និយ័តករបរធនបាលកិច្ច Trust Regulator

នាព្រឹកថ្ងៃពុធ ៥រោច ខែកត្តិក ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២០ ខែវិច្ឆិកា គ.ស. ២០២៤ ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ច (ន.ប.ធ.) បានអញ្ជើញចូលរួមជាវាគ្មិនកិត្តិយសក្នុងកម្មវិធី "វេទិកាខេមអេដ មូលបត្រ និងបរធនបាលកិច្ច" ដែលរៀបចំដោយវិទ្យាស្ថានខេមអេដ។ វេទិកានេះ ត្រូវបានរៀបចំឡើងក្នុងគោលបំណងដើម្បីពិភាក្សា និងចែករំលែកអំពីបច្ចុប្បន្នភាពនៃទីផ្សារមូលបត្រ និងបរធនបាលកិច្ចនៅប្រទេសកម្ពុជា និងទស្សនវិស័យអភិវឌ្ឍន៍នៃទីផ្សារទាំងពីរ។ កម្មវិធីនេះក៏មានការអញ្ជើញចូលរួមវាគ្មិនកិត្តិយសពី ឯកឧត្ដម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា និងលោក Han En Chen នាយកប្រតិបត្តិ នៃក្រុមហ៊ុន ស្ត្រងហូល ត្រាសធី និងមានការចូលរួមពីថ្នាក់ដឹកនាំ និងមន្ត្រីនៃនិយ័តករបរធនបាលកិច្ច និងនិយ័តករមូលបត្រកម្ពុជា ព្រមទាំងនិស្សិត និងសាស្រ្តាចារ្យនៃវិទ្យាស្ថានខេមអេដ ប្រមាណ ១៥០ រូប។

---
🌐និយ័តករបរធនបាលកិច្ច | JOIN ⏬
🌐Youtube | ⏬
🌐Facebook | ⏬
🌐Instagram | ⏬
🌐Website | ⏬
🌐TikTok | ⏬

នាថ្ងៃអង្គារ ៤រោច ខែកត្តិក ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៩ ខែវិច្ឆិកា គ.ស.២០២៤ ឯកឧត្តម សុខ ដារ៉ា អគ្គនាយកនៃ ន.ប.ធ. បានដឹកនាំសហការីអញ្ជើញចូលរួមក្នុងសន្និសីទជាតិ ស្ដីពី "សមិទ្ធផលនៃប្រព័ន្ធគាំពារសង្គមកម្ពុជា" ក្រោមអធិបតីភាពដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សាជាតិគាំពារសង្គម នៅសណ្ឋាគារ សុខា ភ្នំពេញ។
វេទិកានេះមានគោលបំណងបង្ហាញអំពីសមិទ្ធផលសំខាន់ៗនៃកិច្ចខិតខំរបស់រាជរដ្ឋាភិបាលក្នុងការកសាង និងពង្រឹងប្រព័ន្ធគាំពារសង្គមកម្ពុជាដល់ភាគីពាក់ព័ន្ធ និងសាធារណជន។

---
🌐និយ័តករបរធនបាលកិច្ច | JOIN ⏬
🌐Youtube | ⏬
🌐Facebook | ⏬
🌐Instagram | ⏬
🌐Website | ⏬
🌐TikTok | ⏬

វេទិកាពិភាក្សារវាងវិទ្យាស្ថានខេមអេដ វិស័យបរធនបាលកិច្ច និងវិស័យមូលបត្រ ដែលនឹងប្រព្រឹត្តទៅនៅថ្ងៃទី២០ ខែវិច្ឆិកា គ.ស.២០២៤ វេលាម៉ោង ១១:០០ ដល់ ១២:៣០ រសៀល នៅវិទ្យាស្ថានខេមអេដ។

CamEd Securities and Trust Forum, on November 20, 2024, from 11:00 AM to 12:30 PM at CamEd Business School.

