AE International review only

Major Grom (2024)

တလွဲဆံပင်ကောင်းဖြစ်သွားခဲ့တဲ့ ပုလိပ်ဆရာဝန်ကို အနိုင်ယူပြီး တစ်နှစ်အကြာမှာတော့ ရဲမှူးဂရွန်ဟာ မြို့တော်လူထုက အားကိုး အထင်ကြီးရတဲ့ သူရဲကောင်းတစ်ယောက်သဖွယ် ကျောကြားလာပါတော့တယ်။ ဗီလိန်တစ်ယောက်ကို အနိုင်ယူပြီးသကာလ အကျဥ်းထောင်တစ်ခုမှာ အကျဥ်းသားတွေရဲ့ အဓိကရုဏ်းတစ်ခုပေါ်ပေါက်လာကာ ဂရွန်နဲ့အတူ သူ့ပါတနာ ဒီမာတို့အတူ ဖြေရှင်းရပြန်တော့တယ်။ ဒီမာတစ်ယောက် ဒီအဓိကရုဏ်းကို သာမန်မဟုတ်ဘူးလို့ တွေးမိသွားပေမယ့်လည်း ဂရွန်ဟာ စစချင်း နားမထောင်ခဲ့ပါဘူး။ အဲ့ဒီကနေ ဂရွန်တစ်ယောက် ဘယ်လို ပြဿနာပေါင်း သောင်းခြောက်ထောင်ကို ရင်ဆိုင်ရတော့မလဲ၊ ဘယ်လို ဖြေရှင်းမလဲဆိုတာကို (၂၀၂၄) ခုနှစ်ထွက် ရုရှားစူပါဟီးရိုး ဇာတ်လမ်းတစ်ခုဖြစ်တဲ့ Major Grom:The Game ဆိုတဲ့ Action/Adventure ဇာတ်လမ်းလေးထဲမှာ ကြည့်ရှုနိုင်မှာပဲဖြစ်ပါတယ်။မေဂျာဂရွန်က တကယ်ပဲ သူရဲကောင်း Superhero ဟုတ်ရဲ့လား၊ သူ့မြို့တော်ကိုကော ကာကွယ်နိုင်မှာလားဆိူတာကို စွန့်စားခန်းတွေနဲ့အတူ ကြည့်ရှုနိုင်မယ့် ရုရှားစူပါဟီးရိုးဇာတ်ကားပဲ ဖြစ်ပါတယ်။

A Violent Prosecutor (2016)

Jae Wook ဟာ အစိုးရရှေ့နေဖြစ်ပြီး သူဟာဒေါသကြီးတတ်ပေမယ့်အလုပ်ကိုတိကျလုပ်တတ်တဲ့သူပါ.အမှုစစ်တဲ့အခါ အမြဲမှန်ကန်တဲ့အတွက်ကြောင့်လည်းနာမည်ကြီးတဲ့သူပါ.
တစ်နေ့မှာတော့သူစစ်ဆေးတာဝန်ယူနေရတဲ့ပြစ်မှုတစ်ခုရဲ့သင်္ကာမကင်းတဲ့သူဟာရုတ်တရက်သေဆုံးသွားပါတယ်…
ဒါ့အပြင်သက်သေတွေအားလုံးကလည်းJae Wookကိုပဲညွှန်ပြနေပါတယ်…အဲ့လိုနဲ့သူဟာလူသတ်သမားအဖြစ်သတ်မှတ်ခံရပြီးထောင်ဒဏ်(၁၅)နှစ်မတရားကျခံခဲ့ရပါတယ်.ထောင်ထဲမှာစစရောက်ခြင်းသိပ်မရင်းနှီးပေမယ့် သူရဲ့ရှေ့နေအလုပ်အတွေ့အကြုံတွေနဲ့ထောင်သားတွေကိုကူညီပေးပြီးထောင်သားတွေချစ်ခင်လေးစားရဲ့အကိုကြီးဖြစ်လာပါတော့တယ်…၅နှစ်အကြာမှာChi Won(Gang Dong won)ဟာလိမ်လည်မှုနဲ့ထောင်ထဲရောက်လာပါတော့တယ်….Chi Wonဟာ Jae Wookရဲ့အကြောင်းကိုလည်းသိထားသူဖြစ်ပါတယ်…ဒီလိုနဲ့Jae Wookဟာသူ့ရဲ့မတရားခံရမှုကိုပြန်လည်လက်စားချေချင်လာပါတော့တယ်…Chi Wonတစ်ယောက်ကတော့အပြင်ရောက်သွားတဲ့အခါရှေ့နေJae Wookရဲ့လူယုံတော်တစ်ယောက်အနေနဲ့သူ့ကိုကူညီပြီးအမှန်တရားကိုရှာဖွေပေးပါတော့တယ်…ဒီလိုနဲ့ဘာတွေဆက်ဖြစ်လာမလဲ?

The Captain (2019)

ခရီးသည်တင်လေယာဉ်တစ်စီး ပျံသန်းစဉ် မမျှော်လင့်တဲ့အန္တရယ်ကြောင့် ကြီးမားတဲ့ပြသနာကြီးကြုံတွေ့ရတာကိုရိုက်ပြထားတာပါ….

ဒီကားက ဇာတ်လမ်းအစမှ အဆုံးထိစိတ်ဝင်စားဖို့ကောင်းသလို ရင်လည်း တထိတ်ထိတ်ခုန်ရင်း ကြည့်ရအတော်ကိုကောင်းပါတယ်…
လေကြောင်းလိုင်းတွေရဲ့ အဆင့်ဆင့် အလုပ်လုပ်ပုံတွေ လေယာဉ်မယ်တွေရဲ့ ဝန်ဆောင်မှုပုံစံတွေ ပိုင်းလော့တွေရဲ့ တာဝန်ယူရတဲ့အပိုင်းတွေ မြေပြင်အခြေစိုက်ဌာနဲ့ရဲ့ ကွပ်ကဲပုံတွေကို ကြည့်လို့လည်းကောင်းဗဟုသုတလည်းရပါတယ်….


