الشاعر الحسيني كرار الصافي الرميثي

يا فده روحي انته روح
شلون اطفيها الجروح
يل طحت عالنهر
انه ضهري نكسر
يا فده روحي انته روح

☆☆☆☆☆☆☆☆☆☆

من سمعته ... صاح خويه
وانه ادري طاح ميت لا محال
صحت عباس … يا سلوتي
والسهم بالعين اشر لي تعال
نكسر ضهري … امشي وعثر
لمن شفته كبالي متقطع وصال
نكطع جفه … شلون احضنه
رأسه صابو ب عمد وكت القتال

شلون اشوفك وانت طايح
بين هاي الناس صايح
ما رجع لينه الكمر
يل طحت عالنهر
يا فده روحي انته روح

☆☆☆☆☆☆☆☆☆☆

كتلة أشيلك … للمخيم
شفت من عيونه الدمعات تجري
شلت راسه … بين ايديه
رفع رأسه قال هنا خلص عمري
وعد الاطفال … ماي رادت
ماكو يسرى صار يم نهر عسري
شلون زينب … تمشي سيره
كلي خويه انته هسه حفرت كبري

شلون اطلع السهم بالعين
وهوه كلي فدوه لحسين

وأنه أفكدت البصر
يل طحت عالنهر

☆☆☆☆☆☆☆☆☆☆☆

ارجعت حاير … للمخيم
شلون كلها هناك عفته عله النهر
نموت كلنا … ولا الفركه
طاح ابو فاضل هدم حيلي الكمر
تكله وينه … الكفلني
ولمن سالت ان احس كلبي نفطر
يا رقيه … يا سكينه
مات جوده و لا رجع من السفر

جفه طاح وطاح مايه
وضلت اطفالك ضمايه

قلب زينب نفطر
يل طحت عالنهر
يا فده روحي انته روح

☆☆☆☆☆☆☆☆☆☆☆

بعد ساعة … وداع زينب
و إذ الصبح تنفس و بدمه توضه
رجع مهره … صار يصهل
انه اشوف الذهب طاح ناس ركضه
سهم جارح … بصدره ثابت
رفع دمه للسمة ولله يعرضه
شلون اوصل … وانه اشوفه
و شحلات المات وياه شكبر حضه

و صاح مهره يا ضليمه
و الشمر بيده الغنيمة

و نكطع راس الفخر
يل طحت عالنهر

يا فده روحي انته روح

☆☆☆☆☆☆☆☆☆☆☆

صار اليل … ركضت الخيل
و الخيم صارت دخان و ستر زينب
ارد اروحن … للكفلني
اعثر بجفه و طيح وضهري حدب
احجي انه … شلون شفته
فوك صدره قطع رأسه وهدم سلب
شفته راسم … بخط يمينه
زينب التمشي اميره وحق الرب

باجر من يكيدون اديه
شلون لو كالو سبيه

من الطفوف يبدي سفر
يل طحت عله النهر

يا فده روحي انته روح

قصيدة بحق القاسم بن الكاظم (عليه السلام)

حايــر ابدربه سمــع ذاك القَــسم
ابديرة الغربه سمــع ذاك القـَـسم
بالبيعـــه والغـــدير ذِكَــر جـــدّه الأمــير

----------------------------

ياموالـــــي إحيّـي ذكـر القاسم
شأنه عالي هــذا ابــوه الكاظـم
عـــاش أيّامـــه ابحــــزن وسنينــه مُــرّه
إسأل اشــلــــون انگضـــــت أيّام عـمره

عايــش اسنينـه خِــفــه أشــرف نسـب
دمعتـــه ابعيـنه خِــفــه أشــرف نسـب
فرض حكمه المصير ذِكَــر جـــدّه الأمـــير

قصّـه كلفــه بالــدمع نحـﭼيـها
بيها لهـفــــه فاجــعه ابتاليــها
مثل موسى ابمـاي مـــدين طلــع خايف
إبــن عِــز اوعيب يــــنشد عالمضـايف

لن سمع حرمه بالبيــعه ذكـــرته
تقـســـم ابكلمه بالبيــعه ذكـــرته

من گاصــد المسير ذِكَــر جـــدّه الأمــير
------
وگف يمـها وگال إله اشگلتــي
عــن قَسمـها بيا إمام ا قسمــتي
هــــذا گـــــالتله إمامــــي والخليــفـــه
صاحب البيعـــــه الغديــريه الشريفــه

صـار إســم جـدّه إله ديــره او وطن
وبـــرغـــم بعــده إله ديــره او وطن
شكـر ربه الـقـــدير ذِكَــر جـــدّه الأمــير
لِـفه الـديــره وصــــار نازل يمهــم
عـن مصيره ماحــﭼــه اوخبّرهــــم
صار يعمل راد سقي المـــــاي بالــجود
مـــثل عمّــــه ابكربله مگطــوع الزنود

جــوده بمتونه ابـــن خير العمــل
مايعــــرفــونه ابـــن خير العمــل
عجـب هذا اليصير ذِكَــر جـــدّه الأمــير

-------------
الرحمه نزلـت والخـــلگ تتباشر
الأرض نـبتت والنبــــات اتكاثر
الديره عـــدهم صارت الأيام حلــــوه
والنزل هــــل خير لجله ايعــيش بلوه

الباري راحمهم لجل عين الغريب
رحمـــه عمّتهم لجل عين الغريب
صار ابعمل اجــير ذِكَــر جـــدّه الأمــير
ابمعتقـــــدنه الهاشمـي يتفــاخر
مــن طبعـنه انمـيزه عـن الآخر
ليـــش للقاسم خِفَـــت هــاي الكــرامه
وهـــوّه محـــور بيـــن أسـياد اوإمامه

وشكثر جبــريـــل عله اهلـــه نـــزل
يشـهد التنــــــزيل عله اهلـــه نـــزل
حتّه النسب اسيــــر ذِكَــر جـــدّه الأمــير

