𝑺𝓪𝓾𝓷𝓰 𝑯𝓪𝔂𝓶𝓪𝓻𝓷 𝑹𝓲

ဆုတောင်းတွေတော့ပြည့်ခဲ့တယ်။ အရင်လိုရင်ခုန်သံတွေကိုတော့ ပြန်မကြားနိုင်တော့ဘူးထင်တယ်။

မပိုင်ဆိုင်ခဲ့ရချိန်ကအချစ်က ဒီလောက်တောင်ရင်ခုန်ဖို့ကောင်းခဲ့တာလေသလား။

တိတ်တခိုးငေးခဲ့ရတဲ့အပြုံးတွေကကော
ဒီလောက်ထိချိုမြိန်ခဲ့လေသလား။

အတိတ်ကဆောင်းရာသီတစ်ခုရဲ့ အဲ့လိုအမှတ်တရတွေကို မေ့ပျောက်ဖြစ်လို့ရနိုင်မယ် မထင်ဘူးရယ်။

ကိုယ့်ဘဝရဲ့ငယ်ရွယ်မှုအဆုံးသတ်ရင်ခုန်သံလေးက မင်းမို့လို့ပဲထင်ပါတယ်ကွယ် .. ။


-ဆောင်းဟေမာန်ရီ-

𝑽𝒅 - 𝒇𝒓𝒐𝒎 𝒕𝒊𝒌𝒕𝒐𝒌

✎ 🐇 ⊹ ꒰ #𝐒ᴀᴜɴɢ𝐇ᴀʏᴍᴀʀɴ𝐑ɪ ꒱

❛ 𝑰𝒇 𝑰 𝒉𝒂𝒅 𝒂 𝒄𝒉𝒂𝒏𝒄𝒆 𝒕𝒐 𝒈𝒐 𝒃𝒂𝒄𝒌 𝒕𝒐 𝒎𝒚 𝒚𝒐𝒖𝒕𝒉 𝒔𝒕𝒐𝒓𝒚.. ❜


ဖြစ်နိုင်ရင် အရင်တုန်းက 𝑪𝒓𝒖𝒔𝒉 𝑬𝒓𝒂 ကိုပြန်သွားချင်တယ်။

အပြုံးတွေကို တိတ်တခိုးလေးငေးကြည့်ရင်း..
အတန်းနားချိန်တွေဆို သူရှိတဲ့စာသင်ခန်းရှေ့က ဘေစင်လေးမှာ လက်ဆေးဟန်ဆောင်ရင်း ချောင်းကြည့်ခဲ့ရတဲ့အချိန်တွေကို လွမ်းတယ်။

ကိုယ့်ဘေးနားကဖြတ်သွားရင်ပဲဖြစ်ဖြစ်၊ လမ်းမှာ မတော်တဆ မျက်နှာချင်းဆိုင်ဆုံမိရင်ပဲဖြစ်ဖြစ် ကြိတ်ကြည်နူးခဲ့ရတာတွေကိုလည်း လွမ်းတယ်။

ပွဲတော်နေ့မှာ မုန့်သွားယူဖို့တန်းစီရင်း
မထင်မှတ်ပဲ သူက‌ကိုယ့်ရှေ့မှာဖြစ်နေခဲ့တဲ့ အခိုက်အတန့် .. သူ့အပြုံးကို ပထမဆုံးမြင်ခဲ့ရတဲ့နေ့ .. အဲ့လိုနေ့ရက်တွေကိုလည်းလွမ်းပါတယ်။

ကိုယ့်အောင်သွယ်တော်သူငယ်ချင်းရဲ့ကူညီမှုကြောင့် သုံးယောက်သားအတူ လမ်းသလားခဲ့ဖူးတဲ့ အတိတ်ရဲ့ဇန်နဝါရီရက်စွဲတွေကို လွမ်းမိတယ်။

𝑷𝒂𝒔𝒊𝒍𝒚𝒐 သီချင်းလေးနားထောင်ရင်း ကြိတ်ကြည်နူးပြီး စိတ်ကူးယဉ်ခဲ့ရတာတွေ.. အနွေးထည်အရောင်ချင်း 𝑴𝒂𝒕𝒄𝒉𝒊𝒏𝒈 ဖြစ်အောင် တမင်ဝတ်လာခဲ့ဖူးတဲ့ ဆောင်းရာသီရဲ့နေ့ရက်တွေကိုလည်း လွမ်းမိပါတယ်။

သူ့ရှေ့ရောက်ရင် ကိုယ့်ကို သတိထားမိအောင်ဆိုပြီး နာမည်လှမ်းခေါ်ကြတဲ့သူငယ်ချင်းတွေ ..

