ZERTTEU ZONASY

Америка баспасөзі елдегі президент сайлауының нәтижесі жайлы әрқилы шолу жасады.

Күткендей-ақ, жетекші америкалық БАҚ соңғы төрт жылдағы ең ірі саяси оқиғаға газеттерінің тұтас беттерін арнады. Танымал басылымдар оқырмандарды республикалық партияның жеңісімен құттықтап, демократтардың жеңілу себебін талдап, елдің Дональд Трамптың кезекті президенттік мерзімінде қандай бағытта дамитынына ой жүгіртуде.

«Жаңадан сайланған президент Трамп Ақ үйдегі жеңісінен кейін Американы «Алтын ғасырға» жеткізуге және «бәрін түзетуге» уәде берді», - деп жазды Fox News. Телеарна Трамптың өзінің жеңісін «барлық уақыттағы ең ұлы саяси оқиға» деп атап, елге «сауығуға көмектесемін» деген уәдесін атап өтті.

📌Толығырақ adyrna.kz сайтынан оқыңыз.

Ақтөбе облысында қорғаныс министрлігіне тиесілі тікұшақ құлап, бір адам қаза тапты, деп хабарлайды "Адырна" ұлттық порталы ҚазТАГ агенттігіне сілтеп.
Одан бөлек, екі адам зардап шекті.
«Мартөк ауданының Хлебодаровка ауылы маңында тікұшақ құлады», – делінген агенттік ақпаратында.
Ақтөбе облысының денсаулық сақтау басқармасында қалаға екі науқас жеткізілетіні де айтылған.
«Аэродромда екі жедел жәрдем бригадасы күтіп тұр. Реаниматологтар, травматологтар және комбустиологтардан құралған шұғыл бригада МОБ қабылдау бөлмесінде күтіп отыр», – деп қосты облыстық денсаулық сақтау басқармасы.
Апатқа қатысты төтенше жағдайлар министрлігі де ақпарат берді.

«Бүгін, 9 қараша күні 11:40-та «112» қызметіне Мәртөк ауданының Сарыжар ауылы маңында тікұшақтың «қатты қонуы» туралы хабар түсті. Әуе кемесі, алдын ала мәлімет бойынша, ҚР Қорғаныс министрлігіне тиесілі. Оқиға орнына ТЖД күштері мен құралдары: бес техника және 23 адам жіберілді», – деп хабарлады ТЖМ.

https://adyrna.kz/post/218603

Ресей Қазақстанмен бірге бірлескен тарихшылар тобын құруды көздеп отыр, деп хабарлайды “Адырна” ұлттық порталы ҚазТАГ агенттігіне сілтеп.
«Ресей мен Қазақстанда біздің ортақ тарихи өткенімен және қазіргі тарихымен байланысты тақырыптар периодты түрде туындап отырады. Осы ретте, бірлескен тарихшылар тобын құру туралы оң келісімге қол жеткізілгенін атап өткім келеді», - деді Ресейдің сыртқы істер министрі Сергей Лавров Астанадағы Мемлекеттік басқару академиясының Дипломатия институтында.
Министр мұндай қадамның екі елге де пайдалы екенін және қоғамның кей бөлігінде пайда болатын пікірталастарды бәсеңдетуге көмектесетінін атап өтті. Оның сөзінше, бұл бастама өзара келісім негізінде жүзеге асырылып жатыр.
Сонымен қатар, министр Лавров Қазақстан мен Ресей арасында шешуді талап ететін бірқатар мәселелер бар екенін атап өтті.


https://adyrna.kz/post/218386

Америкада тұратын қазақ журналисі Сәкен Қайырбергенұлы сұхбатында АҚШ президенті сайлауының ерекшеліктері, сайлау науқанына кешірек қосылған Камала Харристің жеңілісі, даукес саясаткер Доналд Трамптың жеңісі және сайлаушылардың көңіл-күйі жайлы әңгімелейді.

2024 жылы өткен АҚШ президенттік сайлауы саясат сахнасында үлкен қызығушылық тудырды. Бұл сайлауда республикалық кандидат, бұрынғы президент Дональд Трамп жеңіске жетті. Ол демократиялық кандидат, қазіргі вице-президент Камала Харристі бірнеше шешуші штаттарда, соның ішінде Пенсильвания, Джорджия және Мичиганда, аз ғана айырмашылықпен жеңіп шықты.

Сайлау науқаны кезінде Трамп экономикалық қиындықтарға тап болған өңірлердегі сайлаушыларға жүгінді және әлеуметтік желілердегі танымал тұлғалардың қолдауын алды. Оның науқаны экономикалық өсуге, миграциялық шектеулерге және әлеуметтік-мәдени құндылықтарды қорғауға бағытталған уәделерге негізделді...

https://adyrna.kz/post/218333

ҰБТ-ға дайындайтын оқу орталығының негізін қалаған Жұлдызай Мұсаева білім саласындағы кемшіліктерді айтып, оқу жүйесін дамыту жайындағы ойларымен бөліседі.

Жаз айы басталса болды, мектеп бітіруші түлектер жоғарғы оқу орнын таңдайды. Елімізде қалаған жоғарғы оқу орнында тегін білім алуға болады, алайда бәрі де түлектердің қорқынышты түсіне айналған ҰБТ-дан алған балыңа қарай шешіледі. Осы күні ҰБТ-ға дайындайтын курстардың ішінде озығы атанған JUZ40 білім беру орталығының басшысы Жұлдызай Мұсаева біраз жанның ЖОО-да тегін білім алуына себепші болып отыр.

📌Сұхбаттың толық нұсқасын adyrna.kz сайтынан оқи аласыздар

Кеше АҚШ халқы өзінің 47 президентін сайлады. Әзірге сайлау нәтижесі түпкілікті анықталмағанымен, қазіргі сәтте Дональд Трамптың жинаған дауысы көбірек. Ол 52 пайыздан астам дауысқа ие болса, бәсекелесі Камала Харристің жинаған даусы 46 пайыздан асады. Дауыстар әлі саналып біткен жоқ.

Республикашыл партиядан сайлауға түскен Трамптың президенті қызметін атқарғаны белгілі. Демократтар кандидаты Камала Харрис – қазіргі вице-президент. Трамп 2017-2021 жылдары АҚШ-тың 45 президенті болған.

Сайлау науқаны кезінде Харрис те, Трамп та жеңіске жететініне сенімділіктерін білдірген. Олар өздерінің сайлау науқанының дүйсенбі күнгі кешке дейін созылған соңғы митингтерінде де жеңіс туралы айтумен болған.

