قصائد نسائية حسينية 🧕

#ياموسى_ابن_جعفر ع

ابوذيه

اجــروح الـســاگ تـنـزف دمـه.. وَدّيت
ابـسـجـنـك والـرسـالـه صـنـت.. وَدّيت
يبن جـعـفـر علي ابـن اسـوَيَـد.. وَدّيت

وبـَـلّــغ شـيــعـتـك يـــــوم الــــرزيــــه

                     *---------------*---------------*

خادم موسى ابن جعفر ع
✍الشاعر رعد الجريخي

#ويلي_على_المسموم



.                ويلي على المسموم
                ويلي على المسموم

                    *---------------*---------------*

               ويــن الـيــروح ويگطع البيد
               يطـوي الفيافي ودرب البعيد
               يحشم هلـه وگومه الأجاويد
               يگلهم طــريح الكاظم وحيد

                    *---------------*---------------*

               بلچن فــرد فــزعــه يفزعـون
               ويمه الأهل كلهم يـحـضـرون
               هــذا الــعــلــيــه اتهل العيون
               وذاك اليشيله فوگ المــتــون

                  *---------------*---------------*

               اليمه عويل النعش يـنــهــاب
               عازتها عـازه دمــوع الأحباب
               ننصب عزانه بهذا المــصــاب
               لــمــن يــجــي لـلـثــار طلاب

                   *---------------*---------------*

               لــيــش الــجــنــازه محد الها
               بس اربعه تــولــوا حــمــلـهـا
               تــنــظــر عـلـيـهـا الناس كلها
               فـوگ الجـسـر محد وصـلـهـا

                   *---------------*---------------*

               عند الـعــرب والـگــوم عــاده
               توگـف على الــمــيــت أولاده
               وكل الــســلــف يعلن حـداده
               وتــحــضــر هلـه بهمه وأراده

                   *---------------*---------------*

               ضـجـه تصير الــعــربــان لمه
               كبـار الــعــشــيــره تنوح يمه
               وتهتف عمامــه المات بأسمه
الشيل الـجــنــازه تصير همه

                  *---------------*---------------*

✍️خادم الحسين ع
الشاعر رعد الچريخي

ابو ذيات للإمام الكاظم //ع//
على لسان الزهراء //ع//


أنــه الـزهره وزمــاني ويــاي  .. عاده
وصفتلي اويه الحزن والنوح ..  عاده
فــگــد مــوسـى عليــه الباب .. عاده

لــچــم ضلعي وســرت نيران بــيــه

                    *---------------*----------------*

بقضاء الـبــاري اسلّم  دوم ..  ورضه
وبچه الحالي سمه المعبود ..  ورضه
الــربط سـاگ الغريب بگيد ..  ورضه

عــاد امصيبة المــحــسـن عــلــيــه

                    *---------------*----------------*

اشوكت تظهر يمهدي امك ..  يسرها
روحــي الــفــرح ما لحظه ..  يسرها
الــرصــافـــه يجرح بگلبي ..  يسرها

العلّي خلوا نــعــش موسى رمــيــه

                    *---------------*----------------*

✍ خادم موسى ابن جعفر ع
     الشاعر رعد الچريخي

#ياموسى_ابن_جعفر ع

(يا باب الحوائج)


فـوك الـجـسـر يـاشيـعـه    مـحـد حـضـر تـشـييـعه
الكاظم وحيده اجنازته    مـاكـو عـشـيـره الشالتــه

.               .              *---------------*---------------*

مــاكـو أهــل يـمـه وأجـت تشيله
بـيـن الـعـده ومـحـد رفــع عويله
فـوگ الـغـرب والـسـم مــرد دليله
يحجي الحزن عن قصّته الطويله

      هـاي الـسـنـن والـعـاده  
      الـمـيـت تـشيـله أولاده
      ضـل الغـريب بحسرتـه

.               .              *---------------*---------------*

نـعـشـه بـقـه بـغـربـه وثكل حديده
ياهـو اليـشـيـلـه وكـل هـلـه بـعيده
مرضوضه ساگه وجامعه اعله أيده
هذا الورث سجدت علي الصـمـيـده

       يـبـچـي الحديـد الحاله
       والــسـم مـــــرد دلالـــه
       بسجنه النواصب سمّته

.               .              *---------------*---------------*

الميت تجي وتحضر أله الـعـشـيـره
وفوگ الچتف يحله النـعش مسيره
وجنازة الكاظم بقت صعبه وچبيره
يضج بالعويل الحالته لبگلبه غـيـره

        بساگه الحديد وبيده
        أهله وعمامه أبعـيـده
        تدمي النواضر قصته

.               .              *---------------*---------------*

ساگه وصـل گيد العده العـظـمـهـه
الكاظم صـبر وشگد مـحـن کظمهه
أتگطع الگلب قصته وجرح هظمهه
صـبّـت عـلـيـه اهـل الحـقـد ظلمهه

         تجري الغيور عيونه
         بس اربعه أيحملونه
         بحزانه مات وغربته

.               .              *---------------*---------------*

مـات بسجن بين العده ضـحـيـه
وذاك الوكت مـحـد نـصـب عزيه
يـم الجـسـر ضـل النـعـش رميـه
فجعت تـره أمـلاك الـسمه الرزيه

       الليله فاضت روحــــه
       مات وبعدهه اجروحه
       حـيـل الـسـلاسـل أذته

.               .              *---------------*---------------*

أتحمله بس هل أربعه عجيبه
وين الرضا يحظر الـه بنحيبه
ليش الجنازه أبلا اهل غـريبه
ماكو بجي وواحد رفع نحيبه

      وحده وبعيده أدياره
      وين اليوصل أخباره
      هيچ المصايب خلته

.               .              *---------------*---------------*

✍ خادم موسى بن جعفر ع
الشاعر رعد الجريخي

على لحن يخيمات //ع


يمسموم چــبــدك لـيــش يتگطع يمسموم
وانــت الــوحــدك يــالــوالــي مــهــضــوم
والله لــشــيــعــتــك زيـّـــــدت الــهــمــوم

                   *--------------*---------------*

ابچي لمصابك بالحزن وفيض الدمع تجاره
بطاموره ظلمه تعذبت ليلك مــثــل نــهـاره
تتنطر لمــوتـك يــجــي ويــن اهلك الغياره
صعبه اليموت بغربتـه ومــحــد يمر ديــاره

    العتاب شيفيد الـزمان اوْيــاه العتاب
    خــلاك بــحــزن عينك عــلــى الـبـاب
    اهلك مــا تــجــيــك وكــلــهــه غياب

                   *--------------*---------------*

چبدك تگطع سيدي بسجن العده وضلامه
اليحتضر باخر نفس تحضر هــله وعمامه
هــــذا الينوح بفرگته وذاك بــدمــع كلامه
وانت الوحيد بغربته صــار الصبر وسـامه

  يگولون غريب الوادم وتصعب يگولون
  بــحــضــان الاجــل وتْــديــر العــيــون
  چــانــت مُــنـْـيــتَــك اهلك يحضــرون

                   *--------------*---------------*

بحزنك بقيت ومحتسب وهضم الزمن رهنته
يالعاشرت سجن الظــلـم واتحملت غـربــتـه
گــيـد الحديد الگيدك باصعب وضـع حملتـه
القــدوه صـرت الشيعيتك والهالدرب رسمته

    يعاديك ليش الظالم بحقده يعاديك
    والسجن السجن ظــلـمــاً يـــوديــك
    يــعــرف هــيــبــتــك واكثر يـأذيـك

                   *--------------*---------------*

اليقترب منه الاجــل عطف الـولـد يريــده                  
ابنه اليغمضله الجفن ويوسده اعله ايــده
شحال القيود الأذته وينظر بقه الحديــده
ياهو اليخفف لوعته وعنه الاهــل بعيــده

   بالدموع اليمه احباب يتغسل بالدموع
   واتــشــيــعــه الغــوالــي ابين الجموع
   وبليلة وحـشــتــه تــشــعــل شــمــوع

                   *--------------*---------------*

نعشك وسف يين النبي محد اجـه ويشيله
وين الصميده ويحضرك دمع الجفن يسيله
خلصت حياتك بالسجن صــبرك منو مثيله
حزنك كظمته بداخلك مــاكــو ابــد وسيله

    يمولاي نارك هـــاي مـــا تطفه يمولاي
    لـــهـــبـــت بالكلب ومعاشره احــشاي
    لمصابـك امـــوت وتجري عـــيـــنـــاي

                   *--------------*---------------*

الليلة مفجوع الفلك بأصعب واشد رزيه
نعزي طه وحيدره وننعه النعي الـــزجيه
بثقل الحديد اتشيعت وانت اكـرم البريه
ضلت دموع الرافضه فوك الجفن جــريه

   علامات تركت بالوجه والخد علامات
   شيعوك الـــغـــرب مـــو مثل الاموات
   شـــيــرد الــزمــان ويــرجــع الــفــات

                   *--------------*---------------*

✍ خادم موسى ابن جعفر ع
    الشاعر رعد الجريخي

مولاي باب الحوائج
نعي مفجع

ضـل بحديده ليش النعش ضـل بحديده
وهـلـه بعيده الكاظم كضه وهـلـه بعيده
ويسبّل ايـده مـحـد وصل ويسبل ايـده
الحاله الشديده هايه تره الحاله الشديده