နေ့လည်စာစားချိန် ကိုယ့်ဘေးအတန်းကခုံမှာ ခနလာထိုင်တဲ့သူ့ကို ခိုးကြည့်ခဲ့ရတဲ့အချိန်တွေ..

သူတို့အတန်းရဲ့ကျောင်းတက်မှတ်တမ်းမှာ အင်္ဂါနေ့နဲ့၊ သောကြာနေ့တိုင်း ကျောင်းအမြဲပျက်တတ်လို့ တိတ်တခိုးသတင်းမေးခဲ့ရတာတွေ..

သူငယ်ချင်းတစ်ယောက်က သူ့အိမ်ရှိတဲ့ လမ်းကိုသိလို့လိုက်ပြမယ်ဆိုလို့ အတူသွားကြရင်း လမ်းမှာပတ်ချာလည်ခဲ့ရ‌တာတွေ..

ဒီလိုအမှတ်တရသေးသေးလေးတွေကိုလည်း လွမ်းမိပါသေးတယ်။

အောင်သွယ်တော်သူငယ်ချင်းရဲ့ ကူညီမှုကြောင့် သုံးယောက်သားအတူ လမ်းသွားနေရင်း ပျာယာခတ်ပြီး ခလုတ်တိုက်မိလို့ သူလေးပထမဆုံးကြိတ်ပြုံးသွားတဲ့နေ့ကလည်း ဒီနေ့အထိအမှတ်ရစရာပါပဲ။

ဆုတောင်းတွေတော့ပြည့်ခဲ့တယ်။ အရင်လိုရင်ခုန်သံတွေကိုတော့ ပြန်မကြားနိုင်တော့ဘူးထင်တယ်။

မပိုင်ဆိုင်ခဲ့ရချိန်ကအချစ်က ဒီလောက်တောင်ရင်ခုန်ဖို့ကောင်းခဲ့တာလေသလား။

တိတ်တခိုးငေးခဲ့ရတဲ့အပြုံးတွေကကော
ဒီလောက်ထိချိုမြိန်ခဲ့လေသလား။

အတိတ်ကဆောင်းရာသီတစ်ခုရဲ့ အဲ့လိုအမှတ်တရတွေကို မေ့ပျောက်ဖြစ်လို့ရနိုင်မယ် မထင်ဘူးရယ်။

ကိုယ့်ဘဝရဲ့ငယ်ရွယ်မှု အဆုံးသတ်ရင်ခုန်သံလေးက မင်းမို့လို့ပဲထင်ပါတယ်ကွယ် .. ။


-ဆောင်းဟေမာန်ရီ-

✎ 🐇 ⊹ ꒰ #𝐒ᴀᴜɴɢ𝐇ᴀʏᴍᴀʀɴ𝐑ɪ ꒱

အခက်ခဲတွေကြားကနေ သန်မာလာခဲ့ပါ။
ရေခဲစိုင်တွေကိုဖြတ်ပြီး ပွင့်လန်းလာတဲ့
ပန်းတွေလို ..
ကျောက်ဆောင်တွေကိုရင်ဆိုင်နိုင်တဲ့
ပန်းကလေးတွေလိုမျိုးပေါ့။

''𝑬𝒗𝒆𝒓𝒚 𝒇𝒍𝒐𝒘𝒆𝒓𝒔 𝒃𝒍𝒐𝒐𝒎𝒔 𝒊𝒏 𝒊𝒕𝒔 𝒐𝒘𝒏 𝒕𝒊𝒎𝒆''

ပန်းတိုင်းမှာ သူတောက်ပလာမယ့်
ကိုယ်ပိုင်အချိန်ဆိုတာရှိမြဲမလို့
လက်မလျော့ပဲ ရှင်သန်ပါ။
မင်းရဲ့အချိန်ကိုရောက်လာတဲ့အခါ
အတောက်ပဆုံးပွင့်လန်းမှာပါ..။