---
🌐និយ័តករបរធនបាលកិច្ច | JOIN ⏬
🌐Youtube | ⏬
🌐Facebook | ⏬
🌐Instagram | ⏬
🌐Website | ⏬
🌐TikTok | ⏬

នៅថ្ងៃចន្ទ-ពុធ ១១-១៣កើត ខែកត្តិក ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១១-១៣ ខែវិច្ឆិកា គ.ស.២០២៤ ដោយទទួលបានការអនុញ្ញាត និងចាត់តាំងដ៏ខ្ពង់ខ្ពស់ពី ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ច (ន.ប.ធ.), លោកស្រី​ ឈាន​ សុខារី ប្រធាននាយកដ្ឋានកិច្ចការគតិយុត្តនិងអធិការកិច្ច បានចូលរួមសិក្ខាសាលាគំរូប្រចាំឆ្នាំ២០២៤ ដែលសហការរៀបចំឡើងដោយ ក្រុមប្រទេសអាស៊ីប៉ាស៊ីហ្វិក (Asia Pacific Group on Money Laundering- APG) និងធនាគារកណ្តាលនៃប្រទេសម៉ាឡេស៊ី ( Bank Negara Malaysia) ស្តីពី “25th APG​ Typology​ Workshop​ 2024” នៅទីក្រុងកូឡាឡាំពួ ប្រទេសម៉ាឡេស៊ី។ សិក្ខាសាលាគំរូនេះរៀបចំឡើងក្នុងគោលបំណងដើម្បីចែករំលែក ចំណេះដឹង និងបទពិសោធអំពីនិន្នាការសកលស្តីពីការសម្អាតប្រាក់ ហិរញ្ញប្បទានភេរវកម្ម ហិរញ្ញប្បទានដល់ការរីកសាយភាយអាវុធមហាប្រល័យ ពាក់ព័ន្ធនឹង (១) ការប្រើប្រាស់នីតិបុគ្គលក្នុងគោលដៅខុសច្បាប់ ( Abuse of Legal Persons) និង (២) ការក្លែងបន្លំ ឬឆបោកតាមប្រព័ន្ធបច្ចេកវិទ្យា (Cyber Enabled Fraud/Scams)។ សិក្ខាសាលានេះ មានការចូលរួមពីតំណាងស្ថាប័នហិរញ្ញវត្ថុរដ្ឋ- ឯកជន នៃបណ្តាប្រទេសសមាជិករបស់ APG និងអង្គការអន្តរជាតិពាក់ព័ន្ធនឹងប្រព័ន្ធហិរញ្ញវត្ថុនិងការប្រឆាំងការសម្អាតប្រាក់ ហិរញ្ញប្បទានភេរវកម្ម ហិរញ្ញប្បទានដល់ការរីកសាយភាយអាវុធមហាប្រល័យ។

---
🌐និយ័តករបរធនបាលកិច្ច | JOIN ⏬
🌐Youtube | ⏬
🌐Facebook | ⏬
🌐Instagram | ⏬
🌐Website | ⏬
🌐TikTok | ⏬

សូមអបអរសាទរព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក!🇰🇭
(Happy Water Festival 2024)
#១៤-១៦ វិច្ឆិកា ២០២៤🙏🙏🙏

---
🌐និយ័តករបរធនបាលកិច្ច | JOIN ⏬
🌐Youtube | ⏬
🌐Facebook | ⏬
🌐Instagram | ⏬
🌐Website | ⏬
🌐TikTok | ⏬

នាព្រឹកថ្ងៃចន្ទ ១១ កើត ខែកត្តិក ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១១ ខែវិច្ឆិកា គ.ស. ២០២៤ លោក ឃុន វាសនា ប្រធាននាយកដ្ឋានកិច្ចការទូទៅនៃនិយ័តករបរធនបាលកិច្ច (ន.ប.ធ.) តំណាងដ៏ខ្ពង់ខ្ពស់របស់ឯកឧត្តម សុខ ដារ៉ា អគ្គនាយកនៃ ន.ប.ធ. អមដោយសហការី បានអញ្ជើញចូលរួមកិច្ចប្រជុំ គណៈកម្មាធិកា​រ​ដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ ដើម្បីពិនិត្យ និងពិភាក្សាលើរបាយការណ៍សមិទ្ធកម្មប្រចាំត្រីមាសទី៣ ឆ្នាំ២០២៤ ក្រោមអធិបតីភាពដ៏ខ្ពង់ខ្ពស់របស់ ឯកឧត្តមអគ្គបណ្ឌិត សភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងមានការអញ្ជើញចូលរួមពី ឯកឧត្តម លោកជំទាវ លោក លោកស្រីដែលជាថ្នាក់ដឹកនាំ ក្រសួង ស្ថាប័ន អង្គភាព និងរដ្ឋបាលថ្នាក់ក្រោមជាតិ តាមប្រព័ន្ធអនឡាញ Zoom។