--------
راد إســـمه بالخـــلگ مايظــهــر
بدار خدمـه هــل شــريف اتستّــر
لكــن الله الــــراد والباري اختــياره
خـــلّه للقاســـم إله هيبــه ابــمـزاره

كل اليــــزوره ويوصل المــــرقــده
يتنوّر ابنــوره ويوصل المــــرقــده
من مرقده المنــير ذِكَــر جـــدّه الأمــير
العنده طلبـه الحاجه لايحــﭼيـها
بــــس يندبه ابحضرته يگضيها
الــــوادم ايسمّـــوه قاســــم للعطــــايه
هيـــﭼي راده ابهل صفه باريـــنه آيه

اليعتني مضطر بالهضم مـــايرد
يبتهــــج ينـسر بالهضم مـــايرد
عنده الطلب يسير ذِكَــر جـــدّه الأمــير

(قاسم آنه)
القاسـم ما عــلن كلمة قاسم آنــه
بأمانه الزمن وياهم قاسي امـانه
لـﭽن ﮔـال الـدهر ظالــم قاسمانه (قاسمنه)
قســـم غــــربه وقســم حكم المنيه

نسألكم الدعاء

اجــه شهر الحرام و بــــين اهــلاله
جسم حسين اشوفه مكطعه وصاله

—---------------------1

هل شهر الحــزن وستقبله بدمعه
اشعل كل جرح واطفي الف شمعه
يحسين ابــضمايرنه العـرش ينــعه

و انوح بمجلسه والدمعه هماله
اجه شهر الحرام وبين اهــلاله

—-----------------------2

هلالك يا شهر يذبحني من يطلع
اشوف حسين طايح عالثره موزع
دمع عيني دمه لا مو دمع ينبع

وحزني بالكلب و وجهي اشحاله
اجه شهر المحرم وبين اهلاله

—--------------------------3

هلالك او المصايب بالكلب تسعر
وصدر فاطم اشوفه من لطم احمر
اذ شافت ابنه عله الثره مطشر

تشوفه بكربله متكطعه اوصاله
اجه شهر المحرم وبين اهلاله

—---------------------------4

هلا بشهر الحزن والحسره ولوعه
صور ترسملي بيه الحره مفجوعه
واشوفن بالرمح كل اوتاره مكطوعه

واصرخ يا حسين و تبجي اعياله
اجه شهر المحرم وبين اهلاله

—-------------------------5

شهر بيك المواقف والحزن يصطف
واذكر هل مصايب والجرح بالطف
والصدري بالحزن الطم عله بجف

ودمع عيني عله الوجنات يحلاله
اجه شهر المحرم و بين اهلاله

خرزه و خيط احنه.... و الشاهود لئمنه
صعبه فركتك وين. .... صعبه فركتك وين

..... 1

فتركنه شلون... يروح ام عون
اني وياك جنه فد سكف واحد
يجيني اليل.... ودموعي تسيل
انته النفس بيه نازل وصاعد
شماته هواي... الحجي بمكفاي
خنجر يطعن بضهري وعلي شاهد
اريد وياك.... اموت اهناك
ولا امشي سبيه والگلبي فاكد

گلبي يضل يمك ... ودمعي لا يهمك
اصبر و الصبر زين
صعبه فركتك وين
........ 2
الرمح عطشان.... لراسك جان
من اشوف الرمح لبراسك العالي
اشوف الراس... كله احساس
من توكع طفلته يون يالغالي
مشت النوك.... وسط السوك
مشينه احنه سبايه بلايه كل والي
ينهر شكال ... من اجه الخيال
حجي العندك كوله وهذا البالي

صدك احنه فتركنه... محد بقه لنه
يخويه ياضوه العين
صعبه فركتك وين
.......... 3
تمر اسنين.... و تضل للحين
ترد من النهر ويدك علضهرك
تكلي شكال..... حرك و احبال
باجر لسبي و هم ينكطع نحرك
الكمر من طاح.... سمعت صياح
بصوته شمر صيح مم وكع ذخرك
سياط رماح.... وشمر ذباح
عله متني سوط لو شفته شيصبرك

الحملي مال تالي ... رحت انته الغالي
وتصير الونه ونتين
صعبه فركتك وين
........ 4
عفت وليان ..... بگلب عطشان
واشوف عالنهر كفالي الطايح
بگلبي النار.... تبجي ازغار
اشوف الخيل هجمت يالي رايح
اصيح ابصوت.... اجاني الموت
تشب النار بخيام و الگلب جارح
دخان و خيل..... يجيني اليل
اصعد طفل هذا ذاك لي الطايح

ضحكه وطفله تبجي... بيمن اني احجي
الشمر ضيعلي سنين
صعبه فركتك وين

....... 5
بطريق الشام.... تجيني احلام
اشوفن بنتك التغفه على راسك
بخرابه نبات.... نعيش اموات
الدمعي لأن هم يجرحلي احساسك
اطب ليزيد.... وعدهم عيد
تضحك ناسهم وانته الهظم جاسك
وي الريح.... كلشي يطيح
يضل ثابت شموخك بزود عباسك

اضل اني الابيه... بت طه و وليه
اخطابي بدواوين
صعبه فركتك وين

بين الشمس والرمح.... قران
يرتل آيات الصبح …عطشان

الطاح اخوي الغالي ....كبالي شفت جتالي
بين الشمس والرمح ...قران

—----------------1
من تموت انته اكيد تحترك هاي الخيام
وطاحت اوراق الشجر
داست بصدرك خيول ونحرك تحزه السيوف
ومنه ظهري انكسر
اركض بين الجيوش واوصل الجسم الذبيح
واندفن وجه الكمر
صار واضح بالدليل المات يرجع مستحيل
والعدل يشبع قهر

هذا اخوي الي نذبح ….بالسيف
كل ساعة بعيوني يمر…طيف

هل سكن دلالي …كبالي شفت جتالي
بين الشمس والرمح …قران

—------------------2

بطيحتك راح الأمان وعاشت وياي الاحزان
وخدي بالدمع ارتوه
بغير اسمك ما اعيش ولا تشوف عيني المنام
ونحرك بسيفه انجوه
واختفت شمس النهار ما اريد ابقه بضلام
بعد كل ذاك الضوء
صرت لرماح و سيوف وجسمك اترسه الرمال
بكل جرح جسمه احتوه