كلفه وچبيره بـيـن الغرب كلفه وچبيره
ويـن العشيـره تتعنه الـه ويـن العشيـره
هالحاله حيره ما تنوصف هالحاله حيره
يكطعله ديـره ريت الرضا يگطعله ديره

*------------------------*-----------------*

خادم موسى ابن جعفر ع
✍الشاعر رعد الجريخي

يـجـري لـلـكـاظـم يـضـل دمـع ألـعـيـون
خلصت اسنينه بـظـلـم بـيـن الـسـجـون

*--------------------------*--------------------*

امـصابـه خـلـه اعـيـونـه اتـهـل ابـدمـه
خلصت اسنينـه بـسـجـون الـمـظـلـمـه
انعَزي جده المصطفى وحامي الـحـمـه

غـفـت عـينـه الـيـوم بحضان الـمَـنـون

*----------------------*--------------------*

اتـحـده هـارون بـصـمـوده وسـجـدتـه
وقـدوه للأجــيـــال صــارت ثــورتـــه
عـالــعــهـــد ويـاه ضـلـت شــيـعــتــه

كـل سـنــه ابـاب الـمــراد ايـجـددون

*----------------------*------------------*

رغــم انــف الـمــارضـوا والــحـاقـده
صـار قـبلـه الـنـاس تـگـصـد مـرقـده
لـلـغــريــب ارواح نـنـطـيـهــه فـــده

وصارت بأسمـه الخدم يـتـفـاخـرون

*----------------------*--------------------*

نـعـتـنـي ودمـوعـنــه تـرخـص ألـه
والـعـويــل الـيـوم لـلـكـاظـم حِـلـه
ذكـرانـــه بـيــوم عــاشــر كــربـلــه

اجنازه وعليهه الخلگ يـتـنـاشـدون

*----------------------*-------------------*

أه  واويـلاه ســاگــه امــرضــرضـه
وشيّعوه اجنـاب ويلي ابـو الـرضـه
ويـن ذاك الـيــوم هــاي الـرافـضــه

عـنـه مـاحـضـرو واجوه ايـشـيّـعـون

*-----------------------*---------------------*

خادم موسى ابن جعفر ع
✍الشاعر رعد الجريخي

امــگـيــد والـجــدم گـوه .. تجاره
ودمـع الـجـفـن لمصابـك  .. تجاره
المناحه اعليك يالكاظـم  .. تجاره

وتبيّض الـوجـه گـدام الـزچـيـه

*----------------------*----------------*

خادم موسى ابن جعفر ع
✍الشاعر رعد الجريخي

ابوذيات

ثجيله اهمومي يـمـك جيت  .. عناي
وخـلــه الـمـارضـه شـيـگـول  .. عناي
أنــه الــغــيـرك ابــد مـا روح  .. عناي

اريـدن حاجـتـي اتـحـطـهـه إبـإديــه

*--------------------*--------------------*

اعـتـنـيـلـك لو زحف مـولاي  .. وصلك
يـَمـن ذاتـك حـلـيـف الـكـرم  .. وصلك
اذا فـد يــوم عـنـي انـگـطـع  .. وصلك

الـمـوت اهـون يـبـن جـعـفــر عـلـيـه

*------------------------*-------------------*


عليك الدمع ضــل يجري.. من انهار
يـمـن مــا تــعــرف بليلك.. من انهار
مصابك صــبــري أحسنه.. منه انهار

أشجنيت وعالجسر تـبـقــى رمــيــه

*-----------------*-----------------*

✍خادم موسى ابن جعفر ع
الشاعر رعد الجريخي

صرختنه بأسم ابو الرضا     وويلاه يالكاظم
بالنعش ساگه مرضرضه     وويلاه يالكاظم

                  *---------------*----------------*

محد اجاه وشيعــــــــــه     وويلاه يالكاظم
ولا ناعي يـم جسمه نعه     وويلاه يالكاظم
هاليوم يـوم الفاجعــــــه     وويلاه يالكاظم
بـَـچّــه السماء السابعــــه     وويلاه يالكاظم

انــصــيــح رغم المارضه     وويلاه يالكاظم

                  *---------------*----------------*

يا قصه تشبه قصـتــــه     وويلاه يالكاظم
بسَم الاعادي وغـربـتــه     وويلاه يالكاظم
والجسـر شــال اجنازتـه     وويلاه يالكاظم
شيعو النعش يـا شيعتـه     وويلاه يالكاظم

بَچّه الارض واهل الفضه     وويلاه يالكاظم

                  *---------------*----------------*

مات بغربته وحـــــده     وويلاه يالكاظم
صــوت العزاء نــردده     وويلاه يالكاظم
چبده السموم تـمــرده     وويلاه يالكاظم
بين العصابه الحاقـده     وويلاه يالكاظم

ما چنه جده المرتضى     وويلاه يالكاظم

                  *---------------*----------------*

يومه يشابه كـربـلــــه     وويلاه يالكاظم
جثته بحديد مسلسله     وويلاه يالكاظم
يالشيعي حاله اتخيلـه     وويلاه يالكاظم
لا يمه ناسه ولا هــلــه     وويلاه يالكاظم

وسم الاعادي بي مضه     وويلاه يالكاظم

                  *---------------*----------------*

النعش عالجسر انـرمـه     وويلاه يالكاظم
ساكه بحديد مهشمـــه     وويلاه يالكاظم
بحقد الطغات الظالـمـه     وويلاه يالكاظم
انعزي جده وفــاطمـــه     وويلاه يالكاظم

نصبت عزيه الـرافضــه     وويلاه يالكاظم

                  *---------------*----------------*

انـواره غابت والضـوه      وويلاه يالكاظم
لمصابه خل نلطم سوه     وويلاه يالكاظم
السمّه مـا فــاد الـــدوه     وويلاه يالكاظم
وبسجنه حرموه الهـوه     وويلاه يالكاظم

بدمعه هنياله الحــضـه     وويلاه يالكاظم

                  *---------------*----------------*

✍ خادم موسى ابن جعفر ع
     الشاعر رعد الچريخي

أنا الوالدة والگلب لهفان
ودور عزا زينب وين ماچان
هاي أخت الذبيح المات عطشان
الضل عالرمله وهدومه سليبة
ويلاه يزينب.... آحاه يزينب

ماتت بالغرب مو يم أهلها
وماشال النعش چف الكفلها
ولا ضل عدها أبن دمعه يهلها
عمت عيني مصيبتها مصيبة
ويلاه يزينب .... آحا يزينب

شافت طـف أهلها ونايباته
وشبعت ضيم من شام الشماته
كون يشوفها الدلل خواته
فوگ الهظم سموها الغريبة
ويلاه يزينب.... آحاه يزينب

هم مثل أمها هم ماتت نحيله
صيحو وياي يايمه العقيله
وين ألي يشاركني بعويله
ويشاركني بدمعته وبنحيبة
ويلاه يزينب ...... آحاه يزينب

صيحو وياي ها يم عون يمه
كون اليلطم ألها بحرگه لطمه
هظمه موتتچ بالشام هظمه
وين ألما يبطل من ثغيبة
ويلاه يزينب.... آحاه يزينب

وين ألما برد والحار دمه
وين اليطر زيجه وصدگ زلمه
وي السجاد صيحو بصوت عمه
يهل وادم نهيبتنه نهيبة
ويلاه يزينب ..... آحاه يزينب


✍🏻حسين حمدان الدلفي

خويه حسين ولونه
لحگ يبن امي اجونه
اگبالك  فدرهدونه  ...  وشيهود المصيبه

وين اشبول اهلنه
ويالخيمه اشتعلنه
وطاح اليفزع النه ...   وكافلنه اشيجيبه

اركض بس منيه
ونار امجلبه بيه
ومحترگات اديه ...  وصاحولي الغريبه

ماتفزع هلي  ،،،،، اتفرهدنه وعلي
ياخويه يحسين
،،،،،،،،،،،،،،،،،،،،،،،،،،،،،،،
خويه حسين احشمك
گوم  ابداعت  امك
يل عالغبره جسمك ... خويه امفرهدينه

ابنيتك  طلعوها
وزينب عارضوها
وگدامك خذوها   ...  وينك ما تجينه

شيهود  الرزيه
وعلويتك سبيه
وما گالو خطيه  ...  يالروحك حزينه

جسمك منسحگ  ،،،،، وحنه بنص حرگ
ياخويه يحسين
،،،،،،،،،،،،،،،،،،،،،،،،،،،،،،،
جابوها الهزيله
وحبال الثگيله
ومشيتنه طويله  ... بدروب المواجع

حال الحرمه حاله
ابلا رايه وكفاله
والذبحو  دلاله   ...  گلبي الليله طالع

ها يبن امي وينك
شيعوض حنينك
وي خنصر يمينك  ... ضعنك خويه ضايع

ويصيح الشمر ،،،،،  ذيج ام الخدر
ياخويه يحسين
،،،،،،،،،،،،،،،،،،،،،،،،،،،،،،،
زينب انه هايه
وماضلتلي رايه
وطراف العبايه ... ابنار امحرگيها

