قناة الشاعر حسين ألفيصلي

@alfaesale

رابط القناةّ 👇
https://t.me/Alfaesale
المعرف الخاص 👇
@ALFAESALY

قناة الشاعر حسين ألفيصلي (Arabic)

إذا كنت من عشاق الشعر وتبحث عن المواهب الشعرية الجديدة والمتميزة، فإن قناة الشاعر حسين ألفيصلي هي المكان المثالي لك. تأتي هذه القناة لتقدم للجمهور أحدث قصائد الشاعر حسين ألفيصلي بطريقة مبتكرة ومميزة. من خلال الانضمام إلى هذه القناة، سوف تكون على اطلاع دائم بكل جديد يقدمه الشاعر حسين ألفيصلي من خلال قصائده الرائعة والملهمة. بغض النظر عن نوع الشعر الذي تحب، ستجد بالتأكيد ما يروق لذوقك ويثري مشاعرك من خلال هذه القناة. تتميز قناة الشاعر حسين ألفيصلي بالتنوع في المواضيع والأساليب الشعرية التي يتبناها الشاعر في قصائده. بغض النظر عن ميولك الشعرية، ستجد في هذه القناة ما ينسجم مع ذوقك ويجذب انتباهك. إذا كنت ترغب في الاستمتاع بجمال الكلمات وقوة التعبير من خلال قصائد شاعر موهوب، فعليك بالانضمام إلى قناة الشاعر حسين ألفيصلي الآن. اكتشف عالم الشعر بأبهى صوره واستمتع بكلمات تأخذك في رحلة لا تُنسى. لا تفوت الفرصة للاستمتاع بأجمل القصائد والكلمات من خلال قناة الشاعر حسين ألفيصلي. انضم اليوم وكن جزءًا من هذا العالم الشعري الراقي والملهم.

قناة الشاعر حسين ألفيصلي

24 Oct, 19:49

https://youtu.be/U21l-o_jIpY?feature=shared

364

قناة الشاعر حسين ألفيصلي

14 Jul, 19:04

https://youtu.be/Kx5CZEmXH0s?feature=shared

1,472

قناة الشاعر حسين ألفيصلي

17 Jun, 21:07

https://youtu.be/wS3gAsnG3K8?si=P_GRyju52LAZXXKK

1,892

قناة الشاعر حسين ألفيصلي

31 May, 09:02

https://youtu.be/qaidg3pPfRA

4,031

قناة الشاعر حسين ألفيصلي

11 Apr, 18:25

https://youtu.be/2O77nf_3kvY

4,152

قناة الشاعر حسين ألفيصلي

08 Aug, 12:45

https://youtu.be/LaAMkF6zJ6U

6,344

قناة الشاعر حسين ألفيصلي

06 Aug, 22:34

https://youtu.be/IHCxHbF9X2U

5,913

قناة الشاعر حسين ألفيصلي

05 Aug, 13:26

https://youtu.be/DEukGzLdU-s

5,263

قناة الشاعر حسين ألفيصلي

19 Jul, 18:46

أول مـــــــرة هيچ تشوفني الناس
امشي الوحدي ماكوا بظهري عباس

عفته أعلى النهر طايح عضيدي
اجيتچ خويه لازم ظهري بيدي

يزينب
............

رديت وحدي بلا أخو .. يا زينــــــب تلگينـــــــــــي
بعيوني ما أشوف الدرب .. ظلمــــــــه النهار بعيني
جيت امشي خويه ومنحني .. ظهري نكسر تدريني
بالگوه انگـــــــــل بالجدم .. راح الكفــــــــر توليني

من النهر جيت شلون جيــــــــــه
الإخو من يروح يكسر ظهر أخيه

بعد ساعة الشمر ويحز وريدي
اجيتچ خويه لازم ظهري بيدي

يزينب
............