كل ضلع بيك نكسر بالخيل
صرت اجيك ويظلام ليل

وبالدمع احلالي …كبالي شفت جتالي
بين الشمس والرمح قران

—-----------------3

هاي اول مره هاي صاح أدركي يخوي
وكلبي بالنار اشتعل
والدمع من عيني طاح لا كلت كلبي استراح
ماي نازل من جبل
لجن ما ردت اني اصيح عالنهر طاح الكفيل
وابو فاضل انكتل
بهذا المشهد من اشوف حسين محني الظهر
واني اضل بلا اهل

من المخيم للنهر دمع طاح
وصبغ راسي الشيب و لاح

وين اخلي عيالي. كبالي شفت جتالي
بين الشمس والرمح …قران

—-------------------4

عشت عمري ويالسواد كعبه ما ذبيته يوم
اسود بطول العمر
العين ما تنزف دموع عالحبيب تنزف دمه
وروحي بحضان الكبر
ابجي يمه بلايه صوت خاف يسمعني العين
وخدي بدمع ينحفر
بعد ذاك التعب صار غبت عنك أربعين
رجعت و ظهري منكسر


بين عثرة وعثرة انه اصيح
وي كل نكله الجدم اطيح

صحت وين كفالي … كبالي شفت جتالي
بين الشمس والرمح …قران

—-----------------------5

اني من عمري صغير وجان كل ضني الضلوع
تنكسر ما تنسمع
وصل عمري للطفوف وخيل رضت صدر اخوي
تذكرت صوت الضلع
كمت اشكف بالسياط ذيج الايام الصعاب
أخف من ريش اندفع
انكسر صدر الحسين وخيل عدواني التدوس
وجف كفيلي منكطع

بين كل طفله وطفل نار
ليلة الحادي عشر نضيع طشار

هذا وضعي الحالي كبالي شفت جتالي

—-------------------6

جادر وباجر يطيح فاتحه جم يوم تصير
وانته فاتحتك سنين
وعالهزل اني النسبيت وبالحبل مجتوفه ايد
صحت ها يالمهدي وين
الروس من فوك الرماح تشهد عله الي يصير
بسوطه يضربني العين
هل ضلم ما يبقه دوم شمعت المهدي التنور
ياخذ بثار الحسين

من بعد ذيج السنين يا مهدي
تاخذ بثار الحسين يا مهدي

عمه لا تنعالي كبالي شفت جتالي

والحبيب المنذبح .. فوك الرمح .. يتلو آياته
يا إلهي هل ترى .. فوق الثرئ .. من هو بصفاته

الدم من نحره يسيله
تمشي مسبيه العقيلة
—------------------1

يم رب العرش أي نسمع الأذان
مرفوع الرمح وبراسه قران
وباجر عالهزل تنسبي النسوان
من دار النبوه الى ال سفيان


راحن برحله سبي..  ال  النبي …رحلة شماته
راسه صارعالرمح .. وجهه الصبح .. كمّل صلاته

هاي رحلتنه طــويلة
تمشي مسبيه العقيله

—--------------------2

يعلم هالبشر بالموت مكتوب
وحسين نذبح عالوجه مكلوب
راسه اعله الرمح والجسد مسلوب
نكطع حد النحر والشيب مخضوب

ريت يطلع هالصبح …. وماكو ذبح …..ابيوم عاشر
والاخو بين الخيم …. وتبقه الحرم ..وحسين حاضر

ويرجع يشوف العليله
تمشي مسبيه العقيله

—----------------------3

أمن فوك الرمح وتشاهد الراس
خجلنه شكثر من نضرة الناس
اذا يبقه الجسد بالخيل ينداس
تحشم بالرمح وبالرمح عباس

و بخيالي ارسمه … ارض وسمه … متروسه بالدم
صرنه بالخرابه  …. صاحت يا بابا ... حلم و ألم

برمح راسه برحيله
تمشي مسبيه العقيله

—---------------------4

هاي الخيل سوت صدره ميدان
لا مو خيل وادمنا عميان
راس حسين من العطش ذبلان
مسلوب الهدم والجسد عريان

طش مثل الضوه …. وما اتروه … مذبوح عطشان
والجسمه نسحك …بالكاع نطبك …ياهو مثله نسان

هاي لشيعه دليله
تمشي مسبيه العقيلة

—'-------------------5

مثل ما روسهم فوك المشاهد 
مشت مسبي وي سبعين قأئد
هزت بالعرش بنت الاماجد
مثل عباس فوك الخيل صاعد

مره مو كل مره …. بت حيدره…. مهضومه راحت
بقت هل صابره … هالطاهره …. مسببه صارت

والضعن ياهو كفيله
تمشي مسبيه العقيلة

—--------------------6

ياهو شاف زينب تبجي بدموع
مشت بين الرماح براس مرفوع
باقي بأذنها الصوت من كسر الضلوع
وانه طول الدرب بكلب مفجوع

ابد ما نازل الدمع. .. ضل مرتفع … رأس شهامه
ابد ما طاح و نزل.. اخت الجبل. … مرفوعه هامه

هل اميره بلا قبيله
تمشي مسبية العقيلة

—----------------------7


تره أيام السبي معدودة ايام
واليوم اليمر بزينب ألف عام
عالهزل تروح وماخذه ايتام
وبوسط الخرابه ابد متنام

تنسبي بت فاطمه …. تبجي السمه … جبريل حاضر
من يمر شهر حزن …كلها تون …. قيمو الشعائر