تسئل عن رقيه
گادوها  سبيه
ولا گالو خطيه ... هيج نسوي بيها

لا ماتطفه ناري
اطلع بالصحاري
وشعرف بالبراري   ... حته انه امشي ليها

يبن امي الغرب ،،،،،، گادونه غصب
ياخويه يحسين
ابوفايز الرافضي

(ياعلي)


وصـاني الـنبـي وگـال     أصــبـر لـو نذل عـال
         
               عـالأذيـه           عـالـرزيـه

                      أصـبـر أصـبـر

                               *---------------*---------------*

     صـابــر وحـافظ وصـيتـي مـن مـحـمـد
     سـمـعوا انـذال الـصحابـه وعـبروا الـحد
     مـارفـعت السيـف لـحـظـه ربـي يـشـهـد
     والله لـو سـلـيت سـيـفـي الـدنـيه تـرتـد

أحَچـي وگـلبـي مجـروح     فـاطـم لازم اتـروح

                               *---------------*---------------*

       بـعـيـني صـديت وأشـاهـد بابـي تـدفـع
       يـجـرح بـگلبـي حـچـيهـم وانـي أسـمـع
       يـاعـلـي صــاحــوا عـلـيـه اطـلـع اطـلـع
       بــايــع الأول خــلـيـفــه حــتـى نــرجـع

أحَـمـل دفـعت الباب     وكشـف زيـف الاصـحـاب

                               *---------------*---------------*

     وصلوا اصحـاب السقيفـه وگـلبـي شيّـب
     بـنـار الاحـقــاد وفــعـلـهـم داري تـلــهــب
     بـضعت الـهـادي نـسـوهـه هـاي الاعـجـب
     والحسن وحسين يـمـهـه وبـنـتـي زيـنـب

وانه بصبري مچتوف     الوصيه مقيده الچفوف

                               *---------------*---------------*

     صـعبـه وگبـالي الـمنافق هيچي يـجسَر
     شـايــل الـنــار ويـصـيّـح ويـنـه حـيـدر
     وآنـه مـاچنـي الصميـده ومـوت الاحـمر
     الـخـاطـر الـديـن ومـحـمـد اصـبـر أكـثر

عـيـني اتشـاهد النـار    وداري اتـحيـط الاشـرار

                               *---------------*---------------*

    الــوصــل داري وأجــاهـه بــيّــه يــدري
    الـهـادي ما اخـلف كـلامـه وثـابت أمـري
    صابـر وعـندي وصيـه ومـحـني ظـهـري
    تـشـبـه بـنـار الــوديــعـة نــاري تـســري

حزني بصدري مرهون     اشكي السيد الكون

                               *---------------*---------------*

      سـاكـت وگـام الـمـنافـق يـمـي يهـتف
      الچـان يسـمـع بالصميده وكـله يرجـف
      عـن نـوايـاه الخـبـيـثـه فـعلـه يكـشـف
      واني مـحكـوم بـوصـيـه وروحي تنزف

اخلـف وعـدي ميـصير       ونطي الفرصه للـغير

                               *---------------*---------------*

✍خـادم الزهراء (ع)
الشاعر رعد الجريخي

نظره مولاتي فاطمه


 
       يزهراء      تـرتـفـع صـرختنه
       يزهراء      خدمـتـچ جمعَتنه

                     *---------------*---------------*

الساوم بضلعچ تره ايعيش ابندامه
حـالـه حـال الخلـه بخدودچ علامه
الله ميسجله بسجل هـاي الخدامه
يخسر الـدنـيـه ويـذل يــوم القيامه

     تشفعين      لـلـتـهـل اعـيـونــه
     تشفعين      لـلـخَـدم مضمونـه

                     *---------------*---------------*

خدمتچ يـــــم الحسن خيمه علينه
واليعوف الصرخه هاي يعوف دينه
والله والله عالـضـلـع مـــا جاملينه
والله يـدري يالزچيه اشـگـد بچينه

      بلدموع      قصّتچ نرويهه
      بلدموع      نــارچ انطفيهه

                     *---------------*---------------*

دمعة عيونه المحب لجلچ يصبهه
انتي ياهي والرجس بالخد ضربهه
شفتي نار الضالمه اليسعر حطبهه
صعبه اگولن فاطمه الكسرو گلبهه

     يگولون      وكّعوا محسنهه
     يگولون      والجروح اذنهه

                     *---------------*---------------*

بـاب دارچ مـحـتـرگ لــمـــن سمعنه
ذاك يــــوم وهذا يــــوم ايهل دمعنه
مجلسچ خيمه وتحت ضله انجمعنه
الـچ فــدوه اصدورنه ومـحـد منعنه

      يضنون      كسرتچ ننساهـه
      يضنون      ننسى بضعة طه

                     *---------------*---------------*

رادو انـعـوفـچ تــره وننسى القضيه
واحـنـه مـنـعـوف اللطم حــد المنيه
عـهـد هــــذا ويـاچ يالـزهـره الزچيه
صرخه وحده اتصيح هاي الرافضيه

     الچفوف      لللطم منـــذوره
     الچفوف      تنگطع معذوره

                     *---------------*---------------*

لوعه الـــــچ بصدورنه ويلهب جمرهه
يالـزچـيـه وهـالـخـدم نـــذرت عمرهه
شــــــرف تبقه الخدمه لليعرف قدرهه
انضمد اضلوعچ نحس ويخف كسرهه

       دعيناچ      فاطمه حضرينه
       دعيناچ      بالخدم سجلينه

                     *---------------*---------------*

      ✍ خادم الحسين ع
الشاعر رعد الچريخي

الچفوف ال لطمن بحرگه.. يسلمان
على الصاحت وگع حملي.. يسلمان
اليسأل عــــــن گبر فاطم.. يَسَل مَن

وخفاه المرتضى حـــامــــي الحميه

               *-------------------*-------------------*

✍ خادم الزهراء ع
     الشاعر رعد الجريخي

(يا يُمه)

يـابـيـت الـيـلـمـنـه بـعـد   يـايـمـه
تـجـري الـمـدامـع للأبـد    يـايـمـه

اسـتـعـجـل الـمـوت ويـاچ  
طـول الـعـمـر مـا نـنـسـاچ

*-----------------------*--------------------*

يجينه الليل واحنـه بـحـسـره وبـدمـعـه
حـلـم يـرجـع ييمـه وصـوتـچ انـسـمـعـه
نـطـب لـلـبـيـت وبـدونـچ بـلا شـمـعــه
نـحـن حـن الـثـكـالـه ونـذكـر الـجَـمـعـه

نـتـنـطـر ومـات الأمـل    بغيابج
والدمعه جرحت للمقل    بغيابج
هـذا الـزمـن مـاخـلاچ

*------------------------*-----------------*

خـليتـي اعـلـه حـياطـن الـغـرف ذكـره
وبـغـيـابـچ تـضـل بـكـل گـلـب كـسـره
مـثـل حـال الطيور التـفـگـد الـشـجـره
بس الـثـوب عـدنـه ونـشـتـم بـعـطـره

بينه الـمـدامـع والحزن     خليتي
والدنيه تـشبـه للسجن     خليتي
نـتـذكـر اسنيـن اربـاچ

*--------------------*-----------------*

التروح امـه يحس بـوحـشـت الـغـربـه
وأشـد كـلـشـي يزهره الينكسـر كـلـبـه
اليالي اتـمـر عـلـيـنـه بـلـيـتـم صـعـبـه
تـضـل عـينـه اليـفـارك لـلـفـجـر تـربـه

حگه ألتسّولف حسرته     بعيونه
والشافه يقـره القصته     بعيونه
اسمچ يـمـرنـه وننعاچ

*----------------------*------------------*

صـعب هذا الجرح ما نـگـدر انـكـتـمه
ولو ابـطيـف مـري وعـطـرچ انـشـمـه
تره المكطوع نـفسـه ايـكيـف بنـسمـه
صعب هيهات نـسـمـع مـنـچ ابـكـلـمـه

عاشرنه بغيابچ سهر     منعوفه
والاسود بطول الدهر   منعوفه
نحيه ونموت بذكراچ

*----------------------*-----------------*

ردنـه ويـاچ يالـبعـضـه الـعـمـر كـلـه
تعوفينه بـعَـجـل بالحسره مو سهلـه
بعد يابـيـت هـذا بـروحـتـچ يـحـلـه
تره الفاگـد عـزيـزه الـدمـعـه تـنـدلـه

مرسومه ضلت صورتچ    يالزهره
كسرتنه صـعـبـه بغيبتچ     يالزهره
هنيالـه مـره الـشـافـاچ

*-------------------------*---------------------*

✍خادم الزهراء ع
الشاعر رعد الجريخي

.         مـا نـجـامـل يالـزچـيـه مـا نـجـامـل
          مـا نـجـامـل يالـزچـيـه مـا نـجـامـل

                    *---------------*---------------*

          مـا نـجـامل لا وحـگ رب الـسـمـه
          نحچي بـمـصـابـچ ابـد يافـاطـمـه
          الله يلعنهه الـعـصـابـه الـمـجـرمـه
          اقـصـد اصحاب السقيفه المظلمه

