قنات نعي حزين

لسان حال السيده زينب عليها السلام عندما رجعت الى كربلاء في الاربعين
****
هِم النياك واســــــــــــــرع إنه
يالحادي مشــــــــــــــتاكه لهنه
ذوله اخوتي واهـــــــل المحنه
فرفح دليلي انجــــــــــرح جنه

فرفح دليلـــــــــي وطــار عني
ومن غير اواني ازداد حــزني
ومن دم يهل ادمـــــوع جفـني
جن كربله كــــــــربت مـــني

جن كربله اشــــتم عطرهـــه
وانعادت ابالــــي صورهــــه
تلهه وخيمـــهه وي نهرهـــه
عودت زينــب من سفرهــــه

عودت وين اهـــل الحمــــيه
ووامـــي كمت بثــــنين اديه
زينب اجـــــت للغاضــــريه
شفت العلايــــــــم والثنــــيه

شفت العلايــم ذولـــــــه اهلنه
وليانه وعـــــــــــــزنه واملنه
بلكت بعد يرجـــــــع شـــملنه
ونكعد ســـــــــويه اليوم كلنه

نكعد ســـويه ونلتـــــــم اهــناه
حسين و علــــي والكافل اوياه
والقاســــم وعبد الله بحــــــذاه
وابني الضعن هــوه ايتلكـــاه

ابني واخوي و صحبت حسين
هيج وتصد اعليــــــــهم العين
وينشدوني عن ســـفرتي وين
واحجيلهم وبكَلبـــــــي الونين
لسان حالها عندما خاطبت الامام زينب العابدين حين وصولها الى القبور في الاربعين
****
ياعلي عمـــــــــه اشـــلون بيه
حيلي انهدم كَضني امـــن اديه
طبينه ارض الغاضــــــــــريه
كَلبي انمرد عينــــــي جـــريه

كَلبي انمرد مســـــــتعر جمره
وحسين اشــــــمن عمه عطره
عمه علــــي جا وينه كَـــــبره
صدري اختنك غصت العبره

جواب الامام زين العابدين عليه السلام
هذا الكبر كعــــدي يعـــــمه
اهنا دفنتـــــــــه ابو اليــــــمه
اموذر لكيته كلــــــه لحــــــمه
امطبر يلويلي احـــــاه جسـمه

امطبر اجروحه امن الصفحتين
ينعاب كَلبـــــــــــج من تشوفين
الفـــــــين إلا اجروح الحســين
ومن نحره يطلع عمـه الونين

ورمت زينب بنفسها على قبر الحسين عليه السلام
***
طاحت عالرمـــــل تنعـــــه وتنحب
وتبخ الكَــــــبر بالدمعـــــات زينب
جمر دلالهه وكالنــــار عـــــــطب
وتحط خدهه اعله كبره بجبد يلهب

تحط خدهه وتكلــــــــه معرفتني
ادريهه النوايــــــــــب مرمرتني
وادريهه المآســـــــــــي عذبتني
يبن امي المصــــــايب غيرتني

يبن امي المصـــــــايب واليالي
واجروح الهظــــــم والهم يوالي
خذت منـــي العمر والله يغالي
اكعد يروحـــــي وشوف حالي

اكعد يروحــــــي ونور عيني
شنهو الحــــال مابيـنك وبيني
يرحون لك فـــــــدوه بنيني
ماتسمع ابجـــــــــــاي ونيني

لسان حالها عندما جمعت النساء والايتام وذهبت الى قبر العباس عليه السلام
***
امشنه يالحـــــــرم نعقـــــد عزيه
ونلطم يم كبر راعـــــــي الحميه
ونخلي ادموعنه بعــــــبره جريه
يستاهل اخينـــــــــــــه ابن الوفيه

يستاهل نخلــــــــي اعليــــه ونه
مهو راعي الوفه وراعي المحنه
كافل زينب وحامــــــــي ضعنه
وهو الكطع اجفوفــــــــه لأجلنه



