Беларускія аўдыякнігі (audiobooks.by)

💫 «Адам Клакоцкі і ягоныя цені» Ігара Бабкова ўжо на пляцоўках!

Класічны раман посткласічнай беларускай літаратуры, у якім тутэйшая рэчаіснасць разглядаецца праз магічны крышталь сноў і мрояў.

📜 У трэцюю, разгорнутую і пашыраную версію рамана дададзены дзве новыя гісторыі («Восень у Гародні» і «Дзюры»), а таксама «Пасляслямова выдаўца», якое пры ўважлівым разглядзе аказваецца нататкамі невядомага чытача, знойдзенымі аўтарам у Архіве Клакоцкага ў 2023 годзе.

📖 Кніга выйшла адразу ў двух фарматах:

Папяровая версія, якая пабачыла свет дзякуючы выдавецтву «Логвінаў»

Аўдыякніга, запісаная пры фінансавай падтрымцы беларускіх супрацоўнікаў кампаніі Google і выдадзеная аўдыявыдавецтвам Audiobooks.by.

🎧 Агучыла Ядзвіга Дзяюн, а набыць і паслухаць можна па спасылцы на нашым сайце. Першую частку можна паслухаць бясплатна на нашым YouTube-канале.

🔥 «Вялікі Гэтсбі» Фрэнсіса Скота Фіцджэралда ўжо на пляцоўках!

Культавы раман амерыканскага пісьменніка выйшаў у беларускім перакладзе яшчэ ў 2023 годзе — а цяпер нарэшце з’явіўся і ў аўдыяфармаце.

👁 «Вялікі Гэтсбі» — гэта гісторыя пра сілу вялікіх пачуццяў і балючае крушэнне рамантычнае мары.

У сваім знакамітым рамане «Вялікі Гэтсбі» Фрэнсіс Скот Фіцджэралд па-майстэрску пераносіць нас на Лонг-Айленд залатых дваццатых гадоў мінулага стагоддзя: у часы небывалага эканамічнага росту, першых хмарачосаў і джазу, сухога закона і бясчынстваў, залітага бліскучымі агнямі Брадвея і моднікаў, якія кідалі выклік закаранелым умоўнасцям, у часы вялікіх надзей і яскравых падзенняў.

Пранізліва і з далікатнай вытанчанасцю Фіцджэралд распавядае гісторыю маладога мільянера Джэя Гэтсбі, які ладзіць у сваім асабняку пышныя легендарныя вечарыны і збірае вакол сябе нью-ёркскі высокі свет. Але сам таямнічы гаспадар ні на каліўца не зацікаўлены ў тых вечарынах. За сляпучым фасадам хаваецца горкая туга па недасяжным, даўно страчаным каханні. Туга, якая перарастае ў апантанасць.

📝 Пераклад Сяргея Матыркі

🔉Запіс гуку — Эрык Арлоў-Шымкус, апрацоўка — audiobooks.by.

📖 Папяровую і электронную версію можна набыць на сайце выдавецтва Кнігаўка

🎧 Агучыў Андрэй Саўчанка (Тутэйшы тэатр), а набыць і паслухаць можна па спасылцы на нашым сайце.
Першую частку можна паслухаць бясплатна на YouTube

💥 Слухаем «Сымона-музыку» Якуба Коласа ад праекта «Беларуская літаратура»!

📖 Новая агучка класічнага твора — вельмі раім паслухаць, нават калі вы добра знаёмыя з тэкстам.

Паэма Якуба Коласа «Сымон-музыка» — адзін з найлепшых класічных твораў беларускай літаратуры. Праз вобраз галоўнага героя — маладога беларуса — Якуб Колас глыбока асэнсоўвае нацыянальныя і агульначалавечыя праблемы, услаўляе таленавітасць беларускага народу

🎧 Агучыла каманда праекта «Беларуская літаратура», а знайсці і паслухаць можна проста зараз на YouTube-канале праекта і нашым сайце! 

📢 Добрая навіна ад нашых калег!  

Цяпер Kamunikat мае ўласную аплікацыю для праслухоўвання аўдыякніг на iPhone!
Загрузіце праграму з AppStore і атрымлівайце асалоду ад беларускай літаратуры ў любы час і без абмежаванняў — аплікацыя працуе ў тым ліку ў Беларусі.

На дадзены момант у аплікацыі даступныя 55 твораў — больш за 400 гадзін запісу!  

💡 Калі вы карыстаецеся Android, не хвалюйцеся: аналагічная аплікацыя для гэтай платформы можа таксама з'явіцца ў хуткім часе.  
  
❤️ Паспрабуйце і падтрымайце сваё!

📢 Праект ідзе наперад: дзякуй за вашу падтрымку!

Мы хочам падзяліцца радаснымі навінамі пра тое, як прасоўваецца праца над аўдыякнігай Максіма Знака «Зэкамерон. Вершы. Гутаркі». Дзякуючы вашым шчодрым укладам і падтрымцы, праект ужо ў працэсе рэалізацыі, і мы рады расказаць пра нашы поспехі!

Дзякуй кожнаму з вас, хто далучыўся да гэтага праекта. Вашы ўнёскі — гэта не проста падтрымка, гэта магчымасць даць голас творчасці, якая пераадольвае ўсе межы. ❤️

Паглядзіце, чаго мы ўжо дасягнулі, у нашай інфаграфіцы.

А таксама там важнае паведамленне для ўсіх, хто нам не адказаў на імэйлы ☝🏼

🎧 Сачыце за абнаўленнямі — наперадзе шмат цікавага! 🎶

🎧 Беларускія падкасты, якія нас зачапілі — дзелімся з вамі!

Нашая каманда заўсёды была прыхільнікамі якаснага аўдыяконтэнту. Наша галоўная любоў — гэта, вядома, аўдыякнігі. Але таксама мы вялікія фанаты падкастаў, таму сёння вырашылі падзяліцца ў вамі нашымі апошнімі знаходкамі.

Тутэйшыя 
Тутэйшыя — падкаст пра выдатных беларусаў, якія змянілі свет. Ужо выйшли эпізоды пра парфумера Сафію Гройсман, гімнастку Вольгу Корбут, мастачку Надзю Хадасевіч-Лежэ, прадпрымальніцу Іду Разенталь. 

Таксама сярод персаналій падкаста 9-ты прэзідент Ізраіля Шымон Перэс і стваральнік сеткі «Marks and Spencer» Міхась Маркс. Усе яны нарадзіліся і выраслі ў Беларусі, а пасля кожны ў сваёй галіне зрабілі вялізны ўнёсак: ад парфумерыі да сусветнай палітыкі.

Паслухаць: Spotify, Apple Podcasts, YouTube Music

Праз космас

Падкаст «Праз космас» — гэта падборка цікавых навін аб космасе, новых адкрыццях, публікацыях і касмічных праграмах на беларускай мове.

Паслухаць: Apple Podcasts, Spotify, Castbox, Youtube

Што ты тут забыў

Першы беларускамоўны падкаст пра псіхалогію і гістарычную памяць. Якая «ад прадзедаў спакон вякоў нам засталася спадчына»? Ці нясем мы адказнасць за мінулае сям'і, группы, краіны? Як зрабіць так, каб нават цяжкае мінулае працавала на нас, а не супраць нас?

Паслухаць: Apple Podcasts, Spotify, Castbox

Podcast TUTAKA

Серыя дзвюхмоўных падкастаў, прысвечаных традыцыйнай беларускай культуры. У новым сезоне суразмоўцы — Настасся Суханосік і Зміцер Косцін — абмяркоўваюць сучаснае становішча беларускай меншасці на Падляшшы.

Паслухаць: Apple Podcasts, Spotify, Youtube, Soundcloud

Малус

Падкаст з цікавымі мастацкімі гісторыямі ў фармаце пастановак ды чытанняў, якія агучваюць прафесійныя беларускія акторы. Кожны выпуск — асобная гісторыя.
Паслухаць: Apple Podcasts, Spotify, Castbox

Channel photo updated

✨ Слухаем зімовую навінку ад «Кніжнага Воза»: «Як гара чалавека ратавала» Алены Масла!

Аповед пра незвычайнае, але сапраўднае сяброўства паміж чалавекам і гарой. Так-так, самай сапраўднай гарой, каторая гатовая зрушыць з месца дзеля ўратавання свайго сябра.

 Казка была апублікаваная ў зборніку Алены Масла «Таямніца закінутай хаты» (2005 год). Твор рэкамендаваны настаўнікамі да пазакласнага чытання.

🎧 Чытаюць Ісай Свістулькін і Валянціна Малініна, а паслухаць навінку можна проста зараз на «Кніжным возе»! 

✨ Аўдыякніга-неспадзяванка студзеня ўжо на нашым YouTube-канале!

Нагадваем умовы: раз на месяц мы выкладаем адну платную аўдыякнігу на YouTube без назвы і аўтара.

Вы слухаеце — і тым самым кідаеце выклік самім сабе: ці гатовыя вы прысвяціць некалькі гадзін свайго жыцця невядомаму тэксту?

🎧 Шукайце спасылку на новую кнігу ў нашых сторыс, а таксама ў Telegram і YouTube!

