Авғонбоғ Масжиди

​​СЕҲР ТАЪСИРИДА АЙТИЛГАН ТАЛОҚ
#талоқ

❓1459-CАВОЛ: Бир одам аёлига талоқ берган, кейин яқинларига ўша инсоннинг сеҳрлангани маълум бўлибди. Сеҳр қилинган кишининг талоғи ўтадими?

💬 ЖАВОБ: Бисмиллаҳир Роҳманир Роҳим. Аслида талоқ тушиши учун эрнинг ақл-ҳуши жойида бўлиши шарт. Шунинг учун фуқаҳоларимиз мажнун (ақли заиф), уйқудаги ва беҳуш кишининг талоғи ўтмаслигини таъкидлашган. Худди шунингдек, сеҳр сабабидан ақли жойида бўлмаса, феъл-атвори ўзининг мувозанатидан ташқарида бўлсаю хотинини талоқ қилса, талоғи тушмайди. Агар сеҳр қилинган кишининг ақл-ҳуши жойида бўлиб, ўзининг ҳатти-ҳаракатларини онгли равишда бажараётган бўлса, унинг талоғи тушади.
Замондош ҳанафий уламолар сеҳр қилинган кишининг тасарруфи (талоқ, савдо каби ишлари) ҳақида шундай деганлар:
إن فقد عقله فهو غير مكلّف، وإلّا فيكون مكلّفاً
“Агар сеҳр қилинган киши ақл-ҳушини йўқотган бўлса, мукаллаф эмас (яъни талоғи ўтмайди). Аксинча - ақли жойида бўлса, мукаллаф саналади (яъни қилган ишларига жавобгар бўлади)” (Арийжуз зуҳр” китоби).
Демак, саволда сўралган ҳолатда кишининг талоғи тушиши ақли жойида ёки жойида эмаслигига боғлиқ бўлади. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

#Ирим ва хурофотларга ишoнманг!

ЁМОН БЎЛМАЙДИ...

1. Супургини тик қилиб қўйса, қиблага қаратса;
2. Меҳмон кетгандан кейин орқасидан супурилса;
3. Қалампир, супурги каби нарсаларни қўлдан қўлга берса;
4. Олдидан қора мушук кесиб ўтса;
5. Остонада кўришилса ёки ўтирилса;
6. Чап қовоқ учса;
7. Чап кафт қичиса;
8. Хўроз бемаҳал қичқирса;
9. Бир кунда икки келин туширган ҳовлига иккала келин бир вақтда, битта дарвозадан кириб борса;
10. Бойўғли сайраса;
11. Дуо қилинаётганда дастурхон устида қалампир ёки пичоқ турган бўлса;
12. Ҳовлига мажнунтол экилса;
13. Сафар ойида тўй қилинса;
14. Анжир дарахтининг ўтини ёқилса;
15. Биров тишлаган нарсани еса;
16. Пиёладаги чой тугамасдан, устига чой қуйилса...
HIKOYANEW
ҲЕЧ НАРСА БЎЛМАЙДИ!
https://t.me/Avgonbogmasjidi

Луқмон айтган экан: “Сукут сақлаш — доноликдир, афсуски, кўпчилик сукут сақлашни билмайди.

     Худди битта камондан ўқ узгандай, бу ҳақда тўртта подшо бир хил гапирган экан: булар Хусрав, Рум қайсари, Хитой подшоси ва Ҳиндистон шоҳи”.

Хусравнинг сўзи: “Мен айтмаган гапим учун ҳеч қачон афсусланмаганман, айтган гапим учун кўп марта афсус чекканман”.

Рум қайсарининг сўзи: “Ҳали айтиб улгурмаган нарсани қайтариб олиш мумкин, лекин мен айтган гапни қайтариб олиб бўпсан”.

Хитой подшосининг сўзи: “Сен сўзни ирод қилдингми, бас, у сенинг устингдан ҳокимлик қилади, ҳали айтиб улгурмаган сўзингга эса ўзинг ҳокимсан”.