---
🌐និយ័តករបរធនបាលកិច្ច | JOIN ⏬
🌐Youtube | ⏬
🌐Facebook | ⏬
🌐Instagram | ⏬
🌐Website | ⏬
🌐TikTok | ⏬

នាថ្ងៃពុធ-សុក្រ ៦-៨កើត ខែកត្តិក ឆ្នាំរោង
ឆស័ក ព.ស.២៥៦៨ ត្រូវនឹងថ្ងៃទី៦-៨ ខែវិច្ឆិកា គ.ស.២០២៤ ដោយទទួលបានការអនុញ្ញាត និងចាត់តាំងដ៏ខ្ពង់ខ្ពស់ពី ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ច (ន.ប.ធ.), លោក ចេស ចាន់ដេត ប្រធានការិយាល័យគ្រប់គ្រងព័ត៌មានវិទ្យានៃនាយកដ្ឋានកិច្ចការទូទៅ, លោកស្រី ស៊ិន សុមាល័យ ប្រធានការិយាល័យ និងលោក ឆយ ច័ន្ទមករា អនុប្រធានការិយាល័យគ្រប់គ្រងបរធនបាលកិច្ចសាធារណៈ និងពាណិជ្ជកម្មនៃនាយកដ្ឋានចុះបញ្ជីបរធនបាលកិច្ច មានកិត្តិយសត្រូវបានចាត់ឱ្យចូលរួម “វេទិកាពិព័រណ៌បច្ចេកវិទ្យាហិរញ្ញវត្ថុប្រទេសសិង្ហបុរី ប្រចាំឆ្នាំ២០២៤ (Singapore FinTech Festival 2024)” នៅប្រទេសសិង្ហបុរី ក្នុងគោលបំណងដើម្បីសិក្សាឈ្វេងយល់ និងដកស្រង់បទពិសោធន៍ពាក់ព័ន្ធនឹងបច្ចេកវិទ្យាហិរញ្ញវត្ថុ (Financial Technology-FinTech), ក្របខណ្ឌបទប្បញ្ញតិ្ត ឧត្តមានុវត្តន៍ បញ្ហាប្រឈម និងនិន្នាការថ្មីៗនៃការវិវត្តន៍ FinTech ជាសកល ក៏ដូចជាបច្ចេកវិទ្យាឌីជីថល និងបញ្ញាសិប្បនិម្មិត ក្នុងការជំរុញការអភិវឌ្ឍវិស័យបរធនបាលកិច្ចនៅកម្ពុជា។

---
🌐និយ័តករបរធនបាលកិច្ច | JOIN ⏬
🌐Youtube | ⏬
🌐Facebook | ⏬
🌐Instagram | ⏬
🌐Website | ⏬
🌐TikTok | ⏬

