#تلحين القصائدالحسينيه@

شور

اه ييمه ...اه ييمه ... اه ييمه
.....
يمه لا تمشين عني ... ابقى مثل امضيعه ايه
باجر احتاجج ييمه ... بلمت أطفال وسبايه

لمن اظل ابلايه حماي
وبسياطهم تتورم اكفاي
وحدي اظلن محد اوياي
وياناظري لا وين اديره

يمه العين فتحي وعايني اعليه
وحشه ابدونج اكظي سنيني مسبيه

من هسه صرت انه  احس غريبه
مو هينه كلش توجع المصيبه
افراكج ييمه يذبح امنياتي
وين انطي بعدج وجهي يالحبيبه


.....

يمه ما شبعانه منج .. شوف عيني يالحنينه
كلمة اليمه تلجمه ... الماتت امه الله يعينه

يايمه لتخليني للنوح
اوياج روحي رايده اتروح
صرت اشوف حسين مذبوح
من كبل عاشر من محرم

صرت انظر اخيام كبالي محتركه
وجثة ابو اليمه ابخيل منسحكه

ابكثره الحوافر ساحكه اعله صدره
ماينعرف صاير وذر يزهره
والرمح نابت بالكلب اشوفه
وسكنه ورقيه طاحن اعله نحره
..........

ازغيره مو مالت مكابر ... عمرج سنينه كصيره
وردة الله انتي مكانج .... جنة الله يالأميره

المنج حرمني ريته بالموت
ماخله عندي فرحه لا صوت
الأمه يمه هذا مبخوت
الله يساعد كل يتيمه

اودعج من زغر ما جانت ابالي
بعدج كل حزن كل نوح يحلالي

بعدج يزهره حالي يقهر حالي
حزني اعله طولي يمشي ويه اخيالي
كبل السبي مسبيه روحي اني
وجفوفي مشدوده بحبل جتالي

....
لا تموتين اعله بختج ... داخله ابدمعي الاسيله
من اطيح ابحيرة الطف .... ياهو اروحله اشتكيله

من اوكف اعله التل وحيده
حيلج اوياي اني اريده
حسين من ينحز وريده
ياهو اليصبرني ييمه

ما يبقالي حيل ابكطعت المنحر
اظل كلي اعله طولي ابمشيتي اتعثر

امن اركضله ياهو يكلي يمه تاني
خل امشي وياج العشك زماني
بذيج الفجيعه ياهو يعتنيني
وكل البقالي انحور من خواني
......
الهوه الما بيه عطرج ... خنكه ما اكدر اشمه
ظلي يمي سنيني وحشه ... وانه احب كلمة ييمه

فركاج يذبح منحري بسيف
مثل الرضيع العطشه الصيف
كربله باجر تذبح الضيف
وحبل السبي يموت رقيه

وبركبة عليل حسين انظرهه
ذيج الجامعه اليصعب اوخرهه

وكل الاحبهم عالترب أشاهد
مثل الذبايح واحد اعله واحد
وللشام اروح اميسره اويه غربه
ما واحد اليسال علي ويناشد

.......
كلمات
موسى الخادم

 شوط كربلائي للزهراء
صلوات الله عليها
.
.
.




يــوادم خدمـة الزهره .. مــا مــليتها ولامـــل
بشــيلة فاطـمه حالف .. يم شـباچ ابو فاضل

***

بـدايات الحچي تــوفــيق .. وهنـئياً للي يتوفق
اليتصادق عليــه من فوگ .. حلمه بهاي يتحقق
التتــطــرق اله الزهـــره .. الكون الاسمه يتطرق
التذكره فاطمه الزهره
قــطعا يـــرتفع قــدره
واسمه يصبح اشكبره
الاســمه يقتــرن بيـــهـا .. هــذا يعتـــبر واصل

***

خدمتــها طعم بيـــها .. طعــم وامن الشهد احــله
التعب بيه لذه للزهره .. ومو ياهو اليجي يحصله
درب مايقبـــل العوجه .. اســـاسه كـــلمة العــدله
الجدمه ابهالدرب يسعه
جــوازه فاطـــمه توقعه
ومــحد يگـــدر ايـوگعه
والتچـــايته ام احـــسين .. هــذا يابخـــت شايل

***

اليخدمها بصدق واخلاص .. ماتـوگع اله رايه
اليبـــچي دومـــه للزهره .. ماتنرد اله احجايه
اذا شال ايده مـو ديوان .. لا توگف اله اولايه
طـبيعه الرضه فاطم
يحسبونه البشر عالم
هنياله الصــبح خادم
التسجل فاطمه اسمه .. اعظم مرتبه حاصل

***

اليفرغ اعيونه من يسمع .. طــاري الباب والعصره
ويــلطم صدره ويكــسر .. صف اضلوع من صدره
اشياخذ من رسول الله .. علـى السواه شنـو اجره
الهــذا الفكــر يتـــبنه
رسول الله رضه عنه
وبيـــده صكــه للجنه
الجنه البيها ابو السجاد .. انيــاله البابــها داخل

***

صــح خـــدام ابو اليمـــه .. واحدنه يسمــونه
والمــاخــادم الــــزهــــره .. خادم مايحسبونه
اليخدم فاطم اهل البيت .. يقدرونه ويحبونه
اليحب ام الحسن واضح
اتعرفه امن الحچي مالح
ذاك امبـــــيــن النــــاجح
اليترضـــه على ذولاك .. حظه معثـــر ونازل

***

عقيدة خـادم الزهره .. يـــتولــه التـــولاها
عقيدة خــادم الزهره .. يعادي الذي عاداها
التولي والتــبري كون .. كلــمه ولامينساها
الدفع باب الطهر بـــيده
صيح بصــوت مـــاريده
وكلامك كل وكت عيده
بقضية فاطمه ام احسين .. بالك واحـــذر اتجامل
***
حيدر تركي الكربلائي
 
 
 

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

يا صخرة المغتسل
احچيلي شنهو الحصل
گالولي محني حَنْيّة الحاجب
اشايف عليَ بنَ ابي طالب
يا صخرة المغتسل
...
انه الامام الغبت عن هلي واصحابي
جدي القلع باب وأنه ابچي دمه يم بابي
يا صخرة المغتسل جيتج من اغيابي
اويلاه

سمعت بقصة الزهره وضلعها
عليها انطبگت الباب بجذعها
عله المحسن ابد ما كف دمعها
واصابع عشره فوگ الخد طبعها

تنزل دمعتي دمه
يا چف سطر فاطمه
وعالمغتسل فيض الدمع كاتب
اشايف عليَ بنَ ابي طالب
...
هجمو عله الباب والضلوع سوه كسروها
قديسة الكون عجيبه العده يشتموها
ام الحسن امي حته بعصي ضربوها
اويلاه

العظيمه طاحت ودارو عليها
قنفذ من اجاها اشسوه بيها
بمتنها بسوطه يضربها واديها
بچت والناس ما تسمع بچيها

ريحانة المصطفه
اسود متنها صفه
يحجي الجرح للبير ويعاتب
اشايف عليَ بنَ ابي طالب
...
ما تگدر تگوم گِضت كل عمرها بهمها
لمّن تِصلي يجيها الحسن يلزمها
ولو رادت تنام يِظل الضلع يلچمها
اويلاه

ضِلوع مهشمه مو ضلع مهشوم
عله الجانب الايمن ناسيه النوم
تتشاهد لونها رادت تگوم
حسين اعليها يبچي وگلبه مهظوم

بعيناها طافي الضوه
گوه تشم الهوه
گلبه مثل بابه بجمر لاهب
اشايف عليَ بنَ ابي طالب
...
وصت علي يا علي اِگْرَب واسمعني
من يدنه موتي بظلام الليالي ادفني
ما ريدن افلان وَلَـفلان يجي يشيعني

اويلاه

حچت كلمه وجرت دمع الهظيمه
اوصيك اعله زينب صير خيمه
حبيبة گلبي راح تظل يتيمه
تره ابنيتي هظيمتها هظيمه

بغُسلي يخيرِ العمل
ثوبي عَلَي خل يِظل
وكت الغسل صاح البچي واجب
اشايف عليَ بنَ ابي طالب
...
المهدي بچه ولنّه يسمع جواب الصخره
جدك علي ما دره بالجره اعله الزهره
وكت الغسل شاف متنها ضلعها وكسره

اويلاه

لگه ضلوع الزچيه مكسريها
لگه آثار چويات بإديها
لگه متون الزچيه مورميها
طول الليل ظل يبچي عليها

حاضن ضلعها وبچه
وضم الجرح ما حچه
اتمنه ما تسألني يالغايب
اشايف عليَ بنَ ابي طالب
...
خادم الحسين ( عليه السلام)
كرار حسين الكربلائي
( ابو كميل )