لسان حال زينب عند وقوعها على قبر العباس ع
***
جيتك يخويـــــــــه بأربعــــينك
وتمنيتك تصدليـــــــه ابعـــينك
واقبلنك تمنــــــــيت بجـبـــينك
وتحضني يبعد اهلـي بــــدينك

تحضني واشــــمنك وانوحن
وادموعي بمواجعهن يفوحن
واحــــــــاه ياعباس اصيحن
ليالي الهجــر ياخويه يذبحن

ليالي الســــــبي ياعـباس مرات
بخرايب خويه كمنه انام وانبات
ويندهونه دكــــــــومن يالسبيات
عكب عينك ولتنه اشلون شمات

عكب عينك يذخر الفاطمــــيه
ويالجنت بحماك الهاشــــــميه
صرت امجتفه وامشي ســبيه
وامتوني اصبحت بالدم جريه

امتوني والجفـوف اصبحت زركَه
ورمت صـارت الطكَه اعله طكَه
وتاكل روحـــــــي يالعباس حركَه
واحس حتى الهوى الباشام خنكَه









ابو علي الركابي

#نعي

يامالت الله موش أجاويد
سوو الشام بكيفهم عـيـد
من دخلونه المجلس أيزيد
لا نغر بيهم لا فزع حـيـد
چا هاي ناس الشام والشام

شحچيلكم يا عملة السوگ
يظحكون وانا گلبي محروگ
لا والتكتلك هــزّل الـنـوگ
أنفكت علينه عيون وحلوگ
الصارن ويانه ماهن أولام

وياهم قليله الشام شمات
أربات الخدر وأحنه العفيفات
يصيحون جبناهن سبيات
تالي بخرابه مهدمه أنبات
ودارت صدگ ويانه الأيام

ليل الخرابه يشيب الشاب
حيطان خشنه فراشهه أتراب
وكل ساع واحد طالع وطاب
لا سگف بيها ولا أسم باب
ويردون بيها نغفه ونـام

ياكون ميته والله ياريت
ولا للغرب مسبيه طبيت
موش أحنه أهل البيت يابيت
صرنه غرب ياحيف وأبچيت
تبات بغرب تالي أم الخيام

وياي أجو أخواني بس روس
منحوس والله الشام منحوس
العطشان عينه تروح للطوس
بالشام حتى الماي منفوس
منريد مي لو نعطش أعوام

بالشام يكتل وكت الغروب
تحسه سلف مايوم مچهوب
چنه مضيف وشيخه منهوب
اليدخله صاحي يرد متعوب
عنهم حرام أنگول أسلام

✍️حسين حمدان الدلفي

#اللهم_عجل_لوليك_الفرج

نعي سبي السيده زينب عليها السلام
****
عندما اقبلت العشائر واخذو يطالبو بالاسراهم وكل اسيره ينادون بأسماها تخرج اله زينب وبنات رسول الله


كل وحده عشيرتها اعتنوها
ومن بين السبايه طلعوها
بس زينب اهلها ما اجوها
وفوك الرمح تنظر راس اخوها

كلي بيا وكت زينب سبيه
ويكولون عنها خارجيه
شافت باليسر كل الاذيه
وفوك الجفن دمعتها جريه

يا ناكه اعله كيفج لا تعثرين
خاف اطيح زينب من تطيحين
يناكه هاي اخت عباس وحسين
ومدري امنين اجتها كربله امنين

هذا ويالمصايب بعد حداي
ونعه دمعي عليك بطور حداي
حادي النوك ابد مو خوش حداي
خذاني وضل يفر بلدان بيه

يعذبني النوايب راح لوجن
واكعدن يالفواطم حيل لوجن
يبن امي شيخلص الليل لوجن
عمت عين الزمان الخان بيه

الشمر لليسر جاب النوك وحده
وفوك الوجن دمعي ايسيل وحده
اشيلن وحده لبن اطيح وحده
كلهن عكبك التمن عليه
****
الشاعر
تحسين الخفاجي

