Benha nursing

فيه imbalance دراسي لشخص حياته كلها دراسه وفيه balance دراسي لشخص حياته جزء منها دراسه..ده يرجع للرزق ثم تنظيم وقت ثم آليه المذاكره وال product وال results بعد كل قاعده كتاب بالنسبة للطرفين...طرف دراسي بحت. ينظر لل شغال ويقول لو زيو كنت زماني كذا. وال شغال يبص للتاني يقول اما لو معايا نص وقته انا كنت براجع وبحل...ومحدش فيهم فهم ان قعادو عا الكتاب رزق وكميه العلم ال بيحصلها في يومه رزق وال شغال لو فضي هيعقد ينام في البيت 24 ساعه وايام تعدي وصدقني هيبص في الاخر هو هو رزقك في الحالتين هتاخدو ..نمط حياتك ال ربنا حاطك فيه انبسط بيه وطلع منه المفيد ومتبصش لغيرك ورزقك لو مكتوب لحاجه صدقني لو كلهم عادوك هتاخده ولو ملكش نصيب في حاجه صدقني لو فاضي ومتاح ومفيش اي مشاكل برضو مش هتاخده.. المساله مساله رضا قدري ونفسي❤️

يمكن اول مره هكلم في حاجه تخصني لكن منعا لاي سوء تفاهم باذن الله اخوكم مرسي هيخطب شهور يعني ان شاء الله ومساله وقت لكن كل الامور من الكبار منتهيه..ده ال خلاني اقول خاص وكده لا احتراما للطرف الآخر ال هو حقه علي بس اقدر وجوده..طب انت قطعت فيا وفي كل حاجه من غير متعرف حاجه مسامحك لجهلك بالمعرفه لكن ده خارج سياق الدراسه اه بس حبيت اوضحو بس واعبالكو باذن الله ❤️..ونفكنا من كل ده ونشوف الميد 🚶 الذي يبكي في الزاويه الاخري🫤😂

طولنا في الغياب لكن فتره وعدت🖤 جاي اقولك معاك 10 ايام علي 5 محاضرات ..المقدمه و school و environment و family as a client وprimary care .. المحاضرات تقيله وفيها شغل وعاوزه تفتيح مخ..علي قد مالمنهج يبانلك سهل وهتعرف تتعامل لكن هنخش نلاقي الاربع اجابات ينفعو والاختيار معتمد علي قراءتك بتمعن لل content وانك مش معدي سطر ..السهوله المطلقه والاطمئنان ال انت عايش فيه هيزعلنا كلنا ...مدام سمعت ميد افهم اني الترم بيشطب
ال عاوز اقوله العمليه انت مش دريان بدات امتا ومش هتدري بنهايتها وكسل الشتا والنوم الكتير وجهاد نفسك كلنا عايشنه بدرجات متفاوتة لكن انت بتعزز من درجاتك حاليا لاجل تقبل المفقود في الترم التاني لكن بال انا شايفه من البعض انت بتخسر حاليا ولما هتفوق الترم الثاني هنكتشف ان الشيله تقيله وهنقول يارتنا ذاكرنا ومش هنجيب برضو فشوف دنيتك واتعامل زي مبتتعامل مع الاريات وبتسلك نفسك 🖤

داخلين علي ايام عاوزه تركيز وشغل.. يومك لو بيعدي من غير مذاكره نبقي في كارثه مش مجرد مشكله...كوم درجات داخلين عليه..ذاكر واعمل ال بيطلب منك عشان دكتورتك تريحك لان دول ال بيسندو معاك في الاخر ..انت خلصت العملي راجع تاني خلصت شوف النظري بقا..11 كله امتحانات و12 شفوي وفاينل عملي في اوله وفاينل نظري في نهاياته...الترم شقلب واقلب بالحرف فذاكر عشان يعتبر ترم بتخلص فيه ويبقي فاضلك ترم في المسيره الدراسيه 🖤