သရုပ်ဆောင်တွေလည်းနာမည်ကြီးမင်းသားမင်းသမီးတွေသုံးထားသလို ရိုက်ချက်တွေလည်း အတော်ကိုလန်းပါတယ်…
အထူးသဖြင့် လေယာဉ်မယ်လေးတွေကိုကြည့်ရတာနဲ့တင် နှလုံးပီတိဖြစ်ရပါတယ်.. ခံစားကြည့်ကြပါဦး…

The History of Walking Upright (2017)

မကြာသေးခင်ကမှ Lovely Runner ဇာတ်လမ်းတွဲနဲ့ မိန်းကလေးတွေရဲ့ အသည်းနှလုံးကို ဖမ်းစားခဲ့တဲ့ Byeon Woo Seok နဲ့အသွက်လေး Kang Mi Na တို့ အဓိကဇာတ်ကောင်အဖြစ် ပါဝင်ထားပြီး IMDb rating 8.4 ရရှိထားတဲ့ Romance Youth Drama လေးပဲ ဖြစ်ပါတယ်။

ဇာတ်လမ်းအကျဉ်းကတော့ ..

မီနာလို့ခေါ်တဲ့ ကောင်မလေးဟာ ကိုယ်ပျောက်အစွမ်းရှိပြီး
မိသားစုနဲ့ ရင်းနှီးတဲ့ အသိအစ်ကိုဂျုံမင်းကို တစ်ဖက်သတ် ကြိုက်နေခဲ့တဲ့သူပါ

၇ နှစ်လုံးလုံး ဖွင့်မပြောဘဲ့ အစ်ကိုဂျုံမင်းဘက်ကနေ ဖွင့်ပြောလာဖို့ စောင့်မျှော်နေတာလည်းဖြစ်ပါတယ်
ဒါပေမဲ့ ဂျုံမင်းဘက်ကတော့ မီနာက သေးသေးကွေးကွေးနဲ့ ကလေးဆန်ဆန် နေတတ်တဲ့သူမို့ကလေးလေးလို့ပဲ သဘောထားနေခဲ့တာပါ

တစ်နေ့မှာ ဂျုံမင်းတစ်ယောက် ရည်းစားရသွားတဲ့အခါ ..
မီနာတစ်ယောက် ကမ္ဘာတွေပျက်ပြီး ဂျုံမင်းနဲ့ သူ့ရည်းစားကို ကွဲအောင် အမျိုးစုံကြိုးခုန်ပြီး ကြံစည်တာကို
ဟာသနှောပြီး ရိုက်ကူးထားတာဖြစ်ပါတယ်

CJ 7 (2008)

Imdb 6.5အထိရရှိထားပြီး
ချောင် ကိုယ်တိုင်ဒါရိုက်တာလုပ်ကာ၊သရုပ်ဆောင်ခဲ့တဲ့ နောက်ဆုံးကား
တစ်ကားပဲဖြစ်ပါတယ်။

2008 ခုနှစ် Janauary 31 ရက်နေ့ မှာ ဟောင်ကောင်၌ ထွက်ရှိခဲ့ပြီး စိတ်ကူးယဉ်ဆန်တဲ့ ပညာပေး၊ရသပေး ဇာတ်ကားလေးပါ။

ဇာတ်ညွှန်းရေးသူက ချောင် အပါအဝင် ၆ ယောက်နီးပါးရှိပါတယ်။

အမေရိကန် အခြေစိုက် Columbia Pictures မှ ထုတ်လုပ်ဖြန့်ဝေခဲ့ ပြီး ဇာတ်ကားဘက်ဂျက် USD $20 မီလံယံ ခန့် ကုန်ကျသော်လည်း Box Office မှာ USD $47 မီလံယံ (၂ဆကျော်) နီးပါး ပြန်ရခဲ့ပါတယ်။

Single Father ဖြစ်တဲ့ Chow ဟာ တစ်ဦးတည်းသော သူ့ရဲ့သားလေး (ရှောင် တီ) ကို ပညာ တတ် ဖြစ်စေချင်လို့ သူဌေးသားတွေတက်တဲ့ International Private School မှာ ထားပါတယ်

Joker: Folie à Deux 2024

အာသာဖလက် ခေါ် ဂျိုကာဟာ လူ ငါးယောက်ကို သတ်မှုနဲ့ စွဲချက်တင်ခံထားရပါတယ်။ စိတ်ရောဂါအကျဉ်းထောင်ထဲမှာ တရားခွင်အတွက်စောင့်ဆိုင်းရင်း လီဆိုတဲ့မိန်းကလေးနဲ့ ချစ်မိသွားကြပါတယ်။ဒီရုပ်ရှင်အစအဆုံးကတော့ တရားခွင်မှာ ဂျိုကာနဲ့ သူ့ကို သေဒဏ်ပေးချင်တဲ့ရှေ့နေ ဟာဗေးဒန့်တို့ အပြန်အလှန် ချေပပုံတွေရယ် ဂျိုကာနဲ့ ဟာလီကွင်းကြားထဲက စိတ္တဇအချစ်ရယ်ကိုပဲ ပုံဖော်ပေးထားပါတယ်။ စီးရီးသဘောအရဆိုရင် အဓိကဇာတ်လမ်းပါတဲ့အပိုင်းမဟုတ်ဘဲ အဖြည့်ခံအပိုင်းလောက်ပဲရှိတာမို့ အားပေးမှုနည်းပြီး rating နည်းနေတာလည်း ဖြစ်ပါလိမ့်မယ်။ဇာတ်အိမ်ကြီးကျယ်မှုဆီ မသွားဘဲ ဖျော်ဖြေရေးသက်သက်သာ ဖန်တီးထားတာမို့ ရိုက်ချက်တွေ သီချင်းတွေ ခံစားဖို့သက်သက်ပဲ ကြည့်တာအကောင်းဆုံးပါပဲ။

The Wrath (2018)

ဒီဇာတ်ကားဟာ သားသည်မိခင်တစ်ယောက်ရဲ့ အဆုံးမရှိတဲ့ အငြိုးအာဃာတအကြောင်း Historical Thriller Horror ပုံစံ ရိုက်ကူးတင်ဆက်ထားတာ ဖြစ်ပါတယ်။

