ناوه‌ندى ئەوینــدارانـی قــورئــان

عوسمانی کوڕی عەفان دەفەرمووێ:
ئەگـــەر دڵەکانمــان پــــاک بوونایـــــە،
ئەوا هەرگیز تێرنەدەبوو لە کتێبەکەی پەروەردگار.

حال السلف مع القران - ص122

#وانەی سێیەم
تێگەیشتن لە قورئانی پیرۆز/
لە لایەن مامۆستا باوکی عبداللە

#لینکی_کەناڵی_یوتوب

https://youtu.be/PV-hr1g1e3E?si=Dv06cOWj2xRTt6eQ

#ناوه‌ندى_ئەوینــدارانـی_قــورئــان

ئەوانی کار بە قورئان دەکەن 😢
شیخ احمد النفیس

کلیلی هەرە گەورەی نوێژ بۆ دروستبوونی خشوع، بریتیە لە سوڕەتی "الفاتحة".
ئەگەر مانای ئەو سوڕەتە نەزانی و قوڵ نەبیەوە تێیدا، تەنها خەیاڵێکە خشوع، مەڵێ بەخشوعەوە نوێژم کردووە!!!

ئەگەر بە پارەش بوو، هەوڵدە سوڕەتی "الفاتحة" بەجوانی بزانی بە تەفسیر و تەدەبورەوە.
(بەتەنها کردنە کوردیەک قایل مەبە، چونکە ئەو سوڕەتە بەتەنها جیهانێکە و دایکی هەموو سوڕەتەکانی ترە، پەیامی هەموو سوڕەتەکانی تری لەناوە، بەڵام چۆن؟ دەی قوڵبەوە لەناوی تا بزانی چۆن)...


#ناوەندی_ئەویندارانی_قورئان

ڕۆژێک ئیمامی عومەر ئەو چەند ئایەتەی سوڕەتی المدثری خوێند لە نوێژدا:

فَإِذَا نُقِرَ فِي النَّاقُورِ (8) فَذَٰلِكَ يَوْمَئِذٍ يَوْمٌ عَسِيرٌ (9) عَلَى الْكَافِرِينَ غَيْرُ يَسِيرٍ (10).


- هه‌ر کاتێك که‌ فوکرا به‌ که‌ڕه‌نادا.
- ئه‌و ڕۆژه‌ ڕۆژێکی سه‌خت و گرانه‌.
- له‌سه‌ر کافران سووك و ئاسان نی یه‌.


زۆر گریا و کاریگەربوو بەئایەتەکە، چووە ماڵەوە.
خەڵکی وایان زانی نەخۆش کەوتووە ئەوەندە کاریگەرببوو بە ئایەتەکان.
ئەو دوو خەتی ڕەشی لەسەر دەمو چاوی دروست ببوو بەهۆی زۆری گریانی.

حال السلف مع القران - ص119


#ناوه‌ندى_ئەوینــدارانـی_قــورئــان

شەوی ھەینیە سەڵاوات لەسەر خۆشەویستمان
رسول ﷲ ﷺ لەبیرمەكەن

{إِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِيِّۚ يَٰٓأَيُّهَا ٱلَّذِينَ ءَامَنُواْ صَلُّواْ عَلَيۡهِ وَسَلِّمُواْ تَسۡلِيمًا}
الأحزاب, ئایەت 56
به‌ڕاستی ﷲ و فرێشته‌کانی (صلوات ده‌ده‌ن له‌سه‌ر پێغه‌مبه‌ر صلی الله علیه وسلم، ئه‌ی ئه‌وانه‌ی باوه‌ڕتان هێناوه ئێوه‌ش (صلوات)ی له‌سه‌ر بده‌ن و (به‌رده‌وام یادی خێری بکه‌ن).

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ إِنَّكَ حَمِيدٌ مَجِيدٌ اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ إِنَّكَ حَمِيدٌ مَجِيدٌ

#ناوەندی_ئەویندارانی_قورئان

عبدالله ی کوڕی مسعود دەفەرمووێ:
ئەگەر لەکاتی تەنهاییت ناگری بۆ تاوانەکانت،
و کاریگـــەر نابـی بـە کتێبـــــی پەروەردگـــــارت،
بزانە تۆ زۆر هەژاری و تاوانەکانت دەوریان داوی!

حال السلف مع القران - ص135

#سروود
حەلقەکانی زیکر، بۆ ئێمە نور و ڕوناکیە.
بەختەوەری و نیعمەت و گەورەییە.

