Vüqar Biləcəri

Telegramın ən böyük və ən faydalı kanalları ilə qarşınızdayıq. Özəlliyimiz hər kanalı topluya almamağımızdır.

@toplu_admini

İllərlə zindanda olubdur əsir,
Kazımtək zindanda xan oldu Yəhya.
Ad-sanı düşmənin nəfəsin kəsir,
Səmada görünən dan oldu Yəhya.

Kəsilən barmağı qanadır ürək,
Görənin ürəyi qan oldu,Yəhya.
Dünya sionisti tanısın gərək,
Xudaya yetişib şan oldu Yəhya.

Onun qatilləri Yeziddir Yezid,
Rəhbərə köməkçi qol oldu Yəhya.
Yəhya peyğəmbərtək oldu o şəhid,
Gənclərə əbədi yol oldu Yəhya.

Müqavimət dedikdə düşəcək yada,
Düşmənə saplanan ox oldu Yəhya.
İnşəllah ki, rəcət edib qayıda,
Sanır ki,iblislər yox oldu Yəhya.

Bir gəncin ürək sözləri

Sinvar...

Etdi düşmən səni gizlincənə tə'qib, Sinvar,
Qurdu min cürnə plan, eylədi tərtib, Sinvar.

Səni öldürmək üçün çox çalışdı ali-yəhud,
Etdirdi əsgərinə hər cürə tədrib, Sinvar.

Səni öldürməyə heç cür'əti çatmazdı vəli,
Etməsəydi başqası sirrivi təxrib, Sinvar.

Bəli, ol xəyanətdi eylədi düşmənlərivi,
Səni qətl eyləməyə şövq ilə tərğib, Sinvar.

Sən şəhid olduğun an bitdi səninçün imtahan,
Oldu ruhun ilahi aləmə təclib, Sinvar.

Amma sən şəhadətə çatdığın an dostlarımız,
Yə's ilə qıldılar öz ruhuna tə'yib, Sinvar.

Sənin ol cismivin hər zərrəsi pak-pakizədir,
Pak vücudun elədi düşməni tə'zib, Sinvar.

Bu elə həqiqətdi, gün kimi aydın, aşkar,
Ola bilməz axı kimsə edə təkzib, Sinvar.

Bu səbəbdəndi yayırlar yalançı xəbərləri,
Eləyirlər yalanı həqq ilə tərkib, Sinvar.

Vəli agah ol, abulqasimə heç cürnə yalan,
Ola bilməz pisə meyl etməyə təsbib, Sinvar.

Abulqasim

Ey mənim hər dərdimə aləmdə loğman Nardaran.
Yox səni tərif üçün təbimdə imkan Nardaran.

Hansı səmtə üz tutub getsəm səfasızdır vəli,
Ey mənim könlüm üçün ən ali ünvan Nardaran.

Mən səni kəndim kimi tərif edərsəm nakəsəm,
Tərifin onsuzda olmuşdur numayan Nardaran.

Şeyx ağa, Şeyx Əhmədin, həm Şeyx Rəsulun kəndisən,
Səndə olmuş Şeyx Əli tək əhli-ürfan Nardaran.

Ağa Möhsün, ya Məzahir birdə gəlməz aləmə,
Bəs hanı molla Hac(ı)əli tək bir insan Nardaran.

Hatəmi Sani kimi ad qoydu bu yerdə Qasım.
Tez aldı bizdən onu çərxi-dövran Nardaran.

Əbdüləli səndə almışdır axundluq adını,
Adını yazmağa həm aciz bir insan Nardaran.

Tazə ad salmış cavandır Hafizi hifz eyləsən.
Can qoyub almış səninçün böylə ad-san Nardaran.

Tanrı etmiş etibar səndə İmam namusunu,
Sən necə yersən onu göstərdi Sübhan Nardaran.

Söz sözü çəkdikcə yazsam xanə tutmaz tərifün.
Bircə arzum görməyim bu yeri viran Nardaran.

