Sariq Dev

Maqtanmasdan boʻladimi?

Mohirdev Qozogʻistonning Ostona shahrida oʻtkazilgan Startup Battle musobaqasi gʻolibi.

Hayotim davomida ustozlarim koʻp boʻlgan. Lekin koʻpchilik singari, negadir, birinchi oʻqituvchim — Munira opa xotiramda oʻchmas iz qoldirgan ekan.

Aslida hayotim davomida erishgan barcha yutuqlarimda menga ustozlik qilgan yuzlab odamlarning hissasi katta.

Barcha ustozlarga bayram muborak 🎉

Bugun Mohirdev Raqamli Texnologiyalar Vazirligi tomonidan Oʻzbekistondagi IT taʼlimda yetakchi oʻquv markazi deb topildi.

Biz bu oʻrin uchun 500 dan ortiq oflayn markazlar va onlayn platformalar bilan raqobatlashdik.

Albatta bunday eʼtirofga eng avvalo bizning bitiruvchilarimiz va ular erishgan natijalari sabab boʻldi. Shuning uchun eng katta minnatdorchiligim Mohirdevda qunt va intizom bilan tahsil olib, kurslarni yakunlab, AyTida oʻz oʻrnini topayotgan talabalarga boʻladi.

Lekin bularning hammasi Mohirdev ortida tinimsiz mehnat qilayotgan jamoasiz boʻlmaydi. Bu xoh taʼlim boʻlimi boʻlsin, xoh marketing, xoh mijozlar bilan ishlash, yoki platforma toʻgʻri ishlashiga javobgar dasturchilar, support va texnik xodimlar, ustozlar va mentorlar, barcha-barchasining hissasi cheksiz.

Mohirdevda bizning maqsadimiz taʼlimda yetakchi boʻlish, sifatli taʼlim orqali insonlarning hayotini yaxshi tarafga oʻzgartirish.

Xullas, endi AyTi sohasiga kirishda kimdan tahsil olishni bilmay, ikkilanib turgan boʻlsangiz, javob aniq — Mohirdev.

🎬 Yangilik: “Yuzma-yuz” rubrikasini yo‘lga qo‘ydik!

Unda siz mutaxassislarimiz haqida ko‘proq ma’lumot bilib olishingiz mumkin.

Rubrikani kompaniya asoschisi, Data Science va Sun’iy Intellekt kursi eksperti Anvar Narzullayev bilan boshladik.

😉 Tomosha qiling va doʻstlaringiz bilan boʻlishing.

@mohirdev

Дуров ҳибсда. Бу Телеграмга қандай таъсир қилиши мумкин?

Миллиардга яқин фойдаланувчига эга Телеграм мессенжери асосчиси Павел Дуровнинг Париж аэропортида қўлга олиниши кўплаб муҳокамаларни келтириб чиқарди. Бу мессенжернинг Ўзбекистон учун аҳамияти жуда катта. Шундан келиб чиқиб, Kun.uz мавзу юзасидан айрим саволларга киберхавфсизлик бўйича мутахассис Анвар Нарзуллаевдан жавоб олди.

📹 ВИДЕОНИ ТОМОША ҚИЛИНГ

Mohirdevda Sunʼiy intellekt kurslari toʻplamiga chegirma ketayapti. Bugun oxirgi kuni, 5 ta kursni 2.5mln chegirma bilan, muddatli toʻlovga xarid qilsangiz boʻladi.

Eng talabgor soha mutaxassisi bo’laman deganlarga ayni muddao.

Kurslarni telegramdan chiqmasdan, botimiz orqali xarid qilish mumkin.

Link: @mohirshopbot

Dars jarayonidan lavhalar.

Avvalroq Oxforddagi auditoriya haqida 3 ta savol bergan edim, keling ularga javob olamiz:

Bunday auditoriyalar ilk bor Harvard universitetida joriy qilingani uchun “Harvard style seating” deb ataladi. Klassik ma’ruzaxonalardan farqli ravishda, bunday auditoriyada talabalar yarim aylana shaklida bir-biriga yuzlanib o’tiradi. Kursilar esa 360 gradus aylanadi.