👋 Вітанкі, даражэнькія!
Нарэшце і надышоў час адкрыць таямніцу нашай мінулай аўдыякнігі-неспадзяванкі.

У снежні вы слухалі вельмі ўдалы сінтэз «лёгкага чытва», фантастыкі, гістарычнага рамана і гуманістычнай літаратуры, якая ўздымае важныя для грамадства тэмы.

Так, гэта «Забіць нягодніка, альбо Гульня ў Альбарутэнію» Людмілы Рублеўскай.

📚 Аўтарка зрабіла ўнікальную рэч: злучыла тэму сталінскіх рэпрэсій з сучасным жыццём маладых людзей, стварыўшы дынамічны і захапляльны сюжэт. Падзеі 1930-х гадоў прапускаюцца праз прызму сённяшняга жыцця, што дазваляе чытачу глыбей адчуць драму і блізкасць герояў.

Калі не паспелі - паслухаць можна тут

Як вам?

Беларускія аўдыякніжныя вынікі 2024 года

Мы ўважліва прааналізавалі аўдыякніжны год і хочам падзяліцца з вамі яго галоўнымі вынікамі. Нягледзячы на тое, што ў розных выданнях падводзіліся вынікі года, аўдыякнігі часта заставаліся па-за ўвагай. Мы лічым важным папоўніць гэты прабел, асабліва калі ёсць чым ганарыцца!

Галоўны вынік года:
У 2024 годзе выйшла 108 аўдыякніг!
👉 Больш падрабязна: Спіс усіх рэлізаў 2024

Што хаваецца за лічбамі?
25 кніг ад Радыё Свабода, якія былі перавыдадзены і сталі даступнымі на новых пляцоўках.
83 новыя аўдыякнігі — свежыя запісы, зробленыя менавіта ў гэтым годзе.

ТОП-3 выдаўцы аўдыякніг у 2024 годзе:
Kamunikat — 21 аўдыякніга
Большасць з іх начытана Зьмітром Бартосікам, які стаў самым прадуктыўным дыктарам года (14 аўдыякніг).
Асноўны фокус: сучасныя беларускія пісьменнікі.
Беларуская літаратура — 17 аўдыякніг
Асноўны напрамак: класіка беларускай літаратуры.
Старонка: Facebook Беларускай літаратуры.
Кніжны воз — 15 аўдыякніг
Фокус: дзіцячая і падлеткавая літаратура.

Роля Audiobooks.by:
Мы рады, што змаглі ўнесці свой уклад у развіццё аўдыякніжнай сферы:
13 уласных аўдыякніг: пераклады, сучасная літаратура і класіка.
38 аўдыякніг выкладзена на розных пляцоўках у якасці дыстрыб'ютара, у тым ліку 25 кніг ад Радыё Свабода.
Адзначым важны трэнд: з'явіліся аўдыяэксклюзівы, якія не маюць папяровай версіі. Напрыклад, "Забойства на вуліцы Макаёнка", якое ў друкаваным выглядзе выйдзе толькі ў наступным годзе.

Што нас чакае ў 2025 годзе?
💡 Спадзяёмся, што сфера аўдыякніг будзе і далей актыўна развівацца, у тым ліку ў напрамку платных рэлізаў. Гэта дазволіць падтрымліваць аўтараў і стваральнікаў, а таксама ствараць умовы для выхаду новых бестселераў адразу ў аўдыяфармаце.

Калі вы заўважылі недакладнасці ці маеце што дадаць, пішыце ў каментарыях — мы абавязкова выпраім!
З надыходзячымі святамі і давайце разам ствараць будучыню для беларускай аўдыякніжнай сферы!

Слухайце сваё!

Channel photo updated

✨ Аўдыякнігі года ад каманды audiobooks.by!

Напярэдадні свят мы, як заўсёды, прынеслі вам пад калядную ялінку самыя цікавыя аўдыякніжныя рэлізы мінулага года. 

Захоўвайце, каб паслухаць падчас святочных вакацый, а таксама не забывайце дзяліцца ў каментарах сваімі «аўдыякнігамі года» — дапоўнім гэты спіс разам!

«Пасажыры карабля Тэсея» Сцяпана Стурэйкі — бестселер 2024 года на audiobooks.by

Аповесці даследчыка культурнай спадчыны Сцяпана Стурэйкі складаюцца з парадаксальных ідэй, чорнага гумару і цікавостак з падарожжаў. Героі заўсёды шукаюць праўду, а знаходзяць толькі сапраўдных сябе. Галоўная думка ўсіх твораў — мы губім тое, што любім.

«Свінні» Аляксандра Чарнухі, «Плошча Перамогі» і «Апошняя кніга пана А.» Альгерда Бахарэвіча, а таксама кнігі Васіля Быкава — топ праслухоўванняў

Менавіта гэтыя творы вы слухалі найчасцей — цешымся, што ў спісе знайшлося месца як класіцы, так і сучаснай літаратуры. 

«Забойства на вуліцы Макаёнка» Клёка Штучнага, «Марсіянін» Эндзі Уіра і «Доўгая дарога дадому» Васіля Быкава — асабісты топ заснавальніка audiobooks.by Мікіты Белаглазава

«Свінні» Аляксандра Чарнухі,  «Марсіянін» Эндзі Уіра, «Час пустазелля» Ганны Янкуты, «Ад двух да пятнаццаці» Вольгі Вялічкі і  кнігі Васіля Быкава — найлепшыя кнігі года ад прадстаўніцы audiobooks.by Крысціны Дробыш

«Свінні» Аляксандра Чарнухі, «Час пустазелля» Ганны Янкуты і анталогія «Мальцы выходзяць з-пад кантролю» — выбар нашай SMM-спецыялісткі Міры

«Забойства на вуліцы Макаёнка» Клёка Штучнага, «Мальцы выходзяць з-пад кантролю» і «Пасажыры карабля Тэсея» Сцяпана Стурэйкі — любімыя творы года капірайтаркі Жэні

✨ Слухаем святочную класіку ад «Кніжнага Воза»: казка Ханса Крысьціяна Андэрсэна «Снежная каралева»!

Казка з 7 частак, упершыню апублікаваная 21 снежня 1844 года. Атручаны аскепкам чароўнага люстэрка хлопчык Кай трапляе ва ўладарства да Снежнай Каралевы. Яго названая сястра Герда выпраўляецца на пошукі хлопчыка, каб распаліць кавалк лёду каханнем свайго чыстага сэрца. 

Гэта адна з самых вядомых свету казак Андэрсэна. Калі верыць біёграфу Кэрал Роўзэн, то натхненнем для напісання казкі стала няшчаснае каханне аўтара да опернай спявачкі Энні Лінд. Аднак скандынаўскім фальклоры існуюць згадкі пра Ледзяную дзеву, каторая з'яўляецца ўвасабленнем зімы і смерці. Яна стала натхненнем не толькі для Андэрсэна. Дарэчы, менавіта Снежна Каралева Андэрсэна стала асновай знакамітага дыснэеўскага мультфільма «Халоднае сэрца».

🎧 Паслухаць навінку можна проста зараз на «Кніжным возе»! 

🔥 «Срэбная Дарога» Сціны Джэксан ужо на пляцоўках!

Сучасны шведскі дэтэктыў, дэбютны крымінальны раман Сціны Джэксан, які быў прызнаны ў скандынаўскіх краінах найлепшай кнігай у гэтым жанры ў 2018 годзе.

🛣️ Тры гады таму дачка Леле прапала без вестак у аддаленай частцы Паўночнай Швецыі. Ён правёў усё лета, едучы па Срэбранай дарозе пад паўночным сонцам у пошуках дачкі.

Тым часам сямнаццацігадовая Мэя прыязджае ў горад з надзеяй на новы пачатак. Яна такога ж узросту, як і дачка Леле — дзяўчынка на парозе паўналецця. Але для Мэі ў гэтым ізаляваным месцы ёсць небяспека. Па меры таго, як паступова напаўзае восеньская цемра, жыцці Лелі і Мэі пераплятаюцца такімі страшнымі і трагічнымі спосабамі, якія яны ніколі не маглі сабе ўявіць.

📖 Папяровае выданне выйшла ў выдавецтве «Янушкевіч» у 2024 годзе.

🎧 Агучыў Хведар Бай, а набыць і паслухаць можна па спасылцы на нашым сайце. Першую частку можна паслухаць бясплатна на YouTube.

💥 Слухаем «Зь дзёньніка Ів. Ів. Чужанінава» Лявона Крывічаніна ад «Камуніката»!

Бліскучая сатырычная аповесць аднаго з лепшых беларускіх фельетаністаў, напісаная неверагодна вобразнай мовай, пра адзін з самых трагічных эпізодаў беларускай гісторыі. 

Уявіце, што Мікіта Зносак, герой Купалавых «Тутэйшых», патрапіў у Менск пачатку нямецкай акупацыі 1941-га году. Горад, адкуль збеглі савецкія кіраўнікі. Дзе былыя бязбожнікі становяцца апантанымі вернікамі. Дзе нядаўнія законапаслухмяныя грамадзяне рабуюць дзяржаўныя склады. Дзе ўчорашнія «парцейныя» паляць кнігі і партрэты сваіх нядаўніх правадыроў. І каб наш герой усё пабачанае занатаваў неверагодна смачнай жывой мовай! Смех скрозь слёзы вам забяспечаныя.