Madəri ölmüş uşağ tək Maili ağuşa al.
Qoyma ta sızlayıb olsun pərişan Nardaran

https://t.me/azerbaycanin_ehlibeyt_sairleri

İnsanlara 2 cür baxış var;
1-Namaz qılıb pis işlər görürsənsə, o namazı qılma
2-Namaz qılıb pis işlər görürsənsə, o işləri etmə

Birinci baxış sahibləri içini sevgi ilə doldurmadan nəhy əz münkər edənlərdir.

İkinci baxış sahibləri isə sevərək, qarşındakının halına yanaraq nəhy edənlərdir.

Əgər qızınızın pis bir iş gördüyün görsəz, ona "başında hicabla bu işləri görməkdənsə hicabı aç" deyərsiz? Əsla deməzsiz. Amma görürük ki, bəzən hansısa yanlış işlər görən hicablıya, bu işləri edirsənsə o hicabı başından aç deyirlər. Yaxud da dindar bir kişi pis əməl edəndə ona "namaz qılıb belə işlər edirsənsə, o namazı qılmasan yaxşıdır" deyirlər. Mərhum İmam Xomeyni deyirdi ki, qəlbinizi qarşı tərəfin sevgisi ilə doldurmamış nəhy əz münkər etməyin...

© Mirağa Dadaş

Əlamətdir qiyamətdən

https://t.me/azerbaycanin_ehlibeyt_sairleri

Tüpür ana dilinə
Abi denən qardaşa
Millətini danginan
Denən türkəm birbaşa

Azərbaycan dilində
Əsgiylikdi danışmaq
Tfu sənə kor şeytan
Danışmaq yox qonuşmaq

Qonuş ərmən Aqopun
Yaratdığı dildə sən
Dəyişdir əlifbanı
Hər dəyişən ildə sən

Nə Şəhriyar, nə Pünhan?
Cəld ol sil bu adları
Gətir Bülənt Ərsoyu
Gətir ordan yadları

Yaz yadların adların
Tariximə həkk elə
Dur Ərsoyla yanaşı
Kişiliyivə şəkk elə

Demə Şah İsmayılın
Təhmasibin nəsliyəm
De: Mürənin oğluyam
Mən Kərəm yox Əsliyəm

1 Noyabr, 2024 14:05
Mirağa Dadaş

Kişi var ki, kişidir...

https://t.me/babapunhan

Musiqi ah səsi, nalə səsi, vay səsidi
Bu təbiətdə dəniz dalğasıdı, çay səsidi
Ən şirin səs ananın çaldığı lay-lay səsidi
Mənə etmişdi müqəddəs bu səda musiqini

Aydın Xırdalanlı

Zəmanəmiz Nuşirəvan əsridir,
De bağbana, bağa çəpər çəkməsin!
Bəşər daha heyvanlıqdan əl çəkib,
Qoruqçu otlağa çəpər çəkməsin.

İnsaniyyət, məhəbbət xadimləri,
Avropanın insaflı alimləri,
Qoy himayə etsin bəhayimləri,
Türkü qırdığıma çəpər çəkməsin!

Avropada ilbiz, siçan yeyənlər,
İslamlara vəhşi, cahil deyənlər,
Edam cəzasını bəyənməyənlər,
Bomba qayırmağa çəpər çəkməsin!

Abbas Səhhət

Birinci bənddəki Nuşirəvan İrani kimliyimizə işarədir.

İkinci bənddəki bəhayim sözü heyvanat deməkdir, yəni avropalılar heyvan haqların müdafiə edirlər, amma türklərin qırılmasına tükləri də tərpənmir.

Üçüncü bənd isə İslami kimliyimizin göstəricisidir...

© Mirağa Dadaş

Ay batdı, sübh açıldı, Zeynəb nəvayə gəldi,
Zəhra dedi-Hüseyn vay! Aləm sədayə gəldi.

Çün, yıxdılar atından Sultani-təşnə kami,
Dünyayə oldu elan Qutiləl-Hüseyn pəyami,
Cənnatidən eşitdi Peyğəmbəri-Girami,
Nə'leynisiz, əbasız Kərbü-bəlayə gəldi.