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

ضلعي المكسور    يلجمني
وخدي المسطور   يلجمني
يمه وصار اشجم يوم      ماشايف جفني النوم
**
من الباب ضلعي انصاب وتهشم
وعالبسمار يمه آثار نزف الدم
اگوم اگعد اون وحيلي اتهدم
تعبت وحتى من اتنفس اتألم

ما انام الليل          من ضلعي
شگد شفت الويل   من ضلعي
ينزف ضلعي المهشوم      ما شايف جفني النوم
*
صار ايام يمه النوم ما شفته
انحنيت وضلعي ليل انهار لازمته
يزينب والحزن مايوم فارگته
والباب شكثر بدموعي عاتبته

ياباب اهواي    تهضمني
شعندك وياي     تهضمني
ارحم گلبي المهضوم           ما شايف جفني النوم
*
يوميه الضلع يلجمني يوميه
وبعد لجمات زينب يمه مابيه
من كسر الضلع گمت امشي محنيه
اهموم البيه يم اهمومج شويه

البنيه اهواي       تتعذب
من امها تموت    تتعذب
زغيره وگلبج مهموم          ما شايف جفني النوم
*
المحسن ابني طاح وعيني اتنظره
بحشاي ورفس من شدت العصره
گلب الوالده عله الولد شيصبره
ليش اوليدي مات وما كمل عمره

طاح اعله الگاع     يبنيتي
ومات ابني بساع    يبنيتي
روحي عله اوليدي تحوم         ما شايف جفني النوم
*
عيونج راح من كثر الدمع تتعب
والله يعينج عله افراگي يازينب
راسج يمه زينب عالضلع شيب
بيج اشلون لو شفتي الاخو مسلب

مجروح اهواي      بالغربه
وما صح له الماي   بالغربه
من ابني ايظل محروم          ما شايف جفني النوم
*
اخوج بكربله ضامي يذبحونه
وبنحره اثنعش طبره يطبرونه
بحوافر خيلهم بالطف يسحگونه
وراسه عله الرمح يمج يرفعونه

ما تبقى اخيام     من بعده
وترحن للشام     من بعده
يسبوجن راح الگوم          ما شايف جفني النوم
*
تمت
ميثم العمري




https://t.me/y1_7y

.
يا دار ويـن أم الحسن وين .. يمه يمه
يادار يبچي ويصرخ حسين .. يمه يمه
حنيت هسه اشوفهه العـيـن .. يمه يمه

يمه مكسوره هضيمه اضلوعچ
يمه عالباب چـفـوهه ادمــوعچ
هـــذا الحـسين يـؤن اكــبـــالي
يــذكــر الــنـار يـيـمه ولــوعــچ

ويلااااه يايمه .. ويلااااه يايمه

======ـ

راح الحنان وراحت الـروح .. يمه يمه
گلبي اليؤن اعليچ مـذبـوح .. يمه يمه
عفتيني ليش ابين الاجروح .. يمه يمه

يمه مشتـاگه احس ابصـوتچ
اگبــال العيون خــذوا تابوتچ
يمــه عالبــاب تفــرهد حـيلي
ما يــرف عين اشـوفن موتچ

ويلااااه يايمه .. ويلااااه يايمه

======ـ

معقوله اعيش امگابله الباب .. يمه يمه
وأمـي الحنـيه چــوه التراب .. يمه يمه
مو حـال هذا ايشيب الشاب .. يمه يمه

وحشــة البــيت چبــيره ابيـتي
يمــه الافــراگ اخــذ عـافـيـتي
مــدري اشلــون عشــت بالگـوه
والــگــلـب طــاح ولا رديــتــي

ويلااااه يايمه .. ويلااااه يايمه

======ـ

مهضومه راحت شمعة البيت .. يمه يمه
ؤنـت يــتـامه اللــيله ؤنـيـت .. يمه يمه
ما بيه اكـابـــر والله ضـلـيت .. يمه يمه

يمـه مـجــروح گـلـب والـيـنـه
يمـه بــدمــوع يــرد اعـلــيـنـه
خفت بس لا يمــوت اخـلافـج
ومــو دمـع دم نــزل مـن عينـه

ويلااااه يايمه .. ويلااااه يايمه

======ـ

- خيري الصفراني ✍️

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

واويلاه .. عالزهره وبزرهه
واويلاه .. عالزهره وبزرهه

===============

علويه ما كالوا ابد عصروهه بس عصرة موت
ومن شدة الرفسه الضلع طك وطلع منه الصوت
مثل الخشب من ينكسر هيج الصدى اتخيل اه
كالوله للجاني ام حسن كلهم وإن خل اتموت


اليوم الضلع نكسره
خلف الجذع نعصره
ميهمنه حتلو مره .. عصروها

بين الرفَس والضُرَب
جاويهه ذاك الحطب
دم ودمع سوه صب .. كسروها

____

واويلاه .. عالزهره وبزرهه
واويلاه .. عالزهره وبزرهه

===============

بالمحسن البسمار اجه وبراسه نابت ويلاه
خر منذبح فوك الارض متخضب ابطوله ادماه
وهيه المصيبه انسحك من الهجموا اعله ام حسين
وبكل حقد ويلي العده مرتين داسوا فوكاه


تنظر بزرهه نزف
بالرفسه صدره انخسف
صاحت ييمه وسف .. يايمه

حيل الزجيه برد
صاحت ييمه الولد
حضرته حضني مهد .. يايمه

____

واويلاه .. عالزهره وبزرهه
واويلاه .. عالزهره وبزرهه

===============

مو بس كسر مو بس ذبح مو بس رفس اسمع هاي
ردوا على ام زينب تره وبالسوط ضربوهه هواي
وصاحت يبويه الحك الي الحك تره هواي الصار
باكوا حلالك بالعلن وباجر يبوكون الماي


باجر جبير الخطر
باجر ضمه ودم نحر
عالغالي يغله النهر .. عالغالي

مو بس ضلع ينكسر
باجر عشيره وخدر
مشتت شملهه الضهر .. عالغالي

____

واويلاه .. عالزهره وبزرهه
واويلاه .. عالزهره وبزرهه

===============

الكل خيره من جف النبي وسفه عليه جفه يطول
بجدام محسن منسحك وحسين باجر بخيول
وزينب عله النوك الهزل باجر غريبه احا
للشام لو طب الضعن يستقبلونه بطبول

زينب تحب الستر
عدهه اغله من البزر
مالايك الهه اليسر .. ياويلي

من الضرب والحبل
جم طفله ميته وطفل
وجماله فوك الهزل .. ياويلي

____

واويلاه .. عالزهره وبزرهه
واويلاه .. عالزهره وبزرهه

===============

كلمات
الخادم حسن الكريماوي ✍️🏻.
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

أويلاه يافاطمة المظلومة
ــــــــــــــــــ
لمصيبتج يم الحسن
تبجيلج اعيون الزمن
لهاي المصايب والمحن
حيدر علي مشيع الوطن

يزهراء...مثل الجبال اهمومة
أويلاه.... يافاطمة المظلومة
ــــــــــــــــــ
دفعة الباب المؤلمة
جن طاحت اعليج السمة
مكسور ضلعج فاطمة
مهظومة من هالمظلمة

بالالام.... يافاطمة المهظومة
أويلاه يافاطمة المظلومة
ـــــــــــــــــ
ذبلت حياتج بالجمر
خلصت سنينج والعمر
مايرهم لحزنج صبر
بس الجزع من الهجر

بالاحزان من العمر محرومة
أويلاه يافاطمة المظلومة
ــــــــــــــــــ
غرب ضواج اعله الترب
يم المحنة شگد صعب
أيتام من بعدج غرب
ودموعهم دم وتصب

والايتام يم حجرتج ملمومة
اويلاه يافاطمة المظلومة
ــــــــــــــــــ
عالمغتسل حيدر هوه
من غسل بدمعه الضوه
من جمرة الباب انجوة
يخنگ علي كام الهوه

والانفاس مختنگة لا معدومة
اويلاه يافاطمة المظلومة
ــــــــــــــــــ
من شيعج بيدة الولي
وبحزن فگدج مبتلي
يا فاطمة اني علي
يا أعز كل ناسي وهلي

بالقبور يم الحسن مظمومة
اويلاه يافاطمة المظلومة
ــــــــــــــــــ
ليل الوجع مابي صبح
فگدج يزهرة اكبر جرح
حزنج نحر شالة الرمح
شوگ العمر يذبح ذبح

بالأوجاع يگضي العمر حد يومه
اويلاه يافاطمة المظلومة
ــــــــــــــــــ
ينعد مصابج معضلة
وبابج خيام بكربلة
باجر يحل هالمسئلة
للمهدي ثار تكفلة