          تـلـعـنـهـم هـاي اللطامـه

                    *---------------*---------------*

          مـايـهـمـنـه الي رضـه والمـا رضـه
          يالزچيه ايصيح صـوت الرافـضـه
          مـابـرد بـگـلـونـه وجـرحـچ مـضـه
          وسالت الـدمـعـات وي الـمرتـضـى

          والكاسـر ضلعچ منعوفه

                    *---------------*---------------*

          صـوت خـدامـچ يـفـاطـم عَـلّـتــه
          الـكسّـر اضلوعچ وجـوبـاً لـعَـنـتـه
          انـتـانـي لـلـقـائـم يـدگـلـچ لافـتـه
          اويـالـثـارات الــوديــعــه نـدبــتـه

          يظهر ويحاسب مهدينـه

                    *---------------*---------------*

          صَـرخـت الـخِـدام مــا تـبـرد تــره
          نـلـعـن الــعـاداچ دنــيــه و آخــرّه
          نـذكـر الـبـسـمــار والـصـار وجـره
          المـا دره انسمعه يـزهـره الـمـادره

          خـدامـچ تـبـقـه الوفّـايه

                    *---------------*---------------*

          الـمـجـالـس هــاي تـبـقـه شـاهـده
          تـفـضـح افـعـال العصابه والـعِـده
          الـهـجــم لـلـدار وبــنــاره اعــتـده
هذا يـشـطـان السقيفه الـحـاقـده

          ايلعنونه لـو جابوا أسمه

                    *---------------*---------------*

✍خادم الزهراء ع
الشاعر رعد الجريخي
ملاحظه المقاصير
ربّاطات

(يازهراء)


.    .   يــمــــه     مـاتـت احـــلام الــعـمـر
         يــمــــه     وآنـــه بالـبـيت انـتـظــر
         يــمــــه     بـغيبـتـچ اصـعب كـســر

   شـفـتـه بـحـيـاتـي          شـفـتـه بـحـيـاتـي

                                 *---------------*---------------*

چـنـتي رحـمـه    چـنـتـي نـعـمـه    وأحـلـه سـلـوى
وحـشــه لـيلـي    وخاوي حـيلـي    ردي فــــــــدوه
الحجره ظلـمـه    الـدنـيـه ظلـمـه    اشبيهه يـسـوه
آنــــــه زيــنــب    گـلـبــي شـيّـب    يـــمـــه تـــووه

         وحـدي     ودمعت عيونــي تصـب
         وحـدي     آنــــه مـكـسـورت گـلـب
         وحـدي     يـمـه ومـصـابـچ صـعـب

                                 *---------------*---------------*

أغـفـه واگـعــد    عــنــچ أنــشــد    يـــمــه يـــمـــه
گـمـت أحــسّـن    مــن أفـــــــزّن    كـلشـي ظـلـمـه
اشكـد مصايب    عـمـري ذايـــب    هـايــه هـظـمـه
الـدنـيـه ضــده    الـيـبقـه وحـده    مــــن يـرحـمـه

         بــيّــــه     حسره ودمـوعـي تـكـت
         بــيّــــه     تـلـهـب الـنـار وحـــــرت
         بــيّــــه     تــــارك اجــروح الـوكـت

                                 *---------------*---------------*

صـرتـي ذكـرى    وگـلبـي جـمره    صـعـبـه يـطفه
دمعـي يـجـري    وهــذا كـسـري    شـلـون اوصفه
الشيلـه اشـمهه    وابـچي يمـهـه    وعـيـنـي تغفـه
خــيّــم الــهــم    ربــــي يــعـلـم    وارجو عـطـفـه

         صـعـبه     يـاخـذچ مـنـي الاجــــل
         صـعـبه     بـروحـي مـذبوح الامــل
         صـعبـه     الما اضـن صـار وحـصـل

                                 *---------------*---------------*

راح اضــــــلـن    وحـدي احـنـن    واجـري عـبـره
بـسـمـچ اهـتف    گـلـبـي يـنـزف    بـيش اصـبـره
أبـعـيـده عـنـچ    حـلمـي اشـمچ    والله كــســـره
أبـــــلا نـهـايــه    الـغـيـبـه هـايه    وادري مــــــره

         كـلـهــه     صــــارت اسنيني شـمـع
         كــلـهـه     اهـدومي نگـعهه الـدمـع
         كـلــهـه     عــرفـــت بـهـذا الـوضـع

                                 *---------------*---------------*

التـمشـي عـنـه    الچـنـهـه جـنـة    يحچـي دمـعـه
بـگـلـبـة حـرگة    ايـتـانـي ملگـه    ومـن يـسـمـعـه
حــلـمـه يـذبـل    حـيـلـة يـنحـل    هـــــذا وضـعـه
صعـبـه فـگـدچ    حـگـي بــعـدچ    ابــقـــه انــعــه

         ويـنــچ     يــمـــه رديـلــي بـحـلــم
         ويــنـچ     بـحالـتـي عـنـدچ عــلــم
         ويـنــچ     بـغـيـبـتـچ كـسـر ولـچـم

                                 *---------------*---------------*

والـلـه فـجـعـه    مـاكـــو رجـعـة    بــهـالــــرزيــــة
عـنـي رحــتـي    وبـس دمـعـتي    بـكـل مـسـيـــة
بـغـربـة اشـعـر    الـطولـچ انـطـر    بـلـكـي جـيـــة
هيچـي هجرچ    هيچـي كـسـرچ    ســـــــوه بـيـه

         يـمـتــه     يـنـتـهـي هـــــذا الـحـزن
         يـمــتـه     اتـمـنـه ويــــــاچ انـدفـن
         يــمـتـه     بـمـوتـچ الـعـالــم سـجـن

                                 *---------------*---------------*

✍خـادم الـزهـراء ع
الشاعر رعد الچريخي

ابوذيه


مـشـت أمـي وأنـه اتـنـطـر   طفلهه
وعـيـنـي الـدمـع بـالـعَـبـره   طفلهه
اضـل لـلـمـوت مـا انـســـه   طفلهه

اشـجـناه وطـاح بـعـتـاب الـمـنـيـه

*------------------------*------------------*

✍خادم الزهراء ع
الشاعر رعد الجريخي

يازهراء

بـكـيـفــك يالـتـلـوم اتـريـد  .. لمنه
علـه الحسرات تـالـي البيت  .. لمنه
ننوح بـكـل مـسـه يـا نـاس  .. لمنه

يـتـامـه ونـنـتـظـر طـيـف الـزچـيـه

*-----------------------*-------------------*

✍خادم الزهراء ع
الشاعر رعد الجريخي

مقام #الصبا

الملحن #علاء_الفهد

مقام الكرد

الملحن #علاء_الفهد

مقام النهاوند

الملحن #علاء_الفهد

يمه روحي الطالعه مو روحج
بيه خل تندار كلها جروحج
؛؛:::::::::::::
يمه خل الناس تسمع نوحي
شلي بيها الروح طلعت روحي
التمت بفركاج كل جروحي

عمري يخلص من تغمض عيونج
؛::؛
لحضنج شتاكيت ياضي عيني
وياج راحن يالحنينه سنيني
انتي وين بيا درب دليني

يمه ولدج كلهم يريدونج
؛:::::::::
ياشمعتي البيها اشوف ادروبي
حيل اون يمه اختنگ بغروبي
راح مني ومايرد محبوبي

مااصدك راحو يدفنونج
؛::::::::::::::::
كلبي يوجعني وتحن دكاته
راح يوكف من كثر وناته
ليلي بغيابج طفت نجماته

انشد شلونج ييمه شلونج
؛::::::::::::
ضلعج المكسور يمه شلونه
طاب جرحه لو تغير لونه
عمت يمه حسين منه عيونه

كبالي عيني ونظر يشيعونج

هاشم الدراجي

السيده الزهراء اتگلم الامام علي في عالم الرئيه



ذبلانه احس مو من بَچي
             أشگد شايل بعينك حَچي

سولفلي وضعك ياعلي
سولفلي وضعك ياعلي

*-------------------------*----------------------*

أمبين اعليك التعب سولفلي واحچي اهمومك
يالصبرك بـگـد الـزمـن متغيره حـيـل ارسومك
متحمل اجروح وألم اشگد شفت مـن گومك
ابسرعه أحسّك شيّبت يـابـو الحسن مالومك

واضح عله اجفونك سهر
                گلبك حمل فرگه وقهر


*--------------------------*---------------------*

احزانك مخليه اثـر گـلـي اشفت يالوالي
اهواي احسك منكسر غالي ويحس بغالي
نـاس العليك اتئآمرا صوره الغدرهه ابالي
البابك الجاب الحَطب نفسه الجرح دَلّالي

بأصعب جرح مثلي صرت
                 يوم انعصر صدري وحرت

*----------------------------*----------------------*

اشگد شايل بصدرك ألم من الأجوك الدارك
عايش وحـيـد بدنيّتك ألمن تـبـث أسرارك
زمرت عصابه الأذتك اصبر يحامي الجارك
اختارلهم الباري الغدر وأنته الأمير اختارك