🎧 Паслухаць бясплатна можна проста зараз па спасылцы на нашым сайце і на «Камунікаце». 

Даражэнькія, дзелімся з вамі радаснай навіной!

Заснавальнік нашага праекта Мікіта Белаглазаў разам з іншымі беларускімі выдаўцамі стаў лаўрэатам прэміі Радыё Свабода «Людзі Свабоды – 2024» 🎉

Гэтая ўзнагарода штогод прысуджаецца тым, хто пашырае межы свабоды для сябе, Беларусі і ўсяго свету. Сёлета яе атрымалі тыя, хто нягледзячы на рэпрэсіі і цяжкасці працягвае выдаваць беларускія кнігі і несці свабоднае слова ў свет.

Мы шчыра дзякуем усім, хто падтрымлівае беларускую культуру і віншуем калег са ўзнагародай ❤️

👉 Падрабязнасці і спіс лаўрэатаў шукайце па спасылцы 

🔥 «Я прыду за табой у аўгусце» Камілы Цень ужо на пляцоўках!

⚡ Слухаем доўгачаканую і незвычайную навінку

«Народны РБ-дэтэктыў» — так можна назваць вынайдзены аўтаркай жанр. Нуар мінскіх заводскіх ускраін, стыхія нязмоўкнай трасянкі і маленькіх чалавечых трагедый, нязменны гумар і закручаныя сюжэты ў дэкарацыях «стабільнасці» — у такім свеце жыве харызматычная кантралёрка Зінаіда Юр’еўна, якая ў сваім імкненні да праўды разблытвае адну за адной загадкі беларускага быцця.

У дэбютны зборнік Камілы Цень увайшлі тры аповесці, напісаныя ў 2018-2023 гадах. Папяровая версія кнігі выйшла ў выдавецтве «Янушкевіч» у 2023-м годзе.

📖 Папяровую і электронную версію можна набыць на сайце выдавецтва Кнігаўка.

🎧 Агучыла Ганна Зязюля, а набыць і паслухаць можна па спасылцы на нашым сайце. Першую частку можна паслухаць бясплатна на YouTube.

⚡ Разгорнутая і пашыраная версія рамана Ігара Бабкова «Адам Клакоцкі і ягоныя цені» — ужо хутка на audiobooks.by!
⠀
Чакайце на пляцоўках у першыя тыдні наступнага года, і, вядома, сачыце за навінамі, каб не прапусціць навінку. 

Да дзесяці гісторый, з якіх складаецца гісторыя жыцця адважнага асветніка і энцыклапедыста Яна Адама Марыі Клакоцкага і ягоных ценяў, у найноўшым выданні дададуцца яшчэ дзве — «Восень у Гародні» і «Дзюры», а таксама «Пасляслоўе выдаўцы», якое пры ўважлівым разглядзе аказваецца нататкамі невядомага чытача, знойдзенымі аўтарам у Архіве Клакоцкага ў 2023 годзе.

Папяровая версія кнігі ў хуткім часе з’явіцца ў кнігарні «Логвінаў»: старт продажаў прызначаны на 20 студзеня, але зрабіць перадзамову можна ўжо цяпер на сайце кнігарні. 

💥 Слухаем «Халоднае крыло Радзімы» Алеся Бяляцкага на «Камунікаце»!

Кнігу старшыні Праваабарончага цэнтру «Вясна» Алеся Бяляцкага «Халоднае крыло Радзімы» складае публіцыстыка: эсэ, інтэрв’ю, занатоўкі, створаныя аўтарам у апошнія гады, у тым ліку і падчас свайго зняволення ў бабруйскай калоніі. 

Галоўная яе тэма — успаміны аўтара пра сваё дзяцінства, горад юнацтва Светлагорск, вучобу ў Гомельскім універсітэце, пра канспіратыўную дзейнасць у 80-я гады, першых сяброў і аднадумцаў.

💬 Назву кнігі Алесь Бяляцкі тлумачыць так: «Назва шматзначная. Чаму крыло “халоднае” — зразумела. І Радзіма тут выглядае птушкай — зязюляй? чайкай? І зязюляй, бо не глядзіць сваіх дзяцей, і чайкай, бо ў іх, калі яны ляцяць, крылы срэбныя з-падысподу, калі глядзець на яе, і адліваюць на сонцы холадам. І такое крыло пакуль не грэе сваіх птушанятаў, пад якімі можна разумець усіх, хто ходзіць і жыве пад яе крылом»

🎧 Агучыў Зміцер Бартосік, а паслухаць бясплатна можна проста зараз па спасылцы на нашым сайце і на «Камунікаце».

✨Аўдыякніга-неспадзяванка снежня ўжо на нашым ютуб-канале!

Нагадваем умовы: раз на месяц мы выкладаем адну платную аўдыякнігу на ютуб без назвы і аўтара. Вы слухаеце — і тым самым кідаеце выклік самім сабе: ці гатовыя вы прысвяціць некалькі гадзін свайго жыцця невядомаму тэксту? Ці даверыцеся лёсу?

Ніякіх папярэдніх стэрэатыпаў ці чаканняў. Проста аўдыякніга і вы. 

👋 Вітанкі, даражэнькія! Нарэшце і надышоў час адкрыць таямніцу нашай мінулай аўдыякнігі-неспадзяванкі. 

У лістападзе вы слухалі кнігу-дзённік падарожжаў у прасторы і часе, якая апісвае шлях героя з Чэхіі ва ўлюбёную краіну ягонай маладосці Галандыю… Так, гэта «Завяршыць гештальт» Макса Шчура!

Як вам?

💥 Слухаем «Палескіх рабінзонаў» Янкі Маўра ад праекта «Беларуская літаратура»!

📖 Новая агучка класічнага твора — вельмі раім паслухаць, нават калі вы добра знаёмыя з тэкстам.

А зараз мы прапануем вам заблукаць у самым лепшым месцы для блуканняў! Забыцца на даброты цывілізацыі, пакінуць дома тэлефон, ліхтарык, запалкі і чыстую ваду — і даць нырца ў дзікую прыроду. Энцыклапедыя выжывання на дзікім востраве, сапраўдныя прыгоды пасярод небяспечных жывёл, кантрабандысты і памежнікі, ваўкі і змеі, вада і вагонь — увесь гэты экшн чакае вас у знакамітай аповесці Янкі Маўра «Палескія рабінзоны».

🎧 Агучыла каманда праекта «Беларуская літаратура», а знайсці і паслухаць можна проста зараз на YouTube-канале праекта і нашым сайце!

🤝 Дабрыдзень, даражэнькія!

🧣 Падсумоўваем вынікі лістапада. Апошні месяц восені ў гэтым годзе апынуўся надзвычай багатым на новыя рэлізы і падзеі. Дык што ж адбылося ў наш і нашых калег?

📕 На Кніжным возе выйшла прыгодніцкая аповесць Валера Гапеева «Зніч Ваўкалака» і гістарычны дэтэктыў Карнэля Макушыньскага «Д’ябал з сёмага класа» — класіку польскай падлеткавай літаратуры.

📙 Праект «Беларуская літаратура» выпусціў «Кепска будзе!» Францішка Багушэвіча — культавая паэма, якую Максім Гарэцкі ў свой час назваў «самым эпічным творам усёй беларускай паэзіі».

📗 На старонцы беларускай інтэрнэт-бібліятэкі Камунікат з’явіліся абедзве часткі кнігі эсэ Уладзіміра Арлова «Незалежнасьць — гэта...» — своеасаблівая машына часу, якая дапаможа чытачу здзейсьніць дзясяткі падарожжаў, нязменна аб’яднаных пошукамі Беларусі і – непаўторным сакавіта-грубаватым арлоўскім гумарам.

👩‍👧 Крысціна Дробыш агучыла «Ад двух да пятнаццаці. Мая мама ў турме» Вольгі Вялічкі — збор успамінаў дзяцей пра рэпрэсіі, што закранулі іх сям’і, а таксама іх сноў, мараў і казак, якія дапамагалі пераадольваць траўмы.

📚 А audiobooks.by ажно двойчы выступіла ў ролі дыстрыб’ютара: на нашым сайце з’явілася «Радзіва Прудок» Андруся Горвата і «Не адчайваемся» Васіля Грыня. Абедзве кнігі распавядаюць пра беларускую вёску — кожная ў сваім непаўторным стылі.

📘 А яшчэ мы выпусцілі «Час пустазелля» Ганны Янкуты — кнігу, за якую аўтарка атрымала першыя прызы Прэміі Гедройця і прэміі імя Алеся Адамовіча. 

💕 І, бадай, самая радасная навіна гэтага месяца — мы завяршылі збор сродкаў на стварэнне аўдыякнігі паводле «Зэкамерона» Максіма Знака. Гэты вынік — галоўны доказ таго, што разам мы можам усё (і нават болей). Дзякуем вам за яго!

