Koreyada va O'zbekistonda yashab ishlash o'rtasidagi farq
Koreyadan O'zbekistonga qaytganimga ham 4 oydan oshibdi. Bu vaqtdan tahminan yarmi 'adaptatsiya'ga ketgan bo'lsa, qolgan qismida qaysidir darajada ishlab ko'rdim. Koreyada yashab ishlash bilan O'zbekistonda yashab ishlash orasida farqlar juda ko'p... Lekin hozir menda juda ham bilinayotgan farq haqida yozmoqchiman.
Bu farq - rejadan tashqari, kutilmagan va tushunarsiz holatlar sababli rejalashtirgan ishlarga ulgurmaslik va ish unumdorligining pasayishi. O'zbekistonga qaytganimdan keyin birinchi oyda rejadan tashqari ishlarni ko'p bo'lishi tabiiy deb o'ylagan edim. Lekin hozir ham huddi o'shandek holat.. Oylik, haftalik va kunlik rejalashtirasan lekin har kuni nimadir bo'ladi va rejadagi ishni yarmiga ham ulgurmaysan va bu o'tgan kunlardagi to'planib qolgan ishlarga qo'shilib holatni yanada yomonlashtiradi. Yoki endi rejimga tushib oldim deb turganingda yana o'zgarib ketadi. Vaqt esa ayamasdan juda tez o'tadi (har safar Jumaga borganda huddi 2 kun oldin ham Juma bo'lgandek).
Koreyada ham ba'zi ishlarga ulgurmas edim ammo har qalay ko'p ishlar rejadagidek bo'lar edi va oila, sayohat, sport uchun ham yetarli vaqt ajrata olardim. Haftaning qaysidir kuni rejadan tashqari bo'lsa ham umumiy haftalikda 'rejim' bo'lar edi.
Va hozir har xil 'balki'lar hayolimni egallab olgan.
- Balki bir necha yangi loyihalarni boshlab olishga shunday bo'layotgandir;
- Balki 'adaptatsiya'ga kamida 5-6 oy ketar (o'z boshidan kechirgan bir tanishim shunday degan edi)
- Balki men dangasa bo'lib qolgandirman;
- Balki O'zbekistonda yashaganda bu odatiy holatdir..(
Qiziq, hozir bu postni yozgandan keyin, reja bo'yicha jamoa bilan yig'ilish qilishimiz kerak edi, lekin uning o'rniga ayni vaqtda rejadan tashqari bir kishi bilan uchrashishim kerakligi paydo bo'lyapti.)) 'Probka' bilan uchrashuvga 2 soatcha vaqt ketsa kerak..
Xullas, hozir ham reja bo'yicha harakatlanyapmizu, oradagi kutilmagan holatlarni to'ldirib ketish uchun rejalarimiz biroz kech amalga oshyapti.
↗️ @upliftuz