ادري بسهر ليلـك يـمـر
          حسره وحزن صار العمر

*----------------------------*---------------------*

حاچيني يالحچيك نده بعدك احس ماطايب
ياحيدر اشسوه الزمن گلبك وراسك شايب
احچيلي بغيابي الجره جاي وعَبرتك جايب
أمحدّب اشبيه الظهر حيلك نَحـيـل وذايب

ماچن علي وليث الحرب
               وچان المَثل بي ينضرّب

*-----------------------*---------------------*

الزادو اجروحك تـره اهـل الـحـقـد ادريهم
الشيّبو گـلـب النبي اسـود يـضـل ماضيهم
اصحاب السقيفه والفتن ايعينك الله اعليهم
مابيهم العنده وفه وقـطـرت رحـم مابيهم

الهم صفه نقض العهد
                بابك عله الخانوا شهد

*--------------------------*----------------------*

✍خادم الزهراء (ع)
الشاعر رعد الجريخي

(بضعة رسول لله)

بـيـن الـدمـع والأه  **  بـضـعـة رسـول لله

وآويـلـي ع زهراه  **  وآويـلـي ع زهراء

*---------------------*-----------------*

بجاري المدامع والـحـزن ضـلـت عـلـيـلـه
خافت يصدهه المرتضى وتجرح دلـيـلـه
أتـحـمّـلـت ام الـنـبـي ضـيـم بـرحـيـلـه
ماچنهه بنت اثمنطعش صارت نـحيـلـه

تـذكـر هجوم الگوم  **  ام الحسن كل يوم
         حـمـلت جـرح وهـمـوم

*------------------------*--------------------*

بـعـمـر الورد وتـحمّلـت كـسـرت ضلـعـهـه
ولو شافـت الكرار اجـه تـمـسـح دمـعـهـه
فـجئـه الـزچيـه فاطمه اتـغـيّـر وضـعـهـه
شوّفهه كسرين الـزمـن گـوه وفـجـعـهـه

كسر النبي المختار **  وكسر الضلع بالدار
               من لوعت البسمار

*----------------------*-------------------*

ما جامـل وانسه الجره بضلـع الـوديـعـه
هشموا صـدرهـه ابيا ذنب وبـيـا ذريـعـه
گرّب اجـلـهـه والـعـمـر بـعـده بـربـيـعـه
صارت ضحيه فاطمة الزهره الشـفـيعـه

ماتت أثر بالعين  **  أم الحسن وحسين
          تحمل جرح جرحين

*--------------------------*------------------*

زمرت عـصـابـه اجاهلوا قـدر الـزچـيـه
أول فعلهم بالـحـقـد مـحسـن ضـحـيـه
الـخـانـوا الهادي بـعَـجـل واذّو وصـيـه
ماگـولـن اصـحـاب النبي بَل ناصـبـيـه

خل البعض يحچون ** اصحاب البني ايگولون
             اجرن دمه يعيون

*-----------------------*--------------------*

الگالوا صحابه ما اضن بـيـهـم صـحـابـه
الكسرو اضـلـوع الـطـهـر اكـبـر عـصـابـه
الـحـرگـوا الدار الـوصـي وزادو مـصـابـه
والـكـرر الـكـلمـت وأن واضـح خـطـابـه

اليحمل فكر تكفير ** ماضن صحابي ايصير
              ألمن وجهه ادير

*-----------------------*---------------------*

✍خادم الزهراء (ع)
الشاعر رعد الجريخي

اليوم آخر يوم لتسجيل في الدورة 🔺

السلام عليكم اخواتي

سوف تفتح دورة جديدة نسائية فقط
تعلم المقامات
تعلم اطوار النعي
تعلم كيفيه التلحين
تعلم تدريب الصوت وتعامل مع طبقات الصوت

على برنامج الواتساب 📱 🔴
وبحضور احد #الاساتذه المبدعين في عالم الصوت 📌

لمن ترغب بالانضمام الدخول على المعرف التالي وارسال بصمة صوت تعريفية لكي تنظم
👇🏻👇🏻👇🏻🔺🔺🔺🔺⬇️⬇️
@alllapp11

.  تـمـشـي اشلـون      يالمصطفى
   يـنـعــه الــكــون      يالمصطفى

                                       *---------------*---------------*

أيـات الـكـتـاب الـلـيـلـه مـفـجـوعـه
وجـبـرائـيـل نـاح وهـلـت ادمـوعــه
أملاك الـعـرش يالـهـادي مـجـمـوعـه
واويــلاه صـاحـت فـاطـمـه بـلـوعـه

                                       *---------------*---------------*

حزنـانـه الـشـداد الـسبـعـه حزنـانـه
وتـنـوح الـبـريــه اعـلـيـك مـولانــه
الـديـن بـروحـتـك تـتـهـدم اركــانـه
لـولاك الــوحــي مــايــتـلــه قـرانــه

                                       *---------------*---------------*

دمـعـتـنـه تـظـل لـلـمــوت هـمـالـه
وحـالـتـنـه يـبـو الـزهـراء يـاحـالـه
ياعيد الـيـجـينـه وغـايـب اهـلالـه
نـبـيـنـه ابـغيـبـتك الـونّـه تـتـعـالـه

                                       *---------------*---------------*

مصابـك مارحمنه وغـيّب الفـرحـه
اشعظمه عـليـنـه وشـكـبـر جـرحـه
اجـروحه النواظر سيدي اتشـرحـه
مـايـبـرح حـزنّــه والــدمــع ربـحـه

                                       *---------------*---------------*

ظـلـت بضعتك بالحسـره مـحـتـاره
والـكـــرار لـهـبـت بـالـگــلــب نــاره
يصدلك والدموع ابـعيـنه تـتـجـاره
يهـاديـنـه الصمـيده تـعـرف اخبـاره

                                       *---------------*---------------*

انكشفت دسايس صحبـتـك كـلـهـه
الـعِـجـل والسـامــري يـاطـه ردلـهـه
بـعـدهـه اجـنـازتـك كـرار شـايـلـهـه
وراحوا للسقيفه وگـعـدو ابـضـلـهـه

                                       *---------------*---------------*

✍خـادم الرسول الأكرم
الشاعر رعد الجريخي

.      واويـلاه     داره خـلــيـــه
       واويـلاه     سـيد الـبــريـه
       واويـلاه     هــاي الـرزيّــه

                                     *---------------*---------------*

اللـيلـه الـكـون مـظـلـم كـلـه بـغـيـابـه
نـبـي الرحمه الـوكـف جبريل بـعـتـابـه
دمــوع العين لـجـلـه بحسره سـجـابـه
بـوداعـه الـحـزن لـيـنـه انـفــتـح بـابـه  

      لـلـمـخـتـار     نـنـصـب عـزيـه

                                     *---------------*---------------*

خـلـه بـكـل گـلـب نـيـرانـه والجـمـره
الـلـه ايعين گـلـبـچ فـاطـمـه الـزهـره
كـسـر المصطفى يصعب بـعـد جـبـره
تـرك بـيـنه الـدمـوع الجاريـه وعَـبـره

       مـانـنـسـاه     حـد الـمـنـيـه

                                     *---------------*---------------*

الـهـادي الـچـان نوره مـنـوّر الـسـبـعـه
رحـل والـدار ضـلـت تـلـطــم وتـنـعــه
انفجعت كلهه بـمـصابـه وتـهـل دمـعـه
ونـظـام الـكون هاليله اختلف وضـعـه

      يـامـعـبـود       صـبـر الـزچـيـه

                                     *---------------*---------------*

على الـعـتـره الصحابـه اتـأمـروا بعـده
ركـضـوا لـلـسـقـيـفـه ومـاوفـوا وعـده
بس حـيـدر عـلينـه الـوسـّده بـالـحـده
وتسيل ادموعه حسره وحفـرت بخده

     بـالـدمـعـات      حامـي الـحـمـيه

                                     *---------------*---------------*

عـافـوا نـور ربـنـه وعـاشـوا بـظـلـمـه
الگالـوا صـحـابـه اهـل الـجـهـل هُـمـه
بجـهلهـم مـارعـوا عـتـرت نـبـي الأمـه
حـيـدر ينچتف هظمـه وشـنـو جـرمـه

     يـالأصـحـاب     ويـن الـوصـيـه

                                     *---------------*---------------*

مـنـهـم راح يـشـكـي المصطفى الـربـه
كظم غيضه وأذيتـه بمضامره وگـلـبـه
أنـحرفـو عـن طريـقـه وخـالـفـو دربـه
ذولـه أعـداء كـلـهـم ما اظـن صـحـبـه

      مـايـدرون     عـدنـه قـضـيـه

                                     *---------------*---------------*

✍خادم الرسول الأكرم
الشاعر رعـد الجـريـخـي

(يعارك بيه الطف يازلمه)

طب عباس والطف مال نشرد كالو امنين
كام يحوم عالفرسان تكتل خزرت العين
والعباس ياعباس محد جايس حسين
لو طبيت يم الماي كلنه حسبنه ميتين

(يعارك بيه الطف يازلمه)

شد الثام طك عظام طشهم طشت الماي
الزلمه الحيل هد عالخيل يفرض عالزلم راي
جر الماي راعي الجود يخفگ بالسمه الواي
طوله يميل عالخيمات صار بكربله افياي

(يعارك بيه الطف يازلمه)