«ЖАҚЫН АРАДА ТАМАША НӘТИЖЕ БОЛАДЫ»

Сайлау науқанында Трамп Мичиган штатының Гранд-Рапидс қаласында жергілікті уақыт бойынша түнгі сағат 2-де соңғы сөзін сөйлеген. Науқан барысында ол бүкіл уақытын экономика мәселелеріне, миграцияға және Камала Харриске сын айтуға арнаған.

📌Толығырақ adyrna.kz сайтынан оқи аласыздар

Қазақстанның бұрынғы басшысы Нұрсұлтан Назарбаевтың үлкен қызы Дариғаның тағы мүлкі – Мәскеудегі совет кезінен қалған пәтері. Осы туралы хабарлаған ақпарат ресурсының мәліметін әзірге ешкім жоққа шығарған жоқ. Бұған дейін де активтерге қатысты мәліметтер жарияланып, сұрақтар пайда болғанда бұрынғы басшының әулеті тіс жарып ештеңе айтқан емес.

«Біз Дариға Назарбаеваның Мәскеуден тағы бір пәтерін таптық. Бұл шетелдегі басқа мүліктеріне қарағанда ерекше көзге түседі. Себебі, біріншіден, бұл оның ең арзан активі, екіншіден, оны тегін алған», - деп хабарлады

«Выход к морю» Telegram арнасы. Осы арнаның хабарлауынша, Ресей астанасында Дариға Назарбаеваның бұдан әлдеқайда қымбат мүліктері де бар.

АТАДАН ҚАЛҒАН МҰРА МА?

Әңгіме бар-жоғы 66 м² болатын үш бөлмелі пәтер туралы болып отыр. Пәтер Черемушки ауданындағы Профсоюзная көшесінде «Царское село» тұрғын алабында орналасқан. Бұл кешен 1983 жылы «кеңестік шенеуніктерге арналған элиталық тұрғын үй» ретінде салынған. Жергілікті тұрғындар бұл үйлерді әлі күнге дейін «совминдік» деп атайды.

Толығырақ: https://adyrna.kz/post/217989

Шәкен Айманов атындағы “Қазақфильм” киностудиясы – қазақ киноөнерінің қара шаңырағы, қазақ мәдениеті мен тамыры терең тарихтың дәлелі. Алайда, киелі шаңырақта соңғы жылдары түрлі қиындықтар болып, шешімін таппаған мәселелер қордаланған. Бұл киностудияның қазіргі күйі, тіпті, отандық кино саласының беделіне нұқсан келтіруде.

Бүгін, 2 қарашада киногерлер мен кино ардагерлері бас қосып, қара шаңырақтағы мәселені билікке естіртуге тырысты.

Жылдар бойы шешімін таппай келе жатқан мәселелер қатарында ең алдымен ғимараттың жағдайы айтылған. Алғашқы проблема – Қазақфильмге тиесілі ғимараттың тағдыры. Кеңес дәуірінен бері тұрған мықты “Қазкинопрокат” ғимараты қазақ киносының өткенін сақтап, қазіргі ұжымның қажетін өтеп келген. Онда осы уақытқа дейін кино студияның архив бөлімі, құрал-жабдықтары мен қызметкерлерге арналған жатақханалар болған.
📌Толығырақ adyrna.kz сайтынан оқыңыз.

Қазақстан Журналистер Одағының басқарма төрағасы Сейтқазы Матаев 70 жасқа толды. ҚР Президенті Қасым-Жомарт Тоқаевтың жарлығымен ол "Құрмет" орденімен марапатталды.

Кейінгі ұрпақ білер-білмес, Сейтқазы аға кім еді? Қазақстанның жаңа тарихында аты-жөні аталуы тиіс қайраткер азаматтың бірер есіл еңбегін ел есіне салайын.

КСРО тарап, Қазақстан тәуелсіздік алған 90-жылдары иесіз қалған ҚазТАГ-ты (ТАСС-тың Қазақ ССР-Індегі филиалы) "тірілтіп", жеке бастамасымен, өзінің қаражатын жұмсап, елдің ақпарат әлеміне қосты. Бүгінде бұл агенттік танымал және беделді БАҚ саналады, ол тарататын ақпаратқа отандық және шетелдік информейшн-медиа сілтеме жасайды.

Тағы да сол тақыр-таза 90-жылдары жетімнің күйін кешкен Қазақстан Журналистер одағын құрып кетуден сақтап қалып, мемлекеттік маңызы бар осы қоғамдық бірлестікті 25 жылдан бері басқарады. Одақ тағайындаған "Қазақстанның құрметті журналисті" атағын журналистер қауымы мемлекеттік марапаттан бетер бағалы төсбелгі санайды.

📌Толығырақ Adyrna.kz сайтынан оқи аласыздар

Мемлекеттік мектеп пен жекеменшік мектептің арасындағы білім сапасының алуандығы әлеуметтік теңсіздіккке ұрындырмай ма? Арада бағыт-бағдардың алуандығы тағы бар. Мамандардың бұл туралы пайымы әртүрлі.  

Мектептегі орын тапшылығы Қазақстанда жыл сайын қайталанады. Мұғалімдер бір сыныпта 30 баладан үш ауысымда бала оқытып шаршаса, ата-аналар үй жанындағы мектепке сыймаған баласын басқа ауыл, ауданға тасып әуреге түседі. Осы мәселенің түйінін тарқату мақсатында билік мектептегі оқу орындарының тапшылығын жекеменшік мектептерді қаржыландырып, санын арттыру арқылы шешуді көздейді. Алайда біздегі бақылау стандарттарының әлсіздігі, әлеуметтік теңсіздіктің күшеюі, идеологиялық білім ошақтарының пайда болуы сынды мәселелерге мән беріп жатқан кім бар? 

«ЖЕКЕ МЕНШІК МЕКТЕПТЕ БӘРІ КЕРІСІНШЕ»

Атырау қаласының тұрғыны, 11 сынып оқушысы Даяна Әділхан мемлекеттік мектептен жекеменшік мектепке ауысқанда айтарлықтай өзгерістер байқағанын айтып берді.


📌Толығырақ adyrna.kz сайтынан оқи аласыз

Испанияда су тасқыны салдарынан 150-ден астам адам қаза тапты. Бұл Испанияда соңғы 1973 жылдан бергі болып тұрған ең ауыр су тасқыны, деп хабарлайды “Адырна” ұлттық порталы ВВС-ге сілтеме жасап. 