بت رسول الله وخليله
تمشي مسبيه  العقيلة

—-----------------------

بلا محرم جن محرم مر عليه
من اجتنه الليالي  الفاطميه

فاطمه ام ابيها
فاطمه ام ابيها
☆☆☆☆☆☆☆☆☆☆

شفت باب الله احترك كله بالنار
خلف  الباب  جنه  وابابه كفار
من اقره الوصيه اصفن واحتار
قتلو  بت  نبي   وكيدو  الكرار

بلا فقار يطلع بالغضب يرعد
أخذوا للسقيفة وصرخة بس تصعد

فاطمه ام ابيها
فاطمه ام ابيها
☆☆☆☆☆☆☆☆☆☆

الحاقد شاف فرصة بدفعة الباب
خلف  الباب   فاطم  يعني الكتاب
لا عرفوا الحرمة ولا أكو احساب
صحبتهم   جذب   شيفيد   العتاب

طاح  الجنين و صاحت يفضه
ضلع مكسور ...بالهامة رضة

فاطمه ام ابيها
فاطمه ام ابيها
☆☆☆☆☆☆☆☆☆☆

مسمار الكسر ضلع امه فاطم
خلَّف  كل رمح شال الهواشم
كسر  يجبر كسر .مايبقى سالم
من سطره  عمر  ويزيد  ظالم

مر بيه الالم وانه بعبرتي
دمعه طيح و حسرات بحسرتي

فاطمه ام ابيها 
فاطمه ام ابيها
☆☆☆☆☆☆☆☆☆☆☆

المحسن منقتل  بداية  كل رزية 
اذا اول  منذبح   بولد  الزجيه
يستشهد المحسن قبل الغاضريه
تضل طول الدهر احقاد ال ميه

من دفعت الباب و كسر الضلوع
يوم العاشر لنه  تطفي الشموع
 
فاطمه ام ابيها
☆☆☆☆☆☆☆☆☆☆

حته لو ما مات المحسن يزهره
بالغاضريه هناك ينكطع نحره
 مو مسمار الحافر يدوس صدره
رأسه  بالرمح و انه  انضره

يوم نار داري و يوم   بخيامي
مسمار  اليذبحه واذاك ضامي

فاطمه ام ابيها
فاطمه ام ابيها

☆☆☆☆☆☆☆☆☆☆☆☆

واليظن جتله المحسن مو اكيد
كله عبدالله كطع بالطف وريده
كل بيت التسمعه كلي عيده
من دم الورد انكتبت القصيده

اروحن وي عدو لديوان يزيد
هذا الزمن باجر بينه يعيد

فاطمه ام ابيها

انحلفچ بچف الكفيل وعــينة
يم حسن من الخدم سجلينة
===================

نحزن اباول رواية وننتحب
و الگبر عن الخلايق منحجب
الخادم بسجلچ يزهرة ينكتب

مسجل وبيدچ صبح تدوينة
يم
====================

بكل سنة مصابچ علينا من يمر
والدمع بالعين يــــبقى ينهـــمر
للرواية الثانية ايظل مـــستمر

والنعش نطلع سوة مشيعينة

_

تره مصابج عايش ويانه ابد
كل سنه وكل عام للخدمه مدد
و بالمجالس نهتف باسمج بعد

من الخدم يافاطمه حسبينه

_

و بروايه الثالثه نعيد الحزن
نضل عام عليج اي نبجي ونون
نعيش عاشور وصفر وي ضعن

و كسر ضلعج ابد ما ناسينه

____
يم حبيب اسمي اريده ينكتب
خادم وشاعر و لاطم انحسب
مو عجيبه عليج ابدن مو صعب

و باالقيامه باجر اتعرفينه

_

وباجر احنه نصير انصار الامام
ونرمي للظلام بالاف السهام
والشمس تطلع و ما يبقه الضلام

و نندب الغايب باسم احسينه
يم حسن من الخدم سجلينه

بين الباب و الحايط يعصروها
هذوله مو صحابه ذوله قتلوها

...........1

انشاهد محكمه وبالمحكمه الشاهد
بسمار الجريمه ونسمع اشرايد
وباب الدار هم يشهد عله الحاقد

وعين ام الحسن ضلام سطروها
بين الباب و الحايط يعصروها

_2

اشوفن نار تلهب و السمه مغيمه
اشوف وجوها ما بيه ابد رحمه
بغيبة نورها دار الوحي ضلمه

اشهد يباب اعله لي دفعوها
بين الباب و الحايط يعصروها

___3

باچر يشهد اعله الغاره باب الدار
يعرفه اللي سطرها والشعلها النار
يكشف بالحشر كل الجرا والصار

بحقد اگلوبهم للباب حرگوها
بين الباب و الحايط يعصروها

__4

يشايل نعش امنه الله حاميها
نزل جبريل واگف يبجي عليها
زينب من تشوف الباب يبجيها

باجر زينب اعله تل يشتموها
بين الباب و الحايط يعصروها

.-------___5

باجر زينب اعله ناگه يسبوها
حركو دار امها الخيم حركوها
وسطر خد فاطم عالمتن ضربوها

الضلمو فاطمه الزينب يضلموها
بين الباب و الحايط يعصروها

لوله عصرت الباب… محسن بين الاحباب
واسمه مدلل البيت… يضحك للهوه الهاب

..............1

اي وحگ كل گطره طاحت من ضلوعج نازفه
انتي يا ام المحنة وانتي يا ام الوفه
منو مثلج صبر عدها ومنو مثلج عارِفه
الموت للعاداج وانتي بس الج كون الشفى

محسن سره الحجاب… يضحك للهوه الهاب
...............2

اقسم بضلعج يفاطم و جاوب بكلمة وان
هذا ثاني الي سطرها وحطب شايل عالمتن
ما شفت بيهم مراجل كلهم الحاطو جبن
والنذل شعلته بيده وللحرك رافع ردن

ابني طايح وره الباب ....يضحك للهوه الهاب
................3

صورت وحشي رماني وبين ضلعي مستقر
ومحسن يحامي اعلى امه ونگطع منه النحر
وشاف شمس الباري تبجي وطاح من عدها الكمر
لا مهد، لا قطعه بيضه، عالترب صار القدر