طبهم نار يلهب كام سيفه يحز بالركاب
مامخلوق ياعباس زلمه ومثلك انجاب
ازغار اكبار من يمنا شردو ذب النكاب
من صبا تخاف الكاع جان بزغره ينهاب

(يعارك بيه الطف يازلمه)

عين بعين مالاكو زلمه مفحط الخيل
مال زماط طك يمنا شحده الرايد يعيل
القاده اتصيح منه الغوث كلهم صاحو دخيل
عطوه اريد ياعباس من المشرعه انشيل

(يعارك بيه الطف يازلمه)

تاه الراي من الجيش صفنت والحجي يطول
من عباس شردت خوف حيدر نازل اتكول
ياستار بيها اصار لبدت حتى الخيول
الغيم يطيح ترعد نار لمن عالعده يصول

(يعارك بيه الطف يازلمه)

هاشم الدراجي

جـابـر راح اخبرك بالجره اعـليه
ذبحوهه اخوتي ورديت مسبيه

                                      *---------------*---------------*

جيت بحسرتي يا جابر اسمعني
ضـيـّعـت الگـمـر والگمر ضيعني
آنه ام الـخـدر والبين فـاجـعـنـي

مو هيچي الخدر يـنـعـاف تـالـيّه

                                      *---------------*---------------*

لو عينك تصدلي تمـوت يا جـابـر
تـرميهه العمامـه وما تظل صـابـر
گـلبـي بـعـلّـتـه مـا يحمل يـكـابـر

مـشـونـي بـظـعـن شمات حـاديّـه

                                      *---------------*---------------*

يا خـيـر الصحابـه شـارك ونـينـي
خليت الـگـمـر مطروح وحـسيني
جـيـتـك بالدمع والسوط مـاذيني

ما گتلي يـعـمـي شلون هـالـجـيّـه

                                      *---------------*---------------*

حـاچـيـنـي يعـمـي ياهـو احچيله
نام اعلـه الـشـريـعـه كـافـل العيله
ردّانـه الشـمـر والـمـدمـع انـسـيلـه

ما يـخـمـد ونـيـني وجمرتي البيّـه

                                      *---------------*---------------*

انـدب يا علي والـسوط بـمـتـونـي
يا عم ما دريت الگـوم شـتـمـونـي
تـالـي مْـيـسّـره بـالـضـيـم ردّونــي

والأصـعـب مـصيبـه مـاتـت رقـيـه

                                      *---------------*---------------*

جـابـر راح اخـبـرك واخبر مـحـمـد
يـضـربـني الشمر بالسـوط يـتعـمـد
يا جرح اليطيب ويا جـرح يـضـمد

ريت اويه الكمـر هـالـعـيـن مـعمـيّه

                                     *---------------*---------------*

 
✍ خادم الحسين ع
     الشاعر رعد الجريخي

نعي مفجع
يازينب

مـوش هوه الـيـبـره الضعينه  مـوش هوه

ايروح فدوه الطاري الكفلني ايروح فدوه

لـلـشـام نـوّه بــيّــه ابـيـســر لـلـشـام نـوّه

ومشيت گـوه عـفـتِ الگـمـر ومشيت گوه

طـيّـب الـخـوه ضـل عالنهر طـيّـب الخوه

والـنـوح يسـوه راح الشهم والنـوح يسوه

مـايـنـفـع أدّوه غير البچي مـاينـفـع أدّوه

گلبي تـچـوّه عـگـب الأخـو گـلـبـي تچوّه

والـكلـه نـخـوه راعي العَلم والـكلـه نخوه

بچفوفه سـوه أروع مــثـل بچفوفه سوه

*-------------------------*------------------*
✍خادم زينب ((ع))
الشاعر رعد الجريخي

(السيده زينب ع تخاطب جابر)



تـلـگـانـي يـجـابـر ذب الـعـمـامـه
تـلـگـانـي يـجـابـر ذب الـعـمـامـه

                                       *---------------*---------------*

اريـدن دمـعـتـك ويــاي تـجـريـهـه
ذبـهـه اعـمامـتك الـمـن امـخليـهـه
أجـيتـك بـالضـعيـنه وزلم مابـيهـه

وگـلـبـي بـالـحـزن مـا تـبـرد آلامـه

                                       *---------------*---------------*

احـسـيـنك بـالـسمـاهر علّـگو راسـه
أخـبـرنـك يـعـمـي والـشـمـر داســـه
مـاچـنــه الـرسـول الـقـبّـلـه وبـاسـه

اسـولـفلك سَبـينه وجـرحه وآ لامـه

                                       *---------------*---------------*

شاركني امـصابي ومدمعـك صبـه
أشـكيـلك اجيت وشكوتي صعـبـه
لـو بـيـدي متـت والـشـام ما طـبـه

مسلم مـاشفت مـعـروف بـسـلامـه

                                       *---------------*---------------*

أجيـتك بـالدمـوع وحيـل مابـيـه
وبـعيني اشــوف الـمـوت يـوميـه
سـلبـوه الـخــدر رديــت مسـبـيـه

شـافتني الشمـاته مـدنّـگه الهامـه

                                       *---------------*---------------*

وجـهي هالمـصـايب غـيـّرن لونـه
تمنـيت ويخوتي اهنـاك مـدفونـه
المثـلي بـالمنـاحه يـعـمـن عيـونـه

صـوبني الـدهـر مـارحمن اسهامـه

                                       *---------------*---------------*

مـوتي بـالخـرابـه اشـگـد تمنيـتـه
مـچتوفه بحبـل والـشـام طبـيتـه
مـا بـيـن الاعـادي الـخـدر تـاليـتـه

مكسور الظهـر مـا ينـفـع احـزامـه

                                       *---------------*---------------*

أسـولفـلـك محنتي وانـه معـذوره
عـينـك لاتـشـوف اتـروّع الصـوره
گـدامـي وضلّوع حسين مكسـوره

وشـحـال اليطيح حسين گـدامــه

                                       *---------------*---------------*

✍خـادم الـحسيـن ع
الشاعر رعد الجريخي

نعي مفجع
العلويات


يـحـســيـن رد الـضـعـن بـيـنـه
ومـن الـسبـي هاليـوم اجـيـنـه
بأرض الغرب عفـنـه الـحـنيـنـه
مــاتـت رقـــيـــه يــا ولــيـنـــه


خـويـه الـعـتـب والـوم عـفـنـه
رغـم اشـكثـر لـو عـات شـفـنـه
انـزيـد الألـم يحـسـيـن خـفـنـه
الـگـبـرك اجـيـنـه بنوح طـفـنـه


الفرگـه الطويلـه ضگـنـه مـرهـه
وفوگ الـهـزل يـكـتـل سـهـرهـه
اسـيـوف الـدهـر لـمـن شـهـرهـه
خـلـه الـحــرم حـارت بـأمـرهـه


ألـمــن نـرد ونـعــوف اهـلـنــه
بـيـثـرب بـعـد يـانـاس شـلـنـه
ريـت الـدفـنـهــم هــم دفـنــه
جـوه الـتـرب يــم الـكـفــلـنــه

*---------------------*---------------------*

✍خادم الحسين  ع
الشاعر رعد الجريخي

شور
السيده زينب اتوصي العلويات


يــعِــثـرن يــعِــثـرن     خـاف الـنـوگ يـاعـمـه يعثرن
أحــــذرن أحــــذرن     وحده اطيح بـالـهيمه أحذرن

                              *---------------*---------------*

                  بـــاچــر عـالــهــزل نـركـب
                  ويـصيـر الــوضــع أصـعـب
                  أصـبـرن والـصـبــر مـريـود
                  كــافــلــچ تــــره مـخـضـب

أذكـــــرن أذكـــــرن     وصيتي هــاي لاتنسن أذكرن

                              *---------------*---------------*

                  اطـفــال وحـــــرم نــطـلـع
                  وشـتّايـم بـالسـبـي نـسمـع
                  يـعـمـه اهـواي أوصـيـچـن
                  مـاعـدنــه ولـــي ويــفــزع

تـكـسـرن  تـكـسـرن     صعبه خاطري وكلبي تكسرن

                              *---------------*---------------*

                  طـــبـــع الـهــزلـه تـتـعـثــر
                  وبــعـيـــد الـطــريـج وبـــر
                  چـلـبـن يـا بـــعــد روحـــي
                   بــلـدان أشــكــثـر نــفــتــر

يـنـظـرن يــنــظـرن     عيون الناس لوطحتن ينظرن

                              *---------------*---------------*

                  مـــاظـلـت وسـيـلـه وحـل
                  الـحـامـــي أبـدمـه مـغسّـل
                  التطيح اشـلــون اصعدهـه
                  وحبل بـچـفوفي مــاينحـل

تـصــيـرن تـصـيـرن     اسيرات الـزلــم باچر تصيرن

                              *---------------*---------------*

                  تسـمـعـن جدنـه يـتـشـتـم
                  ويــزيــد الـــحــزن والـهـم
                  يـمـشـونه بـضـرب وسياط
                  وحـتى الـطـفلـه مـاتـسـلم