طيحي الخيم كلشي نتها .. راح الاخو شيعوده
عالشط وگع راعي العلم .. لا رايته ولا جــــوده
دنيا النهار وما شفت .. بعيوني صارت ســـوده
طاح الكفيل أعلى الترب .. مگطعات زنـــــوده

ويــــــه الخوه زينب هذا حدي
مشه وضليت ويا الگوم وحدي

متألم واگل لجروحــــي هيدي
اجيتچ خويه لازم ظهري بيدي

يزينب
............

من النهر حد الخيم .. بخطواتي انگل گــــــــــوه
من مات ابو فاضل احس .. ماتت وياه الخـــــوه
عباس صدگ من رحت .. چا باقي عمري شيسوه
دنياي حلوه من چنت .. بس من رحت مو حلـوه

رحت للنهر شاب وجيت شايب
راح الحيل مني و بيش احارب

مو بس ظهري أحس نكسر جيدي
اجيتچ خويه لازم ظهري بيدي

يزينب
............

جيش انت خويه الوحدك .. بيرغ بچفك شايل
ياهو اليمس حد الخيم .. ينكسر ظهر العايـــل
من خزرتك چان الشمر .. بآخر العسكر خاتـــل
يا وسفه بغيابك جسر .. من عرف ماكوا كافل

يعباس أعلى زندك والله ندمه
الشمر يا حيف بعدك صار زلمه

بعد يجروحي أكثر بيه زيـــدي
اجيتچ خويه لازم ظهري بيدي

يزينب
............

شلون اردن للخيم .. وحدي انت مو ويايــــــــــه
زينب شاگلها وشاعتذر .. عفته أعلى المسنايــــه
تسالني راجع وحدك .. لا كافــــل ولا رايـــــــــــه
من تدري بيك تصوبت .. صعبة أعلى زينب هايه

اگلها احزام اخوي وطاح الاحزام
بعد ياهـــــــو اليدافع عن الخيام

يگطعون بخناجر خنصر ايدي
اجيتچ خويه لازم ظهري بيدي

يزينب
............

خادم أهل البيت ( ع )
✍#حسين_الفيصلي

6,925

قناة الشاعر حسين ألفيصلي

18 Jul, 15:17

https://youtu.be/RadZ7s0VNuQ

5,212

قناة الشاعر حسين ألفيصلي

18 Jul, 11:58

بصوت الإحساس انادي بصوت الإحساس
وينـــــــــه عباس كفيلي وينــــــــه عباس

وين حماي الضعينه .. خاف ما يدري نسبينه
وينه عباس كفيلي وينه عباس
.................

ردت من الشام زينب حايره بدرب السبايــــه
لا كفيل وياها يمشي و رد ضعنها بلايه رايــه
شاهدتهم كل أهلها أعلى الترب ضلوا ضحايه
منها كل أخوتها راحت توسدو أرض المنايـــه

تنادي وين الگمر وينه .. خاف ما يدري نسبينه
وينه عباس كفيلي وينه عباس
.................

شكثر اهات و مصايب آه منچ كربلــــــــــــه
بيچ راحوا كل اخوتي ويسروها العايلـــــــه
ردت كون يشوف حالي الگمر راعي المرجله
يحضر يشوف العقيلة أعلى الهزل المدللــــة

بالكفر بلوه بتلينه .. خاف ما يدري نسبينه
وينه عباس كفيلي وينه عباس
.................

عكست وياي الليالي وحيره حيرني الزمن
صوباني بفگد أخوتي وشفت آهات ومحن
ايست ونگطع ضني من مشه وسار لضعن
والشمر لمن ضربني حشمت ياابو الحسـن

گمنه نتستر بدينــه .. خاف ما يدري نسبينه
وينه عباس كفيلي وينه عباس
.................