Ҳиндистон шоҳининг сўзи: “Кимдир бирор нарса ҳақида гапирса ҳайрон бўламан. Aгар унинг гапини керакли жойга етказишса, унга зарари тегади, агар етказишмаса — ҳеч қандай наф бўлмайди”.
Jaloliddinrumiyy
“Aдабиёт гуллари” китобидан.
https://t.me/Avgonbogmasjidi

БОМДОД НАМОЗИГА УХЛАБ ҚОЛАЯБСИЗМИ?

Саҳобалар Росулуллоҳ ﷺ га  келиб: Биз Бомдоднинг қазо бўлишлигини жуда ёмон кўрамиз. Аммо намоздан ухлаб қолябмиз, уйқу бизга ғолиб бўлябди бомдод намозига туролмаябмиз деб шиқоят қилишди.
Росулуллоҳ ﷺ: Ҳаддидан ошишлик уйқуда эмас уйғоқликдадур дедилар.
(Термизий ривояти)

Шарҳ: Ҳадис қисқа ва маъноли. Ҳеч ким кўп ухлаганлиги учун бомдодга ухлаб қолмайди. Бир инсон ярим кечагача ўтиради ва кеч ётади. Инсон бўлганлиги учун чарчайди ва бомдодга устидан сув қуйилса ҳам туролмайди. Ухлаганлигида эмас уйғоқлигда ҳаддидан ошади.

Вақтлироқ ётиб дам олинг. Бомдодга ухлаб қолмайсиз...
https://t.me/Avgonbogmasjidi

​​ТАЛОҒИНГНИ ОЛ-ДА, КЕЙИН БИЛГАНИНГНИ ҚИЛ...
#талоқ

❓1458-CАВОЛ: Мен аёлимга “Телеграмга расмингни қўйма, талоғингни ол-да кейин билганингни қилавер” дедим. Шу гапимда талоқ сўзини ишлатдим, бунда талоқ тушадими?

💬 ЖАВОБ: Бисмиллаҳир Роҳманир Роҳим. Сиз айтган гапнинг ўзи билан талоқ тушмайди. Чунки бу иборада “Расм қўймоқчи бўлсанг аввал талоқ олиб, сўнг жойлаштиравер” деган маъно бўлади. “Агар расмингни телеграмга қўйсанг талоқсан” дейилса, бу ҳолатда ушбу жумла талоқни бир ишга боғлаб қўйиш бўлади. Агар талоқ боғланган иш юзага чиқса, ўша заҳоти талоқ тушади.
Эр-хотин ўзаро муносабат ва суҳбатларида бунга ўхшаш гаплардан эҳтиёт бўлишлари лозим. Чунки шунга ўхшаш ҳолатларни деб ҳозирги кунда кўплаб оилалар ўртасида талоқ тушиши кузатилмоқда. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

#Масжид сари босилган ҳар бир қадам учун ўнта яхшилик

Расулуллоҳ соллаллоҳу алайҳи васаллам:
"Ким уйидан масжидга чиқса, икки фаришта ҳар бир босган қадами учун ўнта яхшиликни ёзишади. Масжидда намозни кутиб ўтирган одам намоз ўқувчилар кабидир. То уйига қайтиб келгунча намоз ичида деб ёзилади", дедилар
(Имом Аҳмад ривояти).
https://t.me/Avgonbogmasjidi

#Ҳадис_13📕


Расулуллоҳ соллаллоҳу алайҳи ва саллам шундай дедилар: 
«Дўзах Раббисига шикоят қилиб: «Раббим, баъзим-(бир қисмим) баъзисини-(бошқа қисмини) еб қўйди», деди. Шунда У унга икки марта нафас олишга изн берди: қишда бир нафас ва ёзда бир нафас. У сизлар тотаётган энг қаттиқ иссиқ ва сизлар тотаётган энг қаттиқ аёз-(совуқ)дир».
Hadislar pdfkitoblar
✍Бухорий (3260) ва Муслим (617).
https://t.me/Avgonbogmasjidi

БАЛО ВА МАШАҚҚАТЛАРГА САБР ҚИЛИШ.

