Assuit Medical Community

طب سوهاج وصللها خطاب رسمي لحضور مؤتمر Africa Health Excon وغالبا هيوصل أسيوط دا اذا مكنش وصل اصلا ، هنحاول نتواصل مع د محمد عبد الرحمن وكيل الكلية بحيث ميتكررش العبث الل بيحصل كل سنه دا ان الللي يروحوا يكونوا من الاتحاد بس والباقي لا ، الكل ليه الحق يروح وهنعمل فورم ليكم هنا وننزله ربرضو بحيث نعرف العدد الل عاوز يروح

طبعا كلكم عرفتوا عن اخواتنا الل جم من فلسطين مصابين للأسف فاحنا هنحاول نساعدهم باي حاجه ، ياريت اللي مستعد منكم يشارك فالموضوع دا يسيب كومنت وهندخله معانا ونشوف كل واحد هيساعد بايه وربنا يستخدمنا فالخير

كام واحد في أسيوط ماشي في سكة المعادلة الأمريكية USMLE ؟ سيبوا ريأكت وممكن نرتب لكذا حاجه كدا ..
المهتمين شوفوا الكومنتات👇

Medical 62، لسه فاكر اليوم الترحيبي بتاعهم كانه امبارح
النهاردة انتصف عمرهم فالكلية وبقوا سيمي سينورز..
مبهجين وجمال جدا ما شاء الله ربنا يكرمهم ..
اللي جاي اسهل بكتير والسنتين ونص الل فاضليين هيعدوا هوا وان شاءالله هنساندكم فيهم ويعدوا على خير
مبارك ليكم وربنا يكرمكم ويوفقكم🤍

السلام عليكم
تسجيل مؤتمر Africa Health Excon فتح
اكبر مؤتمر طبي بيتعمل في مصر

ودا اللينك
https://icomgroup.eventsair.com/africa-health-excon-24/reg-link/Site/Register

الحقوا سجلوا علشان التسجيل مجاني حاليا وبيبقى ب٣ الاف جنيه بعدها😂
اللي يسجل يقول ف كومنت اضيفه فجروب التجمع

كلمتين ل سنة رابعة اللي نتيجة تالتة عندهم ظهرت ، طبيعي جدا الأمور تختلف ف متزعلوش دا مش ذنبكم ولا تقصير منكم ..
فيه خازوق في الكلينكال اسمه الأوسكي
اهو دا لا بيعتمد ع مذاكرة ولا له معايير
بتدخل حافظ المنهج ممكن يسألك ف منهج تاني او حاجه مش موجوده الا ف دماغه هو ف طبيعي هتنقص
وكل دكتور وضميره المهم بس انكم تحافظوا ع نفسيتكم ومتزعلوش.. وان شاءالله الجاي احسن
ومليون مبروك ليكم وربنا يكتبلكم الخير🤍

تحديث للمسج: معظم النتايج اللي شوفناها ف الجراحة مش منطقية ف ياريت كل الل راجع امتحانه النظري وشايف انه مينقصش فيه كتير وكان ف الأوسكي إلى حد ما كويس وعارف الرينج اللي نقصه ف حدود كام .يعمل تظلم
لانه غالبا فيه حاجه غلط🤦

رغم اننا مرينا ب ليالي فارما وباثو وبعدها جراحة وشرعي وباطنه وغيرهم. .. لكن تظل ليلة امتحان ال CNS والعملي بتاعه اصعب ليلة عدت علينا... وبجد امتحانات الكلية قبله حاجه وبعده حاجه تانيه...
زمايلنا في تالته طب الدفعة 62 ربنا معاكم ويعديهالهم على خير وان شاءالله تخرجو مجبورين الخاطر ومبسوطين 🤍

النهاردة كان الوداع الرسمي ل قاعة ص و س من دفعة 59 ، علاقة استمرت خمس سنوات ، من أيام اول فورماتيف اتعمل ..وايوا اول مره اتعمل الفورماتيف كان ورقي وف القاعات..علاقة سامة الحمدلله انها انتهت
بانتظاركم الخميس من الساعة ١٠ قدام الكلية تشاركونا الاحتفال وعقبالكم جميعا🤍

🇵🇸🇪🇬

ياريت لو حد يقدر يساهم ميتأخرش وان شاءالله يوصل.
نقلا عن د.ندى من قسم الكلينيكال باثولجي
ياريت تبعتوها ف جروباتكم وكل حته

مهم بخصوص المدينة الجامعية 👇
https://m.facebook.com/groups/1913157208824987/permalink/4516624515144897/?ref=share&mibextid=NOb6eG

لا واضح اننا هنرتاح ف الامتياز فعلا ،
االكلام دا ف احد كليات الطب الل هيبدأو امتياز ف شهر ١٠

بداية م شهر تسعة قاعة س و ص هتعدي حجز قاعات الافراح حرفيا كل اسبوع مع دفعة شكل
Med 58 , 59 , 60 ,61