❤️ Дзякуем, што застаяцеся з намі, даражэнькія. Сачыце за навінамі — працягваем запісваць і слухаць сваё!

📢 Увага, увага! Сябры, мы гэта зрабілі!

З бязмежнай радасцю і гонарам паведамляем, што збор сродкаў на стварэнне аўдыякнігі паводле «Зэкамерона» Максіма Знака афіцыйна завершаны. Разам мы сабралі €4565 — гэта нават трошкі больш, чым мы планавалі!

💕 Дзякуй кожнаму і кожнай, хто зрабіў свой унёсак, падзяліўся допісамі пра збор, напісаў у каментарах натхняльныя словы ці проста паверыў у наш праект. А таксама дзякуем краўдфандынг-платформе https://gronka.org/ за падтрымку тэхнічнай часткі збору.

📬 Бліжэйшым часам мы звяжамся з фундатарамі наконт лотаў, таму сачыце за паведамленнямі.

🎙️ А мы тым часам ужо рыхтуемся да працы, каб голас Максіма Знака як найхутчэй прагучаў паўсюль, дзе можа быць уключаны аўдыязапіс!

💌 Па ўсіх пытаннях, звязаных са зборам і лотамі, вы заўсёды можаце напісаць нам у асабістыя паведамленні.

🔥 «Час пустазелля» Ганны Янкуты ўжо на пляцоўках!

😉 Так, гэты твор толькі ўчора атрымаў другі прыз прэміі Гедройя, а мы ўжо выкладаем аўдыяверсію. Шчыра віншуем аўтарку са ўзнагародай!

Гэтая кніга — спроба асэнсаваць бясчассе, у якім аказаліся беларусы пасля 2020 года. Яна складаецца з рэальных і выдуманых гісторый, выпадкова пачутых фраз на розных мовах, мімалётных уражанняў, захапленняў і ўспамінаў, таго, што можа напаўняць жыццё ў час дыктатуры ў Беларусі і вайны ва Украіне. 

Апавядальніца ўсюды шукае чалавечыя і нечалавечыя сляды, сюжэты, якія разгортваюцца проста на вачах, а таксама гісторыі, якія здарыліся даўно і ад якіх амаль нічога не засталося. Кніга паказвае свет вачыма беларускі, якая апынулася ў вымушанай эміграцыі і спрабуе зразумець працэсы, якія адбываюцца у свеце.

📖 Папяровую і электронную версію можна набыць на сайце выдавецтва Кнігаўка.

🎧 Агучыла Крысціна Дробыш, а набыць і паслухаць можна па спасылцы на нашым сайце. Першую частку можна паслухаць бясплатна на YouTube.

🎉 Вы малайцы, і мы вам бязмерна ўдзячныя!

Даражэнькія, дзякуючы вашай падтрымцы мы ўжо сабралі неабходную суму на стварэнне аўдыяспектакля паводле «Зэкамерона» Максіма Знака. Гэта неверагодна і пацвярджае: разам мы можам усё!

💛 Дзякуй кожнаму і кожнай, хто зрабіў унёсак, падзяліўся допісамі пра збор, напісаў у каментарах натхняльныя словы ці проста паверыў у наш праект.

🕊️ Мы вырашылі падоўжыць збор сродкаў да 2 снежня. Усе грошы, сабраныя звыш патрэбнай сумы, будуць накіраваныя на аплату аўтарскіх правоў, каб мы маглі зрабіць праект максімальна якасным і справядлівым.

Дзякуй, што вы з намі! Калі ў вас ёсць жаданне і магчымасць далучыцца да збору, зрабіць гэта можна па спасылцы на галоўнай старонцы audiobooks.by.

Тры дні засталося да завяршэння збору на стварэнне аўдыяверсіі кнігі Максіма Знака «Зэкамерон. Вершы. Гутаркі»!

З вашай дапамогай мы змаглі сабраць ажно €4167 — гэта 92% ад неабходнай сумы ў 4500 еўра! Але ж на што менавіта ідуць гэтыя грошы? Распавядаем у інфаграфіцы — гартайце карусель.

❤️ Паспявайце далучыцца да збору па спасылцы на галоўнай старонцы audiobooks.by — робім важную справу разам.

📚 Да ўсеагульнага дня абароны дзяцей: кніга для тых, хто хоча зразумець і дапамагчы

Аўтарка Вольга Вялічка, якая з 2021 года працуе псіхолагам з палітычнымі зняволенымі і іх сем'ямі, прапануе ўнікальную і кранальную кнігу. Гэта збор успамінаў дзяцей пра рэпрэсіі, што закранулі іх сям’і, а таксама іх сноў, мараў і казак, якія дапамагалі пераадольваць траўмы.

📖 Што вас чакае ў кнізе:
Успаміны дзяцей пра рэпрэсіі і іх уплыў на сям’ю.
Паралелі з досведам жанчын і дзяцей, рэпрэсаваных у савецкі час.
Рэкамендацыі па размове з дзецьмі пра палітычныя тэмы.

🎙 Водгукі пра кнігу: Святлана Алексіевіч: "Калі вы хочаце даведацца пра тое, што адбываецца сёння ў Беларусі, прачытайце гэтую кнігу... Дзеці — бясстрашныя і сумленныя сведкі, а праца Вольгі Вялічкі зроблена таленавіта і з сэрцам."
Крысціна Дробыш: "Гэта самыя страшныя казкі, якія я чытала. Але іх важна пачуць."

📌 Выдавецтва: Gutenberg Publisher 🎧 Агучыла Крысціна Дробыш
Прачытайце, абмяркуйце, падзяліцеся. Дзеці — наша будучыня, і іх голас трэба пачуць.

💌 Максім Знак: што б ён напісаў, калі б быў цяпер на волі?

Уявіце сабе: адзін ліст, адна думка, адно пасланне. Што б вы сказалі? Сёння мы працягваем натхняцца неверагоднай сілай слоў Максіма Знака. Ягоны «Зэкамерон» — гэта не проста кніга, гэта сведчанне жыцця, веры і надзеі, якія немагчыма знішчыць, нават калі вакол краты.

📖 Гартайце, выбірайце тое, што вам найбольш патрэбна сёння

Далучайцеся да збору

✨ Слухаем аўдыяверсію гістарычнага дэтэктыва Карнэля Макушыньскага «Д’ябал з сёмага класа»!

🤝 Навінка ад «Кніжнага Воза» @knizhnyvoz — класіка польскай падлеткавай літаратуры, якая надоечы выйшла ў паряровым фармаце ў выдавецтве Gutenberg Publisher @gutenbergpublisher!

Гістарычны дэтэктыў, у якім сямнаццацігадовы Адась Цісоўскі, якога сябры завуць Д’яблам за спрытны розум, — адзіная надзея старой шляхецкай сям’і з-пад Вільні, у доме якіх пачалі адбывацца загадкавыя здарэнні. Зразумела толькі адно: таямніцу хаваюць ДЗВЕРЫ.

Кніга ўваходзіць у канон польскай літаратуры і вывучаецца ў 6-м класе польскай школы.

🎧 Агучылі Валянціна Малініна і Ісай Свістулькін, а паслухаць можна проста зараз на «Кніжным возе»! 

Слухаем «Не адчайваемся» Васіля Грыня

Audiobooks.by прадстаўляе аўдыякнігу «Не адчайваемся» як дыстрыб’ютар і партнёр праекта. Мы не былі стваральнікамі гэтай аўдыякнігі, але ганарымся магчымасцю падзяліцца ёю з вамі.

🌾 Беларуская вёска, каларытныя мясцовыя жыхары. Аўтар гэтай кнігі Васіль Грынь купіў хутар «Засцянак Скрыплеў» на Валожыншчыне, удыхнуў у яго жыццё і зрабіў там аграсядзібу. Сусед Васіля – Браніславыч, адзін карэнны жыхар, які там застаўся – адна з цэнтральных фігур гэтай кнігі. Васіль аднаўляе хутар, сустракае ў аграсядзібе турыстаў, і ўсё гэта не праходзіць без удзелу каларытнага і яркага Браніславыча. Яго асоба, гісторыі і асаблівасці маўлення — той падмурак, на якім трымаецца кніга. У Браніславыча свой адметны погляд на свет, свая філасофія. Гумар, народная мудрасць, жывыя і вельмі адкрытыя людзі. Такога не ўбачыш у горадзе!

🎧 Агучылі Мікалай Паляшчук, Андрэй Белы, Аляксандр Сайко, Генадзь Журба, Алена Лойка і Мікіта Падлесны, а знайсці і паслухаць можна проста зараз на нашым сайце!

💥 Абедзве часткі кнігі эсэ Уладзіміра Арлова «Незалежнасьць — гэта...» ужо на «Камунікаце»!