على الثار يظهر يجي بعلومة
اويلاه يافاطمة المظلومة
ــــــــــــــــــ
الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

عن عيني لو ردتي تروحين
وين انطي وجهي يم الحسين
تدرين الچ اشتاگ
ما بيه حيل فراگ
...
ذبلانه اشوفچ يالحنينه وخافت الصوت
كلشي ولَـ تگليلي حضر ليه تابوت
يالزهره والزهره علي من بعدچ يموت

هدت عله الخد دمعتي وتصيح الجروح
المن تظل بدنيتك لو فاطمه تروح
بعدچ تظل سلوة حياتي الآه والنوح

عوفي الرحيل وظلي وياي
لو رحتي ما ترحمني دنياي
اعليچ الحزن ما لاگ
ما بيه حيل فراگ
...
كبالج اضم دمعي اليصب وبحرگه ناديت
ما بيج غير العافيه يا شمعة البيت
بعدچ شسوي بعمري لو بالدنيه ظليت

دنياي خوف وروحي محتاجه لأمانچ
يام الحنان ولا تحرمينه حنانچ
باچر اموتن لو شفت خالي مكانچ

گومي اعله طولچ يالحبيبه
بعدچ علي ايطول نحيبه
عايش بديره اشواگ
ما بيه حيل فراگ
...
صدي عليه وعوفي بالله طاري الوداع
وشوفي دمعتي الخضرت شيبات بالگاع
عافيتج بروحي اشتريها لون تنباع

باچر تگومين بسلامه وننسه الدموع
يا فاطمه ايطيب المتن واتطيب الضلوع
للفرحه مو للوحشه باچر نعلگ شموع

توه العمر بادي وبعدنه
ردنه سوه انكبر ولدنه
بروحي جمر حراگ
ما بيه حيل فراگ
...
اعليمن يبعد اهلي اشوفچ گوه تحچين
شو ناسيه كسر الضلع واعليه تبچين
والله علي كل حيله ينهد من تموتين

يالزهره مو چنه سوه والعيش محلاه
عالدفع بابچ والظلمنه حسبي الله
خلانه نتوادع وداع الموت والآه

يا فرحه ما مقسومه اليه
اخفي الحزن والبيه بيه
طعم الالم ينضاگ
ما بيه حيل افراگ
...
يا زهرة الدنيه بغيابچ يظلم الكون
وطبع اليودعله حبيب يعيش محزون
يكتم شعوره بس تفضحه دموع العيون

يا ما تقاسمنه الألم يا ما صبرنه
بليل وضحه وسفه انتهت عشرة عمرنه
امر الله هذا ولله سلمنه امرنه

شگد صعبه من تموت الاعزاز
وبأغله ناسك تمشي جناز
من عيني حلمي انباگ
ما بيه حيل افراگ
...
خادم الحسين ( عليه السلام)
كرار حسين الكربلائي
( ابو كميل)

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

اعظم نعمه. ايام الخدمه. والدمعه الماتنكطع
خل نتحزم. بحزام الهم. للزهره وكسر الظلع
خدام . نبقى الفاطمه
خدام . الثامن سمه
............١..........
همه ذوله احنه جرح عاشك لجمته وبيهه ضل هايم
الدمعه لجل ام الحسن تشبه معلم. تدرس الخادم

كل روايه وكل رزيه
. ننحني مثل الزجيه
احنه عدنه الفاطميه. ثاني محرم

الينوح مكظي عمره.
هذه هم راحتله زهره
والتدك نبضاته فطره. بحيله يتحزم

مجلس امنه. بحزنه يلمنه نتخاوه بنفس العظم
صوت المدمع. نبجي ويطلع. اكثر من صوت الطم
البسمار. الخادم يلجمه
خدام. نبقى الفاطمه
......... ٢...........
شكد عزيزه وترخص كبال الزجيه. فدوه دمعتنه
نرافك البي حركه ويحب المجالس. حلوه صحبتنه

البلخدامه كلبه ذايب.
هذه بس انكله صاحب
والعزاء بروحه ناصب لفكد الزجيه

الماحسب دنيه ومنافع
وعن ظلعهه يظل يدافع
ماتسد حلكه المطامع . وينسى الاذيه

لاميجامل. يبقى ايقاتل. لمظلوميه فاطمه
حقهه اتفرهد. انسطرت علخد. ياوسفه الجانت سمه
مكسور ظلع العالمه
خدام نبقى الفاطمه
.............٣..... .....
َواليظيعنه بمجالس ام ابيها دمعه يلكانه
احنه بلخدمه ظوه اندلي اليتيه. الله سوانه

بلمجالس ندري ونهه.
تحظر الزهره بحزنهه
بجفهه شي من ثوب ابنهه
يمكن قميصه

البيده ماي وهمه شافه
ابني تصرخ ياحسافه
لسه متفطرات اشافه
بوادم رخيصه

انسولف عنبر. وصواب اخضر. بي اخ ودمعة كلب
يعلى الصايح. محسن طايح. وكماطه صار الترب
بسمار محسن المه
خدام نبقى الفغطمه
..............٤.........
الخدمه ماي تزكي كلمن روحه ماتت هيه واهسنه
تكشخ الناس بلبسهه واحنه من نكشخ. في مجالسنه

كل محب شايل غرامه
وثوبه ودموعه العلامه
يكظي عمره بهل خدامه. الاخر حياته

البجي اينظف ظميره
روحه بلمنبر اسيره
يندفن كون بحصيره هاي امنياته
الخادم شمعه. واه ودمعه. كل ظلمه ايصير الظوه
الدنيه شتسوه. لاموحلوه بلاخدمه يضيع الهوه
اتنوح. روحه معلمه
خدام نبقى الفاطمه
.............. ٥........
الماخدمهم خل يراجع نفسه زين. ويطوي صفحاته
خل يدك باب المجالس بلدموع. ويجري دمعاته

ندري بلطاهر حليبه
كلبه للخدمه يجيبه
علضلع يكثر نحيبه وجوايات اديهه

الدنيه خوانه بطبعهه
وشكثر خانت ربعهه
اخدم الكسروا ضلعهه
توكل عليهه
رايد تخلص. لازم تخلص. للعتره وال النبي
عينك تدمع. لمن تسمع . يلخادم طاري السبي
كل يوم. روحه محزمه
خدام نبقى الفاطمه
..............
بشار السامي

ياموسم اجروحي المايعرف نهايه
طول السنه بروحي حزنج مو روايه

اسمج يجيبونه واكلهم ياغرامي
يافاطمه بدمعي الج ابعث سلامي

سلامي سلامي
........1........
يباب النعمتي ..ينار بحسرتي
يأذيني ضلعي اذا مر مصابج
طحت وي دمعتج.عشكت قرايتج ..لان كالو انتي تجين العزائج

انوح انوح .وسواد علئ ظلعج اجي ثوبي لابس
انوح انوح .يهلبت اشوفج وي هاي المجالس

علمنبر اتكرب بلكت انتي يمه
مثل الطفل اركض لو كالو ييمه

بسد الجمر لذتي منو العنج يحامي
يافاطمة بدمعي الج ابعث سلامي
سلامي سلامي
.......2........
اشتياقي ولهفتي .وحنيني ودمعتي .مثل ما علنفس ادور الزياره
ازورج ياوكت .واضل بدموعي اكت .واشاهد من بعد لكبرج مناره

اذوب اذوب شمع وعلئ بابح اخلص سنيني
اذوب اذوب .بتراب ابضريحج اكحلهه عيني

اهلا علئ بابج جف المهدي كاتب
ونلكاهه يم بابج شيعيه المواكب

اسمج دوه جروحي والج فدوه الاسامي
يافاطمة بدمعي الج ابعث سلامي
سلامي سلامي
.......3.......
اذوب بمجلسج .نفس واتنفسج ..انا بلايه عطفكم اضيعن يزهره
دخيل مروتج .اظل بخدمتج
انا البلمجالس يسموني جمره

اصيح اصيح .بعد يمتئ ازورج يمن عشتي بيه
اصيح اصيح .علئ كبرج اقيمن عزه الفاطميه


ماعايش اسنينه المايحظر عزاكم
خل تختنك ريته المايشتم هواكم

مايوصف الخدمه بعد حزني وكلامي
يافاطمه بدمعي الج ابعث سلامي
سلامي سلامي
.....4......
الروايه الي تمر .وي ضلعج انكسر .النظر مااريده اذا مابجالج
ضلع دم انترس .ويلجمج كل نفس
بجت كل الاملاك يزهره علئ حالج