Peymanə amil oldu, Cananə verdi canın,
Şövqi-şərafət ilən teyy etdi imtəhanın,
Şümri-dəğa tökəndə xaki-miyanə qanın,
Üz tutdu asimanə, həmdü-sənayə gəldi.

Xuni-Xuda töküldü qudali-Kərbəlayə,
Yerlər təzəlzül etdi, rişə düşüb səmayə,
Kərrubiyani-lahut ağlaşdı bu bəlayə,
Yel əsdi, gün tutuldu, zülmət fəzayə gəldi.

Xuni-Hüseyn boğazdan cari olan zəmanı,
Cibril apardı ərşə bir şişədə o qanı,
Ol şişədən nümudar oldu bəla nişanı,
Qovzandı buyi-matəm, əhli-səmayə gəldi.

Nuri-Həqq odu lame başsız qalan bədəndə,
Rə'si-Hüseyni-məzlum sərnizəyə gedəndə,
Badi-siyah əsəndə, yel zəlzələ edəndə,
Sındı nizami-dünya, həddi-fənayə gəldi.

Nəzdik idi yerindən çıxsun mədari-dünya,
Ali-Üməyyə etsün dəsturi-şə'ri mülğa,
Sərnizədə edəndə rə'si-Hüseyn təcəlla,
Dini-Muhəmməd üstə nurani-sayə gəldi.

Fərmani-qarət ilən təlli aşub ərəblər,
Gördü o hayi-huyi ətfali-zari-müztər,
Qaçdıla xeyməgahə, yerdən ucaldı səslər,
Əmmə, amandu, ləşgər xeyməsərayə gəldi.

Səhranəvərd ərəblər xərgahi yandıranda,
Başı açıq hərəmlər oddan çıxub qaçanda,
Qalxıb buxari-atəş, gizləndilər dumanda,
Tüstü ucaldı, qarə pərdə həvayə gəldi.

Bir xırda qız qaçırdı, tutmuş alov əbasın,
Mərdi-yəhudi tutdu, xamuş edib libasın,
Gətdi ələ Hüseynün dilbəndinün rizasın,
Əhsən o şeyxə, müşgül vəqtə hərayə gəldi.

Gər etməsəydi Zeynəb nəsli-Hüseynə imdad,
Olmuşdu od içində suzan İmami-Səccad,
Qıldı rəşadət ilən oddan İmami azad,
Bir tazə zindəganlıq Zeynəl-İbadə gəldi.

Zəhra gəzərdi gündüz ətrafi macəradə,
Ta Kufəyə Hüseynün getdi başı cidadə,
Nə'şi-Hüseyni axşam başsız qoyub aradə,
Gün batcaqun o xatun mətbəxsərayə gəldi.

Hurani-baği-cənnat məhzun giriftə sima,
Həvva, Xədicə xatun, Məryəm, cənabi-Sara,
Aşüftə-mu, siyəhpuş, dillərdə - Va Hüseyn va,
Zəhrayə həmdəm olsun, bəzmi-əzayə gəldi.

Əlli üç il qapunda, var Yəhyəvi, Hüseyn can,
Nohə yazub, ğəmündə olmuş mərizü nalan,
Dəsti-mübarəkünlə dərdinə eylə dərman,
Ümmidi-səhhət eylə, babi-şəfayə gəldi.

Abbasqulu Yəhyəvi Ərdəbili
Ta'cüş-şüəra (şairlərin tacı)

https://t.me/azerbaycanin_ehlibeyt_sairleri

Elmi, dini, motivasiya, xəbər, abituriyentlər və s. hamısı bir arada.

@toplu_admini

Allah sənə rəhmət eləsin gözəl şair ♥️

https://t.me/azerbaycanin_ehlibeyt_sairleri

Bir şairə bu şeiri nə yazdıra bilər?!...

Zülmə baş əyməyənsən,
Məzlumların fəxrisən.
Şərəf ilə yaşayıb,
Şəhadətə aşiqsən.

Si0nizmə qarşısan,
Seyyidin qardaşısan.
Yaralı halda belə
Düşmənlə vuruşursan.

Hər yerdə izzətin var
Adındır Yəhya Sinv@r.
Allah fəxr edir hər an,
Çün belə qulları var.