قاعد في الاستقبال أو العياده أو الوحده
ودخلك مريض ضغطه عالي
تتصرف ازاي ؟

هنقسم العيانين ل 3 أنواع

1- ضغط عالي لكن أقل من 180/110 ومش معاه Target organ damage

2_ ضغط عالي أعلي من 180/110 ومش معاه Target organ damage
3- ضغط أعلي من 180/110 ومعاه Target organ damage
____
نمسك النوع الأول
ضغط اقل من 180/110 ومش معاه Target organ damge ، مثال 160/100

ده مش عيان طوارئ أصلا ومش مطلوب مني تدخل في الطوارئ
ده لو متشخص من زمان وبياخد علاج ضغط ومنتظم عليه يبقي ييجي العياده نظبطله علاجه
لو مش منتظم علي علاجه ينتظم عليه

لو دي أول مره يقيس ضغطه ويطلع كده يبقي هتطلب منه جدول قياسات
خلصنا النوع الأول
--------------------------------------------------------------------------

النوع الثاني
ضغط أعلي من 180/110 ومش معاه Target organ damge
ده HYPERTENSIVE URGENCY

أولا تخلي العيان يرتاح في غرفه هادئه لو انت في مكان يسمح بكده ،مثلا في العياده أو الوحده الصحيه

لو العيان بياخد علاج ضغط بس ما اخدوش انهارده ياخده قرص من علاجه
لو العيان بياخد علاج ضغط ومنتظم عليه يبقي ييجي العياده نغيرله علاجه أو نرفع الجرعات ،،الخ

لو عايز تديله من حاجه في الطوارئ يبقي ياخد
Oral ACEI or CCB or combination
مثلا erastapex Co 5/20

وبأكد تاني ،oral يعني بلع مش تحت اللسان
وتروح العيان وما تقعدش تتابعه أصلا
وممنوع منعها باتا ال sublingual Nifidipine زي كبسولات ال ابيلات

كده كده عايزين الضغط ينزل بالراحه خالص علي مدار 24 ساعه مش مستعجلين
وتجيب العيان العياده تعمله فحوصات وتظبط علاجه

كده النوع الثاني خلص
____
النوع الثالث
ضغط أعلي من 180/110 ومعاه Target organ damge
ده HYPERTENSIVE EMERGENCEY

نعرف بقي اي هم ال Target organ damge

ونعرف ازاي إذا كان العيان عنده حاجه منهم أو لا ب الهيستوري وال examination وال investigations

ال TOD بنقسمهم 3 مجموعات كبار للتسهيل
1- neurological compromise
2_ Cardiac compromise
3_ Renal compromise
____
ناخد واحد واحد
For neurological compromise
هسأل عن
Blurring of Vision
Sever headache
Seizures
Loss of sensations or paraesthesia
Loss of movement or weaknesses
Dysarthria

لو شكيت في حاجه منهم
هعمل
Neurological examination ( motor, sensory and coordination)

لو الشك لازال موجود هنعمل
CT brain
Fundus examination
____
تاني TOD
هو
Cardiac compromise
هسأل عن
Chest pain
Dyspnea, orthopnia
Diaphoresis
وافحص العيان
Cardiac auscultation
Chest auscultation for bilateral basal crepitations of Acute pulmonary oedema

Neck veins congested or not
LL for LL odema

لو في حاجه تقلقك هتطلب
ECG
Cardiac enzymes
CT Chest ( if dissecting aortic aneurysm is suspected)
____

ثالث TOD
Renal compromise
هسأل عن
Urine output
لو شكيت هطلب
Serum creatinine, urea
Electrolytes
Urine analysis

طبعا لو في اي TOD ده عيان ICU

لسه فاكر لسعة الشمس الل اخدناها اليوم دا ل دلوقت
معاد الكشف الطبي للدفعة الجديده

للأسف هيكون فى امتحانات ف سنتين الامتياز بعد كل راوند

المصدر :من احد المسؤولين الثقه
قال بالنص ان كل ٣شهور هيكون فى امتحان للراوند اللى خلصته يختبروك اتعلمت فيه ايه ودا منشور جايلهم من الاداره
لكن السؤال المهم هل الدراجات دى هتنضاف للمجموع التراكمي؟؟؟ او لا ؟؟؟؟؟ محدش يعرف حتى الآن
لو فيه أي جديد هنبلغكم هنا
https://t.me/assiut_medical_community
وربنا يستر

#تعديل اعتقد كدا الايلكتيف هيكون صعب لاما هتاجل تلت شهور من امتيازك

ماحنا كنا شباب

يذكر ان العام الدراسي ل خامسه طب اسيوط بدأ في ١٠ /٢٠٢٢ ولسه مخلصش اصلا

عاااجل:
المجلس الأعلي للجامعات يعلن ٣٠ سبتمبر موعدا لبداية العام الدراسي الجديد ٢٠٢٣ /٢٠٢٤