نعي ام البنين عليها السلام يقره بطور المقتل

عندما دخل الناعي الى المدينه ينعى الحسين وأصحابه
جائت ام البنين عليها السلام
وسألته وكان أول ما سألة عنه
كيف ولدي الحسين
فسأل الناعي من هذه المرأة
قيل إنها ام العباس وإخوته
فقال عظم الله اجرك باولادك
قالت اتراني سألتك عنهم
فقال عظم الله اجرك بالعباس
فقعدت على الأرض وقالت
قطعت قلبي يا رجل اتراني سألتك عن العباس
قال لها عظم الله اجرك بالحسين
يقول الراوي عندما سمعت كلام الناعي عن الحسين
اغمي عليها

اي أخلاق واي شموخ واي تضحيه
كانت تملك هذه المرأة العظيمة
السلام عليكي يا مولاتي يا ام البنين
تگول

ياناعي هذا الجاي ينعه
يخمش گلبي صوته من اسمعه
بيه ركضه وارد اتبعه

گلولي هذا منين الاصياح
ياهو اجانه وياهو راح
ولا گلبي أحسه اليوم مرتاح

الناعي ولا اظنه يبشر بخير
خلها تحير زغير وجبير
وگلبي گشه وبالهوه يسير

تبشرني جاي بموتمن گلي
وذاگ ظلگ هذا ظلي
يمكن بعد اگعود اصلي

ياهو بيه محنه وياي يلطم
موت ابني العزيز اشگثر يهظم
كون الدافنه بيه هسه يطلم

عگب الولد ظليت وحدي
وهسه لگبرتي سند ماعندي
وادري الولد مريود ادري

موتگ يالولد موتگ فجعني
وصواب بنص گلبي وجعني
ولديارگ بعد ياحيل اليرجعني

يحسين يبني وسلوة الروح
امگ گلبها عليگ مجروح
وللموت يبني تظل بالنوح


عندما رجع ركب السبايا الى المدينه سمعت ام البنين بذلك وراحت مهروله الى بيت الاحزان وفي الطريق سمعت يقولون قدمت زينب قربان لله
عندما وصلت طرقت الباب
قالت العقيله لخادمتها انظري من على الباب وقولي لهم أنَ مولاتي لا تستطيع استقبال احد
قالت الخادمه من الطارق ان سيدتي لا تستطيع استقبال احد
قالت لها والدموع تتجارى قولي لمولاتكِ انا شريكتها بالمصاب
عندها سمعت العقيله زينب ان من في الباب ام البنين عليها السلام
قامت تهرول وتسقط وتصيح أماه يا ام البنين وام البنين دخلت مهروله وتقول لها فدتكي ام البنين يا قرت عيني

فرنه الوگت دولاب دولاب
شريگه وياج يازينب بالمصاب
متلوگ لمج وگفت الباب

گولن اجره وصار بيجن
وليش من شفتني بجيتن
وشبيجن مشيبات اجيتن

گل وحده وجها شگل يحجي
وعيوني تريد اليوم تبجي
بعد لو طحت وين ارتجي

گالولي ضعنگم نوگ هزل
وگل ساعه بيجن وحده تنزل
وتفرگن بديجن فرگت المغزل

الشاعر هاني الحياوي

(نعي مفجع

مـو بـيـدي الامـر تـدريـه يحسين
زجــر وخــولــه الـبـيّــه مـاشـيـن
خـلـي انـتـوّادع يـا ضـوه الـعـيـن
بـاچــر اروح وحـصـتـي الأونـيـن

خـاف اتـگـول زيـنـب ما أجتـنـي
وخـاف اتـگــول زيـنـب ضيعـنـي
جـيـت وبــعــدهــه آثـــار مـتـنـي
اشّــر عَــلّــي كـونــك شـفــتــنـي

نـعـمـه واجـيـت ابـلـيـل شـفـتـك
وتـدري العساچر حـاطـت اخـتـك
يحسين حـاچـيني اعـلـه بـخـتـك
نـشــد عــلـيـك ارقــيــه بــنــتــك

                     *---------------*---------------*

✍خادم الحسين ع
الشاعر رعد الجريخي

نعي

لدفن الاجساد الطاهره

لسان حال الامام السجاد ع
وهو يواري جسد ابيه الحسين ع

جيــــبو يهالوادم حصـــيره
اجمع وذر شيـــــخ العشيره
حيرة شلم من عنده حيــره
عملة حسين شگد چبيــــره