من مشت بينه الضعينه غربه تمشي بمحملــــي
منين ما عاين شماتة وعالترب ضلــو هلـــــــــي
بس حرم وأيتام ضلت لامحا مي ولأوالــــــــــي
بعيني ضلمه الدنية صارت صحت يوينك كافلي

غاب عنه وما يجينه .. خاف ما يدري نسبينه
وينه عباس كفيلي وينه عباس
.................

آه يا دمعــــة رقيه هدمت بيه الصبــــــــــــــر
طفله تبچي تريد ابوهه وسلمت شمس العصر
شلون شي غمض جفنهه ماتنام وتنتظــــــــــر
تصيح عمه الغالي وينه ليش غايب ما يمــــــر

بعد ماضن يرد لينه .. خاف ما يدري نسبينه
وينه عباس كفيلي وينه عباس
.................

هذا كل ألي حچيته مختصر من قصتـــي
لوحجر گلبه يتفطر ألشاف حالي ولوعتي
صفنت خلگ الليالي بيو ســـالت دمعتـــي
إنا بت حيدر غريبة والله صعبه قصتــــي

بلوه من بعده نولينه .. خاف ما يدري نسبينه
وينه عباس كفيلي وينه عباس
.................

خادم أهل البيت ( ع )
✍#حسين_الفيصلي

5,413

قناة الشاعر حسين ألفيصلي

18 Jul, 11:55

كسرة جنح طير .. كاسرني فگدك تدري
شيخلص الليل .. و دموعي عالخد تجري

أنتظرك وعيني أعلى بابي
ويامن أبعثلك كتابي

شيخلص الليل
..............

حنيتلك و شتاگيت .. ترجع واشوفك ياريت
ادعيلك شما صليت .. ترد بالسلامة

من فدوه الك كل عمري .. مات بغيابك صبري
مشتاگه اشوفك تدري .. يا ليل انامه

مشتاگه اشوف عيونك
ما ادري هسه شلونك
ياللونك بلون الصبح
من فدوه أروح اللونك

ادعي الله كل يوم .. حقق يربي أمنيتي
رجعلي الراح .. خاطر ترد عافيتي

ما ضل دمع من گد عتابي
ويامن أبعثلك كتابي

شيخلص الليل
..............

يا يوسفي غيابك طال .. من بعدك اني بيا حال
ماكوا خبر لا مرسال .. يهيدلي نوحي

عيوني انعمت بدروبك .. مو طفله چن يعگوبك
تدري من اشمن ثوبك .. ترجعلي روحي

يا روحي انت ودنياي
مشتاگه الك تدري هواي
تدري تره يموت الورد
من ینگطع عنه الماي

صارت بلياك .. هندس ظلام أيامي
لو ما تمر طيف .. گلي شتفيد أحلامي

اليوم بتدت قصة عذابي
ويامن أبعثلك كتابي

شيخلص الليل
..............

بكل صباح وكل ليل .. انتظرك ودمعي يسيل
من البچي ما ضل حيل .. بعدك عليله

حنيت الك يا رجواي .. مشتاگه تدريني هواي
أسأل الرايح والجاي .. المدمع اسيله

يا حالي بالفرگه شلون
الدمع ما خله عيون
ذكراك بالبال تعيش
ابالي چنك مدفون

مطبوعة عالبال .. گعداتي ذيچ وياكم
اعزاز أنتم اعزاز .. للموت ما انساكم

بگد الزمن واكبر مصابي
ويامن أبعثلك كتابي

شيخلص الليل
..............

صفنه أعلى صفنه ودمعات .. اگضيها حسره ولچمات
انسى الاحبهم هيهات .. ثق يا زماني

عبد الله راح وجسام .. و الأكبر الچان احزام
مشبوحه عيني و متنام .. ضليت اتاني

انا الرقية اشتاگيت
و لسكينه كلش حنيت
نگعد نفس گعدت قبل
هل ليلة نگعد يا ريت

باللسان الحسين .. شمحلاها كلمة بابا
الفارگ أحباب .. لا ما يطيب صوابه

ما چانت الفرگه بحسابي
ويامن أبعثلك كتابي

شيخلص الليل
..............