Бейсенбіде зардап шеккен аймақтарды аралаған премьер-министр Педро Санчес: «Қазір ең бастысы - мүмкіндігінше көп адамның өмірін сақтап қалу», - деді.
Валенсия автономиялық бірлестігінде кем дегенде 155 адам, Кастилья-Ла-Манчада тағы екі адам және Андалусияда бір адам қайтыс болды.
Валенсияның оңтүстік-батысындағы Паипорта муниципалитетінде өзен арнасынан асып кеткен жерде кем дегенде 40 адам қаза тапты.

«Біз бәріміз қаза болған адамды білеміз. Бұл қорқынышты түс», - деді фармацевт Мигель Геррилла ВВС-ге.

Шенеуніктер із-түзсіз жоғалғандардың нақты санын айтпағанымен, олардың көп екенін айтуда

📌Толығырақ: https://adyrna.kz/post/217582

Испаниялықтар сейсенбі күні болған Валенсия провинциясындағы күшті су тасқынына жауаптыларды іздей бастады. Баспасөз және әлеуметтік желі қолданушылары құтқарушыларды тым кеш ескерту жасады, билік мұндай апатқа дайын болмай шықты дейді.

Соңғы мәліметтер бойынша, Испанияның шығысындағы қатты нөсер мен одан кейінгі су тасқыны салдарынан қаза тапқандар 158-ден асты. ВВС арнасы осы туралы мақаласында апат төркінін анықтауға тырысқан.

Азаматтық қорғаныс қызметі сейсенбі күні кешке көптеген елді мекендерді су басқан кезде ғана қауіп туралы ескерту жасаған.

«Бұл трагедияның ауқымы халыққа тым кеш хабарланды ма деген сұрақ тудырады. Азаматтық қорғаныс қызметі қалаларды су басқан кезде ғана ескерту жіберді» - деп жазады Испанияның El Mundo газеті.

📌Толығырақ adyrna.kz сайтынан оқыңыз.

Қазақстан көршілес Ресеймен бірге +7 телефон кодын бірлесіп пайдалану туралы келісім жобасын мақұлдады, деп хабарлайды “Адырна” ұлттық порталы ҚазТАГ-қа сілтеп.

«Қазақстан Республикасының Үкіметі мен Ресей Федерациясының Үкіметі арасындағы 7-нөмір аймағын бірлесіп пайдалану туралы келісім жобасын бекітсін», - делінген Қазақстан үкіметінің қаулысында.
Бұл құжатқа сәйкес, тек Ресейге келесі код диапазондары бекітілмек: 200 – 299, 300 – 399, 400 – 499, 500 – 599, 810 - 818, 820 - 821, 831, 833 - 836, 840- 848, 850 - 851, 855 - 857, 860 - 863, 865 - 867, 869 және 871 - 873, 877- 880, 900 – 999.

Ал Қазақстанға тек келесі код диапазондары бекітілмек: 000 – 099, 600 – 699 және 700 – 799.

Қазақстан мен Ресейге бірлесіп пайдалану үшін бекітілетін код диапазондары мыналар: 100 – 199, 800 – 809 және 881 – 899.

📌Толығырақ adyrna.kz сайтынан оқыңыз.

Алматыда танымал блогер әрі кәсіпкердің көлігін алған 22 жастағы ер адам көз жұмды, деп хабарлайды “Адырна” ұлттық порталы.

Қайғылы оқиға 29 қазан күні Ақсай ауылындағы “Сокол” автодромында болған.

Трюк орындау кезінде 22 жастағы жігіт 45 жастағы жүргізуші басқарған көліктің астында қалып қойғаны анықталды. Ауыр жарақат алған жігіт аудандық ауруханаға жеткізілген. Алайда, онда 30 қазан күні есін жимастан көз жұмыпты.

Халық алдында жүрген блогер қайғылы жағдайға қатысты пікір білдірген бейнесі Tiktok желісінде тараған. Блогер Бейбіт Әлібеков өзінің Lamborghini көлігін 22 жастағы жігіттің сұрағанын айтты.

«Менен көлік сұраған Батырхан Ержан деген жігітті еске түсірейік. Мен әуелде оған бермедім. Ол көлікті қайта-қайта сұрады. Трюк жасап, видеоға түсіргісі келетінін айтқан. Бірнеше рет сұрағаннан кейін көлігімді берген болатынмын. Қайғылы оқиға трюк жасау кезінде орын алған...”


📌Толығырақ adyrna.kz сайтынан оқыңыз.

Кітап оқудың хикметі мен қызығы жайында ой бөліскен мәдениет саласының белсендісі қарапайым әрекеттер кішкентай қадамдардан басталады дейді.

Қазақстанды кітап оқитын елге айналдыру миссиясының аясында туындаған Kitapal club, Kitapal podcast, Ауылға Kitapal жобаларының жетекшісі Данияр Жігітбек атқарылған жұмыстарымен бөлісіп, алдағы жоспарларын таныстырды.

- «Қазақстанды кітап оқитын елге айналдыру» миссияңызды ойдағыдай жүзеге асырып жатырсыз ба?

- Қазақстанды кітап оқитын елге айналдыру миссиямыз ойдағыдай жүзеге асып жатыр деп айта аламын. Оған дәлел – күнде бізге келіп жатқан хаттар. «Сіздердің жобаларыңыз арқылы қызығушылығым артып, кітап оқи бастадым», «мектебімізде, ортамызда осындай кітап оқу шараларын жасадық» деген сияқты хаттар келіп жатыр.

Бұл біздің еңбегіміздің кішкентай жемісі деп ойлаймын. Біз істемегенде мұндай нәрселер болмас па еді деген ой келеді. Миссиямыз жүзеге асып жатыр, осылай жалғаса береді деген үмітіміз бар.

📌Сұхбатты толық Adyrna.kz сайтынан оқи аласыздар

Экс-президент Нұрсұлтан Назарбаевпен ұзақ уақыт қатар қызметтес болған бұрынғы саясаткер Марат Тәжин күтпеген жерден ақпарат кеңістігіне қайта шықты.

Бұрынғы саясаткер қазір әлеуметтану мамандығын оқып жатыр екен. БАҚ 23 қазанда Алматыда Қазақстан және түркітілдес елдер әлеуметтанушыларының VIII съезі өткенін хабарлады.
Бұл шара Түркітілдес елдер әлеуметтанушылар одағының президенті Марат Тәжиннің жетекшілігімен өткені нақтыланды. Айтуларынша, биылғы шараға қатысушылар тұлғаны анықтау мәселелерін талқылады.