يابويه حال الضيم عگبــك
اتمنيتهم ذبحــــوني گربك
ممرود شفته بعيني گلبــك
حاچيني بالله شلون اگلبك

وتسلم اعليك
زينب يبويه تسلم اعليك

گلبت معانيك
من الشمس گلبت معانيك

ادريه ياذيك
هذا النـــشد ادريه ياذيك

اتشمتو بيــك
طگو رقيــه اتشــمتو بيك

ثم سمع صوتاً !

بني علي وسد رضيعي الى صدري .

يبني علي لا تســــد گبري
وسد رضيعي فوگ صدري
هذا عزيــزي وريع عـــمري
هذا اللي چمل كسر ضهري

وعند علي الاكبر :

الياخويه شحت والدمع خر
وگلبي عليك انجسم وانطر
طول الحلو شو صاير اوذر
گصران كلــش خويه الاكبر

ما رحمتك ياخويه الاسيــــوف
وترست بجسمك گاع الاطفوف
سوط وحرگ هالجيتك وشوف
وذيچ السوالف صارت اطـيوف

والحيل وشّل
مهموم انه والحيل وشّل

عوان ما ضل
خويه علي عوان ما ضل

والسوط ما چل
من المتن والسوط ما چل

الچان يتوسل
صار ازلمه الچان يتوسل

وعند جسد مولاي القاسم ع

اتبدت الحنه شلـون عله
الله يعين اگليب رمــــله
الواهلـــــــيه نبــله نبــله
وذاري الترايب صار بدله

عرس المنيه صار ويـاك
ما ينحمل جسام فرگاك
امك تريدك تحب عيناك
عالناگه يا جسام تنـعاك

وتريد ابنها
رمله تون وتـــريد ابنها

ينزاح عنها
وذاك التعب ينزاح عنها

حنت لونها
حته الهزل حنـت لونها

عگبك لونّها
ليال الفگد عگبك لونّها

عند الانصار عليهم السلام

كفيتو ما قصـــرتو ينــصار
ياللي مثلــــكم دوم ما صار
لو شفتو شنهي الدار ما دار
سحگت حسين الخيل امرار

الكم يبعد اهلي ســــــلامي
يا هيبتي وريحـــــة عمامي
دامي الحسين انصرع دامي
ما ضاگ شربه وطاح ضامي

يزلام الحسين
والله ونعم يزلام الحــسين

ياخوش سبعين
غيره وعزم ياخوش سبعين

هاي المــيادين
بيكم حلت هاي المــــيادين

گبله مطاعين
طحتو سوه گـــبله مطاعين

ثم عند العباس ع

يا كسرتك كلش هضيـــمه
وبطيحتك طاحت الخيمه
واتطاول الما عنده شيمـه
ويوميه نگطع هيمه هيمه

داسو الحد واحسينك انداس
وفوگ الرمح يتلامـــع الراس
وزينب تعاين بلكــي حــراس
ما صح چفيل اخلاف عباس

من كون موجود
ما شتّمو من كون موجـود

ومگــطع زنــود
مفضوخ هام مگطع زنـــود

يالچنت هادود
صاير وصل يالچنت هادود

عالرمل ممدود
غم الوكت عالرمل ممــدود

عبد العليلـه
✍حيدر ابو كيان الفاطمي

الليله عله زينب موحش الليل
وفكَد الاهل يرادله الحيل
ماعدهه حامي وغارت الخيل
عله خيمهه وخوتهه مجاتيل

من الخوف فرت كل الاطفال
بلا حامي هاي الليله الاعيال
عباس ع شط صاير اوصال
وحسين نايم فوك الارمال

ياحيرتج يمعون حيره
فكَد الولي كسره جبيره
عكب الكمر بدر العشيره
لشام تنكَادين اسيره
https://t.me/abab1995com
عباس معيدي الكريطي