នាថ្ងៃសុក្រ ៨កើត ខែកត្តិក ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៨ ខែវិច្ឆិកា គ.ស.២០២៤ ឯកឧត្តម ណី សាកល អគ្គនាយករងនៃនិយ័តករបរធនបាលកិច្ច (ន.ប.ធ.) តំណាងដ៏ខ្ពង់ខ្ពស់របស់ ឯកឧត្តម សុខ ដារ៉ា អគ្គនាយកនៃ ន.ប.ធ. អមដោយសហការី បានអញ្ជើញចូលរួមសិក្ខាសាលាពិគ្រោះយោបល់ស្តីពី ផែនការយុទ្ធសាស្រ្តអភិវឌ្ឍបច្ចេកវិទ្យាហិរញ្ញវត្ថុក្នុងវិស័យហិរញ្ញវត្ថុមិនមែនធនាគារ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ម៉ី វ៉ាន់ រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាអគ្គលេខាធិការនៃអគ្គលេខាធិការដ្ឋានអាជ្ញាធរសេវាហិរញ្ញវត្ថុមិនមែនធនាគារ (អ.ស.ហ) និងជាតំណាងដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សា អ.ស.ហ. ដែលបានប្រព្រឹត្តទៅនៅសណ្ឋាគារ ហៃយ៉ាត់ រីជិនស៊ី ភ្នំពេញ។
សិក្ខាសាលាពិគ្រោះយោបល់នេះ ត្រូវបានរៀបចំឡើងក្នុងគោលបំណងប្រមូលធាតុចូលពីគ្រប់តួអង្គពាក់ព័ន្ធទាំងក្រសួង-ស្ថាប័នសាធារណៈ ទាំងស្ថាប័នអន្តរជាតិសំខាន់ៗ និងវិស័យឯកជន សម្រាប់ការរៀបចំវិធានការគោលនយោបាយខាងលើនេះ។
កម្មវិធីសិក្ខាសាលាពិគ្រោះយោបល់នេះមានការអញ្ជើញចូលរួមដោយ ឯកឧត្តមរដ្ឋលេខាធិការ អនុរដ្ឋលេខាធិការ ដែលជាតំណាងពីក្រសួង-ស្ថាប័នពាក់ព័ន្ធ និងវិស័យឯកជន ព្រមទាំងឯកឧត្តម លោកជំទាវ លោក លោកស្រីដែលជាតំណាងនិយ័តករក្រោមឱវាទ អ.ស.ហ.។

---
🌐និយ័តករបរធនបាលកិច្ច | JOIN ⏬
🌐Youtube | ⏬
🌐Facebook | ⏬
🌐Instagram | ⏬
🌐Website | ⏬
🌐TikTok | ⏬

អបអរសាទរខួបអនុស្សាវរីយ៍ លើកទី៧១ នៃទិវាបុណ្យឯករាជ្យជាតិ (Independence Day)!
#៩ វិច្ឆិកា ១៩៥៣-៩ វិច្ឆិកា ២០២៤🇰🇭

---
🌐និយ័តករបរធនបាលកិច្ច | JOIN ⏬
🌐Youtube | ⏬
🌐Facebook | ⏬
🌐Instagram | ⏬
🌐Website | ⏬
🌐TikTok | ⏬

នាព្រឹកថ្ងៃសុក្រ ៨កើត ខែកត្តិក ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៨ ខែវិច្ឆិកា គ.ស.២០២៤ ដោយទទួលបានការអនុញ្ញាតដ៏ខ្ពង់ខ្ពស់របស់ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ច (ន.ប.ធ.), លោក ឃុន វាសនា ប្រធាននាយកដ្ឋានកិច្ចការទូទៅ អមដោយសហការី បានចូលរួមកិច្ចប្រជុំស្តីពីការបំពេញកម្រងសំណួរនៃការពិនិត្យឡើងវិញ និងការវិភាគមុខងារនិងរចនាសម្ព័ន្ធរបស់អង្គភាពក្រោមវាទ និងក្រោមអាណាព្យាបាលក្រសួងសេដ្ឋកិច្ចនិងហិរញ្ញវត្ថុ (កសហវ) ក្រោមការដឹកនាំរបស់ ឯកឧត្តម ឯក ចន្ថា អគ្គលេខាធិការនៃអគ្គលេខាធិការដ្ឋាន កសហវ និងជាអនុប្រធាន ក.វ.ម នៃ កសហវ និងមានការអញ្ជើញចូលរួមពី ឯកឧត្តម លោកជំទាវ លោក លោកស្រីដែលជាថ្នាក់ដឹកនាំស្ថាប័ន អង្គភាពក្រោមឱវាទ កសហវ នៅទីស្ដីការ កសហវ។

---
🌐និយ័តករបរធនបាលកិច្ច | JOIN ⏬
🌐Youtube | ⏬
🌐Facebook | ⏬
🌐Instagram | ⏬
🌐Website | ⏬
🌐TikTok | ⏬