Bundan maqsad auditoriya fokusini ma’ruzachiga emas, bir-biriga qaratish, muloqot, bahs-munozara muhitini yaratish. Istalgan odam boshqa odamga yuzlanishi, uning fikrini tinglashi, qarshi fikr bildirishi, jamoaviy muhokamalarda qatnashishi mumkin.

Harvard style seating ortidagi mazmunni tushunish uchun esa, klassik uslubdagi ma’ruzaxona bilan solishtirish kerak. Bunday ma’ruzaxonalarda sinf oldida ma’rzuachi, uning ro’parasida esa qatorlashib tinglocvhilar joylashadi. Tinglovchilarning diqqati ma’ruzachiga qaratiladi va ma’lumotlar, aniqrog’i, yagona haqiqat bir tomonlama (ma’ruzachidan tinglovchiga) yo’naltiriladi. Shuning uchun bunday xonalarda ko’pincha aniq fanlar (matematika, fizika, ximiya) o’tiladi.

Harvard uslubidagi xonalar esa ko’proq gumanitar fanlar uchun to’g’ri keladi va bu yerda yagona haqiqat bo’lmaydi. O’rtaga bahsli mavzu tashlanadi, hamma o’z fikrini bildiradi, muhokama, bahs-munozara bo’ladi, dars yakunida esa hamma o’zi uchun xulosa qiladi. Yagona to’g’ri javob bo’lmaydi.

Siz qaysi savolga to’g’ri javob topdingiz?

Oxford Blackwell kitob doʻkoni, darsdan tashqarida eng koʻp vaqtim oʻtadigan sevimli joy.

Vaqting boʻlsayu, hamma kitoblarni oʻqib chiqsang. Doʻkon tashqarisidan kichkina koʻringani sizni aldamasin, ichkarisini videoda koʻring.

Angliyaga kelib, Saidolim akani koʻrmasdan ketsa boʻladimi. Saidolim aka Londonda joylashgan Moneff kompaniyasida CTO, Oʻzbekistondagi juda koʻp senior dasturchilarning ustozi.

Yoshlar bilmasligi mumkin, lekin Saidolim aka UzGeeks hamjamiyati va @UstozShogird kanali kabi loyihalari bilan Oʻzbekistonda AyTi sohasi rivojiga beminnat hissa qoʻshib kelayotgan insonlardan biri hisoblanadi. Bundan tashqari oʻzlarining @DrAlgorithm kanallarida ham foydali maslahatlar berib boradilar.

Xullas, har tomonlama hurmatga va oʻrnak olishga sazovor inson.

p.s. Ha, aytgancha, rasmda mening yonimda turgan yigit Oxforddagi PhD talaba yurtdoshimiz Iqboljon. Medisinada Sun’iy zakoni qoʻllash boʻyicha mutaxassis.

Saidolim akaning yonidagi yigit esa - Javohir, Bloomberg Data Analitika kompaniyasining London ofisida ishlaydigan yurtdoshimiz, Business Analitika sohasi mutaxassisi.

Mana shunday insonlar bilan tanishishning oʻzi qanchalik odamga zavq bagʻishlashini soʻz bilan yetkazib boʻlmasa kerak.

Mana oʻsha va’da qilingan darslar.

Yana Oxfordga qaytdim.

Ushbu modul inqiroz vaqtida kompaniyani boshqarish va inqirozdan chiqish uchun rahbar sifatida qanday hislatlarga ega boʻlish kerakligi haqida.

Har doimgidek 1 dunyo taasurotlar va qimmatli bilimlar bilan qaytayapman.

Endi, sizlarga savol, rasmdagi auditoriyaga ahamiyat bering. Bu turdagi auditoriya nima deb ataladi, nima uchun aynan shu shaklda va ortidagi mazmuni qanday?

Shu 3 ta savolga toʻgʻri javob bergan insonga Oxforddan kichik sovgʻa bilan qaytaman.