نعي
الليله الثامنه  (القاسم)
لسان حال رمله ع


يـجـاسم يبني ربـيـتـك    ولـلشـيـب الـولـد يراد
يـزهـرة عـمـري وسنيني   ما ادري زمانـي اشـراد
اكـابـر وحـمـل جروحي    لچن ماينفع الهه اضماد
شسوي وفرگتك صعبه    والگلبي الـصبـر مـا فـاد


احـلـم بـيـك يـولـيـدي    افـز وصورتـك بـالـعـين
يالغالي انگطع رجواي     هالفجعه اجتني مـنـيـن
عفتني بحزني والدمعه   وعگبك ما رحمني البين
امــك يـا بــعــد امــك      واهلك عـرسـك متانين



چانت ضنتي اتشوفـك    عيني وبـيـدك الـحنـه
يـوم بـيـوم احـسـبـهـن     گـلـت يـكـبـر وزفـنـه
اجتنه الغاضـريـه منين    يـويلي وگطعت الضنه
يـيـمه الـمـوت اشوالـي    امـوت واخلص اتـمـنـه



دهـري زاوداني أعـلـيك    وبـعـد هيهات نتلاگـه
الـمـثـلـك ولـد ويـروح        يـتـرك نـار حـرّاگــه
ثـكـلـه وبالحزن ضليت    وروحي عليك متلاگه
يگلولي خـذاچ الـشـيب    گلتلـهـم عـلـى فـراگـه


*------------------*--------------*

ابوذيات

الـلـيـالـي خـوش بـفـراگـك  ..  يزتني
وشـجـاهـه أسـهـام عدوانك  ..  يزتني
يـجـاســم يـاهـو الـگــبــري  ..  يزتني

ويـقـره الـفـاتـحـة ويـنـصب عـزيـه

*-----------------*--------------*

ظـهـري انـكـسـر بـمـصـابـك.. وحنيت
ودمـعـتـي ســالــت بــخـدي.. وحنيت
يـجـاسـم خـضـبـت شـيـبـي.. وحنيت

بــدمــك والـنــهــار اظـلــم عــلــيـــــه

                                  
                                     *---------------*---------------*

✍خادم الحسين ع
الشاعر رعد الجريخي

8محرم نعي مولاي القاسم ع

عـزاً فديت أبا الاحرار مبتسماً
يـبـن الكريم إلا يـا أيها القاسِمُ
تقـلدت للمـوت الـوسام مبـجلاً
ولأجـل ديـنـك للشهادت عـازمُ

رمله اتگله
اويـاك العـمـر يبـني  قـاسمـيـتـه
يـريت ودون عينك  قاسم ميته
خـسـران الـتـركـهـا   قاسـمِـيـتـه
الـقـاسـم فـخـر كـل الـهـاشـمـيـة

يـمـه غــريـــبـه  بـعـدك تـره    يـمـه غـريــبـه
ومـنـيـن اجيبه  والراح گلي    مـنـيـن اجيـبه
صعبه ومصيبه  لوشال الولد  صعبه ومصيبه

جـسـام الـولد جسام   كلش شيلته كلفه
تـتـمـنه العزيزه امـه    كون اتقبل ابچفه
زمان الخله رمله اتنوح وعيون الدمع طفه
حسره ونايبه وآهات   تندب ظلت النزفه

رمـلـه تـنـادي يـاخلـگ رايـح اولـيـدي
بـس الـدمـع والنايـحـه ظـلـت شبيدي
عيدي لون يرجع واشوف الظنه عيدي
آنـه الـتـي مـن حسرتي بـالويـل انادي

ياسامعين الصوت يهـلي ردوا اجـواب
حتى السمه تبچي دمه والگلب لـهّـاب
عالقاسم وعـالأكبر وكلمن غـده شـاب
ظل بالحزن مثل الغريبه ايون فؤادي

لاگيتها ام عون وتناشدنه اعله الاحباب
واتـنـطريـنـه اجـواب لـٰكـن كلـهـا غياب
نشكي المحمد مـن غدر ذولاك الاجناب
والـعـتـرتـك يالمصـطـفى كلـهـا تـعـادي