وتنی ؛ محمد الخطیب

#لینکی_ڤیدیۆ_لە_یوتوب

https://youtu.be/XuE5X1H1rco?si=TOS33F8cAx2Sv1ed

#ناوەندی_ئەویندارانی_قورئان

واجبە لەسەر زانایان مانای ئایەتەکان ڕوونبکەنەوە بۆ خەڵکی، و تەفسیری بکەن، داوای بکەن لەو شوێنانەی دەست دەکەوێت، فێری ببن و فێریش بکەن.
هەروەک چۆن خودای پەروەردگار دەفەرمووێ:

وَإِذۡ أَخَذَ ٱللَّهُ مِيثَٰقَ ٱلَّذِينَ أُوتُواْ ٱلۡكِتَٰبَ لَتُبَيِّنُنَّهُۥ لِلنَّاسِ وَلَا تَكۡتُمُونَهُۥ فَنَبَذُوهُ وَرَآءَ ظُهُورِهِمۡ وَٱشۡتَرَوۡاْ بِهِۦ ثَمَنٗا قَلِيلٗاۖ فَبِئۡسَ مَا يَشۡتَرُونَ.
(سورة آل عمران - اية 187)

واتە:
(یادیان بهێنەوه‌) کاتێک خوا په‌یمانی وه‌رگرت له‌وانه‌ی کتێبیان پێ به‌خشراوه‌ که‌ ڕوونی بکه‌نه‌وه‌ بۆ خه‌ڵکی و مه‌رامه‌کانی باس بکه‌ن و نه‌یشارنه‌وه‌، که‌چی خستیانه‌ پشت خۆیان و به‌ نرخێکی هه‌رزان فرۆشتیان، ئای که‌ شتێکی بێ نرخیان کڕیوه‌ و ده‌ستیان که‌وتووه‌.

خودای پەروەردگار زەم و سەرزەنشتی خاوەن کتێبەکانی کرد لەپێش ئێمە بە پشتکردنیان لە کتێبی خودای کە بۆیان دابەزێنراوە، و ڕووکردنیان لە دونیا و هەوڵدان لەپێناوی و فرۆشتنی کتێبەکە لەپێناوی.
بۆیە ئەی موسڵمانان لەسەرمانە ئێمەش توشی ئەو دیمەنە نەبین کە خودا سەرزەنشتی کردووە، و ملکەچی فرمانی پەروەردگار بین بە فێربوونی کتێبەکەی و فێرکردنی.

مقدمة تفسیر ابن کثیر - ص 16


#ناوه‌ندى_ئەوینــدارانـی_قــورئــان

إبن القیم دەفەرمووێ:
ئەگەر خەڵک بیانزانیایە چی هەیە لـە خوێندنەوەی قورئـان بـە تەدەبورەوە، ئەوا وازیان لــە هەمــوو شتێک دەهێنا لەپێناوی و پێوەی مەژغوڵ دەبوون.

[مفتاح دار السعادة].