Толығырақ: https://adyrna.kz/post/217130

Өнеркәсіп және құрылыс министрі Қанат Шарлапаев Үкімет отырысынан кейін өткен баспасөз мәслихатында 4 пайыздық автонесие неге келмеске кеткенін айтты, деп хабарлайды “Адырна” ұлттық порталы.

«Бұл сұраққа осыған дейін де жауап бергенбіз. Жеңілдетілген несиеге ешкімнің көңілі толып отырған жоқ. Себебі түсінікті, ниет білдірушілер көп, ал бөлінетін ақша шамалы. Бірақ автоөндірушілер де, қаржы нарығы да бір орында тоқтап тұрмайды. Мысалы, қазір Үкімет заңнамалық тұрғыда жеке тұлғаларға лизингті енгізу тетігін қолдап отыр. Екіншіден, автокөлік сататын компаниялардың өзі әртүрлі қаржылық құралдарды пайдаланып, көлікті бөліп төлеуге болатын жағдай жасады», – деді министр.

https://adyrna.kz/post/217135

Орталық Азияның суға мұқтаж, тұрғын саны көп елінің бірі Өзбекстанда ауадан ауыз су өндіретін жаңа техника сынақтан өтті. Ыстық та құрғақ климатта тәулігіне бір мың литрге дейін су өндіретін құрал энергоресурстарды аз шығындайды. Жоба басшысы оның шетелдік  нұсқалардан тиімі жақтарын айтады.

«Науаи» еркін экономикалық аймағында (ЕЭА) ыстық-құрғақ климат жағдайында ауадан ауыз су алуға арналған әлемдегі алғашқы қондырғының сынақтары сәтті аяқталды.
Өзбекстандағы күрделі сынақтардан өткен қондырғыны ресейлік Aquagenicа компаниясы жасап шығарған. Құрылғы тәулігіне 1000 литр су өндіруге қабілетті. Оның артықшылығы ретінде күн мен желді пайдалануға мүмкіндік беретін төмен энергия тұтынуын айтуға болады. «Навои» ЕЭА директоры Хабиб Абдуллаев құрылғы туралы Fergana ақпараттық ресурсына айтып берген.

АТА ЖОЛЫН ЖАЛҒАСТЫРҒАН НЕМЕРЕ

2019 жылдың басында мәскеулік Хабиб Абдуллаев Өзбекстанға жұмысқа шақырылып, «Навои» ЕЭА басшысы болып тағайындалды. Келгеннен кейін бірнеше айдың ішінде ол елде су тапшылығы сияқты шешімі жоқ бірнеше негізгі мәселе бар екенін түсінді.

https://adyrna.kz/post/217004

Абайды, Абай мұрасын алғаш зерттеген – ХХ ғасырдың басындағы қазақ зиялылары, алаштықтар.

Абай Құнанбайұлының көзі тірісінде шыққан бірлі-жарым өлеңдері «Дала уәлаяты» газетінде жарияланды. Қолжазба күйінде қолдан-қолға тараған ақын мұрасын туған халқына оралту ісінде Алаштың Ә.Бөкейхан, А.Байтұрсынұлы, М.Дулатұлы, С.Торайғыров сынды қайраткерлері ерен еңбек сіңірді.

ТҰҢҒЫШ АБАЙТАНУШЫ

Алаштықтардан алғаш Абайды зерттеп, оның мұрасын таныған — Әлихан Бөкейхан. Деректерге сүйенсек, ол 1903 жылы Абайдың көзі тірісінде Санкт-Петербургте басылып шығатын «Киргизский край» кітабының ХVІІІ томында «Қырғыз аймағының тарихи тағдыры және оның мәдени жетістіктері» атты еңбек жариялайды. Онда ол Абайдың туындыларын формасы мен мазмұны жағынан айрықша шығармашылық дей келе, оны қазақтың жаңа әдебиетінің көшбасшысы деп бағалаған.

📌Толығырақ Adyrna.kz сайтынан оқи аласыздар

Ресейде шамамен 12 000 солтүстіккореялық әскери қызметкер бар, оның ішінде 500 офицер мен үш генерал бар және оқу бес әскери базада өтуде. Бұл туралы Украина әскери барлауы бейсенбі күні мәлімдебі, деп хабарлайды “Адырна” ұлттық порталы. 

Мәлімет бойынша, Ресейде жаттығудан өткен Солтүстік Кореяның алғашқы бөлімшелері Курск облысында орналастырылған.
Сондай-ақ, Ресей Федерациясы Қорғаныс министрінің орынбасары Юнус-Бек Евкуров Солтүстік Корея әскерилерінің жаттығуларын бақылауға жауапты болып тағайындалды, делінген құжатта.

Ал АҚШ Ұлттық қауіпсіздік кеңесі өкілінің айтуынша, Мәскеу мен Пхеньянның әскери ынтымақтастығы заңсыз.

Бейсенбі күні Ақ үй Ұлттық қауіпсіздік кеңесінің өкілі Джон Кирби Мәскеу мен Пхеньянның қорғаныс саласындағы кез келген ынтымақтастығы - БҰҰ Қауіпсіздік Кеңесінің Ресей қол қойған қарарларын бұзуы екенін айтты.

https://adyrna.kz/post/216757

🇰🇿🇲🇳Моңғолия президенті У.Хүрэлсүхтің шақыруымен Қазақстан президенті Қасым-Жомарт Тоқаев 2024 жылғы 28-29 қазанда Моңғолияға мемлекеттік сапармен барады. Бұл туралы Монтсаме ақпарат агенттігі жариялады, деп хабарлайды “Адырна” ұлттық порталы.

https://adyrna.kz/post/216731

Бүгін — қайта жаңғырған Республика күні. Биыл елімізде үшінші рет тойланады. 2022 жылы мерекелер тізіміне енген бұл дата – елдегі жалғыз ұлттық мейрам. Бір кезде ұмыт қалған Республика күні қалай қайта жаңғырды?  

Республика күні 1990 жылдың 25 қазаны күні Қазақ КСР Жоғарғы Кеңесінің шешімімен «Қаз ССР-нің мемлекеттік егемендігі туралы» декларация қабылданғаннан бастау алады. 1992 жылдан бастап тойланып, 2001 жылы мемлекеттік мерекелер қатарына енгізілді, 2009 жылы бұрынғы президент Нұрсұлтан Назарбаевтың бұйрығымен мемлекеттік мерекелер қатарынан алынып тасталды. Кейін 2022 жылы Ұлттық құрылтай жиынында мемлекет басшысы Қасым-Жомарт Тоқаев осы мерекені қайта атап өтуді ұсынды.