أنـه الـمـا ناسيه طـولك   ولا يوم
وما همني الحچي عني   ولايـــم
لا يـم الـنـهـر جــثــتــك  ولا يــم
أبـو السجاد يــمــه انــده عـلــيـه

============================
15/6/2023  الخميس
#الشاعر_الميرزا_محمد_الساعدي

طلعــــنه بليل خويه ندور عليك
وعثرنه بلجثث من جبنه طاريك

طلعنه بلــيل وحــده دالي الاخره
بشفــــــــــــايف ذابله ورياك مره
وتكــــــــسر بلصدر يحسين عبره
كلنه حــــــسين من نوصل نخبره

نكله المــــــاي هذا وجينه نرويك

حرنه حــسين خويه شلون نلكاك
جثيره الــــموته بطف ظاله وياك
ويا جثه النگــــظهه نكول لا ذاك
گبل مانمــــشي ردنه حصل دواك

عسه دمع الحزن يبن امي يشفيك

اجيناك بدمع والحســــــــره ولاه
وگلنه حســــــين هسه هنا ونلكاه
نعرفه المحبس وماهو عله يمناه
والخنصر بعد مســــــــــلوب وياه

وعلامتنه صفت هاي العرف بيك

يخويه تعــــــــثرت ببني وكلت لا
اعوف حــــــسين زحمه وبقه ويا
اودع حســــــين وبني بردتي الكا
اذا خاله يــــــــــظل ماجيب طروا

وكــــلــتله بردتي يوليدي ارد ليك

هواي الــموته يمك ظلمه  وندوس
بس طــعنات بيها وسلامه الروس
بس جســمك نعرفه سهام متروس
وراس علرمح مــــــــــبيوع بفلوس

وصـــلتك بلدمع يبن امي احاجيك


ابو سلام الجابري

نعي للعاشرمن محرم للامام الحسين ع



جابو خيلهم بويه ويركضون
بجسم حسين من عمده يسحكون
بصدره والظهر كامو يرضون


فوك الكاع ميت ظل لحسين
تعال الحك يحيدر شيله هالحين
دارت كل دولها وناس صوبين


كوم عداك كلها التمت هواي
بويه ياعلي ومتيه هالراي
ضامي حسين كلبه وماشرب ماي


عله صدره صفت والخيل وتجول
ذبحوه بالسيوف ومات مجتول
ندبتك ياعلي بالشده شتكول


كطع راسه الشمر ضل ينزف دموم
تعال وياي بويه والحك اليوم
وشيل هموم كلبي هواي الهموم



موذر تالي وسفه بسيف عدوان
محد ضل يحامي ولاتره خوان
بيد عداك مات حسين خلصان


خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ السبت/2024/6/22
١٥ذوالحجه سنة هجري ١٤٤٥ نسالكم
الدعاءلي ولوالدي🙏🙏 اللهم
عجل لوليك الفرج

https://t.me/AAAAAFCTP6mH2egqJ1qA

الهلال(نعي)

يـهـــلال الـحــــزن هلّـيت بالعـبره
            بيك اشتد حزنها فاطـمـه الزهـره

يهــلال الدمــع بالعتره وشخليت
           حزن ام الولد ماخلص والحـسره

بيك اشكم جرح بالفـركه والألام
         بيك حسين طايح ينسحگ صدره

بيك الرمح عالي والدمع هاطــول
          وشفافـــه تســولف معظلة أمــره

دللـــول الـــولـد يـبـنــي دللـــــول
        بيك أم الــولـــد ناغـت يـعبـداللـه

آه يم الحزن زينب شوصف الحال
       حزنچ مايوصـفـه الشاعــر بشعـره

كل ما وصل لينه أخبار عن عاشور
       مايوفي الوصف من البـحـر گطره
..................................................
ابوذيه
لسان حال السيده فاطمه الزهراء عليها السلام تگول

يهـلال الحـزن لا هــل   هلالك
لا مـرحــباً بــيــك ولا   هلا لك
أسألك ثار وي أبـنـي   هل ألك
وصل واطشره خيل الاعوجيه

