🔴لازم تفحص لانو في الغالب دي ما ملاريا ...
🔴اعراض حمى الضنك فيها حمى شديدة والم عضلاات كذلك وصداع شديد والم مفاصل يعني بتشبه الملاريا
🔴ف انت لازم تفحص..تفحص حمى الضنك وتفحص الملاريا
🔴حمى الضنك ماعندها علاج... بتاخد دربات سوائل..ولو ما اتوفرت ليك.. أشرب سوائل عصائر يعني...واستخدم مكمدات باردة...واستخدم درب بندول او ابلع حبوب بندول ك مسكن
🔴ما ضروري اي زول جاتو حمى الضنك لازم ينزف..
📌سموها نزفية لانو في مرحلة ما ودي اخطر مرحلة انت هنا ممكن تنزف ب الانف ووتتعرض لي طفح جلدي وكده
🔴بس برضو بتتعالج يعني متى ما لقيت رعاية صحية مناسبة
🔴شرب السوائل..مهم..سوائل دي يعني عصائر..ليمون الخ... طبعا ده في حالات مالقيت دربات يعني مع انقطاعها اليومين ديل
📌اكرر اياك تبلع علاج ملاريا من غير فحص لانو الملاريا بفحصوها ما بحسوها..وعشان العلاج ما يمشي يتلف لما تحتاج ليهو لي قدام وما ينفع لانك استخدمتو ساي
🔴ابعد من الاسبرين والبروفين..الا ب استشارة طبيبك... ولو انت اساسا بتستخدم اسبرين لمرض ما..زي ناس مشاكل القلب وبتعاني من حمى الضنك..برضو ماتوقف ساي مالم تستشير طبيبك الخاص
🔴ابلع بندول واشرب عصائر...ولو لقيت دربات ملح او جلكوز او رنجر استخدمها..وكذلك درب بندول لتخفيف الحمى لانو حمتها عالية
🟢ربنا يحفظك ويغطي عليك...عشان بنحبك بنكرر ليك الكلام
Alshreef Alfadol Adam
مصادر:
📌 Dengue and severe dengue (who.int)
📌https://www.afro.who.int/health-topics/dengue
📌• Malaria (who.int)
• 📌https://www.afro.who.int/health-topics/malaria
📌• Dengue fever explained: from disease spread to prevention | News | Wellcome
• https://www.who.int/emergencies/disease-outbreak-news/item/2023-DON498
• Setting Dengue Fever Epidemic Thresholds Between 2016 and 2021 in the Central Health Region,
Burkina Faso: An Ecological Study