ጉባኤ ሐዋርያት

𝑉. 𝐿𝑒𝑡 𝑢𝑠 𝑏𝑒𝑐𝑜𝑚𝑒 𝑙𝑖𝑘𝑒 𝐶ℎ𝑟𝑖𝑠𝑡, 𝑠𝑖𝑛𝑐𝑒 𝐶ℎ𝑟𝑖𝑠𝑡 𝑏𝑒𝑐𝑎𝑚𝑒 𝑙𝑖𝑘𝑒 𝑢𝑠. 𝐿𝑒𝑡 𝑢𝑠 𝑏𝑒𝑐𝑜𝑚𝑒 𝐺𝑜𝑑'𝑠 𝑓𝑜𝑟 𝐻𝑖𝑠 𝑠𝑎𝑘𝑒, 𝑠𝑖𝑛𝑐𝑒 𝐻𝑒 𝑓𝑜𝑟 𝑜𝑢𝑟𝑠 𝑏𝑒𝑐𝑎𝑚𝑒 𝑀𝑎𝑛.

ክርስቶስ እንደ እኛ ስለ ሆነ [እኛ] እንደ ክርስቶስ እንሁን። እርሱ ስለ እኛ ሰው ሆኖአልና ለእርሱ ብለን የእግዚአብሔር እንሁን።

ጎርጎርዮስ ዘእንዚናዙ (ነባቤ መለኮት)
𝐺𝑟𝑒𝑔𝑜𝑟𝑦 𝑜𝑓 𝑁𝑎𝑧𝑖𝑎𝑛𝑧𝑢𝑠 (𝑇ℎ𝑒𝑜𝑙𝑜𝑔𝑖𝑎𝑛)
𝐎𝐫𝐚𝐭𝐢𝐨𝐧 1:5

መልካም ዕለተ ሰንበት🙏

«የማይታየው የእግዚአብሔር መልኩ ማንን ይመስላል ቢባል የሚታየውን የኢየሱስን መልክ ይመስላል «እርሱ የማይታየው አምላክ ምሳሌ ነው» [እርሱ] የክብሩ መንጸባረቅ እና የባሕርዩ ምሳሌ ነውና። Gregory Thamumaturgus-Wonder worker) (ጎርጎርዮስ ገባሬ ተአምራት ወመንክራት) 213-270) ስለዚህ ነገር በአመሥጥሮት ሲናገር... «ኮነ በአርአያ ሰብእ እስከ ኮኑ ሰብእ ድልዋነ ይርአይዎ ለመለኮት» ይላል። ትርጓሜውም «ሰዎች መለኮትን ያዩት ዘንድ የበቁ እስኪሆኑ ድረስ በሰው ባሕርይ ተገለጠ፤ ይላል። እንደው ግን መቼ ይሆን የሰው ልጆች አምላክን በመለኮትነቱ ለማየት የበቁ የሚሆኑት?? መልሱ መቼም ነው። ራሱ ጎርጎርዮስ ከዚህ ቃሉ ከፍ ብሎ ፦
"የሰውን ባሕርይ እስኪዋሐድ ዘመዳቸውም ሆኖ ሰውን ሁሉ ወደእርሱ እስኪያቀርብ ድረስ ሰው ፊትህን አይቶ ሕያው መሆን አይቻለውም ነበርና"

ስለዚህ ክርስቶስ የማይታየውን ባሕርይ የምናይበት ፍኖታችን ነው። «ወበእንተዝ ውእቱሂ ኮነ በአርአያ ሰብእ» ይላል ይህ አባት ጎርጎርዮስ ትርጓሜውም በእውነት በሰው ባሕርይ ተገለጠ ማለት ነው።