អបអរសាទរខួបលើកទី២០ ព្រះរាជពិធីគ្រងព្រះបរមសិរីរាជសម្បត្តិរបស់ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា (King's Coronation Day)!🇰🇭
#២៩-តុលា-២០២៤🙏🙏🙏

---
🌐និយ័តករបរធនបាលកិច្ច | JOIN ⏬
🌐Youtube | ⏬
🌐Facebook | ⏬
🌐Instagram | ⏬
🌐Website | ⏬
🌐TikTok | ⏬

នាព្រឹកថ្ងៃចន្ទ ១១រោច ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៨ ខែតុលា គ.ស.២០២៤
ឯកឧត្តម សុខ​ ដារ៉ា អគ្គនាយកនៃនិយ័តករបរធនបាលកិច្ច និងសហការី បានចូលរួមជាមួយគណៈប្រតិភូ នៃ អាជ្ញាធរសេវាហិរញ្ញវត្ថុមិនមែនធនាគារ (អ.ស.ហ.) ដឹកនាំដោយ ឯកឧត្តម ម៉ី វ៉ាន់ រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាអគ្គលេខាធិការនៃអគ្គលេខាធិការដ្ឋាន អ.ស.ហ. ចូលរួមគោរពវិញ្ញាណក្ខន្ធសព ឯកឧត្តម ជា ចាន់តូ តំណាងរាស្រ្តមណ្ឌលខេត្តកំពង់ធំ និងជាអគ្គទេសាភិបាលកិត្តិយសធនាគារជាតិនៃកម្ពុជា ដែលបានទទួលមរណភាពកាលពីថ្ងៃសុក្រ ៨រោច ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៥ ខែតុលា គ.ស.២០២៤ វេលាម៉ោង ១០:៣៥ នាទីព្រឹក ក្នុងជន្មាយុ ៧៣ឆ្នាំ ដោយរោគាពាធ។

---
🌐និយ័តករបរធនបាលកិច្ច | JOIN ⏬
🌐Youtube | ⏬
🌐Facebook | ⏬
🌐Instagram | ⏬
🌐Website | ⏬
🌐TikTok | ⏬

និយ័តករបរធនបាលកិច្ច (ន.ប.ធ.) មានកិត្តិយសសូមប្រកាសនូវលទ្ធផលប្រកួតសរសេរអត្ថបទក្នុងវិស័យបរធនបាលកិច្ច ក្រោមប្រធានបទ “បរធនបាលកិច្ច៖ លើសពីថ្នាលបង្កើនទំនុកចិត្តក្នុងធុរកិច្ច”។
សូមអបអរសាទរបេក្ខជនដែលទទួលបានជ័យលាភី ចំនួន ៣ រូប រួមមាន៖
១- លោក មឿន ចន្ទ្រា ទទួលបានជ័យលាភីលេខ ១
២- កញ្ញា សឿន ស៊ូពី ទទួលបានជ័យលាភីលេខ ២
៣- លោក ខាំ សុងហេង ទទួលបានជ័យលាភីលេខ ៣

---
🌐និយ័តករបរធនបាលកិច្ច | JOIN ⏬
🌐Youtube | ⏬
🌐Facebook | ⏬
🌐Instagram | ⏬
🌐Website | ⏬
🌐TikTok | ⏬

