Type to search
Advanced channel search

Qubee TV

@qubeetv

Qubee TV is an entertainment, Educational and news media established with a great vision to be the best television in our country

Qubee TV

21 Jan, 00:25

Pireezidaantiin FIFA Yaa'ii CAF irratti hirmaachuuf Finfinnee galan

Qubee TV (Onkolooleessa 21, 2024) Finfinnee!
Pireezidaantiin Waldaa Kubbaa Miilaa Addunyaa Jiyaanii Viincheenzoo Infaantiinoon Finfinnee galan.

Jiyaanii Viincheenzoo Infaantiinoon Yaa'ii Waliigalaa Konfedereeshinii Kubbaa Miilaa Afrikaa 46ffaarratti hirmaachuuf Finfinnee galuu ibsameera.

Pireezidaantichi waayita buufata Xiyyaaraa Idil Addunyaa Boolee gahan Ministirri Ministeera Dhimma Alaa Dooktar Geediyoon Xiimootiyoos, Pireezidaantiin Konfedereeshinii Kubbaa Miilaa Afrikaa Dooktar Paatiriis Mootiseeppeefi Pireezidaantiin Federeeshinii Kubbaa Miilaa Itoophiyaa Obbo Isaayyaas Jiraan simannaa taasisaniif.
623
Qubee TV

21 Jan, 00:25

Balaa Ibiddaa Finfinnee Markaattootti mudate to'achuuf hojjetamaa jira jedhame.

Qubee TV (Onkolooleessa 21, 2024) Finfinnee!
Balaa Ibiddaa Magaalaa Finfinnee kutaa magaalaa Addis Katamaa Markaattoo Naannawaa Shamaa Taraa jedhamutti mudate to'achuuf hojjetamaa jiraachuu Komishiniin Hoggansa Sodaa Balaa Finfinnee beeksise.

Balicha to'achuuf konkolaattoonni Ittisaa Balaafi ogeeyyiin bobbaafamuu Ogeessi Hariiroo Ummataa komishinichaa Obbo Nigaatuu Maammoon ibsan.

Ka'umsiifi miidhaan balichi qaqqabsiise qulqullaa'ee ummataaf kan ifoomu ta'uu Obbo Nigaatuun FBCtti himan.
757
Qubee TV

21 Jan, 00:25

Tapha michummaa Kubbaa Miilaa CAF Istaadiyeemii Finfinneetti gaggeeffame suuraan.
1,093
Qubee TV

21 Jan, 00:24

Barreessaa Olaanaan Dhaabbata Mootummoota Antooniyoo Guutareez marii Gamtaa Afrikaafi UN irratti hirmaachuuf Finfinnee galan.

Qubee TV (Onkolooleessa 21, 2024) Finfinnee!
Barreessaa Olaanaan Dhaabbata Mootummoota Gamtoomanii Antooniyoo Guutareez Itoophiyaatti marii Gamtaa Afrikaafi UN irratti hirmaachuuf Finfinnee galuu isaanii ibsame.

Antooniyoo Guutareez gara Finfinnee kan dhufan waltajjii marii olaanaa Gamtaa Afrikaafi Dhaabbata Mootummoota Gamtoomanii sadattaffaa irratti hirmaachuuf akka ta’e eerame.

Waltajjii har’a Onkoloolessa 21, 2024 eegale kana Komishinara Gamtaa Afrikaa Muusaa Faaqii waliin ta’uun dura taa’ummaan akka geggeessanis ibsame.

Waltajjichi raawwii hammattoowwan tumsa dhaabbilee lamaanii kan gamaaggamu yoo ta’u, akkasumas nageenyaafi tasgabbii dabalatee dhimmoota adda addaa irratti bal’inaan ni mari’atuun jedhame eegama.
1,447
Qubee TV

21 Jan, 00:24

Barreesssaa Olaanaa FIFA'fi Pireezidaantii Itti Aanaa CAF Finfinnee galan.

Qubee TV (Onkolooleessa 21, 2024) Finfinnee!
Barreesssaa Olaanaa FIFA Laarsi Niilsi Maatiyaasiifi Pireezidaantii Itti Aanaa CAF Suleemaan Waabari Yaa’ii Waliigalaa 46ffaa CAF irratti hirmaachuuf Finfinnee galan.

Keessummoonni lameen wayita Buufata Xiyyaaraa Idil Addunyaa Boolee ga’anitti Ministir Deetaa Ministeeara Dhimma Dubartootaafi Hawaasummaa Huuriyaa Alii, Daayrektara Jeneraala Dhimmoota Pirotokoolii Ministeera Dhimma Alaa Obbo Malaakuu Badhaadhaafi qondaaltota olaanoo mootummaan simataman.
1,300

2024 All Right Reserved