Vuruşunla, ey Yəhya
Sən bənzədin Musaya.
Kəsilmiş barmağınla
Səs saldın sən dünyaya.

İmam Məhdi nökəri

Adil Bisavad rep janrında oxusa da çox dərin mənalı sözlərdən istifadə edir

https://youtube.com/channel/UCyi_mK7wKzDb6rIKtxBCuYA?si=3ls1BiCIc765WouB

•Füzulinin Hədiqətüs-Süəda əsərində Əhli-Beytə yazdığı şeirlər və izahı

Bildiyiniz kimi Füzulinin İmam Hüseynə yazdığı Hədiqətüs-Süəda əsəri var və həmin əsər Füzulinin moizələrindən ibarətdir. Moizlərin sonu isə 4 misra, yaxud 2 bənd şeirlə bitir. O şeirlər çox dəyərli olsa da əksər insan oxuyur, amma mənasını anlamır. Biz həmin şeirləri hər misrasının mənasını yazmaqla bir yerə cəm etdik və pdf halına saldıq. Kitabın biz tərəfdən heç bir müəllif hüququ yoxdur. Yəni istədiyiniz formada çap edə, yaya və müəllifi qeyd etmədən paylaşa bilərsiniz. Əsas odur ki, camaatımız Füzulinin nə yazdığını başa düşsün.

PDF Kitabxana

İbtida Əlifdən dərsim almışam,
Ələst aləmində demişəm: "Bəli"!
Həqiqətdən iki gözəl sevmişəm,
Birisi Məhəmməd, birisi Əli.

Əlidən dərs alıb eylədim əzbər,
Ərşin sütunudur, yerlərə ləngər.
Fatimeyi-Zəhra şafei-məhşər,
Onu seçdim gözəllərin gozəli...

(AŞIQ ƏLƏSGƏR)

Ruhu şad olsun!

https://youtu.be/4Zh2Oau_3T0?si=f9EfV_Dp0aVU4thj

Bəh bəh...

https://t.me/azerbaycanin_ehlibeyt_sairleri

•Əhli-Beyt Şairi Vüqar Biləcəri

Mərhum Əhli-Beyt şairi, saf qəlbli meyxanaçımız Vüqar Biləcərinin məclislərdə Allah, Peyğəmbər və onun Əhli-Beytinin şənində dediyi şeirlər bu kitabda cəm edilib. Biz bu pdf kitabda şairin dini şeir və qəzəllərinin hamısını cəm etməyə çalışmışıq. Kitabı xeyriyyə məqsədi ilə çap edib, paylamaq istəyən hər kəsə halallıq veririk və bu savab işdə həmin şəxsə uğurlar arzulayırıq.

PDF Kitabxana

İmam Baqirdən (s) nəql edilən hədisdir.

• Hədisdə deyilir:

" ... احبب حبيب آل محمد (صلى الله عليه وآله) وإن كان فاسقا زانيا، وابغض مبغض آل محمد (صلى الله عليه وآله) وإن كان صواما قواما ... "

"... Ali-Muhəmmədi (sallallahu əleyhi və alihi) sevəni sev, fasiq və zina edən olmuş olsa belə! Ali-Muhəmmədə (sallallahu əleyhi və alihi) buğz edənə buğz et, (çox) oruc tutan, (çox) namaz qılan olsa belə!"

( "Vəsailuş-şiə", Hürr Amili. Cild 12, səh. 169. Hədis: 12 (21260).

http://shiaonlinelibrary.com/%D8%A7%D9%84%D9%83%D8%AA%D8%A8/1202_%D9%88%D8%B3%D8%A7%D8%A6%D9%84-%D8%A7%D9%84%D8%B4%D9%8A%D8%B9%D8%A9-%D8%AC-%D9%A1%D9%A6/%D8%A7%D9%84%D8%B5%D9%81%D8%AD%D8%A9_0?pageno=169

Aydın Xırdalanlı - Bəndəliyin şərti itaətdir...

Mehdiyi-Sahibəz-Zəmandır söz...

Dinləgil bu sözü ki, candır söz,
Aliyü asimanməkandır söz.