Кніга выбраных эсэ Ўладзіміра Арлова – своеасаблівая машына часу, якая дапаможа чытачу зьдзейсьніць дзясяткі падарожжаў, нязьменна аб’яднаных пошукамі Беларусі і – непаўторным сакавіта-грубаватым арлоўскім гумарам. Пунктамі прызначэньня будуць Менск пачатку 1990-х і Бэрлін з абрынутай толькі ўчора сьцяной паміж двума сьветамі, Грузія часоў Зьвіяда Гамсахурдзія і Сахара дарэвалюцыйнага Тунісу, дах яшчэ цалюткага Сусьветнага гандлёвага цэнтру ў Нью-Ёрку і стакгольмская кватэра нобэлеўскага ляўрэата 2011 году паэта Тумаса Транстрэмэра… Разам зь пісьменьнікам чытач зможа адчуць зьмены, што адбыліся ў нашай краіне і сьвеце за цэлую чвэрць стагодзьдзя. Эсэ, што ўвайшлі ў кнігу, перакладаліся болей, чым на дваццаць моваў.

🎧 Агучыў аўтар, а знайсці і паслухаць як першую, так і другую частку бясплатна можна па спасылцы на нашым сайце і на «Камунікаце».

📻 Гутарка з Сяргеям Чубам на Радыё Рацыя!

Купалавец і адзін з галасоў «Зэкамерона» распавёў слухачам Радыё Рацыя пра пастаноўку паводле кнігі Максіма Знака, а таксама пра наш бягучы праект — запіс аўдыяспектакля, збор на які праходзіць проста зараз. Слухайце інтэрв’ю па спасылцы, а таксама далучайцеся да збору!

📢 Вольныя Купалаўцы ў эфіры “Еўрарадыё”: пра збор сродкаў на аўдыяверсію «Зэкамерона» Максіма Знака 🎙️

Дзелімся невялікім фрагментам відэа з інтэрв'ю, дзе каманда расказвае пра данаты, плюшкі для падтрымальнікаў і пра «жалезную дупу» — асаблівую вынослівасць, неабходную для стварэння аўдыяверсіі «Зэкамерона» Максіма Знака. Але гэта далёка не ўсе важныя і цікавыя рэчы, якія можна пачуць у інтэрв'ю! 🎙️

Поўнае інтэрв'ю глядзіце на YouTube, а падтрымаць праект можна данатам па спасылцы. ❤️

📻 Слухаем «Радзіва Прудок» Андруся Горвата!

Audiobooks.by з радасцю прадстаўляе ў сваёй бібліятэцы аўдыякнігу «Радзіва Прудок» як дыстрыб'ютар і партнёр праекта.

🏘️🌾 Журналіст, дворнік, дармаед, гаспадар, пісьменнік... Гэта аўдыекніга пра чалавека, які шукае сваё месца ў гэтым свеце.

Такім месцам магла б стаць утульная рэдакцыя сталічнага часопіса або модны хіпстарскі каворкінг. Але стала дзедава хата на Палессі.

Гэтая аўдыёкніга не пра тое, як аднавіць напаўразбураны дом, саджаць агарод, даіць казу, жыць у вёсцы і не спіцца. Гэтая кніга пра тое, як аднавіць напаўразбуранага сябе.

Дзённік «Радзіва Прудок» Андрусь Горват пісаў тры гады. Да пераезду ў вёску ён працаваў журналістам і дворнікам тэатра імя Янкі Купалы. З гэтага і пачынаецца дзённік, які атрымаў некалькі прэстыжных літаратурных прэмій ды стаў ужо легендарным творам, які раней можна было набыць толькі ў касе Купалаўскага тэатра.

🎧 Агучылі Святлана Ключнік, Аляксандр Сайко і Андрэй Белы, а знайсці і паслухаць можна проста зараз на нашым сайце! 

15 дзён засталося да завяршэння збору на стварэнне аўдыяверсіі кнігі Максіма Знака «Зэкамерон. Вершы. Гутаркі»!

Максім Знак — праваабаронца, пісьменнік і палітычны зняволены, чые творы нарадзіліся за кратамі, дзе ён не страціў ані пачуцця гумару, ані моцы духу. Гэта не проста кніга, а голас чалавека, які змагаецца за свабоду слова, нават калі сам пазбаўлены волі.

Мы аб’ядналіся з Незалежнымі Купалаўцамі і музыкам Уладзімірам Пугачом, каб зрабіць голас Максіма пачутым — але нам патрэбна ваша дапамога. Сродкі пойдуць на студыю, запіс, мантаж, музыку і прасоўванне. Далучайцеся да збору — робім важную справу разам!

✨Аўдыякніга-неспадзяванка лістапада ўжо на нашым ютуб-канале!

Нагадваем умовы: раз на месяц мы выкладаем адну платную аўдыякнігу на ютуб без назвы і аўтара. Вы слухаеце — і тым самым кідаеце выклік самім сабе: ці гатовыя вы прысвяціць некалькі гадзін свайго жыцця невядомаму тэксту? Ці даверыцеся лёсу?

Ніякіх папярэдніх стэрэатыпаў ці чаканняў. Проста аўдыякніга і вы. 

🎧 Шукайце спасылку на новую кнігу ў нашых сторыс, а таксама ў тэлеграме і ютубе!

👋 Вітанкі, даражэнькія! Нарэшце і надышоў час адкрыць таямніцу нашай дзявятай аўдыякнігі-неспадзяванкі. 

У кастрычніку вы слухалі кнігу, якая паўстала дзякуючы вам і вашым ахвяраванням — раман Максіма Гарэцкага «Віленскія камунары». 

«Віленскія камунары» цікавыя найперш сваёй дакументальнасцю і дакладнасцю адлюстравання жыцця беларусаў падчас гістарычных катаклізмаў пачатку двадцатага стагоддзя. Персанажы пісьменніка палымяна вераць у сваю ідэю і самаахвярна змагаюцца за яе. Выразна паказвае аўтар і нараджэнне беларускага нацыянальнага руху.

Напісаны ў 1931 годзе, твор быў надрукаваны толькі ў 1963 годзе — пасля арышту і расстрэлу па прысудзе «тройкі» НКУС ў 1937 годзе ўсе творы пісьменніка былі забароненыя.

💥 Слухаем «Кепска будзе!» Францішка Багушэвіча ад праекта «Беларуская літаратура» @bielaruskajalitaratura!

📖 Новая агучка класічнага твора — вельмі раім паслухаць, нават калі вы добра знаёмыя з тэкстам.

Гэтую вершаваную аповесць можна прачытаць па-рознаму. Можна ўзбурыцца: зноў пра цяжкую долю мужыка! Можна горка пасмяхнуцца: ну трэба ж, каб так не шансціла чалавеку ад самага пачатку, нават з уласным імем! Можна шчыра паспачуваць: эх, гэта ж і сёння бываюць такія гісторыі, і зусім блізка. А можна, як некаторыя навукоўцы, пабачыць у гэтых не надта мілагучных радках маштабную гісторыю цэлай краіны.

🎧 Агучыла каманда праекта «Беларуская літаратура», а знайсці і паслухаць можна проста зараз на YouTube-канале праекта і нашым сайце!

🕸️ Містычная навінка ад «Кніжнага Воза»: слухаем прыгодніцкую аповесць Валера Гапеева «Зніч Ваўкалака»!

Ты можаш пакепліваць з вясковых цётак, з іх страхаў з-за чупакабры, якая завялася недзе ў балоце. Можаш пасміхацца з аповеда старой бабулі пра ваўкалака, які вартуе святы зніч. Да той пары, пакуль не здарыцца сапраўднае і страшнае і ты зразумееш: нехта ці нешта жыве тут, побач. Варожае і злое? Ці запужанае і няшчаснае? Чацвярым сябрам трэба яе толькі знайсці ахвяру невядомага звера, але і адкрыць старажытную таямніцу а потым вырашыць: што рабіць са знойдзеным скарбам.

🎧 Агучылі Валянціна Малініна і Ісай Свістулькін, а паслухаць можна проста зараз на «Кніжным Возе»! 

🤝 Дабрыдзень, даражэнькія!

🍁 Падсумоўваем вынікі кастрычніка. Акрамя таго, што на двары зрабілася холадна і амаль цалкам апала лісце, шмат чаго адбылося і ў беларускай аўдыякніжнай прасторы.

📙 Праект «Беларуская літаратура» выпусціў аўдыяверсіі твора Міхася Лынькова «Пра смелага ваяку Мішку» і аповесці Якуба Коласа «У старых дубах».

📗 На старонцы беларускай інтэрнэт-бібліятэкі Камунікат з’явіліся ажно тры навінкі: кніга беларускага філосафа Валянціна Акудовіча «Трэба ўявіць Сізіфа шчаслівым», аповесць Васіля Жуковіча «Пасланне ў іншасвет, альбо Развагі максімаліста», а таксама аповесць Барыса Пятровіча «Пуцявіна».

🎭 Вольны тэатр «Чатыры сольда» стварыў аўдыяспектакль паводле філасофскай прытчы Конрада Жывойты «Уладар і Сумленне».

📓 Выдавецтва Пфляўмбаўм да Ночы расстраляных паэтаў выпусціла аўдыяспектакль «Нікому я гэтага не казала» паводле кнігі эпісталярнай спадчыны і вершаў беларускай паэткі Наталлі Вішнеўскай.

🕯️ Кніжны Хома таксама далучыўся да ўшанавання памяці расстраляных паэтаў, стварыўшы аўдыяверсію апавядання Алеся Дудара «Таварыш Кунегін».

