Afrikaanse Hoër Meisieskool Pretoria

Laaste kans koop nou jou steen www.affie-brug.co.za

Goeiemôre aan ons Affie-gemeenskap,
Ek is Ronel, die BL-voorsitter. Ek kan met trots sê dat ek deel is van ons Affie-gemeenskap en die opwindende nuwe brugprojek!
Vanoggend het ek die geleentheid aangegryp om my baksteen vir die projek aan te skaf as deel van ons spesiale Vrydag-aanbod. Dit is regtig 'n wonderlike geskiedkundige geleentheid waaraan elkeen van ons kan deelneem.
Sluit gerus by my aan en koop u baksteen vandag nog! Hier is die maklike stappe om deel te word van die Affie-brug:
Gaan na ons webtuiste: www.affie-brug.co.za
Volg die skakel en instruksies.
Saam bou ons nie net 'n brug nie, maar ook 'n blywende nalatenskap vir die toekoms.
Vriendelike groete,
Ronel
BL Voorsitter

Trots!

https://www.affie-brug.co.za

Beste ouers, Hiermee deel ons 'n belangrike skrywe vanaf die Beheerliggaam (BL) rakende die aanstelling van 'n waarnemende hoof vir AHMP vir 2025.

Ons vertrou dat hierdie besluit tot voordeel van ons skoolgemeenskap sal wees en waardeer u voortgesette ondersteuning en betrokkenheid.

Met vriendelike groete,
Beheerliggaam

Belangrike Reëlings: Vrydag, 6 Desember
• 07:30: Saal
• 08:30: Rapporte word uitgedeel soos op die plan aangedui.
1. Dogters moet in skooldrag wees.
2. Dra hul keppie.
3. Slegs dogters wat die saalbyeenkoms bywoon, mag hul rapporte ontvang.
4. Geen rapporte sal na 6 Desember uitgedeel word nie.
5. Rapporte sal nie per e-pos aan ouers of leerders gestuur word nie.

Evelynne Nel en Jess Blom (Afrikaanse Hoër Seunskool), beide Graad 11, verteenwoordig Suid-Afrika by die World Robotics Olympiad in Turkye van 28-30 November. Na suksesvolle deelname op provinsiale en nasionale vlak, het hulle in September 2024 die Senior-kategorie van Robo Mission gewen en is gekies as een van twaalf Suid-Afrikaanse spanne vir die internasionale kompetisie. Na die WRO vertrek Evelynne na Frankryk vir die jaarlikse Franse uitruilprogram by AHMP. Baie geluk en sterkte aan hulle! Na baie ure se harde werk het die tyd aangebreek en drome word waar!

Registreer jou Woolworths of MySchool-kaart gratis en kies Afrikaanse Hoër Meisieskool Pretoria as jou begunstigde om die skool te ondersteun. Met 829 aktiewe ondersteuners word ongeveer R10 637,50 per maand ingesamel net deur kaarte te swipe.

Hoe werk dit?
Registreer vir 'n fisiese of virtuele kaart, of koppel jou bestaande kaart aan MySchool.
Kies Afrikaanse Hoër Meisieskool Pretoria as jou begunstigde.
Koop by deelnemende winkels soos Woolworths en swipe jou kaart; 'n persentasie van jou besteding gaan aan MySchool sonder ekstra koste vir jou.
Voordele:
Skool: 'n Gedeelte van elke aankoop help met skoolprojekte en materiaal.
Ouers: Geen ekstra koste – dra by tot jou kind se skoolgemeenskap.
Koppel jou kaart nou en maak 'n verskil! Besoek die MySchool-webwerf of laai die app af om te begin.

Drie van ons dogters gaan binnekort vir die jaarlikse Franse uitruilprogram na Frankryk reis. Tussen Desember en Januarie sal hulle die geleentheid hê om die Franse kultuur, taal en lewenstyl van nader te leer ken. Vorige deelnemers aan hierdie program het vertel dat hulle Frans ongelooflik verbeter het en waardevolle vriendskappe gesmee het wat 'n leeftyd hou. Ons wens hierdie drie leerders 'n wonderlike ervaring toe en vertrou dat hulle baie sal leer en geniet. Hulle is voorwaar Ambassadeurs vir hulle gesinne AHMP en Suid-Afrika.

Belangrike Inligting: Paarl Gimnasium Sportnaweek 11 en 12 April 2025

Ons tweejaarlikse sportnaweek teen Paarl Gimnasium vind volgende jaar op 11 en 12 April 2025 plaas. Die spanne vlieg op Vrydag, 11 April, met Safair en sal op Saterdag, 12 April, laatmiddag terugkeer. Aangesien die vlugte as 'n groepbespreking gereël is, kan geen wysigings aan die kaartjies aangebring word nie.