يـوجــرن يــوجـرن     ادري اسياطهم عـمـه يوجرن

                              *---------------*---------------*

                  بـاچــر ويــلــي يـا ويـلــي
                  نـهـاري أيـشـابــه لـ لـيـلـي
                  شــسـوي وآنـه مـچـتـوفـه
                  ومـدامـعچـن تـهـد حـيلـي

تــــمـــرّن تـــمــــرّن     يـم اجسـاد أهــالـيـنـه تـمـرن

                              *---------------*---------------*

✍خادم السيده زينب (ع)
    الشاعر رعد الجريخي

(نارنار) الامام السجاد/ ع


        نـار نـار          ذكـريـات ابـالـه 
        نـار نـار          كـربـلـه ابـدلالـه
    
          شاهد سبي وحـرگ الـخيـم 
          عـاش بـجـرح  يـنــزف ألـم

                                 *---------------*---------------*

شـاهـد سـبـي وحـرگ الـعـبـي وذيـچ النار
عــاش بـدمـع عـمـره شـمـع بـالـطـف صـار
بـيـن الألـــم بـيـن الـخـيـم وحــده أحـتـار
بـحـكـم الـقـدر عــافـه الـدهـر بـيـن اشـرار

     شـاف شـاف        عـمّـتـه المسبيـه
     شـاف شـاف        بالدمـوع ارقـيـه

        وحـده بـقـه وعسكـر هجـم

                                 *---------------*---------------*

مـوقـف صعب يـدمـي الگـلب واصعب يوم
صـد الـذبــح صـد الـرمــح يـجــري ادمــوم
زيـنـب اجـت يـمـه اشـتـكـت هـظـم الـگـوم
مـنـظـر  إلــه  طـف كــربـلــه ظـل مـرســوم

       عـاش عـاش       بالحزن ودموعه
       عـاش عـاش        كربله موضوعه

             ويّـه الاهـل كلشي أنـعـدم

                                 *---------------*---------------*

روس أعـتـلـت يـمـه وبـقـت فـوگ ارمـاح
ظـهـره أنـكـسـر شـاف الـگـمـر لـمـن طـاح
حـزنـه أبـتـده وصد والـده الـكـلـه اجـراح
يـذكــر حــرگ عـمـتــه ويـدگ راح ابــراح

      حـال حـال          يـوسـف أيشبهونه
      حـال حـال          الـجــرح بـعـيـونـه

            يـذكـر رمـح يـذكـر سهـم

                                 *---------------*---------------*

شـاف الـشـمـر عـمـتـه يـجـر بصعب حـال
دمــعــه جـرت بـيـهـه حــدت گـوم انــذال
جـرح الـغـرب جـرح الـدرب جـرح احـبـال
يــنــســه أبـــد حــزنـــه خــلــد وي الـبـال

       دام  دام           الـجـرح وٱحـزانه
       دام  دام           عـايش بوجـدانـه

            مـن كـربـلـه حيلـه انـهـدم

                                 *---------------*---------------*

فـوگ الـهـزل زيـنـب تـهـل دمـع الـعـيـن
حـيـل أذتــه مــن نــادتــه راح حـسـيـن
گـلـبـه التهب هـذا السبب عـاش أونـيـن
يـذكـر هـظـم ذاك الـظـلـم ظـل أسـنـيـن

       راح  راح            الخدر گـدامـه
       راح  راح            وشيرّد أيـامـه

             مـنـظـر دمـه بعينه انرسم 

                                 *---------------*---------------*

إتـمـنـه الأجـل يـوم الـدخـل قـصـر أيزيـد
حيـل أنجرح خصمه أبـفـرح عدهـم عـيـد
حـزنـه أنـجـمـع والطف رجـع مـن أجـديـد
بـحـبـل الـحـقـد شـامـت يـشـد أيــد بـإيـد

     حـيـف حـيـف          الشماته اتشوفه
     حـيـف حـيـف          والحبل بچفوفه

            بـدمـع الـجـفـن عمره أنختم

                                 *---------------*---------------*

✍خادم الحسين //ع
الشاعر رعد الجريخي

(ياناگتي) شور



يا ناگتي الهـزيلـه الهـزيلـه الـهـزيلـه
يا ناگتي الهـزيلـه الهـزيلـه الـهـزيلـه

*---------------------*-----------------*
بـاچـر نــگـطــع الـبَـيـده
ويـگـودچ شـمــر بـيــده
إمشي ومشيـچ بـهـيـده

سفـرت حـزن طـويلـه طـويلـه طـويلـه

*--------------------*-----------------*
أحـدي بـهيـده يالـعـرجـه
شــتـئـمــل بــعــد ورجـه
سـوتـنـي الــزلـم فــرجـه

راح الـخـدر كـفـيلـه كـفـيلـه كـفـيلـه

*-------------------*-------------------*
عَـلـيّـه اشمصعب الـروحـه
أروحـن وانـه مـجــروحــه
والـمـثلـي شـلــه ابــروحـه

صعبه الـضـعن رحـيلـه رحـيلـه رحـيلـه
*--------------------*--------------------*

يـنـاگــه بـهـونـچ بـهـونـچ
شـمـاتـه اللي يحيـطـونـچ
عَـرجـه وهـزلـه يـدرونـچ

مـاكـو بـعـد وسـيلـه وسـيلـه وسـيلـه

*--------------------*--------------------*
فـوگ الـحـسـره والــغـربــه
اطيحـن بـالـيسـر صـعـبـه
الــشــامــت تـســر گــلـبــه

آنـه الـچـنـت عـقـيلـه عـقـيلـه عـقـيلـه
*---------------------*------------------*

يـانـاگــه الـگـلـب خـوفـه
لـمّــن نــدخــل الــكـوفـه
أصـيـرن بـيـهـه سـالـوفـه

گـلبي انـجـرح يـويلـه يـويلـه يـويلـه
*----------------------*------------------*

والـشـام أسمـعـت بسمـه
گـــالــوا نـاخــذّچ يــمــه
چـبـيره وتـجـرح الكـلمـه

عيب الـدمـع أسـيـلـه أسـيـلـه أسـيـلـه

*----------------------*------------------*

✍خـادم زيـنـب( ع)
الشاعر رعد الجريخي

لحبيبة الحسين رقيه


         شفتك بمنامي  *  وزاد الك هيامي 

          يالخذيت ايام عمري والدلال
          الشام وحشه لا تخليني تعال
*----------------------*-----------------------*

انتظر طيفك يِمر    * يالخذت مني العمر
عايشّه بحر الجمر   *  انظر امتوني الحمر

       بلوعتي وحنيني  *  ارتقب تجيني
       شنهي ذنبي اتعذبت اسئل سؤال

*-----------------*---------------------*

والله صعبه حالتي   *  بيش اردن وحشتي
ابمنامي ويقضتي     *  بيّه تسعر جمرتي

       ردتك ابتسامه  *  بالليلي والظلامه
       بويه صارت  عيشتي بعدك محال

*-------------------*------------------*

طفله بسنينِ الامل    *  راسك گبالي انحمل
وردي حلمي وما كمل * والدمع سال وهمل

       ريتك المسيه  *  شاهدت رقيه
       حالي حال الفاگده مامثله حال

*--------------------*-------------------*

شاهد الحالي اشجره *   يالعفتني محيّره
طفله ما احمل تره    *  ليلي اضلن ساهره

      دمعتي بجفنهه  *  يا الم حزنهه
      المرلي لا مر  ابشر  لا  مرله  بال

*------------------------*-------------------*

وانه اامل ننجمع  *  كل ظلام يمر دمع
ونّتي الما تنسمع  *   ذوّبتني چن شمع

  هامله المحجار  *  ماردت تهاجر
   وين اروحن لو غيابك عني طال

*-------------------------*-----------------*

بويه مره الخاتمه    * شيبك احمر بالدمه
بَچت عيون السمه *  وسفه يا ابن فاطمه

      چذّبت عيّوني  *  وصدّكت ضنّوني
       صعبه اگولن  ينخضب شيب الجمال

  *-------------------------*--------------------*

✍ خادم الحسين ع
     الشاعر رعد الچريخي

گولات

كثرت ام عون احزانها
وين اليجيب اخوانها
مايرهم  ابلا  رايه
فوگ الهزيله امجانها

متعوبه من ذاك الدرب
من رافگت عين الغرب
والمتن مال من الضرب
طاحت ومحد عانها
احا يم عون      احا يم عون
،،،،،،،،،،،،،،،،،،،،،،،،،،،،،،،،،،
صاحت اليوم الصايحه
لليسر  زينب  رايحه
تركض اعله المجتوفه
لو تركض اعله الطايحه

لا رايه عدها ولا خيم
عالنهر  شيال  العلم
محتاره والحيل انهدم
عالهزل نصبت نايحه
احا يم عون      احا يم عون
،،،،،،،،،،،،،،،،،،،،،،،،،،،،،،،،،،
حترگت اعليها الخيمه
وطلعت ابنص الهيمه
فز  الدمع  بعيونها
وصاحت يراعي الشيمه

عباس ياحامي الخدر
الحگ خواتك باليسر
ترافگهن عيون الشمر
واليسر يذبح ضيمه
احا يم عون      احا يم عون
،،،،،،،،،،،،،،،،،،،،،،،،،،،،،،،،،،
دخلت الشام ابحيره
والمن وجها اتديره
اليسئل عليها شحالها
زينب امريه اجبيره