عذاب عذاب.علي من يغسلج بكسر مرت ايده
عذاب عذاب ..علي بلايه عطرج النفس مايفيده


رد يعثر بجدمه حيدر محني ظهره
ومشيب احساسه دافن توه عمره

لمصيبتج يم الحسن كل كلب دامي
يافاطمه بدمعي الج ابعث سلامي
سلامي سلامي
......5.......
اليحبكم من صدك .عرف معنه العشك .النذر عمره الكم ملك كل حياته
الينوح علئ الضلع ..بديكم ينرفع ..وخسر من نكركم شيسوي بصلاته

اريد اريد .اريد ابقئ خادم لجدم الخدمكم
اريد اريد الجمه انا جرحي اليطيب ابألمكم


روحي انا بجفاكم تالهف غريبه
مثل الرجع دافن بجفوفه حبيبه

مويقظه كون اخدم اظل حتئ بمنامي
يافاطمه بدمعي الج ابعث سلامي
سلامي سلامي
............
بشار السامي

السيده الزهراء اتگلم الامام علي في عالم الرئيه



ذبلانه احس مو من بَچي
             أشگد شايل بعينك حَچي

سولفلي وضعك ياعلي
سولفلي وضعك ياعلي

*-------------------------*----------------------*

أمبين اعليك التعب سولفلي واحچي اهمومك
يالصبرك بـگـد الـزمـن متغيره حـيـل ارسومك
متحمل اجروح وألم اشگد شفت مـن گومك
ابسرعه أحسّك شيّبت يـابـو الحسن مالومك

واضح عله اجفونك سهر
                گلبك حمل فرگه وقهر


*--------------------------*---------------------*

احزانك مخليه اثـر گـلـي اشفت يالوالي
اهواي احسك منكسر غالي ويحس بغالي
نـاس العليك اتئآمرا صوره الغدرهه ابالي
البابك الجاب الحَطب نفسه الجرح دَلّالي

بأصعب جرح مثلي صرت
                 يوم انعصر صدري وحرت

*----------------------------*----------------------*

اشگد شايل بصدرك ألم من الأجوك الدارك
عايش وحـيـد بدنيّتك ألمن تـبـث أسرارك
زمرت عصابه الأذتك اصبر يحامي الجارك
اختارلهم الباري الغدر وأنته الأمير اختارك

ادري بسهر ليلـك يـمـر
          حسره وحزن صار العمر

*----------------------------*---------------------*

حاچيني يالحچيك نده بعدك احس ماطايب
ياحيدر اشسوه الزمن گلبك وراسك شايب
احچيلي بغيابي الجره جاي وعَبرتك جايب
أمحدّب اشبيه الظهر حيلك نَحـيـل وذايب

ماچن علي وليث الحرب
               وچان المَثل بي ينضرّب

*-----------------------*---------------------*

الزادو اجروحك تـره اهـل الـحـقـد ادريهم
الشيّبو گـلـب النبي اسـود يـضـل ماضيهم
اصحاب السقيفه والفتن ايعينك الله اعليهم
مابيهم العنده وفه وقـطـرت رحـم مابيهم

الهم صفه نقض العهد
                بابك عله الخانوا شهد

*--------------------------*----------------------*

✍خادم الزهراء (ع)
الشاعر رعد الجريخي

#نعي

لمن ماتت الزهره بده حیدر یغسلها
ويعاين عالصدر مصيوب وناده ودمعته يهلها
مصابچ مرد دلالي وروحي النايحه سلها
لضل انعاچ کل عمري واحن لشوفتچ كل حين

وشالوا نعش أم حسين وزينب تنظر المنظر
وصاحت يمه يا زهره ضلعي ريته لتكسر
يا يمه يبعد الروح على فرگاچ ما اگدر
دگومي وشوفي حالتنه بس نهمل دموع العين

دفنها المرتضى تالي وضل يرتل ابعبره
ومن كثر التعب غمضت عينه ونام أبو العتره
اجته فاطمه اتنادي يا كرار انه الزهره
زینب فزت من النوم واخاف اعليها يابو حسين

ما ترضه الزچيه تشوف زینب تگعد من النوم
ويمها الحسن يمها حسين ويمها الطاهره أم كلثوم
چا شيصير بالزهره لو شافت هذاك اليوم
زينب ليلة الوحشه متحيره ابين اثنين

تروح لجثة المظلوم وتشوف الجره اعليها
لو تحرس يتامه ازغار غايب عنها واليها
وين ام الحسن عنها وتعاین زینب شبيها
تنادي بصوتها المخنوگ آه ياگطعت الچفين

الشيخ زمان الحسناوي

#اللهم_عجل_لوليك_الفرج

يمه اخلافج الدار ..
كلهه بعيني بسمار
تصد عيني على بابج... واتخيل حرگ نار
...........
لسان حال مولاتي زينب ع

مشيتي وعفت زينب
وحدي اخلافج انحب ... حزينه
اتخيل كعدتج
سالفتج ضحكتج .. حنينه

واهس روحي جنتي
حسرة كلبي صرتي ... اونينه

ليش بس انه بشبابي . والظهر مني انحنه
ليش خمس اسنين عمري .. جني ام ميت سنه

صارت راحه اليه ... حزني المغربيه
تشوفيني على بابج ....واتخيل حرگ نار
.................
لسان حال مولاتي فاطمه ع

حنت فاطمه الهه
شبكتهه وتكلهه .. الدمع هل

زينب ضمي صوتج
بي صيحي اعله اخوتج ... على التل

يمج هسه خوان
باجر كلهه عدوان ... شنو الحل

زينب انه ابجي اعله حالج .... لا تنوحين اعله حالي
انه ميته ويمي ولدي .. وانتي وحدج ماكو والي

خيمجن تشتعل نار .. خواتج يمه تحتار
عمت عيني على بابج .... واتخيل حرك نار

...........
لسان حال مولاتي زينب ع

يمه احجيلي كلشي
من اخواني تمشي ... افر وين

صح يتركني عباس
مامش غيره بالناس .. حمه منين

اشوف بعيني الخيول
تسحك يمه وتجول .. على حسين

يمه صح هذا الحجيته .. باجر هناك يصير
لا خيم لا عندي كافل . بشردتي يايمه احير

صدك يمه الحجيته . عسن لا صدكيته

تحاجيني على بابج .. واتخيل حرگ نار
.................
لسان حال مولاتي فاطمه ع

زينب يمه كلهن
الگلتيهن گلتهن .. قليله

بالطف حرگت اخيام
بسترج تفتر الشام .. هزيله

مامش هودج فياي
سفره بلايه حماي .. طويله

ضلعي اهون من وكفتج .. بنص قصرهم والشماته

ضحك مروان و يكلج ... وينه المدلل خواته

سبي وشام وخرابه .. وتنامن ع الترابه

تسمعيني على بابج ... واتخيل حرگ نار
..............
الخادم موسى البطلي





@HxzEU1

#قناه_نشر_القصائد_المنبريه

فاطميون صرخنه فاطميون
فاطميون صرخنه فاطميون

فاطميون وصرخنه  يالي ثارچ فاطمه
مانجامل عل ضلامه وصوتنه يدگ بل سمه
نقسم ابدمعت الزهره وبعلي حامي الحمه
فدوه من يخلص عمرنه ولجلج يسيل الدمه

فاطميون صرخنه فاطميون


انفضحت اسرار العصابه العيشو فاطم قهر
اتنوح من كسرت ضلعهه وليلهه تخلصه سهر
ادموعهه اتبات اعله خدهه ياعلي مثل النهر
العن الكسرضلعهه الطاغي والكافر عمر

فاطميون صرخنه فاطميون

حدد الموقف ابكلمه وصير ويفاطم عرف
ديربالك وي عدوهه تروح يوم وتنجرف
الصلاه تبطل تراهه من قبلتك تنحرف
بدون مرضات الزچيه لوجبينك ينخسف

فاطميون صرخنه فاطميون

الله واهل البيت كلهم لعنو الچان السبب
روح اقره الكتب كلهه شوف عنهم شنكتب
لاولايه ابلا برائه وكلشي عند الله انحسب
الماتبره من العصابه وياه  ميفيد العتب

فاطميون صرخنه فاطميون

الضلمو الزهره عصابه مايعرفون السلم
الدفعو الباب اعله فاطم مانعدهم عل زلم
ذوله خلو علي طاح وحيله كله منهدم
نصرخ ونلعن الضالم صوتنه ماينكتم

فاطميون صرخنه فاطميون

سلام البهادلي




@HxzEU1

#قناه_نشر_القصائد_المنبريه

فليسقط اليوم الخليفه
والثاني شيطان السقيفه
فلتسقط اعروش الصحابه
وتعيش زهرتنه الشريفه

……………………………………………………………


يسقط الاول صنم
اتقمص الدور و حكم . ابلا علم وادرايه
يسقط الثاني العفن
صاحب احجاية و إن . امه حمرة رايه