#ناوه‌ندى_ئەوینــدارانـی_قــورئــان

جا لەوانێیە کەسێک بڵێت: باشترین "تەفسیر چیە؟
(" تەفسیر واتە مانای وشەکان، مانای ئیجمالی ئایەتەکە، سەبەبی نزولەکان).
لەوەڵامدا دەڵێین:
ڕاسترین ڕێگا بۆ تەفسیرکردنی قورئان
- بریتیە لە تەفسیرکردنەوەی قورئان بە قورئان.
- پاشان لەسەرتە بەتەفسیرکردنی بە فەرموودەکانی پێغەمبەرﷺ چونکە ڕوونکەرەوەی قورئانە.
وەک ﷺ دەفەرمووێ: (ألا إني أوتيت القرآن ومثله معه).
واتە من قورئانم پێبەخشراوە وە هاوشێوەکەشی کە فەرموودەیە و ڕوونکەرەوەی قورئانە.
وەک چۆنیش ﷺ بە مەعاذی فەرموو کاتێک ناردی بۆ یەمەن: ئەی مەعاذ بەچی حوکم دەکەی؟
فەرمووی: بە کتێبی خودا.
پێی فەرموو: ئەی گەر دەستت نەکەوت؟
فەرمووی: بە سوننەتی پێغەمبەرەکەی ﷺ.
پێ فەرموو: ئەی گەر دەستت نەکەوت؟
فەرمووی: خۆم اجتهاد دەکەم.
پێغەمبەر ﷺ دەستی خستە سەر سینگی و گووتی: سوپاس بۆ خودا کە نێردراوی نێردراوی خودای تەوفیق دا  بۆ ئەوەی کە نێردراوی خودا لێی ڕازیە.
- سێیەم هەنگاو گەر هیچمان دەستنەکەوت دەچینە سەر تەفسیر و قسەی هاوەڵان چونکە ئەوان شارەزاترینن پێی و بەسەر ئەواندا دابەزیوە.
وەک ئیبن مەسعود دەفەرمووێ: سوێند بەوەی هیچ خودایەکی ترنیە جگە لەو، هیچ ئایەتێک دانەبەزیوە لەکتێبی خودا ئیللا دەزانم لەکوێ دابەزیوە و کەی دابەزیوە، ئەگەریش بزانم کەسێک لەمن شارەزاترە لەکتێبی پەروەردگار ئێستا دەچمە لای.
وە هەر ئیبن مەسعود دەفەرمووێ: هەر پیاوێک لەئێمە ئەگەر دە ئایەت فێرببووباین پازمان نەدەدا تا ماناکەی فێردەبووین و کارمان پێی دەکرد.
هەروەها ئیبن عەباسیش (یەکێکە لەو هاوەڵانەی هاوشانی ئیبن مەسعود یەکێکە لە موفەسیران) پێغەمبەر ﷺ دوعای بۆ کردووە: خودایە لەدین تێی بگەیەنە، فێری تەفسیری ئایەتەکانی بکە.
- جا ئەگەر لە قورئان و فەرموودە و قسەی هاوەڵان تەفسیرێکت دەستنەکەوت، زۆرینەی زانایان دەچنەوە سەر قسەی تابعین لە(موجاهید، سعید بن جبیر، عکرمە، عطاء بن أبی رباح، حسن البصری، مسروق، سعید بن مسیب، قتادە، ضحاک) و ئەوانی تریش...
وەک مجاهد دەڵێ: هەموو موسحەفم لای ئیبن عەباس خوێندەوە سێ جار و لەهیچ ئایەتێک پازم نەدا ئیللا ڕایم دەگرت و پرسیارم لێی دەکرد لەسەری.

پێغەمبەریش ﷺ دەفەرمووێ:
هەرکەس لەبارەی قورئانەوە شتێک بڵێت بەڕای خۆی یان لێی نەزانێت، ئەوا با شوێنێک لەئاگر بۆخۆی دیاربکات...

#ناوه‌ندى_ئەوینــدارانـی_قــورئــان

[ ڕێگاکەی دکتۆر یەحیا غەوسانی بۆ لەبەرکردنی قورئانی پیرۆز ]

ڕێگای سێیەم
| 3- | :التسخین - خۆ گەرم کردن
مەبەست لەمەش ئەوەیە کە تۆ پێش ئەوەی دەست بکەیت بە لەبەرکردنی قورئان چەند دەقەیەک قورئان بخوێنە، یان ئەو بەشەی کە دەتەوێت لەبەری بکەیت لەبەری بکە، یان بەشێک پێداچوونەوە بکە، ئەمە بۆ ئەوەیە کە مێشکت زیاتر ئامادەبێت بۆ لەبەرکردنی قورئان، ئەو چەند دەقە خوێندنەوەی قورئانە پێش لەبەرکردنی قورئانە وەک ڕاهێنانێک وایە، بەم شێوە سێیەم خاڵیش بە جوانی جێبەجێ کرا، دەچینە خاڵی چوارەم.

#ناوه‌ندى_ئەوینــدارانـی_قــورئــان

دەتەوێ ببیە کەسێکی ڕەببانی؟
بەم دوو هەنگاوە دەتوانی:

وَلَٰكِن كُونُواْ رَبَّٰنِيِّـۧنَ بِمَا كُنتُمۡ تُعَلِّمُونَ ٱلۡكِتَٰبَ وَبِمَا كُنتُمۡ تَدۡرُسُونَ.
(سورة آل عمران - اية 79).
بەڵکو ببنە کەسانی ڕەببانی و خواناس و زانا:
1- بەوەی کە خەڵکیتان فێری کتێبەکەی خودا کردووە.
2- و بەوەی خۆشتان دیراسەتان کردووە و خوێندووتانە و تێیگەیشتوون.

بۆیەشە پێغەمبەر ﷺ فەرمووی:
(خَيْرُكُمْ مَنْ تَعَلَّمَ القُرآنَ وَعَلَّمَهُ)
باشترینتان ئەوەیە قورئان فێردەبێت و ئەوانی تریش فێردەکات.