မကောင်းဆိုးဝါးဝိဥာဉ်တစ်ကောင်ကြောင့် ကျိန်စာသင့်ခံနေရတဲ့ လူကုံထံ ဆာဒဲဘူမိသားစုထဲကို မိဘမဲ့အစေခံမိန်းကလေးတစ်ဦး ရောက်ရှိလာခဲ့ပါတယ်။ အဲဒီ့မိသားစုမှာ သား ၃ယောက်ရှိပေမယ့် သားအကြီး ၂ယောက်စလုံးက မင်္ဂလာဦးညမှာတင် သေဆုံးခဲ့ကြပြီး သားသမီးလည်း အဖတ်မတင်နိုင်ခဲ့ပါဘူး။ ဒါကြောင့် နောက်ဆုံးကျန်တဲ့ သားအငယ်ဆုံးကို အစေခံမိန်းကလေးနဲ့ လက်ဆက်စေပြီး လင်မယားကိစ္စပြီးတာနဲ့ သတို့သားနေရာမှာ အိမ်စေကောင်လေးတစ်ယောက် အစားထိုးထည့်ထားဖို့ အိမ်ထောင်ဦးစီးသခင်မက ကြံစည်ခဲ့ပါတယ်။ သားအငယ်ဆုံး အိမ်ထောင်ပြုမယ့်အကြောင်းကို မကောင်းဆိုးဝါးဝိဥာဥိ သိသွားမှာစိုးတဲ့အတွက် မင်္ဂလာဦးညမတိုင်ခင်အထိ အိမ်စေအချင်းချင်း လက်ထပ်တဲ့ပွဲလို့ပဲ ခေါ်ဝေါ်သုံးနှုန်းစေခဲ့ပါတယ်။ သူ့အစီအစဉ်က သားလည်းမဆုံး မိသားစုမျိုးဆက်လည်း မပြတ်ရအောင် အိမ်စေမိန်းကလေးကို ကိုယ်ဝန်ဆောင်ခိုင်းပြီး ကလေးမွေးပြီးတာနဲ့ ပြန်နှင်ထုတ်ဖို့ပါပဲ။

သူဘယ်လောက်ပဲ ကြိုးစားကြိုးစား ကံအကြောင်းမလှချင်တော့ ဟိုအရင်က ဖြစ်ပျက်ခဲ့တဲ့အတိုင်း မင်္ဂလာဦးညမကျော်လွန်ခင် သတို့သားသေဆုံးရပြန်ပါတယ်။ အဲဒီ့အချက်ကို အခွင့်ကောင်းယူပြီး ချွေးမကြီးနှစ်ယောက်က အိမ်စေမိန်းကလေးကို မောင်းထုတ်ဖို့ကြိုးစားခဲ့ပေမယ့် မိန်းကလေးမှာ သားအငယ်ဆုံးနဲ့ရတဲ့ကိုယ်ဝန် ရှိနေမှန်းသိလိုက်ရတဲ့အခါ….

ကြောက်စရာကောင်းလွန်းတဲ့ ဆွေစဉ်မျိုးဆက်ကျိန်စာကို ချိုးဖျက်နိုင်အောင် ဘယ်လိုကြိုးစားမလဲ

မကောင်းဆိုးဝါးဝိဥာဉ်က ဆာဒဲဘူမိသားစုအပေါ် ဘာကြောင့်ရန်ငြိုးထားရသလဲဆိုတာ......

Wild Journey (2024) mmsub

သူဌေးကြီးတစ်ယောက်ဟာ ရှေးဟောင်းကျောက်စိမ်းကွမ်ယင်မယ်တော်ရုပ်တုကို
နိုင်ငံခြားကနေလေလံနဲ့ဝယ်ပြီးတော့ နိုင်ငံတော်ကိုလှူခဲ့တယ်။
ဒါပေမယ့် လေဆိပ်မှာပဲ ရုပ်တုဟာလုခံလိုက်ရတယ်။
မှောင်ခိုစျေးကွက်မှာ ဒီရုပ်တုဟာ နာမည်အရမ်းကြီးသွားခဲ့တယ်ပါတယ်။

အရမ်းတန်ဖိုးကြီးတဲ့နိုင်ငံ့ရတနာဖြစ်တာကြောင့် လိုချင်တပ်မက်တဲ့
သူတွေများပြီးတော့ ဒီရုပ်တုကိုပိုင်ဆိုင်နိုင်ဖို့ အလုအယက်ကြိုးစားနေကြပါတယ်။
အဲဒီအချိန်မှာ ပညာမတတ်ပေမယ့် ရိုးသားပြီး ကိုယ်ခံပညာတော်တဲ့
တောင်ပေါ်သားတစ်ယောက်က နိုင်ငံ့ရတနာကို မသမာသူတွေလက်ထဲ
မရောက်အောင် ကာကွယ်ရင်း သူ့ရဲ့သူရဲကောင်းအိပ်မက်ကို
အကောင်အထည်ဖော်သွားတဲ့ အက်ရှင်ကားလေးပဲဖြစ်ပါတယ်။

Death Bell 2: Bloody Camp ( 2010 ) mmsub

ဒီကားကတော့ အရင် Death bell 1 နဲ့ပုံစံဆင်တူတဲ့ ကျောင်းသားလူသတ်ကားလေးပါပဲ ။
ဆရာမအသစ်လေးတစ်ယောက် ကျောင်းမှာ အစမ်းခန့်အနေနဲ့ အလုပ်စဝင်ခဲ့ပါတယ်
သူအလုပ်စဝင်ပြီး အစမ်းခန့်ပါလ တစ်လပဲကျန်တော့တဲ့အချိန်မှာ အဆင့်တစ်ကနေ သုံးဆယ်အတွင်းဝင်တဲ့ ကျောင်းသားတွေအတွက် နွေရာသီအထူးတန်းစတင်သင်ကြားခဲ့ပါတော့တယ် ။

