Bonafide School ቦናፋይድ ትምህርት ቤት

"ይቅርታ"  የጥር ወር የትምህርት ቤታችን የሥነ ምግባር መመርያ መሪ ቃል!

Here is Bonafide International School's liberary. It has also established a DIGITAL library, that will enable students to access books while they are at home.

የ2017 ዓ .ም. የመጀመሪያው ሩብ ዓመት የወላጅ መምህር ውይይት ተከናወነ።


በቦናፋይድ ዓለም አቀፍ ትምህርት ቤት በዓመት ለአራት ጊዜ ወላጅ እና መምህራን በልጆች የትምህርት ውጤት እና ባህሪ እድገት ላይ በጋራ የሚወያየበት መርሃግብር ይከናወናል። በእዚሁ መነሻነት የመጀመሪያ ሩብ ዓመት የተማሪዎች የትምህርት ውጤት እና ባህሪ ላይ ያተኮረ ውይይት ባሳለፍነው ዓርብ ህዳር 27 ቀን 2017 ዓ.ም. ተከናውኗል።

በእዚህ መርሃ ግብር ላይ፣ እድሜያቸው ከፍ ያለ ተማሪዎች ከወላጆቻቸው ጋር በመገኘት የውይይቱ ተሳታፊ ሆነዋል፡ ይህ ዓይነቱ ውይይት፣ በቀጣይ ሩብ ዓመት ተማሪዎች ከእስካሁኑ የበለጠ ውጤት እንዲያመጡ ማን ምን ማድረግ አለበት የሚለውን ወላጆች ፣ተማሪዎችና መምህራን በጋራ እንዲያቅዱና እንዲሰሩ ይረዳል።

በአርቡ መርሃግብር ከውይይቱ ባሻገር ወላጆች ትምህርት ቤቱ መስራት አለበት ብለው የሚያምኑበትን ሀሳብ ነጻ በሆነ መልኩ ሰጥተዋል።

ቦናፋይድ ዓለም አቀፍ ትምህርት ቤት ይህ የተሳካ ውይይት እንዲከናወን ጥረት ላደረጉ ሁሉ ምስጋናውን ያቀርባል።

በኦን ላይን የተደረገው የተማሪ ተወካዮች ምርጫ።

ቦናፋይድ ኢንተርናሽናል ትምህርት ቤት ተማሪዎች ተወካዮቻቸውን በኦን ላይን መርጠዋል። ባለፉት ቀናት ተወካይ ለመሆን ራሳቸውን ዕጩ አድርገው የቀረቡ ተማሪዎች ሀሳባቸውንና ምልክታቸውን ሲያስተዋውቁና የምርጫ ቅስቀሳ ሲያደርጉ የቆዩ ሲሆን ከእሮብ ጀምሮ  ተወካዮቻቸውን ለመምረጥ ቤታቸው ሆነው በኦንላይን  ድምጽ ሰጥተዋል። ይህ የሁለተኛ ደረጃ ት/ቤት የተማሪ ተወካይ የምርጫ ውጤት በትላንትናው እለት ተገልጿል። ይህ አይነቱ ልምምድ ተማሪዎች ዲሞክሪያሳዊ ስርዓትን በተግባር  በግዜ እንዲለማመዱ እና ቴክኖሎጂን በተለያዩ ሁነቶች ውስጥ የመጠቀም ዕድል ይሰጣል ተብሎ ይታመናል።

በተግባርና በሙከራ የታገዘ ትምህርት!

ቦናፋይድ ትምህርት ቤት የልጆች የማንበብ ክህሎት የሚዳብረው ደጋግመው እንዲያነቡ በማድረግ እንደሆነ ያምናል።

ይህንንም አንድ መጽሐፍ ለአንድ ተማሪ ለአንድ ሳምንት በሚለው መርሁ፣ የአንደኛ ደረጃ ተማሪዎች በየሳምንቱ የተለያዩ መጻሕፍትን እንዲያነቡና ያነበቡትን ለቤተሰባቸው እና ለጓደኞቻቸው እንዲያጋሩ በማድረግ በተቀናጀ መልኩ ይተገብረዋል።

ከእዚህ ሳምንት ክንውን ጥቂቱን እንጋብዛችሁ።

ቦናፋይድ ትምህርት ቤት የልጆች የማንበብ ክህሎት የሚዳብረው ደጋግመው እንዲያነቡ በማድረግ እንደሆነ ያምናል።

ይህንንም አንድ መጽሐፍ ለአንድ ተማሪ ለአንድ ሳምንት በሚለው መርሁ፣ የአንደኛ ደረጃ ተማሪዎች በየሳምንቱ የተለያዩ መጻሕፍትን እንዲያነቡና ያነበቡትን ለቤተሰባቸው እና ለጓደኞቻቸው እንዲያጋሩ በማድረግ በተቀናጀ መልኩ ይተገብረዋል።

ከእዚህ ሳምንት ክንውን ጥቂቱን እንጋብዛችሁ።

በአለማቸን የሚገኙ ትምህርት ቤቶች አስገራሚ እውነቶች

1. በአለማቸን ለሰማይ ቅርብ የሆነው ትምህርት ቤት!

