារ្យ
អ្នកអត្ថាធិប្បាយ៖ Bun Par

​​អាមីបាគឺជាអ្វី? នៅក្នុងភាសាគីមីវិទ្យា អាមីបា គឺជាកោសិកាមួយប្រភេទដែលមានទំហំតូច និងមានរូបរាងមិនប្រាកដប្រជា វាអាចកែប្រែរូបរាងរបស់ខ្លួនទៅជាអ្វីក៏បានទៅតាមកាលៈទេសៈ និងបរិបទជុំវិញខ្លួនវា។ ពាក្យនេះមានអ្វីពាក់ព័ន្ធនឹងការដឹកនាំអាជីវកម្មទៅ? បិតាស្ថាបនិកជនជាតិជប៉ុនលោក Kazuo Inamori បានប្រើពាក្យ “អាមីបា” នេះមកជំនួសឱ្យវិធីសាស្រ្តគ្រប់គ្រងមួយប្រភេទដែលសំដៅទៅលើក្រុមការងារតូចៗ ឬដេប៉ាត់ម៉ង់មួយដែលអាចប្រតិបត្តិដោយឯករាជ្យ ដំណើរការដោយខ្លួនឯង និងអាចអភិវឌ្ឍន៍ខ្លួនឥតដែនកំណត់។ ការរៀបចំរចនាសម្ព័ន្ធបែបនេះអាចធ្វើឱ្យអាជីវកម្មមានការបត់បែនរហ័ស ប្រៀបដូចជាកោសិកាអាមីបាអ៊ីចឹង ប្តូររូបរាងបានគ្រប់យ៉ាងតាមកាលៈទេសៈ។

របៀបគ្រប់គ្រង ឬការរៀបចំរចនាសម្ព័ន្ធបែបអាមីបានេះ អស្ចារ្យប៉ុនណាទៅ? Kazuo Inamori ប្រើប្រាស់របៀបគ្រប់គ្រងនេះដឹកនាំក្រុមហ៊ុនធំៗពីរឱ្យក្លាយជាក្រុមហ៊ុនដែលរកប្រាក់ចំណេញបានច្រើនជាងគេបំផុតក្នុងលោកគឺ ក្រុមហ៊ុនប៉សឺឡែន Kyocera & ក្រុមហ៊ុនទូរគមនាគមន៍ KDDI។ មិនត្រឹមតែប៉ុណ្ណោះគាត់ក៏បានដាក់បញ្ចូលរបៀបគ្រប់គ្រងនេះទៅក្នុងក្រុមហ៊ុនអាកាសចរណ៍ស៊ីវិល Japan Airlines ដែលធ្វើឱ្យក្រុមហ៊ុននេះក្លាយពីក្រុមហ៊ុនដែលស្ទើរនឹងក្ស័យធនទៅហើយ ទៅជាក្រុមហ៊ុនដែលអាចសាងប្រាក់ចំណេញឡើងវិញ រហូតដល់ឡើង IPO បានជោគជ័យនៅឆ្នាំ 2012។  

នៅក្នុងសៀវភៅនេះ អ្នកនឹងបានរៀនសូត្រពីព្រឹទ្ធិបុរសវ័យ 90 ឆ្នាំមួយរូប ពីរបៀបគ្រប់គ្រង និងទស្សនៈវិទ្យារបស់លោកជុំវិញការគ្រប់គ្រង និងភាពជាអ្នកដឹកនាំ។
1- អាមីបាជាអ្វី? នៅក្នុងអាជីវកម្ម តើវាមានអត្ថប្រយោជន៍អ្វីខ្លះ?
2- ធ្វើបែបណាទើបអាចលើកទឹកចិត្តឱ្យបុគ្គលិកមានភាពសកម្មនឹងការងារ និងមានទំនួលខុសត្រូវរៀងៗខ្លួន?
3- វិធីក្នុងការគណនាចំណូលចំណាយដែលសាមញ្ញ និងងាយយល់បំផុត
4- របៀបពង្រីក និងគ្រប់គ្រងអាជីវកម្មខ្នាតធំ ឱ្យមានតម្លាភាព និងមានភាពបត់បែនរហ័សតាមតម្រូវការទីផ្សារ

ចំណងជើងដើម៖ Amoeba Management
អ្នកនិពន្ធ៖ Kazuo Inamori (កាស៊ូអូ អ៊ីណាម៉ូរី)
ចំណងជើងជាភាសាខ្មែរ៖ អាមីបា
អ្នកអត្ថាធិប្បាយ៖ Bun Park