تسقط الاسماء كلها وعالي اسمج عالي
همه كاع وللمساحگ وانتي نجمه تلالي
همه مايسوون درهم وانتي قدرج غالي
همه حدر اجدامي وانتي ساكنه ابدلالي

يل بيتج من الرب قراره
ابصف العرش صرتيله جاره
وجبريل كاتب بيده هذا
قصر ام الحسين العفيفه

……………………………………………………………


ما اقارن بالشعر
شجاب شوج البـ الصحر . للورد و اعطوره
شجاب الغراب النعق
لصوت بلبل لو نطق . الدنيا بيه مسروره

انتي موسى وهمه صاروا كالحيايه اگبالج
يوسف وآمون يرجف لو يشوف اخيالج
ابليس همه وانتِ ادم طغى وما سجدالج
همه نار وانت جنه ابخيت من طبالج

شجاب الذي عبدوا هبلهم
وابليس وماواصل فعلهم
للـ ربها كال عليها كوثر
من كل رجس فاطم نظيفه

……………………………………………………………


عشره وي رب الملا
انتي خط احمر اله . احجاب الله احجابج
اطلابه وي رب البشر
يعني ما الهم مفر  . من جريمة بابج

الله مغتاض وتجله ابقوته الجباره
من ابن صهّاك غيضا غضب فارت ناره
يل رفست الباب بيدك وادفعت بسماره
الله صاحبها القضيه ماكو الك كل جاره

يالكاسر ورافس و لاطم
واليوم تعرف شنو فاطم
واليوم تعرف شنو محسن
عالترب سَبحان ابنزيفه

……………………………………………………………


الحطب هو اللي خسر
وبابج ابزود انتصر . رغم بيه جوياته
اجفوف دفعت نازله
و ضلعج الفاز و عله . منحِنه ابكسراته

والنصر مو للصحابه الـ بالكسر فرحانه
النصر للـ مامات اسمها فاطمه الريحانه
خالده وحروف اسمها تمشي وي ادمانه
نشكر الله ولان خله فاطمه ابدنيانه


شكرا الاهي اعله الزجيه
ورده و تفوح اعله البريه
واقسم ببو فاضل عليها
اتسجلني خادم بالصحيفه

……………………………………………………………


ابكل صلاة ابدي ابلعن
ابن صهاك النتن . وقنفذ و ياه خالد
جعفر الصادق تره
لعن بيهم بالسره  . وهذا اكبر شاهد

إِذن ماخذ من امامي ابزودي العن بيهم
ذابح المحسن احسبه للترضه اعليهم
انا ايدي بأيد حيدر وايدك بأيدهم
عود هم اترضه باجر من سقر تجويهم

هم گول بالمعشر صحابه
يم حضرة الرب و عذابه
مو وجه نعمه يگلك انت
وي الربع اسمك يضيفه

……………………………………………………………


حسين ما ذبحاه شمر
انذبح من يوم الكسر . هو يوم العاشر
هو بسمار الذبح
اتحول واصبح رمح . جذع اصبح حافر

النار وحده الجوت فاطم جوت جدم ارقيه
وخالد اليركض وراها و ماخذ الترجيه
وقنفذ الـ بالسوط ضارب متن جم علويه
الثاني هو الاخذ زينب لليسر مسبيه

هو الذي باني الخرابه
والخله زينب  عالترابه
بحبال مجتوفه الايادي
ليزيد فرّاها  ابمضيفه

……… ..…………………………………………………
✍️ ( سيد خضر الزاملي)




@HxzEU1

#قناه_نشر_القصائد_المنبريه

اذا باجر متت يهلي وتشيعوني
امانه الكـــــــربله رايد تودوني

ــــــــــــــــــــــــــــــــــــــــــــــــــــــــــــــــــــــ

أوصيــــــكم هلي ووصيتي احفظوها
ريـــــــــــــد اجنازتي الكربله اتودوها
مانه كبر ابـــــــــــــــو فاظل تزوروها

كمر عدنان احبه اهواي تدروني

ــــــــــــــــــــــــــــــــــــــــــــــــــــــــــــــــــــــ

وبعد عندي طلب يهلي ويضي العين
اريــــد اجنازتي اتعطلوها يم حسين
وعزه يقــيــــمولي يمه بالدمع وونين

وريد بكل عزه يهلي تذكروني

ــــــــــــــــــــــــــــــــــــــــــــــــــــــــــــــــــــــ

حسين البخــــــــدمته خلصت عمري
حبيبي والغــــربته دمعي ضل يجري
كيده مـــــــــــن اموتن يحضر بكبري

على موده رخصتها دمعة اعيوني
ــــــــــــــــــــــــــــــــــــــــــــــــــــــــــــــــــــــ

انا ابيوم الحـــــــشر لا خاف لا اهتم
روح الربي بدمــــــــــوع العزه محزم
الدمعه العل حسين اطـــــفي اجهنم

حسين المايخيب باجر اضنوني

ــــــــــــــــــــــــــــــــــــــــــــــــــــــــــــــــــــــ

اذا جاني الملك يهــــــلي بوكت دفني
انا عنـــــــــدي يقين حسين يحضرني
وكيد عله الصــــــراط ابأيده يلزمني

هوه وأمه بالمحشر يعبروني

ــــــــــــــــــــــــــــــــــــــــــــــــــــــــــــــــــــــ

جنت انه اخـــــدمه حسين عل فطره
وابــــــــــد لادورت لاجـــــــاه لاشهره
جنت كــــــــل همي ارضي امه الزهره

والف هنيالي اذا خادم يحسبوني

ــــــــــــــــــــــــــــــــــــــــــــــــــــــــــــــــــــــ

جنت ارتاح كلـــــــــــــش من اخدمنه
اكثـــــــــر مـــــــــــن هلي والله احبنه
عزيز الزهره هــــــــــاذ الماكو اعز منه

بفضل الله وخدمته الكل يقدروني

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي





@HxzEU1

#قناه_نشر_القصائد_المنبريه

الصعب وضعك سهل وضعي
الدمع نشفه الكسر ضلعي
يمه يحسين .. يمه يحسين
......
؛١
بس ضلع واحد منكسر ...من عندي بطل ادموعك
باجر اشوف ابكربله ... متكسره كل اضلوعك

ضلعي ايهون يالبلطف تضل دامي
وكل اضلوعك ايكسروهه كدامي
وما واحد يرحمك والجبد ضامي 

ظلع  أمك سهل  يبني
كسر ظلعك يألمني
طول الاسنين
يمه يحسين

......
؛؛٢
ألباب اهون من سحك ... خيل العده يوليدي
بعاشر محرم من اجي ... بلكَوه المك بيدي

ايطشرونك مثل سبحه البدي هايه
واصير اتعب ييمه ابجمعك هوايه
وتضل فوكي الحوافر رايحه وجايه

ييمه ابكل اثر حافر
دماك ودمي متناثر
واحنه ميتين
يمه يحسين
......
؛؛؛٣
الحمد لله والشكر ... هسه انه ما عطشانه
بس انت ضامي تنذبح ... واشفايفك ذبلانه

راسك عالرماح اتشيله عدواني
واظل اركض وراهم يمه بحزاني
وارد بخيبتي يم منحرك اني

اجي بكسري وألم جسمك
واخضب شيبتي بدمك
وحدي يا زين
يمه يحسين
.....
؛؛؛؛٤
نار العله لدار اشعلو  ... مو نفس نار الخيمه
عيلتي ما تطلع ركض..امن الخوف صوب الهيمه

لا طفلي بدي يبني ويذبحونه
واكَماطه يفك ويغمض اعيونه
محسن مات ما شايفته تدرونه

يعينك الله تنضرله
رضيعك منذبح كله
اه يالحنين
يمه يحسين
......
؛؛؛؛؛٥
هسه انه بيه بس جرح.. بس انته كثره اجروحك
بذاك الظهر أنظر ألك ... جم سيف موت ايلوحك

أجروحك تعبر الالف وتسعميه
ياجرح الأضمده  ابساعت الجيه
واسمع صوت بجي اسكينه وارقيه

السهام ابصدرك امطشره
اجر عشره بعد عشره
مالك امعين
يمه يحسين
......
؛؛؛؛؛؛٦
لا يوم مثل امصيبتك ... لا يوم يابو اليمه
من راسك الحد الجدم ... كلك تصير امدمه

يصير احمر ييمه امن النزف لونك
وعلى الغبره تضل وما يشيلونك
بلا غسل ودفن عاري يخلونك

على الجسم الي يتسلب
اظل اتلث ليالي انحب
يا ضوه العين
يمه يحسين
.......
✍️ كلمات موسى الخادم

