Bafel Jalal Talabani 💚

لە بست بە بستی ئەم خاکە پیرۆزەدا خوێنی شەهیدێکمان لەپێناو ئازادی و کەرامەتی کوردان رژاوە..
شانازی دەکەین کە تەواوکەری ئەو رێگایەین و درێژەپێدەری رێبازی شەهیدانمانین.
بەرز و پیرۆزبێت رۆژی شەهیدی یەکێتیی نیشتمانیی کوردستان.. حزبی شەهیدان.
دروود بۆ گیانی پاکی شەهیدانی یەکێتی و سەرجەم شەهیدانی کوردستان.

ئەمڕۆ بە شانازی و وەفاداریی هەمیشەییمانەوە یادی شەهیدانمان دەكەینەوە و رۆژی شەهیدی یەكێتی بەرز رادەگرین. سڵاو و خۆشەویستیی زۆرمان بۆ كەسوكارە سەربەرزەكانیان دەنێرین و لەبەرامبەر دڵسۆزی و خۆڕاگرییاندا سەری رێز دادەنەوێنین.

ئەمڕۆ بۆ ئێمە یادكردنەوەی مێژووی پڕ لە سەروەری و تێكۆشانی حزبەكەمانە لەپێناو ئازادی و سەرفرازیی گەلەكەمان، یادكردنەوەی هەموو ئەو قارەمانانەیە كە خوێنی خۆیان پێشكەشی خاكی كوردستان كرد و بە ژیانی خۆیان ئەم ئەزموونەیان هێنایە كایەوە. بۆیە كاتێك بیر لەو رابردووە پرشنگدارەمان دەكەینەوە، سوورترمان دەكات تاوەكو لە داهاتووشدا بە هەمان رۆحییەتی یەكێتییانەوە بەگژ نادادی و نایەكسانیدا بچینەوە و ئەو بەڵێنەی بە خەڵكمان داوە، پارێزگاریی لێبكەین و هەنگاو بۆ داهاتوویەكی سەقامگیرتر و شەرەفمەندانەتر بنێین، بەمەش رۆحی شەهیدانمان شاد دەكەین و كوردستان بەرەو قۆناغێك ئاڕاستە دەكەین كە شایستەی ئەو رووبارە خوێنەی رۆڵەكانمان بێت.

دروود بۆ رۆحی شەهیدانی یەكێتی و سەرجەم شەهیدانی رێگەی ئازادی و سەرفرازیی كوردستان و سەربەرزی بۆ كەسوكارە تێكۆشەرەكانیان.