محرم 1445هـ
✍️عباس مالك العفريت

نعي زينب وهي تنظر الى راس العباس عليه السلام وتدمع عينيها

***

يامحله الوجــــــــه محله صـباحه

شِبعت اونـــــين من بعده ومناحه

راح وماشــــفت بعــــده الــراحه

لهسه اتصب دمه وتنزف جراحه

***

وكأني بها تكلم راس العباس عليه السلام

***

يبو اجفون المغطــيه العين شكره

يبو الريشات واعمـــامة الخضره

اصدلك تشب بروحـــــــي جمره

اشوف اعيونك امن الزعل حمره

***

يابو المحـــــنه   يابو المحـــنه     مامــــثلك اخو يابو المحنه

يابعد اهـــــلنه   يابعد اهــــلنه      آنه ابعازتــــك يابعد اهلنه

تحدي بضعنه   تحدي بضعنه      ناس الغرب تحدي بضعنه

ردني الوطنه   ردني الوطنه       خويه الكمر ردني الوطنه

*




ابو علي الركابي

نعاوی
*ام البنین تخاطب السیده زینب س عندما رجعت للمدینه*
⚫⚫⚫
مدري ابچی علیهم لو علیچن
شمسوي السبي يا يمه بيچن
من شد الحبل زرگات ادیچن
وصایر لونچن یشبه عبیچن
.......
یریت اویاچن ابذیچ المسیه
والم بعبایتي کلمن سبیه
واشگف سوطهم یمه ابأدّیه
ولا خلی الشمر یسطر رقیه
.....
یریت الگمر حی الیوم ما مات
وافصللچن من البیرق عبایات
ولا یحدون بظعون العزیزات
ولا ینگالچن یمه سبیات
⚫⚫⚫
محمدابوصقرالنعامي/الاهواز

نعي
أم البنين ع تتفاخر بولدها



أربـع ولــد كـلــش قـلـيـليـن
أتمنيت كـون اربـاي عشريـن
كـلـهـم هـديه الگـرت الـعيـن
أقصد حبيبي الغالي لحسين

أتمنيت گـبري ايـصير يـمـهـم
ولـدي النشامه الـوفـو درهـم
بـعـمـر الورد وأنطوا عـمـرهـم
وصـارو ضحايه اربـاي كـلهـم

حگي افتخر وتـبـاهـه بـيهـم
ثـوب الــوفـه لايـگ عـلـيهـم
تـاج الـمـجـد عـنـوان لـيـهـم
ابعيدين وانـه شلون أجـيهـم

*------------------------*------------------*
✍خـادم أم الـبنين ع
الشاعر رعد الجريخي

#تراث نعي

مولاي الحسين يرد على خطاب مولاتي زينب روحي فداهما


ناداها ابضعيف الصوت يختي
مهو حچيچ شعب گلبي دسكتي
ينور العين خليني ابمهجتي
اعالجها ترى گلبي تمرمر

بچت عنده او گالت له يعگلي
يروحي او نور وجهي او باجي أهلي
يخويه احسين شتهيس دگلي
يخويه يا صواب اليوجع أكثر

يگلها اصواب الي ابوجهي بهضني
و لبراسي حمس چبدي وفتني
و لبضلعي بهض حيلي و ضهدني
و لبگلبي يخويه يوجع أكثر

يخويه يابس امن العطش چبدي
يخويه و الترابه احرگت زندي
يخويه و الشمس ذوبت خدي
دفييلي ابردن ثوبچ امن الحر

يخويه ما أحب سكنه تجيني
تشوف اجروحي أو تسمع ونيني
مالي گلب أشوفنها ابعيني
ذليله او ما لها والي الينغر

يخويا لا تلوعي الگلب بالله
و ببني علي هلةٍ هالله
يخويه بعد عيني إلكم الله
او ذكريني و كل امصاب يزغر

يحاچيها او تصب عينه ادموعه
لن گلبه انخفى و احنت اضلوعه
غمض عينه او صارت بيه موعه
هوت فوگه او دمعها اعليه ينثر