ذكرى استشهاد الزهراء ع


     عالوعد       والعهد
نحي الليالي الفاطميه جينه
©©©©
ابثوبي الاسود وبدموعي وهذا حالي
احظـــر المجلس اجيت وراسي عالي
والله اعــــــوف الدنيه كلها وما ابالي
اولا اعـــوفن ليله مـــن هاي الليــالي
   عهدي أنه    ابكل سنه
نحي الليالي الفاطميه جينه
©©©©

هالمجــالس هيه عشـي وهيه بيتي
وهالمـــنابر هيه المكبـــرتلي صيتي
خادم الزهـــــراء مكتــوب ابهويتي
وابقـــه انعاهه لحد ســـاعة منيتي
     بمدمعي      والنعي 
نحي الليالي الفاطميه جينه
©©©©

لو قره الناعي وذكــــر كسرت ظلعها
عيــــني من دم يبقه يتفايض دمعها
الزهره ورده اومو شريف ألي گطعها
دين ماعنــــــــــده الضربها والدفعها
   اتحزمت    حشمت
نحي الليالي الفاطميه جينه
©©©©

اهواي عــــدوان الزچيه وقله الاحباب
وگعو منها الجنـــــين ابعصـــرت الباب
ابيا ذنب ضربو متنهه وشنهو الاسباب؟
اليدعون اصــحاب هسه انگلبو اذياب
      بالهظم    والطم
نحي الليالي الفاطميه جينه
©©©©

شكبر بختي وصــرت خادم للزچيه
وربحي بالدنيه الولايه الحيــــدريه
ناجح ابحب الزچيه وخــــذت ميه
حيل ادگ صدري عليها ابهل مسيه
    ابهل ذكر     نستمر
نحي الليالي الفاطميه جينه
©©©©

ريت هاي اليله وي حامي الحميه
انشـــارك ابتشيعها وننصب عزيه
فايز اليحـــــــيي اليالي الفاطميه
ترضه عنه فاطمه وسيد البريه

انضل خدم    بالالــم
نحي الليالي الفاطميه جينه
©©©©
     الخادم
كامل السعيدي

مقدمه للزهراء ع

ظلعچ يم الحسن
نبچيله ابكل زمن
سلاماً سلاماً    سلاماً عالظلع
©©©©©©©©©©©

الگالو اصحاب النبي وطوع الرساله
ابمقتلچ غضـــبو علي ورب الجلاله
والجريمتهم كســـر ظلعــــــچ دلاله
حالــچ ايفت الصـــخر كلشي بچاله
نور الكون انطفه
ياروح المصطفى
سلاماً سلاماً    سلاماً عالظلع
©©©©©©©©©©©

ياسلام الله على المحسن جنينچ
طحتي يالزهره اوگع گدام عينچ
الله يجــــــــبر گلبچ والله يعينچ
امدوهنه وتتصـارخ اگبالچ بنينچ
گلبچ يلهب جمـر
يالخدچ منصـطر
سلاماً سلاماً    سلاماً عالظلع
©©©©©©©©©©©

صاح جبـــرائيل ودمــــــوعه جريه
الله يلعن قاتل الزهــره الزچـــــيه
اللــه واكــــبر ياعظـــم هاي الرزيه
عمره لحظه المحسن وميت خطيه
موهــــين مقتله
هاي اكبر معظله
سلاماً سلاماً    سلاماً عالظلع
©©©©©©©©©©©

شحال گلب الحسن وحسين ابغيابچ
وزينب اليلهب گلبـها ابنــــــار بابـــچ
يالوديعه ايشـــيب الرضــع عـــذابچ
الله يجـــبر كسرچ ويجبر مصــــابچ
الله انطاج الصبر
وتحمـلتي الكسر
سلاماً سلاماً    سلاماً عالظلع
©©©©©©©©©©©

بالروايات الثـــــــــلاثه الفاطمـــــيه
انموت اذا مانحـــــظر اقرايه وعزيه
اي وحق دمعة اعيـــــــونج يالزچيه
ايصير واهس عدنه من نلطم سويه
بالمجلس ننجمع
ونواسـيج ابدمع
سلاماً سلاماً    سلاماً عالظلع
©©©©©©©©©©

الخادم
كامل السعيدي

انه الكسر ضهر الزلم هسه انكسر ضهري
وي فاطمه ابنص الگبر بيدي ادفنت عمري

انه علي ودافن علي
ــــــــــــــــــــــــــــــــــــــــــــــــــــــــــــــــــــــ

اجنازه شايل للگبر رحـــــــــت ورجعت اجنازه
لبيته يـــرد ميت تــــــــــره اليدفن بديه اعزازه
راح وتركــــــــني الوحـــــدي المثل الهوه اعتازه
للمثلي الحــــــــــيله تــــــــــره يراد الف عكازه

كسرت عظم هــــــدهد تره ماينجبر كسري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ

لا مره مكسور بحــــــــــرب لا سيــــــــفي خاسر مره
بس هسه لا ضهري انكسر وجرحي عله طولي ابكبره
انه علي مشــــــــــيع علــــي وللــــــــــگبر ماخذ عمره
ياكسرتي الماتنوصــــــــــف لمن دفــــــــــنت الزهرة

من وسدتها عله الترب ضاگ الهوه ابصدري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ
مو بس تـــــره اجـــــدمي ثگل ثگلانه حته انفاسي
من بيتنه لحـــــد الگـــــــــبر ابيض صفه كل راسي
گمت امــــشي واعثر بالهوه وشكبره جرح احساسي
مــــــن شيعتها فاطمه جــــــــــن شيعت كل ناسي


مثل الهلال امشي صرت والدمع دم يجري
وي فاطمه ابنص الگبر بيدي ادفنت عمري

انه علي ودافن علي
ــــــــــــــــــــــــــــــــــــــــــــــــــــــــــــــــــــــ

بيدي شلت للمگــــــبره الچـــانت هوه ابنص ريتي
شلت الجنازه الوحـــــدي ودمعي جره عله الحيتي
مثل الگبر بيتي صــــــــــفه موحش ويخنگ بيتي
امنيتي جانت فاطــــــــــمه وياهه اموت امنيتي


مو الها اتمنه الگـــــــــبر ريت انحفر گبري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ

انه المفــــــــــحطها جنــــــــــت الخيل والخياله
هسه ابجي ودمــــوعي حمر وگلبي الحزن يبراله
موقف كسر طــــــــــولي كسر وخل دمعتي هماله
صعــــــــــبه عله الزلمه تـــره تنطگ حرمته اكباله


انه علي يـــــــــم الحـــــسن اتقبلي عذري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ

روحين بــــس جنه ابجسد مانحب طاري الفرگه
عين ورمــــــــــش مانفترگ حيدر وزهرت عشگه
مرافگها خلــــــــــصت العمر ويامحله ذيچ الرفگه
من چنه نتلاكه ســــــــــوه يفيض العشگ بالملگه


بس هسه ماتت فاطمه وياحيرتي بأمري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي

العنة الله على قاتليك فاطمه

ــــــــــــــــــــــــــــــــــــــــــــــــــــــــــــــــــــــ

الله يلعن مــــــن حرك باب البتول
شنهي باجر عـــذره للباري شيكول
السطر خد الزهرة شيفيده اعتذار
غير نــــــــــار الحاطمه لا ما ينول


غـــــدا بسمار اليشهد عله الصار
الحــرك باب الزهرة خنيث وعار
غــــــدا ربنه يصلب امام الناس
الشــــــعل دار العتره يشعله بنار


لعنة الله على قاتليك فاطمه

ــــــــــــــــــــــــــــــــــــــــــــــــــــــــــــــــــــــ

هل سوال مــــــــــوجه لهل العلم
ليش صــــوت الضلع رادو ينكتم
انه راح احجيها طك بطك وكول
ماخــــــــــاف وراح اذكر بالأسم


عمر هــــوه القاتل قسم بالله
وليجامل هـــــاذه يصير وياه
السكت والجاملهم تره مئثوم
غــــدا سوفه يلقا عذاب الله

العنة الله على قاتليك فاطمه

ــــــــــــــــــــــــــــــــــــــــــــــــــــــــــــــــــــــ

من عمر وتباعه انــــــــه أعلن براء
الحقيقه هــــــــاي مو شعر وهجاء
هوه اليطك حرمه هم يتسمه حيد
زلمه مـــــاحسبه وحك رب السماء


على الزلم ينــــعد فشل والله
وذكـــــــرنه بخيبر اذا ينساه
اليكلي بالحومه شجاع وحيد
ذكــــــــــــرنه بهدمه لمن ذباه