   Ибн Аббос (r.a.) ривоят қиладилар: "Пайғамбар соллаллоҳу алайҳи васаллам: "Эй бола, сенга Аллоҳ таоло фойда берадиган калималарни ўргатайми?" дедилар. Мен: "Ҳа, эй Аллоҳнинг элчиси!" дедим. Айтдилар: "Аллоҳни ёд эт, Аллоҳ сени сақлайди. Аллоҳни ёд эт, Уни ҳузурингда топасан. Аллоҳ таолони кенглик пайтида тани, қийинчиликда сени танийди. 
Тиласанг, Аллоҳдан тила. Ёрдам сўрасанг, Аллоҳдан сўра. Бўладиган нарсаларни қалам (ёзиб бўлди), қуриди. Агар бутун одамлар сенга фойда бермоқни хоҳласалар, Аллоҳ уни сенга тақдир қилмаган бўлса, қодир бўлмайдилар. Агар улар сенга зарар бермоқчи 
бўлсалар, Аллоҳ таоло тақдир қилмаган бўлса, зарар беришга ҳам қодир бўлмайдилар. 
Аллоҳга шукр ва ишонч билан амал қил. Билки, ёмон кўрган нарсангга қилган сабрингда кўп яхшиликлар бор. Албатта, (Аллоҳнинг) ёрдами сабр қилиш билан, қувонч 
қайғу билан, енгиллик машаққат билан биргадир". 


Али ибн Абу Толиб (Аллоҳ узотдан рози бўлсин) айтадилар: "Эй одамлар! Мендан беш 
нарсани ёд қилинглар: Гуноҳдан бошқа нарсадан қўрқмангиз, Аллоҳдан бошқасига 
умид этмангиз, агар билмасангиз, таълим олишдан уялмангиз, агар сўрасалар, билмасангиз, билмайман, демоқдан уялмангиз. Билингизки, сабр жасаддаги бош кабидир. Жасаддан бош ажралса, жасад ҳеч нарсага ярамайди, шунингдек, ишлардан сабр 
кетса, бузилади". 

Кейин: "Мен сизларга ҳақиқий фақиҳнинг хабарини берайми?" деб сўрадилар. "Ҳа, эй амирул 
мўминин", дейишди. "Одамларни Аллоҳнинг илтифоти ва
марҳаматидан ноумид қилмаган, 
шунингдек, уларни Аллоҳнинг азобидан хотиржам ҳам қилиб қўймаган, гуноҳларни 
одамларга зийнатли қилиб кўрсатмаган, гуноҳкор ва муваҳҳидларни (тавҳид эътиқодида 
бўлганларни) Аллоҳ ҳукм қилмасдан олдин жаннати ёки дўзахи деб ҳукм этмаган киши 
ҳақиқий фақиҳдир. Аллоҳнинг азобидан бу умматнинг яхшиси хотиржам бўлмайди.

Аллоҳ  таоло айтади: 
"Улар Аллоҳнинг "макри"дан хотиржам бўлиб қолдиларми? Бас, Аллоҳнинг "макри"дан фақат зиён кўрувчи қавмгина хотиржам бўлади" (Аъроф, 99). Бу 
умматнинг ёмони ҳам Аллоҳнинг лутфидан ноумид бўлмайди. 

Аллоҳ айтади: 
"Зеро, Аллоҳнинг раҳматидан фақат кофир қавмгина ноумид бўлур" (Юсуф, 87)", 
дедилар Ҳазрати Али. 
Язид Раққоший айтадилар: "Агар киши қабрга киргизилса, намози ўнг томонда, берган закоти чап томонда туради ва яхшилиги унга соя солади. Сабр эса, унинг устида 
баҳслашиб туради. Айтадики, олдингизда соҳибингиз турибди, ҳужжатлашсанглар 
ҳужжатлашинглар, йўқса, унинг орқасидан мен бораман". Яъни, агар қодир бўлсаларинг, уни азобдан мудофаа қилинглар, мудофаа қилолмасангизлар, мен сизлар учун ҳам унга  кифоя қиламан ва ундан азобни кетказаман. 