“ҰЛЫҚ МЕРЕКЕ РЕТІНДЕ САНАУ КЕРЕК”

Парламент мәжілісінің қазіргі депутаты Ермұрат Бәпи декларация қабылданған күнді қуанышпен еске алатынын айтады. Сондай-ақ, ол бүгінгі Республика күнін дүркіретіп өткізу керегін ұсынды.

📌Толығырақ adyrna.kz сайтынан оқи аласыщ

Қазақстанның СССР құрамынан шықпай егемендік жариялап, арнайы декларация жариялауы сол кездегі баспасөзде қалай көрініс тапты? Кейбір газетте декларация детальдары қозғалса, тағы бір басылымдар ондағы дау-дамай жайында жазған.

Совет одағы құрамындағы Қазақстан 1990 жылғы 25 қазанда «Қазақ ССР-інің мемлекеттік егемендігі туралы декларация» қабылдады. Онда «Қазақ Советтiк Социалистiк Республикасы - егемендi мемлекет, ол басқа республикалармен Егемендi Республикалар Одағына ерiктi түрде бiрiгедi және олармен өзара қатынастарын шарттық негiзде құрады» деп атап көрсетілді.

Құжатта «Қазақ ССР-інің Одақтан еркiн шығу правосын өзiнде сақтап қалатыны» айтылған. Декларация бойынша, Қазақ ССР-інің мемлекеттiк өкiмет билiгi «Республика iшiнде, сондай-ақ Одақтық шартта белгiленген шеңберде» дербес, толық болуға тиіс еді. Дегенмен онда кейбір өкілеттіктің Мәскеудегі орталықпен ақылдасып шешілетіні де атап көрсетілген.


📌Толығырақ adyrna.kz сайтынан оқыңыз

Қазақстан президенті БРИКС саммитіне қатысу үшін Қазанға сапарлады. Осы қарсаңда Қазақстанның жақын арада бұл ұйымға қосылуға ниеттенбейтіні айтылды. Елдегі сарапшылар бұл мәлімдемені әртүрлі қабылдады. Алайда бұл шешімнің астарында не жатыр?

Қазақстан президенті Қасым-Жомарт Тоқаев 22-24 қазан аралығында өтетін БРИКС тобының саммитіне қатысу үшін Қазан қаласына барды. Саммиттің соңғы күнінде Тоқаев осы ұйымға кіретін мемлекеттер көшбасшыларының кеңейтілген отырысында сөз сөйлейді деп күтілуде. Қазақстан президенті осы ұйымға мүшелікке қатысты мәселеге нүктесін қоятыны болжануда. Неміс толқыны – DW арнасының сараптамасында осы туралы айтылған.

Бұл ұйымның құрылуын кезінде Ресей тарапы бастаған болатын. БРИКС – бастапқыда Ресей, Бразилия, Үндістан, Қытай және Оңтүстік Африка Республикасынан тұратын бейресми мемлекеттер тобы болды. Кейіннен мұны көпшілік Батысқа қарсы балама ретінде ретінде қарап, экономикалық ұйымның ауқымы кеңейді.

📌 Толығырақ Adyrna.kz сайтынан оқи аласыз

Жоғары оқу орнына түсе алмай қалған сәтсіз оқиғадан кейін бастаған кәсібі нәсібіне айналған Самғау Нәсіпханұлы етікшілік өнердің қыр-сыры жайындағы ойларымен бөліседі.

Құстар тізбегі жылы жаққа қайтып, күз келді. Еліміздің солтүстік аймақтарында қар жауып, жұрттар ақ қарды төсек етіп жүрсе, оңтүстік аймақта да жағдай мәз болмай, бұлттар мұңайып, жасын төгіп жатыр. Күннің суығында жылы киімнен бөлек, аяғыңызға жылы аяқ киім алғаныңыз да абзал. «Аяқ киім» демекші ұлттық брендте тігілген аяқ киімдер туралы естімеген ел де көп. Самғау Нәсіпханұлы – Алтайдан атажұртқа келіп, осы күні етік саласына үлес қосып отырған тұлғалардың бірі.

- Самғау мырза, жалпы осы салаға қалай келдіңіз? Не түрткі, не себепші болды, неге етік саласы?

- Осы салаға 2010-11 жылдары келдім. Біздің аталарымыз етікші болған сол кісілер себепші болды. Одан кейін тесттен өтпей қалғаным тағы бар, өзіміздің ата кәсібімізді бастауға тура келді.

📌Сұхбаттың толық нұсқасын Adyrna.kz сайтынан оқи аласыз

Абай облысының Үржар ауданындағы Үржар ауылында 2001 жылы туған жас жігіттің кісі қолынан қаза тапқаны анықталды.

2024 жылдың 30 қаңтарында Абай облысында Райбек Рахат есімді ер адам аса қатыгездікпен өлтірілген.

Ақпаратты БАҚ–қа жеткізген жігіттің туған әпкесі – Әсем.

«2001 жылы туған бауырым аса жауыздықпен, қаталдықпен өлтірілді. Оған 22 пышақ жарақаты салынған!!! 29.01.24 күні әскери комиссариатта Урджар аудандық қорғаныс істері басқармасының (ОДО) 6-ға жуық қызметкерінің қатысуымен кісі өлімі орын алды», - делінген Әсемнің желіде жариялаған хабарламасында.

Әсемгүл Қанатқызы «Адырна» тілшісіне берген сұхбатында оқиғаның мән- жайын айтты.

📌Толығырақ adyrna.kz сайтынан оқи аласыз

Қазан айының басында Ресей басшысы 72 жасқа толды. Жасы ұлғайған автократ басшының атауларды дұрыс атай алмайтын кездері жиі кездеседі. Оның жаңылыс сөйлегені жайында Кремль ешқашан түсінік берген емес. Ол көбіне өзі жиі сапарлайтын және жиі бас қосатын Орталық Азия президенттерінің ресми аты-жөнінен шатасып жүреді. Мұндай шатасу тек Путинде ғана емес, оның протокол қызметінде де кездеседі.

25 жылдан жоғары биліктен кетпеген Ресей президенті Владимир Путин көптеген жиындар мен маңызды жиналыстарда ел президенттерінің, адам аттарын, елдер мен даталарды шатастырады. Тиісінше, БАҚ беттерінде жиі талқыланып жатады. Путиннің шатасуы «қашан және қалай» болғаны туралы бірнеше деректі ұсынамыз.