ចាប់ពីថ្ងៃអង្គារ ៥ រោច ដល់ថ្ងៃព្រហស្បតិ៍ ៧ រោច ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២២-២៤ ខែតុលា គ.ស.២០២៤ ដោយទទួលបានការអនុញ្ញាតពី ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ច និងជាប្រធានគ្រប់គ្រងគម្រោង ACSEP PIU1, លោក ប៉ូ សំអាង ប្រធាននាយកដ្ឋានស្រាវជ្រាវ បណ្ដុះបណ្ដាល និងសហប្រតិបត្តិការ និងជាប្រធានផ្នែកប្រតិបត្តិការនៃគម្រោង ACSEP-PIU1 បានដឹកនាំក្រុមការងារ រៀបចំវគ្គបណ្ដុះបណ្ដាលស្តីពី “ការពង្រឹងសមត្ថភាពមន្រ្តីឥណទានថ្នាក់ស្រុក ខេត្ត លើប្រតិបត្តិការផ្តល់ឥណទាន ក្នុងក្របខណ្ឌគម្រោងប្រកួតប្រជែងខ្សែច្រវាក់តម្លៃ និងការលើកកម្ពស់សុវត្ថិភាពកសិកម្ម សមាសភាគទី១” នៅខេត្ត​ ឧត្តរមានជ័យ ព្រះវិហារ និងខេត្តសៀមរាប។
វគ្គបណ្តុះបណ្តាលនេះ​ ត្រូវបានរៀបចំឡេីងក្នុងគោលបំណងដើម្បីពង្រឹងសមត្ថភាពមន្រ្តីរបស់ស្ថាប័នហិរញ្ញវត្ថុដៃគូរទាំងពីរ(PFIs) នៃអង្គភាពគ្រប់គ្រងគម្រោងប្រកួតប្រជែងខ្សែច្រវាក់តម្លៃ និងលើកកម្ពស់សុវត្ថិភាពកសិកម្ម សម្រាប់សមាសភាគទី១ (ACSEP-PIU1) តាមបណ្តាស្រុក និងខេត្តគោលដៅ លើការរៀបចំបំពេញឯកសារពាក់ព័ន្ធ និងប្រតិបត្តិការផ្តល់ឥណទានដល់អតិថិជន។ កម្មវិធីនេះ មានការចូលរួមដោយ សមាជិក/សមាជិកា និងទីប្រឹក្សារបស់ ACSEP PIU1, តំណាងក្រសួងកសិកម្ម រុក្ខាប្រមាញ់ និងនេសាទ, តំណាងមន្ទីរកសិកម្ម រុក្ខាប្រមាញ់ និងនេសាទខេត្តគោលដៅ, តំណាងទីប្រឹក្សាអនុវត្តគម្រោង (PIC) និងមន្ត្រីឥណទានរបស់ស្ថាប័នហិរញ្ញវត្ថុដៃគូរួមមានធនាគារអភិវឌ្ឍន៍ជនបទនិងកសិកម្ម និងធនាគារស្ថាបនា។

---
🌐និយ័តករបរធនបាលកិច្ច | JOIN ⏬
🌐Youtube | ⏬
🌐Facebook | ⏬
🌐Instagram | ⏬
🌐Website | ⏬
🌐TikTok | ⏬

សល់ ២ ថ្ងៃទៀតសម្រាប់ “វេទិកាបរធនបាលកិច្ច ឆ្នាំ២០២៤”!
Only 2 days left until the “Trust Forum 2024”!

---
🌐និយ័តករបរធនបាលកិច្ច | JOIN ⏬
🌐Youtube | ⏬
🌐Facebook | ⏬
🌐Instagram | ⏬
🌐Website | ⏬
🌐TikTok | ⏬

សមាសភាពវាគ្មិនកិត្តិយសក្នុងវេទិកាពិភាក្សាស្តីពី “បរធនបាលកិច្ចគ្រួសារសម្រាប់ការរៀបចំផែនការតជំនាន់” នៃកម្មវិធី “វេទិកាបរធនបាលកិច្ច ឆ្នាំ២០២៤” ដែលនឹងប្រព្រឹត្តទៅនៅថ្ងៃទី៣០ ខែតុលា ឆ្នាំ២០២៤ នៅសណ្ឋាគារ សុខា ភ្នំពេញ។
*******
The composition of honorary speakers in the panel discussion on the “Family Trust for Succession Planning” of the "Trust Forum 2024" which will be taking place on October 30, 2024 at Sokha Phnom Penh Hotel.

---
🌐និយ័តករបរធនបាលកិច្ច | JOIN ⏬
🌐Youtube | ⏬
🌐Facebook | ⏬
🌐Instagram | ⏬
🌐Website | ⏬
🌐TikTok | ⏬

សល់ ៤ ថ្ងៃទៀតសម្រាប់ “វេទិកាបរធនបាលកិច្ច ឆ្នាំ២០២៤”!
Only 4 days left until the “Trust Forum 2024”!