📕 Разам з Вольнымі Купалаўцамі мы абвясцілі збор сродкаў на ўнікальны і амбіцыёзны праект — стварэнне аўдыяспектакля паводле апошняга беларускамоўнага выдання «Зэкамерона» Максіма Знака. І ўжо паспелі сабраць больш за палову! Далучыцца да збору можна па спасылцы — робім важную справу разам.

📘 Мы выпусцілі «Воўчую зграю» Васіля Быкава — шостую кнігу беларускага класіка, запісаную нашай камандай. Яна з’явілася на свет нечакана (нават для нас саміх) — а чаму так адбылося, мы распавялі тут.

❤️ Дзякуем, што застаяцеся з намі, даражэнькія. Сачыце за навінамі — працягваем запісваць і слухаць сваё!

У каментарах да гэтай
публікацы збіраем вашы пытанні Эндзі Ўіру і перакладчыку "Марсіяніна"!

Так, перакладчык вырашый не раскрываць сваю
асобу, але можам вас запэуніць, што пад псеўданімам хаваецца сапраудны прафесіянал.

Мы перашлём усе пытанні аутару або перакладчыку, а адказы зачытаем ужо 3 лістапада на "Прадмове"

(гэтым разам у фармаце анлайн).

Фестываль інтэлектуальнай кнігі PRADMOVA

3 лістапада, нядзеля,
18:40-19:30 (па Варшаве)

🎃 Гатовыя да Хэлаўіна? Самы час для страшных гісторый!

Сабралі для вас падборку самых атмасферных аўдыякніг: містыка, жахі і таямнічыя аповеды, ад якіх бягуць мурашкі па скуры! Гэтыя гісторыі — ідэальны выбар для доўгіх восеньскіх вечароў, калі вакол свеціць толькі месяц, а паветра насычанае чымсьці таямнічым…

🦇 Зачыніце дзверы, прыгатуйце гарачы напой і падрыхтуйцеся занурыцца ў свет невядомага. Абірайце і слухайце, калі наважыцеся!

«Легенда Соннай Лагчыны», Ірвінг Вашынгтан

Гэта ўсё былі толькі прывіды ночы, фантомы розуму, што блукаюць у цемры. І хаця яму давялося пабачыць іх шмат і нават аднойчы падчас самотнага шпацыру сутыкнуцца з самім сатаною, дзённае святло заўжды адольвала ўсю гэтую чартаўшчыну, і тады ён мог весці звычайнае, прыемнае жыццё без страху перад сіламі з таго свету.

«Ночы на плябанскіх млынах», Людміла Рублеўская

Вы ведаеце гісторыю пра Менскую ратушу? А пра залатагорскую нявесту? А чулі пра Лошыцкага прывіда? Тады гэта кніга для вас. «Ночы на плябанскіх млынах» – гэтая серыя міфаў і паданняў пра Менск. Таямнічыя гісторыі, фантастыка, прывіды. І ўсё гэта ў знаёмых мясцінах.

«Шляхціц Завальня, або Беларусь у фантастычных апавяданнях», Ян Баршчэўскі

Надзелены фенаменальнай фантазіяй і талентам прадбачання, Ян Баршчэўскі стаў адным з пачынальнікаў новай беларускай літаратуры і ўзбагаціў яе, магчыма, адным з самых загадкавых і займальных твораў - кнігаю «Шляхціц Завальня, або Беларусь у фантастычных апавяданнях», у якой шырока выкарыстаны беларускія народныя казкі, легенды і паданні.

«Смерці.net. Інтэрнэт для мёртвых», Таццяна Заміроўская

Будучыня ўжо тут: спрабуючы перахітрыць смерць, людзі прыдумалі праграму лічбавага капіявання свядомасці. Раз у год захоўваеш бэкап сваёй памяці, а твае родныя змогуць актываваць апошнюю копію, калі ты памрэш, і стасавацца з ёй праз Інтэрнэт. Лічбавы дублікат чалавечай свядомасці, які жыве ў ізаляцыі ўласнай памяці, упэўнены, што ён — сапраўдная асоба. І каб мёртвым не было самотна, урад аб'ядноўвае індывідуальныя памяці дублікатаў. Іх свет становіцца неадрозным ад нашага, вось толькі гэта ўсяго толькі электронны водгалас рэчаіснасці, загружаны ў воблака: Інтэрнэт для мёртвых.

«Па што ідзеш, воўча?», Ева Вежнавец

Рына, алкагалічка сярэдніх гадоў, з неахвотай едзе на пахаванне сваёй бабкі ў забытую богам беларускую глушэчу. Пакуль памірала яе старая, Рына займалася чужымі ў дамах шчаслівай старасці на Захадзе. Адзінае, чаго яна хоча цяпер, – спакой. Але дома яе чакае неспадзяванка – старыя грахі і спадчына маюць доўгія цені. Ці можна ўсё выправіць, калі ты і блізка не цягнеш на гераіню? Рыне трэба пахаваць бабку, адкапаць каханка, аднавіць крыніцы, ніколі не прыходзячы ў поўную свядомасць.

Жанр гэтай кнігі — балотная казка.

🥔 «Марсіянін» на фестывалі інтэлектуальнай кнігі «Прадмова»!

Даражэнькія, запрашаем далучыцца да прэзентацыі кнігі Эндзі Ўіра «Марсіянін» у перакладзе на беларускую мову, якая адбудзецца ўжо хутка ў межах фестывалю «Прадмова»!

❓Хто распавядзе пра выданне?

Мікіта Белаглазаў (стваральнік audiobooks.by, сябра Асацыяцыі Беларусаў у Амэрыцы), Валянціна Андрэева (галоўная рэдактарка выдавецтва Gutenberg Publisher) і Вольга Броман (сябра Асацыяцыі Беларусаў у Амэрыцы)

❓Калі глядзець?

3 лістапада 2024, нядзеля, анлайн, 18:40 – 19:30 (CET)  

❓ Дзе глядзець?

Трансляцыя дасяжная ў Facebook-суполцы фестывалю і на YouTube-канале «Прадмовы». 

❗ Рэдактар і перакладчык выдання, на жаль, не прымуць удзелу ў абмеркаванні — але свае пытанні ім і іншым удзельнікам вы можаце пакінуць наўпрост у каментарах да гэтага допісу.

❤️ Чакаем вас на падзеі, каб падзяліцца гісторыяй з’яўлення гэтага ўнікальнага праекта, а таксама паразважаць над магчымасцямі для новых беларускамоўных выданняў!

🔥 Слухаем «Таварыш Кунегін» Алеся Дудара ад Кніжнага Хомы!

Дэбютны рэліз Кніжнага Хомы, прымеркаваны да Ночы расстраляных паэтаў. Так распавядае пра твор выканаўца:

💬 Выбар можа падацца не відавочным, бо проза — не самы вядомы бок творчасці Дудара. Аднак мая ідэя якраз і палягае ў тым, каб адшукаць і пашырыць нешта цікавае. Перачытаўшы шэраг маладнякоўскіх твораў, спыніўся на невялікім апавяданні са зборніка «Марсэльеза». Мова твора даволі адметная, бо захоўвае адбітак свайго часу - імаверна, для сучаснага чытача некаторыя словы прагучаць досыць дзіўна.

Выразна разумею, што назва «Таварыш Кунегін» непазбежна асацыюецца чырвонай саветчынай. Таму цікава даведацца, што вы пачуеце ў гэтым творы: шаблонны рэвалюцыйны пафас ці нешта іншае? І ад сябе дадам, што Алесь Дудар - той аўтар, у якога мне падабаецца літаральна ўсё, бо нават сацыялістычныя дрындушкі гучаць так хвацка, што хочацца прытанцоўваць.

🎧 Агучыў Кніжны Хома, а знайсці і паслухаць можна проста зараз на нашым сайце і ў сацсетках выканаўцы!

💥 Слухаем «Нікому я гэтага не казала» Наталлі Вішнеўскай! Праект выдавецтва Пфляўмбаўм


Адмысловы рэліз да Ночы расстраляных паэтаў: аўдыяспектакль-спроба аднавіць забыты лёс і творчую спадчыну беларускай паэткі Наталлі Вішнеўскай, яркай зоркі літаратурнага Мінска 1920-30-х гадоў.

💌 Калі б не стос лістоў да паэта Сяргея Грахоўскага, мы б да крыўднага мала ведалі пра жыццё і лёс Н.В. — Наталлі Вішнеўскай — адной з найярчэйшых зорак паэтычнага Менска 1920-30-х гадоў. Кніга яе эпісталярнай спадчыны і вершаў «Неба мнагавокае», укладзеная паэтам і літаратуразнаўцам Віктарам Жыбулем, выйшла ў 2023 г. у жаночай выдавецкай ініцыятыве «Пфляўмбаўм». Паводле кнігі на заказ выдавецтва «Пфляўмбаўм» рэжысёркі Святлана Бень і Інга Лізянгевіч стварылі аўдыёспектакль, які прапануецца вашай увазе. 

🎧 Агучылі Святлана Бень, Алена Зуй-Вайцяхоўская, Тамара Кабяк, Максім Кульша, Ігар Лізянгевіч, Аляксандр Маўчанаў, Дзмітрый Строцаў, а знайсці і паслухаць можна проста зараз на нашым сайце!