-လာဗန်ဒါပန်-

ပုံ - 𝒇𝒓𝒐𝒎 𝒑𝒊𝒏𝒕𝒆𝒓𝒆𝒔𝒕

♡🪻⊹ ꒰ #𝙇𝙖𝙫𝙚𝙣𝙙𝙚𝙧𝙋𝙖𝙣 ꒱

ရီရဲ့စာဖတ်သူလေးတွေအဆင်ပြေရင် ဒီ link လေးကို နှိပ်ပြီး ပြောပြကြည့်ပါလားရှင် ~ 🤍

https://t.me/saunghaymarnri/900

❛ 𝑴𝒚 𝑫𝒓𝒆𝒂𝒎 𝑳𝒊𝒇𝒆 ❜


မနက်ဖြန်တိုင်းကို အပူအပင်မရှိ နိုးထခွင့်ရနိုင်မယ့် ဘဝမျိုးလိုချင်တယ်။

အစိမ်းရောင်တောအုပ်ငယ်လေးထဲက ခြံဝန်းလေးတစ်ခုမှာ သစ်သားအိမ်ငယ်လေး‌တစ်လုံးရှိနေမယ်။

လူချမ်းသာအိမ်တွေလို ကြီးကျယ်မခမ်းနားပေမယ့် ရိုးရှင်းပြီး ‌ခိုနားချင်စရာအိမ်ငယ်လေး။

အိမ်ကလေးရဲ့ ဘေးပတ်လည်မှာ သစ်ပင်အချို့နဲ့ တောရိုင်းပန်းကလေးတွေပေါက်နေမယ်။ အိမ်လေးထဲမှာလည်း အစီအရီအလှစိုက်ထားတဲ့ ပန်းပင်အိုးငယ်လေးတွေရှိမယ်။
အညိုရောင် သစ်သားစာအုပ်စင်လေးတွေရှိမယ်။ မွှေးပွကြောင်ကလေးတွေရှိမယ်။

စိတ်တွေပင်ပန်းလာတယ်လို့ ခံစားရတိုင်း အနားယူအိပ်စက်နိုင်တဲ့ အိပ်ရာလေးတစ်ခုလည်းရှိနေမယ်။

အိပ်ရာလေးရဲ့ဘေးမှာ အဖြူရောင်ခန်းစီးလိုက်ကာတွေနဲ့ သစ်သားပြတင်းပေါက်လေးတစ်ခုရှိမယ်။

မိုး‌ဖွဲ့ဖွဲ့လေးရွာတဲ့ နေ့လည်ခင်းတွေဆို
ဒီသစ်သားပြတင်းပေါက်လေးကနေ လေပြေညှင်းလေးတွေတိုက်ခတ်မယ်။

မိုးညှင်းပေါက်လေးတွေရဲ့တဖြောက်ဖြောက်ကျသံတွေကြားရမယ်။

မြင်ရတဲ့မြင်ကွင်းကကော ဘယ်လောက်တောင်လှနေလိုက်မလဲ။

ဘယ်လောက်တောင် အေးချမ်းဖွယ်ကောင်းလိုက်မလဲ .. ။


-ဆောင်းဟေမာန်ရီ-

𝑽𝒅 - 𝒇𝒓𝒐𝒎 𝒕𝒊𝒌𝒕𝒐𝒌

✎ 🐇 ⊹ ꒰ #𝐒ᴀᴜɴɢ𝐇ᴀʏᴍᴀʀɴ𝐑ɪ ꒱

မိုးအေးအေးနဲ့ ဒါလေးနားထောင်ရင်း.. 🥕🤍 ကောင်းသောညပါ မုန်လာဉလေးတို့!

ရှင်သန်ရတာ ပင်ပန်းနေပြီလား။
နေ့ရက်တိုင်းက အတူတူပဲလို့ခံစားနေပြီလား။
လောကကြီးထဲက ထွက်သွားဖို့ အတွေးတွေ
ခနခနတွေးမိနေပြီလား။

ဒါဆို ခနလောက် ကိုယ်ပြောတာကို
နားထောင်ပေးပါ။

ဒီရက်ပိုင်း အဆင်မပြေတာတွေများနေတာ
သိပါတယ်။ သူများတွေအမြင်မှာတော့ ဘာမှမဟုတ်တဲ့ကိစ္စလေးဆိုပေမယ့် မင်းအတွက်တော့ ဘယ်လောက်ထိတောင် ခံစားစေခဲ့ရလဲဆိုတာ နားလည်ပါတယ်။

ဒါပေမယ့် မင်းရဲ့နေ့ရက်တွေတိုင်းက ဒီလိုကြီးပဲ အမြဲဖြစ်နေမှာမှမဟုတ်ဘဲ။ အချိန်တစ်ခုရောက်ရင်တော့ အရင်လိုအဆင်ပြေသွားမှာပါပဲ။

မင်းလည်း ပျော်ရွှင်မှုနဲ့ထိုက်တန်တဲ့ လူတစ်ယောက်ပဲ‌လေ။ အခြားသူတွေပျော်နေနိုင်ကြသလို မင်းမှာလည်းပျော်ရွှင်ခွင့်ရှိတာပဲ။