---
🌐និយ័តករបរធនបាលកិច្ច | JOIN ⏬
🌐Youtube | ⏬
🌐Facebook | ⏬
🌐Instagram | ⏬
🌐Website | ⏬
🌐TikTok | ⏬

នាព្រឹកថ្ងៃសុក្រ ៨រោច ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៥ ខែតុលា គ.ស.២០២៤ ឯកឧត្តម ណី សាកល អគ្គនាយករងនៃនិយ័តករបរធនបាលកិច្ច (ន.ប.ធ.) តំណាងដ៏ខ្ពង់ខ្ពស់របស់ ឯកឧត្តម សុខ ដារ៉ា អគ្គនាយកនៃ ន.ប.ធ. អមដោយសហការីបានអញ្ជើញចូលរួមជាអធិបតីក្នុង “ពិធីចុះអនុស្សរណៈនៃការយោគយល់គ្នារវាងនិយ័តករអាជីវកម្មអចលនវត្ថុ និងបញ្ចាំ និងសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា” ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ម៉ី វ៉ាន់ រដ្ឋលេខាធិការក្រសួងសេដ្ឋកិច្ចនិហិរញ្ញវត្ថុ និងជាអគ្គលេខាធិការ នៃអគ្គលេខាធិការដ្ឋាននៃអាជ្ញាធរសេវាហិរញ្ញវត្ថុមិនមែនធនាគារ នៅទីស្ដីការ អ.ស.ហ.។

---
🌐និយ័តករបរធនបាលកិច្ច | JOIN ⏬
🌐Youtube | ⏬
🌐Facebook | ⏬
🌐Instagram | ⏬
🌐Website | ⏬
🌐TikTok | ⏬

នាព្រឹកថ្ងៃសុក្រ ៨ រោច ខែអស្សុជ ឆ្នាំថោះ ឆស័ក ព.ស.២៥៦៨ ត្រូវនឹងថ្ងៃទី២៥ ខែតុលា គ.ស. ២០២៤ ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ច (ន.ប.ធ.) បានអញ្ជើញចូលរួមជាអធិបតីក្នុងពិធីពិព័រណ៍ផ្សារភាគហ៊ុនកម្ពុជា “My First STOCK” ២០២៤ ក្រោមអធិបតីដ៏ខ្ពង់ខ្ពស់របស់ ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សាភិបាលនៃផ្សារមូលបត្រកម្ពុជា ដែលធ្វើឡើងនៅផ្សារទំនើបអ៊ីអន១ភ្នំពេញ។

---
🌐និយ័តករបរធនបាលកិច្ច | JOIN ⏬
🌐Youtube | ⏬
🌐Facebook | ⏬
🌐Instagram | ⏬
🌐Website | ⏬
🌐TikTok | ⏬

នារសៀលថ្ងៃសុក្រ ១រោច ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៨ ខែតុលា គ.ស.២០២៤ ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ច (ន.ប.ធ.) និងជាអនុប្រធានក្រុមការងារអន្តរក្រសួងស្ថាប័នលើកកម្ពស់ការអភិវឌ្ឍបច្ចេកវិទ្យាហិរញ្ញវត្ថុក្នុងវិស័យហិរញ្ញវត្ថុមិនមែនធនាគារ (ក.អ.ប.) អមដោយលោក ឃុន វាសនា ប្រធាននាយកដ្ឋានកិច្ចការទូទៅ និងជាសមាជិក ក.អ.ប. និងលោក ហាយ សុវណ្ណា មន្រ្តីដឹកនាំការងារនាយកដ្ឋានចុះបញ្ជីបរធនបាលកិច្ច និងជាសមាជិក ក.អ.ប. បានចូលរួមកិច្ចប្រជុំដំបូងរបស់ ក.អ.ប. ក្រោមការដឹកនាំដ៏ខ្ពង់ខ្ពស់របស់ ឯកឧត្តម ម៉ី វ៉ាន់ រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាអគ្គលេខាធិការនៃអគ្គលេខាធិការដ្ឋានអាជ្ញាធរសេវាហិរញ្ញវត្ថុមិនមែនធនាគារ ព្រមទាំងជាប្រធានក្រុមការងារ ក.អ.ប. ដោយមានការចូលរួមពីតំណាងក្រសួងស្ថាប័នពាក់ព័ន្ធដែលជាសមាជិក ក.អ.ប.។