Бу хабарларда сабр амалларнинг афзали эканига далил бордир. Аллоҳ таоло айтади: 
"Ҳеч шак-шубҳа йўқки, сабр-тоқат қилувчиларга ажр-мукофотлари ҳисоб￾китобсиз, тўла-тўкис қилиб берилур" (Зумар, 10). 

    Муҳаммад ибн Муслим ривоят қиладилар. Бир киши Пайғамбар соллаллоҳу алайҳи васалламга: "Эй Аллоҳнинг элчиси! Молим кетди, танам касал бўлди", деб шикоят қилди. 

Пайғамбар соллаллоҳу алайҳи васаллам айтдиларки: "Моли кетмаган, жонига касаллик 
етмаган бандага яхшилик йўқдир. Албатта, Аллоҳ бандасини яхши кўрса, унга бало  юборади, агар унга бало юборса, уни сабрли қилиб қўяди". 

Али ибн Абу Толиб (r.a.) айтадилар: "Қайси бир кишини султон зулм қилиб қамаса, у ҳибсда 
ўлса, шаҳиддир. Агар урса, таёқ зарбидан ўлса, шаҳиддир". 

Пайғамбар соллаллоҳу алайҳи васалламдан ривоят қилинди. Айтдилар: "Албатта, 
кишининг Аллоҳ наздидаги даражага эришмоғи учун қилган амали етмайди. Ҳаттоки, 
унинг жонига бало келади, ўша бало туфайли уни ўша даражага
етказади".

©️ Абу Лайс Самарқандий
Танбеҳул ғофилийн.

Тафаккур қилинг!
https://t.me/Avgonbogmasjidi

#ВАҚТ

Вақт, унинг нақадар бебаҳо неъмат эканлиги ҳақида Қуръони карим оятлари ва ҳадиси шарифларда батафсил баён этилган. Вақтнинг қадрига етиш ҳақида Аллоҳ таоло Каломуллоҳнинг бир неча ўринларида бандаларига билдирган, зикр қилган ва танбеҳ берган.
Олимлар айтадилар: «Вақт қилич кабидир. Сен уни кесмасанг, у сени кесиб қўяди». Банда вақтдан унумли фойдалана олмас экан, дунёда кўп нарсасини бой беради.

Ҳасан Басрий раҳматуллоҳи алайҳ: «Вақт бу – сенсан. Ҳар бир кун, ҳар бир сония ўтиши билан сендан бир парча йўқолиб бораверади», деган. Ваниҳоят ҳамма парча йўқолиб, инсон вафот этади. Шу боис бежиз Ҳасан Басрий раҳматуллоҳи алайҳ: «Сенинг учун фурсат бугунингдир. Кечаги кунга қарама, у ўтди. Энди сен уни қайтара олмайсан. У кунни қандай ўтказдинг, буни-да фақатгина ўзинг биласан. Фойдалими ёки бефойдами – бу ҳам ёлғиз ўзингга аён. Кечаги кунингга қараб, натижаоласан. Эртанги кун эса сен учун мавҳумдир. Чунки сен унда бор ёки йўқ бўласан. Эртанги кунни қандай ўтказишинг эса, бугунни қандай ўтказишинга боғлиқ. Шундай экан, сен бугунни ғанимат бил. Чунки ихтиёрингда фақат бугун бор».

Ҳар куни янги кун инсонга нидо қилади: “ Эй банда, мен сенинг янги кунингман. Фойдалансанг, мендан фойдаланиб қол. Беҳуда ўтказиб юборсанг, мен асло сенга қайтмайман”.
Аллоҳ таоло ҳар биримизга вақтдан тўғри ва оқилона фойдаланишимизни насиб айласин!
Ассалому алайкум ва раҳматуллоҳи ва баракотуҳ.
Шайх Саййид Раҳматуллоҳ ТЕРМИЗИЙ.
https://t.me/Avgonbogmasjidi

Бугун эшитган энг таъсирли сўзим:

Умр жуда қисқа! Ҳатто бугун сенга жаноза ўқилиши мумкин.
Ixtiyor Marg‘inoniy
#hikmat
https://t.me/Avgonbogmasjidi

@Avgonbogmasjidi

#Жума_муборак

Анас ибн Молик розияллоҳу анҳудан ривоят қилинади: «Аллоҳ таоло жума кунида ҳеч бир мусулмоннинг гуноҳини кечирмай қўймайди» (Табароний ривоят қилган).