Şeş cəhətdən münəzzəh anlavü bax,
Şöylə kim, xaliqi-cahandır söz.

Nazilü münzil anla kim, birdir,
Kəndi kənduyə tərcümandır söz.

Tulü ərz ilə ümqü bulunmaz
Yəni bihəddü binişandır söz.

Bu hədisə nəzər qıl, ey aqil,
Anlayasan ki, bigümandır söz.

Ərşi-rəhman dedi nəbi könülə,
Çünki gördü, könüldə kandır söz.

Dedi ya kafüha, əyzə-bikə,
Çün Əli bildi, müstəandır söz.

Qeyri-məxluqdur, nə demək olur,
Anla kim, imdi rayigandır söz.

Əqli-küll ərşü kürsü, lövhü qələm,
Çar ünsür, nöh asimandır söz.

Zahirü batin, əvvəlü axir,
Aşikaravü həm nihandır söz.

Ey üqulu nəsəb edən isbat,
Qamuya söz de kim, hamandır söz.

Kafü nundan vücuda gəldi cahan,
Əgər anlar isən, əyandır söz.

İsiyi-pak, Adəmü Əhməd,
Mehdiyi-Sahibəz-Zəmandır söz.

Bu bəyanı dilərsən anlayasan
Kim, necəsi filan-filandır söz.

"Cavidannamə”yi gətirgil ələ,
Ta biləsən ki, nəsnə candır söz.

Sözə bu izzü cah yetməzmi,
K'aydalar Fəzli-qeybdandır söz.

Aqil isən sözünü müxtəsər et,
Ey Nəsimi, çü bigirandır söz.

Seyyid İmadəddin Nəsimi

https://t.me/azerbaycanin_ehlibeyt_sairleri

İsmi-ə'zəm deyilən ismi-Əlidir, billah...

Saqiya, dur dolanım başına, gəl dövranə, Cami-zərrini götür, bircə dolan məstanǝ.

Tari-zülfün kimi sən ki, məni bican elədin, Gətir ol ruhi-rəvan ilə məni bir canə.

Görməsin özgə gözəllər məni Məcnuni məgər,
Salıb ol kafəri-birəhm məni zindanə.

Eşqdən gör nə əcəb nəfə yetişdim, vəh, vəh!
Aqili-əsr ikən etdi məni də divanə.

Qorxma nirani-fəraqın şərərindən, ey gül, Sidqilən tut üzünü bircə şahi-Mərdanə.

İsmi-ə'zəm deyilən ismi-Əlidir, billah, Gəzmə bica yerə Nəsnas kimi hər yanə.

Etməz iqrar, Nəbati, bu sözə zahidi-dun, Gəlməz imanə yəqin and içəsən Qur'anə.

Seyyid Əbülqasim Nəbati

https://t.me/azerbaycanin_ehlibeyt_sairleri

Sizcə Şah burda kimi tərif edib?

Taki rüxsarindən Ərrəhman ələl-ərş-istiva, Həm anın şə'nində münzəl ayəti-şəmsüz-züha.

Sureyi-Tahavü Yasinü təbarək hüsninə
Gör nə tə'zim eyləmişdir Həq təala Rəbbəna.

Münfəildir təl'ətindən dər fələk xurşidü mah,
Şol cəhətdən kim, yüzün nurundan almışdır ziya.

Valehü sərgəştədir aləmdə əhli-mərifət Vəchinə, ey gövhəri-pakizeyi-ərzü səma.

Bu Xətayidən inayət kəsmə, ey şahi-kərəm, Canə yetmişdir cəfadan lütf edib qılgil vəfa.

https://t.me/azerbaycanin_ehlibeyt_sairleri

Bir şəxs deyir ki, İmam Musa ibni Cəfərə dedim; sizin dostlarınız kimi tanınmış biri şərab içir və həlakedici günahlara mürtəkib olub, ondan uzaq duraq? İmam buyurdu; onun işindən uzaq olun, özündən yox. Onu sevin, işini düşmən bilin. Dedim ki, onu fasiq və facir adlandıra bilərik? Buyurdu ki, yox. Fasiq və facir o kafirdir ki, bizi inkar edir və dostlarımızı düşmən bilir.