طلعت روحه وي سراب ...يضحك للهوه الهاب
.............. 4

شاهدت منضر عجيب انطبگت الگاع وسمه
قنفذ الما يسوه عانه بسوط يضرب فاطمه
والرجس خالد سطرها والنظر عدها انعمه
ما اهتمت همها كله يم علي حامي الحمه

نخلط دمه ويه التراب ..يضحك للهوه الهاب
................5

فضه شاهد عالجريمة، شاهدت ذيج الفجيعة
شافت شصار وجرة، بالباب عصروها الوديعة
مو مشي تزحف اجت والنزف حالة فضيعة
الورد ذابل شفتة اني يا علي بأول ربيعة

وضلع يا علي نصاب ....يضحك للهوه الهاب
................6

ماتت الزهره و عذابي مستـمر ليل وصبح
ابعين الحسين واخيه شوفتي مرايت جرح
زينب ازغيره و جرحها يدي و الچمها ابملح
امي و بداري حمامه و انت كسريت الجنح


ماتت و عده العتاب يضحك للهوه الهاب
...........

امي خلف الباب و الظالم  عصرها
او بيده ابن زانيه  بخدها  سطرها

............1

مو فقط الله بكتابة اسمع اشگال الوحي
فاطمة بنتك محمد حصرًا تكون العلي
يشهد اذان الفريضة امي نعمة الولي
وانته تشهد يامحمد هم قبل حاجي الي


ما تريد  امي احضنها  ابحجرها
اوبيده ابن زانيه بخدها سطرها

.............2

يفز كلبي جن حمامه من يسد الباب ريح
صرت اتخيل وكعته من على الزهراء يطيح
نفس ما ضل بيها امي حتى ما تكدر تصيح
الباب ما يرحم يوادم والكلب منه جريح

عله زهره الباب يدفعها و دفرها
اوبيده ابن زانيه بخدها سطرها

...............3

الدنيا اتمسنه بلطفها وامي شوفها بيا حال
وعصرت الباب العصرها صرت اشوفنه خيال
خاف اسالها على ابنها و خاف يجرحها السوال
تخاف اذا احضنها اني بالحضن شابع  دلال

بعده مثل الورده فواحه عمرها
اوبيده ابن زانيه بخدها سطرها
................4

محسن لمن طاح شفته ابد ما شايف ضوه
ميت و الهفه عيونها و هوه بالباب انجوه
جنه ياخذ دور طفه بين اخيام و لوه
مات ضامي و طاح دامي و علكاع لمن هوه

امي من احضنها انه اشتم عطرها
اوبيده ابن زانيه بخدها سطرها
................5

امي مثل الماي جانت من يشح عنه نموت
ساعه لو غابت علينه وحشه اتصير البيوت
الدنيه ما تسوه الدنيه و زينب تگطع بتوت
نعيش بأخر نفس ميت مثل عاش بطن حوت

بت وام ابيها و ماعرفو گدرها
اوبيده ابن زانيه بخدها سطرها

................6

مثل هذ اليل الضلم صفت كل ايامي سود
ما احس بدينا تضحك اله عافيتج تعود
وسطرت الخد اني شوفه مثل اثار سجود
لا ابد ما شفت يدج لان بضلوعج تگود

تمشي محنيه ما ترفع ضهرها
اوبيده ابن زانيه بخدها سطرها

من أوّل جرح    لآخر هضيمه
من صاح المُهُر  هاي الظليمه
مات ابن النبي ... و باجـر تنسبي
زينب بت مُحمَّد

☆☆☆☆☆☆☆☆

بالعاشر رجع  ميمون  اخوها
الطايح  منذبح  هذا ابن ابوها
تنادي.  للكفيل   بيوم   اجوها
احضر يخويه اختك سبوها

تمشي بت علي  وتنادي عباس
انهض يا خو زينب ماكو حراس

سلبو بت نبي  …  وباجر تنسبي
زينب بت محمد

☆☆☆☆☆☆☆☆

من طاح وشفت كاع الله هيمه
رجع منه المهر صاح الظليمة
طاحت خيمتي وحركولي خيمة
من هسه و صرت  انه اليتيمه

اشمه من النحر  والدمعه تجري
جم كسره نكسر  مكسور ضهري

كلشي إلا العبي … باجر تنسبي
زينب بت محمد

☆☆☆☆☆☆☆☆☆☆

اركض للذبيح  الكاه  دامي
من نحره  يكلها  انه   ضامي
اكلها العيني يمك كون نامي
ولاشوفن شمر يحرك خيامي

بعد ساعه واشوف  خيامي تلهب
وشوف الشمر  من عندي  ايتكرب

انه بت ابي   باجر  انسبي
زينب بت محمد

☆☆☆☆☆☆☆☆☆☆

يالليل  اهدعش وشلون الوداع
طايح   هالكفيل    جفوفه  بالكاع
تكله انهض يخويه انهض بساع
باجر  بالسبي  وعيونك   امتاع

عالهزل انسبي و محد اليه
غريبه لوحدي بالغاضرية


يزهره كَرٌبي ..باجر تنسبي
زينب بت محمد

☆☆☆☆☆☆☆☆☆

كل هذا الجره وجتفوها اديه
بحبال الخيام  ربطوها  ليه
لكن  حيرتني  هل  القضية
بين الناس زينب  هل السبيه

اني الوحيده وناس مو ناس
زينب تنسبي من ماكو عباس

ناري والهبي..باجر تنسبي
زينب بت محمد



☆☆☆☆☆☆☆☆☆

تخلص ما اظن هاي المصيبه
ولا كلبي  بعد يوكف  نحيبه
ل أرض الشام اخذوني غريبه
من عيني  الدمع  ينزل  كتيبه

كل قطرة دمع تنزل فوارس
عليهم كل وكت مهدينا حارس

قرآن ونبي..باجر تنسبي
زينب بت محمد

يا ناعي الاحباب... ياهو اهون امصاب
رد الحسين من السفر
لو صدك مكطوع النحر
ياناعي الاحباب
......... 1
فخر هاي ام البنين الكل مره
ضحت ابدنياها اوربحت اخره
انطت اربع شباب و مقدره
بكربله رادت حلمه اتفسره