«КАЗАХСТАН – КАЗАХТАН»

2018 жылы ТМД мемлекеттері басшыларының кездесуінде Владимир Путин Қазақстан атауын шатастырған болатын. Кездесуде ол «Казахстан» деген сөзді «Казахтан» деп айтқан. Көптеген БАҚ беттерінде бұл кішкентай қателік екені айтылды. Алайда мемлекеттің атауын дұрыс айтпау саясаткер үшін үлкен сын болған.

2014 жылы Ресей Қырымды аннексиялағаннан кейін Владимир Путин Украина қалаларының атауларын шатастырған бірнеше жағдай болды.

СЛАВЯНСК МА, ӘЛДЕ СУМЫ МА?

Мысалы, ол "Славянск" қаласын атаған кезде "Сумы" деп айтқан. Бұл қате оның сөйлеген сөзінде орын алды.Сондай-ақ, бұл Путиннің географиялық сауаттылығы туралы сұрақтар туғызды. Осы сәтте Путиннің сөзі әлеуметтік желілер мен БАҚ-та кеңінен талқыланды, бұл оның Украина географиясын қаншалықты жақсы білетіндігіне қатысты күмән туғызды.

Толығырақ: https://adyrna.kz/post/216076

Адамзат үшін қауіпті жұқпалы аурудың үш жүзден астам түрі болса, соның басым бөлігі климат өзгеруінен туындаған. Ғылыми әдебиеттер күйдіргі, тырысқақ, безгек, Лайма ауруы, Батыс Ніл, Зика сияқты бактериялық және вирустық аурулар жаһандық жылыну, құрғақшылық, аптап ыстық, орман өрті, су тасқыны мен теңіз деңгейінің көтерілуі салдарынан таралады дейді.

Дүниежүзілік денсаулық сақтау ұйымы (ары қарай - ДДСҰ) климат құбылуының Қазақстанға тікелей және жанама әсері 30-дан астам жағымсыз салдарға әкелуі мүмкін екенін айтады. Оның бірін биыл бастан өткердік.

Биыл соңғы 80 жылдағы болмаған ірі табиғи апат салдарынан еліміздің 10 облысында төтенше жағдай жарияланды. Тасқын инфрақұрылымдарды бүлдіріп, бөгеттерді бұзды, су қоймаларын қиратты. 120 мыңнан астам адам, оның ішінде 40 мыңға жуық бала эвакуацияланды, 7 адам қаза тапты. Апаттан келген шығын 300 млрд теңгеден асты.

📌Толығырақ Adyrna.kz сайтынан оқи аласыздар

Алматыда 17 қазан күні жер сілкінісі болды, деп хабарлайды "Адырна" ұлттық порталы.
Алматы жұрты 2 балдық жер сілкінісін таңға жуық сезген.
«ҚР ТЖМ «Сейсмологиялык зерттеу институты» ЖШС сейсмикалық станциялар желісімен 2024 жылғы 17  қазан Астана уақытымен 03 сағат 23 мин жер сілкінісі тіркелді», – делінген Төтенше жағдайлар министрлігі таратқан мәліметте.
Жер сілкінісінің ошағы Қытайда орналасқан. Қалалық ТЖМ Алматыға бұл жер сілкінісі 2 балл болып сезілгенін хабарлады. Зардап шеккендер мен қираған ғимараттар жоқ.
17 қазан күні таңғы 10:00-де сирена ойнап, оқу-жаттығу жұмыстары жүргізілген.
Еске сала кетейік, 16 қазан күні Түркияда 6 баллдық жер сілкінісі тіркелді.

Жер жүзін шарлауды мақсат тұтқан жетпістен асқан жаяу қазақ Сәрсенбай ақсақал қазан айында сапарының үшінші кезеңін аяқтады. Осыған дейінгі жаяу жорығы туралы айтқан ол болашақ жоспарымен де бөлісті.

Дүниежүзін жаяу аралауға шыққан 74 жастағы саяхатшы Сәрсенбай Қотырашев 2022 жылы Қазақстанның 17 облысын 6 айда жүріп өтті. Сонымен қатар, 2023 жылы 100 күнге жуық уақытта 3000 шақырымды еңсерді. 74 жастағы қазақстандық саяхатшы биыл 2 тамыз бен 2 қазан аралығында Өскемен қаласынан бастап Қытай астанасы Пекинге дейін барып, сапарының үшінші кезеңін сәтті аяқтады. Зайыбы дүние салған соң жер шарын жаяу аралауға шыққан Сәрсенбай Қотырашев сұрақтарымызға жауап беріп, алдағы жоспарларымен бөлісті.

📌Толығырақ adyrna.kz сайтынан оқыңыз

Қазақстанда АЭС салу бойынша референдумның қорытындысы жарияланғаннан кейін “Росатомның” бас директоры Алексей Лихачев Қазақстан Президенті Қасым Жомарт Тоқаевпен кездесуді сұраған. Бұл туралы Ресей елшілігінің хаты делінген құжаттың көшірмесі желіге тарады, деп хабарлайды “Адырна” ұлттық порталы.

Айта кетейік, 6 қазан күні Қазақстанда атом электр стансасын салу бойынша референдум өткен болатын. Оның даулы нәтижесі елде атом электр станциясы салынады деген шешіммен аяқталды.

Референдум қорытындысы 8 қазан жарияланғаннан кейін “Росатомның” бас директоры Алексей Лихачев Қазақстан Президенті Қасым Жомарт Тоқаев және Премьер-министр Олжас Бектеновпен кездесуді сұраған. Тиісті сауал 11 қазанда дипломатиялық арналар арқылы жіберілген.
Аталған құжат желіде тарады.

https://adyrna.kz/post/215652

Таяуда прокатқа шығарылған «Қажымұқан» фильмін түсірген топ жетекшісі картинаның қалай әзірленіп, түсірілгені және қиындықтары жайында ой бөлісті.

“Қажымұқан” фильмі – Қанағат Мұстафиннің тарихи-өмірбаяндық кинотуындысы. Бұл фильм қазақ халқының атақты балуаны, әлемге танымал спортшы Қажымұқан Мұңайтпасовтың өмірі мен ерліктеріне арналған.

Қажымұқан – қазақ халқының спорттық және ұлттық қаһарманы, классикалық күрестен әлем чемпионы болған тұлға.

Көркем фильмде Қажымұқанның балуандық жолы, оның спорттағы жетістіктері, бәсекелестері, сондай-ақ қазақ халқының күрделі әлеуметтік және саяси кезеңдердегі өмірі көрсетіледі. Сонымен қатар, Қажымұқанның қарапайым ауылдан шығып, әлемдік аренада атақты балуанға айналу жолындағы қиындықтары мен табандылығы – басты назарда. Фильм Қажымұқанның ерлігі мен қайсарлығы арқылы ұлттық рухты дәріптейді.