Бомдодда бош эгиб аҳли мусулмон,
Жойномоз устида ният қилибсиз,
Ўзига сўрасин ризқ-иймон,
ЖУМА айёмингиз муборак бўлсин!!!
Alhidoya
https://t.me/Avgonbogmasjidi

@Avgonbogmasjidi

Расулуллоҳ қувончлари

Расулуллоҳ соллаллоҳу алайҳи ва саллам ўлим онларида Жаброил алайҳиссаломдан:
- “Мендан сўнг умматимнинг аҳволи нима бўлади?” - деб сўрадилар. Шунда Аллоҳ таоло Жаброил алайҳиссаломга ваҳий этди:
- “Ҳабибимга хушхабар бер, уммати ичида уни уялтирмайман. Ҳашр кунида у қабрдан энг олдин чиқадиганлардан бўлади ва Маҳшаргоҳда тўпланганларнинг саййиди қилинади. То унинг уммати кирмагунича бошқа умматларга жаннатга кириши  ҳаромдир”.
Шунда Расулуллоҳ соллаллоҳу алайҳи ва саллам:
-  “Ана энди кўзим қувончга тўлди” -  дедилар.
(Имом Табароний ривояти)
https://t.me/Avgonbogmasjidi

​​ЗАКОТ ФАҚАТ РАМАЗОНДА БЕРИЛАДИМИ?
#закот

❓1426-CАВОЛ: 1. Закот фақат Рамазонда бериладими? 2. Ажратилган закот суммасини бир нечта одамга бўлиб берса бўладими?

💬 ЖАВОБ: Бисмиллаҳир Роҳманир Роҳим. 1. Закотни фақат Рамазонда эмас, бошқа ойларда ҳам бериш мумкин. Чунки закотнинг фарз бўлиши Рамазонга эмас, йил тўлишига боғлиқ ҳисобланади. Кўпчиликнинг Рамазонда закот бериши бу ойда ажри кўп бўлгани учундир. Аслида шахснинг закотга оид мулки (тилла, кумуш, нақд пул, тижорат моллари, яйловдаги чорвалари) нисобга етиб, қамарий ҳисобда бир йил тўлганда берилади. Узрсиз кечиктириш гуноҳ ҳисобланади.
Бу гап барча фиқҳий манбаларимизда айтиб ўтилган. “Фатовои Оламгирия”да бундай дейилган:
ومنها حولان الحول على المال العبرة في الزكاة للحول القمري كذا في القنية
“Закотнинг шартларидан бири молга бир йил тўлган бўлишидир. Закотда қамарий йил эътиборга олинади”.
“Мабсути Сарахсий”да бундай дейилган:
وَلَيْسَ فِي أَقَلِّ مِنْ مِائَتَيْ دِرْهَمٍ زَكَاةٌ فَإِذَا بَلَغَتْ مِائَتَيْ دِرْهَمٍ وَحَالَ عَلَيْهَا الْحَوْلُ فَفِيهَا خَمْسَةُ دَرَاهِمَ
“Икки юз дирҳамдан оз маблағдан закот берилмайди. Қачонки маблағ икки юз дирҳам етса ва бир йил тўлса, ундан беш дирҳам закот беради”.
2. Закотни бир неча кишига бўлиб бериш мумкин. Фақат бир неча кишига бўлиб берганда, ҳар бир кишининг олган улуши бир кунлик эҳтиёжига етадиган бўлиши мустаҳаб ҳисобланади. "Мухтасарул-виқоя" китобида: "Бир кишига закотдан бир кунга етарли, яна ўзгалардан сўрашга ҳожат қолдирмайдиган миқдорда бериш мустаҳабдир", – дейилган. Бир кун тўлиқ сўрашдан беҳожат бўлиш деганда фақатгина фақирнинг ўзи эмас, балки унинг аҳли аёлини ҳам бир кунлик сўрашдан беҳожатлиги назарда тутилган. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar