သုတ၊ရသစာပေများ

ပျော်ရွှင်ပါစေ

📌 ပျော်ရွှင်မှုနဲ့ ပတ်သက်လို့ အမြင်အမျိုးမျိုးရှိကြပါတယ်။

📌 ကျွန်တော်ကတော့ ပျော်ရွှင်မှုဆိုတာ လိုက်ရှာရတာမဟုတ်ဘူး...
ဖန်တီးယူရတာဆိုတဲ့ အမြင်ကိုလက်ခံတယ်။
နောက်ပြီး ငါ့ကိုပျော်အောင်လုပ်ပေးပါ ဆိုပြီးလည်း
တစ်ယောက်ယောက်ဆီက တောင်းခံလို့ရတာမျိုးမဟုတ်ပါဘူး။

📌 တကယ်တော့ ပျော်ရွှင်မှုဆိုတာ ...
ကိုယ်လုပ်တဲ့လုပ်ရပ်တွေရဲ့ အကျိုးဆက်ဖြစ်ပါတယ်။
ဒါကြောင့် ပျော်ချင်တယ်ဆိုလိုက်မရှာနဲ့။
လိုက်လည်း မတောင်းနဲ့။
ကိုယ့်လုပ်ရပ်တွေ၊ ကိုယ့်အမြင်၊ ကိုယ့်အတွေး၊
ကိုယ့်ခံယူချက်တွေကိုသာ ပြောင်းလိုက်ပါ။


စာအုပ် - ပျော်ရွှင်ပါစေ
( ဒေါက်တာဖြိုးသီဟ )
မှပြန်လည်ကူးယူတင်ပြသည်။

Photo Credit


သုတ၊ရသစာပေများ Facebook Page >
https://www.facebook.com/KnowledgeAndTasteBooks/

သုတ၊ရသစာပေများ Telegram Channel > #Telegram > https://t.me/K8TLrt

ပရော်ဖက်ရှင်နယ်တို့ ကျဆုံးချိန်

📌 နယ်ပယ်တိုင်းမှာ အရည်အသွေးတွေ ကျနေတယ်။ ကျင့်ဝတ်စောင့်ထိန်းမှုတွေ အားနည်းနေတယ်။ ဘာလို့လဲဆိုတော့ ဒီဝင်ငွေတစ်ခုတည်းနဲ့ ရပ်တည်လို့မရတာကြောင့်ပါပဲ။

ဒါဆို ဝင်ငွေကောင်းအောင် ဘယ်လိုလုပ်မလဲ။❓

📌 ရှင်းပါတယ်။ တိုင်းပြည်စီးပွားရေးကောင်းဖို့ လိုတယ်။ ‌ဈေးကွက်ကျယ်လာ၊ ဝယ်လိုအားများလာရင် ရောင်းအားကောင်းလာမယ်၊ ဝင်ငွေပိုရမယ်၊ ဒီသဘောပါပဲ။

📌 နယ်ပယ်အသီးသီးမှာ ပရော်ဖက်ရှင်နယ်တွေ များလာရင် တိုင်းပြည်တိုးတက်လာမှာ ဖြစ်သလို၊ အဲဒီလို ပရော်ဖက်ရှင်နယ်တွေ များလာဖို့ကလည်း တိုင်းပြည်တိုးတက်ဖို့ လိုပြန်ပါသေးတယ်။ ဒါကြောင့်လည်း နိုင်ငံရေးဆိုတာ နိုင်ငံသားအားလုံးရဲ့အရေးလို့ ဆိုနေရတာပါ။

📌 တိုင်းပြည် မတိုးတက်သရွေ့ ကျွန်တော်တို့ဟာ အရည်အသွေးနိမ့်မှုတွေနဲ့ပဲ ကြုံနေရဦးမှာပါပဲ။ အရည်အသွေးနိမ့်တဲ့ ကျန်းမာရေးစောင့်ရှောက်မှုတွေ၊ မြန်မာပေါကားတွေ၊ နိုင်ငံခြားတက်ကျမ်းကို ဘာသာပြန်ပြီး ကိုယ်ရေးထားသလိုလို လုပ်နေတာတွေ၊ အဖော်အချွတ်တွေလုပ်ရင်း ဘာဝမ်းစာမှမရှိ၊ ဖြည့်ဖို့လည်း စိတ်မကူးဘဲ ရုပ်ရှင်ဝင်ရိုက်၊ သီချင်းဝင်ဆိုနေတာတွေ၊ စတဲ့ စတဲ့ ခေါင်းကိုက်စရာတွေနဲ့ပဲ တွေ့နေရမှာပါ။

📌 ဒီတော့ လုပ်စရာနှစ်ခုပဲ ရှိပါတယ်။

📌 ရေစီးကြောင်းနောက် မလိုက်ဘဲ ကိုယ့်သက်ဆိုင်ရာနယ်ပယ်အလိုက် ပရိုပီသအောင် ကြံ့ကြံ့ခံ ကြိုးစားကြဖို့ရယ်၊ တိုင်းပြည်အရေးလေးကို စိတ်ဝင်တစားနဲ့ ဝင်ရောက်ပတ်သက်ပေးကြဖို့ရယ်ပါ။


ဆောင်းပါး - ပရော်ဖက်ရှင်နယ်တို့ ကျဆုံးချိန်
စာအုပ် - ခေတ်သစ်ရဲ့ တောင်းဆိုမှုများ
( ဒေါက်တာဖြိုးသီဟ )
မှပြန်လည်ကူးယူတင်ပြသည်။


သုတ၊ရသစာပေများ Facebook Page >
https://www.facebook.com/KnowledgeAndTasteBooks/

သုတ၊ရသစာပေများ Telegram Channel > #Telegram > https://t.me/K8TLrt

Social influencer ဆိုတာ ဘာလဲ

📌 ကျွန်တော်တို့တွေ ဆိုရှယ်မီဒီယာ သုံးကြတယ်။ ကိုယ့်သက်ဆိုင်ရာ ကျွမ်းကျင်မှုအလိုက် စာတွေရေးကြတယ်။ အသိပညာ ဝေမျှကြတယ်။

📌 တချို့ကျတော့လည်း စိတ်ဓာတ်တက်ကြွစေဖို့ စာတွေရေးတယ်၊ ဗီဒီယိုတွေ တင်တယ်။ ဒီအခါ တဖြည်းဖြည်းနဲ့ လူသိလာတယ်။ ခေတ်စကားနဲ့ဆို ဆယ်လီတွေ ဖြစ်လာကြတယ်ပေါ့။ နောက်ပိုင်းမှာတော့ ဆယ်လီအစား အဲဒီ Social influencer ဆိုပြီး ပြောင်းလဲသုံးနှုန်းလာကြတာ သတိထားမိတယ်။

📌 ကျွန်တော့်အတွက်ကတော့ Social media influencer လို့ပြောရင် ပိုမှန်မယ်။ ဘာလို့ဆိုတော့ ဒီလူမှုကွန်ရက်ပေါ်မှာပဲ နာမည်ကြီးနေတာကိုး၊ လူသိနေတာကိုး။ တကယ့်ကို လူအများပေါ်မှာ လွှမ်းမိုးမှုရှိတဲ့ သူမျိုးဆိုမှပဲ Social influencerလို့ သတ်မှတ်လို့ရမယ်။

📌 တချို့ကျ ဒီအပေါ်မှာသာ လူအများကြိုက်အောင်ပြောလို့ နာမည်ကြီးနေတာ၊ အပြင်မှာ ဘာမှ မဟုတ်တာတွေလည်း ရှိတယ်။ တချို့ဆရာသမားတွေကျ လူမှုကွန်ရက်မှာ ဒီလောက်ကြီး လူမသိဘူး။ Followerအရေအတွက်လည်း သိပ်မများဘူး။ ဒါပေမယ့် အပြင်လက်တွေ့ဘဝမှာတော့ ကြီးမားတဲ့ လွှမ်းမိုးမှု ရှိနေတယ်။ ဒီလိုလေး ကွဲကွဲပြားပြား သိစေချင်ပါတယ်။


ဆောင်းပါး - လူတွေအပေါ် လွှမ်းမိုးနိုင်ဖို့
ဆိုရင်
စာအုပ် - ခေတ်သစ်ရဲ့ တောင်းဆိုမှုများ
( ဒေါက်တာဖြိုးသီဟ )
မှပြန်လည်ကူးယူတင်ပြသည်။


သုတ၊ရသစာပေများ Facebook Page >
https://www.facebook.com/KnowledgeAndTasteBooks/

သုတ၊ရသစာပေများ Telegram Channel > #Telegram > https://t.me/K8TLrt

Knowledge = Education
+
E_perience


📌 ကျွန်တော်တို့ငယ်ငယ်တုန်းကတော့ Knowledge ဆိုတာကို ဗဟုသုတလို့ပဲ မှတ်ခဲ့ကြတာပေါ့။ ခုခေတ်မှာတော့ ပညာလို့ ပြောင်းလဲ သုံးနှုန်းနေကြပါတယ်။

📌 Knowledgeနဲ့ ပတ်သက်ရင် ဖတ်ဖူးတဲ့ အဓိပ္ပာယ် ဖွင့်ဆိုချက်တစ်ခုကတော့
' Knowledge = Education + E_perience ' ပါ။ ပညာဆိုတာ အသိပညာနဲ့ အတွေ့အကြုံတို့ကို ပေါင်းစပ်ထားခြင်း ဖြစ်ပါတယ်။ ဒီနှစ်ခုက အပြန်အလှန် ဆက်စပ်ပါတယ်။

📌 အတွေ့အကြုံမပါတဲ့ အသိဟာ မပြည့်စုံသလို၊ အသိတစ်ခုမယူနိုင်လိုက်ဘူးဆိုလည်း အဲ့ဒီအတွေ့အကြုံဟာ အလဟဿပါပဲ။


ဆောင်းပါး - ခေတ်ပညာတတ်ဆိုတာ
စာအုပ် - ခေတ်သစ်ရဲ့ တောင်းဆိုမှုများ
( ဒေါက်တာဖြိုးသီဟ )
မှပြန်လည်ကူးယူတင်ပြသည်။


သုတ၊ရသစာပေများ Facebook Page >
https://www.facebook.com/KnowledgeAndTasteBooks/

သုတ၊ရသစာပေများ Telegram Channel > #Telegram > https://t.me/K8TLrt