شخصی می‌گوید به موسى بن جعفر(ع) عرض کردم، یکى از دوستان شناخته شده شما شراب می‌نوشد و مرتکب گناهان هلاکت‌بار می‌‏شود، آیا از او بیزارى جوییم؟ فرمود: از کار او بیزارى جویید نه از خودش، او را دوست داشته باشید و کارش را دشمن بدارید. گفتم می‌توانیم او را فاسق و فاجر بنامیم؟ فرمود نه، فاسق و فاجر آن کافری است که ما را انکار می‌کند و دشمن دوستان ما است؛

https://t.me/azerbaycanin_ehlibeyt_sairleri

Saqi, insaf eləsən nitqi-gühərbar açaram,
Edərəm bəzi müəmmaları izhar, açaram,
Sinəmin sandığını, olsa xiridar, açaram,
Şe'r ilə mərtəbeyi-Heydəri-Kərrar açaram,
Mən onun tərifinə, bir dili-şəhvar açaram.

Gəldi təbim yenə ilhahə gətir mey, saqi,
Qərəzim var mey edim nuş, peyapey, saqi,
Varmı səndə məni məst etməyə bir şey, saqi?
Eşqi camın mənə lütf etsən əgər, ey saqi,
Mürtəzadən sənə cuş etməli göftar açaram.

Həsrəti-meylə keçib, ömrüm olub tən, saqi,
Tut əlimdən yetişim mətləbimə mən, saqi,
O qədər qəmliləri eyləmisən şən, saqi,
Mən deyən tək məni məst eyləyə bilsən, saqi,
Vəsfi-mövladə açıb dil, sənə əsrar açaram.

Açmışam mən, elə bir əhli-vəfa söhbətini,
Adəmə vacib olubdur ki, tuta hörmətini,
Verə bilməz, onun hər şair olan qiymətini,
Bir rəcəzlə özü qoy bildirə şəxsiyyətini,
Mən desəm düz demərəm, boş yerə bazar açaram.

Mən Əliyəm, yer üzündə elə bir şahəm mən,
Xilqətin sirrinə vaqif olan agahəm mən,
Yoxsula, sailə, məzlumə ümidgahəm mən,
Yadda saxla adımı, bil ki, Yədullahəm mən,
Xaçpərəstdən əl atıb, izn ola, zünnar açaram.

Çoxu məzluma verib, qane olan azə, mənəm,
Nəfəsimlə çevirən qış gecəsin yazə, mənəm,
Həm şəriət, həm ədalətdəki əndazə, mənəm,
Şəhri-elmə, bu həqiqətdi ki, dərvazə mənəm,
Açmağa həm də bu dərvazəni, həmvar açaram.

Nə qədər elm var aləmdə, sərasər bilirəm,
Tövratı həzrəti Musayə bərabər bilirəm,
İncili körpəliyimdən belə yeksər bilirəm,
O kitablar ki, səmadən enib, əzbər bilirəm,
Lövhi-məhfuzidə, bir-bir nə xəbər var açaram.

Xeyli yüksəkdə durur mərtəbəmiz aləmdən,
Yetə bilməz ora bir kəs xələfi-Adəmdən,
Mən Məsihadən, anamsa ucadır Məryəmdən,
Məni dünyayə gətirsin deyə, naməhrəmdən,
Onu gizlətmək üçün Kəbəyə divar açaram

Mən səxavət sözünü eyləmişəm dildə şüar,
Hatəmi-Tai mənə qibtə edər leylü nahar,
Göstərən dəmdə səxa, bilmərəm əsla miqdar,
Həqq yolunda verərəm sailə süfrəmdə nə var,
Doğrayıb nəfsimi imanıma iftar açaram.

Olmuşam mən elə bir sevgilinin müştaqi,
Döndərib insana hökmilə qara torpaqi,
Nuridən xəlq eləyibdir məni nur Xəllaqi,
Gün çıxandan qabaq ol nur ki, tutur afaqi,
O mənəm sübh durub aləmə rüxsar açaram.