(جا فێرکردنی خوێندنەوە و تەجوید، یان تەفسیر و مانای ئایەتەکان، یان لەبەرکردن، یان تەدەبوری ئایەتەکان، یان چۆنیەتی کارپێکردنی ئایەتەکان. هەموو جۆرە لەخزمەتبوونێکی قورئان هەر خێرە و خێرترینە).


#ناوه‌ندى_ئەوینــدارانـی_قــورئــان

[ ڕێگاکەی دکتۆر یەحیا غەوسانی بۆ لەبەرکردنی قورئانی پیرۆز ]


| 2- |: التخیل - خەیاڵ کردن
ئەمە یەکێکە لە خاڵە زۆر گرنگەکان، خەیاڵی ئەوە بکە کە تۆ قورئان لەبەر دەکەیت، خەیاڵی ئەوە بکە کە تۆ هەفتەی داهاتوو ئەوەندە سورەتت لەبەرە، خەیاڵ ئەوە بکە ئەوەندە ساڵی تر قورئانت تەواو کردووە، خەیاڵ کردن زۆر سوودی هەیە، هەروەها مێشک کاردانەوەی هەیە بۆ خەیاڵ هەروەک چۆن کاردانەوەی هەیە بۆ واقیع و ڕاستی، ئەمەش شتێکە کەلایەن پسپۆڕانەوە سەلماوە.


#ناوه‌ندى_ئەوینــدارانـی_قــورئــان

بەندە با پرسیار لەخۆی نەکات تەنها لەبارەی قورئانەوە نەبێت، و با بیکاتە پێوەر.
هەرکەس قورئانی خۆشویست خودا و پێغەمبەریشی خــۆشـــــــــــدەوێ ﷺ.
هەرکەس ڕقی لە قورئان بوو، ڕقی لە خودا و پێغەمبــەریشـــــــــــە ﷺ.

ابن مسعود فەرموویەتی
حال السلف مع القران 83


#ناوه‌ندى_ئەوینــدارانـی_قــورئــان

[ ڕێگاکەی دکتۆر یەحیا غەوسانی بۆ لەبەرکردنی قورئانی پیرۆز ]


ئەم ڕێگەیە یەکێکە لەو ڕێگایانەی کە بەردەستە بۆ لەبەرکردنی قورئانی پیرۆز، ئەم ڕێگایەی دکتۆر یەحیا کە وەک خۆی باسی دەکات لە «دە خاڵ و کەرەستەدا» کۆی کردۆتەوە، بەو واتایەی کە دکتۆر یەحیا دە وشەی دیاریکردووە کە بە پیتی (ت) دەست پێدەکات لە زمانی عەرەبیدا، ناویشی ناوه بیردۆزی دە (ت) ـائەکە، ئەم دە وشەی کە بە پیتی (ت) دەست پێدەکات زۆر بەسوودە بۆ لەبەرکردنی قورئانی پیرۆز :-


| 1- | :التهیئة النفسیة -
خۆ ئامادەکردنی نەفسی خۆت
ئەوەش ئەوەیە کە تۆ خۆت ئامادە بکەیت بە جەستە و ڕۆح و دڵت بۆ ئەوەی کە قورئانی پیرۆز لەبەر بکەیت، چونکە مێشک ناتوانێت شتێک بکات کە حەزی لێی نەبێت، هەر بۆیە پێویستە حەزمان هەبێت بۆ لەبەرکردنی قورئانی پیرۆز، حەزی بۆ دروست بکەین، خۆمان بۆی ئامادە بکەین بە هەموو شێوەیەک، پاش ئەوەی کە خۆمان ئامادەکرد بۆ ئەوەی قورئان لەبەربکەین خاڵی دووەم دەست پێدەکات.


#ناوه‌ندى_ئەوینــدارانـی_قــورئــان

#بەم_زووانە

[ ڕێگاکەی دکتۆر یەحیا غەوسانی بۆ لەبەرکردنی قورئانی پیرۆز ]


چاوەڕوان بن ........


#ناوه‌ندى_ئەوینــدارانـی_قــورئــان

وەڵامی ڕاست ھەڵبژێرە و خەڵات 🎁بەدەست بێنە لە لایەن ناوەندی ئەویندارنی قورئانەوە

قورئانی پیرۆز چەند جار نوسراوەتوە ؟

سێ جار
دوو جار
یەک جار


تا ٢٤ کاتژمێر وەڵام وەردەگریێت پاشان تیروپشک دەکرێت بۆ وەڵامە ڕاستەکان
پاشان تەنھا یەک بەژداربووی بەڕێز خەڵات دەکرێت

#ناوەندی_ئەویندارانی_قورئان