ياهل الضعن يالماشين .. وين بسفركم ناوين
شگد حشمت بويه حسين .. خلف الضعينه

عفتوني وحدي بهل دار .. گلبي بجفاكم محتار
منتظره منكم أخبار .. روحي الحنينه

اجروح البگلبي هواي
مثل الغريبة بدنياي
عيوني من گد البچي
ما ضل بعد بيهن ماي

شيطيب الاجروح .. وانت الدوه وعايفني
تدريني ما اعيش .. لو لحظة تبعد عني

تلفتت ماهم احبابي
ويامن أبعثلك كتابي

شيخلص الليل
..............

خادم أهل البيت ( ع )
✍#حسين_الفيصلي

4,729

قناة الشاعر حسين ألفيصلي

18 Jul, 11:50

يالكافل عندي وصيه
خليني وياك احچيها
لا تترك زينب لحظة
دوم بعينك خليها

صير .. فوگ أختك خيمه
صير .. من تعطش غيمه
صير .. ماي بكل هيمه

نهر نهر
...............

أنت تكفلت يبني وصرت كافل خدرها
لو رادت نهر لمحة بصر تلگا حدرها
گلها ادللي يا بت علي ونفذ أمرها
هاي أم الخدر عمرك نذر قدمه لعمرها

موت .. بس لا تتعذر
موت .. لعيون الخدر
موت .. عالگاع اطشر

نهر نهر
...............

لو حان السفر يبني الگمر صير أنت راية
ما أريد بدرب عين الغرب تلمح عبايه
الشط بجربتك لو نادتك جيب الها مايه
ودي للخيم روي الحرم ذيچ الضمايه

جاي .. راية أعلى زنودك
جاي .. و موفي وعودك
جاي .. و الماي بجودك

نهر نهر
...............

يبني من المهد هذا الوعد الزينب نذرتك
من يوم الصرت يمه اعرفت تتكفل اختك
مواعدها وگلت حتلو متت توفي بكلمتك
اروي الطف دمه بالملحمه من دم رگبتك

طيح .. يالي مواعدها
طيح .. غيرك ما عدها
طيح .. ماي بخيمتها

نهر نهر
...............

بچفوفك علم كافل خيم هاي لحبيبه
لا تترك ابد يوم الوعد زينب غريبه
عن بت فاطمة كون الضمه تبرد لهيبه
شما رادت أمر لا تعتذر وبسرعة جيبه

كون .. چفوفك تنطيها
كون .. عينك تفديها
كون .. زينب ترويها

نهر نهر
...............

وفي بكلمتك شد غيرتك لو گطعوا ايدك
خط أعلى النهر قصة فخر عباس اريدك
أكتب بالسهم حبر القلم من دم وريدك
عالشاطي انذبح راس برمح صير العضيدك

هيچ .. وديلي علومك
هيچ .. خلي اسمع يومك
هيچ .. وتسيل دمومك

نهر نهر
...............

خادم أهل البيت ( ع )
✍#حسين_الفيصلي

3,833

قناة الشاعر حسين ألفيصلي

18 Jul, 11:45

يضل عالي ندائي ... حسيني انا انتمائي
اخدمـــــك للمنيه ... أخذ عهدي و ولائي
حسين .. حسين
.....................

گلبي عاشگ هل مجالس روحي هامت باللطم
حسين وفقني الخدمتك منها ماريد انحــــــرم
قوي حيلي بهل خدامه الطم انطيني العــــــزم
اني كل همي عزائك بغيره ما افكر وأهـــــــــم

عفت كلشي و اجيتك .. ترى بروحي شتريتك
أحـــــس ساكن دليلي .. عيوني و گلبي بيتك
حسين .. حسين
.....................