ထူးဆန်းတဲ့ဖြစ်ရပ်တွေက အဲ့နေ့ညမှာပဲ စတင်ခဲ့ပါတယ်
အဖွဲ့လိုက်အနိုင်ကျင့်မှုသေဆုံးခဲ့ရတဲ့ မိန်းကလေးတစ်ယောက်အတွက် ပြန်ပြီးလက်စားချေမှုတွေစတင်လာခဲ့တာပါ …
‘မိခင်ဖြစ်သူက အပြစ်မရှိဘဲသေသွားခဲ့ရင် သားဖြစ်သူက လက်စားမချေပဲနေပါ့မလား’ ဆိုတဲ့စကားအတိုင်း ဘယ်လိုမျိုးလက်စားချေမလဲ …
အနိုင်ကျင့်တဲ့အဖွဲ့ကရော ဘယ်လိုမျိုးဇာတ်သိမ်းရမလဲ
လက်စားချေတဲ့လူကရော မိန်းကလေးနဲ့ဘယ်လိုပက်သက်ပြီးဘယ်သူဖြစ်နိုင်မလဲဆိုတာ စိတ်ဝင်တစားနဲ့စောင့်ကြည့်ကြပါဦး ။
အားလုံးရဲ့အချစ်တော် မင်းသား Ji Chang Wook လေးပါဝင်ထားပါတယ်နော်…။( အညွှန်းနဲ့ဘာသာပြန်သူကတော့ Shoon Thu Thu Chain ဖြစ်ပါတယ် )

Death bell ( 2018 ) mmsub

ဒီကားလေးက အထက်တန်းကျောင်းတစ်ခုက လျှို့ဝှက်ချက်ဆန်တဲ့လူသတ်တဲ့ကားလေးပါ ။

ချန်အင်အထက်တန်းကျောင်းမှာ နှစ်ဝက်စာမေးပွဲကြီးပြီးဆုံးပြီး အထူးတန်းတက်ရဖို့ အကြောင်းဖန်လာခဲ့တဲ့ ကျောင်းသားတွေ
ရုတ်တရက်ကြီးစာသင်နေရင်း အသံလွှင့်ခန်းကနေ အသံတစ်ခုပေါ်လာခဲ့တယ် ။
အဲ့ဒါကတော့ စာမေးပွဲထပ်ဖြေရပါမယ်တဲ့ထူးဆန်းတာက ဒီစာမေးပွဲက တခြားစာမေးပွဲတွေလိုမဟုတ်ဘဲ ကျောင်းသားတစ်ယောက်ချင်းစီကိုဖမ်းခေါ်သွားပြီး သူတို့ကိုပြန်ကယ်ပေးတဲ့စာမေးပွဲပါ…
ကျောင်းသားတစ်ယောက်ကိုမေးခွန်းတစ်ခု အဲ့မေးခွန်းကိုဖြေနိုင်မှသာ ကျောင်းသားကိုကယ်နိုင်မှာဖြစ်တယ်
အပြင်လည်းထွက်လို့မရ ဖုန်းတွေကလည်း အတက်အသွယ်ပြတ်နဲ့ ကျောင်းသားတွေရော ဆရာတွေရော အသက်ရှင်သန်ဖို့အတွက် အသည်းအသန်ကြိုးစားကြရပါတော့တယ် ။ဒါပေမယ့် ဖြစ်ချင်တော့… မေးခွန်းတွေကို ဘယ်သူမေးနေတာဖြစ်မလဲ
ဘာကြောင့် ကျောင်းသားတွေကိုအသုံးချပြီးလုပ်ရတာလဲ
အဲ့နောက်ကွယ်မှာ ဘာဇာတ်လမ်းတွေရှိဦးမလဲ ဘယ်သူတွေအသက်ရှင်ကျန်ရစ်ခဲ့မလဲဆိုတာ
သရဲကား လူသတ်ကားတွေရဲ့ထူးစံအတိုင်း ရင်တထိတ်ထိတ်နဲ့ ရှုစားလိုက်ကြပါဦးနော်…

The Kid Who Would Be King (2019)
============================

Merlin စီးရီးတွေကို ကြည့်ဖူးတဲ့လူတိုင်းဒီကားလေးကိုစိမ်းမယ်မထင်ပါဘူး…

ပုံပြင်တွေထဲက King Arthur နဲ့ ကျောက်တုံးထဲ စိုက်ဝင်နေတဲ့Excalibar ဓားကို လူတိုင်းကြားဖူးကြမှာ အသေအချာပါပဲ။The kid who would be king (2019) က အဲဒီပုံပြင်ထဲကလို
Excalibar ဓားကို ဆွဲထုတ်နိုင်ခဲ့တဲ့ ကလေးရဲ့ စွန့်စားခန်းအကြောင်းရိုက်ကူးထားတဲ့Adventure , Action , Family ဇာတ်ကားလေးပါ။King Arthur က ကျောက်တုံးထဲက ဓားကိုဆွဲထုတ်ပြီးတော့ဗြိတိန်ရဲ့ ဘုရင်ဖြစ်လာပြီး မွေးစားညီမဖြစ်သူ Morgana ရဲ့လက်က ကာကွယ်ပေးခဲ့ပါတယ်။ဒါပေမဲ့ Morgana က နယ်မြေတွေအစိတ်စိတ်ကွဲလူတွေ မျှော်လင့်ချက်မဲ့ပြီး ခေါင်းဆောင်မဲ့နေတဲ့အချိန်ပြန်လာမယ်လို့ ကျိန်စာဆိုခဲ့ပါတယ်။Arthur ကလည်း အဲဒီအချိန်မှာ Excalibar ပြန်ပေါ်လာပါစေလို့ သစ္စာပြုခဲ့တယ်။၁၂ နှစ်အရွယ် မူလတန်းကျောင်းသားလေး Alex ရဲ့ ခေတ်မှာExcalibar က ပြန်ပေါ်လာပြီးတော့ Morgana ကလည်းပြန်အင်အားကောင်းလာပါတယ်။ ဓားကိုဆွဲထုတ်နိုင်ခဲ့တဲ့ ဘုရင်လေး Alex ကMorgana လို အစွမ်းထက်တဲ့ စုန်းမကိုဘယ်လို ပြန်ပြီးတိုက်ခိုက်တယ်ဆိုတာ ကြည့်ရမှာပါ။King Arthur ပုံပြင်တွေမှာ မပါမဖြစ်တဲ့ Merlin ကလည်းဘယ်လို မှော်ပညာတွေနဲ့ အထောက်အပံ့ပေးသွားမယ်ဆိုတာကို ကြည့်ရမှာပါ။

On Your Wedding Day (2018)

ငယ်ရွယ်စဉ်ကျောင်းသားဘဝရင်ခုန်တတ်စအရွယ်ကအချစ်ဦးလေးကိုပြန်လည်လွမ်းဆွတ်သတိရသွားစေမယ့်ကားလေးပါ။