အခုချိန်မှာ မပျော်ရွှင်နေနိုင်ပေမယ့် ဒီလိုဆိုးရွားတဲ့အခြေအနေတွေကို ကျော်ဖြတ်ပြီးအချိန်တစ်ခုကျ ပျော်စရာတွေ မင်းအတွက်ရောက်လာမှာပါ။

မိုးကောင်းကင်ကြီးကိုပဲကြည့်။
တိမ်တွေညို့မှိုင်းပြီး မိုးတွေသည်းကြီးမည်းကြီးရွာသွန်းတဲ့နေ့တွေ ပြီးဆုံးသွားတိုင်း ..

‌ကောင်းကင်မှာ တိမ်စိုင်တွေအလှပဆုံးဝေ့ဝဲနေတာကိုတွေ့ရမြဲပဲမဟုတ်လား။

ဒီခပ်သိုးသိုးနေ့ရက်တွေရဲ့နောက်မှာ ပျော်ရွှင်မှုရက်စွဲလေးတွေက မင်းကိုစောင့်ကြိုနေပြီးသားဆိုတာယုံကြည်လိုက် .. ။


-ဆောင်းဟေမာန်ရီ-

𝑽𝒅 - 𝒃𝒚 𝑪𝒀𝑳

ဒီမနက် ..
စာဖတ်သူကလေးတစ်ယောက်လာပို့ပေးသွားတဲ့ 𝑨𝑰 𝒂𝒓𝒕 လေးတွေပါ။

တကယ်ချစ်စရာလေးတွေပါရှင်။

ထပ်ပြီးကျေးဇူးတင်ပါတယ်နော် 𝑾𝒐𝒏𝒏𝒊𝒆 လေး .. 💖

♡ 🐥 ⊹ ꒰ #ғᴀɴᴀʀᴛ ꒱

❛ 𝑴𝒚 𝑪𝒐𝒎𝒇𝒐𝒓𝒕 𝑾𝒐𝒓𝒍𝒅 ❜


တစ်ယောက်ထဲဖြစ်ရမှာ အရမ်းကြောက်ခဲ့ဖူးတယ်။ အထီးကျန်ရတဲ့ အချိန်တွေကို အရမ်းကြောက်ခဲ့ဖူးပါတယ်။

ခုတော့စာအုပ်လေးတစ်အုပ်ရှိရုံနဲ့တင်
ငါ့အတွက်လုံလောက်နေခဲ့ပြီ။

လူတွေကို သိပ်ပြီးသံယောဇဉ်မထားဖြစ်တော့သလို မတွယ်ကပ်တတ်တော့ဘူး။
ဒီတိုင်း စာအုပ်လေးတစ်အုပ်ရှိနေရင်ရပြီမို့..။

စာအုပ်ထဲက 𝑪𝒉𝒂𝒓𝒂𝒄𝒕𝒆𝒓 တွေ..
စိတ်ဝင်စားဖွယ် ဇာတ်လမ်းတွေကြောင့်ငါ့ရဲ့အထီးကျန်စရာအချိန်တွေဟာ ပန်းကလေးတွေဖူးပွင့်လာတဲ့ ကမ္ဘာငယ်လေးအဖြစ် ပြောင်းလဲခဲ့တော့တယ်။

အဲ့ဒီကမ္ဘာငယ်လေးထဲမှာ
ငါရယ်..
စာအုပ်တွေရယ်..
စာအုပ်ထဲက ဇာတ်ကောင်တွေရှိနေမယ်။
ပန်းကလေးတွေ အရောင်စုံဖူးပွင့်နေမယ်။
ခေတ်ဟောင်းတေးသွားအချို့ ပျံ့လွင့်နေမယ်။

အထီးကျန်လာတယ်လို့ ခံစားရချိန်တိုင်း စာအုပ်တစ်အုပ်ကို ဖွင့်လို့ ကမ္ဘာငယ်လေးထဲ ဝင်ပုန်းမယ်။

စိတ်က‌လေးရဲ့နားခိုရာ ကမ္ဘာငယ်လေးတစ်ခုပေါ့ကွယ် .. ။


-ဆောင်းဟေမာန်ရီ-

ပုံ - 𝑴𝒊𝒏𝒆

✎ 🐇 ⊹ ꒰ #𝐒ᴀᴜɴɢ𝐇ᴀʏᴍᴀʀɴ𝐑ɪ ꒱