البروفيسور مجدي يعقوب عن التمريض وال جنبه ده وزير الصحه ال كان وزير تعليم عالي وال كان نائب رئيس مجلس الوزراء والقائم باعماله في اوقات كتيره جدا...دول اباطره الصحه في مصر .اتكلمو عن التمريض بشكل كبير لكن خدتلك جزء صغير اعرضهولك♥️ال عاوز اوصله ان انت سلعه ثمينه للدوله لا يمكن المساس بها..وان كليتك محل تقدير من اصحاب الشأن
مش طنط ام عفاف ال بتعقد قدام بيتكو وتلقح عليك يسرنجه في الراحه والجاي والبعيد يتقمص ...عاوزك تفتخر بكليتك وقول الحمد لله ان اصحاب الشأن فاهمين اهميتنا غير لو قالك انا معرفش الناس بتدخل اداب وتجاره لي
شوفت الصيغ نفسها فانت متقلقش من حاجه ♥️

بقولك كل منفسك تقنعك انك ووصلت لل top level تيقن ان فيه مشكله.. طفله عندها 4 سنين مامتها عندنا محجوزه فالبنت قعدت الاعبها اتكلمت انجليزي فرديت ومكسر . قالت الماني فرديت بس ضحكت لان بالعافيه فعلا ونطق غلط لقيت البنت علت هولندي وإيطالي فسكتت وعربي كمان و4 سنين..عندنا في المنوفيه اربع سنين ده بيلعب في الشارع يقرف ابونا والصبح امه تهريه ضرب عشان يروح الحضانه 🤕اربعه يا مؤمن ... واحنا هنا وعهد الله لا عارفين ننطق انجليزي عدل وبنكلم عربي مقطع كمان ...اربع سنين باربع لغات يمؤمن..ده لو سمعت ريكورداتي ممكن ترفع قضيه التحرش باللغه الانجليزيه لسلطات الإنجليز

موقفك الحالي هو السعي إلى مسايره الكليه..بالمذاكره والنفس الطويل ..ناس صحابي بيقولولي وقتنا ضايع مواصلات وكليه بحس مفيش بركه..كل مطلتش معاك فرمل وشوف علاقتك بربنا..المذاكره نعمه وحب الناس نعمه وراحه البال نعمه ..واحد شغال وهادي والتاني متوتر وبيحسبلها..كل يوم بتتوب فيه وبتحاول مجرد محاوله ضبط النفس ربك بيفرجها عليك وهتقع وعادي توب تاني مورناش حاجه..مش لازم تعرف الكون انك بتتظبط لا ده بينك وبين ربنا ..هتلاقي انت ال بتجري تشوف ال وراك..مفيش زهق .. مفيش ملل..بتنجز فوق ال كنت حاسبله وده رزق ❤️الدافع بايد ربنا مش بايد البشر وطول مانت بتحاول في الصح حتا لو ناس هيزعلو منك مش مهم..المهم ابقي سوي نفسيا قدام ربنا وقدام نفسي ❤️بركة ربنا في حياتك تستاهل تتغير عشانها حتا لو كان المقابل محو ماضيك اذا كان ده هيبقي سبب في بعدك عن ربنا ..

العملي باذن الله ليهم هنبقي نشرحهم لوحدهم مش هياخدو حاجه 🖤

‏مقطع صوتي من Morsy

محاضره ROM نظري

نظري burn مع حبنكشنات من العملي صغيره

‏مقطع صوتي من Morsy

ال shock نظري في عملي

‏مقطع صوتي من Morsy

تخلص المطلوب من دكتورتك في جروبك خير من مقوله * هصحي الفجر اذاكر* مفيش source بس فيه بوت سنه ال فاتت..مفيش شرح بس الليدر منزل لينكات تسجيل نظري العملي...اي حجه هتقولها ملهاش مبرر ..انت مكسل تدور علي الحاجه ال هتذاكر منها ..وعاوز افكرك شهر 11 هتلاقيه بيقولك ميد ترم ووحوارات تانيه غير جو evaluation وال report وال presentation ..كل شهر بحوار فانت اتعامل مع كل حوار وانفض منه وذاكر التافه ده عشان هيوفر قدام وقت لابو جد وان تذاكر بروسيدجر في اليوم نظري وعملي وتنام خير من ان تقول هصحي الفجر اجيب القديم في الجديد وبحيث لو فيه ريكوردات اتعملت تكون مجرد feedback بالنسبالك وترتيب للافكار مش اكتر فمضيعش الايام ده