العنة الله على قاتليك فاطمه

ــــــــــــــــــــــــــــــــــــــــــــــــــــــــــــــــــــــ

الزلمه مـــــــــــــــن يهد يكابل زلمه
موش يتــــــمراجل يضل عل حرمه
الزلم تحجي افعالها بوكت الحروب
وهوه وكـــــــت الحرب ينزع هدمه


جبان وماكـــــــــــــابل علي مره
لــــــــون يشرد حكه تره انعذره
لئن يدري بحيدر ابـــــــد ميهاب
مثل شطرت خيبر علي يشطره


العنة الله على قاتليك فاطمه
ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي

#الليالي_الفاطمية


نار الباب باجر تاكل خيام
وسقيفتهم شتال تخضر الشام
جم ديوان باجر
والبسمار حافر
يمه زينب يمه زينب
ــــــــــــــــــــــــــــــــــــــــــــــــــــــــــــــــــــــــــ

كسر يتبع الكسر السقيفه والشمر
ماتخلص يزينب يمه هايه

حزن باجر تره وضلوع مكسرة
والقرآن ينزف ايه ايه

وراج شجم خرابه ونوك هزلات
وتتقشر وجوه الطالبيات
من حر الشموس البلخرابات

لا راحه وعذاب نوم بالليل
ولو تغمض عيونج تصهل الخيل

والسجاد حاير
والبسمار حافر
يمه زينب يمه زينب
"" "" "" "'"''''

الم نفس الالم خشب بابي السهم
ويجي بعين الكفيل ويطفي عينه

الاشد من الذبح ويطعنات الرمح
من هدمه الحسين مسلبينه

ياحيل اليظل لمن تشوفين
الشمر من الكفه من يذبح احسين
مدري شلون يُمه وماتموتين

ومن غير السياط وحر الارمال
من عز الخدور لجر الاحبال
والمثلج تكابر
والبسمار حافر
يمه زينب يمه زينب
"" "" "" "" "" "
يرد نفس الوكت عليهم من صحت
ليش المرتضى بحبال ينجر

قصص ماتختلف علي هم ينجتف
وعلي السجاد يشبه جده حيدر

أبوج المرتضى تجتفه الوصيه
والسجاد بحبال ال اميه
علي يشبه علي بنفس الاذيه

شفت بعيني من جروا الكرار
وانت وياالعليل مشاكف احجار

والماصار صاير
والبسمار حافر
يمه زينب يمه زينب

"" "" "" "" "" "" "
ومحسن من وكع هرش كلبي نشلع
أشد من الضلع من طاح مني

وعبدالله الطفل يفك ريجه بنبل
وامه تكله كتالك كتلني

من كد ماصغير الراس من طاح
شدوا عالسهم مو فوك الارماح
دللول الولد يمه الولد راح

دللول الولد يم رمحه الولي
يوصلة من الكلب يابعد طولي

وليدي الجان نادر
والبسمار حافر
يمه زينب يمه زينب
"" "" "" "" ""
اصبري كل صبر المهم يمه الخدر
وحجابج يالعقيلة غاية وإثبات

بنات المرتضى ونساء الرافضه
قمم فوك الشرف وتصير رايات

واجب عالتوالي كون ابو تراب
احنه القدوة ليها وموش الاجناب
نوصيهن ييمه بلبس الاحجاب

اهم شغلة الحجاب وهذا الاثبات
ومثل زينب اريد الفاطميات

تربية منابر
والبسمار حافر
يمه زينب يمه زينب
"" "" "" "" "" "
القصر ذاك القصر رقية تنقهر
وعلى راس الابو تموت الصغيرة

تدفنوها بغرب اويلي شكد صعب
موش بكربله وبغير ديرة

مو وحدها راح تصير هيه
وراها شجم سنه والهاشمية
بشام الغربه دفنتجن سويه

موش بكربله مابين اخوتج
بين الغربه انتِ يصير موتج

وبدمع النواظر
والبسمار حافر
يمه زينب يمه زينب
''''''''''''''''

مرتضى فيصل الشمري
@HxzEU1

هـــنيال گلبه اليظل ويـــه روحه
اليعـــوفه حـــبيبه تغلبه جروحه
علي ابيته صـاير حـــزن ماكو منه
دمعته عله خده انذبح كل طموحه

علــي گلبه أنجوه ،،، بجرح ماله دوه
ترس عينه الضلام ،،، بقه ايدور ضوه

وشما گـام تلزمه الحسره … يافاطمه
يخلص عمره الدافن زهره … يافاطمه
بين ضلوعه اتعيش الكسره .. يافاطمه

،،،،،1،،،،،،

ما نام ليله الحزن غـــاطي ليله
الشلع باب خيبر ضلع اذه حيله
العمر راده يگضي بكثر مــا تألم
وداع الزجيه اعله حــــيدر ثگيله

انقفل باب الفرح ،،، عله ابو وجه السمح
يميل ابمشيته ،،، بكثر ضيم الجرح

خالي يحس من دونج داره … يافاطمه
خلافج المن يحجي اسراره … يافاطمه
موصى بقتلج يترك فقاره … يافاطمه

،،،،،،،،2،،،،،،،،،

الفكد شي يحبه صعب من يرجعه
وبعــد تاذي گلبه اذا مــــا يودعه
علي يعينه الله فگــــد ام ابـــوها
ومشت عنه غفله وكسرها يوجعه

شيْداوي يا وجع ،،، انهدم من الضلع
ضناه هم ما سلم ،،، يتچوله رجع

دافن روحه ورد متألم … يافاطمه
هم فراگج مامثله هم … يافاطمه
بسمارج ليهسه يصب دم … يافاطمه

،،،،،،3،،،،،،،،

يصبر عياله ويــــرد يبجـــي سكته
الجرح من يضمه شيضم البصفنته
ابتسامه ابــوجهه وعطـرها اليحبه
خلـّه بيته منهن الحنينه جــفتّه

الــــ يوزع امل ،،،، عليها شگد زعل
تيتم من مشت ،،،، بقه يتاني الاجل

كلشي ينساه الا مصابج … يافاطمه
ويصلي ويتفكد محرابج … يافاطمه
گلبه يشب چن شبت بابج .. يافاطمه

،،،،،،،4،،،،،،،
خادم القصيده
عزيز المياحي

العاشگ ابد ما يكتمل كل يومه
لوما ينوح لفاطمه المعصومه
بليله يعلگهن شموعه
وتنزل اعله الخد دموعه
وبعينه صورة قم تضل مرسومه

محلاها / ذيچ المناره لفاطمه محلاها
يهواها / ياهو النضرها وما يضل يهواها

يم فاطمه المعصومه ياگلبي
روح وعلى الشباچ ذب حبي
عيني لحرمها بكل وكت تربي

$$$$$$$$$$$$$$$$

يا بخت اليقبل هذيچ اعتابچ
ويمرغل ابخده بحنين اترابچ
وياخذ اجروحه ويسافر
للحسين بيوم العاشر
ايضل يبچي وياچ لعضيم امصابچ

عالخيمه / عمرچ گضيتي بالبچي عالخيمه
بالهيمه / لعماتچ الراحن سبي بالهيمه

باللوعه يا مولاتي باللوعه
بچيني عالداسوهن اضلوعه
عالأخته ضلت لجله مفجوعه

$$$$$$$$$$$$$$$$$

يخت الرضا الليل التمر ساعاته
گلبي بذكر اسمچ يعيش اهاته
انتي عالم روحي كله
ولطريق اجروحي قبله
والگلب لديارچ تحن لچماته

المعصومه / جنة علي وكلها علي المعصومه
بهمومه / الما يگصد لصوبچ يضل بهمومه

يامستراح المؤمن ودينه
وياحسرته وگلبه ونضر عينه
وشما يتيه انتي التدلينه

$$$$$$$$$$$$$$$$

المخنوگ گلبه امن العمر واحواله
غيرچ يمولاتي منو اليبراله
انمدت ايدي وانه سائل
يا كريمه بكلشي قابل
تنطينه كلشي الي يجيچ اوشاله

ناديتچ / بصوت الضعيف المنكسر ناديتچ
اترجيتچ / بداعت محبتچ للرضا اترجيتچ

انتي اعلم بحالي قبل حالي
ويمچ بقن دعواتي وآمالي
لزيارتچ ضل منشغل بالي

$$$$$$$$$$$$$$$$

سجاد الدراجي

#تراث
(عليمن من صفه الجمهور)