انطيت اربعه.... واني مقصره.
لوعندي الف لحسين انطيهم

احسيني لو عاد... من ذاك البعاد
الدمعي ما خلي اثر
لو صدك مكطوع النحر
..........2

الناعي ابطرف المدينه سمعته
بشهكه اوحسره وركض اتلكته
كل شعور احسين رادت شوفته
و عل البنين الاربعه ما نشدته

لحسين الضنئ.... ويرخص الضنئ
اولادي الجفن و احسين العيون

بعيون الاطفال.... شفت اني الاهوال
شفت السبي ودرب الخطر
لو صدك مكطوع النحر
..........3

وين زينب كلي يا ناعي الضعن
حملت انواع المصايب و المحن
ومن زغر وهيه ماعرفت وطن
والفجيعه شلون هنه من لتكن

من يرجع الي.... انده يا علي
ينشف دمع عيني و تبره الجروح

ما تهده الوجاع... مني العمر ضاع
عن دربه ما شلت النضر
لو صدك مكطوع النحر
...........4

رادت تكله يازينب عندي امل
وياج اشوف احسين اوفي بالاجل
ولا شفت عباس ذاك الارتجل
طحت يم الباب من راح الرحل

اوفي بالعهد... للزهره الوعد
لمن شفت زينب ينهدم حيلي

لو شاء الاقدار... ماهم للأخبار
افدي حبيبي بهل العمر
لو صدك مكطوع النحر
...........5

اني اخر طلبه جانت طلبيتي
ردت ابواليمه يشيل اجنازتي
وفاطمه الزهراء تحضر وحشتي
وجن ديار الغربه صارت ديرتي

تمنيت بطلبتي.... اروحن الكربله
لاجل حسين افدي عيني وزنودي
اندب يالحسين
انته ضوه العين
بضنوني لو منك خبر
لو صدك مكطوع النحر
.............6

للعراق نويت ازور مكطوع النحر
وارد اشوفن ابني عباس الكمر
وراح اروحن بالضعن بهذه السفر
اردن اوفي احسين مكسور الضهر

لو اطب الكربله... بكلبي فاجعة
ابجي ليلي وكطع نحري والخنصر

لو اقره بمقتل... بين الخيم و التل
ياريت لا طال الدهر
لو صدك مكطوع النحر

ريت السهم بايس نحر عبدالله
دمع الخدم يروي عطش عبدالله
ابنك ذبيح واحنه نصيح
دمع الخدم يروي عطش عبدالله
...........1
اذا جان السبب يحسين بزمانك قلة الناصر
الا من ناصرا ناديت ولا واحد صرخ حاضر
فقط بس حرمله لطفلك جان بنبلته مناطر
جنت عندك امل ترويه رجعت بكسرة الخاطر

بياحاله من اتوجهت..... لخيامك
وتدري الرباب مناطره.....كدامك
بدمع المصاب. تبجي الرباب
دمع الخدم يروي عطش... عبدالله
.......... 2
بين الطف لبين اليوم فرق وبعينك تنضره
مواكب خدمة الزوار صارت بالعشك عبره
من البصرة لضريح احسين سوينه الدرب سفره
مايعطش ابد ويجوع الكاصد مهجة الزهره
الضحه لاجلنه بعيلته. ودم نحره
كلما نضحي مانعادل قطره
وهذا العزاء بعض الوفاء
دمع الخدم يروي عطش عبدالله
............. ٣
اهيم بعالم اشواكي واشوفن راسك الغالي
موراس برمح مشيول شمس وبنورهه تلالي
عفت كل مغريات الكون عبد وابابك احلالي
واذا عالموت محله الموت اذا شباجك اكبالي
مثل الحمام الي اعله كبتك يفتر
يوميه روحي ويه الحمايم تحضر
يم الضريح. اتزور الذبيح
دمع الخدم يروي عطش عبدالله
............... ٤
اريد بكل عزاء اعليك مولاي اوكف والطم
وعاشور وصفر اكظيه بحزام الخدمه متحزم
واموتن كون الف موته ورضيع من السهم يسلم
ولا جسمك يبو اسكينه بحصير من الارض يلتم
لوم يم ابو فاضل فديته اعيوني
بيهن يصل للخيم ويذبحوني
بماي الزلال . يسكي العيال
دمع الخدم يروي عطش عبدالله
.......... ٥

تشب النار ____ و خيمه مستعره
عرفت شصار ____و بالگلب جمره
بيه يموت حسين ...او طيحت جفين
تبقه العقيله وين
و بالگلب جمره

...................1

اذا عندك عقل و تاخذ العبره
اشرحلك مصيبه و افهم الفكره
جسمه تگطع واأ جزاءه متوذره
تضل زينب وحيده وتنسبي حره

اشوفك حال____زينب الحره
تطيح ابطال ___موته عالغبره

تركض لذاك الماي و عالنهر وفاي
زينب تريد راي ...وبالگلب جمره

.................2

الك اروي الخبر يا سامع الاخبار
شفت طفال تركض ع جمر ونار
طايح عالنهر و بگلبه شايل ثار
من امشي سبيه ابوليه الاشرار

هجوم عداك ___مو سهل امره
اريد انخاك_احنه نروح اسره

ع راس تحط تربان ....زينب بلا وليان
تمليه الاحزان...و بالگلب جمره

...................3

الك يا راوي هاي الوعه مكشوفه
لو شفت الكمر امكطعه اجفوفه
و لتاريخ تبقه وتكتب حروفه
تضل هل الوعه للاجيال معروفه

كمر و جفوف ....ورايه مطروحه
تضل بالخوف.....و تنزف جروحه

تعثر بجف عباس ....انته يابو نوماس
تهجم عليه ناس و بالگلب جمره

.....................4

اشاهد دمعتك و بعيني تجسم
اذكر هل مصيبه و روحي تتالم
مصيبه وجم مصيبه افجع واعضم
بعمد صوبو راس الكمر و تهشم