Sportsoorte en Spanne wat Deelneem:

Hokkie: 1ste, 2de, 3de, 4de, 16 A, B, 15 A, B, 14 A, B, C
Netbal: 1ste, 2de, 19 C, D, 17 A, B, 16 A tot F, 15 A tot H, 14 A tot H
Tennis: A-span
Skaak: A-span
Gholf: 2 spelers
Die beraamde koste vir deelname beloop R4 600 per speler. Ons verstaan dat die spanne nog nie gekies is nie, maar wil u as ouers vooraf in kennis stel. Betalingsopsies sal in Januarie 2025 aan u deurgegee word.

Beste ouers,

Om kommunikasie te vereenvoudig, het die skool besluit om die Telegram-kanaal op 30 November te verwyder. AHMP sal voortaan fokus op die volgende kanale:

WEBTUISTE – www.ahmp.co.za
Ons webtuiste is die sentrale punt vir alle inligting oor die skool. Hier kan ouers op hoogte bly van belangrike aankondigings, beleid, en algehele skoolnuus.

FACEBOOK – AHMP op Facebook
Hier deel ons skoolnuus, prestasies, en gebeure. Dit is 'n sosiale platform wat ouers en die gemeenskap betrek by wat in en om AHMP gebeur. https://www.facebook.com/AHMP.co.za/

INSTAGRAM – @affiemeisies_1920
Instagram bied ’n visuele blik op die lewe by AHMP. Dit is ideaal vir foto’s en kort video’s van aktiwiteite en gebeure. https://www.instagram.com/affiemeisies_1920/profilecard/

AHMP-kanaal op WhatsApp – Skakel na WhatsApp-kanaal
Hier ontvang ouers vinnige aankondigings en herinnerings regstreeks op hul fone. Dit is 'n gerieflike manier om seker te maak jy bly op hoogte van belangrike inligting. https://whatsapp.com/channel/0029VafTs0dAO7RDrQpBzW04
D6-platform – D6-portaal
D6 is nodig vir skooldokumente, kennisgewings, en formele aankondigings. Ouers kan hier al die nodige inligting vind. https://portal.d6.co.za/login

Dankie vir julle samewerking om ons kommunikasie so duidelik en toeganklik as moontlik te maak!

Vriendelike groete,
Die AHMP-span

Privaatvervoer – Nuutste Inligting

Afrikaanse Hoër Meisieskool Pretoria waardeer die waardevolle blootstelling wat Prontuit aan skole bied deur opvoedkundige projekte en prestasies op nasionale vlak te deel. Hul ondersteuning versterk ons gemeenskap en help om ons leerders se harde werk en suksesse aan 'n wyer gehoor bekend te stel.

Volg gerus Prontuit en word deel van hul inspirerende reis om jeugpotensiaal en onderwys te bevorder.Woensdagaand, 13 Nov om 21:00 op kykNET (DSTV kanaal 144) uitgesaai.

Hiermee ook die heruitsending tye.
Donderdag 15:00
Sonderdag 16:00
Sondag 10:00

Ouers sien aangehegte skrywe oor die huidige proses rakende die Aanstelling van 'n Nuwe Hoof.

Ons is verheug om ons nuwe dirigent by die junior koor te verwelkom – met haar passie en talent gaan sy elke noot met inspirasie en gees vul!

Sluitkassies

Alle sluitkassies moet asseblief teen 22 November 2024 ontruim wees.

Enige items wat ná hierdie datum in die kassies gevind word, sal verwyder en by Mev. Marlien de Kock beskikbaar gestel word vir afhaal.

Raine bring 'n ryk agtergrond van musiektalent en 'n passie vir koor na ons skool. Sy kreatiwiteit en toewyding aan musiek beloof om ons koor na nuwe hoogtes te lei en ons leerders se talent verder te ontwikkel. Ons sien uit na die energie en inspirasie wat hy saam met hom bring en vertrou dat ons saam onvergeetlike musikale herinneringe gaan skep.

Brief aan ouers rakende verkope van voedsel op die skoolterrein

Ons herinner u graag aan die Algemene Jaarvergadering om 17:30.

Volgens die wet vereis ons 'n kworum, en daarom nooi ons u om by ons aan te sluit, hetsy in die Studentesentrum of virtueel via Zoom.

Belangrik: Om toegang tot die vergadering te kry, moet u vooraf registreer. Gebruik die volgende skakel vir registrasie: https://bit.ly/AJV2024

Ons waardeer u teenwoordigheid opreg vir hierdie belangrike begrotingsvergadering. Dankie!