Saqiya, rəhm elə ver badə meyi-vəhdətdən,
Bəlkə badən bizi azad eləyə qəflətdən,
Qəmi-dünyanı atıb, qurtulalım zillətdən,
Mahirəm, təbimə gər sayə düşə qüdrətdən,
Bu dili həzrət Əli vəsfinə təkrar açaram.

Hacı Ələmdar Mahir

https://t.me/azerbaycanin_ehlibeyt_sairleri

Öz vətənimdə qəribəm qərib
Gözümə üfürmə külü azteve
Qışda yorğanımı cuhuda verib
Mənə uzatmısan tülü azteve

İt yatan damlara oxşayır damım
Sınıq çatısından yağış-qar damır
Bir tikə çörəkçün soyunan gündən
Cırıq razrezimdən həya-ar damır

Bu dəmir yumruq necə dəyibsə
Zərbədən gic olub yerdə ölürəm
Arada ayağa qalxa biləndə
Əl çalıb, oynayıb, ancaq gülürəm

Bilmirəm niyə mən bu günə düşdüm
Məni manqurt edib yaman azteve
Mən axı insanam, eşşək deyiləm
Ağzıma dürtmə gəl saman azteve

Məni meymun kimi oynatsan da sən
İçimdə bilirəm meymun deyiləm
Düzləri əyilmiş göstərir şüşən
Baxıb əyrilərə mən də əyiləm

Düzdü ki, əymisən qəddimi mənim
Ruhumun düzünü əyirsən indi
Əbamı-qəbamı oğurlamışdın
Lüt bədənimə dəyirsən indi

Bu xalqı nə qədər təhqir edəssən?
Nə qədər alçaldıb sındıracaqsan?
Məni yandırmağa benzin tökürsən
Yavaş ol əlini yandıracaqsan

Mən Nəbi, Cavad Xan, Xətaidənəm
Sinəmə bir dünya tarix sığışar
Düzdü yıxılmışam torpağa indi
Qocalan şir üstə çaqqal yığışar

Əmirsiz neftimi zəlilər kimi
Ətimə ingilis, cuhud diş atır
İlahi! Güc ver ki, ayağa qalxım
Çəkilsin üstümdən bu kaftar, qatır

İlahi, ümidim bircə Sənədir
Məni bu it-qurdun əlində qoyma
Yandır alçaqları cəhənnəmində
Bircə an toxtama, əzaba doyma!

25 Sentyabr, 2024 21:51
Mirağa Dadaş

https://t.me/azerbaycanin_ehlibeyt_sairleri

Acından millətin bir gün yarımcan olsa, neynərsən?
O can üstə, sənin ömrün firavan olsa neynərsən?

Didərginlər səfalətdən əgər ölsə çadırlarda,
Vəkillər maliki-mülki-Süleyman olsa neynərsən?

Koroğlu qeyrətindən dəm vururkən Milli Məclisdə,
Müsəlman qızları məktəbdə üryan olsa, neynərsən?

Vəkil artist, vəkil şair, vəkil xanəndə və sair,
Dəyirmanın əgər dənsiz dəyirman olsa, neynərsən?

Əzilmişdən, üzülmüşdən, əyilmişdən, sökülmüşdən
Döyülmüşdən axan qanlar nahaq qan olsa, neynərsən?

Seçilməkçün düşüb mənzilbəmənzil yalvaran kəslər,
Seçildikdən bir az sonra qudurğan olsa, neynərsən?

Bu mavi ekranım çox əyrini düz göstərir, Billah.
Tutub usta düzəltdirsəm, düz ekran olsa, neynərsən?

De ki, Pünhan, zaman dönsə, tutulsa Ay, Günəş sönsə,
Səmadan Zülfüqar ensə o dövran olsa, neynərsən?

7 iyul 1998 Bakı
Baba Pünhan

https://t.me/azerbaycanin_ehlibeyt_sairleri

Alim Qasımov və Rasim Balayevdən Nəsimi təsnifi

Allah səni rəhmət eləsin Vüqar

https://t.me/azerbaycanin_ehlibeyt_sairleri