تشم احسين و تجلب ابجرحه
او لن الشمر يدفعها ابرمحه
گومي لو أدبحچ فوگ ذبحه
واخليها ابطول الدهر تذكر  

المرحوم الشيخ
محمد بن نصار النجفي

(253)
#اللهم_عجل_لوليك_الفرج

نعي للامام علي عليه السلام

بياحاله كلبج ياحزينه
من صوبو هامة ولينه
العرش شيب من ونينه
وسفه ابوالحمله شايلينه


وصلوه الداره حامي الدين
اولاده لجله تهمل العين
وزينب كلبهه انجسم نصين
يابوالصبر الكه الصبر وين


بوجه الوصي بانت علامه
نصين مجسومه الهامه
تتصارخ كباله اليتامه
الليل هل بين ظلامه


ننتظر جنه بالليالي
الحنيتك وعطفك يغالي
لو رحت نبقى بغير والي
مجانك يظل بالكون خالي

الحياة بدون حامي الجار مره
وطعم مابيهه صارت ولا مره
لون تتعنه اله مكتوب مره
بهظم كله العسر مارحم بيه

الخادم عبدالمعين الشمري

نعي لسان حال السيده زينب ع
في ذكرى استشهاد الامام امير المؤمنين ع

الليله مكــــــــدّر وموحش نزلنه
شال وما يـــــــــرد راعي المحنه
عليه گمت اجذب الونه اعله ونه
رايح من وكت عزنه وفـــــخرنه

عفتني ومن وكت رايح يالعميد
وما يسوه العمر بعدك ولا يـفيد
اذا ما اشوفك ايرك حيلي ويبيد
حالي شلون باجر من يجي العيد

باجر عيـــد بويه وتفـــرح النــاس
وانه مدوهونه والطم عــلى الراس
حزينه مكدره ومجروح الحساس
اگابل حجرتك وتضـــيج الانفاس

اگابل حجرتك والدمع سجـــاب
اشم بعمامتك وشبگ بالثــــياب
فراگك مو سهل يا اغله الاحباب
وسفه المثلك ايغطّيه التـــــراب

✍️ علي كاظم المنصوري

ابيات نعي للإمام علي ع

اجت يم باب حيدر وگفت ايتام
وقــداح اللبن شالتهه اديهه

تبچي وتنتظر وتعاين الباب
بلچي اشوف راعيهه وليهه

بس دموع تبچي وحالهم حال
وعميانه النواظر من بچيهه

من ونهم چثير من الصخر ذاب
ويتامه وعلطبر هامك حچيهه

يگلولك يـحيدر لو لفه الموت
زينب تنولي ويگرب سبيهه

الشاعر احسان الحميداوي

#تراث . . . نعي

تصوب حیدر ابسيف ابن ملجم
اووگع وتفيًّض المحراب بالدم
ــــــــــــــــــــــــــــــــــــــ
وگع والعرش گام ایموج بسما
اوعليه الروح ناح اوگام ينعا
تخضب حيدر الكرار بدما
اودین الله على امصابه تهدم
ــــــــــــــــــــــــــــــــــــــ
سمعت نعيه اوفزت أم چلثوم
لفت للحسن صاحت یا حسن گوم
أبوک انطبر راسه ابسيف مسموم
اولجله الكون كله انرجن واظلم
ــــــــــــــــــــــــــــــــــــــ
طلع ليه الحسن يصرخ والحسين
لگو نايم اوراسه انجسم نصين
صاحو یا وسافه يبو الحسنين
ليک اشلون ابن ملجم تجدم
ــــــــــــــــــــــــــــــــــــــ
فک عینا اوشاف احسين يمه
يشد راسه اويهل دمعه اعلى دمه
جرح واحد تشده يبو اليمه
بیک شلون لو جسمك تخذم
ــــــــــــــــــــــــــــــــــــــ
شاله الحسن والبيته تعنا
اوزينب مو چبه اعلى الباب تتنا
شافت ظربته اوصاحت يويلا
يبويه اعليک حاتفنه المحتم


السيد المرحوم
عبد الحسين الشرع

#اللهم_عجل_لوليك_الفرج


(63)