​​នៅពេលដែលឆ្នាំថ្មីចូលមកដល់ គ្រប់គ្នាតែងតែកំណត់គោលដៅជីវិតរៀងៗខ្លួន បង្កើតផែនការសកម្មភាព ផ្លាស់ប្តូរទម្លាប់ថ្មី ដោយសង្ឃឹមថានឹងទទួលបានជីវិតល្អប្រសើរជាងនេះ។ ប៉ុន្តែទម្លាប់ខ្លះវាពិតជាពិបាកនឹងកែប្រែខ្លាំងណាស់ ទោះបីជាអ្នកមានការតាំងចិត្តយ៉ាងណា តែខួរក្បាលហាក់បីដូចជាមិនសហការសោះ។ កំណត់គោលដៅខ្លួនឯងថាមួយថ្ងៃអានសៀវភៅឱ្យបាន 10 ទំព័រ តែអានបានតែ 2-3 ទំព័រ ងងុយគេងបាត់ទៅហើយ។ ដាក់គោលដៅឱ្យខ្លួនឯងហាត់ប្រាណ 3-4 ដងក្នុងមួយសប្តាហ៍ រហូតមកដល់ពេលនេះនៅតែមិនទាន់បានចាប់ផ្តើមនៅឡើយ។ ហេតុអ្វីបានជាទម្លាប់ល្អពិបាកធ្វើយ៉ាងនេះ ចុះហេតុអ្វីបានជា លេងហ្គេម អូសតីកតុក មើលរឿងភាគ មិនចាំបាច់តាំងចិត្តក៏អាចធ្វើបានដែរ ហើយធ្វើបានយូរទៀតផង។

អ្នកនិពន្ធលើកឡើងថា នេះមកពីមនុស្សគ្រប់គ្នាមានខួរក្បាលដ៏កម្រ និងលោភលន់មួយ ដែលជាចំណងជើងនៃសៀវភៅនេះតែម្តង “ខួរក្បាលដ៏លោភលន់”។

នៅក្នុងសៀវភៅនេះ យើងនឹងបានស្តាប់ខ្លឹមសារសំខាន់ៗមួយចំនួនដូចជា៖
1- ហេតុអ្វីបានជាគេថា ភាពលោភលន់ចង់បានមិនចេះចប់មិនចេះហើយ ជាហ៊្សែនពីធម្មជាតិរបស់មនុស្ស?
2- ហេតុអ្វីបានជាយើងងាយនឹងញៀននឹងរឿងអ្វីមួយដកខ្លួនមិនបាន តើវាមានយន្តការអ្វីខ្លះ ដើម្បីពង្វក់យើងឱ្យញៀននឹងវា?
3- ដើម្បីដកខ្លួនចេញពីការញៀនឈ្លក់វង្វេងនឹងរឿងអ្វីមួយ តើយើងគួរហ្វឹកហាត់ខួរក្បាលរបស់យើងយ៉ាងណាខ្លះ?
4- វិធីក្នុងការបំបាត់ទម្លាប់អាក្រក់ បណ្តុះទម្លាប់ល្អ តើគេចាប់ផ្តើមចេញពីជំហានណាខ្លះ?
5- ធ្វើបែបណាទើបអាចគ្រប់គ្រង និងបញ្ជាខួរក្បាលរបស់យើងធ្វើរឿងអ្វីមួយដែលយើងចង់បាន?

ចំណងជើងដើម៖ Scarcity Brain
អ្នកនិពន្ធ៖ Michael Easter (ម៉ៃខល អៀសស្ទឺ)
ចំណងជើងជាភាសាខ្មែរ៖ ខួរក្បាលដ៏លោភលន់ រៀនទប់ចំណង់ បណ្តុះទម្លាប់ល្អ ដើម្បីជីវិតរុងរឿង
អ្នកអត្ថាធិប្បាយ៖ Bun Park

សៀវភៅដែលត្រូវអានសម្រាប់ឆ្នាំ 2025 📚

• អភិវឌ្ឍខ្លួន
1- The 5am Club - ម៉ោង 5 ព្រឹក (Link: https://www.weread.asia/#/detail?id=85)
2- Triggers - វិន័យ (Link: https://www.weread.asia/#/detail?id=107)
3- GRIT - ថាមពលជម្រុញចិត្ត (Link: https://www.weread.asia/#/detail?id=38)

• អាជីវកម្ម
1- The Minimalist Entrepreneur - ស្ថាបនិកតូចតាច (Link: https://www.weread.asia/#/detail?id=183)
2- Side Hustle - មុខរបរទីពីរ (Link: https://www.weread.asia/#/detail?id=168)
3- Titan - ទីតាន់ (Link: https://www.weread.asia/#/detail?id=16)

• ហិរញ្ញវត្ថុ
1- A Dog Called Money (Link: https://www.weread.asia/#/detail?id=84)
2- The Richest Man in Babylon (Link: https://www.weread.asia/#/detail?id=117)
3- 学会花钱 - រៀនចាយលុយ (Link: https://www.weread.asia/#/detail?id=47)

• ចិត្តវិទ្យា
1- Looking Out Looking In – សិល្បៈក្នុងការទំនាក់ទំនង (Link: https://www.weread.asia/#/detail?id=222)
2- Overcome Social Anxiety - យកឈ្នះភាពភ័យខ្លាច (Link: https://www.weread.asia/#/detail?id=214)
3- The Marshmallow Test - ទប់ចំណង់ (Link: https://www.weread.asia/#/detail?id=187)

• ទីផ្សារ
1- Marketing Warfare - សង្គ្រាមទីផ្សារ (Link: https://www.weread.asia/#/detail?id=147)
2- Purple Cow - គោពណ៌ស្វាយ (Link: https://www.weread.asia/#/detail?id=21)
3- Judo Strategy - យុទ្ធសាស្ត្រយូដូ (Link: https://www.weread.asia/#/detail?id=111)

WERead 🎧📚

2025 ហើយ ទម្លាប់ 10 យ៉ាងដែលយើងត្រូវធ្វើរាល់ថ្ងៃ 💯