Қазақтың тарихи-мәдени құндылықтарын жаңғыртып, жастарды отансүйгіштікке, табандылыққа және өз халқына деген мақтаныш сезіміне тәрбиелеуге бағытталған кинотуындының режиссері Қанағат Мұстафин фильмнің түсіру барысы мен идеясын айтып, сұхбат берді.

📌Сұхбаттың толық нұсқасын adyrna.kz сайтынан оқи аласыз

Екі күн қатарынан екі әскери қызметкердің өлімге ұшырағаны анықталды, деп хабарлайды “Адырна” ұлттық порталы.

Шахтинск қаласындағы көпқабатты үйлердің бірінде Ұлттық ұланның әскери қызметкерінің мәйіті табылды. Бұл оқиғаға қатысты ҚР Ұлттық ұланы «Орталық» өңірлік қолбасшылығының баспасөз қызметі ресми мәлімдеме жасады.

«13 қазанда Шахтинск қаласында қызметтен тыс уақытта өзі тұрып жатқан пәтерден келісімшарт бойынша әскери қызметшінің денесі табылды. Болжамды ақпаратқа сәйкес, әскери қызметші отбасылық-тұрмыстық жанжал негізінде өзіне қол жұмсаған. Қазақстан Республикасы Ұлттық ұланы «Орталық»өңірлік қолбасшылығы әскери қызметшінің туыстары мен жақындарына көңіл айтады»,—делінген хабарламада.

Аталған факт бойынша қылмыстық іс қозғалды. Оқиғаның себеп-салдары анықталып жатыр.

Заң бойынша Ұлттық ұлан iшкi iстер органдарының бiрыңғай жүйесiне кiредi. Ұландықтар жеке бастың, қоғам мен мемлекеттiң қауiпсiздiгiн қамтамасыз етуге, адамның және азаматтың құқықтары мен бостандықтарын қорғайды.

Ал 14 қазанда Приозерск гарнизонындағы әскери бөлімдердің бірінде мерзімді қызметтегі әскери қызметкер өзін-өзі атап өлтірді. Бұл туралы Құрлық әскерлерінің баспасөз қызметі мәлім етті.

«Әскери қызметкер қарауыл қызметінде міндеттерін орындаған уақытта бекітілген қаруынан басына оқ атқан. Аталған оқиға әскери қызмет өткерумен байланысты емес. Алдын ала мәліметтер бойынша, марқұм отбасылық-тұрмыстық жанжал негізінде өзіне қол жұмсаған. Қылмыстық іс қозғалды, мән-жайлар анықталып жатыр»,—делінген хабарламада.

📌Толығырақ adyrna.kz сайтынан оқи аласыз

Түркия ұлттық білім министрлігі оқулықтағы "Орталық Азия" терминін "Түркістан" терминімен ауыстырды. Түркияда тұратын қазақ ғалымы, қазақ диаспорасының белсенді өкілі Әбдіуақап Қара бұл қадам Түркістан аймағындағы елдердің ынтымаұтасты мен мәдениетіне оң әсер етеді деп санайды. Дегенмен ол шешілмей келе қала жатқан мәселелерді де жоққа шығармайды.

Түркия президенті Ражап Тайп Ердоған ұлттық бірлік министрлігінің бұл шешімін оң бағалады. Саяси басшының бұған реакция білдіруі мәселенің саяси қырынан да хабар берсе керек. Ол  түркі әлемінің бірлігі мен елдің осы үдерістегі рөлінің маңыздылығын атап өткен.
«Біз «Түркия ғасыры» туралы көзқарасымызды түркі мемлекеттерін ұйымдастыру арқылы кеңейте отырып, алдағы кезеңді түркі дәуіріне айналдыру үшін иық тіресетін боламыз»,-деген президент Ердоған.

Түркиялық ғалмы Рамин Садық білім министрлігінің шешіміне түсініктеме берген. Оның сөзінше, «Түркістан» атауы негізінен түріктер тұратын аймақты білдіреді.
«Ұлттық білім министрлігінің «Түркістан» терминін оқулықтарға, оның ішінде балаларға арналған оқулықтарға енгізу туралы шешімі Түркия үшін ғана емес, бүкіл түркі әлемі үшін, сондай-ақ түркі мемлекеттерінің әріптес елдері үшін маңызды бастама және құнды үлес»,- деп түсіндірген Рамин Садық.

https://adyrna.kz/post/215391

10 қазан күні Түркіменстан астанасы Ашхабад төрінде ұлтымыздың ұлы ойшылы Абай Құнанбайұлына арналған ескерткіш орнатылды.  Оны Мемлекет басшысы Қасым-Жомарт Тоқаев пен Түркіменстан Халк Маслахатының төрағасы Гурбангулы Бердімұхамедов салтанатты түрде ашты.

Қазақ басшысы "Абай – әлемдік ауқымдағы алып тұлға. Оның шығармалары бүкіл адамзаттың асыл мұрасына айналды", - деді.  Ал Түрікменстан Халк Маслахатының төрағасы бауырлас халықтардың тарихи және мәдени өмірінде жарқын із қалдырған белгілі тұлғалар мұрасын сақтаудың және оны болашақ ұрпаққа жеткізудің мәні зор екеніне тоқталды.

Абай есімі жарты әлемге танылған. Әлемнің түкпір-түкпірінде ұлы ақынға арналған көшелер мен ескерткіштер бар. Соларға көз жүгіртіп өтелік.

https://adyrna.kz/post/215329

11 қазан күні Жетісу облысында жантүршігерлік жол апаты болды, деп хабарлайды "Адырна" ұлттық порталы.
Жол апаты Текелі қаласының Әуезов көшесінде болған. Салдарынан үш адам қаза тапты.
«Жол апаты салдарынан үш адам қаза болып, тағы үш адам ауруханаға жеткізілді. Аталған факті бойынша сотқа дейінгі тергеу басталды», - делінген хабарламада.
ПД халықты ауа райы нашарлаған кезде рөлде сақ болуға шақырды.
Айта кетейік, 17 тамыз күні Жамбыл облысындағы республикалық тас жолда жол апатынан алты адам қаза тапқан.