ဟန်ဝူယောင်းဟာ စာညံ့ပြီး အမြဲရန်ဖြစ်ဆိုးသွမ်းနေတဲ့ကျောင်းသားတစ်ယောက်ပါ။
သူတို့ကျောင်းကိုကျောင်းပြောင်းလာတဲ့ ကျောင်းသူသစ်လေး ဟွမ်ဆွန်ဟီးကိုမတွေ့ခင်အထိပေါ့။
သူတို့တွေ့ဆုံပြီးသူငယ်ချင်းသံယောဇဉ် ကနေ ချစ်ခြင်းတရားတစ်ခုပေါက်ဖွားလာခဲ့ပြီးမမျှော်လင့်ဘဲ ဆွန်ဟီးတစ်ယောက် ဝူယောင်းတို့မြို့လေးကနေ ထွက်ခွာသွားတဲ့အခါ..
စာညံ့တဲ့ ဝူယောင်းတစ်ယောက်ကတော့ တက္ကသိုလ်မရောက်ခဲ့ပါဘူး။
တနေ့မှာ လက်ကမ်းကြော်ငြာတစ်ခုမှာ ဆိုးလ်အမျိုးသားတက္ကသိုလ်မှာ ပညာသင်ကြားနေတဲ့ သူချစ်ရတဲ့ အမျိုးသမီးလေး ဆွန်ဟီးရဲ့ပုံကိုမထင်မှတ်ဘဲ တွေ့လိုက်ရတဲ့အခါ
ဆိုးလ်အမျိုးသားတက္ကသိုလ်ဟာ တောင်ကိုရီးယားရဲ့ ထိပ်တန်းတက္ကသိုလ်တစ်ခု

အချစ်ရဲ့တွန်းအားတစ်ခုထဲနဲ့ ကြိုးစားပြီး တက္ကသိုလ်တက်ခွင့်ရခဲ့တဲ့ ဝူယောင်း၊
ဆွန်ဟီးနဲ့ ပြန်လည်ဆုံတွေ့ရသော်လည်း သူမမှာချစ်သူရှိနေမှန်းသိလိုက်ရသောအခါ…
သင်မကြည့်မဖြစ် ကြည့်ထားသင့်တဲ့ ဇာတ်ကားတစ်ကား ဆိုတာပြောရဲပါတယ်

Desperado ( 2024 )

ခွေးထိရင်ဓားကြည့်ဆိုတဲ့ John Wickကြီးလိုပဲ သမီးထိရင်မီးပွင့်သွားမယ်ဆိုတဲ့
အထူးအေးဂျင့်ဟောင်းကြီးတစ်ယောက် လက်ဗလာနဲ့
လူဆိုးအုပ်ကြားမှာကြမ်းတဲ့ အက်ရှင်ကားကောင်းလေးတင်ဆက်ပေးလိုက်ပါပြီ။

ဇာတ်လမ်းအကျဉ်းကတော့
အရမ်းကိုထူးချွန်တဲ့အထူးအေးဂျင့်ဟောင်းကြီးတစ်ယောက်က ဇာတ်မြှုပ်ပြီးတော့
လုံခြုံရေးကုမ္ပဏီလေးဖွင့်ပြီး ဘဝကိုရိုးရိုးရှင်းရှင်းဖြတ်သန်းနေချိန်မှာ
မင်းသားကသူ့ဟာသူနေပေမယ့် ပြဿနာကသူ့ဟာသူမနေပဲ တံခါးဝထိရောက်လာပါတယ်။
ဒီလိုနဲ့သူကမိသားစုကိုဆုံးရှုံးလိုက်ရပြီးတော့ ထောင်(၉)နှစ်ကျသွားပါတယ်။
ထောင်ကထွက်လာတဲ့အချိန်မှာ သူ့ရဲ့မိသားစုကိုဖျက်ဆီးခဲ့တဲ့သူကို လိုက်ရှာတော့တာပေါ့။
သဲလွန်စတွေရဲ့အချိတ်အဆက်တစ်ခုဖြစ်တဲ့ ကလေးမလေးတစ်ယောက်ကို
သမီးအရင်းလိုသဘောထားပြီးကာကွယ်ပေးရင်း
သူ့ရဲ့ရန်ငြိုးကိုလက်စားချေဖို့ကြိုးစားတော့တာပေါ့။
လူကြမ်းကြီးတစ်ဖြည်းဖြည်းနဲ့ အဖြစ်မှန်အမှုကိုဖော်သွားတာကို
ကြမ်းကြမ်းရမ်းရမ်းအက်ရှင်တွေနဲ့ ခံစားကြည့်လိုက်ပါနော်……

The Substance 2024

  နာမည်ကြီး ဟော်ရာ ရုံရှင်ကားအသစ် အကြည်ထွက်ပါပြီ။မင်းသမီးကြီး ဒယ်မီမိုး နဲ့ 𝐎𝐧𝐜𝐞 𝐔𝐩𝐨𝐧 𝐚 𝐓𝐢𝐦𝐞... 𝐢𝐧𝐇𝐨𝐥𝐥𝐲𝐰𝐨𝐨𝐝ရုပ်ရှင်ထဲက 𝐏𝐮𝐬𝐬𝐲𝐜𝐚𝐭 လေး 𝐌𝐚𝐫𝐠𝐚𝐫𝐞𝐭 𝐐𝐮𝐚𝐥𝐥𝐞𝐲 တို့ ပါဝင် သရုပ်ဆောင်ထားပါတယ်။ ကြောက်စရာ ခန္ဓာကိုယ် အပြောင်းအလဲ တွေနဲ့ ရွံစရာတွေ ပါတာမို့ နှလုံးခိုင်မှ ကြည့်ကြပါလို့ သတိပေးချင် ပါတယ်။