በቲቤት ፉማቻንግታንግ የሚገኝ የመጀመርያ ደረጃ ትምህርት ቤት ከፍተኛ ቦታ ላይ ከመገኘቱ የተነሳ ለሰማይ ቅርበ ትምህርት ቤት በሚል ይታወቃል። ይህ ትምህርት ቤት በአለማችን ትልቁ ተራራ ከኢቨረስት ተረራራ በስተምዕራብ 5373 ሚትር ከፍታ ላይ ይገኛል።

2. ብዙ ተማሪ በማስተማር የአለማችን ቀዳሚው ትምህርት ቤት!

ይህ ትምህርት ቤት በሉክናው ህንድ የሚገኝ ው የሞንቶሶሪ ትምህርት ቤት ነው። በዚህ ትምህርት ቤት 56000 ተማሪዎች ይማራሉ። የወርልድ ጂነስ በ2019 ብዙ ተማሪዎችን የሚያስተምር ትምህርት ቤት ሲል መዝግቦታል።

3 አንድ ተማሪ ያስተማረው ትምህርት ቤት!

ነገሩ የሆነው በ2014 ነበር። በዚያ ዓመት በጣሊያን ቱሪን በሚገኝ አንድ የአንደኛ ደረጃ ትምህርት ቤት ለመማር የተመዘገበው አንድ ብቻ ተማሪ ነበር። የትምህርት ቤቱ አስተዳዳሪዎች ግን ትምህርት ቤቱን ከመዝጋት ተማሪው እንዲማር አድርገዋል። ተማሪውም ያለክፍል ጓደኛ የአመቱን ትምህርት አጠናቋል።

4. የአለማችን የመጀመርያው ዘመናዊ ትምህርት ቤት!

ሽሽ ሁለተኛ ደረጃ ትምህርት ቤት በቻንግድ ቻይና የሚገኝ ሲሆን የአለማችን የመጀመሪያው ትምህርት ቤት እንደሆነ ይታመናል።

5.. በሩስያ ሁልግዜም ትምህርት የሚጀምረው እነርሱ "የዕውቀት ቀን" ብለው በሚጠሩት september 1 ነው። ቀኑ ዕሁድ ይሁን ቅዳሚ ወይም የበዓል ቀን ትምህርት ይጀምራል።

6. በደቡብ ኮርያ ተማሪዎች ከትምህርት ክፍለ ግዜ በኋላ የተማሩበትን ክፍልና የትምህርት ቤቱን ግቢ አጽድተው መውጣት ግዴታቸው ነው።

በቦናፋይድ ሁለተኛ ደረጃ ትምህርት ቤት ለተማሪዎችና መምህራን የረጅም ዓመት ልምዷንና ዕውቀቷን ለማካፈል የተገኘችው እንግሊዛዊት!

የቦናፋይድ ትምህርት ቤት ማህበረሰብ ያሰባሰበውን አልባሳት እና ሌሎች ቁሳቁሶችን ለተጋላጮች ድጋፍ ይሆን ዘንድ በሲዳማ ብሔራዊ ክልላዊ መንግስት ሴቶች፣ ወጣቶችና ማኅበራዊ ጉዳይ ቢሮ በኩል ድጋፍ አደረገ።

የክልሉ መንግስት ሴቶች፣ ወጣቶች እና ማኅበራዊ ጉዳይ ቢሮ ትምህርት ቤቱ ከመማር ማስተማር ተግባሩ በዘለለ ማኅበራዊ ኃላፊነቱን ለመወጣት እያደረገ ላለው ተሳትፎ ትምህርት ቤቱን አመስግኗል።

"አካላዊ ያልሆነው አብዛኛው ህመም የሚመነጨው ከግንኙነታችን ነው" ትዕግስት ዋልተንጉሥ ከቦናፋይድ ኢንተርናሽናል ትምህርት ቤት ለተማሬ ወላጆች በተሰጠ ስልጠና ከተናገረችው የተወሰደ። ቀሪውን ሀሳብ በዚህ ቪድዮ ያገኙታል

"ወደ ቦናፋይድ ኢንተርናሽናል ትምህርት ቤት ስመጣ የመጀመርያየ አይደለም ። ወደ ቦናፋይድ ስመጣ ደስ ብሎኝ ነው የምመጣው። ኦርጋናይዝድ የሆነ ነገር አለ። ሥራ እንደሚሰራ በደንብ ያስታውቃል።"
ትዕግስት ዋልተንጉስ
የሥነ ልቦና ባለሙያና አማካሪ