🤝 Знаёмцеся: Уладзімір Пугач — музыка і адзін з галасоў «Зэкамерона»!

Завяршаем знаёмства з цудоўнымі творцамі, чые галасы прагучаць у аўдыяспектаклі паводле твора Максіма Знака.

Далучайцеся да збору сродкаў і рабіцеся часткай важнай справы! 

🤝 Знаёмцеся: Алег Гарбуз — адзін з галасоў «Зэкамерона»!

Працягваем бліжэй знаёміцца з камандай, якая будзе працаваць над стварэннем аўдыяспектакля паводле твора Максіма Знака. 

Далучайцеся да збору па спасылцы на галоўнай старонцы audiobooks.by — робім важную справу з цудоўнай камандай разам! 

🤝 Знаёмцеся: Сяргей Чуб — адзін з галасоў «Зэкамерона»!

Надышоў час пабліжэй пазнаёміцца з камандай, якая будзе працаваць над стварэннем аўдыяспектакля паводле твора Максіма Знака. 

А тым часам збор сродкаў працягваецца — далучайцеся! 

💥 Слухаем «У старых дубах» Якуба Коласа ад праекта «Беларуская літаратура»!

🌳 Новая агучка класічнага твора — вельмі раім паслухаць, нават калі вы добра знаёмыя з тэкстам.

А вам таксама падаецца, што Колас спачатку напісаў апавяданне «У старых дубах» так, як напісаў, а потым пахадзіў, крыху падумаў, яшчэ падумаў – і дапісаў апошні сказ? Як вы думаеце, навошта ён гэта зрабіў? І ці не было б лепей, калі б ён усё ж пакінуў твор без гэтага сказа?

🎧 Агучыла каманда праекта «Беларуская літаратура», а знайсці і паслухаць можна проста зараз на YouTube-канале праекта і нашым сайце!

💌 Натхняемся словамі Максіма Знака!

Пакуль трывае наш збор сродкаў на стварэнне аўдыяспектакля паводле «Зэкамерона», вырашылі падзяліцца з вамі нашымі ўлюбёнымі цытатамі Максіма: натхняйцеся і дзяліцеся з тымі, каму гэта можа быць зараз патрэбна ❤️‍🩹

Закулісьсе выданьня Марсіяніна па-беларуску 🕵🏻

Хочаце даведацца, як АБА набыла правы на пераклад Марсіяніна, колькі гэта каштавала, і чаму перакладчык, актор агучкі і рэдактар засталіся ананімнымі?
Глядзіце гутарку з сябрам АБА і заснавальнікам аўдыёвыдавецтва Audiobooks.by Мікітам Белаглазавым

https://youtu.be/jHgUXAlqeXE?feature=shared

📚 Слухаем дзве навінкі ад «Камуніката»!

✉️ «Пасланне ў іншасвет, альбо Развагі максімаліста» Васіля Жуковіча ў агучцы Васіля Калача

Аповесць Васіля Жуковіча «Пасланне ў іншасвет, альбо Развагі максімаліста» — твор складаны і спрэчны. Падсумаванне і пераасэнсаванне жыцця і досведу. Аповесць сустрэла чытача, калі пісменнік перакрочыў мяжу ў 75 год. Тут пераплецены рэфлексіі Другой Сусветнае Вайны, рэпрэсій савецкіх часоў, вясковага жыцця і віру палітычных падзей пачатку ХХІ стагодзя. Амаль пяць гістарычных эпох стварылі сваеасаблівы хаос на старонках аповесці. Тут і спроба 75-гадовага аўтара зразумець 20-гадовага героя, спроба перанесці гэтае асэнсаванне на падзеі вайны і акупацыі. Мэтанакіраванае спрашчэнне формы і сюжэта. Сумбур сэнсаў і наратываў. Аднак пры гэтым — шчыры і чысты анатамічны зрэз сваёй свядомасці. Хочаш разумець эпоху — занурысь у гэты тэкст, але не грэбуй ратавальнай камізэлькай асэнсавання!


🛣️ «Пуцявіна» Барыса Пятровіча ў агучцы Змітра Бартосіка

Аповесць пісалася амаль праз трыццаць гадоў пасля той памятнай паездкі праз увесь СССР з Усходу на Захад. Аўтар не стаў перагрувашч­ваць тэкст краязнаўчымі ды іншымі турыстычнымі звесткамі, а ўзяў за аснову асабістае ўспрыманне таго часу, той краіны, людзей, якія ў ёй жылі, і запрашае вас нібы на машыне часу перамясціцца на адзін месяц у другую палову кастрычніка і пачатак лістапада 1983 года. Вярнуцца ў СССР, акунуцца ў жыццё некалі аграмаднай краіны з яе даўно забытымі клопатамі і праблемамі, а, магчыма, і радасцямі... Аўтар не меў жадання паказаць жахі савецкага жыцця ці прыхарошыць яго, а толькі паспрабаваў сказаць праўду пра той час.

🎧 Знайсці навінкі можна на нашым сайце, а паслухаць — на любой зручнай вам пляцоўцы!

💥 Слухаем «Уладар і Сумленне» Конрада Жывойты ад Вольнага тэатра «Чатыры сольда»!

Гэта не проста аўдыякніга, а сапраўдны аўдыяспектакль, цалкам створаны вольным тэатрам «Чатыры сольда». Створаны ў цікавых і няпростых умовах, што робіць яго яшчэ больш каштоўным. А таксама — філасофская прытча, якая падымае пытанні, актуальныя для беларусаў як сто гадоў таму, так і зараз.

Адкуль бяруцца злодзеі? Ці можна знішчыць цемру? Як дасягнуць дабрабыту? Што рабіць на раздарожжы?.. Пра гэта і не толькі распавядае філасофская паэма-прытча. «Уладар і Сумленне». Свет і цемра, дабро і зло, вернасць і здрада, розум і вар’яцтва, неба і бездань, а пасярэдзіне — чалавек на скрыжаванні свайго лёсу. Які выбар ён зробіць і чаму?

🎧 Агучылі Конрад Жывойта, Эмілія, Партызан і Паўліна, а знайсці і набыць можна па спасылцы на нашым сайце. 

🎁 Падтрымай збор — атрымай падарунак! 

Працягваем збіраць сродкі на агучку «Зэкамерона» Максіма Знака!

Мы створым сапраўдны аўдыяспектакль, у якім загучаць галасы акцёраў легендарнага Купалаўскага тэатра. Для гэтага нам вельмі патрэбна вашая дапамога — а каб аддзячыць за яе, мы падрыхтавалі адмысловыя ўзнагароды для кожнага, хто далучыцца да збору.

10 еўра — згадка ў аўдыяверсіі

Ваш унёсак важны, і мы хочам падзякаваць асабіста! Калі вы ахвяруеце 10 еўра, ваша імя прагучыць у фінальных тытулах аўдыяверсіі. Гэта маленькі, але значны спосаб стаць часткай гісторыі і падтрымаць вялікую справу. 

20 еўра — стыкерпак

Ахвяруючы 20 еўра, вы атрымаеце эксклюзіўны стыкерпак, распрацаваны спецыяльна для нашага праекта.

50 еўра — падпісаная Купалаўцамі папяровая версія кнігі

За ваш данат у 50 еўра вы атрымаеце папяровую версію кнігі, падпісаную акцёрамі, якія працуюць над аўдыяспектаклем.

60 еўра — кубачак ручной работы з цытатай Максіма Знака

Падтрымліваючы праект на 60 еўра, вы атрымаеце ўнікальны кубачак ручной работы з адной з цытат Максіма Знака. Дарэчы, гэтыя кубачкі робіць сястра Максіма Ірына — прыклады вырабаў вы можаце пабачыць тут.

70 еўра — квіток на спектакль Купалаўцаў «Зэкамерон» +  праход за кулісы і праграмка з падзякай ад акцёраў

Калі ахвяруеце 70 еўра, вы атрымаеце квіток на спектакль Купалаўцаў і магчымасць патрапіць за кулісы, а таксама праграмку з асабістай падзякай ад акцёраў, якая застанецца прыемным напамінам пра гэты вечар.

200 еўра — экскурсія на студыю гуказапісу ў Варшаве з кававым пачастункам

Ахвяруючы 200 еўра, вы атрымліваеце магчымасць наведаць студыю гуказапісу ў Варшаве! Вас чакае экскурсія па студыі, дзе вы зможаце паглядзець, як ствараюцца аўдыякнігі, а таксама кава і прыемная размова.

І, канечне, да кожнага лота — наша вялікая падзяка за ваш уклад у гэты праект ❤️ Разам мы зробім так, каб голас Максіма Знака загучаў для ўсіх!

Далучайцеся па спасылцы

👋 Дабрыдзень, даражэнькія! Сёння хочам падзяліцца з вамі неверагоднай навіной: наш збор сродкаў на стварэнне аўдыяверсіі «Зэкамерона» Максіма Знака пераваліў адзнаку ў 1200 еўра!

🫂 Вельмі ўдзячныя вам за тое, што дапамагаеце нам рабіць важную справу.
 