16 жасында кісі қолынан қаза тапқан жасөспірім Шерзат Болаттың әкесі болған жағдайдан соң мәлімдеме жасады👆

Алматы облысы, Талғар қаласында бір топ бұзақының қолынан қаза тапқан 16 жастағы жасөспірімнің үйі толығымен өртенді, деп хабарлайды “Адырна” ұлттық порталы.
Марқұмның үйі сенбіге қараған түні өртенген. ТЖМ мәліметінше, зардап шеккендердің бар-жоғы нақтылануда.
Алматы облысының полиция департаменті өрт фактісін растады.
"Полиция бөтеннің мүлкін қасақана жою дерегі бойынша қылмыстық іс қозғады", – делінген ПД хабарламасында.
Тергеу аясында куәгерлерден жауап алынған. Сондай-ақ, бейнебақылау камераларының жазбалары зерттеліп жатқаны айтылды.
"Қазіргі уақытта оқиғаның барлық мән-жайы мен оқиғаға себеп болуы мүмкін себептер анықталып жатыр”, – делінген хабарламада.
Айта кетейік, Талғарда сыра үшін төбелескендердің қолынан қаза тапқан 16 жастағы жасөспірім Шерзат Болаттың өлімі қоғамдық резонанс тудырды.

2024 жылдың қазан айында ҚР Ұлттық қорынан 1,4 млрд долларға дейін шетел валютасын сату жоспарлануда. Бұл туралы Ұлттық банк төрағасының орынбасары Әлия Молдағұлова айтты, деп хабарлайды “Адырна” ұлттық порталы.

«Ағымдағы жылдың қазан айында 1,3 млрд доллардан 1,4 млрд долларға дейінгі рекордтық көлемді сату қажет. Осы айдың соңына дейін біз осы көлемнің шамамен 2/3 бөлігін сатуымыз керек», - деді Молдағұлова жұма күні Ұлттық банктің брифингінде.

Оның айтуынша, бұл валюта нарығындағы жағдайды қалыпқа келтіру үшін жеткілікті көлемде ұсыныс жасайды.

Айта кетейік, 10 қазан қарсаңында Ұлттық экономика вице-министрі Арман Қасенов теңгенің долларға шаққандағы әлсіреуі аясында девальвацияға түбегейлі негіз жоқ деп мәлімдеген болатын.

Ауғанстан билігіндегі «Талибан» қозғалысы Кабулда аты аталмаған өзбек компаниясымен 1 миллиард долларлық келісімге қол қойды. Бұл туралы TOLOnews «Талибан» үкіметіндегі кен және мұнай министрлігіне сілтеме жасап жариялады, деп хабарлайды “Адырна” ұлттық порталы.

Ақпаратқа сәйкес, келісімшарт Ауғанстанның солтүстігіндегі Дзаузжан провинциясындағы Тотимайдан кен орнында табиғи газды барлау мен өндіруді қарастырады. Келісімшарт 10 жыл мерзімге жасалды. Оған сәйкес, өзбек компаниясы бірінші жылы 100 миллион долларды, ал қалған 900 миллион долларды алдағы тоғыз жылда салады. Алғашқы екі жылда өндірілген газ 100 мегаватт электр энергиясын өндіруге жұмсалады.

Құжатқа қол қою кезінде Өзбекстан президентінің Ауғанстан бойынша арнайы өкілі Исматулла Иргашев қатысты.
Тотымайдан кен орны бұрыннан Орталық Азиядағы табиғи газдың ең перспективалы әлеуетті көздерінің бірі болып саналады. Оның қоры шамамен 7 мың шаршы шақырым аумақты алып жатыр, ол Түркіменстанмен шекараға дейін созылады.

Алматы маңында жеңіл көлік жаяу жүргіншіні қағып кетті, деп хабарлайды “Адырна” ұлттық порталы.
Krisp_almaty дерегінше, қайғылы оқиға 10 қазан күні таңертең болған. Алматы маңында 20 жастағы жүргізуші жаяу жүргіншілер өткелінде 60 жастағы әйелді қағып кеткені анықталды. Жол-көлік апаты Алматы-Бішкек тас жолының 19-шы шақырымында, БАКАД қиылысына жақын жерде болған.
Аймаққа қарай келе жатқан Toyota Camry көлігі жаяу жүргіншілер өткелінде жолды кесіп өтіп бара жатқан жаяу жүргіншіні қағып кеткен. Әйел алған жарақатынан жедел жәрдем келгенше көз жұмды.
Оқиға орнына жеткен полицейлер шетелдік көліктің жүргізушісін қамауға алған. Қазір жол апатына қатысты қылмыстық іс қозғалып, тергеу амалдары басталды.
Айта кетейік, кеше Алматыда автобус бес жастағы баланы қағып кеткені туралы хабарлаған едік.

Қорғаныс министрлігі желіде қызу талқыланған министр мен отбасының суретіне қатысты пікір білдірді, деп хабарлайды “Адырна” ұлттық порталы.

Қорғаныс министрі Руслан Жақсылықовтың отбасымен түскен фотосы Астанадағы фотостудияның парақшасында тамыз айында жарияланған. Алайда министрлік тарапынан фотоға қатысты түсіндірме болмады. Тек бүгін Мәжіліс кулуарында қорғаныс министрлігінің ресми өкілі Руслан Жанғулин фотосессияға қатысты пікір білдірді.
Генерал-полковник Руслан Жақсылықовтың жұбайы және 3 баласымен әскери киім киіп, медальдармен фотосессия жасағанын көруге болады. Көпшілік 58 жастағы министрдің әйелінің өзінен әлдеқайда жас екеніне назар аударып, таңдана пікір жазған. Дереккөзде Жақсылықовтың әйелі Ұлттық ұланда биші екені, есімі Эльмира екені анықталған. Генерал-полковниктің әйелі де әскери шенге ие.

📌Толығырақ adyrna.kz сайтынан оқыңыз.

Қазақстан басшысы Тәуелсіз Мемлекеттер Достастығы ұйымына мүше мемлекеттер басшылары кеңесінің отырысына қатысып, басқаларды бәтуаға шақырды. Бұл туралы Ақордаға сілтеп “Адырна” ұлттық порталы хабарлайды.

Президент Қасым-Жомарт Тоқаев 8 қазандағы жиында дәстүрлі қонақжайлығы және Ресейдің ТМД-ға төрағалық ету барысында нәтижелі жұмыс атқарғаны үшін Ресей басшысы Владимир Путинге алғыс айтты.
Мемлекет басшысы 1991 жылы Алматы Декларациясының негізінде құрылған ТМД-ның әлеуетін беделді халықаралық ұйым ретінде одан әрі нығайту Қазақстан үшін басты басымдықтың бірі екеніне назар аударды.

📌Толығырақ adyrna.kz сайтынан оқыңыз.