ሰንደቅ ዓላማችን

ቦናፋይድ ኢንተርናሽናል ትምህርት ቤት ለተማሪ ወላጆች ያዘጋጀው የሥልጠና ፕሮግራም መክፈቻ ዝግጅት

ጉዞ "ምን ሆኛለሁ ? ፩ " በደማቅ ሁኔታ ባሳለፍነው ቅዳሜ በቦናፋይድ ኢንተርናሽናል ትምህርት ቤት አዳራሽ ተከናወነ።

ቦናፋይድ ዓለም አቀፍ ትምህርት ቤት ባዘጋጀው የዛሬው መድረክ ጥቂት የ"ምን ሆኛለሁ?" መጻሕፍት ቅጂዎች ቀድመው ለሚገኙ ወላጆች ይሸጣል።

እንግዶቻችን ትላንት ምሽት ሀዋሳ ገብተዋል

ለወላጆች እጅግ ጠቃሚ የሆነው መርሃግብራችን ዛሬ ቅዳሜ መስከረም 25 ቀን 2017ዓ.ም. ከቀኑ 8 ሰዓት በቦናፋይድ ዓለም አቀፍ ትምህርት ቤት አዳራሽ ይከናወናል።

እንደተለመደው በመርሃግብሩ ላይ በሰዓቱ እንገናኝ።

8:00 መርሃግብሩ ይጀመራል።

ስለቦናፋይድ ትምህርት ቤትና ትምህርታዊ ጉዳዮች  ተጨማሪ መረጃ ለማግኘት:-

  •    በፌስቡክ | https://www.facebook.com/profile.php?id=61557851047466

  •  በዩቲዩብ  | https://youtube.com/@Bonafideschool-yw4hv?si=T4wesJq5-NnC24f6

  • በቴሌግራም | https://t.me/bonafideschools

•  በቲክቶክ | http://tiktok.com/@bonafide.school

•  በዌብሳይት | www.bonafideschools.com

ገፆቻችን ይጎብኙን፣ ሼርና ላይክ በማድረግ ይከተሉን፡፡ አብረውን ስላሉ፣ ስለጎበኙን እናመሰግናለን! ጤና ይስጥልን!

ዝም አላሉም፣ ያናገራሉ!
**
በልጅነታቸው ወራት በወላጆቻቸው ወይም በመምህራኖቻቸው "አትመልሱልኝ" ተብለው ያደጉ ልጆች ብዙውን ጊዜ አድገውም የመናገር አቅማቸውን የተነጠቁ ይሆናሉ። የሚናገሩት ጮክ ብለው ወደ ውጭ ሳይሆን በለሆሳስ ወደ ውስጥ ይሆናል። "ዝምተኛ " የምንላቸው ሰዎች ሊሆኑ ይችላሉ። እነዚህ ሰዎች ዝም አላሉም። ይናገራሉ። የሚናገሩት ግን እንደ ብዙዎቻችን ወደ ውጭ ሳይሆን ወደ ውስጥ ነው። በቃላት የሚናገሩትን ስላልሰማን "ዝምተኛ" እናደርጋቸዋለን።
***
ከመጽሐፉ ከገጽ 188 የተወሰደ።

ከደራሲያኑ ጋር ቅዳሜ 8 ሰዓት በቦናፋይድ ዓለም አቀፍ ትምህርት  ቤት አብረን እንወያያለን።

ለመሆኑ መጽሐፉን አግኝተዋል? ለቦናፋይድ ዓለም አቀፍ ትምህርት ቤት ተማሪ ወላጆች በልዩ ሁኔታ ተዘጋጅቷል። ከአንደኛ ደረጃ ትምህርት ቤት መውሰድ ይችላሉ።

ለልጆቻችን ብለን እየሰራን...
******
"...ወላጅነት ከኃላፊነት በላይ ነው። ከልብስ ማጠብ በላይ ነው። ወላጅነት ማለት ሰውና ሰው (ልጅና ወላጅ) የሚጣበቅበት ስሜት ነው። ጥያቄና መልስ አይደለም። ሀብቱ፣ እውቀቱ አይደለም አሁን የቸገረው። ግን ምን ያህል ወላጅ ነው ቤቱ ገብቶ ለግማሽ ሰዓት ከልጆቹ ጋር የሚያሳልፈው? ቤቱን ጥለን ውጭውን ስንባዝን የምንውለው ለልጆቻችን ስንል ነው። ይሁንና በመባዘናችን ምክንያት ልጆቻችንን እንተዋቸዋለን። ለእነርሱ ብለን እየሠራን ለእነርሱ አንሆንም። ስንቶቻችን ነን ልጆቻችንን "ውሎሽ/ህ እንዴት ነበር?" ብለን የምንጠይቀው?"
******
ከመጽሐፉ ከገጽ 150 የተወሰደ። ለመሆኑ መጽሐፉን አግኝተዋል? ለቦናፋይድ ዓለም አቀፍ ትምህርት ቤት ተማሪ ወላጆች በልዩ ሁኔታ ተዘጋጅቷል። ከአንደኛ ደረጃ ትምህርት ቤት መውሰድ ይችላሉ።