أنت يحسين بحياتي زادي صاير و الهـــــوه
ادري لو عفتت المجالس انا والميت ســــوه
هيچ عالفطره و هويت وگلبي عاشگ نينوه
اني لو مرتني عله بكربلاء الگــــــــــه الدوه

اجيتـــك معتنيلك .. من همومي اشتكيلك
أحس اذتني دنياي .. يبو الأكبــــــر دخيلك
حسين .. حسين
.....................

يالحظرتك رحمة الله يعجز وياك الوصــــــف
ضايع بحبك تراني و مالي بالوادم عــــــــرف
غارگ بهمي واجيتك وادري بيك أنت الجرف
إسمك حسين شحلاته وكلشي بعدك ينحذف

همت بربع حروفك .. اموت انا من اعوفـــك
ولا غيرك حلالــــي .. فقط بس انت اشوفك
حسين .. حسين
.....................

انا من يوم العرفتك صرت أحس براسي حظ
صاحب الصاحب لگيتك انت مو مثل البعض
يالي ساكن نص دليلي إسمك يدگ‌ بالنبـــــض
گلبي عنك مـــــــــن سألته رادك وغيرك رفض

يحبك كـــــل كياني .. الدمع للطف خذاني
متت من أجلي أنت .. متت لأجلك عساني
حسين .. حسين
.....................

حسين يا أكبر سفينــــــه و النجاة من الغرق
من صدگ تدريني أحبك مو حبر فوگ الورق
يا حسين انت اليعوفك ماشي صوب المنزلق
نگول هنياله النشوفه بمجلسك دمعـــة نرزق

صدگ كون اليخدمك .. يون لو جابوا إسمك
يصفي النيـــــه وياك .. وابد لا ما يلچمـــــك
حسين .. حسين
.....................

خادم أهل البيت ( ع )
✍#حسين_الفيصلي

3,815

قناة الشاعر حسين ألفيصلي

18 Jul, 11:40

خدمتك نوماسي .. بيك اشيلن راسي
روحي الك منذوره .. يا أعز كل ناسي

أبا عبدالله حسين .. أبا عبدالله حسين
...............

انت يحسين بحياتي أحلى كلمه
رزق من الله خدمتك هايه نعمه
عيوني ريت الما بچتلك كون تعمه
ارتاح يا عطر المجالس من اشمه

عمري الك يحسيني .. انت دمعة عيني
كلشي بيه يريدك .. خادمك تدريني

أبا عبدالله حسين .. أبا عبدالله حسين
...............

فتحت عيني ولگيتك رحمة الله
يا غلاتك عندي ياهو المنك اغله
الثوب الأسود لو اموتن ما ابدله
حسين بس انت الوحيد الماكو مثله

ساكن بوجداني .. يا نبض شرياني
بروحي وحدك عايش .. ماكوا واحد ثاني

أبا عبدالله حسين .. أبا عبدالله حسين
...............

انا يحسين المجالس بيها هايم
يا حلات الناس من تگلي خادم
تمسكت بالمنبر وضليت لازم
أهلي نذروني الخدمتك والمئاتم

بدمعي ويا أحبابك .. الطم أعلى مصابك
يالي ميت ضامي .. مسلبات ثيابك

أبا عبدالله حسين .. أبا عبدالله حسين
...............

يل معيشني بخدمتك خيرك هواي
انا لو ما هل خدامه شتسوه دنياي
من يسألوني انا اگول حسين مولاي
ياعمت عيني انت ضامي وما ضگت ماي

مفطرات شفافك .. مغيرات اوصافك
ريت تعمه عيونه .. يا حسين العافك

أبا عبدالله حسين .. أبا عبدالله حسين
...............

انا لو ما هل مجالس شنهو نفعي
كون مو لجلك عليمن يجري دمعي
لا متت عطشان لا مگطوع اصبعي
الواجب الطملك لحد ما اكسره ضلعي

انا شمسويلك .. عود بس ابچيلك
مقصر انا هوايه .. يا حسين ادخيلك

أبا عبدالله حسين .. أبا عبدالله حسين
...............