بافڵ جەلال تاڵەبانی
سەرۆکی یەکێتیی نیشتمانیی کوردستان

💚

ئەمرۆ💚

پەیامی مەكتەبی سیاسی لە رۆژی شەهیدی یەكێتیدا
👆

مێژووی پڕ سەروەریی و تێكۆشانی یەكێتیی نیشتمانیی كوردستان  هەموو رۆژەكانی پڕن لەتۆماری سەربەرزی  و گیانبازی، كە سەرقافڵەی ئەم كاروانە نەپساوەیە شەهیدانی سەرکردە (خاڵە شیهاب و جەعفەر عەبدولواحید و ئەنوەر زۆراب ) بوون، كە لەرۆژی 21ی تشرینی دووەمی ساڵی 1975دا لە زیندانەكانی رژێمی بەعسی رووخاودا  بە دروشمی( كەم بژی و كەڵ بژی ) گیانیان بۆ ئازادیی و سەربەخۆیی كورد و كوردستان بەخشی. لەناو ئەم كاروانەی شەهیدان و سەروەراندا كە  هەزاران تێكۆشەر لە نێو زیندان ، لەچالاكیەكانی نێو شار، لەسەنگەرەكانی بەرگریدا  بەگیان و خوێنی خۆیان چەندین داستانی نەبەردی و رووبەڕوبونەوەیان بەرامبەر بە جەلادەكان ونۆكەر و هێزەكانی رژێمی بەعسی ڕووخاو  تۆماركردووە ،بۆ هەمیشە بەنەمری لەدڵ و ویژدانی هەموو كوردێكی تێكۆشەر دەمێننەوە. بۆ بەرز راگرتنی ئەو قارەمانێتی و سەروەرییانەیان و بەرز راگرتنی  یادەوەری وناوبانگیان، لە كۆی ساڵدا ئەم رۆژە دیاری كراوە تاوەكو هەمووان پێكەوە لەیەك ساتدا سەری رێز لەئاست  یادكردنەوەیاندا دابنەوێنین. لەم یادەدا پڕ شكۆیەدا سەربەرزین بەوەی لەسایەی  قوربانیدانی شەهیدەكانماندا ، یەكێتیەكەمان بەهەمان گیانی سەردەمی سەختی دێرینەوە بەردەوامە و وێستگەی هەڵبژاردنی ئەمجارەی کوردستانیش بەڵگەی زیندوون. ئەم پێداگیری و رژدبونەمان لە درێژەپێدانی رێبازی شەهیدانەوە سەرچاوەی گرتوە وئەمانەتێكە لە ئەستۆمان كە دەبێت نەك هەر بۆ ئیمڕۆ  بەڵكو بۆ ئایندەی دووریش درێژە پێدەری بین تاوەكو گشت مافە بەدینەهاتوەكان لە سەرئاستی عێراقیشدا مسۆگەر بكەین. درود بۆ رۆحی شەهیدان و سڵاوی وەفا و ئەمەكداری بۆ كەسوكار وخانەوادە هەمیشە سەربەرزەكانیان. مەكتەبی سیاسیی یەكێتیی نیشتمانیی كوردستان

لە دیدارێکدا لەگەڵ ئەندامانی فراکسیۆنەکانی یەکێتی و بابلیون لەئەنجومەنی پارێزگای کەرکوک؛ داوام لێکردن لەسەر رێبازی مام جەلال، بە هەموو تواناوە و بەبێ هیچ جیاوازییەک خزمەتی کەرکوک بکەن. دەبێت فراکسیۆنەکانی یەکێتی و بابلیون زیاتر و باشتر لە فراکسیۆنەکانی تر چاودێربن بەسەر کارەکانی ئیدارەی نوێی کەرکوکەوە.

جەختیشم کردەوە کە دەبێت بە شێوەیەک خزمەتی خەڵکی کەرکوک بکەن، رۆژ لە دوای رۆژ زیاتر ئاستی هیوا و متمانەی کەرکوکییەکان بە هەموو پێکهاتەکانییەوە بە پارێزگار و فراکسیۆنەکانی یەکێتی و بابلیون بەرزتر ببێتەوە.

قوباد تاڵەبانی: کەرکوکی بوون شانازییە

قوباد تاڵەبانی ئەمڕۆ لە کەرکوک بەشداری لە سەرژمێری کرد و رایگەیاند؛ پەرۆشی و شەپۆلی گەڕانەوەی کەرکوکییەکان بۆ بەشداری لە پرۆسەی سەرژمێریدا جارێکیتر بۆ هەموو لایەکی سەلماند کە کەرکوک بۆ هەمیشە وەک شارێکی کوردستانی و سیمبولی پێکەوەژیانی ئاشتییانە دەمێنێتەوە.

راشیگەیاند، کەرکوکییەکان خۆیان گەورەترین پارێزەری ناسنامەی کوردستانیبوونی کەرکوکن.

ئاماژەی بەوەشکرد، وەک هەر کەرکوکییەکی دیکە بە شانازییەوە گەڕامەوە کەرکوک و بەشداربووم لە پرۆسەی سەرژمێری.

بەرێز قوباد تاڵەبانی لە کەرکوک بەشداری پڕۆسەی سەرژمێری کرد💚

💚💚💚