እስኪ ዐይናችንን ወደ ክርስቶስ አቅንተን በሙላት እግዚአብሔርን እንየው።

መልካም ቀን 🤗

ዐዕይንተ-ባልትዛር ◈ የባልትዛር ዐይኖች።

«ከፊታችሁ ያለውን ተመልከቱ» 2ቆሮንቶስ 10፥7

ባልትዛር ጌታ ኢየሱስ ከተወለደ ከ33 ዓመታት በኋላ ወደ ኢየሩሳሌም ለንግድ ያቀናል። ነገር ግን ቀድሞ ከብዙ ዓመታት በፊት ያውቃት ነበርና ዛሬ ግን ሲያያት ይህች የሰላም ከተማ ባድማ ነበረች፤ ሰው ይበዛባት የነበረች ይህች ከተማ አሁን ሰው አልባ ሆነች። ይህንን አይቶ ባልትዛር እየተደነቀ ሳለ አንዲት እናት ስትመጣ ዐይቶ «ዛሬ ኢየሩሳሌም ያለ ወትሮዋ ምነው ባድማ እና ሰው አልባ ሆነች» አላት። ይህችም ሴት፦«አንተ ለኢየሩሳሌም እንግዳ ነህን? አልሰማህምን የደሃ አባት፣የፍቅር መምህር፣ሰላምን የሚሰጥ፣ለተቸገሩት ሁሉ የሚደርሰውን አንዱን ክርስቶስን ይዘውት ሰዎች ሊሰቅሉት ወደ ቀራንዩ ሄደዋል» አለችው።

ባልትዛርም መንገዱን ወደ ጎልጎታ አቀና። ከመድረሱ በፊት ግን በመንገዱ ላይ ሰዎች ከበውት ወደ ኋላ.. ወደፊት.. በገመድ አስረው መስቀል አሸክመው የሚያጋፉትን ሰው አየ።መልኩን ጠጋ ብሎ ሊያይ ብዙ ጭፍሮች አሉና አልፈቀዱለትም ብዙም ሳይቀርብ ጥቂት ሲጠጋው ፊቱ በደም ስለ ተመላ ሊያውቀው አልቻለም፤ ጥቂትም ውሃ ሊሰጠው ወደደ ነገር ግን ጭፍሮቹ ሊያቀርቡት አልቻሉም።

ከብዙ ጊዜያት መንገላታት በኋላ ግን ቀራንዮ ደረሱ፤አሁንም ባልትዛር ዐይኑ ወደፊት ነው።ለስቅላት የተያዙ ሦስት ሰዎችን አይሁድ ሰቀሏቸው። በዚህ ሰዐት ባልትዛር ዐይኑም ልቡም በመካከል ላይ በተሰቀለው ዐረፈ።

ባልትዛር ከ33 ዓመት በፊት በአካለ ሥጋ በቤተልሔም ለተወለደው ኢየሱስ ክርስቶስ መባዕ ካቀረቡ ሰብዐ ሰገል አንዱ ነበረ ለካ። ጌታ ኢየሱስን ወዲያኑ ለየው አወቀው፤ ተንበረከከና ❝ጌታ ሆይ ዛሬ አንዳች የምሰጥህ ነገር የለኝም፤ ያን ጊዜ ዕጣን ወርቅን  ከርቤን መባዕ ይዘው ከመጡ ሰዎች መሃል አብሬ መጥቼ መባዕ ሰጥቼህ ነበረ ዛሬ ግን የምሰጥህ የለኝም ራሴን ሰጠሁህ❞ ብሎ ተንበረከከ።
"እኛስ ምን እንሰጠው ይሆን?" የባልትዛር ታሪክ እንደሚነግረን ከሆነ ባልትዛር ከዛ በኋላ ዘመኑ ተባርኮ ሰላምን፣ እውነትን፣ፍቅርን፣የደግነት ጥግን፣በሞት የሚገለጥ ደግነትን በዐይኑ ተመልክቶ በልቡ ሸምቶ ተመለሰ።

ዐይናችን ዛሬ የት ነው ያለው? የቤተክርስቲያንስ ዐይኗ የት ነው ያለው? ቤተክርስቲያን ማለት እኛ ነንና።ኢየሩሳሌም ያለ ወትሮዋ ባድማ ነበረች፤ የባድማነቷ ምሥጢር ግርማ የሚሰጣትን አምላክ አሳልፋ መስጠቷ ነበረ። ዛሬ የሰላም ማጣት የባድማነትን እና የባዶነት ምሥጢር የሰላም አለቃ ክርስቶስ ከዐይናችን ፊት ስለ ተጣለ ነው የባልትዛር ዐይኖች መሀል ላይ በተሰቀለው በክርስቶስ ላይ ነበሩ በፊታችን ያለውን ክርስቶስን እንመልከት። 

እግዚአብሔር ይርዳን አሜን።

ፕሮፌሰር አባ ኀይለ ገብርኤል ግርማ። የቅድስት ሥላሴ ዩኒቨርሲቲ ምክትል ፕሬዘዳንት። በአንድ መንፈሳዊ ጉባኤ ላይ ተገኝቼ ካስተማሩት የተወሰደ። የካቲት 2/2017 ዓ.ም

መልካም ቀን🙏።

@Apostolic_Council