تلخيص محاضرة الـSchool Health ، كوميونتي ،المحاضرة طويلة شوية فحاولت أبسطتها بإستخدام الخرائط الذهنية ، يارب تعجبكم ❤️

النضج حلو وانا من الناس ال بواجه نفسي وبراجعها ويمكن السنه ال فاتت تطرقت لامر نسا واطفال والعبط ال كنا بنتصارع فيه..لكن حقيقه الامر اكتشفت ان مفيش صعب وسهل لكن فيه انا بذاكر فبخلي الدنيا سهله او بتساهل فبطربقها فوق راسي..عاوزك كطالب مسنين لا تتساهل وتاخذ الامور من ظاهرها فهتلبس في اسئله فاينل عميقه محتاجه حد فاهم قبل ميكون داشش ومش هتلاقي الدنيا زي مانت متصور... اسبوع بيجيب اسبوع تاجيل بيجيب كسل..اه الكميات كبيره لكن قطع التورته قطع صغيره عشان تخلصها..ظروفنا كلنا مش الافضل علي كل الاصعده لكن تيقن ان ال بيخلص ولو نص محاضره في اليوم افضل من ال مأجل المحاضرة لبعد الفجر ..كله بيطلع النسخ الاقوي منه فنظم وقتك سواء شغال زينا فتشكر انك راجل في نفسك وشايف وحاسس بالدنيا بس مش مبرر لخمولك..شغل وكليه ومفيش افراح ولا قهاوي ولا الكلام ده صدقني تقدر تستثمر في وقتك بالشكل ال يليق بيك وبمستقبلك ال بتحلم بيه وتخططله بس البدايه منك انت 🖤

استشهاد قائد المقاومه يحيى السنوار 💔
رحمه الله وغفر له واسكنه فسيح جناته ❤️
رحل السنوار لكن سياتي ألف سنوار

انا جروبي ده فريد من نوعه بجد ❤️فيه كل التصنيفات ال ممكن تتخيلها او متتخيلهاش.. فيه مثلا الجزء ال ببذاكر ودول تقريبا تلاته وفيه الجزء ال عاوز يذاكر وملتزم ودول بتاع 7 وفيهم الجزء ال عاوز يذاكر بس مستني تغير كوني او اباده جماعيه او معجزه وفيه ال بيروقو علينا ضحك بس في الجروب 😂❤️كل الجروبات خلصت ال presentation الا احنا عرفنا النهارده الصبح الرجاله خلصته الضهر وانا شرحتهلهم دلوقتي وكده اتعشت ...هتقولي انتو كده ازاي هقولك انا ذات نفسي مش فاهم حاجه بس بروح اضحك واروح🖤فيهم سلكان بصراحه مفيش حقد وغل الرجاله ال عاوز يجاوب خش ال مش عاوز متخشش ال خد درجات عادي وال مخدش عادي يعني فيه سلاسه وراحه نفسيه وانت واقف الساعه في القاعه...جروبي 2B وافتخر 😂

الضغط بدأ وبيطلب منك كذا task في وقت قليل وreport و presentation ونظري عملي وعملي عملي ونظري النظري ونزول كليه اربع ايام وبدأت تخش المتاهه..وجب عليك تبقي هادي وتفهم اننا كلنا في نفس المتاهه وتشتغل طبقا لظروفك واوا مره هستخدم مصطلح تدوس علي نفسك بس برضو عا الهادي احنا لسه في بدايه المتاهه لسه العمليه هتولع عن كده فانا عاوزك ترتب اولوياتك لان محدش هيساعدك فب ده ..لان محدش عارف ظروفك غيرك وتسترجل في المذاكره وتوصل لمرحله ان دماغك اخر اليوم بتضرب في بعض وعاوز تنام من تعب المذاكره ...هتعقد جنب سور المتاهه وخايف تقربلها وتعيط محدش هيشدك يقولك تعالي.. خش وربنا هيوقفلك ولاد الحلال ال هيساعدوك جوا وهتتفك بس تجرأ واعقد عا الكتاب ونجز نفسك كده بعقل وخطه وهداوه وبرود وصمت❤️

عملي سواء closed fracture و open fracture في حالات الكسر التلاته من wrist لل elbow
او من elbow لل shoulder
او lower leg
وطرق تثبيت كل واحده✨🫶

نظري