ဇာတ်လမ်းအကျဉ်း အယ်လီဇဘတ်ဟာ နာမည်ကြီးမင်းသမီးဖြစ်ခဲ့ပေမဲ့ အသက်အရွယ် ကြီးရင့်လာတဲ့အခါ သူ့နေရာမှာ ကောင်မလေးငယ်ငယ်လှလှလေးနဲ့ အစားထိုးဖို့ တီဗီအစီအစဉ်တစ်ခုကနေ ကန်ထုတ်ခံလိုက်ရပါ တယ်။ အဲဒီအချိန်မှာ သူ့ကို ထူးဆန်းတဲ့ ဆေးတစ်မျိုး ကမ်းလှမ်းလာပါ တယ်။ အဲဒီဆေးရဲ့ အစွမ်းကတော့ ဆေးသုံးလိုက်တဲ့သူရဲ့ ဆဲလ်တွေကိုပွားလာစေပြီး အဲဒီဆေးထိုးခံတဲ့သူရဲ့ နောက်ထပ် ဗားရှင်းလူတစ် ယောက် ကိုယ်ပွားထွက်ပေါ်လာတာပါပဲ။ အဲဒီကိုယ်ပွားက ပိုလှမယ် ပိုတော် မယ် ပိုပြီးပြည့်စုံတဲ့ ဗားရှင်းဖြစ်လာပါမယ်။ ဒါပေမဲ့ အရေးကြီးတဲ့သတ်မှတ်ချက်ကတော့ မူလလူနဲ့ ကိုယ်ပွား ဟာ တစ်ယောက်ကို တစ်ပတ်စီ အချိန်ပေးရပါတယ်။ ဒါပေမဲ့ ငယ်ရွယ် တဲ့ ကိုယ်ပွားလေးဟာ တဖြည်းဖြည်း ပိုအောင်မြင်လာပြီ အချိန်တွေ ပိုလောဘကြီးလာတဲ့အခါ မူရင်းလူမှာ ယိုယွင်းတာတွေ ဆိုးရွား လာပြီး ကိုယ်ပွားမှာလဲ ခန္ဓာကိုယ်မတည်ငြိမ်တာတွေဖြစ်လာပါတယ်။ အဲဒီကနေမှ ပိုပိုပြီး အရုပ်ဆိုးတဲ့ ရက်စက်တဲ့အဖြစ်အပျက်တွေ ဖြစ်လာတဲ့အခါ...

The Portable Door (2023)
IMDb.. 6.3/10

အလုပ်ရှာနေတဲ့ အလုပ်လက်မဲ့ကောင်လေး Paul Carpenterက “တိုက်တိုက်ဆိုင်ဆိုင်” JW Wellsဆိုတဲ့ လုပ်ငန်းတစ်ခုမှာအလုပ်ရသွားတယ်။ သူနဲ့အတူ Sophieဆိုတဲ့ ထက်မြက်တဲ့ကောင်မလေးလည်း အလုပ်သင်မှာ အတူအလုပ်ရကြတယ်။ဒါပေမဲ့ Paulက သူ့အလုပ်က ဘာအလုပ်လဲမသိသလို အဲ့အလုပ်ကလူတွေ ဘာအလုပ်လုပ်ကြတယ်ကိုလည်း မသိခဲ့ဘူး။CEO Humphrey Wells က Paul ကို လျှို့ဝှက်အလုပ်တစ်ခုအပ်ခဲ့တယ်။ အဲဒါကတော့ တံခါးတစ်ခုကို ပြန်ရှာဖို့တဲ့။ခရီးသွားတံခါးလို့ ခေါ်တယ်။Paul လည်း မမြင်ရတဲ့တံခါးကို လိုက်ရှာဖို့ ကြိုးစားနေတဲ့အချိန်မှာSophieအပါအဝင် ကုမ္ပဏီရဲ့ဝန်ထမ်းအချို့က Humphreyကို သတိထားဖို့ ပြောခဲ့ကြတယ်။ Humphrey က ဘာလို့ အဲ့တံခါးကို အရမ်းလိုအပ်နေတာလဲ၊တံခါးက ဘယ်ကိုသွားတဲ့တံခါးလဲ၊ အဲ့တံခါးနောက်ကွယ်မှာ ဘာလျှို့ဝှက်ချက်တွေ ရှိနေတာလဲ ဆိုတာကိုတော့ ထူးခြားဆန်းကြယ်မှုမျိုးစုံနဲ့ တွေ့ရှိရမယ့် Fantasy ဇာတ်လမ်းကောင်းတစ်ပုဒ် ဖြစ်ပါတယ်။

The Plot (2024)

ဇာတ်လမ်းအညွှန်း-ကြေးစားလူသတ်တဲ့အဖွဲ့အစည်းတစ်ခုရှိတယ်…..သူတို့က တခြားသူတွေလို ချောင်းမြောင်းသေနတ်နဲ့ ပစ်ခတ်တာမျိုးထိပ်တိုက်ရင်ဆိုင် တိုက်ခိုက်ပြီး သတ်ဖြတ်တာမျိုးတွေမလုပ်ဘူး…ဘာလို့ဆို ဒီလိုမျိုးလုပ်ရပ်တွေဟာ သဲလွန်စပေါင်းများစွာကျန်တတ်တာကြောင့်အလွယ်တကူ ရဲတွေခြေရာခံနိုင်ပြီး တရားခံကို အချိန်တိုအတွင်းဖမ်းဆီးနိုင်တာကြောင့်ပါပဲ..ဒါ့ကြောင့် သူတို့အဖွဲ့ဟာ အလုပ်အပ်သူရှိရင် ပစ်မှတ်ရဲ့ နေထိုင်မှုပုံစံကို စနစ်တကျလေ့လာပြီးမတော်တဆမှုပုံစံနဲ့သေသွားအောင် ဖန်တီးလေ့ရှိပါတယ်…ဉပမာ ယာဉ်မတော်တဆမှု၊ ဓာလိုက်သေဆုံးမှု၊ အမြင့်ပေါ်က မတော်တဆပြုတ်ကျမှု၊စသည့် မတော်တဆမှုပေါင်းများစွာပေါ့…ဒီလိုမတော်တဆမှုဖြစ်အောင် ဖန်တီးရတာ တကယ်တော့မလွယ်ပါဘူး…အလုပ်ဖြစ်မြောက်သွားရင်လည်း သူတို့အဖွဲ့ကို လုံးဝ ရဲတွေမရိပ်မိဘဲနေနိုင်သလိုအလုပ်အပ်တဲ့သူအတွက်လည်း သံသယဖြစ်စရာမလိုအောင် ဆက်လက်နေထိုင်နိုင်တာမို့အလုပ်အပ်ကြေးမြင့်မားလှသလို တကယ့်ထိပ်သီးနိုင်ငံရေးသမားတွေ စီးပွာရေးသမားတွေကသာသူတို့ကိုအလုပ်အပ်နိုင်တာမျိုးဖြစ်ပါတယ်…