خادم أهل البيت ( ع )
✍#حسين_الفيصلي

3,900

قناة الشاعر حسين ألفيصلي

18 Jul, 11:37

راجع للخيام ... بصدرك شنو شضام

شفتك جرح شايل جرح
عبدالله بس لا منذبـــح

حاچني يحسين
.................

يحسين بچفوفك دمه عبدالله گلي شلونــه
حاچيني شو مابي نفس شو ما يفك عيونه
چان أحمر بلون الورد شنهو المغير لونــــــه
شمسوي خاطر ينذبح واميه ما يطونـــــــه

راجع تون حيل ... ودموعك تسيل

دم نحره شو ما ينمسح
عبدالله بس لا منذبح

حاچني يحسين
.................

يا خويه راجع للخيم خانگتك انت العبـــــــره
سولفلي يحسين الحصل مشيه عليك الزهره
شفتك على ابنك منحني مغطي بعباتك نحره
گاصد اجيت الخيمتي خايف على امه تنظره

ضل بالي محتار ... گلبي شتعل نار

بضلوعي أحس نابت رمح
عبدالله بس لا منذبــــــح

حاچني يحسين
.................

خليني اشم نحره واون خليني أشد جروحـــه
بچفوفي أحس عن منحره دم رگبته المذبوحه
من نحره أجر بيدي السهم هذا المطلع روحــه
عبدالله الفه بشيلتي خاف التراب يلوحـــــــه

تراب الگبر حار ... متحمله الازغار

خوفي على وجهه السمح
عبدالله بس لا منذبــــــح

حاچني يحسين
.................

ريت الله ياخذ حرمله الگاطع وريدك سهمه
ذبلان يالخدك ورد ذاك الگبل نشتمـــــــــه
ذبحوك بس ما فكرو من الله كلش زحمــــه
نعمة انت بالطف و الكفر ما قدرو هل نعمه

شنو الذنب چان ... تموت انت عطشان

يالوجهك بلون الصبح
عبدالله بس لا منذبح

حاچني يحسين
.................

ماكوا أعلى گد طولك نعش عبدالله بعد عيوني
تمنيت گبلك انذبــــــــح يالغالي و يدفنونــــــي
من أيدي رايح يالچنت شايلتك أعلى امتونــــي
رحت و عفت بس الدمع دم يجري فوگ جفوني

أصرخ حرامات ... عطر الورد مات

مدلول يالشعرك سرح
عبدالله بس لا منذبح

حاچني يحسين
.................

خادم أهل البيت( ع )
✍#حسين_الفيصلي

3,974

قناة الشاعر حسين ألفيصلي

18 Jul, 11:31

شتسوه حياتي بدونك .. فدوه رحت العيونــك
يحسين أريد بكل عام .. تحزمني للخدمة حزام

خادم و أظل ممنونك
...........................

يحسين انا بخدمتك شما اتعب أشــــعر مرتاح
برأسه حظ الصاحبك واليمشي وي غيرك طاح
الطير من يهوه السمه شيوصله من غير جنـاح
الجنــــــة مقفوله بقفل يحسين وأنت المفتاح

مرتاح كلمـــن حباك .. للنــــار يمشـــــــــي العاداك
الجنة يدخلها منين .. الما لطم صدره اعله حسين

خادم و أظل ممنونك
...........................

يحسين مثلك وين اكوا بس أنت تارس عيني
يا أبو الأكبر مـــــن زغـــــر وياك جبت سنيني
لو يوم ما تلطم الك من زنودي اذب چفينـــي
ضايـــــع و اجيتك عالدرب بس انت الادليني

مغمض وجيتك مولاي .. من إيدك الايدك هاي
مدلي ايـــــدك اترجاك .. ما اسوه كلشي بلياك

خادم و أظل ممنونك
...........................