"እርግማኑ" እንዳይቀጥል...
******

"...በልጅነታችን ወራት በእኛና በወላጆቻችን መካከል ያለው ግንኙነት አድጎ ነው በእኛና በልጆቻችን መካከል የሚመጣው። ...አንድን ሰው የሚሰራው ቤተሰብ ብቻ ነው፣ ወላጅ ብቻ ነው እያልንም አይደለም። የወላጅ እና የቤተሰብ ሚና የጎላ ነው እያልን ነው። የወላጅ ሚና በጎረቤት አይተካም እያልን ነው። ...ቤተሰብ አበላሽቶ ጎረቤት የሚያስተካክለው እጅግ ጥቂት ነው።

...እኛ ጋ የታመመ ግንኙነት፣ የታመመ ፍቅርን፣ የታመመ ትዳርን ይዘው የሚመጡ ሰዎች እጅግ አብዛኛዎቹ የመታመም መነሻ የልጅነት ወቅት አስተዳደጋቸው ሆኖ ነው የሚገኘው። ወላጆች በልማድ ወይም ምንም አያመጣም ብለው እንደቀልድ ያደረጉት ነገር ነው አድጎና ቅርጽ አበጅቶ አሁን ላይ የሚደርሰው።

...ሰዎች መነሻ ችግራቸው 'ከታመመ ቤተሰብ የመጣ ነው' ካልን፣ ቤተሰባቸውስ ከማን ተቀበለው? እሱም ከታመመ ቤተሰቡ፣ የአያት ቤተሰብም ከቅድመ አያት ቤተሰብ። እያለ እያለ እርግማኑ እዚህ ደርሷል። 'እርግማኑ' እንዳይቀጥል፣ እዚህኛው ቤተሰብ ላይ እንዲቋረጥ ነው ይህንን መጽሐፍ [የጻፍነው]።

...መጽሐፉን የጻፍነው የነቃ ትውልድ ለመፍጠር ነው። ...'ልጅ በእድሉ ያድጋል' እንደምንለው፣ 'ቤተሰብም በእድሉ ይመሰረታል' እንዳንል ነው። ያለፈውን ስህተት ላለመድገም ነው። የምናውቀው በሽታ እንዳያመን ለማከም ነው። አመጣጡን የምናውቀው ጎርፍ ጠርጎ እንዳይወስደን ነው። ለደራሽ ጎርፍ ደግሞ ዝግጅት እንድናደርግ ነው።"

*******
ከመጽሐፉ ከገጽ 50-51 የተወሰደ። ለመሆኑ መጽሐፉን አግኝተዋል? ለቦናፋይድ ዓለም አቀፍ ትምህርት ቤት ተማሪ ወላጆች በልዩ ሁኔታ ተዘጋጅቷል። ከአንደኛ ደረጃ ትምህርት ቤት መውሰድ ይችላሉ።

ስለኬምብሪጅ ሥርዓተ ትምህርት መጻሕፍት

የኬምብሪጅ ሥርዓተ ትምህርት  መጻሕፍት በኢትዮጽያ አከፋፋይ የሆነው አዲስ አበባ፣ አራት ኪሎ ትምህርት ሚኒስቴር ጎን አምባሳደር ሞል 2ኛ ፎቅ ላይ የሚገኘው  Perfect Book Store ሲሆን፣ ከመጻሕፍት መደብሩ መጻሕፍቱን ማግኘት የምትችሉ መሆኑን እንገልጻለን።

መጻሕፍት መደብሩ በኢትዮጽያ ብቸኛ ወኪል  በመሆኑ መጻሕፍቱን በታሰበው መንገድ በመረከብ ለወላጆች ማድረስ አልቻልንም። ሆኖም፣ ከመደብሩ ጋር ባለን መልካም ግንኙነት ትምህርት ቤታችንን ታሳቢ ባደረገ መልኩ ቀድመው የታዘዙ መጻሕፍትን ወላጆች በሚያመቻቸው አማራጭ ከመደብሩ ማግኘት የሚችሉ መሆኑን መግለጽ እንወዳለን።

ከመጻሕፍት መደብሩ በስልክ ቁጥር 091 197 7389 (አይሻ) ተጨማሪ መረጃ ማግኘት ይቻላል።