ភ្នំពេញ ៖ នាព្រឹកថ្ងៃទី ២៣ តុលា ឆ្នាំ ២០២៤ នេះ លោក ប៉ាង លីដា អភិបាលរងខណ្ឌពោធិ៍សែនជ័យ ទទួលបន្ទុក សណ្ដាប់ធ្នាប់សាធារណៈ បបានដឹកនាំកម្លាំង លាងលាងសម្អាតផ្លូវក្នុងតំបន់ ផ្សារត្រពាំងថ្លឹង និង តាមបុរីនានា ម្តុំ ត្រពាំងថ្លឹង ស្ថិតក្នុងសង្កាត់ចោមចៅ១ ខណ្ឌពោធិសែនជ័យ ក្រោយពីបានចុះរៀបចំសណ្តាប់ធ្នាប់ ចិញ្ចើមផ្លូវថ្មើរជើង និងដាក់គ្រឿងចក្រ កាយបេតុងដែលប្រជាពលរដ្ឋ ចាក់រំលោភបំពានបាំងផ្លូវមុខទឹកហូរ បង្កអោយ ស្ទះចរន្តទឹហូត ទឹកដក់តាមផ្លូវ ទឹកមិនហូរចូលឌឺហ្គែ កាលពីម្សិលមិញនេះ។
លោក ប៉ាង លីដា បាន ប្រាប់ភ្ញាក់ងារ សារព័ត៌មានកម្ពុជាថ្មី នាព្រឹកថ្ងៃទី២៣ តុលា នេះថា ដោយមានការយកចិត្តទុកដាក់ ពីលោក សក់ ច័ន្ទកញ្ញារិទ្ធ អភិបាលខណ្ឌពោធិ៍សែនជ័យ បានចាត់អោយលោក ដឹកនាំកម្លាំង ចុះបន្ត បាញ់ទឹកលាងសម្អាតផ្លូវជាប្រចាំ ជាក់ស្តែងទីតាំងខាងលើនេះ កាលពីម្សិលមិញ លោកក៏បានដឹកនាំកម្លាំងយកគ្រឿងចក្រ មកឈូសឆាយ បេតុង (ចាក់សាប) ដែលប្រជាពលរដ្ឋ ចាក់រំលោភ លើផ្លូវសាធារណៈ មានខ្ពស់មានទាប ដែលនាំឲ្យប៉ះពាល់ការធ្វើដំណើរ របស់ប្រជាពលរដ្ឋទូទៅ ក៏ដូចជា បិទចរន្តមុខទឹកហូរ ដែលធ្វើឲ្យទឹកដក់លើផ្លូវ ផងដែរ ទាំងនេះ គឺជាបញ្ហា ធំដែលតម្រូវ អោយអាជ្ញាធរពោធិ៍សែនជ័យ ត្រូវដោះស្រាយជាបន្ទាន់ ។ ការ ចុះសម្អាតផ្លូវខាងលើ មានការចូលរួមពីកម្លាំងសាលាខណ្ឌ និងកម្លាំងសាលាសង្កាត់ចោមចៅទី១ ។