ندبة لصاحب الزمان
لمصاب السيدة الزهراء روحي فداهما


عليمن من صفه الجمهور عليمن يهجم اعله الدار
عليمن حطب سد الباب عليمن تشب بيه النار
عليمن ينبت البسـمار الخله ابكل گلب بسمار 😭
عليمن والظلع كسروه عليمن عصرو الزهره
ــــــــــــــــــــــــــــــــــــــ
عليمن حيدر ابداره عليمن حاط بيه الجيش
عليمن علي اشلون انگاد اوحگه اشلون يغدر ليش
اشلون الصخرة الصمّه وأثر صدع بيها الريش
علي كل الفخر حازه واكبر كل فخر صبره
ــــــــــــــــــــــــــــــــــــــ
عليمن بچت منعوها تنوح اونعت والدها
مدينه اصبحت مرتده اولا واحد يساعدها
غصبها واسگطو محسن وكسر الظلع چايدها
اوسوط امتونها ويـلاه او حمره عينها بسطره
ــــــــــــــــــــــــــــــــــــــ
عليمن بضعة المختار عن النوح منعوها
الأراكه التستظل بيها عداوه اوبغض گطعوها
عوالي اوفدك ورث إلها ابيا دين استحلوها
الباطل غصب حگ الحگ هظيمه اوصار تحت أمره
ــــــــــــــــــــــــــــــــــــــ
عليمن ماتت الزهره لا صرخه ولا رنه
علي بليل غسلها نعم عندك خبر منه
دفنها اوضاع مدفنها بعد من ينشد عنه
بعد ما يندره لليوم وانته اليوم بيه أدره
ــــــــــــــــــــــــــــــــــــــ
عليمن جدك الكرار معزول اوسكن داره
ابوجوده هظمة الزهره واهو الما ينهظم جاره
تاره ينعه ابن عمه اويذكر فاطمه تـاره
يشوف ايامها ابذله اوعبره امکسره ابصدره

الشاعر المرحوم عبدالامير الفتلاوي

#اللهم_عجل_لوليك_الفرج

نزله

يازهراء ... يازهراء ... يازهراء  مدد
...........

يالزجيه انخاج .. لا تحرميني خدمتج يالزجيه
انخاج
يالزجيه انخاج ... دوم خليني اعله بابج خادم اترجاج
يالزجيه انخاج ... لا تخليني اويه روحي يمه اريد اوياج

حزميني اعله الخدمه اشما املك عمر
لتخلين ايامي ابلا خدمه تمر
عبدج يالمظلومه للموت افتخر

........
علميني اشلون ... من كلب والسان اخدمج علميني اشلون ...
علميني اشلون... ما اخونن زاد خيرج مثل اليخونون
علميني اشلون ... ابجي لمصابج لحد مدكلي كافي ام عون

وفقيني اعليج الطم حد كسر الظلع
وما يخلص من عيني الحد موتي الدمع
خادم روحي ابابج اشعلهه شمع
......

كلشي بية يصيح... ويلي لمصابج يزهره كلشي بية ايصيح
كلشي بية ايصيح..رايتج بالعالي رفت رايتج مطيح
كلشي بية ايصيح..الحاربوج اصبحو ماضي في مهب الريح

وين الاول وينه الثاني اللم حطب
فعلتهم مفضوحه كدام العرب
خانو عشرة طه الاغله امن الذهب
.......
يم حسن للموت..باقي وياج اعله عهدي
يم حسن للموت ..
يم حسن للموت .... ما اساوم على كسرج لا ابيع الصوت
يم حسن للموت .... اه يا مظلومه اصيحاً حتى بالتابوت

لمصابج يالزهره اسنيني امكدره
صورة كسر اظلوعج عيني امناظره
ثارج بية ايعيش اليوم الاخره
...
عالمج اعجاز .. يحس بيه  العاش عمره
عالمج اعجاز
عالمج اعجاز ...ما يضل مهموم بيه ولا يضل معتاز
عالمج اعجاز..ما اعوفه امشيله لاخر عمري عالعكاز

باصملج بالعشره يا أم الحسن
عبدج باقي وابقى ويشهدلي الجفن
و أعمى الماينظرلج بعيونه وطن
.........

كلمات
موسى الخادم






@HxzEU1

#قناه_نشر_القصائد_المنبريه

ا ويلاه يافاطمه

من الشمس باگوا ضوه ا ويلاه يافاطمه
ظل الزمان بلا هوى. ا ويلاه يافاطمه
لكسر الضلع ماصح دوه. ا ويلاه يافاطمه
آياصبر حامي الحمه. ا ويلاه يافاطمه

//////////////

ياضلعج الماينجبر اويلاه يافاطمه
بلا نورج شيسوه العمر. اويلاه يافاطمه
ذاك الجمر جاس الستر. اويلاه يافاطمه
والگاع فاضت بالدمه. اويلاه يافاطمه

///////////////

فگدج كسر ظهر الولي. اويلاه يافاطمه
ومن الهضم شيّب علي. اويلاه يافاطمه
احاه يجرح المبتلي. اويلاه يافاطمه
يظل يشهگ لرب السمه. اويلاه يافاطمه

/////////////

دگ النذل باب الشهم. اويلاه يافاطمه
صرخة علي تبريّد زلم. اويلاه يافاطمه
المر بيج لو حته بحلم. اويلاه يافاطمه
محد يصدگه ويفهمه. اويلاه يافاطمه

//////////////
ذاك التجاسر عالورد. اويلاه يافاطمه
وانتم زرع مو للحصد اويلاه يافاطمه
واجمّعوا أهل الحقد اويلاه يافاطمه
عالباب كلها امحزّمه. اويلاه يافاطمه

/////////////

حيدر وصيته الشدته. اويلاه يافاطمه
وبشيبه لاذت دمعته. اويلاه يافاطمه
بس الله يدري بحالته. اويلاه يافاطمه
وصوابج شگد ألمه. اويلاه يافاطمه

////////////

باب بحقد من ينطبگ. اويلاه يافاطمه
والحطب يمه ويحترگ. اويلاه يافاطمه
والگاع تتلگه العشگ. اويلاه يافاطمه
والمتن سوط يورمه. اويلاه يافاطمه


علي طعمه البطاط

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

يا نَفْسُ منِ بعدِ الزجيه هْوني
وبعدَها لاَ كُنتِ أنْ تَكوني
ــــــــــــــــــــــــــــــــــــــ
لا اهلاً بكل هوى ايطب لريتي
قبّح الله العيش بعد ام بيتي
عگب الانعصرت ما ردت عافيتي
موتي لمن ماتت تقاتل دوني
وبعدَها لاَ كُنتِ أنْ تَكوني
ــــــــــــــــــــــــــــــــــــــ
عل الجانت ابكل مغرب اترويّني
يا نفسُ قد طاح العمر من عيني
ولا طوّل الله من بعدها اسنيني
اكراماً لها لا خيرَ بالعيونِ
وبعدَها لا كُنتِ أنْ تَكوني
ــــــــــــــــــــــــــــــــــــــ
صح قالع البيبان بس عل الشفته
حتى اللثام بوجهي أنه استثگلته
يشهد عليه الضلع ذاك الجسته
في عينِها الحمراءِ يَقْصُدوني
وبعدَها لا كُنتِ أنْ تَكوني
ــــــــــــــــــــــــــــــــــــــ
اتمنيت اكابر والمصيبه بظهري
كسر الضلع اكبر خساره بعمري
لا حيلي يرضى إيعيني ولا صبري
الا قليلٌ من لضى شجوني
وبعدَها لا كُنتِ أنْ تَكوني
ــــــــــــــــــــــــــــــــــــــ
يا نَفسُ شيّرجع هذيج العشره
محسوب عل الموته بدون الزهره
عطشان عافتني وحيد بصحره
ماكنت ادري منها يحرموني
وبعدَها لا كُنتِ أنْ تَكوني
ــــــــــــــــــــــــــــــــــــــ
الباب انطفت بس روحي شيطفيها
محترگ مدري شكثر صار اعليها
يانفسُ ما اگدر أهوّن بيها
ما حالُها تحتَ الثرى بدوني
وبعدَها لا كُنتِ أنْ تَكوني
ــــــــــــــــــــــــــــــــــــــ
افراگ الزجيه ايعثر الما عاثر
خلاني مكسور الگلب والخاطر
وخلاني أكرهه كل صبح من باجر
هولُ الفراقِ أحرقَ الجفونِ
وبعدَها لا كُنتِ او تكوني
ــــــــــــــــــــــــــــــــــــــ
ياما اخوته انتظرو ايشع نوره
شيصير لو محسن امكمل اشهوره
خله المهد واگلوبنه مهجوره
مِنْ كأسِ موتِ فاطمٍ سَقَوْني
وبعدَها لا كُنتِ أنْ تَكوني
ــــــــــــــــــــــــــــــــــــــ
يانفسُ دافن بالمگابر تعبي
وكلما أشوف الباب ألزم گلبي
اليمتى اضل عايش غريب ومسبي
قَدْ شارَفَتْ روحي على المنونِ
وبعدَها لا كُنتِ أنْ تَكوني

أحمد ماجد الكلابي