---
🌐និយ័តករបរធនបាលកិច្ច | JOIN ⏬
🌐Youtube | ⏬
🌐Facebook | ⏬
🌐Instagram | ⏬
🌐Website | ⏬
🌐TikTok | ⏬

នារសៀលថ្ងៃព្រហស្បតិ៍ ១៥កើត ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៧ ខែតុលា គ.ស.២០២៤ ឯកឧត្តម សុខ ដារ៉ា បានអញ្ជើញចូលរួមកិច្ចប្រជុំស្តីពីការពិនិត្យឡើងវិញ និងការវិភាគមុខងារនិងរចនាសម្ព័ន្ធក្រសួងស្ថាប័ន ផ្សព្វផ្សាយជូនក្រសួងសេដ្ឋកិច្ចនិងហិរញ្ញវត្ថុ ក្រោមការដឹកនាំដ៏ខ្ពង់ខ្ពស់របស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ នៅទីស្តីការក្រសួងសេដ្ឋកិច្ចនិងហិរញ្ញវត្ថុ។

---
🌐និយ័តករបរធនបាលកិច្ច | JOIN ⏬
🌐Youtube | ⏬
🌐Facebook | ⏬
🌐Instagram | ⏬
🌐Website | ⏬
🌐TikTok | ⏬

ធនាគារ អូរៀនថល ម.ក ទទួលបានអាជ្ញាបណ្ណពីនិយ័តករបរធនបាលកិច្ចធ្វើជាប្រតិបត្តិករបរធនបាលផ្ដល់សេវារក្សាសុវត្ថិភាព ឬសេវារក្សាទុកក្នុងវិស័យបរធនបាលកិច្ច សម្រាប់ប្រតិបត្តិការបរធនបាលកិច្ចពាណិជ្ជកម្ម។
***
The Oriental Bank Plc. has been licensed by Trust Regulator to act as a trustee operator to provide the Retention or Escrow Services in the trust sector for Commercial Trust operation.

---
🌐និយ័តករបរធនបាលកិច្ច | JOIN ⏬
🌐Youtube | ⏬
🌐Facebook | ⏬
🌐Instagram | ⏬
🌐Website | ⏬
🌐TikTok | ⏬

នារសៀលថ្ងៃពុធ ១៤កើត ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៦ ខែតុលា គ.ស.២០២៤ ដោយទទួលបានការអនុញ្ញាតដ៏ខ្ពង់ខ្ពស់របស់ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ច (ន.ប.ធ.), លោក ឃុន វាសនា ប្រធាននាយកដ្ឋានកិច្ចការទូទៅ អមដោយ កញ្ញា សុន ចិន្ដា អនុប្រធានការិយាល័យគណនេយ្យ និងហិរញ្ញវត្ថុ បានចូលរួមកិច្ចប្រជុំស្តីពី “ការត្រួតពិនិត្យវឌ្ឍនភាពនៃការអនុវត្តថវិកា ៩ខែ ឆ្នាំ២០២៤ របស់អង្គភាព ក្រោមកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ” ក្រោមការដឹកនាំដ៏ខ្ពង់ខ្ពស់របស់ ឯកឧត្តម យ៉េត វីណែល អនុរដ្ឋលេខាធិការ នៃក្រសួងសេដ្ឋកិច្ចនិងហិរញ្ញវត្ថុ និងជាអគ្គលេខាធិការរង នៃអគ្គលេខាធិការដ្ឋានគណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ និងមានការអញ្ជើញចូលរួមពី ឯកឧត្តម លោកជំទាវ លោក លោកស្រីដែលជាថ្នាក់ដឹកនាំស្ថាប័ន អង្គភាព និងរដ្ឋបាលថ្នាក់ក្រោមជាតិ នៅសណ្ឋាគារសុខាភ្នំពេញ។

---
🌐និយ័តករបរធនបាលកិច្ច | JOIN ⏬
🌐Youtube | ⏬
🌐Facebook | ⏬
🌐Instagram | ⏬
🌐Website | ⏬
🌐TikTok | ⏬