Geagte Ouer/Voog,
Ons herinner u aan die Algemene Jaarvergadering wat op 7 November 2024 om 17:30 plaasvind. Die wet vereis dat ons 'n kworum moet hê, en daarom versoek ons u om by ons in die Studentesentrum aan te sluit, of om virtueel in te skakel. U teenwoordigheid sal opreg waardeer word vir hierdie belangrike begrotingsvergadering.
Vriendelike groete,

Prontuit het op 1 November met AHMP se debatspan, wat in 2023 die ATKV-landsfinaal gewen het, ‘n insiggewende onderhoud gevoer. Die span, bestaande uit Lisa Ferreira, Chanté Kemp, Bea van der Merwe, en hul afrigter, Clarindi Eloff, het met wysheid en selfvertroue oor die kuns van kommunikasie gesels en met trots hul menings gedeel.

Die onderhoud word Woensdag, 13 November 2024, om 21:00 op KykNET uitgesaai.

Die Afrikaanse Hoër Meisieskool Pretoria (AHMP) se ruitersportspan is deur Sanesa as die top-ruitersportspan van 2024 aangewys. Hierdie prestasie is te danke aan die span se harde werk en toewyding, wat hulle bo sterk spanne landswyd geplaas het. Mnr. Jan Joubert het erkenning gegee aan Juf. Jordaan, Juf. Maggie, en Juf. PC vir hul ondersteuning, en het ook die ouers bedank vir hul onvoorwaardelike ondersteuning. Hy het die span aangemoedig om die trofee nog lank by AHMP te hou. Ons is uiters trots op elke ruiter!

Ouers, neem asseblief kennis van die jongste skrywe en inligting rakende die brugprojek.

Juf. Hanekom het die senior vroue-afdeling van die bergfiets-Wines2Whales-wedren die naweek gewen – ’n uitmuntende prestasie wat haar toewyding en vaardigheid in hierdie uitdagende sport vier.
Wines2Whales staan bekend vir sy strawwe roetes deur wynlande en bergagtige landskappe, wat dit ’n gewilde maar uitdagende geleentheid in die fietsrygemeenskap maak. Juf. Hanekom se oorwinning beklemtoon haar buitengewone fisiese uithouvermoë, deursettingsvermoë en passie vir die sport.

Afrikaanse Hoër Meisieskool Pretoria het die installasie van haar nuwe sonpanele suksesvol voltooi, 'n belangrike stap in die rigting van volhoubare energie en kostebesparing. Die paneelstelsel is nou gereed om die skool se elektrisiteitsbehoeftes te ondersteun, en ons wag slegs op finale goedkeuring van die Tshwane Munisipaliteit. Sodra die munisipale inspeksie voltooi is en alle nodige sertifisering verkry is, sal die sonkragstelsel amptelik aangeskakel kan word. Hierdie projek versterk die skool se verbintenis tot omgewingsbewaring en dien as 'n lewende voorbeeld van hernubare energie vir die skoolgemeenskap.
Die sonkragprojek bied nie net 'n praktiese oplossing vir energiebesparing nie, maar dra ook by tot 'n groen toekoms en bewusmaking onder leerlinge oor die waarde van volhoubare praktyke.

Ons hokkie-afrigter, Nicci Terblanche, het deel uitgemaak van die SA Masters-hokkiespan wat as wêreldkampioene gekroon is! Hierdie uitsonderlike prestasie is nie net ‘n groot eer vir haar nie, maar ook vir Affies, aangesien sy haar vaardighede en ervaring daagliks met die skool se leerders deel.

Die SA Masters-span het teen van die beste spanne in die wêreld meegeding en bewys dat harde werk en toewyding tot sukses lei.

Haar deelname aan die Wêreldkampioenskap gee ook 'n wonderlike voorbeeld vir Affies se hokkiespelers, wat elke dag geïnspireer word deur haar passie vir die sport. Dit bewys dat met harde werk en deursettingsvermoë, sukses binne enigeen se bereik is.

Affies is trots om so ‘n talentvolle afrigter in ons midde te hê, en hierdie oorwinning versterk die toekoms van die skool se hokkieprogram verder. Nicci se wêreldtitel dien as inspirasie vir jong spelers en herinner hulle daaraan dat sukses behaal kan word wanneer jy jou hart en siel in jou passie plaas.

Afrikaanse Hoër Meisieskool hou hierdie week Kankerbewustheidsweek om jong vroue in te lig oor kanker en die belangrikheid van vroeë opsporing. Dit help leerders om gesondheidskwessies beter te verstaan, veral omdat sekere kankers vroue spesifiek raak.
Die inisiatief bevorder gesondheidskennis en moedig meisies aan om verantwoordelike leefstylkeuses te maak. Dit versterk ook empatie deur gemeenskapsbetrokkenheid, waar hulle leer om ondersteuning te bied aan kankerlyers. Deur deel te neem aan die projek, ontwikkel leerders leierskap vaardighede en besef hulle hul rol in die stryd teen kanker.
Fotos: Juliana Joubert