100 Yards (2024) mmsub

တရုတ်ကွန်ဖူးအက်ရှင်ရုပ်ရှင်မှ ကြည့်ချင်ပါတယ်ဆိုတဲ့ CM ရဲ့
ပရိသတ်တွေအတွက်အက်ရှင်ကားကောင်းလေးကို
ဘာသာပြန် တင်ဆက်ပေးလိုက်ပါတယ်။ ဇာတ်လမ်းအကျဉ်းလေးကတော့-

1920 ခုနှစ်မှာ ထျန်းကျင်းသိုင်းခန်းမရဲ့ ခန်းမသခင်ကြီးဟာ ဆုံးပါးသွားခဲ့ပါတယ်။
သခင်ကြီးဟာ အသက်ရှင်စဉ်က သားဖြစ်သူရှန်အန့်ကို
ရှုပ်ထွေးလှတဲ့ သိုင်းလောကထဲက ထွက်ခွာစေချင်တဲ့အတွက်
သူ့အတွက် ဘဏ်မှာ အလုပ်တစ်ခု ရှာပေးခဲ့ပြီး တပည့်ကြီး ချီချွမ်ကို ဆက်ခံခွင့်ပေးဖို့ ဆုံးဖြတ်ခဲ့ပါတယ်။

ဒါပေမဲ့ ရှန်အန့်ကတော့ ဒီဆုံးဖြတ်ချက်ကို မကျေနပ်နိုင်ဖြစ်ခဲ့ပါတယ်။
သူ့အဖေနီးပါး သိုင်းပညာမှာ ပါရမီပါပေမဲ့ အဖေ့ကို
မျက်နှာလိုက်တယ်လို့ ထင်ခဲ့ပြီး ဂိုဏ်းတူအစ်ကို ချီချွမ်းကို
သိုင်းပညာအရ စိန်ခေါ်ဖို့ ကြိုးစားနေခဲ့ပါတယ်။

တစ်ဖက်မှာလည်း ချီချွမ်းဟာ သိုင်းလောကရဲ့ စည်းမျဉ်းတွေကို
အကြိမ်ကြိမ်ဖောက်ဖျက်နေတဲ့အတွက် ရှုပ်ထွေးမှုတွေ ဖြစ်ခဲ့ရပါတယ်။
သိုင်းလောက အကြီးအကဲတွေက ရှန်အန့်ကို ပြန်လာစေချင်ပြီး
သိုင်းယှဉ်ပြိုင်တဲ့ နည်းလမ်းနဲ့ ချီချွမ်းကို သိုင်းလောကထဲက နှင်ထုတ်ဖို့ ကြိုးစားပါတော့တယ်။

ဒီရုပ်ရှင်ထဲမှာ သိုင်းလောက ရှုပ်ထွေးမှုတွေ၊ အက်ရှင်သိုင်းကွက် လှလှလေးတွေ ၊
1920 ပတ်ဝန်းကျင်က ရုပ်ရှင်ရိုက်ကွက် လှလှလေးတွေ
အားလုံးကို ခံစားရမှာ ဖြစ်တဲ့အတွက် အက်ရှင်ရုပ်ရှင်ကြိုက်သူတွေအတွက်
ကြည့်သင့်တဲ့ ရုပ်ရှင်ဖြစ်တယ်ဆိုရင်လည်း မမှားဘူးနော်။

Filesize : 5.55 GB / 1.38 GB / 786 MB
Quality : WEB-DL 4K HEVC , 1080p HEVC , 720p HEVC
Format : mkv
Genres : Action , Drama
Runtime : 1h 48 min
Subtitle : Myanmar Subtitle ( Hardsub )
Translated by CM Team
Reviewed By Moon
Encoded by LK

Rebel Moon - Part Two: The Scargiver (2024)
=================================

ဇာတ်လမ်းအကျဉ်း -
ဗဲ့ဒ်ဆိုတဲ့ ရွာကလေးက လယ်သမားတွေဆီကို အင်ပါယာဗိုလ်ချုပ်တစ်ယောက်ရောက်
လာပြီး ရိက္ခာတွေ မတန်တဆ တောင်းတယ်။ ဒါကို ရွာသားတွေကမပေးနိုင်တော့ ပြန်ခု
ခံဖို အကူအညီတောင်းဖို ကြိုးစားတယ်။ သူတိုမှာလည်း ကြေးစားတပ်တွေငှားဖို ပိုက်ဆံ
မရှိပါဘူး ရိက္ခာအပိုလေးနည်းနည်းပဲပေးနိုင်တာပါ။ ရွာမှာ ခိုအောင်းနေတဲ့ ဝရမ်းပြေးစစ်
သည်တော်တစ်ယောက်နဲ့ လယ်သမားလေးတစ်ယောက်တို စကြဝဠာထဲမှာ ခြေဆန့်ပြီး
မဖြစ်စလောက်ရိက္ခာလေးပေးရုံနဲ့ လယ်သမားတွေဘက်ကနေ ကူတိုက်ပေးမဲ့ စစ်သည်
တော်တွေကို လိုက်စုစည်းကြတာက အပိုင်း-၁ ရဲ့ ဇာတ်လမ်းပါပဲ။ အပိုင်း-၂ မှာတော့ ဒီ
ဆာမူရိုင်းတွေ အင်အားအရမ်းကြီးတဲ့ အင်ပါယာကြီးကို ဘယ်လိုခုခံတော်လှန်ကြမလဲ
ဆိုတာ တွေ့ရမှာပါ။