يطيح عباس____وجفوفه مگطوعه
دامي الراس ____بصدره الوعه

وبعينه سهم ينام____ و يشاهد الخيام
تركض عله ازلام. .....وبالگلب جمره


....................5

اخذ مني الخبر يا سامع وسمع
هم شايف ذهب عالكاع يتوزع
اخو زينب كل اشلاهه تتگطع
و تروح العقيله ولليسر تطلع

زينب ليش ____تروح متيسره
اخذوه بيش____عالهزل مسره

زينب تروح لشام .....و تكفلت ايتام
و تحملت الام ....وبالگلب جمره


------------6

مشت ذيج المسافه بنايبات البين
محتاره و لا تعرف دربها منين
عافت عالنهر مگطوعه الجفين
راس اعالرمح وتشوف سهم بالعين

و كلبها يصيح ....و بداخله حسره
هموم اطيح ........و نار مستعره

شافت ضلع مكسور .....و عليه الخيول دور
و دم النحر يفور ....وبالگلب جمره

https://t.me/AR_B_0

خفت اخسرك كلت احضنك من بعيد
و غمست عشرينك ب عشريني

اني صح ما كلت احبك باللسان
بس و حقك سولفتها بعيني

يا أُختَ بغداد..
للشاعر الكبير محمد مهدي الجواهري

جللٌ مصابُك يا بيروت يبكيــنا
ياأخت بغداد ما يؤذيك يؤذينا

ماذا أصابك يا بيروت داميــة
والموت يخطف أهليك وأهلينا

عضّي على الجرح يا بغداد صابرةً
بيروت تعــــرفُ ما فيها وما فينا

بيروتُ تعرفُ من بالروعِ يفجــعنا
علم اليقين وكأس الموت يسقينا

نادي بنيكِ وقصّي بين أظهرهـم
ضفائر الطــهر أو حتى الشرايينا

عضّي على الجرح يابغداد واتعظي
من أحرق الأرز لن يسقي بساتينا

https://t.me/AR_B_0

يا حسين اعيالك سلبوها
يا حسين اعيالك سلبوها

—------------------1

هذا الموقف عندي الأصعب
كبال عياله وهدمه تسلب
ينزف نحره وشيبه تخضب

وزينب ع الهزل يسبوها
ياحسين اعيالك سلبوها

—--------------------2

زينب  باجر تصعد هزله
هاي عله حسين الموسهله
وراس الكافل رمح يحمله

وهمه بلا رحمه  يضربوها
ياحسين عيالك سلبوها

—---------------------3

عالهزل يسبوها الحرة
من غابت من عدهه الكمره
وتبجي دموم عليه الزهره

بت حيدر زينب شتموها
ياحسين اعيالك سلبوها

—---------------------4

وراسك مثل النجم يلالي
نور ويصعد فوك لعالي
يا غالي ومن مثلك غالي

ولهاي الحره يبغضوها
ياحسين اعيالك سلبوه

—-------------------5

والخنصر من جفه مسلب
والخيل بصدرك هل تلعب
محد شاله  وليه تكرب

بالخيل ضلوعك طحنوها
ياحسين اعيالك سلبوها

https://t.me/AR_B_0

خيالي يروح.... وكت الضهيره
شفت اجروح... و زينب اسيره

شفت الالم و النار
وگمت اندب الكرار
أحظر يحامي الجار
وكت الضهيره
ء - - - - - - - - - - - - - - - - - - -

بخيالي وچني بالطف وارسم ابالي
مدري شلون اشوفن كربله كبالي
أشوف حسين مطروح وشكو غالي
اگصدوني يگلهم عوفو عيالي

اشوف ايتام .. يلهب غليلي
بلايه خيام .. زينب يويلي

كبالي الخيام تطيح
عطشى اليتامى تصيح
واشتد مهبِّ الريح
وكت الضهيره

.................................

بخيالي الطف اشوفن والخيم تلهب
اشوف الخيمه بالدخان تتحجب
من حسين طاح و كله ليه تكرب
ابو الاكبر ذهب هل طاح و تسلب

هاي الخيل ....تسحك بصدره
تفيض روح ....وي دمه نحره

بهذا خيالي حواف
عالنهر اطيح اجتاف
بيها الخدر ينشاف
وكت الضهيره

ء - - - - - - - - - - - - - - - - - - -

لا خيمه البقت لا خوه لا رايات
هاي الطاحت اعله الكاع اضن آيات
سوره بصفها سوره وطاحن معزيات
لطمن عالوجه هذا الحُسين المات

اشوف خيال .... بيده حسامه
يشيْل اوصال ....يسلب عمامه

بصدره سهم مكسور
و مذبوحه هاي نحور
وعالنهْر اشوفه يدور
وكت الضهيره

ء - - - - - - - - - - - - - - - - - - -

تفاجأت بخيالي اعله الجسد ينداس
امبين الطايح او رايد يوزع انفاس
اشوف اعله النهر چفين ابو النوماس
من كد ما خيالي يبجي بالاحساس

ملكني احساس .. وأبحر خيالي
على العباس .. دمعي اليلالي

عالشاطي طايح جود
وطاحت عليه رنود
رايح يراعي الزود
وكت الضهيره

ء - - - - - - - - - - - - - - - - - - -

راس حسين اشوفه مرتفع بارماح
ومن الخيمة اسمع بس بجي وصياح
هذا الطاح اخويه وذاك خوي الراح
بعد ما ضنها زينب بالمشي ترتاح

شكثر مجروح. ... من شفته رايح
أخي المذبوح .... عالغبره طايح

دمه يضل مسفوح
عنبر يرد الروح
و جسمه انترس بجروح
وكت الضهيره

ء - - - - - - - - - - - - - - - - - - -

بعد هذا الخيال و فكري يتبدل
اشوفن زينب بلا خيمة لا محمل
اشوف حبال خيمه بدمها تتبلل
بدرب الشام راحت أخته عالهزل