Калі ў вас ёсць жаданне і магчымасць далучыцца да збору, зрабіць гэта можна па спасылцы. 

💥 Слухаем «Трэба ўявіць Сізіфа шчаслівым» Валянціна Акудовіча ад «Камуніката»

💬 «Гэтая кніга шмат пра што і пра каго, але найперш яна пра стваральнікаў… Пра тых хто дабрахоць падняў з поду і ўскінуў сабе на плечы цяжар, які ён называе “мая краіна”. З дня ў дзень яны рушаць з гэтым цяжарам усё вышэй і вышэй, каб аднойчы ўбачыць, як камень з грукатам зноў скоціцца долу. А значыць трэба яшчэ раз вяртацца да пачатку пачаткаў… І мы вяртаемся!» — Валянцін Акудовіч.

🎧 Агучыў Зміцер Бартосік, а знайсці і паслухаць бясплатна можна па спасылцы на нашым сайце.  

💥 Слухаем «Пра смелага ваяку Мішку» Міхася Лынькова ад праекта «Беларуская літаратура» @bielaruskajalitaratura!

🐻 Новая агучка класічнага твора — вельмі раім паслухаць, нават калі вы добра знаёмыя з тэкстам.

Ці даўно вы адчувалі сябе мядзведзем? Даўнавата? Але ж гэта непарадак! Вы павінны памятаць, што жыццё ў мядзведзя – маліна. Ну не кожны, канешне, дзень, але з большага гэта даволі прыемнае жыццё, поўнае прыгодаў, мамчынай пяшчоты, лясных сяброў, а яшчэ – раптоўных пераменаў, нечаканых паваротаў лёсу, боек, трывог, перамог і сапраўдных баявых таварышоў.

🎧 Агучыла каманда праекта «Беларуская літаратура», а знайсці і паслухаць можна проста зараз на YouTube-канале праекта і нашым сайце! 

👥 Аўдыяспектакль паводле «Зэкамерона» Максіма Знака: хто працуе над праектам?

Усё пачалося з таго, што нашая каманда даўно марыла зрабіць аўдыяверсію гэтай кнігі. А потым мы даведаліся, што сёлета купалаўцы Сяргей Чуб і Алег Гарбуз разам з музыкам Уладзімірам Пугачом і рэжысёрам Войтэкам Урбаньскім прэзентавалі спектакль паводле «Зэкамерона». І тут мы падумалі: чаму б нам не аб’яднацца? 

Такім чынам, Алег Гарбуз, Сяргей Чуб і Уладзімір Пугач будуць працаваць над агучкай і музыкай. Са свайго боку, наша каманда ўзялася за ўсю «закадравую» працу: мы арганізавалі збор сродкаў, рыхтуем візуальны кантэнт, пішам для вас гэтыя тэксты і робім усё магчымае, каб увасобіць праект у жыццё!

😉 Далучайцеся да праекта і вы — зрабіць свой унёсак можна па спасылцы на галоўнай старонцы нашага сайта!

📖 «Зэкамерон» Максіма Знака: што за кніга, на аўдыяверсію якой мы збіраем сродкі?

«Зэкамерон. Вершы. Гутаркі» —  гэта апошняе дапоўненае беларускамоўнае выданне кнігі Максіма Знака, якое сёлета выйшла ў выдавецтве «Полацкія лабірынты». Вершы і гутаркі, якія таксама ўвайшлі ў склад выдання, былі надрукаваныя ўпершыню. Кніга стала своеасаблівым дзённікам, які Максім вёў падчас першага года знаходжання ў СІЗА, калі яшчэ меў магчымасць пісаць і перадаваць свае рукапісы на волю.

Цяпер Максім — палітзняволены, які ўжо больш за паўтары гады застаецца без права ліставання і спаткання са сваякамі і абаронцамі. Насуперак абставінам, у цеснай камеры і цяжкіх умовах, Максім захаваў сілу духу і творчую свабоду, якія дазвалялі яму сягаць праз краты на шырокі прастор, спалучаючы іранічнае і сур’ёзнае, лёгкае і глыбокае, лірычнае і штодзённае.

І — насуперак абставінам — чытач ці слухач гэтай кнігі можа стаць нібы ўдзельнікам гутарак з Максімам, наведаць яго ў камеры і там за кубачкам гарбаты пажартаваць пра сумнае ці паспрачацца пра высокае. Або проста прачытаць тэксты і праспяваць песні на словы Максіма, даючы ім голас, якога яны на сёння пазбаўлены.

Далучайцеся да збору па спасылцы на галоўнай старонцы нашага сайта — няхай голас Максіма Знака будзе чутны!

📣 Запускаем збор сродкаў на запіс кнігі Максіма Знака «Зэкамерон»!

Мы, каманда audiobooks.by у супрацы з Вольнымі Купалаўцамі, распачынаем збор сродкаў на ўнікальны праект — стварэнне аўдыякнігі паводле апошняга беларускамоўнага выдання кнігі юрыста, адваката і палітвязня Максіма Знака.

Гэта будзе сапраўдны аўдыяспектакль, героі якога будуць размаўляць добра вядомымі вам галасамі актораў легендарнага Купалаўскага тэатра. Мы аб’ядналіся, каб даць магчымасць голасу Максіма Знака прагучаць паўсюль, дзе можа быць уключаны аўдыязапіс. Але без вашай дапамогі нам не даць рады.

Далучайцеся да збору па спасылцы — робім важную справу разам! 

А таксама сачыце за абнаўленнямі ў нашых сацсетках — бліжэйшымі днямі і будзем распавядаць пра праект больш падрабязна. А калі вам карціць даведацца больш ужо зараз — глядзіце інфармацыю пра збор на платформе http://gronka.org!

🔥 Слухаем «Воўчую зграю» Васіля Быкава!

Нечаканая навінка ад audiobooks.by: шостая кніга беларускага класіка, запісаная нашай камандай.

📔 Адвечная тэма выбару ў складаных умовах акупаванай тэрыторыі і партызанскай барацьбы. Гісторыя пра чалавечыя лёсы, пра жыццёвы выбар, пра выратаванне маленькага чалавека.

Галоўны герой аповесці падчас ваенных дзеянняў вырываецца з акружэння і застаецца сам на сам з новароджаным дзіцёнкам-сіратой на руках. Прайшоўшы пекла, ён аддае дзіця, спадзеючыся, што трапіць яно ў добрыя рукі.

Сюжэт аповесці базуецца на ўспамінах былога партызана, які праз трыццаць гадоў пасля сканчэння вайны шукае таго, каму некалі выратаваў жыццё. Шукае, каб распавесці гісторыю ягонай сям’і, бацькоў, гісторыю першых дзён ягонага жыцця. Шукае, але ці знаходзіць?

🎧 Чытае Лявон Шматок, а знайсці і паслухаць можна проста зараз на нашым сайце!
 

👀 Ці вы ўжо бачылі сёлетні кароткі спіс прэміі Гедройця?

А мы да вас з ачуменнай навіной: нашая каманда ўжо пачала запісваць адну з кніг, якія ў хуткім часе пазмагаюцца за галоўную літаратурную ўзнагароду года!

🤔 Ці здагадаецеся па ўрыўку, якую?

🤝 Дабрыдзень, даражэнькія!

🍂 Падсумоўваем вынікі першага месяца восені. Што адбывалася ў нас і нашых калег у верасні?

📙 Праект «Беларуская літаратура» выпусціў аўдыяверсію рамантычнай аповесці Уладзіміра Караткевіча «Чазенія», а таксама першую частку «Людзей на балоце» Івана Мележа.

📘 А нашыя калегі з «Кніжнага воза» у дзень сваіх народзінаў выклалі «Скрозь люстэрка, і што ўбачыла там Аліса» Льюіса Кэрала.

📗 На старонцы беларускай інтэрнэт-бібліятэкі Камунікат з’явіліся тры апавяданні Змітра Дзядзенкі і раман Людмілы Рублеўскай «Забіць нягодніка, альбо Гульня ў Альбарутэнію».

📕 Разам з Асацыяцыяй Беларусаў у Амэрыцы і выдавецтвам Gutenberg Publisher мы выпусцілі «Марсіяніна» Эндзі Ўіра — культавы твор амерыканскай літаратуры, які з'явіўся адначасова ў папяровым, электронным і аўдыяфарматах.

❤️ Дзякуем, што застаяцеся з намі, даражэнькія. Сачыце за навінамі — працягваем запісваць і слухаць сваё!

✨Аўдыякніга-неспадзяванка кастрычніка ўжо на нашым ютуб-канале!

Нагадваем умовы: раз на месяц мы выкладаем адну аўдыякнігу на ютуб без назвы і аўтара. Вы слухаеце — і тым самым кідаеце выклік самім сабе: ці гатовыя вы прысвяціць некалькі гадзін свайго жыцця невядомаму тэксту? Ці даверыцеся лёсу?

Ніякіх папярэдніх стэрэатыпаў ці чаканняў. Проста аўдыякніга і вы. 

🎧 Шукайце спасылку на новую кнігу ў нашых сторыс, а таксама ў тэлеграме і ютубе!