مولاي ارزقني الجزع و نطيني دمعة وحرگه
يحسين عنك لو رحت مثلك بعد وين الگـــه
سبحان رب الصورك وأحد وكلها تعشگــــــه
لا والله ما يلام أبد من يجن عابس حگــــه

بالحومه شگ هدومه .. جننته ياهو يلومـــــــه
يحسين عندك أنصار .. العاقل مثل عابس صار

خادم و أظل ممنونك
...........................

بعيوني ما شفتك لچن حبيتك أعلى الفطره
مبخوت خادم منبرك ويصير حظه شكبـــره
مهيوب وتحبه البشر الرافگك يبن الزهــــره
بيك التمسك ما خسر للسمه توصل قـــدره

يابو رقية الخدمـــة .. من الله أكبر نعمــــة
مذبوح لكن كل هاي .. عطشان وتوزع ماي

خادم و أظل ممنونك
...........................

الرادونه عنك نبتعد هل كلمة بين القوسين
احچيها للكل بالعلن ذوله صدگ متوهمين
عوفونــه بجنون العشگ نعرفها ونميز زين
شيسوي بالجنة بعد يا عالم العنده حسين

بخدمتك يابو الأحرار .. تأمرنه و نگلك صــار
جربنه وكت الصعبات .. نترك خدمتك هيهات

خادم و أظل ممنونك
...........................

خادم أهل البيت ( ع )
✍#حسين_الفيصلي

3,693

قناة الشاعر حسين ألفيصلي

21 Apr, 01:08

اشْدُدْ حَيَازِيمَكَ لِلْمَوْتِ فَإِنَّ الْمَوْتَ لَاقِيكَ
وَ لَا تَجْزَعْ مِنَ الْمَوْتِ إِذَا حَلَّ بِوَادِيك‏
السلام عليك يا امير المؤمنين ع

4,380

قناة الشاعر حسين ألفيصلي

20 Apr, 17:49

رتفع صوت اليتامه
يحيدر بالسلامة

حيل أثر عليهم هذا الغياب
بحزن يالمرتضى وگفو على الباب

يحيدر بالسلامة
.....................

ابابك كل يتيم بصدره ونه
اذا ترحل يحيدر ياهو النه
انهض يا علي ونضر دمعنه
اجينه لشوفتك لمن سمعنه

گالوا حيدر أعلى الهامه منصاب
بحزن يالمرتضى وگفو على الباب

يحيدر بالسلامة
.....................

الك فدوه العمر يا حيدر يروح
مو بيك وعساهن بينه الجروح
تركت شچم گلب بفراگك ينوح
اليتامه تصيح ارجع بويه لتروح

رايح يا علي ويطول الغياب
بحزن يالمرتضى وگفو على الباب

يحيدر بالسلامة
......................

ارجع يا علي يا بويه لتغيب
نداوي جروح رأسك بلكت اطيب
بدمك ليش شفنه مخضب الشيب
مثل عطفك بعد هل دنيه متجيب

مثلك لليتامه منين ينجاب
بحزن يالمرتضى وگفو على الباب

يحيدر بالسلامة
.....................

إذا رايح يحيدر وين نلگاك
اجينه وبالدمع نتوادع وياك
فراگك مو سهل هيهات ننساك
اجينه بصوت نصرخ الله وياك

عجيبه القلع خيبر طمه التراب
بحزن يالمرتضى وگفو على الباب

يحيدر بالسلامة
.....................

يتامه شگد يحيدر هل اجت ليك
ولو جرح البراسك حيل ماذيك
رايح ما ترد يا وسفه ندريك
بدمعنه الليلة اجينه نقبل ايديك

بوجوه اليتامه مبين عتاب
بحزن يالمرتضى وگفو على الباب

يحيدر بالسلامة
.....................

حسين ألفيصلي

4,561