بالشام  شيبرد  الجرح
وحسين راس اعله الرمح
ومحتف  ابهزله  الصبح
وبالعرب مامش غيره
احا يم عون      احا يم عون
ابوفايز الرافضي

بسچن من الحسين    أگلچن  مات

**

بسچن  يا  حوافر  خلصن  اعضامه
عوفن  صدر  اخوي  اخذني  گدامه
ردن    گلبه   اليه  وذيچ     العمامه
اجيت  اركض  عليه وتركض ايتامه

خل   يرتاح  اتركنه
مات وما  بعد  منه

عوفن صدره يا  خيل     خلص طعنات
بسچن  من   الحسين     أگلچن    مات


****


كافي   الله  واكبر   من  عمت  عيني 
أي    مذبوح   بس  چنه    يحاچيني
ها  يم   عون    زينب  خويه لحگيني
من     جوه    الحوافر   ما       تلميني 


خويه   شلون   وياهه
حسين ايصير جواهه

تارس    گاع  الطفوف    أبو   الكلفات 
بسچن  من   الحسين    أگلچن    مات


***


عوفنه   تعب   يا     خيل    عوفنه
توزع      علترب     ما   بيه    ألمنه
بعد  ضيم السيوف انتن   سحگتنه
ليش   بعيد   من   زينب     اخذتنه

حسين التارس الحومه
من يومي  گبل   يومه

الماخذ صدرك   وياه    على اختك فات
بسچن  من   الحسين   أگلچن      مات


****

يا   شدة   اخوي   حسين     بالحومه
تچوي     الگاع   ليش امطول  النومه
حافر   جاب   ضلعه  امخرب ارسومه
گاع   الطف   تحنت     كلهه   بدمومه


وسفه  الجابني  اتوزع
ما ينلم     ولا     يرجع

خلص    حيلي  ويلاه    لطم      ونٌات
بسچن  من   الحسين   أگلچن      مات


**


اجيتك  وشلگيت ؟   الجثه   خلصانه
ها   يبن  أمي    تسمع    محد    ويانه
وصلت  المنحرك  بس   حيل     تعبانه
راس اعله   الرمح   يحسين هايه  آنه

شنهي   الراي   يلهيبه
اروحن  فدوه  للشيبه

ما  ظن   ننجمع  بيك ؟   بعد     هيهات
بسچن  من   الحسين   أگلچن      مات

كلمات الخادم /   رعد الفريجي

دفن الاجساد محاورة بين الامام السجاد والسيدة زينب عليهما السلام
،،،،،،،،،،،،،،،،،،،،،،

يا زينب بلا راس رحت ودفنتـه
ذاك العزيز حسين بچفوفي شلته
::::::::::::::::::::::::::::::::::::::::::::::

يا عمه جسم حسين شيلمه اليـــه
ما ظل كتر ينشال لبن الزچيـــــــه
رضت ضلوع الدين خيل اعوجيـه
هو الجرح شيطيب لو فوگه ميــــه
سهم الگلب اذاه لمن سحبتــــــــه
ذاك العزيز حسين بچفوفي شلتـه

،،،،،،،،،،

حاچيني يلسجاد يا عمه وينــــــه
ظنيته رد وياك واگبل علينـــــــه
لتگلي جوه تراب نايم ولينـــــــه
ما آيست مذبوح وتصدلي عينه
يكعدلي عمه ادريه لو يسمع اخته
ذاك العزيز حسين بچفوفي شلتــه

،،،،،،،،،،،،،،،

شحچي السبط مذبوح واوصاله طشار
والخنصر المكطوع دورته محتـــــــار
يا عمه ضلع حسين هم صابه بسمــار
دفعو عليه الجيش واتخيلي الصــــــــار
ذكرني بالزهراء بعيوني شفتـــــه
ذاك العزيز حسين بچفوفي شلتـه

،،،،،،،،،،،،،،

لتگلي ما حاچاك ما گلك اختـــــــي ؟
ذاك البعد عمريــن يسمع حسرتــــي
راسه برمح مرفوع ويحسهه ونتي
ما وده صوغة شوگ تمسح دمعتـي
چا گتله زينب ذيچ تنطر گعدتــــه
ذاك العزيز حسين بچفوفي شلته

،،،،،،،،،،،،،،،،

يا زينب الطعنات والــدم والتـــــــراب
خلن حبيبي حسين فوگ الرمــل ذاب
لو حاضره الزهراء وتشوف المصاب
چا ماتت من النوح ما حاجه للبـــــاب
رغم الضلع مكسور والدمعه سكته
ذاك العزيز حسين بچفوفي شلتـــه


،،،،،،،،،،،،،،

مو گتلك اخذ وياك دمعي وعبــــــاتي
لم بيها اخوي حسين روحي وحياتي
لو يسألك چا وين اختي وبناتـــــــــي
گله بخرابه يصير نومي وصلاتـــــي
ماتت حزن علراس بالغربه بنتـه
ذاك العزيز حسين بچفوفي شلته


،،،،،،،،،،،،،،،،،

يم النهر مطروح زينب كفيــــــلچ
بالچربه مامش ماي خاطر يجيلچ
حيله انتي زينب راح شيرده حيلچ
چنتي بحمى العباس بارد دليلــــچ
هسه الگمر عالگاع فرغت جربته
ذاك العزيز حسين بچفوفي شلتــه


،،،،،،،،،،،،،،،،،،،،،،،،

لا عمه اخوي يموت خافنه غافي
ما گتله اخته تگول نوم العوافــي
لو حتى مات الحيد يگعد يوافــي
چا هو بس الزين دلاله دافـــــــي
ناطرته اظل للموت يرجع عرفته
ذاك العزيز حسين بچفوفي شلته

كلمات الخادم / رعـــد الفريـــجي

مولاتي العقيلة
اتخاطب الأمام الحسين ع

يـخـويـه ابـعـيـد عـنـك شلنه .. بالـشـام
وزمـانـي ويـاي حـربـه شـنـه .. بالـشـام
ديـرتـنـه الــمــديـنــه شـلـنـه .. بالـشـام

الـشـيّـب روسـنـه ومـوّت رقـيـه

*------------------------*-------------------*
✍خادم الحسين ع
الشاعر رعد الجريخي

تـطـب اشـلـون زيـنـب لـلـدواويـن
تـطـب اشـلـون زيـنـب لـلـدواويـن

*---------------------------*-------------------*

مــن جــرح الـزمـن ضـلـت تـجـر ونـه
عـگب عبـاس اخوهه أنگطعت الضنـه
صـبـح خـدهـه نـهـر ودمـوع حـفـرنـه

مـالـومـچ بــعــد يـا دمـعـه تـجـريـن

*--------------------------*----------------------*

دولاب الـوگـت يـفـتـر عگـس بـيـهـه
تـالـي الشـيـب فـگـدت كـل أهـاليـهـه
راح الچـان طـولـه ايـضـلـل اعـليـهـه

ضـلـت بـالـمنـاحـه وتـهـمـل الـعـيـن

*---------------------------*------------------*

بـنـت اشـيـوخ زيـنـب زيـن مـعـروفـه
عمت عين الـوگـت خلاهه مـچـتـوفـه
وطول ام عون صعبه الشامت ايشوفه

غـيــر الـنــوح مـايـحـلـه يـطـيـبـيـن

*-------------------------*--------------------*

حيـف اهـل الشيـم خلـوهـه مـحـتـاره
وجـاهـه الـشـام كـلـه اكـبـاره وزغـاره
اشـگـد يحـمـل گلبهه الـمـاطـفـت نـاره

عـليـهـه أجـمّـعـت هالـنـاس صـوبـيـن

*--------------------------*-------------------*

بنص الـسـوگ وكـفـت زيـنـب الحـره
بـت حامي الـدخيـل وفاطمه الـزهـره
عـالـبـاب الـقـصـر ياحـيـف مـنـتـظـره

بأصعب حـال شـافـتـهـه الـسـلاطـيـن

*----------------------------*--------------------*

هـاي الـچـان مـحـد يـنـظـر الضلـهـه
امــيـره ام الـخـدر عـبـاس كـافـلـهـه
على الديوان وسـفـه أيـزيـد دخلـهـه

يـنـاشـدهـه اخـوتـچ والـگـمـر ويـن

*---------------------------*---------------------*

✍خـادم زيـنـب ع
الشاعر رعد الجريخي

مولاتي العقيلة

ردت مـنـك يـراعـي الـجـود .. بس ماي
تجيبه ودوم اشـوفـك گـمـر ..  بسماي
طـحـت وجـرئوا يـحـچـون .. بسماي

وأنـه أفـيـاي الـعـرش صيـوان ألـيـه

*-----------------------*-------------------*
✍خادم الحسين (ع)
الشاعر رعد الجريخي

السيده زينب ع اتخطاب الأمام الحسين ع


مثل حيرت ام عون اعليك .. من حار
تلوج من العطش يحسيـن .. من حار
لــو بـيـدي بـوادي الـشــام .. من حار

اضـل يـــمـــك وافـيّـلـك بـديــه

*------------------------*--------------------*
✍خادم الحسين (ع)
الشاعر رعد الجريخي