يجسمه الطاح .. وأبعد علية
سيوف ارماح .. بالغاضرية

كلشي حسبت احساب
يحضرنه داحي الباب
ذبح و طبر محراب
وكت الضهيره

https://t.me/AR_B_0

لو تجمع احجار الكون كله و تنخه ١٠٠ غراب
ما يصعد بوجهك ماي من يصير وكت عتاب
ابو فاضل خيمه وسط البر ما يرهم عليه الباب

ها ها
انته خوانك كلكم عنبر وخالك هذا كله دنان

Karar_alsafee:
مثل ماي المطر دم نحرك و ينزل
هاي الخيل تسحك عالصدر تحمل
واشوفن كلبك البي جم حلم يختل
بعد ساعه ويرد ليه المهر يصهل

تجليبه
https://t.me/io_7bk
https://t.me/AR_B_0

مثل طبع الكمر طبعك تجلي بوجهك الظلمه
بدر ليلي هوه عالكاع والدنيه اصبحت عتمه
حبيبي وا حبيبا
.....................1

انحجب نورك عن عيوني. بغيمة من الظلام اظلم
انام وجرحى يلجمني. وافز وعيوني بي تحلم
على الخد الدمع يا حسين. نزل مخلوط دمع و دم
كعدت امسح دمه اجروحك.... وشوفن ثغرك اتبسم

صدره نطبك وي ضهره جم حافر سحك جسمه

............. 2

جبيرة مصيبتي المرت. ولا مرت على واحد
سبيه و منهدم حيلي. عزيز لكلبي لي فاكد
هاي الروس عالمياد من عبدالله للوالد
اشوفن من تسحكه الخيل ولا احد له يساعد

النهر لجفوف اضل عطشان وعطش جبدة العصمة

.............. 3

وصلته وردت احضننه.... حرت شلون احضننه
اذا كل جسمه صار جروح... واخافني الجمنه
والخيول التدوس اعليه .... ولا خلتني اعرفنه
اجيت المصرعه الوالي .... اريد اشكي له حالتنه

سالم و النفس مكطوع وبصدره شجم حلم ضمه

.... .......... 4

اجيت اركض له من التل ... والساني بهاالاسم صايح
اثاري حسين موش حسين.... هذا العالترب طايح
ثنعش طبره طبر نحره.... وبفيض النزف سابح
موذر جسم ابو اليمة.. واصبعه و محبسه رايح

هذا الخنصر المگطوع يشرح خسة الامه

.... ............ 5

مثل خيط الشمس جرحي... ما ينظم و لا ينشد
و حزني شما تمر ايام... مثل جز البحر والمد
اضل ابجي عله اخواني.... شما بيه العمر يمتد
تنسة همومة الوادم .... واني همومي تجدد

لون اعله الجبل همي هتز و طاحت القمه

.....................6

على رمل الطفوف ارسم....صور بس الرمل چذب
عشت اويه المصيبه سنين. لحدما ظهري هم حدب
سبيه اسمي يغيرونه .... ولاچني الخدر زينب
حكي من انخطفي لوني... اضل كل العمرانحب

نحيبي اعلل جره والصار بس الشايفه ايفهمه

يالفوگ الرمح جاوبني گد عمري
عدنه حسين غيرك وآني ما ادري
گالو دفنو حسين
انت الفوگنه منين؟
+++++++++
ما يفهمني غيرك بويه اذا تگدر
صح عندگ جسم ضل منترك بالبر
شلون وباقي ليهسه اعله ذاك الحر

اذا جسمك قصدهم توه دفنوه
راسك ليش ما يم نحره ردوه
بلكت لو رجع يم جسمك اتعيش
اذا بالماي وجهك بويـه رشـوه

خاطر افتهم هذا انته مو انته
گلي يا رقيه صووتچ اسمعته
بسـچ لاتـگـولـي
انته الفوگنه منين
++++++++++++
كلها رد علي السجاد من صاحت
فجئه وبالخرابه ريحتك فاحـت
ثوبه اتشم ترابه زينب وطاحت

گالـلـها دفنـته وعـيفي الاشلون
لمگطّع وصـل منـه اشيغـسلون
اسم حسين اسمعه مره مرتين
وارجع هم اسأله ياهـو مدفون

أهل البيت كلها حسين بس واحد
لو عندك شبيه وعالرمح صاعد
ياروحي شتحسين
انته الفوگنه منين
++++++++++
نفرض انت ذاك الوسدك لحدك
ماعندك چفن واثياب ماعندك
للقبله اشيـوسـد عالرمـح خـدك

عيني لو خطت مايخطي لحساس
انت حسين هذا صاحب الراس
كلما عمتي زينب لاحها السوط
كل راسك تديره الراس عـباس

انت مو عدل شيْقـنـعـه دلالـي
وآنه اشلون عدله الهسه يالغالي
اشوفك شوف بالعين
انته الفوگنه امنين
++++++++++
عليك اسأل امس گلتلها ياعمه
منو ضل اليداوي اجروحه لبجسمه
امه الزهوه گالت تگعـدت اتلـمه

خل افرض تِلِم لمْطَشْرِته الخيل
مابيها اعله جسمك فاطمه اتشيل
هم ضليت اشك مو سفره وتعود
برمحك من اسولف شفتك اتميل

بعيونك حچي وافهم بواچيها
مييت لو عدل بلسانك احچيها
جاوب هالچلمتين
انت الفوگنه منين
++++++++++
احسن ما اسألك خلني بوهامي
ادعي ايردلي جسمك حته لو دامي
بيدي اگعد اشربك ماي الضامي

يكفيني الدقايق تگعد اوياي
بعدك ضامي باذنك احچي بهداي
ارجع من سفرتك وآني اروَيك
خير امن الله عدنه جابو الماي

من ترجعلي اشمّك حته تاخذني
عذبني اليسر يا بويـه عذبـني
يمته ترجع او وين
انته الفوگنه منين