The Desperate Chase (2024) မြန်မာစာတန်းထိုး
IMDb 5.5/10

***

Action ကားလည်းကြိုက်တယ် ဒါပေမဲ့ဟာသလေးတွေနဲ့ ပေါ့ပေါ့ပါးပါးလည်း

ကြည့်ချင်တဲ့ ပရိသတ်ကြီးအတွက် ဒီတစ်ခါမှာတော့ The Desperate Chase ဆိုတဲ့

Movie အသစ်စက်စက်လေးနဲ့ မိတ်ဆက်ပေးပါရစေ။

Cast တွေအနေနဲ့ကတော့ Killing Vote, Bloodhounds တို့ထဲက

မင်းသားကြီး Park Sung Woong, Cafe Minamdang, Flex X Cop တို့ထဲက

မင်းသား Kwak Si Yang, Kdrama ပရိသတ်ကြီးတွေ ရင်းနှီးနေပြီးသားဖြစ်တဲ့

ဇာတ်ပို့မင်းသားကြီး Yoon Kyung Ho တို့က အဓိကအနေနဲ့ ပါဝင်သရုပ်ဆောင်ထားပါတယ်။

ဇာတ်လမ်းအကျဉ်း-

ဇာတ်လမ်းကတော့ ဂျယ်ဂျူကျွန်းမှာ Gold Medi Valley လို့ခေါ်တဲ့ ဆေးဌာနကြီးကို

ဖွင့်ဖို့လုပ်ရင်း ဒေါသကြီးပြီး ပြဿနာရှာနေကျ စုံထောက်နဲ့ ရုပ်ပြောင်းရုပ်လွှဲလုပ်ပြီး

လိမ်စားနေကျ အကြီးစားလူလိမ်တို့ ထိပ်တိုက်တွေ့ကြရာကနေ စတင်လာခဲ့တာပါ။

ဂင်အင်ဟယ် (Park Sung Woong) ကတော့ သရုပ်မှန်ကို မမှတ်မိအောင်ဖုံးကွယ်ပြီး

ရုပ်ဖျက်ရင်းလိုက်လိမ်နေတဲ့ လူလိမ်ဆရာကြီးဖြစ်ပြီး ဂျိုဆူဂွမ် (Kwak Si Yang) ကတော့

ဒေါသမထိန်းနိုင်ဘဲ အမြဲတမ်းဝုန်းဒိုင်းကြဲနေပြီး ဂြိုဟ်မွှေနေကျ စုံထောက်တစ်ယောက်ပေါ့။

ဂျယ်ဂျူကျွန်းကို မတူညီတဲ့အကြောင်းရင်းတွေနဲ့ သွားခဲ့ကြတဲ့ လူလိမ်နဲ့ စုံထောက်တို့

တွေ့လိုက်တိုင်း ရန်ဖြစ်နေကြတဲ့ သူတို့နှစ်ယောက်က ဂျူရင်းဖန်း (Yoon Kyung Ho) ဆိုတဲ့

အကြင်နာကင်းမဲ့တဲ့ ဂိုဏ်းခေါင်းဆောင်ကို ဖမ်းဆီးဖို့ရာ အင်အားပေါင်းစည်းဖို့ ဖြစ်လာပါတော့တယ်။

ဂျူရင်းဖန်းကရော ဂိုဏ်းကနေဘယ်လိုမတရားတဲ့ကိစ္စတွေကို ကျူးလွန်နေတာဖြစ်မလဲ..။

မတည့်အတူနေလူလိမ်နဲ့ စုံထောက်ကရော ဘယ်လိုတွေညှိပြီး စစ်ဆင်ရေးတွေချသွားကြမှာလဲ..။

သူတို့ရဲ့စစ်ဆင်ရေးမှာရော တခြားဘယ်သူတွေက ဘယ်လိုကူညီပေးသွားကြမလဲဆိုတာကို

ဟာသလေးတွေနှောပြီး စိတ်အပန်းဖြေကြည့်လိုက်ကြပါဦးနော်။

(ဇာတ်လမ်းအကျဉ်းကို Vanessa မှ ရေးသားပေးထားပါတယ်။)

Civil War (2024)
==========

အမေရိကန်နိုင်ငံကြီး လက်ရှိခေတ်မှာ ပြည်တွင်းစစ်ဖြစ်သွားတာကို စိတ်ကူးယဉ်ရိုက်ကူးထားတာပါ။ ဒါရိုက်တာကတော့ 28 Days Later တို Ex Machina တိုရဲ့ ဖန်တီးရှင် Alex Garland ပါပဲ။ စစ်ပွဲတွေရဲ့ ဖြစ်တတ်တဲ့ သဘာဝကို အဓိက ဇာတ်ကောင် စစ်သတင်းထောက်တွေ ပတ်လည်မှာ အခြေခံပြီး ပြသထားတာပါ။ စစ်ပွဲအတွက် စည်းကမ်းတွေအများကြီးရေးခဲ့ကြပေမဲ့ တကယ်တိုက်တဲ့အခါ ဘာစည်းကမ်းမှ မရှိတော့တာမျိုးကိုလည်း ပြထားပါတယ်။

ဇာတ်လမ်းအကျဉ်း အမေရိကန် သမ္မတနဲ့အစိုးရ ဦးဆောင်တဲ့ တပ်တွေနဲ့ ခွဲထွက်ရေး အနောက်ပိုင်းတပ်တွေ ပြည်တွင်းစစ်ဖြစ်ကြပါတယ်။ ဝါရှင်တန်ဒီစီကနေ အစိုးရတပ်တွေ ဘယ်လိုအောင်ပွဲခံနေကြောင်း ဆက်တိုက်လွှင့်နေပေမဲ့ ခွဲထွက်ရေးတပ်တွေက တစ်မြိုပြီးတစ်မြိုသိမ်းလာပြီး ရက်ပိုင်းအတွင်း မြိုတော်ဒီစီ ကျရှုးတော့မဲ့အချိန်ကိုရောက်လာပါတယ်။ အဲဒီအချိန်မှာ စစ်သတင်းထောက် တစ်စုက သမ္မတရဲ့ နောက်ဆုံးအချိန်ကို အမိအရ သတင်းယူဖို ကားတစ်စီးနဲ့ ထွက်လာကြတာပါ။

တစ်လမ်းလုံးမှာ စစ်ရဲ့ အနိဌာရုံတွေတွေ့၊ တိုက်ပွဲတွေကြားထဲရောက်၊ နှစ်ဘက်တပ်တွေ စည်းမရှိကမ်းမရှိ ရက်စက်နေတာတွေကို ကျော်ဖြတ်ပြီး ဝါရှင်တန်ဒီစီကို အရောက်နှင်ကြရမှာပါ။